رواية كاملة بقلم زينب مصطفى

صمتت ملك لتقول بارتعاش
=ايوه بس..

قاطعها قاسم بغضب
=وليه مقولتليش..

شعرت ملك انها على وشك الانهيار ودموعها تغرق وجهها

=علشان ..علشان مكنتش هتصدقني

نظر قاسم لها بغضب
=وليه دلوقتي عوزاني اصدقك ايه مش خايفه اني ماصدقكيش ..

ملك بزهول
=تقصد ايه بكلامك ده ..انت فعلا مصدقها..

لتتابع بانهيار وزهول
=اكيد دي لعبه جديده انت بتلعبها عليا ..وانا الغبيه الي صدقتك تاني..

قاسم بصرامه
=بطلي نواح و دافعي عن نفسك والا متلوميش غير نفسك لما تشوفي رد فعلي
ملك بغضب
=ايه هتسجني يا قاسم بيه ..اتفضل اطلب البوليس وكل واحد يقول الي عنده
قاسم بسخريه قاسيه
=انا مبتعاملش مع البوليس.. حقي وحق كامله ونيرفانا هاخده يا ملك وبإيدي فوفري على نفسك البهدله واتكلمي احسنلك ..
ليتابع بقسوه شديده تحت نظرات ملك المزهوله ونظرات نيرفانا الشامته

=انتي الي اتفقتي مع ام رجاء علشان تعمل كده والا هي الي عملت كده من نفسها..يعني مثلا كانت فاكره انها بكده بتخدمك

صرخت ملك فيه بغضب ودموعها تتساقط
=انت ايه يا اخي حرام عليك مش كفايه كل الي عملتوه فيا كمان عاوز تسجن ست غلبانه كل زنبها انها وقفت جنبي وأوتني في بيتها بعد ما كنت مرميه في الشارع من غير مكان يئويني

لتتابع بألم قاتـ،ـل ودموعها تتساقط دون ان تستطيع السيطره عليها

=اسمع يا قاسم اديني ابني وانا همشي ..همشي ومش هتشوف وشي تاني

قاسم ببرود
=ابنك..ابنك ده تنسيه خالص وتنسي اسمه كمان ..دا لو عاوزانا نتفاهم

ملك بزهول
=يعني ايه انساه ونتفاهم على ايه انت اتجننت ..دا إبني ومستحيل افرط فيه منما حصل

قاسم ببرود
=يبقى انتي كده الي اختارتي..
ومسبتيش قدامي غير حل واحد

ليقترب منها بهدوء محاولا اخراجها من الغرفه
الا انها نظرت حولها سريعا لتجد مشرط جراحي صغير يستخدم لكسر الحقن موضوع بجانب فراش نيرفانا اخزته ووجهته نحو قاسم تهدده به وهي تقول بارتعاش

=ابعد عني يا قاسم احسنلك ..

تجاهلها قاسم واقترب منها بهدوء وتراجعت هي للخلف وهي تقول بانهيار
=اديني ابني ومش هتشوف وشي تاني علشان خاطري يا قاسم اديني ابني

ليتجاهلها ويقترب منها اكثر بهدوء حزر وهي تتابع بانهيار وتوجه المشرط ناحيته بتهديد واهي

=بلاش علشان خاطري انا..طيب علشان خاطر جدك او كامله هانم او نيرفانا عشان خاطر كل الي بتحبهم اديني ابني وانا هختفي من حياتك خالص

لتشعر فجأه بيأس قاتـ،ـل وبكراهيه شديده لحياتها بكل مافيها من عزاب وألم وتقرر ان تنهيها …
لتوجه فجأه المشرط الى عنقها تغرسه فيه بعـ،ـنف شديد وهي تنوي قـ،ـطع شريانها وتغلق عينيها بألم وهي تتمنى ان تنتهي حياتها بكل مافيها من عزاب لتنتشر الد،،ماء بغزاره على عنقها وهي تسلم نفسها للمـ،ـوت عله يريحها
الفصل العشرين
#انتقام_اثم
غمضت ملك عينيها بيأس وهي تغرز المشرط في عنقها بعنـ،ـف قاصده انهاء حياتها
لكن ولدهشتها لم تشعر بأي ألم على الرغم من انتشار الد،،ماء على عنقها لتفتح عينيها برعب
وهي تشاهد قاسم يسحب يده المصابه بعيدا عن عنقها وينزع المشرط الغارق في الد،،ماء بعنـ،ـف من كف يده بعد ان وضع يده سريعا على عنقها متلقيا طـ،ـعنة المشرط بدلا عنها
شهقت ملك برعب وزهول وهي تشاهد الد،،ماء تنـ،ـزف من كف قاسم بغزاره
لتقول بزهول

=دم ..ايدك ..ايدك بتنزف دم

الا انه تجاهل نزيف يده و هو يضع يده المصابه على عنقها يتحسسها برعب خوفا من ان تكون قد اصابت عنقها بالمشرط وهو يصرخ بغضب
=بتعملي ايه يا مجنونه عاوزه تمـ،ـوتي نفسك

إنسابت دموع ملك وهي تقول بضعف وارتباك

=أنا …أنا…

لتتفاجأ به يصفعها بعنف شديد وهو يقول
بغضب أعمى
=انتي..انتي ايه.. عاوزه تمـ،ـوتي ..لو عاوزه تمـ،ـوتي قوليلي ووفري عليا كل العزاب الي انا شايفه معاكي

شهقت ملك بألم و رأسها يدور بعنف من شدة الصفعه لتغمض عينيها بضعف و الدوار يشتد ويستولي على رأسها فغابت عن الوعي وهي تحاول مقاومة ضعفها
لتتلقاها يد قاسم تمنعها من السقوط ثم رفعها بغضب بين زراعيه ويده تلتف حولها بحمايه

ليلتفت بغضب لنيرفانا التي صرخت فجأه بكراهيه مجنونه

=شفت ..شفت يا قاسم اهي كانت عاوزه تمـ،ـوتك انت كمان مش بقولك مجرمه
التفت قاسم لها وقال بغضب وهو يغادر الغرفه

=نيرفانا خلاص مش عاوز اسمع كلام تاني في الموضوع ده… انا خارج وسايب حراسه قدام اوضتك يعني اطمني مفيش حد هيقدر يوصلك او يئزيكي وملك دي مشكلتي انا وانا
الي هحلها

ثم تركها و غادر وهي تشعر بلذة الانتصار والشماته بعد ان حققت مبتغاها …
في نفس الوقت توجه قاسم سريعا الى احدى الغرف الفارغه
وهو يقول بتوتر شديد لاحد رجال حراسته المرابطين امام غرفة نيرفانا

=شفلي دكتور بسرعه..انا هستناه هنا في الاوضه دي

تحرك الحارس سريعا بحثا عن طبيب تنفيذا لتعليمات قاسم
في حين دخل قاسم الى الغرفه ثم مدد ملك بتوتر على الفراش وجلس سريعا بجانبها يتحسس نبضها ويتأكد من خلو عنقها من اي جروح
ثم تنهد وهو يقول بارتياح بعد ان تأكد من سلامتها

=الحمد لله مفيش جروح في رقبتها
ليتابع وهو يتأملها بغضب

=عاوزه تمـ،ـوتي نفسك وتسيبيني
بس انا مش هسيبك يا ملك حتى لو رحتي القـ،ـبر هروح معاكي..

ليلتفت للطبيب الزي دخل للغرفه بسرعه تتبعه احدى الممرضات
الطبيب باحترام

=خير يا قاسم بيه

اشار قاسم لملك وهو يقول بتوتر

=طمني عليها .. بقالها عشر دقايق فاقده الوعي

نظر الطبيب ليد قاسم التي مازالت تنزف

=ايد حضرتك بتنزف جامد خليني اشوفها

قاسم بغضب
=شوف مراتي الاول وطمني عليها وبعدين هابقى شوف ايدي ..

هز الطبيب رأسه بموافقه ثم توجه لملك وقام بمعاينتها تحت نظرات قاسم المراقبه
الطبيب بعمليه

=هي ضغطها واطي شويه وواضح عليها انها فقدت الوعي نتيجة ضغط نفسي شديد ..

ليتابع وهو يقوم بالتعديل من وضع نظارته

=بس انا هديها حالا حقنه هترجعها لوعيها علطول

تنفس قاسم بارتياح بعد ان كان يحبس انفاسه خوفا عليها

=لا انا مش عاوزك تديها حقنه ترجعها لوعيها ..انا عاوزك تديها حقنه منومه ومهدئه علشان ترتاح ولما نوصل البيت هبقى افوقها بنفسي

ليتابع بأمر وهو يتجاهل دهشة الطبيب المرتسمه على وجهه

=ياريت تديهالها دلوقتي

هز الطبيب رأسه بموافقه وهو يقول

=حاضر يا فندم ..بس ياريت تعالج ايدك لان النزيف بيزيد

هز قاسم رأسه بموافقه وهو يقول بصرامه
=اديها الحقنه الاول وبعدين نبقى نشوف ايدي..

هز الطبيب رأسه بموافقه ثم توجه الى ملك يقوم بتنفيذ أوامر قاسم ..

بعد مرور اربع ساعات..

جلس قاسم في غرفته بفيلا الساحل بجانب ملك الغارقه في النوم بفعل الحقنه المهدئه التي اعطاها لها الطبيب
وهو يتأملها بحنان وشعور بالتوتر يتملكه خوفا من ردة فعلها عند استيقاظها ..
ليتنهد بتوتر وهو يمرر يده في خصلات شعرها و يميل على عنقها يقبل شريانها النابض بعشق وهو يقول بحنان

=كده يا ملك ..تعملي كده فيا عاوزه تمـ،ـوتي نفسك وتسيبيني

ثم مال مره اخرى على عنقها يمرر يده عليه وكأنه يطمئن نفسه انها سليمه وبخير ليتابع بلهفه

=بس انا عمري ما هسيبك ..حتى المـ،ـوت مش هيفرق ما بينا يا حبيبتي

ثم مال عليها يقبل جبينها برقه وهو يتابع بندم

=انا اسف يا حبيبتي ..اسف اني ضغط عليكي اوي كده بس كان لازم اعمل كده علشان اطمن نيرفانا واعرف هي ناويه على ايه و الكلب اخوها مشترك معاها في جريمتها والا لاء…والاهم من ده كله هي عملت كده ليه وناويه على ايه..

ثم مال عليها وقبل جبينها بحنان وابتعد قليلا بتوتر وهو يراها تتئوه بألم وتفتح عينيها بتعب
نظرت ملك الى قاسم بتعب وزاكرتها تعيد عليها كل ما مر بها من احداث مؤسفه لتشهق بفزع وهي تقفز فجأه من الفراش وتتلفت حولها بخوف

=انا فين…

وقف قاسم بهدوء وهو يقول بحزر
=انتي في بيتك يا حبيبتي ..

نظرت ملك حولها بخوف وهي تستوعب انها في الغرفه التي كانت تشغلها في فيلا الساحل
ملك بخوف…
=ابني ..ابني عمر فين..وديت ابني فين

اشار قاسم بهدوء الى الفراش الصغير الموضوع بجانب فراش ملك

=عمر نايم جنبك في سـ،ـريره

اندفعت ملك بلهفه الى حيث اشار لتجد طفلها نائم بأمان في فراشه فقامت برفعه بين زراعيها بلهفه شديده وهي تضمه اليها بخوف و تبكي بعنف شديد وتقبله بلهفه في كل مكان استطاعت الوصول اليه مما جعل طفلها يستيقظ مفزوعا وهو يبكي
احتضنته ملك بحمايه وهي تقول بغضب ودموعها تغرق وجهها

=متخافش يا حبيبي محدش يقدر يبعدنا عن بعض ولا ياخدك مني

حاول قاسم الاقتراب منها وهو يقول بصوت هادئ

=محدش هياخد ابنك منك ولا يبعده يا حبيبتي .. اهدي وحاولي تسمعنيني ..

ليتابع بتوتر
=انا اسف على كل الكلام الي قلته
في المستشفى ..بس انا مقصدتش
الي فهمتيه انا قلته علشان اقدر اكشف نيرفانا يعني كنت بجاريها في كلامها وبطمنها اني مكشفتهاش ..

لتقاطعه ملك بغضب وهي تضم طفلها اليها بحمايه ودموعها تسيل بدون توقف

=اسف .. ومتقصدش.. عادي يعني هزعل ليه ..فيها ايه لما تتهمني انا والست الغلبانه ام رجاء بالقتـ،ـل..
عادي مكنتش تقصد..

لتتابع بغضب اكبر
=فيها ايه لما تهددني انك هتاخد ابني مني وترميني في الشارع او السجن مش فارقه و اسف قاسم بيه مكنش يقصد
ثم انهارت في البكاء وهي تتابع

=طبعا قاسم بيه عادي عنده يضحي بيا ويستعملني طعم عشان يكشف حقيقة الي حصل لكامله هانم ..ما انا رخيصه اوي في نظره انهار والا امـ،ـوت والا انتـ،ـحر حتى عادي مش مهم ..المهم عيلة الانصاري محدش يمسها ولاا
يمس اي حد منها بسوء.. لكن ملك دي حشره لعبه كل شويه اجيبها العب بيها شويه واتسلى ولما ازهق اتخلص منها وافعصها برجلي مش كده

شعر قاسم بألم رهيب في داخل قلبه وهو يتأمل انهيارها

=الكلام ده مش صحيح انا عملت كده علشانك وعلشان ابننا علشان خايف عليكم ..ولازم تعرفي انك اهم عندي من نفسي ومن عيلة الانصاري ومن الدنيا كلها

ملك بغضب وهي تضم طفلها الباكي اليها بخوف وحمايه

=كداب ..انت كداب ومعدوم الضمير.. وانا استحاله اصدقك بعد كده.. كل شويه بكلام عكس التاني ترفعني
للسما وفجأه ترميني لسابع ارض
وانا خلاص اكتفيت منك ومن عيلة الانصاري كلها..

حاول قاسم الاقتراب منها وهو يقول بهدوء

=طيب حاولي تهدي واسمعيني وانا هشرحلك كل حاجه ..

ملك بغضب وهي تتراجع للخلف بعيدا عنه
=وانا مش عاوزه اسمع حاجه منك..مش عاوزه غير حاجه واحده بس..
تطلقني وتسيبني امشي من هنا مع ابني وتنسى انك شفتنا او تعرفنا دا
لو لسه عندك زره من انسانيه

أغمض قاسم عينيه بألم وهو يقول بهدوء محاولا امتصاص ثورتها

=انا هسيبك دلوقتي ترتاحي وهنتكلم بعدين.. انا عارف اني غلطان وانتي عندك حق انك متثقيش فيا بس الي اقدر اقولهولك اني عملت كده علشان احميكي انتي وابني

ثم توجه لباب الغرفه محاولا مغادرتها الا انها اندفعت نحوه تضربه تكرارا في كتفه بعنف و بغضب وهي تقصد اهانته وجرحه حتى يطلق سراحها

=انت رايح فين وسايبني بقولك طلقني
انا بقرف منك و مبقتش طايقاك ولا طايقه اشوف وشك قدامي ..خليك راجل لمره واحده وطلقني

لتتفاجأ به يمسك يدها بقسوه يمنعها من مواصلة مهاجمته وهو يقول بغضب اخرسها
=إخرسي يا ملك ومتتكلميش تاني انا من ساعة مادخلت وبحاول اتفاهم معاكي بعقل واشرحلك انا عملت كده ليه و انتي مصممه تقفلي مخك ومتسمعيش انا عاوز اقول ايه

ليتابع بغضب وهو مازال يمسك يدها يمنعها من الفرار منه في حين وقفت هي تنظر اليه بتحدي ودموعها تتساقط بالرغم عنها

=بقى انا مش راجل وبتقرفي مني ومش طيقاني وعاوزه تتطلقي..
حاضر انا هطلقك زي ماانتي عاوزه
بس المره دي مفيش فيها رجوع هيبقى طلاق نهائي علشان اخلص
منك ومن غبائك الي اتمنى ان ابني ميكونش ورثه منك..

ثم ترك يدها وتوجه للخارج لتستوقفه هي تضرب الارض بقدمها بغضب ودموعها تتساقط

=رايح فين ..انت مش قلت انك هتطلقني

التفت قاسم اليها وهو يقول بجديه

=هطلقك يا ملك ..هطلقك علشان انا راجل ومقبلش على كرامتي اعيش
مع واحده انانيه معندهاش اي تقدير للضغوط الي بتعرض ليها ..واحده ضعيفه مع اي مشكله بتقابلنا بيبقى اول حاجه بتفكر فيها هي الهرب والطلاق
ودلوقتي زودت عليهم قلة ادبها الي سهل أئدبها عليها بس انا راجل مبتعبش نفسي في قضايا خسرانه ومتستهلش اتعب نفسي علشانها

ليتابع بقسوه
=اطمني هطلقك يا ملك بس مش دلوقتي..هطلقك لما اتطمن ان حياتك انتي وابني مش في خطر وده برضه علشان انا راجل وبحافظ على الي مسئولين مني حتى ولو كانو ميستهلوش..

ثم تابع بجديه صارمه
=وياريت تراجعي نفسك في الي كنتي عاوزه تعمليه النهارده ..مـ،ـوتك مش هيحل مشاكلك..مـ،ـوتك هيئزي ابنك ويخليه يتيم يعني المفروض تحافظي على حياتك وتصونيها علشانه دا لو بتحبيه زي ما بتقولي
ثم تركها تقف في منتصف الغرفه باكيه لا تستوعب معظم حديثه وغادر الغرفه واغلق بابها خلفه بغضب

في المساء..
جلست ملك في غرفتها تضم طفلها اليها وهي تقبله بحنان استعدادا للنوم وبرفقتها ام رجاء التي قالت بهدوء

=هتفضلي من غير أكل ولاشرب كده كتير..انتي كده هتتعبي

ثم اشارت لصنيه مملوئه بألوان مختلفه وشهيه من الطعام

=كلي يا بنتي ومتعانديش على نفسك..كلي علشان خاطر ابنك

قبلت ملك طفلها ووضعته بفراشه بعد ان استسلم للنوم

=مش جايلي نفس للاكل..انا عاوزه امشي من هنا مش طايقه اقعد هنا اكتر من كده

ام رجاء بصبر
=ليه بس ..هو كان حصل ايه لكل ده..دا حتى جوزك شايلنا من على الارض شيل ومش مخلينا محتاجين اي حاجه

لتتابع بطيبه
=و جد عمر راجل زي السكر طول اليوم لعب وضحك مع عمر ومش سايبه ولا دقيقه.. يبقى ايه الي مزعلك كده

ملك بدهشه غاضبه
=انتي هتجنيني..ما انا حكيتلك على كل حاجه..دا..دا كان عاوز يسجنك ويلبسك قضية قـ،ـتل مرات عمه ..ايه كل ده عادي بالنسبالك

قربت ام رجاء صنية الطعام من ملك وهي تقول بجديه

=مكنش عاوز يسجني ولا حاجه ..دا كان بيمثل على الحربايه الي اسمها نيرفانا علشان يوقعها.. بطلي انتي بس تضخمي كل حاجه وتكبريها..الراجل بيحبك وفضل يدور عليكي سنه ونص لحد ملاقاكي واتصرف كده من خوفه عليكي انتي وابنه

ملك بغضب
=يعني انا دلوقتي الي غلطانه ..دا..دا ضربني وبهدلني قدامها وقالي هاخد ابنك منك ومعدتيش هتشوفيه ..كل دا عادي عندك ..
لتنساب دموعها وهي تقول بصوت مجروح
=دا انا كده يبقى زيي ..زي ممسحت الجزم من غير تمن ولا كرامه عنده
وانا مش هسمح انه يعاملني بعد كده بالشكل ده تاني

وقفت ام رجاء تنوي الخروج والذهاب لغرفتها
=إطمني مش هيعاملك كده تاني ولا هيتعامل معاكي من الاساس الواد وصل لأخره منك

ملك بغضب
=يتفلق ..انا كمان مش عاوزه اتعامل معاه و اول ما الحظر الي عمله علينا يخلص هاخد ابني وهمشي من هنا علطول

ام رجاء بسخريه
=كلي ياملك وبطلي الكلام الخايب الي بتقوليه من ورى قلبك ده

لتتابع بسخريه اكبر
=دا انتي قعدتي عندي سنه ونص مكنش على لسانك الا قاسم بيحب ده و قاسم بيكره ده ..قوم دلوقتي لما رجعتو لبعض هتسيبيه كده لغيرك بالساهل

ملك بغضب
=ايوه هسيبه..

ام رجاء بجديه
=يبقى انتي الي خسرانه ..وماتلوميش غير نفسك لما تلاقيه حب واحده تانيه واتجوز وعاش حياته

انتفضت ملك واقفه وهي تقول بغيره غاضبه
=انتي بتقولي كده ليه..انتي تعرفي حاجه ومخبيه عني

ام رجاء بخبث
=انا معرفش حاجه ولا مخبيه عنك حاجه بس بالعقل كده واحد زي ده مال وجمال وشباب وصحه وشخصيه ومن اكبر عيله في البلد اكيد الف من تتمناه والف واحده حطه عينها عليه ..وانتي بعمايلك الخايبه دي بتوسعيلهم السكه

ملك بغيره غاضبه
=يشبعوا بيه..انا خلاص مبقاش يهمني .

فتحت ام رجاء الباب وخرجت وهي تقول بخبث
=انتي حره..بس مترجعيش تعيطي وتقولي ياريت الي جرى ماكان

ثم خرجت واغلقت الباب خلفها تاركه ملك تغلي من شدة الغيظ والغيره..
جلست ملك على طرف فراشها وهي تحدث نفسها بصوت مسموع

=ما يحب والاا يتجوز انا مالي ..انا عاوزاه يطلقني وبس

ثم مدت يدها وبدأت في تناول الطعام بغيظ وغيرتها تصور لها قاسم في اوضاع مختلفه مع العديد من النساء
لتستمر بتناول الطعام بغيظ حتى كادت ان تنهي على كل الطعام الموجود على الصنيه دون ان تنتبه لدخول قاسم الى الغرفه ومتابعته لها بدهشه
ليقول بسخريه وهو يقوم بخلع جاكيت بدلته
=تحبي أخليهم يجيبولك اكل تاني عشان
تكملي اكل.. احسن تجوعي بليل وتاكليني انا وابنك

شهقت ملك بمفاجأه واحمر وجهها بخجل وهي تستوعب انها انهت تقريبا كل الطعام الموجود على الصنيه لتقول بدهشه
=انت ايه الي جابك هنا ..

قاسم ببرود وهو يواصل خلع ملابسه استعداد للاستحمام قبل النوم

=جاي علشان انام في اوضتي ايه الغريب في كده

وقغت ملك بغضب ووجهها يشتعل احمرارا وهي تحاول الا تنظر لما
يفعله
=لما هي أوضتك ..قعدتني فيها ليه..عموما انا هسيبهالك وهروح
انام في أوضه تانيه

قاسم ببرود مستفز وهو يتجه الى الحمام الملحق بالغرفه
=اقعدي يا ملك و اهمدي دي اوضتي و اوضتك لحد ما ننهي الي مابينا ..

ثم استدار اليها يقول بتحزير جاد

=جدي ميعرفش اي حاجه من الي حصلت مابينا..
كفايه عليه قلقه على مرات عمي
مش هنقلقه كمان بمشاكلنا

ليتابع بجديه
=كلها ايام واخلص موضوع نيرفانا وساعتها انا هبلغه بنفسي وننهي كل مابينا ولحد مايحصل ده هنتصرف قدامه بطريقه طبيعيه زي اي زوجين طبيعيين..اظن كلامي مفهوم

ثم تركها دون انتظار اجابتها وتوجه الى الحمام
جلست ملك بتوتر على طرف الفراش وهي لا تعرف ما عليها فعله حتى سمعته يخرج من الحمام وهو عاري الصدر ويرتدي سروال بيجاما رمادي اللون ثم جلس على مقعد بجانب الفراش وبدء في محاولة التغيير على يده المصابه وهو يضغط على شفتيه بألم محاولا نزع الرباط العالق بجرحه
في حين جلست ملك تتابعه بتوتر وقد ترقرقت الدموع في عينيها خوفا عليه وقد روعها منظر الجرح العميق في كف يده لتقترب منه بتوتر وهي تخاف ان يرفض مساعدتها الا ان خوفها عليه هزم خوفها منه وهي تقول بصوت خفيض وتميل على يده تحاول لمسها

=خليني أساعدك ..

الا ان قاسم انتفض واقفا وهو يبعدها عنه بعنف وكأنه لا يطيق لمستها ليقول بقسوه
=ابعدي ايدك عني..واتفضلي روحي نامي انا لو عاوز مساعدتك هطلبها

ترقرقت الدموع في عين ملك وهي تشعر بقلبها ينتفض حزنا لتقول بكبرياء وهي تبتعد
=انا اسفه اني حاولت اساعدك
ثم اتجهت للفراش واستلقت عليه وهي تغلق عينيها تدعي النوم و تعطيه ظهرها ..
لتمر لحظات وتشعر به يستلقي بجانبها ثم يعطيها ظهره هو الاخر لتمر اكثر من ساعه وهي تحاول النوم الا انها تفشل وهي تشعر بألم وثقل شديد في معدتها بجانب قلقها على جرح قاسم الزي تجاهل تنظيفه بعد فشله في نزع الرباط الملتصق بالجرح
لتهمس بغيظ

=انا مش فاهمه انا مش عارفه انام ليه ..ايده و هو حر فيها.. يغير عليها والاا ميغيرش عليها..هو حر هو الي هيئزي نفسه ..
لتتابع بتوتر
=هو يعني لسه طفل صغير ومستني الي يعرفه الصح من الغلط انا حاولت اساعده وهو الي رفض

لتحاول غلق عينيها والاستسلام للنوم الا انها فشلت لتقول بتصميم

=انا هغيرله على الجرح و إلي يحصل.. يجصل..حتى لو هو رفض .. يرفض إشمعنى هو بينفذ كل الي هو عاوزه حتى لو كنت انا رافضه

ثم توجهت على اطراف اصابعها الى الحمام و احضرت ما تحتاجه من ادوات للتغيير على الجرح وسحبت مقعد وجلست بجانب قاسم الغارق في النوم
وسحبت يده المصابه ووضعتها على ساقيها بعنايه وهي تقاوم مشاعرها التي تحسها على تقبيل جرحه وبدأت بتوتر في فك الرباط من حول يده برقه وهدوء حتى استطاعت التخلص منه بدون ان يسبب له اي ألم
لتنساب دموعها بصمت وهي تضغط على شفتيها بألم وهي تشاهد عمق الجرح الغائر في يده لتبدء في تطهيره وهي ترفع عينيها باستمرار بترقب خوفا من استيقاظ قاسم الا ان انفاسه كانت منتظمه وهو غارق في سبات عميق
ابتلعت ملك ريقها بتوتر وهي تستجيب لمشاعرها وتنحني تقبل جرح يده برقه شديده وهي لا تدرك ان قاسم مستيقظ ويتابع كل ما تفعله بدون ان تشعر..
تنفست ملك بتوتر ثم بدأت في التغيير على جرحه حتى انتهت من تطهيره جيدا وربطه برباط جديد ومعقم

وانسحبت بهدوء على اطراف اصابعها
وهي لا ترى نظرات قاسم التي تتابع كل ما تفعله بهدوء ثم استلقت بجانبه مره اخرى وهي تتنهد براحه وتغلق عينيها وتستسلم للنوم
بعد قليل استدار قاسم ناحيتها يراقبها اثناء نومها ومشاعره تتأرجح ما بين غضبه الشديد منها بعد ان اهانت كرامته بكلامها الجارح وتصميمها على الانفصال عنه ومابين عشقه الشديد لها وشعوره باستحالة ان يكمل حياته بدونها ..ليمرر يده بعشق دون ان يشعر على ملامح وجهها وهو يشعر بطعنه من الالم تستولي عليه فزوجته وحبيبته وعشقه تنام مابين يديه ولكنه لا يستطيع الاقتراب منها
تنهد قاسم بألم وأغلق عينيه بيأس لتمر لحظات ويشعر بملك تتشنج بعنف وهي تحاول ابعاد شئ مجهول عنها وهي تبكي وتصرخ بخوف

=لا سيبه حرام عليك ..قاسم ..لا..لاااءاا

التفت قاسم لها وهو يحاول ايقاظها من الكابوس المستولي عليها

=ملك ..ملك فوقي يا حبيبتي ..متخافيش دا كابوس

تقلبت ملك بعنف في الفراش وهي تحاول ابعاد يد قاسم الزي يحاول ايقاظها حتى فتحت عينيها اخيرا وهي مازالت تبكي
لترتمي بين احضان قاسم تحتضنه بشده وهي تبكي بهيستيريه

=قاسم انت ..انت كويس ..كان في حد هنا انا شفته وكان داخل عاوز يقتـ،ـلك بس انا حاولت ابعده عنك حاولت كتير و في كل مره كان بيدخل من مكان تاني ويحاول يقـ،ـتلك..

ضمها قاسم اليه وهو يقول بحنان =متخافيش دا مجرد كابوس

ملك باعتراض باكي
=لاء انا شفته ..كان هنا صدقني انا مش بكدب

ضمها قاسم اكثر اليه وهو يقبل عينيها بحنان يمنع بكائها
=دا كابوس يا حبيبتي متخافيش ..انا كنت صاحي ومحدش دخل هنا ولا يقدر يدخل هنا اطمني

نظرت ملك اليه ودموعها تغرق وجهها بدون اردتها وهي تقول بضعف مس شغاف قلبه المتيم بعشقها
=كابوس..انا اسفه يا قاسم بس اصله كأنه حقيقي
مسح قاسم دموعها بحنان ثم مال عليها وقبل جبينها وهو يقول بمرح حتى يخفف عنها ويده تمر على معدتها برقه

=دا اكيد علشان نسيتي تحلي بعد العشا مش كده..

احمرت وجنت ملك بشده وهي تقول بخجل من نفسها
=انا فعلا تقلت اوي في العشا واكيد دا السبب
مال قاسم على وجنتها يقبلها بعشق لم يستطع ان يداريه وقد افتتن بجمالها
وهو يقول بحنان

=بالهنا والشفا

همست ملك بحرج
=قاسم ..

نظر لها قاسم لها باستفهام ..
همست ملك بحرج وقد اشتعل وجهها بحمرة الخجل وهي تتفادى النظر في عينيه
=انا عارفه انك مش طايقني بس..بس

رفع قاسم وجهها اليه بحنان
=بس ايه قولي

همست ملك بصوت لا يكاد يكون مسموع وقد ترقرقت الدموع في عينيها

=ممكن تاخدني في حـ،ـضنك اصل انا بجد خايفه أوي ..

ابتسم قاسم ودون ان يتكلم ضمها بشده إليه حتى كادت ان تختفي بداخل جسده وهمس لها بحنان ويده تدلك عنقها وكتفها المتوتر

=نامي يا حبيبتي ومتخافيش محدش يقدر يقربلك طول ما انا موجود

تنهدت ملك براحه وهي تندس اكثر بداخل احضانه وتستسلم لنوم كان يجافيها منذ لحظات

في نفس التوقيت..
عاد رأفت الى مصر على متن احدى سفن البضائع ليستقبله احد اصدقائه العتيدين في الاجرام
سلم رأفت عليه ثم استفسر بعمليه

=عملت الي قلتلك عليه يا ابو سالم

ابو سالم بثقه
=كله تمام يا باشا اجرنا فيلا في الصحرى مفيش صريخ ابن يومين
يقدر يوصلها

ليتابع بثقه
=واحنا حطينا قاسم وملك وابنهم وحتى جده تحت المراقبه زي ماطلبت بس هو مشدد الحراسه عليهم اوي ومش عارف هنوصل لهم ازاي

ابتسم رأفت وهو يقول بخبث
=لا هنوصلهم ازاي ..دي بتاعتي
ليتابع بمرح
=مش بيقولو برضه من الحب ما قـ،ـتل

ابوسالم بدهشه
=حب ايه الي بتتكلم عنه انا مش فاهم حاجه
رأفت بثقه
=مش مهم تفهم دلوقتي .. المهم ان انا رجعت عشان اخد حقي والايام الي في عمر قاسم وملك بقت معدوده
لتنطلق ضحكاته عاليا بجنون مرضي…
الفصل الواحد والعشرين❤
#انتقام_اثم
في وقت متأخر من الصباح..

فتحت ملك عينيها بكسل وهي تتقلب في الفراش وتنهدت براحه و هي تفتح عينيها بكسل و تتحسس موضع قاسم بجانبها لتجده فارغ فجلست وهي تنظر حولها و لفراش طفلها الفارغ وهي تقول بدهشه

=هو عمر وقاسم راحو فين..

لتتنهد وهي تقول
=الظاهر قاموا من بدري وانا من كتر تعبي نمت كتير

ثم جلست وإستلقت للخلف و هي تغلق عينيها بتوتر تتزكر الاحداث التي مرت بها في الامس وهمست بندم وعدم تصديق ودموعها تتساقط

=إزاي انا كنت هعمل في نفسي كده بقى معقول انا كنت هغضب ربنا وأمـ،ـوت نفسي و أيتم إبني ..

ثم جلست تستغفر الله كثيرا بندم ودموعها تتساقط بالرغم عنها
لتمر عليها لحظات من الندم والاستغفار
حتى نهضت وهي تمسح دموعها وتتوجه للحمام استعدادا للنزول للاسفل وهي تشعر باشتياق كبير لطفلها ولقاسم
ملك بندم وهي تتزكر كلماتها القاسيه والمهينه التي اطلقتها في وجه قاسم

=مكنش المفروض أقوله كده .. أكيد هو زعلان مني و مش طايقني ولا طايق يشوف وشي

لتتابع بندم
=انا لازم اول ما أشوفهاعتزرله..
الكلام الي انا قلتهوله صعب اوي يسامحني عليه

ثم تابعت وهي تتأمل نفسها في مرٱة الحمام و توبخ نفسها

=ايه الي انا بقول ده ..لا طبعا مش هعتزرله لازم يبقالي شخصيه ويحترمني مش كل شويه يبهدلني واسامحه وكمان اروح اعتزرله

لتتابع وهي تكلم نفسها في المرٱه

=هو الي غلطان وهو الي لازم يعتزر..انا بعني كنت هعرف منين انه بيمثل على نيرفانا..
دا كفايه اوي ان بسببه كنت همـ،ـوت نفسي..
لتتابع بتشجيع
=صح كده اجمدي يا ملك وخليه يندم على كل الي عمله معاكي

ثم بدأت في الاستعداد والنزول الى الاسفل

بعد مرور نصف ساعه..

نزلت ملك الى الاسفل بوجه خالي من اي نوع من انواع الزينه وقد قامت بتصفيف شعرها للخلف وجمعته في ربطه مطاطيه على هيئة زيل حصان
و ارتدت سروال مريح من الجينز الفاتح و قميص قطني بسيط أبيض اللون وحزاء ابيض رياضي بدون كعب ومريح
وتوجهت للاسفل لتجد ام رجاء تجلس في بهو الفيلا وحيده على احدى الارائك وهي تغزل قطعه من الصوف وتدندن براحه و الهدوء يعم المكان
جلست ملك بجانبها وقبلتها على وجنتها وهي تقول بحيره

=صباح الخير يا خالتي..أومال عمر والباقيين فين

ام رجاء بابتسامه رقيقه

=صباح الخير يا روح خالتك ..عمر مع جده في اوضة المكتب انتي عارفه مبيسبوش من ايده حتى وهو بيشتغل

نظرت ملك تتأمل المكان من حولها وهي تدعي اللا مبالاه

=و قاسم..

ام رجاء بخبث
=ماله..

ملك بحرج
=يعني هنا..والاا خرج..

ام رجاء بمكر
=لا خرج من بدري أوي ..وسمعته بيقول لجده انه هيروح يطمن على مرات عمه ويزور الحربايه الي اسمها نيرفانا ويعدي على الشركه وبعدين هيرجع علطول

ملك بخيبة امل
=خرج…طيب انا هروح اشوف عمر اصل كنت نايمه ومشفتوش النهارده

ربتت ام رجاء على كتفها بتفهم

=روحي يا حبيبتي شوفي ابنك و متقلقيش قاسم مش هيتأخر

ملك بارتباك
=وانا مالي يتأخر ولاا ميتأخرش هو حر

رفعت ام رجاء حاجبها بسخريه

=يا بت دا مفيش حد فاهمك قدي ..عموما ربنا يهدي سرك ويهديكم لبعض

ملك بتوتر..
=انتي بتقولي ايه بس..انا هروح اشوف عمر

الا انها تفاجأت بصوت الجد الانصاري يقول بمرح وهو يحمل حفيده

=وعمر جالك بنفسه اهو

ابتسمت ملك بسعاده وهي تتلقى طفلها بين زراعيها تقبله بحنان ومرح وطفلها يطلق ضحكاته الطفوليه بسعاده
تأملهم الانصاري الكبير بابتسامه كبيره و جلس بجوار ام رجاء وهو يقول براحه

=انا بحس ان صوت ضحكت حفيدي عمر وهي بترن في الفيلا وتملاه فرحه وبهجه بترجعني ييجي عشرين سنه لورى

ام رجاء وهي تتأمل ملك التي تلاعب طفلها بمرح

=ربنا يخليه ليكم ويطرح لكم البركه فيه

لتتابع بمكر
=وتملوا عن قريب البيت بإخوات له.. ولاد وبنات حلوين وزي القمر زيه كده بالظبط

لتتابع بتأكيد

=اصل الولاد عزوه وسند

نظر لها الانصاري بأمل
=ان شاء الله ..انا عندي امل كبير ان اشوف احفادي كلهم قبل ما امـ،ـوت ويملو الفيلا عليا فرحه وسعاده..

شهقت ام رجاء باعتراض وهي تقول باندفاع

=بعد الشر عليك مـ،ـوت ايه الي بتتكلم عنه.. دا انت لسه في عز شبابك..ان شاء الله هتشوف احفادك ماليين عليك البيت وتفرح بيهم وتفرح بولادهم وولاد ولادهم كمان

نظر لها الانصاري بابتسامه واسعه

=انتي شايفه كده..علشان عنيكي طيبه زي قلبك الطيب

ام رجاء بارتباك
=دا ..دا من زوقك يا انصاري بيه

الانصاري بمكر
=خليها الانصاري بس ..بلاش تكليف مابينا يا ست ام رجاء..

توهج وجه ام رجاء وهي تقول بخجل

=ميصحش يا انصاري بيه..يعني..

الانصاري مقاطعا بمرح
=لا يصح أوي..الا قوليلي بتعرفي تلعبي طاوله

ابتسمت ام رجاء بخجل
=اه بعرف كنت بلعبها مع المرحوم جوزي الله يرحمه

الانصاري بسعاده وهو يقف ويشير
اليها بمرح

=كده يبقى تمام اوي تعالي بينا نقعد في الجنينه نلعب دورين طاوله ونحكي مع بعض شويه

وقفت ام رجاء وهي تبتسم بارتباك في حين تابعت ملك ما يحدث بينهم بدهشه
لتقول بتعجب

=هو فيه ايه

ليرتفع فجأه صوت ايقاف سياره بالخارج امام باب الفيلا

الانصاري بمرح
=الظاهر قاسم وصل

شعرت ملك بالتوتر يستولي عليها خوفا من مواجهة زوجها بعد كلامها الجارح معه في الامس..
فاحتضنت طفلها وهي تدعي انها مشغوله بملاعبته وهي تستمع لصوت اقدام قاسم لكن ما جعلها ترفع عينيها بدهشه وتوتر هو صوت كعب حزاء
عالي ترافق مع خطواته ..
احتضنت ملك طفلها بحمايه وهي تتخيل لوهله ان من ترافقه هي نيرفانا..
الا انها تفاجأت ان من ترافق قاسم..
فتاه صارخة الجمال طويله ورشيقه ذات عينين زرقاء وبشره ناصعة البياض وشعر اصفر ناعم ينساب خلف ظهرها بنعومه ..تضع مكياج كامل ومتقن على وجهها وعطر فواح يملاء المكان بجاذبيه
في حين ترتدي جيب زرقاء ضيقه جدا تصل لمنتصف ركبتيها تظهر معظم ساقيها الرشيقتين وبلوزه انيقه من الحرير الاصفر ضيقه ذات حملات عريضه وحزاء أصفر اللون ذو كعب عالي جدا
قاسم بهدوء

=مساء الخير..

ام رجاء وهي تتأمل مرافقته بدهشه

=مساء النور يا ابني

اقترب قاسم يحمل طفله يقبله بحنان وهو يتجاهل ملك التي تنظر الى مرافقته بدهشه ويحدث جده بجديه

=جدي ياريت تيجي معايا علشان نراجع ورق الصفقه قبل ما نمضي العقود بليل

الانصاري وهو يتأمل وجه ملك الغاضب بمكر

=طيب مش تعرف الجماعه بهايدي الاول

ملك وهي تنظر لقاسم باستنكار
=هايدي..هايدي مين

تجاهلها قاسم وهو يقول ببرود

=هايدي تبقى مساعدتي الشخصيه..

ثم اشار لهيدي باهتمام وهو يتجاهل الحديث عن ملك

=وده يبقى عمر ابني والست ام رجاء تبقى جدته ..

الجد وهو يتابع ما يحدث بمكر

=انت نسيت ملك والا ايه

قاسم وهو يتجاهل النظر اليها

=اه ..ملك تبقى إم عمر ابني

هايدي برقه وهي تتأمل ملك باستخفاف
=تشرفنا..
شحب وجه ملك وعينيها تضيق بغيظ تتأمل هايدي التي تنظر لها بتكبر وهي تشعر باهانة كرامتها لتجاهله لها و قاسم يتابع بعمليه

=يلا يا جدي من فضلك مفيش وقت الناس على وصول

الجد بمرح
=انت مش راجعت كل حاجه ..يبقى خلاص خد مساعدتك وراجعو الي انتو عاوزينه وملكش دعوه بيا
انا مش فاضي ..انا رايح العب طاوله مع الست ام رجاء

قاسم باستنكار
=والعقود يا جدي لازم تبقى عارف كل حاجه قبل مانمضي .. وبعدين انا عازمهم النهارده على العشا عشان خلاص هنمضي العقود

الانصاري وهو يحمل عمر من قاسم

=البركه فيك ..وبعدين انا راجعت العقود دي قبل كده ..اقولك خد ملك معاك واكتب لها النقط المهمه وملاحظاتك و فهمهالها وهي تبقى تفهمهم ليا

قاسم باستنكار رافض
=ملك ايه الي هيعرفها والاا يفهمها في شغلنا..

وقفت ملك بغضب وتحدي وقد توهج وجهها

=ليه غبيه والاا معنديش مخ ..ما أنا كنت شغاله في مكتب قبل كده واشتغلت معاك انت شخصيا

ثم التفتت للانصاري الكبير وهي تقول بتحدي
=اتفضل انت يا جدو وانا هلخصلك كل النقط المهمه واديهم لحضرتك

نظر قاسم لها بسخريه وهو يقول بتوعد
=بقى كده..طيب اتفضلي قدامي

نظرت ملك له باستخفاف ووقفت بتحدي
في حين قال الانصاري الكبير باستمتاع

=يلا يا ام رجاء قدامي على الجنينه والاا خايفه تتهزمي

تبعته ام رجاء ثم مالت على اذن ملك التي تغلي من شدة الغضب تهمس لها

=جالك كلامي يا موكوسه..

ثم غادرت برفقة الانصاري الزي حمل حفيده الى حديقة الفيلا

أشار لها قاسم بجديه
=اتفضلي ادخلي خلينا نبدء الشغل

ثم تركها ودخل الى غرفة مكتبه تتبعه هايدي التي نظرت اليها باستخفاف وتعالي
ملك بغضب
=ودي بتبصلي كده ليه هي كمان..ايه مش عاجبها شكلي والا ايه

لتتابع بغضب وغيره
=ماشي ياقاسم جايب باربي تشتغل عندك سكرتيره

ثم نظرت لملابسها بضيق
=طبعا واحده لابسه من غير هـ،ـدوم هيعجبها لبسي ازاي..

لتتابع بغضب وهي تتأمل نفسها

=ماهي برضه عندها حق..ايه الي انا لابساه ده

لتتنهد بضيق ثم تبعتهم الى غرفة المكتب لتجد قاسم يجلس على احدى المقاعد المريحه وتجلس بجواره هايدي التي تميل عليه برقه وهي ممسكه ببعض الاوراق و يضع امامه جهاز كمبيوتر محمول وملفات واوراق مختلفه يقوم بمراجعتها
قاسم دون ان يرفع عينه عن الورق الزي امامه
=العقود قدامك راجعيها وطلعي منها البنود المهمه ..ترجميها واعرضيهم على الانصاري بيه

ملك بصدمه
=اترجمهم ليه هما مش بالعربي..

هايدي بتحدي مستتر
=العقود كلها بالانجليزي لو مش هتقدري تترجمي صح يبقى ياريت تسيبيهم علشان ميحصلش لخبطه..

ملك بابتسامه صفراء
=انا خريجة تجاره انجليزي على فكره واقدر اترجم بنود العقود كويس متخافيش

قاسم بجديه
=يبقى خلاص ابتدي الشغل وخلينا نخلص مش هنقضي اليوم كله في الرغي

ثم اشار لجهاز محمول
=ابتدي يلا و ابقي استخدمي الجهاز ده في شغلك

تناولت منه الجهاز وهي تتأمل بغضب إلتصاق مساعدته به والتي تتحين اي فرصه للملامسته
لتهمس بغيره وغضب

=قليلة الادب ..زي الي مشغلك

قاسم باستفهام
=بتقولي حاجه

ملك باقتضاب غاضب
=لا مبقولش

ابتسم قاسم وهو يقول برضا
=طيب كملي شغلك

مرت اكثر من ساعه وهي تعمل بسرعه وكفائه تحت نظرات قاسم المعجبه بكفائتها ودقتها بالعمل

لتتفاجأ بهايدي تقول برقه
=دا وقت القهوه بتاعتك ياقاسم بيه ثواني وهعملها لحضرتك

ملك بدهشه
=وتعميلها انتي ليه اطلبي حد من الخدامين وهو يعملهاله

هايدي بابتسامه مستفزه
=لا مستحيل حد يعملها غيري ..انا من يوم ما اشتغلت عند قاسم بيه وانا الي بعمله قهوته ..وانا الوحيده الي بعرف اظبطها كويس تمام زي ما بيحب يشربها

ثم خرجت من الغرفه تحت نظرات ملك الغاضبه لتقول بغيره لم تستطع السيطره عليها
=عارفه ميعاد قهوتك و رايحه تعملهالك بنفسها كمان يا بختك بيها

قاسم ببرود وهو يتأمل غيرتها الواضحه برضى
=عادي..شغلها وبتعمله

ملك بغيظ وهي تشعر انها على وشك الانفجار به
=شغلها..كويس انك عرفتني ان الي بتعمله من الصبح ده شغل..

لتتابع بغيظ
=اصلي كنت ناويه اشتغل مساعده شخصيه وكنت عاوزه اتعلم منها طريقة عمل القهوه

قاسم ببرود
=ملك اتكلمي كويس ومتلبخيش في الكلام هايدي بتعمل شغلها مش عاجبك اتفضلي سيبينا واخرجي بره..

ملك بغضب وهي تراجع احدى الاوراق في يدها
=ابوشكلك بارد

تراجع قاسم للخلف وهو يشاهد غيرتها باستمتاع
في حين دخلت هايدي عليهم المكتب وهي تحمل فنجان قهوه وضعته بجوار قاسم وهي تبتسم برقه واغراء
=قهوتك يا قاسم بيه

قاسم بابتسامه جذابه وهو يتأمل ملك التي تغلي من شدة الغيره والغيظ

=متشكر يا هايدي ..حقيقي مبعرفش اشرب القهوه غير من ايدك ..اتفضلي اقعدي علشان نكمل شغل

جلست هايدي باناقه بجانبه وبدأت في العمل معه تحت نظرات ملك المراقبه بغيظ
حتى انتهوا وتراجع قاسم للخلف وهو يقول لملك بعمليه
=خلصتي..

ملك بجديه
=اه خلصت ..تحب تراجع الي عملته ..

اشار لها قاسم بعمليه
=هاتيه ..

وقفت ملك وهي تشعر ببوادر صداع قوي ودوخه خفيفه تتملكها فالساعه تعدت الرابعه عصرآ وهي لم تأكل اي شئ من الامس
تناول منها قاسم عملها وراجعه بدقه ثم قال برضى
=كويس اوي واديه لجدي علشان يراجعه قبل الضيوف ما توصل

عقدت ملك حاجبيها وهي تقول بتساؤل

=ضيوف مين الي جايين

ارتفع فجأه صوت الجد الانصاري وهو يقول بمرح
=دول العملا الي هنمضي معاهم عقود التوريد..قاسم عازمهم النهارده على العشا
نظرت ملك لقاسم بغضب والزي تجاهلها وهو يرن الجرس عند الخدم لتأتي احدهم مسرعه

قاسم بهدوء وهو يقول لهايدي برقه

=اتفضلي انتي روحي معاها هتوريلك اوضتك ارتاحي شويه واجهزي لمقابلة الضيوف ..

إبتسمت هايدي وهي تقول برقه
=حاضر يا قاسم بيه

ثم خرجت برفقة الخادمه وصعدت الى غرفتها
الجد باستنكار

=انت مقولتش لملك ان في ضيوف مهمين معزومين على العشا النهارده علشان تستعد

قاسم وهو ينظر لملك التي تغلي من الغضب ببرود

=محبتش اتعبها معانا ..الاكل هيجي جاهز من بره وهايدي هتستقبل الضيوف

الجد بغضب
=ايه الي انت بتقوله ده يا قاسم..ملك ست البيت والمفروض هي الي تستقبل الضيوف وترحب بيهم

قاسم وهو يتأمل وجهها ببرود

=مش هينفع يا جدي ملك معندهاش اي خبره في الامور الي زي دي وهايدي قامت بعمل اكتر من حفلة استقبال قبل كده..ممكن ملك تحضر و تتعلم وتاخد خبره منها

الجد وهو يهم بمغادرة الغرفه

=بلاش كلام فارغ ملك مراتك وتتعلم براحتها وحتى لو غلطت مش مهم دي مرات قاسم الانصاري والي مش عاجبه احنا مستغنيين عن الشغل معاه..

ليتابع بأمر
=انا طالع اوضتي ارتاح شويه وانتي يا ملك اطلعي اجهزي علشان تستقبلي ضيوف جوزك

ثم غادر الى غرفته دون ان ينتظر اجابتها

وقفت ملك وهي تقول بعدم تصديق

=بقى انت جايبها علشان تستقبل ضيوفك

قاسم ببرود
=ايوه وايه الغريب في كده

ملك بغضب
=وأنا ايه منفعش اني استقبل ضيوفك

قاسم ببرود
=تستقبليهم بصفتك ايه

ملك وهي تكاد تصرخ من بروده
=بصفتي مراتك طبعا ..

لتتابع بخوف
=قاسم انت طلقتني..

قاسم بغضب
=لا طبعا انتي لسه مراتي..ومستحيل اطلقك..

ليستدرك سريعا
=اقصد مستحيل اطلقك الا لما اطمن ان مفيش خطر عليكي او على عمر

ملك بغضب
=ولما انا لسه مراتك والمفروض اننا بنمثل قدام جدك اننا زوجين عاديين جايب واحده تانيه تستقبل ضيوفك ليه

قاسم ببرود
=اولا هايدي بتشتغل عندي وعندها خبره في الحاجات دي
ثانيا محبتش اتقل عليكي واجبرك تقعدي طول الليل مع واحد مش طيقاه
ولا طايقه لمسته لاني بالتأكيد هضطر ألمسك قدام الضيوف

ترقرقت الدموع في عين ملك مماجعل قلب قاسم يلين بالرغم عنه وهي تقول بانكسار
=خلاص زي ماتحب

ثم توجهت لباب الغرفه محاوله مغادرتها ليستوقفها صوت قاسم

=ملك ..

استدارت ملك اليه وهي على وشك البكاء
= لو عاوزه تحضري العشا انا معنديش مانع ..وكمان علشان جدي ميشكش ان في مشاكل مابينا
ملك بكبرياء
=لا خلاص شكرا..انا اصلا مكنتش عاوزه احضر بس استغربت انك جايب واحده غريبه تستقبل ضيوفك في بيتي..اقصد بيتك
ثم تركته وصعدت الى غرفتها اغلقتها عليها بالمفتاح ثم انهارت على احد المقاعد في نوبة من البكاء التي تغزيها غيرتها الشديده جعلتها تستسلم للنوم وهي متعبه
بعد مرور اكثر من ساعتين…
استيقظت ملك على صوت طرقات عاليه على باب غرفتها
فتوجهت للباب و فتحته لتجد قاسم يقول بغضب وتوتر
=كل ده نوم ..مش سامعه كل الخبط ده

ملك ببرود
=عاوز ايه..

قاسم بغضب
=عاوز ألبـ،ـس ..الضيوف على وصول وانتي قافله الباب عليكي
ملك ببرود
=معلش ..مخدتش بالي اتفضل إلبـ،ـس براحتك
عقد قاسم حاجبه وهو يرفع وجهها اليه يتأملها بتوتر
=ملك عنيكي حمرا كده ليه انتي كنتي بتعيطي

ابتعدت ملك عنه وهي تقول بغضب
=وأنا هعيط ليه ..انا كنت نايمه وعشان كده عنيه حمرا
تأملها قاسم قليلا ثم ابتسم بحنان وقلبه يتألم من أجلها
=طيب ايه رأيك تلبسي وتنزلي معايا حفلة العشا
ملك ببرود
=متأسفه عندي حفله تانيه ويدوبك هستعد لها عن إذنك
امتدت يد قاسم تمنعها من التحرك وهو يقول بصرامه اخافتها
=حفلة ايه الي انتي هتروحيها
ملك ببرود
=حفله صغيره هعملها على قدي انا وعمر وخالتي ام رجاء ومتخافش محدش هيشوفنا ولا يحس بينا ..اصلي هعملها في مبنى البيسين المقفول

لتتابع وهي تخرج شورت قصير اسود وبلوزه ضيقه وعاريه حمراء اللون

تحب تدخل الحمام الاول والاا ادخل انا
قاسم وهو ينظر لها بدهشه

=اتفضلي ادخلي انتي

هزت ملك رأسها موافقه ثم خلعت ملابسها وهي تقول بغيظ

=ماشي يابتاع باربي ان مجننتك مبقاش انا ملك
ثم قامت بأخذ حمام سريع وارتدت الشورت والبلوزه اللتان تظهران جمالها وانوثتها ببزخ واكتفت بوضع احمر شفاه ناعم
وتركت شعرها منساب خلفها بنعومه وتوجهت للخارج لتجد قاسم يقف بغضب
وهو ينظر اليها بزهول

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى