رواية كاملة بقلم زينب مصطفى

=يمـ،ـوتها ده ايه دول حبيتين مسهل مش اكتر
شهقت ملك بخوف وهي تضع يدها على فمها تدرك زلتها
اقترب قاسم منها وهو ينظر لها بدهشه
=عملتي ايه..حطيتلها ملين في الاكل
تراجعت ملك للخلف وهي تقول بغضب طفولي وقد تجمعت الدموع بعينيها
=ما هيه الي استفذتني قعدت تقول عليا خدامه وهي ملكه
توقف قاسم وهو يقول بهدوء وهو يشير اليها
=ملك تعالي هنا .. تعالي ومتخافيش
اقتربت منه ملك بتردد حتى اصبحت قريبه منه فمد يده سريعا ولف يديه حول خصرها يقربها منه وهو يمرر يده في خصلات شعرها الناعمه
=بقى عملتي كده علشان قالتلك انك خدامه والا عملتي كده علشان غيرانه منها
ملك باستنكار
=وأنا هغير منها ليه..
قاسم وهو يلف يده حولها يقربها اكثر منه ويرفع وجهها اليه
=علشان شفتيني وانا شايلها امبارح واحنا راجعين من السهره
حاولت الابتعاد عنه وهي تقول بغيره
=قصدك وانت بتبـ،ـوسها..بس عادي يعني ماهي مراتك وطبيعي ان يحصل بينكم كده
ضحك قاسم بحنان وهو يضمها اليه ويقول بهدوء
=عموما لو عملتي كده علشان غيرانه او حتى علشان هي غلطت فيكي فالي عملتيه ده غلط وكان ممكن يتسبب لها في مشكله صحيه كبيره وعلشان كده عاوذك توعديني انك متعمليش كده تاني..
هزت ملك رأسها بموافقه وهي تقول بصوت غير مسموع
=اوعدك اني معملش كده تاني
لتتابع بغضب
=بس هي برضه تبطل تتكلم معايا من طرف مناخيرها وتبطل تقول عليا خدامه
قاسم وهو يضع شعرها خلف إذنها بحنان
=انا هكلمها وهخليها معدتش تقولك كده تاني بس انتي برضه اسمعي الكلام واقلـ،ـعي اللبـ،ـس ده وانسي موضوع انك تخدمي في الفيلا تاني ..اتفقنا
هزت ملك رأسها بموافقه وهي تقول بطاعه
=اتفقنا..
قاسم وهو يمرر اصابعه على وجنتيها
بحنان
=ودلوقتي اطلعي أوضتك ارتاحي شويه وخدي شاور واستعدي للحفله وانا هكلم دار الازياء الي بنتعامل معاها تبعتلك فستان سهره بكل مستلازماته
ملك بدهشه
=ليه وهو انا هحضر الحفله
قاسم وهو يضمها اليه ويقول بتهكم
=طبعا هتحضري الحفله يعني يرضيكي ابقى متجوز اتنين وفي الاخر احضر الحفله لواحدي
ليتابع وهو يمرر اصبعه على شفتيها بشغف
=وبعدين انتي المسئوله عن تعب نيرفانا يبقى العدل انك تحلي محلها وتقومي بدورها
نظرت ملك اليه بخوف وهي تقول بارتباك
=وهحضر بصفتي إيه..
قاسم بجديه وتصميم
=بصفتك ملك هانم مرات قاسم بيه الانصاري والا انتي عندك اعتراض
ملك بارتباك
=بس..
قاسم بجديه
=مفيش بس .. ويلا اطلعي علشان تلحقي تستعدي
هزت ملك رأسها وهي تقول بطاعه
حاضر
لتتوجه الى غرفتها تحت نظرات قاسم العاشقه
في المساء
نظرت ملك للفستان الذي بعثته دار الازياء إليها بإنبهار بلونه الذي يتدرج من البنفسج للاحمر اللامع والمصنوع على شكل ورده متفتحه

لتبدء في ارتدائه بعد ان وضعت مكياج للوجه متقن و صففت شعرها وتركته منساب خلف ظهرها بأناقه لتتأمل النتيجه النهائيه برضا وتتفاجأ بوجود قاسم الذي وقف خلفها يتأملها بعشق
ابتسمت ملك برقه وهي تقول بخجل =إيه رأيك..
قاسم وعيناه تمر عليها بحب
=ذي القمر ..
ملك بسعاده
=الفستان حلو أوي يجنن..بس
لتتوقف فجأه عن الكلام ويقترب قاسم منها باستفهام
=بس ايه في حاجه لسه نقصاكي
ملك وهي تبتسم بارتباك
=لاء..بس انا يعني كنت خايفه..
لف قاسم يده حولها باحتواء وهو يقول بجديه
=خايفه من ايه يا ملك قولي
تجمعت الدموع في عين ملك وهي تقول بانكسار
=خايفه لتكون الحفله دي جزء من خطه جديده انت بتجهزها للانتقام مني
ضمها قاسم اليه وهو يقول بحنان
=انا عارف انك خايفه مني بس صدقيني الحفله دي ملهاش اي علاقه باي نوع من انواع الانتقام ..
ليتابع بحنان وهو يدرها باتجاه المرٱه
=ودلوقتي خليني البسك الطقم ده علشان جمال الفستان يكمل
نظرت ملك بدهشه للعلبه رائعة الجمال التي فتحها قاسم امام عينيها ليظهر طقم من الياقوت المرصع بحبات الالماس رائعة الجمال ليبدء في تقبيل عنقها بعشق ثم وضع عقد الياقوت حول عنقها ثم يتناول يدها يقبلها برقه وهو يضع خاتم الياقوت به ثم يتوقف قليلا وهو ينظر لملك بحب ثم يقوم بخلع الاسوره التي وضعها في السابق في يدها للتجسس عليها ويضع بديلا عنها اسوره من الياقوت والماس ثم يقبل باطن معصمها برقه وهو يقول بحنان
=دلوقتي بقيتي جاهزه..
اندفعت ملك تحتضنه بسعاده وهي على وشك البكاء ليحتضنها قاسم وهو يمرر يده بحنان على ظهرها
ثم وضع يده حولها واتجه معها للاسفل
في نفس التوقيت ..
غادرت نيرفانا الفراش ووقفت خلف الباب وهي تتابع قاسم وهو يحتضن يد ملك ويتجه بها للاسفل لتقول بكره
=بقى كده واخد الخدامه ونازل بيها الحفله ..طيب يا قاسم لما اشوف انا والا انت
لتبدء بالاتصال بشقيقها رأفت
الذي اتاها صوته وهو يقول بملل
=عاوذه ايه بتتصلي ليه دلوقتي
نيرفانا بقسوه
=انا موافقه على الخطه الي قلتلي عليها ..بس بشرط تنفذها النهارده
انا مش هطيق اشوف البت دي في الفيلا بعد كده
رأفت بتفكير ..
=خلاص سهليلي دخولي الفيلا وسيبي الباقي عليا..بس المهم تبقي قد كلامك
لان الي هنعمله مش سهل
نيرفانا بقسوه
=قلتلك انا هنفذ كل الي هتقوله ..انا هستناك عند بوابة الخدم كمان اربع ساعات تكون الحفله خلصت و علشان ادخلك من غير حد ما يشوفك
ثم اغلقت الهاتف وهي تقول بكراهيه
واخيرا هخلص منك نهائي يا ملك ..
في الاسفل..
شعرت ملك وكأنها تطير من شدة السعاده فقاسم يقدمها لكل المتواجدين في الحفل على انها زوجته و حبيبته ويتعامل معها بمنتهى الرقه والحب وهو يتحرك في الحفل و يحتضن يدها بتملك وكأنه يرفض بعدها ولو ثواني عن عينيه لينتهي الحفل ويتجه بها لغرفتها وهو يقول بعشق
=تصبحي على خير يا حبيبتي
ليميل على شفتيها يقبلهم برقه تحولت دون ان يشعر لشعور جارف بالعشق والتملك ..وملك تشعر بقلبها وكأنه يريد ان يغادرها ليسكن بين ضلوعه
فتح قاسم باب غرفتها وهو يقول بحنان
=تصبحي على خير يا حبيبتي ..
الا ان يدها تشبثت به تستبقيه ليرفع عينيه اليها بعشق وهو يعود لتقبيلها من جديد ويده تمر على ظهرها بتملك
وهو يخلع ثوبها عنها وعيناه تمر على جسدها شبه العاري بعشق وهو يضمها اليه بتملك وشفتاه تطبع قبلات عاشقه متملكه على جسدها الخاضع لسلطان عشقه ليحملها ويضعها على الفـ،ـراش..
شهقت ملك وهي تقول بخوف
=انا كنت عاوذه أقولك حاجه الاول
الا انه تجاهلها وهو يستولي على شفتيها في قـ،ـبله جارفه اودعها كل مايملكه من عشق تجاهها..
في نفس التوقيت ..
وقفت نيرفانا وهي تقول لرأفت بقسـ،ـوه
=اعمل اي حاجه وخلصني منها والفلوس الي انت عاوذها هتكون بكره الصبح في حسابك في البنك
رأفت بكره
=عرفيني انتي بس مكان أوضتها وسيبي الباقي عليا..انا بيني وبين قاسم تار وملك دي هتكون اول مسمار في نعشه
نيرفانا وهي تشير لغرفة ملك
=استنى ربع ساعه وبعدين اطلع لها على اما انفذ الي اتفقنا عليه ثم تركته وتوجهت الى غرفتها
في هذه الاثناء
ابتعد قاسم بصدمه عن ملك وهو ينظر لدليل عزريتها بزهول وهو يقول بصدمه
=إذاي..انتي لسه عزراء..طيب وجوازك من سامح والحمل الي سقطيه ..كل ده اذاي فهميني
ارتعشت ملك بخوف وهي تلف الملائه حولها ودموعها تتساقط بالرغم عنها
وهي تقول بارتعاش
=انا..انا كنت هقولك
نظر قاسم لها بدهشه وهو يحدث نفسه بذهول
=تقوليلي ايه..ان كل ده كان كذب..
ليتابع بغضب من نفسه
=انا كان لازم افهم ومن نفسي.. كل حاجه كانت بتقول انك محدش لمسك قبل كده
ليقول فجأه وهو يلاحظ خوفها الواضح
=البسي هـ،ـدومك ..وتقعدي تحكيلي كل حاجه من غير اي كذب انا عاوذ ديرة الكذب الي محاوطه نفسك بيها دي تنتهي انتي فاهمه
هزت ملك رأسها بموافقه وهي تقول بضعف
=حاااضر
لينطلق فجأه صوت خبطات على الباب و صوت نيرفانا يقول بتعب
= الحقني يا قاسم انا تعبانه اوي
ارتدى قاسم ملابسه بسرعه وهو يقول لملك
=البسي هدـ،ـومك انا راجعلك حالا
فتح قاسم باب الغرفه ليتلقى نيرفانا التي تدعي فقدان الوعي بين زراعيه
في حين ارتدت ملك ملابسها بسرعه ودموعها تتساقط بالرغم عنها فهي تشعر بنفور قاسم الشديد منها فبالتأكيد يشعر انها خدعته وعندما يعلم بحفلات التعذيب التي كان يقيمها سامح لها مع العديد من العاهرات سيشعر بالنفور منها و سيشعر انها لا تصلح لتكون زوجته وان تحمل اسمه
=ملك.. ..
التفتت ملك برعب للخلف لتجد رأفت يقف على باب الشرفه وهو يقول بثقه
=ملك انا جيت علشان اهربك انا عارف ان قاسم حاجزك هنا غصب عنك
تراجعت ملك برعب للخلف وهي تقول بخوف
=قاسم مش حاجزني هنا غصب عني انا قاعده هنا برضايا
رأفت بغضب
=انا عارف انك بتقولي كده علشان خايفه منه بس متخافيش انا اقدر احميكي منه كويس
تراجعت ملك بخوف للخلف لتتفاجأ بدخول قاسم فجأه للغرفه لتضيق عينيه
وهو يقول لرأفت بقسوه
=انت بتعمل ايه هنا
رأفت بتحدي
=جاي ازور حبيبتي واخدها معايا عندك مانع
قاسم بقسوه
=انت اتجننت والا القمار والخمره لحسو دماغك
رأفت بغضب وهو يشهر سلاحه في وجه قاسم
=تعالي يا ملك جنبي متخافيش منه
نظر قاسم الى ملك التي تنظر للسلاح في يد رافت برعب وهو يقول بصرامه
=ملك اخرجي بره الاوضه
الا ان رافت رفع يده وهو يوجه سلاحه الى رأس قاسم وهو يقول بغضب
=لو ملك خرجت بره الاوضه او مجتش هنا جنبي وخرجت معايا حالا الرصاصه دي هتزين دماغك
صرخت ملك برعب واندفعت تقف بجوار رأفت وهي تبكي
=لا يا رأفت انا جايه معاك
قاسم بغضب
ملك..
اندفعت ملك تتشبث بزراع رأفت تحاول اثنائه عن قـ،ـتل قاسم وهي تقول ببكاء
=ملكش دعوه بينا انا بحب رأفت وعاوذه اروح معاه..
لتترجاه ودموعها تتساقط خوفا على قاسم
=يلا بينا نمشي من هنا..انا جايه معاك
نظر لها رأفت بانتصار وفي نفس اللحظه تحرك قاسم يريد ان يأخذ السلاح منه وتنطلق الرصاصه لتصيب قاسم ويقع غارقا في دمائه وسط صرخات ملك التي شقت سكون الفيلا
وهي تصرخ بجنون
=قاسم…قاسم لاءا
ليعاجلها رأفت بضربه قاسيه من ظهر سـ،ـلاحه افقدتها الوعي ليحملها بين زراعيه وهو يقول لنيرفانا التي تقف على باب الغرفه شاحبة الوجه
=لو مات ..هتقولي ان ملك هي الي قـ،ـتلته
=ولو عاش سيبيه ليا انا هتصرف معاه وهدفعه تمن الي عمله معايا اضعاف مضاعفه
ليبتسم وهو يشاهد رقعة الد,ماء التي تتسع حول قاسم
=بس شكله كده مات وشبع مـ،ـوت ..وملك هتشيل الليله
لتنطلق ضحكاته بجنون وهو يحمل ملك ويقفذ بها من الشرفه
الفصل الثاني عشر
#انتقام_اثم
تعالت صرخات نيرفانا الهيستيريه بعد ان تأكدت من ابتعاد رأفت الذي قفذ من الشرفه وهو يحمل ملك الغائبه عن الوعي ليتجمع حولها في اقل من دقيقه معظم العاملين بالفيلا والحرس الخاص بقاسم
ليتم التعامل مع الامر بعمليه وسرعه شديده
احد الحرس بصدمه
=مين الي عمل كده في قاسم بيه
نيرفانا ببكاء هيستيري
=معرفش..انا سمعت صوت الرصاص دخلت لقيته كده
رئيس الحرس بتوتر وهو يضع يده على الشريان النابض في عنق قاسم يتأكد منه انه مازال على قيد الحياه
=مش وقت الكلام ده دلوقتي قاسم بيه لازم يتنقل المستشفى حالا ..جهزو العربيه بسرعه ننقله على المستشفى
ليتابع بصرامه وهو يضغط على الجرح النازف بالقرب من قلب قاسم ويحمله مع عدد من رجاله ليشير لبعض من رجاله الاخرين
=يلا بسرعه..وانتم ماشطو الجنينه والفيلا كلها ماتسيبوش خرم إبره الا لما تفتشوا فيه ..وراجعو الكاميرات وادوني تقرير بالتليفون بكل الي توصلو له
انطلق الحرس ينفذون تعليمات رئيسهم
الذي حمل قاسم في السياره وانطلق سريعا برفقة عدد اخر الى المشفى في محاوله منهم لإنقاذ حياة قاسم الموضوعه على المحك
بعد مرور ساعه…
فتحت ملك عينيها بصعوبه وهي تشعر بألم شديد في رأسها من أثر الضربه القويه التي تلقتها من السلاح الذي كان يحمله رأفت
لتشهق بفزع وهي تجد نفسها تجلس بجانبه وهو يقود سيارته بسرعه شديده اغمضت ملك عينيها برعب وهي تتزكر كل ماحدث لتشعر بقلبها يكاد يتفتت من شدة الالم وهي تتزكر قاسم الذي اصيـ،ـب برصـ،ـاصه غادره أصـ،ـابته في مقتـ،ـل لتشهق بألـ،ـم ودموعها تتساقط بشده وهي تعتدل في مقعدها بخوف
=قاسم …قاسم جراله ايه
نظر رأفت اليها وهو يقول بابتسامه سعيده
=متخافيش يا حبيبتي .. قاسم هيمـ،ـوت وهنخلص منه و مفيش اي حد هيعرف حاجه من الي حصلت
ليتابع بسعاده مريضه وهو يدخل بسيارته الى حديقة احدى الفيلل المهجوره والواقعه على اطراف
مدينة القاهره ..
=وساعتها هتورثي كل حاجه ونتجوز وأبني انا امبراطوريتي ..امبراطورية رأفت بيه الدميري
شهقت برعب و هي تستوعب معنى حديثه ودموعها تتساقط بشده وهي تشعر بخوف شديد على قاسم لتقول برعب
=بس قاسم مامتش ..قاسم مامتش انا متأكده من كده
رأفت وهو يعتقد انها خائفه من نجاة قاسم وانتقامه منها
=قلتلك ماتخافيش حتى لو مكنش مات انا هخلص عليه قبل ما يفوق و يحاول ينتقم منا..
ليتابع وهو يخرج من السياره ويفتح الباب الاخر يسحبها منه بعنف وهو يقول لها بصرامه اخافتها
=اهم حاجه تهدي خالص وتسيبني وانا هاتصرف
ليقوم بفتح باب الفيلا الذي اصدر صوت كالنعيق من شدة قدمه وقلة استخدامه
ويدخلها وهو يفتح ضوء البهو ليكشف عن اثاث قديم مهترئ وهو يقول بجديه
=اقعدي انتي هنا و متحاوليش تخرجي بره وانا هحاول اتطمن واعرف قاسم غار في داهيه والا لسه
لتقف تستمع بخوف وتوتر اليه وهو يقف جانبا يتحدث في هاتفه وهي تترقب بلهفه اخبار قاسم و تدعو وتبتهل لانقاذه و دموعها تغرق وجهها وقلبها يكاد ينزف من شدة الالم وهي تتزكر مشهد قاسم الغائب عن الوعي وهو ينزف الد,ماء بشده ..
لتقول بوجع قاتـ،ـل ودموعها تغرق وجهها
=انا مش هخاف انا متأكده ان قاسم مامتش مستحيل يمـ،ـوت مستحيل يمـ،ـوت ويسيبني بعد ما خلاص كنت هقله على كل حاجه
تعلقت عينيها بلهفه برأفت الذي يتحدث في الهاتف بعصبيه ليصرخ فجأه بغضب شديد وهو يغلق الهاتف
=ابن الكلب نجا منها …بس انا الي غلطان اني متأكدتش من مـ،ـوته قبل ما اسيبه وامشي
شهقت ملك بفرحه وهي تشعر وكأن روحها قد ردت اليها مره اخرى لتقع جالسه على الاريكه التي خلفها وهي تضع يدها على وجهها تبكي بهيستريه من شدة فرحتها بنجاته
رأفت بغضب قاتـ،ـل وهو يسئ معنى بكائها
=بطلي عياط ..قلتلك مية مره متخافيش قاسم مش هيقوم منها تاني ..انا حاطط حياتي قدام حياته
ليتابع بغضب
=وحياة رأفت الدميري غاليه أوي ومش بالساهل تنتهي
ليتركها ويتجه للخارج مره اخرى
وهي تنظر له بخوف و تصرخ خلفه برعب خوفا منه على حياة قاسم
=رأفت ..رأفت انت رايح فين
ليأتيها صوت رأفت الغاضب
=رايح اعرف أخر الاخبار بنفسي ..
قبل مأتفاجأ بقاسم داخل علينا بنفسه وبياخد تاره مني
ليغلق الباب بعنف من خلفه بالمفتاح
وينطلق بالسياره مره اخرى بسرعه رهيبه
جلست ملك وهي تشعر بالرعب وهي تتأكد من ان الخطر مازال يحيط بحياة قاسم لتقرر محاولة الهروب من رأفت ومنعه من محاولة أذية قاسم من جديد
في نفس التوقيت
خرج الطبيب من غرفة قاسم بالرعايه الفائقه وتوجه الى نيرفانا الجالسه بتوتر برفقة كامله هانم على احدى المقاعد امام الغرفه
وقفت كامله وهي تشعر بأن قدماها لا تحملها فقاسم بالنسبه لها هو السند والحمايه وهو بمثابة الابن الذي لم تلده فهي من قامت بتربيته ورعايته بعد وفاة والدته وهو ماذال طفل صغير لتقول بارتعاش ودموعها تتساقط بالرغم عنها خوفا من سماعها اخبار سيئه
=خير يا دكتور ..طمني
الطبيب باحترام
=الحمد لله العمليه نجحت وقاسم بيه كل إشاراته الحيويه كويسه ..الرصاصه كانت قريبه جدا من الشريان الرئيسي في القلب وتجاوزته بسنتيمترات قليله
وده الي خلى العمليه صعبه وخطيره بس قدرنا نعملها بنجاح المشكله الي بتقابلنا دلوقتي هي انه اتعرض لنزيف شديد فهنحاول نعوضه الدم الي فقده بس على مراحل وعشان كده هيفضل في العنايه لحد ما نتطمن تماما انه تعدى مرحلة الخطر
شعرت نيرفانا بالد.ماء تسحب من وجهها وهي تشعر بالخوف الشديد فهي تعلم ان قاسم سيشعل الدنيا نارا حتي ينتقم من شقيقها وهي تخشى من معرفته باشتراكها مع رأفت في محاولة قـ،ـتله
لتجلس وهي تشعر بالدوار وتلعن رأفت في داخلها فهو من تسبب في المـ،ـصيبه التي تعيش فيها الان
ارتفع صوت رأفت فجأه وهو يقول بقلق مصطنع
=في ايه يا يا نيرفانا ..الكلام الي سمعته ده صحيح ..قاسم اتضـ،ـرب بالنار
انسابت الدموع على وجه كامله وهي تقول بحزن
=ايوه يا رأفت قاسم اتضـ،ـرب بالنـ،ـار ..اتضرب بالنـ،ـار و محدش عارف هيقوم منها ولا لاء
رأفت بإنتباه وهو يدعو الحزن
=ليه هو الدكتور قال ايه عن حالته
كامله هانم ببكاء وهي تجلس بتعب
=الحمد لله العمليه نجحت وقدرو يطلعو الرصاصه من صدره بس هو نزف كتير وعشان كده هيخلوه في الرعايه لحد ما يفوق ويطمنو انه حالته استقرت
نظرت نيرفانا لرأفت نظره ذات معنى وهي تقول بشحوب
=يعني كلها اسبوع بالكتير وقاسم يفوق وساعتها انت عارف هيعمل ايه في الي عمل فيه كده
شحب وجه رأفت الا انه اجاب بثقه
=طبعا عارف..قاسم هيمسحه من على وش الدنيا
ليتابع بخبث
=بس المهم يقوم لنا منها الاول
كامله هانم وهي لاتدرك مقصده
=قاسم هيخف ..هيخف وهيقوم منها احسن من الاول كمان وهينتقم من الي اتجرء وعمل فيه كده
ربت رأفت على كتفها وهو يقول بخبث
=طبعا يا خالتي بس انتي هدي نفسك
كامله بغل وهي تمسح دموعها التي تنساب على وجهها بدون ارادتها
=كله من وش الخراب الي اسمها ملك من ساعة ما دخلت حياتنا والمصايب قاعده ترف علينا..في الاول سامح ودلوقتي قاسم ..
لتتابع بنواح
=ياما حاولت ابعدها عنهم بس هي ذي ماتكون سحرالهم وأهي بتخلص عليهم واحد ورى التاني
رأفت وهو يتلفت حوله بخبث
=إلا صحيح هي ملك فين مش شايفها
كامله بكراهيه
=معرفش ومش عاوذه اعرف..ياريت الي كان عاوذ يقـ،ـتل قاسم يكون قـ،ـتلها و الا خـ،ـطفها وخلصنا منها وش الخراب دي
نيرفانا بكراهيه وهي تنظر لرأفت نظره ذات معنى
=ياريت ياطنط ..بس دي ذي القطط بسبع ترواح
تجاهل رأفت حديثهم وهو يقول باهتمام
=طيب بلغتوا الانصاري بيه بإلي حصل
كامله وهي تمسح دموعها
=محدش فينا هيبلغه بحاجه دا يمـ،ـوت فيها لو عرف حاجه ذي دي
نيرفانا باعتراض
=بس ده هيهد الدنيا لو معرفش ..لا يا طنط المفروض نبلغه بإلي حصل
كامله بخوف
=يعمل الي يعمله انا أخاف عليه يجراله حاجه.. لما قاسم يفوق ويبقى كويس ساعتها ابقى اعرفه بإلي حصل
نيرفانا باعتراض
=بس..
رأفت وهو ينظر لنيرفانا بغضب وهو يضغط على كلماته
=خالتي عندها حق بلاش الانصاري بيه يعرف دلوقتي ليجراله حاجه وساعتها تبقى المصيبه مصبتين
ليتابع وهو ينظر لكامله بحنان زائف
=عن إذنك يا خالتي عاوذ نيرفانا في موضوع
ليهمس بجانب إذنها
=عاوذ أئكد عليها متقولش لحد على الي حصل حتى ولا لاصحابها الانتيم علشان الخبر ميتسربش للصحافه لحد مانتطمن على صحة قاسم الاول وبعدها قاسم هو الي يقرر هنعمل ايه
هزت كامله رأسها موافقه ورأفت
ينفرد بشقيقته ويقف بها جانبا بعيد عن مكان جلوس كامله
رأفت بغضب
=إنتي غبيه انصاري مين الي عوذاه يعرف بإلي حصل دا هيهد الدنيا فوق دماغنا لو عرف والا ناسيه ان الي اتضرب بالنـ،ـار ده يبقى ولي عهده وحفيده الوحيد
ليتابع بقسوه
=اسمعيني كويس انا عاوذك تمسكي اعصابك ومتخافيش خيوط اللعبه كلها لسه في إيدي كل الي عاوذه منك تبلغيني اول بأول باخبار قاسم وبأي اخبار تعرفيها حتى لو كانت اخبار تافهه بالنسبالك
نيرفانا بغضب
=يكون في علمك انا مليش دعوه بكل الي انت عملته انا مطلبتش منك تمـ،ـوت قاسم انت الي عملت كده لوحدك
رأفت بسخريه
=اه بس طلبتي اني امـ،ـوت ملك والا نسيتي
نيرفانا بغضب
=ماتمـ،ـوت ملك والا تغور في داهيه انا كنت خلاص هبقى حرم قاسم الانصاري رسمي يعني مصلحتي مع قاسم يبقى تقتـ،ـله ليه
رأفت بغضب
=وانا مصلحتي مع ملك الي هتورث كل ده لما قاسم يمـ،ـوت
ليتابع بسخريه
=وبعدين انتي بتضحكي على نفسك والاا بتضحكي عليا قاسم عمره مافكر ولا هيفكر يتجوزك وكل الي بينكم تمثيل في تمثيل يبقى تعقلي وتسمعي الكلام لاني لو وقعت مش هقع لواحدي انتي فهماني طبعا
نيرفانا بغضب وهي تتركه وتذهب الى حيث تجلس كامله هانم
=فهماك يا رأفت ..ربنا يستر ومتودناش في داهيه
اقترب رأفت من كامله هانم وهو يقول بمداهنه
=انا هروح الشركه اخلص الورق المهم الي هناك وارجعلكم تاني لو في اي حاجه حصلت بلغوني علطول
كامله هانم بتعب
=اتفضل انت يابني شوف الي وراك انا عارفه ان الشغل لازم يمشي
ربت رأفت على كتفها بحنان زائف وتركها وتوجه الى خارج المشفى وعقله يعمل في كل الاتجهات
في نفس التوقيت
جلست ملك على الاريكه وهي تبكي بعد ان يئست من محاولة هروبها فكل المنافذ والفتحات الموجوده بالفيلا مسدوده ومغلقه بالسلاسل و الحديد وكأن رأفت قد حول الفيلا لسجن صغير لايستطيع احد الهروب منه
أغلقت عينيها وهي تبكي بتعب و تتزكر أحداث الامس التي بدئت
بإرتدائها فستان رائع كفساتين الاميرات
لتبتسم بحزن ودموعها تسيل وهي تتزكر قاسم وهو يلف يده بتملك حول خصرها وهو يتحدث مع بعض الضيوف بالحفل وهو يحرص على مشاركتها
في الحديث الدائر بينهم ليلتفت فجأه بقسوه الى شخص وسيم يقول لملك بلطف
=تسمحيلي بالرقصه دي
ضمها قاسم الى جانبه وهو يقول بصوت قوي متملك وهو يشير بيده
=ملك هانم مبتعرفش ترقص..اتفضل من هنا
توهج وجه ملك بإحراج وهي تسحب يد قاسم من حولها و تبتعد عنه وتتوجه الى داخل الفيلا بغضب
تبعها قاسم وهو يقول بغضب
=في ايه انتي زعلتي .. ايه كنتي عاوذاني أسيبك ترقصي معاه
ملك بغضب وهي تقول بصوت عالي
=على فكره انا بعرف ارقص سلوو كويس مش بلدي و مبعرفش ارقص ذي ما قلت له
سحبها قاسم الى داخل غرفة مكتبه واغلق الباب خلفه بعد ان لاحظ انهم جذبوا انظار الخدم
قاسم وهو ينظر اليها بغضب
=انا قلت الكلام الفارغ الي بتقوليه ده
ملك وهي تتابع بغضب
=طبعا ما انا مش نيرفانا هانم مراتك الي بتشرفك وواخدها كل يوم في حفله شكل ..
لتتابع بألم
=انا هنا مجرد إستبن بسد مؤقتا مكان نيرفانا
قاسم بذهول من انفجارها المفاجئ وهو يحاول الاقتراب منها
=ملك انتي بتقولي ايه
ابتعدت ملك للخلف ودموعها تسيل بالرغم عنها
=بقول الحقيقه..ايه تنكر اني مجرد بديل لنيرفانا الي لو كانت كويسه مكنتش هتفكر تخليني احضر الحفله معاك
اقترب قاسم منها ببطئ وهي تبتعد عنه للخلف بغضب حتى اصطدمت بالحائط ليحيط خصرها بيده يقربها منه وهو يمسح دموعها ويقول بحنان
=الكلام الي انتي بتقوليه ده كلام فارغ وانا هثبتلك
تركها قاسم وتوجه الى مكتبه الخشبي الكبير وقام بفتح احد ادراجه واخرج منه كرت نحاسي رائع التصميم من كروت الدعوه للحفل وتوجه به الى ملك التي تنظر اليه بحيره
مد قاسم يده اليها بدعوة الحفل وهو يقول بهدوء
=خدي إقري إلي فيه
تناولت ملك منه الكرت بحيره وهي مازالت تشعر بالغضب الا ان شعور بالدهشه الشديده تملكها وهي تقرء إسمها مكتوب بجانب اسم قاسم كداعيه للحفل بصفتها زوجته
شهقت ملك وهي تنظر للمكتوب بدهشه شديده
=إذاي ..انا مش فاهمه حاجه..
اقترب قاسم منها يضمها اليه مره اخرى
وهو يقول بهدوء
=الدعوات دي مطبوعه ومتوزعه من اكتر من اسبوعين ..يعني انا كنت مقرر ومن الاول انا انتي الي هتحضري الحفله وتستقبلي الضيوف معايا بصفتك مراتي
التمعت الدموع في عين ملك وهي تقول بهمس
=انا مش فاهمه حاجه ..طيب ونيرفانا
تنهد قاسم وهو يقول بحنان
=نيرفانا مش مراتي يا ملك .. الي بيني وبين نيرفانا كان مجرد اتفاق
ملك بذهول ودموعها تتساقط
=مجرد اتفاق.. نيرفانا مش مراتك..ايه الي انت بتقوله ده ..انا حضرت فرحكم بنفسي
ضمها قاسم إليه بشده وهو يشعر بارتجافها بين زراعيه ليقول بحنان ويده تمسح دموعها المتساقطه
=دي مكنتش حفلة جواز يا ملك ذي ما انتي فاكره دي كانت حفله شبيهه بالحفله التنكريه يعني اغلب الضيوف كانو بيلبسو اللبـ،ـس الي هما عاوذينه يعني منهم الي لبـ،ـس ذي خدامين او ذي بودي جارد او رجل اعمال ومنهم الي لبست لبـ،ـس عروسه ذي نيرفانا وطبعا انا حرصت انها تكون الفقره الرئيسيه في الحفله علشان انتي تشوفيها
شهقت ملك وهي تقول بدهشه ودموعها تتساقط
=و الفستان العـ،ـريان الي بعته ليا علشان البسه والي معظم البنات الي بيخدمو في الحفله كانو لابسينه كان هو كمان تنكر
تنهد قاسم بندم غاضب
=انا بعترف اني طلبت منهم يبعتولك فستان من الي الخدم هيلبسوه بس انا مكنتش اعرف انه كان عـ،ـريان بالشكل ده ..دا غير ان الفستان ده كانت معظم المدعوات لابسين منه كنوع من التنكر
شهقت ملك بزهول
=يعني انا كنت حاضره الحفله ذي اي مدعوه..يعني مكنتش بخدم فيه
لف قاسم يده حولها يدعمها وهو يشعر بها ترتجف بين يديه ليقول بهدوء
=لا يا ملك انتي محضرتيش ذي اي مدعوه انتي حضرتي بصفتك مراتي وبصفتك الداعيه للحفله
نزلت دموع ملك تغرق وجهها وهي تقول بعدم تصديق وهي تضربه بيديها في صدره
=انت بتكدب عليا.. انا مش مصدقاك انا شفتك بعيني وانت واقف معاها وهي لابسه فستان الفرح
مسح قاسم دموعها وهو يقول برقه
=انا جهزت كل حاجه علشان تبان قدامك كأنه فرح حقيقي في الوقت الي كان كل المدعوين عارفين فيه انها مجرد حفله تنكريه
ملك بذهول
=يعني كل الي حصل الفرح ونومك معاها في اوضه واحده وخروجك معاها كل ده كدب ..طيب ونيرفانا ايه الي يخليها تعمل كده انا متأكده انها بتحبك
قاسم بجديه
=نيرفانا مبتحبش الا نيرفانا وهي عملت كده تنفيذا لاتفاق بينا شغل وهتاخد عليه فلوس
تساقطت دموع ملك وهي تقول بلوم
=شغل هتاخد عليه فلوس إنت قاسي أوي يا قاسم ..قاسي اوي
مسح قاسم دموعها وهو يضمها اليه بحنان
=انا مش قاسي يا ملك انا اتصرفت معاكي بقسوه ورغبتي في الانتقام منك هي الي بتحركني بس دلوقتي عاوذ ابتدي معاكي من جديد من غير انتقام او اسرار وعلشان كده هسيبك تفكري وتردي عليا و أي قرار هتاخديه انا هحترمه وهنفذه ..
ضمها قاسم اليه بتملك شديد وكأنه لا يريد إبعادها عن أحضانه ليتأملها بمداعبه
=ودلوقتي ممكن تصلحي مكياجك الي يشوفك كده يقول اني كنت بعذب فيكي
هزت ملك رأسها بموافقه وهي ماذالت لا تستوعب ولا تصدق كل ماقاله لها
=أنا هطلع أوضتي اصلح مكياجي وهنزل علطول
الا ان قاسم فاجأها وهو يلف يده حول خصرها وهو يقول بحنان انا جاي معاكي
صعد قاسم معها الى غرفتها وجلس على احدى المقاعد وهو يضع ساق فوق ساق ويتأملها بحب وهي تعيد وضع المكياج بارتباك فوق وجهها حتى انتهت ووقفت بالقرب منه لتقول بصوت مبحوح
=انا خلاص خلصت
قاسم بدهشه مصطنعه
=انتي كده خلصتي ..بس لسه في مكياج سايح وملخبط على وشك
نظرت ملك الى وجهها بحيره في المرٱه
فين ده انا مش شايفه حاجه
اشار لها قاسم لتأتي إليه
=تعالي انا هوريكي
اقتربت منه ملك بحيره وهي تحمل منديل لإذالة المكياج لتمد يدها اليه بالمنديل ..الا انه تجاهل المنديل وهو يسحبها من يدها فتقع جالسه فوق ساقيه وهو يسحب المنديل يرميه من يدها بمداعبه
=منديل ايه بس الي همسح بيه المكياج انا عندي طرقي الخاصه الي هظبطو بيها
ليقترب من شفتيها يقبلهم بحنان وملك تشهق بمفاجأه
=قاسم إنت هتعمل إيه
قاسم وهو يقبل الشريان النابض في عنقها بعشق
=هعمل الي كان نفسي أعمله من أول ماشفتك بالفستان ده
ليضـ،ـمها بين زراعيه وهو يستولي على شفتيها بقبـ،ـله أودعها كل شغفه وعشقه بها
استفاقت ملك من زكرياتها على صوت
فتح باب الفيلا ودخول رأفت الغاضب
وقفت ملك وتوجهت اليه تسئله بلهفه
= قاسم..قاسم عامل إيه دلوقتي
جلس رأفت بغضب على احدى المقاعد
وهو يقول بخبث
=فاق وبقى ذي الحصان و كلها اسبوع بالكتير ويرجع البيت والشغل ..الاصابه كانت سطحيه ومتستهالش كل الي حصل ده
تنهدت ملك براحه ..لتضيق عين رأفت وهو يقول بخبث
=شايفك ارتحتي لما عرفتي انه فاق ايه مش خايفه من الي هيعمله فيكي وهو فاكرك شريكتي في كل الي حصل..
ابتلعت ملك ربقها بارتباك
=انا مرتحتش لما عرفت انه كويس انت اكتر واحد عارف انا مش بطيقه قد ايه
بس إنت عرفت انه فاق اذاي
رأفت وهو يتأملها بسخريه ليتابع بكذب
=لا انا معرفتش كده وبس ..انا عرفت كمان انه اول مافاق اتكلم مع البوليس واتهمني انا وانتي بمحاولة قـ،ـتله وكمان اتهمنا اننا على علاقه ببعض وعشان كده حاولنا نقـ،ـتله ..
شهقت ملك برعب ودموعها تتساقط =انت بتقول ايه ..انا مستحيل اصدق الكلام ده
رأفت بسخريه
=ايه خايفه من السجن ..ادعي ربنا ان البوليس هو الي يقبض عليكي لان قاسم طالق رجالته يدورو علينا ولو لاقونا اقل حاجه هيعملها هيسلخ جلدنا واحنا حيين
شهقت ملك بخوف الا ان رأفت قال بخبث
=لا متخافيش اوي كده انا مجهزله فخ مش هيقوم منه نهائي بس محتاج منك مساعده صغيره
تساقطت دموع ملك وهي تقول بخوف..
=فخ ..فخ ايه
رأفت بجديه
=انا هسهلك دخول المستشفى ودخول أوضة قاسم..وهديكي حقنه صغيره تديهاله ..
ليتابع بكراهيه
=ودقايق و هيتحول للمرحوم قاسم الانصاري
شهقت ملك وهي تقف برعب
=انت..انت بتقول ايه..عاوذني اقـ،ـتله
رأفت بكراهيه
=نقـ،ـتله قبل ما يقـ،ـتلنا ..نقتـ،ـله قبل ما يتسبب في سجننا والاا نسيتي هو عمل فيكي ايه نسيتي الذل والاهانه الي عيشك فيهم
ليتابع بقسوه
=حياة قاسم قدام حياتي انا وانتي وانا مش ناوي امـ،ـوت علشان قاسم يعيش ويتمتع بحياته وبالفلوس وفوقهم نيرفانا اختي
شهقت ملك وهي تقول بذهول
=نيرفانا..
رأفت بسخريه
=طبعا نيرفانا الي قاعده جنبه دلوقتي وقاعده جنب سـ،ـريره ومش مفرقاه ولا لحظه وهو مبسوط بكده
رأفت بجديه
=قولتي ايه هتساعديني نخلص منه
صمتت ملك وهي تغلق عينيها بألم تستعيد كل زكرياتها السيئه مع قاسم كذبه عليها إهانته لها خططه الانتقاميه التي لا تنتهي واخيرا رغبته بسجنها وقـ،ـتلها دون الاستماع اليها او الاستماع لمبرراتها لتهمس لنفسها بألم
=تاني يا قاسم..تاني بتظلمني وتيجي عليا من غير حتى ما تديني فرصه اني ادافع عن نفسي
لتقول فجأه بقسوه
=انا موافقه يا رأفت ..موافقه وهعمل الي تقولي عليه
لتتابع بغضب
=انا مش هعيش حياتي كلها بكفر لقاسم عن ذنب انا معملتوش
اقترب منها رأفت يحاول احتضانها الا انها ابعدته وهي تقول بصرامه
=بعدين ..مش دلوقتي ..وبالحلال
تأملها رأفت بإنتصار وهو يقول بفرحه طاغيه
=طبعا بالحلال يا روح قلبي ..كله هيبقى بالحلال
ليبتسم بانتصار وهو يشعر انه حقق نصف أهدافه والنصف الاخر سيتحقق قريبا بمـ،ـوت قاسم
الفصل الثالث عشر❤
#إنتقام_أثم
جلست ملك تستمع بتوتر الى رأفت الذي جلس أمامها يقول بصرامه
=اسمعيني كويس وركزي في الي هقولك عليه..انا عملتلك أيديا مزوره بإسم ممرضه من الي شغالين في المستشفى و اتفقت مع ناس من جوه المستشفى هيسهلو دخولك لأوضته هيبقى قدامك خمس دقايق بالظبط تدخلي أوضته تديه الحقنه بسرعه وتخرجي من تاني
ليتابع بتأكيد
= بعدها النور هيقطع…المحول الكهربائي الاحتياطي هيشتغل بعدها بدقيقه بالظبط..في الدقيقه دي تكوني خرجتي من الاوضه وجريتي على سلم الطوارئ تنزلي منه هتلاقيني واقف بالعربيه مستنيكي تحت هخدك و هنمشي علطول ولا من شاف ولا من درى
ملك بتعب
= وكاميرات المراقبه..و حرس قاسم ونيرافانا وملك هانم الي مش بيفرقوه
رأفت بثقه وغرور
=ودي حاجه تفوتني ..انا جهزتلك نقاب وطرحه كبيره هتلبسيهم فوق هـ،ـدومك علشان محدش يقدر يتعرف عليكي لو ظهرتي في الكاميرات وبالنسبه لنيرفانا وكامله فانا حجزتلهم جناح في المستشفى بحجة انهم يستريحوا و ينامو فيه بليل ..يعني في الوقت الي انتي هتدخلي له فيه هيبقو هما بعيد عن اوضة قاسم والحرس ممنوعين من انهم يقربو من اوضته لانه لسه في العنايه المركزه والمكان ده ممنوع حد يقف فيه او يقرب منه الا الدكاتره والممرضين بس
ليشير لخريطه صغيره أمامه
=دي أوضة قاسم وده رقمها عاوذك تحفظي المكان والرقم كويس
الا ان ملك تجاهلت حديثه عن غرفة قاسم وهي تقول بحيره
=وهو قاسم ليه لسه موجود في اوضة العنايه المركزه مش انت قلت انه فاق وبقى كويس
تنحنح رأفت بخبث
=بيدلع ..خايف على نفسه ..عاوذ يحس بأهميته مش مهم هو لسه ليه موجود في العنايه.. المهم انك تحفظي مكان ورقم أوضته كويس لأنه هيتنقل بكره اوضه عاديه وساعتها هيبقى مستحيل نوصله من الحرس بتاعه الي هيملى المكان
ملك بتوتر
=تقصد ايه
رأفت بتأكيد وهو يراقب ردود أفعالها
= أقصد اننا هنفذ الي اتفقنا عليه النهارده ..ولاا رجعتي في كلامك
سكتت ملك قليلا لتقول بجديه
= لا مرجعتش في كلامي وهنفذ كل الي اتفقنا عليه
رأفت بإرتياح وهو يشير لغرفه مغلقه
=يبقى اتفقنا .. على أما أحضر الحقنه الي هتخلصنا من قاسم إدخلي انتي الاوضه دي هتلاقي اللبرس بتاع المستشفى والأيديا بتاعتك البسيهم والبسي النقاب وتعالي..
هزت ملك رأسها بتوتر وهي تدخل الغرفه وتبدء في ارتداء الملابس التي احضرها لها رأفت وهي عباره عن بنطال من القماش الابيض وفوقه جاكيت مقفول طويل يصل لقبل ركبتيها بقليل من اللون نفسه ثم قامت بلف حجاب ابيض طويل وتثبيت النقاب فوق وجهها
لتتنهد بتوتر وهي تتأمل نفسها في المرآه وهي تثبت الهويه المزوره فوق صدرها وقد إلتمعت الدموع في عينيها وهي تقول بتوتر ..
= إجمدي يا ملك وكل حاجه هتم ذي ما انتي عاوذه
ثم تلفتت حولها بتوتر وهي تتأكد من وجود ورقه مطويه وضعتها منذ قليل سرا بداخل صدرها ثم تنهدت وهي تقول بتوتر
= كده انا بقيت مستعده
ثم خرجت الى البهو لتجد رأفت يجلس وهو يدخن وأمامه سرنجه مملوءه بدواء شفاف كالماء أمسكها وهو يقول بمرح
= مين يقول ان الحقنه دي الي تمنها ميساويش عشره جنيه هتنقذنا من المـ،ـوت وهتخلينا في ظرف دقايق ميليارديرات..
نظرت ملك للحقنه في يده وهي تقول بتوتر وخوف
= هي دي حقنة إيه
رأفت بتشفي وهو يمد يده بالحقنه يعطيها لها
= أنسولين .. هتدخل جسم قاسم من هنا وهيحصلو غيبوبة سكر من هنا ومفيش اي حد مهما عمل هيقدر يلحقه او ينقذه
إبتلعت ملك ريقها بتوتر وهي تأخذ الحقنه منه وتضعها بداخل علبه صغيره وتضعها بداخل جيبها
وهي تقول بتوتر
= هنمشي دلوقتي وألا هنستنى شويه
وقف رأفت واقترب منها وهو يمد يده يحاول احتضان يدها الا انها ابتعدت عنه وهي تقول بغضب
= رأفت قلتلك قبل كده انا مبحبش الاسلوب ده و أي حاجه مابينا لازم تكون بالحلال
ابتعد رأفت سريعا وهو يقول بخبث
= عندك حق يا حبيبتي كله هيبقى بالحلال ..أوعدك اول ما تمي عدتك هنتجوز علطول وساعتها هعوضك عن كل الي حصلك على ايد عيلة الانصاري..
ليتابع بمداهنه
= يلا بينا يا حبيبتي يدوبك نتحرك دلوقتي
هزت ملك رأسها بموافقه وهي تحبس دموعها وهي تقول بصوت مخنوق
= طيب انا هدخل الحمام الاول اغسل وشي علشان أفوق
تنهد رأفت بفروغ صبر
= بس اخلصي بسرعه لازم نكون قدام المستشفى الساعه اتناشر بالظبط
دخلت ملك الى الحمام سريعا وهي تقول
= دقيقه مش هتأخر
اغلقت ملك باب الحمام خلفها بتوتر وخوف ثم توجهت سريعا الى حوض الوجه وفتحت المياه ثم أخرجت الحقنه وافرغتها في الحوض ثم قامت بغسلها اكثر من مره ثم أعادت ملئها بمياه من الصنبور و اغلقتها و أعادتها ثانيه بداخل العلبه وهي تكاد تمـ،ـوت من
شدة الخوف
ليتعالى صوت رأفت وهو يقول بانعدام صبر
= يلا يا ملك هنتأخر بتعملي ايه كل ده
اسرعت ملك بوضع القليل من الماء على وجهها ثم خرجت وهي تقول بهدوء
= يلا انا جاهزه …
خرجت ملك برفقة رأفت وجلست بجانبه في السياره بدون ان يتحدث أيآ منهم
حتى توقف رأفت أمام سلم المشفى الخلفي والمصمم للطوارئ
رأفت بجديه
= مش عاوذك تخافي وافتكري كل الي عمله فيكي علشان قلبك يأسى ويجمد وعاوذك تفتكري حاجه واحده بس ان بكره الصبح قاسم مش هيكون موجود وكل الثروه والفلوس دي هتبقى لينا لوحدنا
هزت ملك رأسها بتوتر وهي تحاول الخروج من باب السياره الا انه منعها وهو يقول بقسوه
= طول ما انتي معايا و بتسمعي كلامي هتكسبي لكن لو خنتيني مـ،ـوتك ده هيكون حاجه قليله أوي على إلي هعمله فيكي
شعرت ملك بالخوف يستولي عليها الا انها أجابته بثقه
= ولزمته ايه الكلام ده دلوقتي
رأفت وهو يشير لها بالخروج
= أنا بفكرك بس علشان الشيطان ميوذكيش ويضحك عليكي و يخليكي تخونيني
خرجت ملك من السياره وهي تقول بثقه مزيفه
= لاء إطمن أنا معاك ومستحيل أخونك
ثم تركته بثقه وتوجهت الى الباب الخلفي للمشفى و الذي يقع في شارع جانبي ضيق خالي من الماره خصوصا في هذه الساعه المتأخره من المساء
دفعت ملك الباب بحزر فوجدته غير موصد لتبدء في الصعود بتوتر الى الطابق المتواجد به قاسم
في نفس التوقيت ..
رأفت وهو يتحدث مع نيرفانا في الهاتف بصرامه
= عاوذك تبعدي كامله عن أوضة قاسم خالص لحد ما ملك تخلصنا منه
نيرفانا بهدوء
= متخفش كامله نايمه بقالها ساعه و أكتر بس انت خلصنا انا خلاص أعصابي تعبت
رأفت بسخريه
= لا سلامة اعصابك يا نينو ..انا هقفل دلوقتي و انتي لو جرى اي حاجه إديني خبر علطول
ليغلق الهاتف دون انتظار اجابتها وعينيه تتعلق بقلق بمبنى المستشفى
وهو يقول بفروغ صبر
= يلا يا ملك ..خلصيني
في نفس التوقيت ..
وصلت ملك الى الطابق المتواجد به غرفة قاسم لتجد الهدوء التام يسيطر على المكان لتقف امام غرفة قاسم بتوتر ثم أخذت نفس عميق ودخلت الى الغرفه ..
وقفت ملك قليلا حتى تعودت عينيها على الظلام الذي يسود الغرفه وهي تكتم شهقتها و دموعها تنساب على وجنتيها بغزاره وهي تتأمل قاسم النائم في الفراش وجسده موصول بالاجهزه الطبيه
اقتربت ملك منه وهي تتأمله بعشق حتى اصبحت بجانبه وهي تمنع نفسها بالقوه من تقبيله واحتضانه وهي تتزكر تحزيرات رأفت لها ..
= خدي بالك انا عرفت مواعيد الدوا بتاعة قاسم وحرصت انك تدخلي بعد مايكون خد حقنه منومه لانه لو كان صاحي ده ممكن يبوظلنا كل الي بنخطط له فانا عاوذك تدخلي وتخلصي بسرعه قبل مايفوق من تأثير الدوا المنوم
اقتربت ملك من قاسم النائم تتأمله بصمت وبلهفه وهي تتأكد إنه مازال على قيد الحياه وعينيها تتسع بخوف وهي ترى اثر الجراحه التي أجراها لإخراج الطلق الناري من صدره
لتغلق عينيها بألم وهي تمنع يدها بالقوه من ان تمتد وتلمس جراحه
وهي تهمس بيأس ودموعها تتساقط بالرغم عنها
= ركزي في الي انتي جايه تعمليه
أخرجت ملك الورقه التي كانت تخبئها في صدرها ووضعتها بهدوء أسفل وسادة قاسم
ثم مسحت دموعها وهي تفتح العلبه التي بحوزتها واخرجت منها سرنجة الدواء وهي تنوي افراغها بعيدا الا انها تفاجئت بيد تحيط بيدها بقوه تسحب منها سرنجة الدواء قبل ان تفرغها وصوت ساخر يقول بقسوه
= هو ده الي انتي عاوذه تركزي وانتي بتعمليه …عاوذه تقتـ،ـليني
شهقت ملك بخوف ونور الغرفه يسطع فجأه والمكان يمتلئ بالحرس الخاص بقاسم ونيرفانا وكامله هانم يقفون وهم ينظرون إليها بشماته
تراجعت ملك للخلف بخوف والمفاجأه تشل تفكيرها
وقاسم يقف أمامها بغضب يكاد يحرق الاخضر واليابس
أمسك قاسم زراعها بقسوه شديده وهو يشير لها بالحقنه التي كانت تحملها
= إيه دي يا ملك ..عاوذه تمـ،ـوتيني الاجـ،ـرام والجشع وصل بيكي للقـ،ـتل
ارتفع صوت نيرفانا بتشفي
= عشان بعد كده تبقى تصدقني لما قلتلك انها بتحب رأفت وبتخونك معاه أهي جات علشان تقتـ،ـلك ذي ما قلتلك
صرخ قاسم بغضب
= اخرسي واطلعي بره ..خرجهم بره
اخرج رئيس الحرس نيرفانا وكامله الذي اصابهم الرعـ،ـب من قاسم الذي اصبح على حافة الجنون وهو يصرخ بملك التي تقف وهي تكاد تمـ،ـوت من شدة بالرعـ،ـب
=دافعي عن نفسك وردي عليا انتي كنتي جايه تقـ،ـتليني ..انتي فعلا بتخـ،ـونيني مع رأفت وجايه تقـ،ـتليني
تساقطت دموع ملك بخوف وهي تهز رأسها بنفي وهي تشعر ان الكلمات تهرب منها وهو يمسك بزراعيها يهزها بعنف
= انطقي ..قولي اي حاجه..اكدبي وانا هصدقك.. اكدبي ياملك وانا هصدقك .. الغبي الي بيحبك وكان عاوذ ينسى كل خطايكي هيصدقك
ثم تبع كلماته بصفعه قويه على وجهها وهو يقول بغضب مجنون
= انتي طالق ياملك ..طالق
ليتابع بغضب مجنون وهو يصفعها
= مش هتمـ،ـوتي و انتي مراتي وبتحملي اسمي مش هتمـ،ـوتي و انتي على ذمتي
لتتبعها صفعه اخرى واخرى جعلتها على وشك الغياب عن الوعي و الد,ماء تسيل بغزاره من انفها وفمها وهو يسحبها من شعرها يلقيها ارضا و يركلها بقسوه في جانبها ويقول بغضب
=هاتولي الكلب الي خانتني معاه ..هي وعشيقها الاتنين مش هيطلع عليهم نور الدنيا من تاني
ثم سحبها بعنف من على الارض وهو يقول بغضب
= قومي علشان تشاركي عشيقك مصيره الاسود
شعرت ملك انها على وشك الانهيار وملابسها البيضاء قد اصطبغت باللون الاحمر لون دمائها
وهي تترجاه بارتعاش وتقطع
= قاسم ..اس..اسمعني.. انا..أه
الا انه عاجلها بصفعه قويه أخرستها
= اخرسي ..ايه هتكدبي تاني وتقولي ايه والا لسانك اتفك دلوقتي علشان خايفه على حبيب القلب
ليتابع بغضب وهو يلقيها مره اخرى ارضا
= متخافيش مش هحرمكو من بعض انتو الاتنين هتدـ،ـفنو النهارده مع بعض وفي قبـ،ـر واحد
= ايه الي بيحصل هنا انتو ايه الي بتعملوه في الممرضه دي
استدار قاسم بغضب الى صوت الطبيب الذي ارتفع بخوف ودهشه
في حين حاولت احدى الممرضات التي ترافقه الصراخ وهي تشاهد اثار الضرب والد,ماء التي تغرق وجه وملابس ملك الا ان ارتفاع سلاح حرس قاسم في وجهها اخرسها هي والطبيب
وقاسم يقول بغضب
= بره مش عاوذ حد هنا..
استدارت الممرضه وغادرت وهي تجري للخارج برعب وحاول الطبيب الخروج خلفها و شعوره بالرعب يسيطر عليه الا ان و فجأه انقطعت الكهرباء عن غرفة قاسم والمستشفى كلها وقاسم يصرخ بغضب
= ايه الي بيحصل في المستشفى الزفت دي فين النور ..اقفلو الباب متخلوش حد يخرج
لتتنبه ملك لانقطاع النور وتتحرك داخلها غريزة البقاء على قيد الحياه والتي انقذتها في السابق من سامح وجنونه
لتقاوم ألامها والدوار الذي يسيطر على رأسها وتتجه زحفا وبسرعه الى باب الغرفه التي يحاول الحرس اغلاقها و لكن الطبيب الخائف حاول مقاومتهم برعب وهو يحاول المغادره وصوت قاسم الغاضب يعلو بالسباب وهو يبحث عنها وسط الظلام الحالك و الشجار الدائر في الغرفه حتى استطاعت التسلل من بين الاقدام المتشابكه للخارج والجري سريعا وهي تنزف وتخرج من سلم الطوارئ وهي تكاد تغيب عن الوعي لتسقط فجأه ثم تقف وتسقط و تقف حتى استطاعت الوصول الى الشارع الجانبي الخالي من الماره
لتشهق برعب وهي تستمع الى صوت اقدام حرس قاسم وهم يلاحقونها على سلالم المشفى ..جرت ملك بسرعه وخوف وهي تتلفت حولها لتصرخ فجأه برعب وهي تجد يد تجذبها من زراعها وصوت انثوي خائف يقول
= تعالي انا شفت كل حاجه انا هساعدك تهربي منهم ..
إلتفت ملك اليها لتجد انها نفس الممرضه التي كانت برفقة الطبيب في غرفة قاسم
الممرضه بخوف
وهي تشير لعربه قديمه متهالكه
= تعالي انا عربيتي واقفه هناك
تبعتها ملك بدون تفكير وهي تشعر بالدوار يستولي على رأسها و دخلت الى السياره وجلست في الاسفل خوفا من ان يراها حرس قاسم الذين انتشرو في المكان بحثا عنها
قادت الممرضه سيارتها بسرعه وملك ترفع رأسها قليلا بخوف لتشاهد قاسم وهو يقف في ساحة المشفى يبحث عنها بجنون لتتساقط دموعها بحسره وتغيب فورا عن الوعي
بعد مرور ساعه..
جلس قاسم على طرف فراشه وهو يتجاهل ألامه الجسديه والجرح النازف في صدره وهو يدير الحقنه التي كانت بحوزة ملك بين اصابعه وهو يستمع بغضب مكتوم الى حديث رئيس الحرس الخاص به
ليقول بغضب شديد
= يعني ملك ورأفت ..الاتنين قدرو يهربو منكم
رئيس الحرس بارتباك
= حضرتك كنت موجود لما هي قدرت تهرب وشفت الي جرى بعنيك ورأفت احنا نزلنا لقيناه مش موجود وكأن حد نبهه اننا رايحين نقبض عليه ولما راجعنا كاميرات المراقبه إتأكدنا ان هرب لواحده ..كان قاعد في العربيه وفجأه جري بيها وهو لواحده أما ملك فمقدرناش نوصل هي قدرت تهرب من المستشفى إذاي وخصوصا ان مفيش كاميرات مراقبه على باب طوارئ المستشفى
هز قاسم رأسه باستنكار وهو يستمع اليه بغضب ليقول فجأه
= إنت مرفود ..انت وكل الي معاك .. اتفضل بره وابعتلي مدير المستشفى
نكس رئيس الحرس رأسه بأسف ثم خرج دون ان يعلق
في حين حاول قاسم عدم النظر الى أثار د,ماء ملك التي تنتشر على ملابسه ويده وهو يشعر بالرغم عنه بالألم والغيره وهو يتخيل انها برفقته الان ليتصاعد بداخله شعور قوي بالغيره والمهانه تملتكه وقلبه وعقله يبحثون لها عن مبررات لخيانته..ليشعر بالغضب يتصاعد بداخله وهو يشعر بالضعف يتملكه تجاهها من جديد حتى وهي خائنه قـ،ـاتله يعشقها ويشعر انه على وشك ان تذهق روحه من شدة شعوره بالالم ليغلق عينيه وهو يتمنى انها نجحت في مهمتها وقتـ،ـلته دون ان يعرف بخيانتها وبعشقها لأخر فذلك اقل ألما بالنسبه له من معرفته بخيانتها له مع رأفت ومحاولتها قـ،ـتله ليتجاهل مشاعره وهو يبحث بتوتر عن هاتفه وهو ينوي طلب طاقم حراسات جديد وعقله يعمل بغضب في كل الاتجهات وهو يحاول التكهن بمكان ملك ورأفت ليجده ملقي أرضا ..
انحنى قاسم يلتقط هاتفه ليلفت نظره ورقه مطويه ملقاه ارضا اسفل فراشه
امسكها وهو يقلبها في يده و يفتحها لقرائتها الا انه توقف مع دخول مالك المستشفى الذي قال بارتباك واحترام
= قالولي ان حضرتك عاوذ تشوفني
مد قاسم يده له بالحقنه وقال بصرامه مخيفه
= انا عاوذ اعرف الحقنه دي فيها ايه ..ايه نوع الدوا الي فيها
تناول مالك المشفى الحقنه منه وهو يقول بارتباك
= حاضر يا فندم نص ساعه بالكتير وهقول لحضرتك كل الي انت عاوذه
قاسم بصرامه
= عشر دقايق ..قدامك عشر دقايق بالظبط وتكون الاجابه عندي..
استدار مالك المشفى وهو يقول بارتباك
= حاضر يا افندم ..عشر دقايق والنتيجه هاتكون عند حضرتك
خرج مالك المشفى وهو يشير لنيرفانا وكامله هانم احترام وهم يدخلون الغرفه
نيرفانا وهي تقترب منه وتقول بشماته
= مش قلتلك انها خاينه وكلبة فلوس وتعمل اي حاجه علشانها اهي حاولت تقـ،ـتلك وانت الي مكنتش مصدقني مع اني ضحيت بأخويا علشانك وعرفتك انه مشترك معاها في الجريمه الي كانو عاوذين يعملوها..
لتتابع بتشفي
= عشان تعرف مين الي بيحبك حقيقي وبيضحي علشانك باي حاجه و اي حد حتى لو كان الحد ده هو اخويا الوحيد
تجاهل قاسم حديثها وهو يفتح الورقه التي وجدها اسفل الفراش ليعقد حاجبيه وهو يشير لها بحده بالصمت
ليبدء بقراءة المكتوب بها وهو يشعر بالصدمه تستولي عليه
= حبيبي …
أنا مش عارفه انت هتشوف الورقه دي والا لاء ومش عارفه أبتدي منين بس هحاول
أنا خايفه أوي يا قاسم .. خايفه ومش عارفه أعمل إيه ..رأفت خطفني بعد ما ضـ،ـربك بالنـ،ـار وكل الي مسيطر على تفكيره انه عاوذ يقتـ،ـلك ويتجوزني علشان يستولي على فلوسك..
انا خايفه منه كل حاجه فيه بتفكرني بسامح وبجنونه
عشان كده أنا طاوعته وفهمته اني موافقه اني أتعاون معاه واني أقـ،ـتلك علشان ميتصرفش لوحده ويحاول يقـ،ـتلك هو ..على الاقل اقدر امنعه او أماطل لحد ما تفوق وتقدر تتصرف انت معاه
طبعا هو ميعرفش كل الي بينا وميعرفش اني عندي استعداد اني امـ،ـوت الف مره بس انت تكون كويس وبخير
شعر قاسم بصدمه شديده و يده ترتعش بشده وهو يحمل خطابها ولم يشعر بدموعه التي تساقطت بالرغم عنه وهو يكمل قرائة رسالتها
= انا كمان عملت نفسي موافقه اتجوزه لاني خفت منه ..خفت انه يعتدي عليا لو حس برفضي له
إنقبضت يد قاسم بشده حتى برزت عروقه من شدة الغضب وهو يتابع القراءه
كمان في اعتراف انا ناويه أقوله ليك بس مش عوذاك تزعل مني..
انا ناويه اهرب من رأفت بس بعد ما اكون شفتك و اتطمنت عليك وبعدها هامشي وابعد بعيد واسيبك تقرر من غير ضغوط عاوذ تكمل معايا والا لاء خصوصا بعد الي هتعرفه عني انا وسامح و ظروف جوازنا
ليتابع القراءه بألم وهو يشعر وكأن كلماتها سهام من نـ،ـار تخترق قلبه وتكويه بنيران الندم
= قاسم لازم تعرف اني بحبك ..بحبك أوي بحبك حتى اكتر من نفسي وحتى لو قررت بعد ما تعرف الحقيقه انك مش عاوذ تكمل معايا هفضل برضه احبك وهبعد واختفي من حياتك خالص كأني مكنتش موجوده فيها انا اهم حاجه عندي هي سعادتك
ملحوظه
الحقيقه كلها موجوده عند كامله هانم وفي الفيلا الصحراويه الي كنت عايشه فيها انا وسامح ..انا هكلمك بعد شهر وهعرف منك عاوذ تكمل معايا بعد الي عرفته والاا ..لاء ..ده لو كل حاجه مشيت ذي ما أنا مخططه ليها وقدرت أهرب من رأفت
ملك
طوى قاسم الرساله بين يديه وهو يشعر بطوفان من الندم يستولي عليه
ليغلق عينيه بألم ودموعه تتساقـ،ـط بالرغم عنه وهو يتزكر كل مافعله بها كل الضـ،ـرب والاهانه والتهديد بالمـ،ـوت واتهامها بالخيانه وتطليقه لها كل ذلك دون ان يستمع لها او يعطيها حتى فرصه للدفاع عن نفسها
نظرت نيرفانا لكامله هانم بدهشه وهي ترى مشهد انهيار قاسم الغريب
اقتربت كامله هانم من قاسم تربت على كتفه بقلق
= مالك يا قاسم يا ابني في ايه والورقه دي فيها ايه
ابعد قاسم يدها بعيدا عن كتفه بعنف وهو يقول بصرامه
=بعدين يا مرات عمي ..بعدين هتعرفي كل حاجه
نظرت كامله لنيرفانا بخوف وهي تستشعر وجود كارثه مخبأه في طيات الورقه التي يحملها
ليقاطع حديثهم دخول مالك المشفى
الذي دخل باحترام وهو يقول بتوتر
= نتيجة تحليل الدوا الي كان في السرنجه ظهرت يا قاسم بيه
نظر قاسم اليه بدون اهتمام وكأنه يعلم النتيجه مسبقا لتقول نيرفانا بلهفه
= كان فيها ايه …
تنحنح مالك المشفى وهو يقول بتوتر
= في الحقيقه يا فندم ..هي حاجه غريبه بس..
ليقاطعه قاسم بصرامه اخافته
= كان فيها ايه
تنحنح مالك المشفى وهو يقول
= مايه
كامله بغضب
= ايه..
= مايه يا فندم الحقنه كانت مليانه مايه عاديه
ابتسم قاسم بألم ثم انتفض فجأه واقفا وهو يقول بغضب
= إطلعو بره كلكم ..بره مش عاوذ أشوف حد
انسحب مالك المشفى و نيرافانا و كامله هانم لخارج الغرفه وهم يشعرون بالزهول والحيره مما يجري أمامهم ثم أغلقو الباب خلفهم بتوتر وقاسم يقف ينظر الى اللاشئ يحاول استيعاب ماحدث منه من بشاعه وظلم في حق حبيبته
ليقوم فجأه بركل الاجهزه الموضوعه في الغرفه وتحطيمهم بعنف وإلقائهم أرضآ وهو يقول بزهول ويده تمر بداخل شعره بعنف و كأنه على حافة الجنون
= أنا كنت همـ،ـوتها ..كنت هقـ،ـتلها بإيدي كنت هقـ،ـتل ملك بإيدي .. كنت هنهي حياتي قبل حياتها وأقـ،ـتل قلبي قبل قلبها وبعد دا كله يطلع ده كله كذب ..كذب
ليستمر في تحطيم الغرفه وهو ينفث عن غضبه من نفسه حتى وقع أرضا وهو يتلمس بقعه من د,ماء ملك تحسسها وهو يقول بندم
= أنا أسف يا حبيبتي ..أنا أسف ..ووعد مني هجيبلك حقك من كل الي ظلمك
و أولهم أنا ..بس ألاقيكي الاول
في نفس التوقيت..
وقفت نيرفانا بصحبة كامله هانم ومالك المشفى وبعض العاملين يستمعون بتوتر وخوف لصوت التكسير والتحطيم المتصاعد من غرفة قاسم ليعم فجأه الصمت المكان لأكثر من عشر دقائق
لتنظر كامله لرئيس المشفى وهي تقول بقلق
= إدخل شوفه حصله ايه .. انت واقف كده ليه..اتصرف
ليتفاجأ الجميع بقاسم يخرج من الغرفه بعد ان استبدل ملابسه و استعاد مظهره القديم وهو يغادرالغرفه و يقول بصرامه
= كامله هانم .. ياريت تيجي معايا ..أنا عاوذك
إبتلعت كامله ريقها برعب وهي تشعر ان بداية محاسبتها عن كل أثام الماضي قد حان وقتها
#انتقام_أثم
الفصل الرابع عشر
جلست كامله هانم بارتباك في سيارة قاسم التي يقودها بنفسه وبسرعه شديده وهو يتجاهلها ويتجاهل الألام المبرحه التي يشعر بها من أثار العمليه الجراحيه التي قام بها مؤخرا وهو يجري أكثر من مكالمه هاتفيه مع
رجاله و رجال شركة الحراسه الخاصه المسئوله عن حراسته يعطيهم بيانات ملك ويطلب منهم سرعة البحث عنها
قاسم بصرامه
=أنا عاوذكم تدورو عليها في كل مكان وتسخرو كل رجالتكم و إمكانيتكم في إنكم تلاقوها ميهمنيش التكاليف ولا الفلوس ..الميزانيه مفتوحه أهم حاجه عندي إنكم تلاقوها وبسرعه
ليتابع وهو يشعر بندم شديد
=هي ملهاش مكان ولا قرايب ممكن
تلجأ لهم مفيش غير مرات أبوها ودي عايشه في العزبه بتاعتنا في الفيوم ابعتو حد يتأكد من انها ممكن تكون هناك او على الاقل تكون اتصلت بيها او تكون عارفه مكانها المهم
تدورو في كل حته ومتستبعدوش اي مكان الا لما تدورو فيه مره و إتنين وتلاته وإدوني تقرير بكل الي هتوصلوله
ليتابع بغضب وهو يجيب محدثه
=اكيد عاوذ أعرف مكان رأفت ..بس الاولويه عندي هي ملك وسلامتها وانها ترجع و بسرعه .. لكن رأفت ده حتة صرصار هغعصه بجزمتي بس لما أفوق له الاول
ليتابع بتوعد غاضب
=خليه يهرب ويفتكر انه بأمان وقدر
ينجى بنفسه بس كل ده ميهمنيش لاني وفي كل الاحاول هجيبه وهدفعه تمن كل الي عمله أضعاف مضاعفه
ثم أغلق الهاتف بغضب شديد وهو يزيد من سرعة سيارته



