رواية كاملة بقلم نعمة حسن
نعمة حسن

°°°°°°°°°°°°°°°°°°°°°°°°°°°°
وصل إلي منزله فصعد مباشرة إلي غرفته فوجد زوجته انتهت من الصلاه لتوها فقبل رأسها و قال:متزعليش ي رشيده اني زعجت فيكي أنا كنت مضايج.
_حالك متبدل ليه يبن عمي؟!
=اجعدي رشيده عاوز أتكلم معاكي.
_يبجا آن الأوان ي عمده.
=غصب عني ي رشيده..مكنتش حاسبلها حساب..جولت خلاص انا عايش و مرتاح معاكي و راضي والله..بس جلبي طب غصب عني.
_هي اللي كنت بتحلم بيها كل ليله..صح؟!
=هي.
_هتتجوزها آمتا؟!
=مبينلهاش جواز..هي متجوزه و معاها بت و حياتها صعبه.
هبت واقفه تضرب صدرها بيدها قائله:يا مررري و هتطلجها من جوزها ي عمده..هتخرب بيتها عشان تتجوزها انت؟؟دي اخرتها.
كلما هم أن يتكلم قاطعته حتي ضربها خلف رأسها قائلا بحنق:الله ياخدك ي شيخه اصبري..هو أنا ممكن أعمل كده؟! ليه متعرفينيش يااك؟!
_اومال هتعمل ايه؟!
=العمل عمل ربنا ي رشيده مفيش بإيدي حاجه أعملها.
_و بتجولي ليه ي عمده؟؟
=عشان مبجاش بستغفلك و بتصرف من ورا ضهرك..ثم أمسك يدها و قبلها ثم قال:أنا عايزك تعرفي إنه لو مكانش الموضوع غصب عني أقسم بالله مكنتش فكرت في حد غيرك أبداً..انتي عمرك ما جصرتي معايا ي رشيده..و انا صارحتك عشان عارف أنك فهماني لأنك بت عمي من جبل ما تكوني مراتي..في نفسك حاجه ي رشيده عاوزه تجوليها؟!
_متجلجش ي عمده..أنا منكرش إني بحبك و مكنتش أتمني إن جلبك يكون مع غيري لكن كمان أنا مش ناسيه اتفاجنا من 15سنه.
Flash Back
رشيده:أنا عارفه انك مبتحبنيش يبن عمي..بس عارفه كمان انك مفيش في حياتك حد..وافج ي داود..مش يمكن مع العشره تحبني؟!.. ولو معرفتش تحبني اوعدك ان يوم ما جلبك يطب أنا اللي هجوزهالك..
داود:انتي تستاهلي حد يحبك و يشيلك ف عينيه ي رشيده انا مفيش جواتي حاجه ليكي..هظلمك يبت الناس.
رشيده:لا والله..عمرك ما هتظلمني انا متأكده..انت اللي زيك ميعرفش يظلم..انا عارفه انك هتشيلني ف عنيك حتي لو محبتنيش..يكفيني اني اعيش جمبك وخلاص..و بكررها تاني..يوم ما جلبك يطب أنا اللي هجوزهالك.
come back
قال بإمتنان:مش عارف اجولك ايه ي رشيده..ربنا يريح جلبك زي منتي ريحتي جلبي..
_ربنا يجمع شملكو ي داود انت تستاهل كل خير.
=و يجبر بخاطرك ي بنت الأصول..هجوم أنام الا أنا مجتول نوم.
_نوم العوافي يااخويا.
تركها و خرج و لم يلتفت خلفه..هو يعلم أنها تحبه و بشده..لكنه ليس له من الأمر بشئ..إن قلبه هو المسئول الوحيد..وهو لم يكن أبدا ذلك المخادع..لقد فعل الصواب بإخباره إياها… أما هي فبمجرد خروجه من الغرفه حتي انفجرت في البكاء..كانت تعلم أن ذلك اليوم آت لا محاله..و لكنها كانت تأمل أن يكتفي بهاا..
♕♕♕♕♕♕♕♕♕♕
في منزل والدها يجلس عدد كبير من كبار الرجاال بالإضافةإلى ذلك الفادي الذي يجلس مختالاً فخوراً
الحج حكم:تمام ي فاادي؟!الكلام اللي بنقوله ده يتنفذ..مراتك هترجع معاك و تبدأوا صفحه جديده مع بعض..مش عايزين نسمع عنكو تاني.
فادي ببراءه مصطنعه:طبعاا ي عم “حكم”من غير ما تقولوا والله أنا ناوي أعاملها معامله مشافتهاش قبل كده.
تخرج مسرعه كسرعة البرق تلفت انتباههم جميعا..تحمل سكيناً تصوبه نحو قلبها..حاله من الهرج و المرج قاطعتها هي صارخه بهم:خلوه يطلقني دلوقتي حالا و الا هموت نفسي و اجيبلكوا مصيبه.
الخوف و الذعر أخذ منهم مأخذه..حاول كلا منهم ان يثنيها عن فعلتها لكنها كانت تعلم أنها إذا لم تستغل الفرصه فلا سبيل للنجاه بعد الآن.
_بقولكوا خلوه يطلقني دلوقتي حالا..ثم وجهت حديثها إليه”طلقني ي فادي أحسنلك”
الحج حكم:اهدي بس يبنتي و سيبي السكينه اللي ف ايدك دي..و نتكلم بالعقل.
قالت صارخه:نتكلم نقول إييييه..بقالي سنين بتكلم كان إيه اللي حصل؟!..اعتبرني زي بنتك ي حج حكم و خليه يطلقني.
ليقول فادي باستهزاء: منا ممكن أرمي عليكي اليمين دلوقتي و اردك لما اخرج من هنا.
لتقول حسناء:أنت صح..حد يطلب مأذون.
حاول والدها أن ينزع السكين من يدها فابتعدت عنه صارخه:متقربلييييش…محدش يقربلي..أقسم بآيات الله لو ما طلقني دلوقتى لأكون مموته نفسي..أنا جبت أخري و هنفذ صدقووني.
الحج حكم:اطلب “ابراهيم” الفقي المأذون ي” علي”
فادي بغضب:مأذون إيه و زفت إيه يعم “حكم”أنا مش هطلق ولو علي جثتي.
لتقاطعهم”حسناء”صارخه:لا علي جثتي أنا ي فادي..و
فاجئتهم هي بقطع شرايين يدها.
صراااخ و عويل و نحيب و حالة فوضي عارمه و أنفاس تكاد تؤخذ بصعوبه بالغه..
_لو مطلقتنيش هدب السكينه دي ف بطني و أخلص
الجميع:طلقها ي فاادي..ارمي اليمين يبني.
حسناء بوهن:هاتوا مأذون حالا و يطلقنا..
والدها:هيطلقك ي حسناء والله هخليه يطلقك بس بينا عالمستشفي الاول.
_أنا مش رايحه ف حته الا أما يطلقني.ي اخرج من هنا عالمستشفي ي علي قبري..هاتوا مأذون دلوقتي حالا.
الحج حكم:بسرعه ي”علي”إنزل نادي علي عمك إبراهيم المأذون و هاته و تعالي..بسرررعه..خلاص ي حسناء هيطلقك والله بس نروح المستشفي الاول يخيطولك الجرح انتي دمك بيتصفي.
_سيبه يتصفي..مهو كان كل مره بيضربني دمي بيتصفي و محدش عمل حاجه..اشمعنا دلوقتي؟!
بعد دقائق معدوده حضر”المأذون”برفقة” علي ”
_السلام عليكم..ايه ده في ايه..لا حول و لا قوة الابالله..الحقوها ي جماعه دي هتموت.
حسناء بتعب واضح:خليك ف حالك ي شيخنا و شوف شغلك.
_طيب روحي المستشفى الاول يوقفوا النزيف ده.
=مش خارجه من هنا غير لما تطلقوني.
فادي بغلظه:شاهد ي شيخنا..بتجبرني أطلقهاا..ده حتي يبقا طلاق باطل.
ليقول المأذون:و هي لما توصل لمرحلة انها تنتحر عشان تتطلق منها..يبقا حرام عليك انك تغصبها تفضل علي ذمتك.
تشعر بأن الأرض تميد بهاا..دوران أصابها..قدماها ترتعش..رؤيتها تشوش.
المأذون:عايز وثيقة الزواج و بطااقة الرقم القومي للزوج و بطاقتين من الشهود.
ليقول والدها:هنا وثيقة الزواج هجيبها حالا..
علي مضض و تحت ضغط أخرج فادي بطاقته..
أخرج الحج حكم و الحج عامر بطاقتهما..
فقال المأذون:طبعا انا في الظروف العاديه لازم أعرض الصلح علي الطرفين بس ف الحاله دي القرار واضح..لذا وجب أن تكونوا قد اتفقتوا علي تسوية الحقوق بينكما..سواء بالاتفاق علي ما تأخذه الزوجه من مال و ما تتنازل عنه بالنسبه لحقوقها من مؤخر الصداق و نفقة المتعه و نفقة العده.
حسناء و قد بلغ منها التعب مبلغه:ااااخللللص…انا هبريه من كل حاجه..مش عايزة منه حاجه بس خلصني..
المأذون:اذن اتفضلي ي مدام و اتفضل ي استاذ فادي عشان توقعوا علي اشهاد الطلاق..
دلوقتي ي مدام حسناء هتقولي:أبرأت زوجى من نفقة عدتي ومتعتى ومؤخر صداقي وحقوقي الشرعية وأسألك الطلاق على ذلك”و هو هيرد و يقول “وانتى طالق منى على ذلك” فتكون الزوجة بذلك أسقطت جميع حقوقهاا كاملةً……
حسناء:أبرأت زوجى من نفقة عدتي ومتعتى ومؤخر صداقي وحقوقي الشرعية وأسألك الطلاق على ذلك” فادي: وانتى طالق منى على ذلك”
كانت تود ان تعيش تلك اللحظه السعيده بكل تفاصيلها..تفرح بخلاصها..لكن قلبها لم يحتمل تلك الانفعالات العديده علي الأغلب.ف أعلن اعتراضه متوقفا ـــــــــــــــــــــــــــــــــــــــــــــــــــــــــ
❤ست الحسن ❤
البارت الحادي عشر بقلمي،، نعمه حسن،،
كانت تتمني ان تعيش تلك اللحظه السعيده بكل تفاصيلها و لكن قلبها لم يحتمل تلك الانفعالات العديده علي الأغلب فأعلن اعتراضه متوقفا..
حسناااااااااااااء.. صرخ بها والديها و اختها عندما سقطت أرضا.. انتقلوا بها سريعا إلي المشفي.. عمت الفوضي بالمشفي فأمرهم الطبيب بالانصراف صارخا بهم:الحاله قلبها وقف و خسرت دم كتيير جدا افهم كنتوا فين و سايبينها تنزف كل ده؟؟
والدتها ببكاء: والنبي ي ابني طمني عليها هي عايشه؟!
الدكتور بعمليه: هنعملها اللازم ي حجه و كله بتاع ربنا بس بلاش الهوجه اللي بره دي.. اتفضلوا.
الحج حكم: ربنا يقومهالك بالسلامه ي محمد.. هنستأذن احنا و هكلمك كل شويه اطمئن عليها..
انصرف الجميع ماعدا أختها ووالديها.. الآن.. و الآن فقط تذكروا انها “حسناء” الابنه الصغري المدلله المحببه للجميع التي و بمجرد زواجها من “فادي” حتي أصبحت النقيض.. يدعوا لها من قلوبهم بصدق.. يتمنوا ان لو تمنحهم فرصه أخيره ليعبروا بها عن مدي حبهم لها.. قطع شرودهم خروج الممرضه تركض: مين فصيلة دمه -AB ؟!
ليقول والدها بفزع: حسناء مالها ي دكتور؟!
_محتاجين لها نقل دم بسرعه و فصيلة دمها نادره.. بسرعه اطلبوا قرايبكو وكل اللي تعرفوهم و اللي فصيلة دمه -AB يجيلي فورااا.. بسرعه كله من وقتكوا.
ليقول والدها: انا هروح اخلي الشيخ محمود ينادي ف الجامع.. و انتي ي علياء كلمي قرايبنا ولا اقولك اكتبي ع الفيس بسرعه عشان كله توصله..
فتحت “علياء” الفيسبوك و قامت بتحديث حالتها..
“جماعه حسناء اختي محتاجه نقل دم و فصيلة دمها AB- اللي نفس فصيلة دمه و يقدر يتبرع ييجي مستشفي الفيوم الاستثماري حاالااااا” ثم قامت بمشاركة حاالتها مع “حسناء” حتي يتمكن من رؤيتها أكبر عدد ممكن..
توالت التعليقات.. ربنا يشفيهاا..
مالها سلامتها..
اي ال حصل..
الكلام ده من امتا..
لا والله الفصيله دي نادرة ربنا يقومهالكوا بالسلامه.. انا نفس فصيلة دمها لو سمحتي كلميني خاص..
♡♡♡♡♡♡♡♡♡♡♡♡♡
كان يجلس علي مائدة الطعام و وبجانبه والدته و زوجته.. يفكر هو في حبة قلبه التي لا يعلم لها سبيل للوصول.. زوجته شارده في اعترافه لها بحبه لأخري و كم أوجعها ذلك الشعور.. والدته حزينه علي رؤية ولدها بتلك الحال فهي تعلم أن ضياعه هذا حتماً وراءه “حبة القلب”.. و كلٌ يبكي علي ليلاه……
أمسك بهاتفه و فتح” واتساب”ثم دخل إلي الدردشه الخاصه بها فوجد الرسائل خاصته لم ترسل بعد.. دخل إلي “فيسبوك” علي حسابها عله يعرف عنها أي معلومه و وقع قلبه أرضاً عندما رأي ذلك المنشور التي شاركته معها أختها فعلق فورا علي المنشور.. “أنا نفس فصيلة دمها، لو سمحتي كلميني خاص”
ما هي إلا ثوان معدوده حتي أرسلت له أختها علي “ماسنجر”.. حضرتك تقدر تتبرع؟!
أرسل لها رساله صوتيه”أكيد طبعا.. انا اتحركت فعليا.. المشكله ان الطريج طويل ست ساعات سفر.. انا هسوج علي أقصي سرعه و إن شاءلله هوصل.. لو سمحتي بس تطمنيني عليها”
♡♡♡♡♡♡♡♡♡♡♡♡♡
سمعت أختها الرساله ثم نظرت إلي الهاتف بيدها في تعجب: اطمنه عليها؟! قاطعها مجئ الطبيب: هاا مفيش متبرعين؟! كده خطر عليها آحنا يدوب نقلنالها كيسين دم دول بس اللي كانوا موجودين ف بنك الدم نفس الفصيله بس هي هتحتاج دم تاني من 4ل5أكياس و هتحتاج دم أثناء العمليه.. ضروري تتصرفوا..
والدتها ببكاء: عملية اي يدكتور هي بنتي مالها؟!
=بنتك جت هنا ميته ي حجه لولا الصدمات الكهربائيه قلبها مكانش دق تاني.. دلوقتي بيجزوها لعملية لان عندها جرح قطعي عميق في الجانب الأمامي من الرسغ الشمال اتسبب في نزيف شديد نتيجة إصابة الأوعية الدموية المغذية للإيد و قطع بالشريان الزندي.. ادعولها تعدي علي خير..
♡♡♡♡♡♡♡♡♡♡♡
بعد خمس ساعات……
دخل المسنشفي راكضاااا.. قلبه يسابق قدماه
ذكر الله و الدعاء لها لا يفارق شفتاه..
دخل ألي قسم الطوارئ.. لو سمحت انا جاي انجل دم لمريضه هنا.. حسناء محمد.. اروح فين..
_تعالي معايا بسرعه…
وصلوا إلي الطابق السادس.. أمام غرفة العمليات.
الطبيب بنفاذ صبر: ي جمااااااعه الزحمه دي ملهاش لزوم بالعكس انتو كده بتعطلونا.. كل المتبرعين مش نفس فصيلة الدم.. ف ياريت تتفضلوا بقاا..
قال لاهثا: أنا ي دكتور نفس فصيلة دمها.. بسرعه الله يخليك.
_اتفضل معانا.. بتاخد اي نوع من المنبهات أو المخدرات..
=لا طبعا اعوذ بالله.. وهو انا لو باخد هاجي اديلها دمي..
_طب اتفضل معانا هنحتاجك ف العمليات.
بدون تفكير اتجه مع الطبيب إلي غرفة العمليات و عندما دخل شعر بالأرض تميد من تحته.. حبة قلبه نائمه لا حول لها ولا قوة.. ترتدي رداء العمليات.. موصله بخراطيم نقل الدم و أجهزة الأكسچين..
أغمض عيناه رغبةً منه في عدم رؤيتها بتلك الحال..
الطبيب: معلش احنا هنحتاجك معانا لأن الدم هيتنقل أثناء العمليه لان اتاخرنا عليها و مفيش وقت..
_اتفضل ي دكتور شوف شغلك..
استغرق نقل الدم قرابة ساعه و نصف الساعه..
كان خلالها “العمده” لا يتوقف عن قراءة القرآن و الدعاء لها..صُعق عندما إستمع إلي صفير جهاز المؤشرات الحيويه معلنا عن توقف القلب.
الطبيب: AED “” جهاز آلي خارجي للصدمات الكهربائيه للقلب”” فورااااا.
قام الأطباء بعمل الصدمات الكهربائيه مرات عديده دون جدوي حتي قال الطبيب: لا حول ولاقوة الابالله.. للأسف مقدرناش نلحقها..
قال بعصبيه بالغه: للاسف ايه.. انت بتجول ايه ي دكتور البهايم انت.. ووسع كده
الطبيب بعمليه شديده: من غير غلط ي حضرت.. الحاله جايه منتهيه اصلاا.. دي قاطعه شرايين إيديها و احتمال كبير جدا لو كانت عاشت كانت هتعيش بعجز أصلا..
_بسسسس.. بسسسس.. متجولش كلام زي كده.. هي هتجوم بالسلامه.. حاول تاني.
الطبيب: AED تاني….النبض وقف مفيش حاجه بإيدينا نعملها.
_حااول تااااني و تالت و راابع..ثم أمسك بيدها:حااول تااااني هتعيش انا متإكد…ثم اكمل ببكااء:يست النااااس..متعمليش فيا كده عشان خاطر ربنا..لو سيبتيني مش هكمل..هموت ورااكي..جومي عشان خاطر بنتك طيب..طب عشان خاطري دنا بحبك..انا راضي اعيش العمر كله أحبك من بعيد لبعيد بس الاسم عارف إنك عايشه و بخير..إنما لو سيبتيني؟!هجيب منين صبر اكمل بيه..هعيش علي أمل اي؟!
“النبض رجع ي دكتوور”قالتها ممرضة العمليات بفرحه بالغه عندما استقرت مؤشراتها الحيويه مجددا..زفر الطبيب في راحه ثم ربت علي كتف”العمده”قائلا:انت انقذتها مرتين..مره لما نقلتلها دمك..و التانيه لما قولتلها الكلام ده.فينظر له”العمده”بتعجب قائلا:مش فاهم؟!
الطبيب:في أغلب الحالات..الجانب النفسي بيتأثر اكتر من الجانب الجسدي..يعني زي اللي حصل دلوقتي..المريض قلبه خلااص بيستسلم للموت لأنه واقعياً يأس او معندوش حاجه مهمه يعيش عشانها و ده علي الأغلب اللي حاصل مع مدام حسناء بدليل إنها حاولت تنتحر…فلما جيت انت كلمتها و طمنتها إن في حد بيحبها و عايش عشانها قلبها استجااب لك فرجع ينبض تاني لذلك ف حالات الغيبوبه بننصح اهل المريض يكلموه كتيير يفكروه بحاجات بيحبها..بناس بيحبها عشان قلبه يفضل متمسك بالحياه.
_يعني هي كويسه دلوجتي ي دكتور؟!
=إلي حد ما الحاله استقرت..لسه في عمليه اخيره عشان إصابة”الشريان الزندي”بس نطمن عليها الاول و يعدي ال12ساعه الجايين بسلام.
_طيب أجدر أستني معاها هنا؟
=هي هتتنقل غرفة الإفاقه دلوقتي..هو مش مسموح طبعا بوجود مرافق مع الحاله في غرفة الإفاقه..بس علي مسئوليتي بقولك خليك جمبهاا.
تم نقل”حسناء”غرفة الإفاقه و معها”داود”
ظل ممسك بيدها يقبلها و عيناه لا تتوقف عن البكاء و لسانه لا يردد غير “اللهم لك الحمد”
بعد بضع دقائق بدأت “حسناء”في الإفاقه..حاولت فتح عينيها في وهن شديد ثم نظرت له بأعين زائغه..ثم أمسكت يده و ضغطت عليها قائله:إنت هنا ي محمد ❤
❤ست الحسن ❤
البارت الثاني عشر بقلمي ????نعمه حسن ????
بعد بضع دقائق بدأت “حسناء” ف الإفاقه.. فتحت عينيها في وهن شديد ثم نظرت له بأعين زائغه.. ثم أمسكت يده و ضغطت عليها قائله: إنت هنا ي محمد.
_محمد مين حضرتك؟! أنا الممرضه و جايه عشان ميعاد الدوا.
انتفضت “حسناء” فجأه: هو فين؟؟ محمد فين؟؟!
_محمد مين بقوللك انا الممرضه.
=محمد كان هنا أنا شوفته.
_حضرتك محدش بيدخل غرفة الإفاقه مع الحاله.. انا داخله اصلا و الأوضه فاضيه.
=لا طبعا بقولك انا شوفته.. ده كان قاعد جمبي و ماسك ايديا.
_دي هلاوس البنج.. اكيد بيتهيألك.
علي مضض اقتنعت بما قالته الممرضه و لكنها كانت تود لو أنه كان موجود فعلاً.. فرغت الممرضه من إعطاءها الدواء ثم قالت: حمدالله على سلامتك.. كمان نص ساعه هتجيلك ممرضه زميلتي تعلقلك محلول.. عن إذنك.
ترقد شاخصة بصرها في سقف الغرفه.. تجزم أنه كان هنا بجانبها.. هي شعرت به.. كان ممسكٍ بيدها يقبلها.. و لكن لو كان هنا اين هو الآن؟؟!
بعد مرور نصف ساعه.. تدخل ممرضه و علي وجهها إبتسامه بشوشه: حمدالله على السلامة ي مدام حسناء ولا نقولك ي ست الناس؟!
حسناء و أمل قد دب في قلبها: إنتي عرفتي الإسم ده منين؟!
_جوزك يستي طول العمليه مكانش بيناديكي غير ي ست الناس.. ده مبطلش عياط عشانك طول العمليه.
=جوزي؟! شكله إي ؟!
قالت الممرضه بضحكه متعجبه: هي العمليه أثرت علي الذاكرة ولا إي؟!
=معلش بس اوصفيهولي..
_أسمر و طوي…
انتفضت فجأه قائله بلهفه: أنا صح.. هو كان هنا أنا متأكده.. لابس جلباب؟!
_أيوة.. هو مش جوزك ولا إيه؟!
=هو كان معايا هنا.. صح؟!
_لا مش عارفه والله.. بس علي ما اعتقد لا.. لان محدش بيدخل غرفة الإفاقه مع الحاله.. هاااتي بقا دراعك و اهدي كده عشان الاقي الوريد بسرعه.
حائره هي.. لا تعلم ماذا عليها أن تفعل.. هو كان بجانبها طوال فترة العمليه.. و كان بجانبها هنا أيضاً.. و لكن أين ذهب؟!!
••••••••••••••••••••••••••••••••
وصل منزله مع صباح يوم جديد.. صعد مباشرةً إلي غرفة والدته.. وجدها نائمه فأيقظها.. أفاقت هي غلي صوته فالتفتت مسرعه بلهفه: كنت فين ي نضري و مرديتش علي تليفونات مراتك ليه.
_أنا تعباان يااماا
=الف سلامه عليك ي حبيبي.. فيك ايه؟!
_فياا كتير.. كتير يااما و متجل كتافي.. مربط إيديا و شالل لساني.
=بعد الشر عنك ي حبيبي.. جوللي إيه جري معاك خلاك تسيب الأكل وتمشي و تبات بره البيت.
_كانت بتمووت يااما.. كانت هتسيبني ألطش ف الدنيا لوحدي.. متعرفش اني مسنود عليها و جوي بيها.
=لا حول ولاقوة الابالله.. حصلها إيه كفالله الشر؟!
_اللي عرفته من الدكاتره إنها كانت جاطعه شرايين إيديها يعني كانت عايزة تموت نفسها.. بس مكانش في فرصه أعرف السبب.. أكيد جوزها الله يلعنه.
=و بعدين يولدي حصل ايه؟!
_كانت محتاجه يتنجلها دم و يشاء ربنا إني من بين 100واحد اكون الوحيد اللي نفس فصيلة دمها.. شووفي ربنا و حكمته يااماا..
ثم أكمل بضحكه مكسورة: يعني دمي بيجري ف دمها دلوجتي.
=طيب وهي عامله ايه دلوجتي؟! فاجت ولا لسه؟!
_انا كنت معاها لحد ما بدأت تفوق سيبتها و جيت.
=طب و مستنيتش ليه تطمن عليها الاول؟!
_خوفت يااما.. حسيت انها بدات تتعلج بيا.. يمكن كمان بدأت تحبني!! خوفت أعلجها بيا و أشيل ذنبها.. دي واحده متجوزه…. يعني مليش فيها حاجه.. و كمان خوفت جوزها يدخل يلاجيني جاعد جمبها.. كانت هتبجي كارثه.. جولت أخد بعضي و أمشي أحسن طالما اطمنت عليها.
فتقول أمه بقلة حيله: متشيلش نفسك فوج طاجتك ي ولدي.. كله مجدر و مكتوب.
_و نعم بالله.. هجوم كده أشوف رشيده.
°°°°°°°°°°°°°°°°°°°°°°°°°°
يدخل الطبيب إليها مبتسماً بلطف: حمدالله على سلامتك ي مدام حسناء.. دوختينا معاكي.
فتقول بأعين دامعه: الله يسلمك ي دكتور.
_هنحضر نفسنا دلوقتي للعمليه الأخيره و إن شاءلله هتبقا سهله متقلقيش من أي حاجة.. الخطر كله عدي.. ولا لازم نجيبلك العمده المرادي كمان؟!
فتقول بلهفه: هو حضرتك شوفته؟!
_طبعا شوفته.. ده عمل اللي مقدرناش نعمله احنا شخصياً.
فتقول بأمل: هو كان هنا ي دكتور صح؟!
_ايوة كان معاكي بعد ما طلعتي م العمليات و انا اللي أوصيته يفضل معاكي بما إنك بتستجيبي ليه.
إذن أين ذهب.. حدسها لا يخطئ.. إحساسها دائماً يصيب.. إذن لقد قبّل يدها.. قبّل رأسها.. كان يبكي من أجلها.. و لكن لماذا ذهب فجأه؟!
_ممكن أستعمل موبايلي ي دكتور؟!
=أيوة..بس مس كتير عشان العمليات جاهزة خلاص..
هخلي أي حد يجيبهولك حالا.
قامت بالاتصال به فوجدته مغلق..ارسلت له علي “واتساب”فلم تصله الرساله أيضاً.
فأعطت الطبيب الهاتف ثم استعدت للدخول إلي اجراء العمليه.
بعد ساعتين…
بعد الانتهاء من العمليه بنجاح تم نقل”حسناء”إلي غرفتها التي ستبقي بها جتي خروجها من المشفي..
التف حولها أهلها يتهافتون عليها..جميعهم يريدوا أن يحتضنوها فهم كانوا علي وشك خسارتها..
♡♡♡♡♡♡♡♡♡♡♡♡♡♡
بعد مرور شهرين…..
منذ خروجها من المشفي و قد تبدل حالها…شارده..حزينه..هادئه..ساكنه..منطفئه دائماً
لا تتوقف عن الإتصال به و كالعاده..الهاتف مغلق.
أرسلت له علي”واتساب”الكثير من الرسائل دون جدوي
تبحث علي حسابه علي فيسبوك لا تجده..أتاها إتصال من”نادين”إبنة عمتها فاجابت:ألو..ازيك ي نادين؟!
_ازيك ي نادين؟!طبعاً مهو من لقي احبابه..ازيك انتي ي واطيه.
=كويسه الحمدلله..عمتي اخبارها اي؟!
_الحمدلله بخير..بتسلم عليكي كتيير.
=الله يسلمها..مبروك ع الخطوبه..علياء كانت بتحكي من شويه.
_لا ي حبيبتي..مبروك من بعيد لبعيد دي متاكلش معايا..انتي تيجي الخطوبه و رجلك علي رجلي يومها
=معلش ي نادين مش هقدر أجي..انتي عارفه اللخبطه اللي أنا فيها.
_لخبطة اي بقا يست حسناء؟!دا احنا اتطلقنا و بقينا سترونج اندبندنت وومن و محدش زينا..و بعدين المفروض انتي ما تصدقي أصلا و تيجي تغيري جو بدل جو الاكشن اللي عيشتيه اليومين اللي فاتوا دول.
=خلاص سيبيها بظروفها و إن شاءلله هحاول أجي.
_مفيش الكلام ده..بكره تجيبي بنتك و تيجي..متسيبينيش لمريم تقرفني..والله ي حسناء لو ما جيتي ما هعرفك تاني..
=خلاص إن شاءلله هجيب صبا و اجي..مبروك ي حبيبتي ربنا يتم عليكي بخير.
_حبيباااااااااي..متحرمش منك ي جميل..يلا تصبحي على خير..مع السلامه.
♕♕♕♕♕♕♕♕♕
كان يراقب حسابها علي “فيسبوك”من حساب وهمي لقد أخذ قراره بأن يختفي من حياتها..لا يريد لها أن تتعلق به وهي علي ذمة آخر..يكفيه أن يطالع أخبارها من حين لآخر و كفي..وجد منشور قد تم مشاركته من قِبَل”nadin mostafa” مع “hasnaa mohammed”و ٤٢ آخرين..
“ي بناويت إن شاءلله خطوبتي بعد بكره في قاعة”أكاسيا”طريق الجيش أمام كوبري استانلي..هستناكوا تشرفوني و عقبال عندكو جميعا”
نظر إلي الهاتف بيده ثم تمتم في نفسه”أكيد ست الناس هتكون موجوده..فرصه أشوفها من بعيد لبعيد يمكن مااعرفش أشوفها تاني”
°°°°°°°°°°°°°°°°°°°°°°°°°°°°°°°
ذهبت حسناء برفقة عائلتها إلي الإسكندرية لحضور حفل خطوبة إبنة عمتها..قضت اليوم برفقة “نادين”خارج المنزل متعمده حتي لا تواجه إبن عمتها اللزج و زوجته الحمقاء..
°°°°°°°°°°°°°°°°°°°°°°°°°°°°°°°
**في القاعه**
دخل هو مستتراً ثم جلس في آخر القاعه حتي لا يلفت الانتباه له..هب واقفاً محدقاً بها عندما رآها تتراقص و حولها دائره من الشباب و الشابات يشجعونها تشجيع بالغ فقال:دنتي ليلة أبوكي سوداا النهارده.
????ست الحسن????
البارت الثالث عشر بقلمي♡نعمه حسن♡
دخل هو مستتراً ثم جلس في آخر القاعه حتي لا يلفت الانتباه له.. ثم انتفض محدقاً بها عندما رآها تتراقص و حولها دائره من الشباب و الشابات يشجعونها تشجيع بالغ ..
فقال متوعداً: دنتي ليلة أبوكي سوداا النهارده.. ثم أمسك بهاتفه و قام بالإتصال بها فلم ترد.. فأرسل إليها رساله صوتيه علي “واتساب” ” ارجصي علي كيفك دنا هرجصك ع الشناكل بس اصبري” فلم ترد أيضاً فهاتفها مرة أخري فوجد فتاةّ ما تعطيها حقيبتها و علي ما يبدو تقول لها أنه أتاها رساله.
أمسكت بهاتفها فوجدت مكالمتان فائتتان منه فإنخلع قلبها.. فهي لم تراه و لم تسمع صوته منذ كانت بالمشفي.. فتحت “واتساب” و سمعت رسالته”ارجصي علي كيفك دنا هرجصك ع الشناكل بس اصبري”.. إرتعدت أطرافها و تسارعت دقات قلبها و ظلت تتلفت حولها كي تراه و لكنها لم تجده فأرسلت له “إنت فين؟؟!
_أنا فوج دماغك مطرح ما تروحي.
فعادت تتلفت حولها مره اخري دون جدوي فأرسلت له”طب أنا عايزة أشوفك”
_بلاش جنان و اجعدي مطرحك و مأشوفش وشك ع المسرح تاني
=لو مقابلتنيش بره دلوقتي مش هعرفك تاني.
فأرسل لها رساله صوتيه “يبنت المجانين أجابلك ازاي.. بره في ناس كتير و هيشوفوكي معايا”.
فردت عليه برساله صوتيه أخري” لازم أشوفك مليش دعوه.. إمشي بعربيتك لقدام شويه وأنا هاجي وراك”
_إنتي إتجنيتي ولا إيه… و بعدين إفرضي حد شافك و انتي بتركبي العربيه هيجول عليكي إيه.
=في موضوع ضروري لازم اكلمك فيه.. دقيقتين بس.
_طيب هتلاجيني واجف جبل فندج بلازا بشوية.
أخذت حقيبتها و خرجت بفرحة غير معتاده… قابلت إبن عمتها فقال: رايحه فين ي حسناء؟!
_رايحه أقابل واحده صحبتي و راجعه.
=و هي فين صحبتك دي؟!
_لما أرجع ابقي حقق معايا.. عن إذنك.
ثم تركته و مشت تهرول حتي وجدت سيارته ففتحت باب السياره و دخلت بغتةً: كرموز يسطا؟!
ظل محدقاً بها حتي أشارت بيديها أمام عينيه قائله: هيييي.. ساموعليكوووو.. فضحك ضحكته الوقورة التي تعشقها ثم قال: كرموز يست الناس.
_سيبتني ف المستشفى و مشيت ليه ي محمد؟!
هام بها عشقاً لنطقها إسمه دون ألقاب أو حواجز و قال: خوفت حد يشوفني عندك تبجي مشكله.. و بعدين كنت إطمنت عليكي الحمدلله جولت أمشي جبل جوزك ما ييجي يشوفك ولا حاجه.
_أنا إط….. قاطعها هو قائلاً بحده: متغيريش الموضوع يست هانم.. إيه المسخره اللي عملتيها دي؟!
_مسخره؟! هو أنا عملت إيه؟!
=واجفه تترجصي و عملالي فيها نجوي فؤاد و الجلاله وخداكي أوي و شوية الخنافس اللي ملمومين حواليكي بيشجعوكي ولا كأنك بتاخدي جايزة نوبل..
_أصل أنا بحتفل يعني عشان… قاطعها ثانيةً قائلا بغيظ مكتوم و سخريه: هااا بتحتفلي عشان إيه يست السنيورة؟! طلعتي المريخ وانا معرفش؟!
فقالت صارخه: ما تحط لسانك جوه بؤك شويه بقا و اديني فرصه اتكلم.. بحتفل عشان إطلقت.
قالت الأخيره بفرحه فنظر إليها بصدمه:بجد؟! إمتا ده حصل؟
_يوم ما موّت نفسي.
=موّتي نفسك آزاي؟!! آااه يوم ما انتحرتي يعني؟؟
_أيوة منا انتحرت عشان كده.. عشان أجبره يطلقني.. و طلقني.
تحدث هو بسعاده لم يفلح في إخفائها: ألف مبروك يست الناس… الحمدلله إنك خلصتي منه علي خير.. ربنا يعوضك باللي يشيلك في عينيه.
_الله يبارك ف… قاطعها هو قائلا: أيوة بس بردو مال ده و مال الرجص أنا مش فاهم؟! ثم أمسك بخصلات شعرها يجذبها بغيظ: و بعدين إيه ده؟! خارجين يشموا هوا دول ولا إيه؟؟! إعدلي حجابك ي ماما.
_إيدك لأزعلك عليها وبع.. قاطعها هو قائلا: اسكتي خاالص و بطلي طولة لسان حتي احترمي فرج السن اللي بيني و بينك.
_فرق سن إيه حضرتك؟! ده هما 15 16سنه بالكتير يعني.. متعملش فيها الشايب الأعور بقا!!
ضرب يمينه بيساره متعجباً فقال: انتي بتجيبي الكلام ده منين انا مش عارف!! إتفضلي إنزلي و لما تروّحي لينا كلام تاني علي عملتك المهببه دي..
_إيداا إيدااا إنت بتغير ولا إيه ي حضرة العمده؟!
=أغير إيه و هبل إيه.. يلا إنزلي.
نزلت هي من السياره و اتجهت نحو القاعه فمشي خلفها بسيارته حتي إطمئن أنها دخلت إلي القاعه.. ظل بداخل السياره شارداً هائماً يردد”الحمدلله “..
انتهي حفل الخطوبة و عادت مع أهلها إلي الفيوم و عاد هو إلي أسوان.. لأول مره يشعر بالسعاده هكذا.. يدعو الله أن يجمع بينهما.
مع صباح اليوم التالي.. إستيقظت هي تستقبل نسمات اليوم الجديد بصدر رحب.. فتحت هاتفها فوجدت انه قد أرسل لها رساله ففتحتها فوجدت مقطع صوتي.. فتحته فوجدته قصيده ل” هشام الجخ” كانت تستمع لها و قلبها يتراقص فرحاً..
أَيْوَة بغَيْر
لَا انَا نَقْصَان وَلَا ضَعْفَان
وَلَا مَسْطُولْ وَلَا سَكْرَان
وَلَا زَايغ مِنْ عِيّنِيّ الْضَيِّ
وَلَا حَدَّ احْسَنَ مِنِّيْ فِيْ شَيّ
بَسّ بغَيْر
وَالَّلُيٍ قَالَوُلِك غِيْرَة الْرَّاجِلِ قِلَّةِ ثِقَةٌ اوْ قِلَّةِ فَهْمِ
خَلْقِ حِمْيَرَ
غيْرَةِ الْرَّاجِلِ نَارِ فِيْ مَرَاجِلِ
نَار بِتْنَوِّرْ مابْتِحْرَقش
وُاحْنَا صَّعايَدّةً بْنَسْتَحمّلّشِ
شَمْسِنَا حَامِيَة وعِرَقْنا حَامِيْ وطبَعْنا حَامِيْ
وَالَّلِيٍ تْخَلِّيْ صَعِيْدَيْ يحِبَّهَا
يَبْقَىْ يَا غُلْبهَا
اصَّلْنا نَاسْ عَلَىَ قَدْ الْطَّيِّبَةُ
كُلُّنَا هَيْبَةً
وَالْنِّسْوَانِ فِيْ بِلَادِنَا جَوَاهِرِ
طَبُ لَوْ عِنْدَكَ حِتّةْ مَاسَ
حتْخَلَيّهَا مَدَاسْ لِلْنَّاسِ؟؟
وَلَا حْتْقِفْليّ اوَضَة عَلَيْهَا بِمَيِّت تِرْبَاس
يمْكِن حَتَّىَ تَأْجِرِيْ لِيْهَا جُوَزّينَ حُرّاس
يَبْقَىْ انَا لَا انَا جَاهِل وَلَا غَافِل
كُلِّ الْفَرَقْ مَا بَيْنِيْ وَبَيْنَكَ انّيّ صَعِيْدَيْ
يَنْعَلْ ابُوْ دَهْ الْيَوْمَ الْاكْحَلِ
الَّلِيْ لَا لِيَهْ اخِرَ وَلَا اوَّلَ
الْلِيْ طَلَعَتْ لَقِيْتَنِيْ صَعِيْدَيْ
لَوْ كَانَ بِايْدِيْ
كُنْتُ اعْمِلَكُ هِنْدِيٌّ بِرِيْشِ
وَاقْلِبْ شِعْرِيَ كَنِيشْ كَرَابِيش
وَالْبَسْ لَكِ سِلْسِلَة مِتَدَّلدّلّة خَرَزَة وَقَلْب
بَسّ ازّايْ الْبَسْ لَكِ سِلْسِلَة ؟؟ هُوَ انَا كَلْبُ ؟؟
ثُمَّ الْعِبْرَةَ مَاهِيْش فِيْ الْلُّبْسِ
اصِلَ الْمُشْكِلَةَ عِنْدِكَ .. عِنّدِكَ ..
قُلْتُ حَاسيبهَا وَبُكْرَة تِحِس
بَعْدُه تِحِس
بَعْدُه تِحِس
دَهْ انَا لَوْ جِبْسِ كُنْت زَعَقْتُ
مَاشِيَ صَدَاقَة وْمَاشِي زَمَالَة
بَسّ مَاجَتْش عَلَىَ الْرَّجَّالَةِ
مَاهِيْ نِّسْوَانِ الْدُّنْيَا كَتَيَّرَ
وَانَا مَا بَقُولِشِ تَخَاصِمّيّ الْنَّاسِ
وَلَا تِتْحِجبيّ عَنْ الْرِّجَّالَةِ
وَلَا تَعْتَكْفِيّ وُتُسْكِنِّي دَيْرِ
بَسّ يَا رَيْتْ حَبَّة تَقْدِيْرُ
انّيّ بِحبِّكَ
وَانّي بَرِيْدكِ
وَانّي زَرِعَتْ حَيَاتِيْ فِيْ ايْدِكْ
وَانّي غَزَلْتُ بَنَاتِ الْدُّنْيَا عُقُوْد عَلَىَ جَيِّدَكِ
وَانّي تَعِبْتُ مِنْ التَّفْكِيْرِ
وَانّي بَغَيْرِ
لأول مره تبكي فرحاً.. إذن لقد اعترف لها صراحةً بحبه لها.. كانت تشعر.. حدسها أخبرها بذلك..
فأرسلت له برساله: هتيجي تطلبني من بابا إمتا؟!
_أطلبك؟!! ليه؟!!!
فأرسلت له برساله صوتيه”نعم يرووح أمك؟! هو اي اللي تطلبني ليه؟! هو الكلام ده جالي بالغلط ولا إي؟!
_روح أمي؟!! تعرفي يست الناس أنا لو وافجت و جيت أطلبك هكون برحم الشباب البرئ من لسانك الزالف ده.
=بلا زالف بلا تالف.. هتيجي ولا لا؟!
_هاجي؟! انا طالع علي السلم.
=بطل بواخ…إستمعت إلي جرس الباب فذهبت لفتحه و صُعِقت عندما رأته يقف بجوار خالها..
كانت ترتدي بنطال من’الجينز’ و قميص قصير أبيض.. عندما وقع بصره عليها أدار وجهه ناحية اليسار فانتبهت هي ثم ركضت للداخل كالبلهاء: ي ماامااا.. خالي جه.. خالي جه ي ماامااااا.
فتقول والدتها بحنق: وهو خالك جاي م الحج يعني؟! عامله غاره ليه؟!
خرجت والدتها تقول قبل ان تصل للباب: ما تدخل يا “كرم” هو إنت غري.. أهلا وسهلا يبني.. إتفضل.. إتفضلوا.
دخل برفقة خالها بعد أن حمحم قائلا: لا مؤاخذه ي حجه جينا من غير ميعاد.. الحاج محمد موجود؟!
_آااه موجود.. ثواني أندهلك بيه أصله غاوي يقعد فوق ف الهوا..
أتي والدها و دخل ثم رحب بهم و جلسوا جميعا فقال “العمده”: أنا آسف ي حج محمد إني جيت من غير ميعاد سابج يعني.. أصلي جاي من أسوان.
_آااه.. أهلا وسهلا يبني.تآنس و تنور ف أي وقت.
=ربنا يخليك يرب.. دلوجتي أنا هجيلك دوغري من غير لف و دوران.. أنا طالب إيد بنتك الأستاذه” حسناء ”
فقال والدها بتعجب: حسناء؟! و انت تعرف حسناء منين؟!
لم يشأ أن يكذب أو يخدع والدها فقال: ماهو أنا اللي نجلت لها دم يوم العمليه…
_وهو أي واحده تنقل لها دم تتجوزها؟! و بعدين عرفت منين إننا م الفيوم.
=لا أكيد مش أي واحده هنجل لها دم هتجوزها.. بس إنت عارف يعني.. سبحانه مؤلف القلوب.. و عرفت إنكوا م الفيوم لما سألت.. و اللي يسأل ميتوهش.
_امممم بس إنت شكلك مش صغير ف السن.. ليه لحد دلوقتي متجوزتش؟!
=مين جال؟! أنا متجوز ليا 15سنه من بت عمي.
_متجوز؟! و معاك كام عيل؟!
=لا ربنا مأرادش بخلفه.
=آااااااااه يعني عاوز تتجوز بنتي عشان تخلفلك… مش كده؟!
_أكيد لا.. لو علي خلفه كنت اتجوزت من زمان.. أنا عايز أتجوز بنتك عشان رايدها هي مش رايد عيال.
=طيب أنا موافق بس علي شرط.. تطلق مراتك!!
❤ست الحسن ❤
البارت الرابع عشر بقلمي ❤نعمه حسن❤
طيب أنا موافق بس علي شرط.. تطلق مراتك..
قال العمده بتريث: و إي دخل مراتي بالموضوع أصلا انا مش فاهم؟!
_إزاي يعني؟! و هي بنتي ناقصه إيد ولا رجل عشان تدخل علي ضره؟!
=بس أنا موافقه ي بابا.. تفوهت بها “حسناء” التي كانت تستمع لحديثهم..
_موافقه إنك تتجوزي واحد متجوز؟! إنتي جري لعقلك حاجه؟!
=لا بالعكس.. مجراش لعقلي حاجه عشان كده أنا موافقه.
_بس أنا مش موافق.
=و إذا؟؟! هل حضرتك مستني مني أسيبك تتحكم ف حياتي تاني؟!
كان يتطلع آليها و إعجابه بها يزداد.. لم يكن هو الرجل الذي يطلق زوجته من أجل أخري أساساً و لكنه أراد أن يتريث كي يري ماذا هي بفاعله!
والدها: إنتي بتقولي إيه يبت انتي.. هتتجوزي بدون موافقتي يعني؟!
لتقول بتماسك: العفو ي بابا.. أكيد مش هيحصل.. بس بردو حضرتك لازم تحترم قراري.. أنا موافقه و متقبله الموضوع جداا.. اي المشكله عند حضرتك؟!
_انتي مفكره الموضوع سهل؟؟
=ي بابا دي رغبتي و أنا هتحمل نتيجة قراري.. أرجوك بلاش تفرض عليا رأيك تاني و تكون السبب ف تعاستي تاني بردو.
_اللي انتي عاوزه تعمليه اعمليه ي حسناء.
=يعني حضرتك موافق؟!
_طب مش هنسأل عليه الاول.
ليقاطعه العمده قائلا: اللي حضرتك حابب تعرفه إسالني عنه.. محدش هيفيدك أكتر مني.
_مبدأياً كده.. بنتي هتعيش فين؟!
=في بيتي اللي فيه أمي و مراتي.
_نعم؟؟ إزاي ده.. هتقعد مرتاتك الاتنين مع بعض؟! ده محدش عملها قبل كده.
=أنا هوضح لحضرتك نقطه.. مراتي دي بنت أصول و متطلعش منها العيبه و لولا إني رايد بنت حضرتك مكنتش فكرت أتجوز عليها أبدا.. ف من نحية مراتي إتطمن.. عمرها ما هتمس بنتك بسوء.. و ده كلام أبصملك عليه بالعشره.. أما والدتي فهي ست قعيده يعني لا حول لها ولا قوة.. و هتحب بنتك زي بنتها و اكتر.
_امممممم.. انتي موافقه ي حسناء تعيشي مع مراته الاولي ف نفس البيت؟!
قالت حسناء بتوتر لم تفلح في أن تخفيه: موافقه.
_طيب.. نيجي لأهم نقطه.. بتشتغل إيه؟!
=حضرتك أنا معايا كذا كافتيريا و معايا كذا محل اكسسوارات و معايا بزار.. و ربنا رازجني من وسع الحمدلله..
_امممممم.. طيب إن شاءلله لو في نصيب و الجواز تم هتضمنلها حقها إزاي؟!
=الضامن ربنا ي حج محمد.. و اللي تؤمر بيه حضرتك.. كله تحت رجليها.
_كلام سليم.. طيب إنت إن شاءلله هتجيب أهلك و تيجي الجمعه اللي بعد الجايه نقرا الفاتحه و نتفق.
=حضرتك أنا والدي و عمي متوفيين ووالدتي قعيده زي ما جولتلك.. و اكيد مش هجيب مراتي و أنا جاي أتجوز يعني.. ف بالتالي هاجي لوحدي.
_و مين اللي هيضمنك؟!
=الضامن ربنا زي ما جولتلك.. و بعدين انت بتكلم راجل يعني مش عيل صغير عايز حد يضمنه.
علي مضض قال والدها: خلاص ماشي.. يبقا إن شاءلله علي اتفاقنا الجمعه اللي بعد الجايه هنقرا فاتحه و نتفق.
قام و صافح والدها و قال: علي بركة الله… عن إذن حضرتك..
_إتفضل.
خرج من البيت سعيداً ابتسامته تكاد تصل أذناه.. ركب سيارته و أخذ طريقه عائداً إلي أسوان.. أتاه إتصال من زوجته فأجاب: السلام عليكم.. أيوة ي رشيده جابلته.. وافج الحمدلله.. الله يبارك فيكي ي أصيله.. إن شاءلله.. مع السلامه.
♕♕♕♕♕♕♕♕♕♕
كانت تجلس بمفردها في غرفتهم.. تحسست فراشها و والوساده الني طالما جمعتهم و قالت ببكاء: خلااص ي رشيده.. فرشتك هتبجي بارده من هنا و رايح.. هتيجي اللي ساكنه جلبه تتنعم بحضنه و انتي هتجعدي تتلوي ف سريرك لوحدك و محدش هيحس بيكي ماهو معذور بردو.. بيحبها.. مهو لو حبني مكانش اتجوز عليا.. بس هيعمل اي.. نصيبه كده و نصيبي اني اشوفه بيتغزل فيها و اعمل نفسي مبسوطه و راضيه.. ي تري أيامك من هنا و رايح هيبجي شكلها ايه ي رشيده.
°°°°°°°°°°°°°°°°°°°°°°°°°°°°
توضت و صلت ركعتين شكر لله ثم هاتفته فأجاب إتصالها قائلا: مبارك عليا يست الناس.
_دنتا اللي سيد الناس و الدنيا كلها.
=لا.. أبوس إيدك أنا ماشي علي طريج و عاوز أركز.
ضحكت بنعومه أذابت قلبه و قالت: توصل بالسلامة ان شاء الله.. لما توصل كلمني.
=إن شاءلله.. مع السلامه دلوجتي.
فتح راديو السياره فوجد “عمرو دياب”يعبر عنه و يصف من مشاعره الكثير…
ياريت سنك يزيد سنتين
عشان سنك كده صغير
يزيد لكن فى تكوينك
مفيش ولا حاجه تتغير
قوامك هو هو يكون
ولونك يبقى نفس اللون
عيونك لسه بتفتح
ومن دلوقتى بتحير
يا روح روحى على الخطوة اللى شايلاكي
ياروح روحى على الريشه اللى رسماكى
يا نور قلبك يانور ضيك
لمسني لمسه شبعنى
انا لو بس مش طايب
مافيش ولا حاجه تمنعني
بكل برائه بتشاورى بخد بالك
وانا شايفك وواخده قلبى بجمالك
عليك طله ماشاء الله كائنك نجمه مشهوره
وانا من كتر اعجابى بعينى خذتلك صوره
♡♡♡♡♡♡♡♡♡♡♡
**بعد مرور أسبوعين**
جاء موعد خطبتهم فسافر إلي الفيوم يحمل معه أثمن الهدايا و أحلاها لها و لإبنتها..وصل إلي المنزل في تمام السابعه فدق جرس الباب ففتحت له والدتها ببشاشه أثلجت قلبه فصافحها ثم دخل و حيّا الجالسين ثم جلس.
عمها:نورتنا و شرفتنا يبني.
_ده نورك ي حج..الله يخليك.
=أبو عليا قالنا إنك من صعيد أسوان..اجدع رجاله.
_تسلم ي حج..انتو الاحسن..أنا كنت طلبت إيد بنتكو و حضرته اتفق معايا علي النهارده..ف شوفوا اللي حضراتكو تؤمروا بيه أنا سداد.
=الأمر لله يبني..احنا عايزين نحفظ حقها زي أي واحده وخلاص..مش طالبين أكتر من حد..
_كلام سليم..طلبات حضراتكو..
فقال والدها:تكتبلها البازار بإسمها و محل و كافتيريا من اللي عندك.
=لا حضرتك الكلام ده ميمشيش معايا..لأن سواء البازار أو المحلات ف دي كلها ليها تعاملات و أوراق انا بتعامل بيها ف الاستلام و الشحن مينفعش الأوراق تكون بإسم مراتي..لو علي ضمان حقها هكتبلها مهر و مؤخر باللي انتو عايزينه و هكتبلها ارض بإسمها زي مراتي..و اللي تشوفه حضرتك!!
هم والدها ان يتحدث فقاطعه عمها قائلا:عداك العيب يبني..و انت باين عليك ماشاءالله راجل محترم و هتتقي الله فيها و احنا مش عايزين اكتر من كده..
_هشيلها ف عنيا الاتنين والله..انا بس عندي طلب..الزياره الجايه إن شاءلله تكون كتب الكتاب و هاخدها و نرجع أسوان.
فقال والدها:انت مستعجل ليه كده؟!ده فترة الخطوبه لازم تكون سنه علي الاقل..
_لا سنة ايه حضرتك..انا مبحبش افضل داخل خارج كده ع بيوت الناس بدون صفه.
فقال عمها:استني ي ابو عليا..احنا نسأل العروسه عن رايها و هي حرة دي حياتها و القرار الأول و الأخير ليها..ثم قال مناديا:حسناااا
انتفض قليها فور أن سمعت نداء عمها..اضطربت معدتها و ارتعدت أطرافها و تسارعت نبضاتها و تعرقت..أصابتها كل أمارات التوتر التي لم تصيبها من قبل..خرجت من الغرفه متوتره تمشي علي استحياء فرفعت نظرها إليه و فور أن التقطت عيناها عينيه حتي سرت قشعريره بجسدها فأخفضت بصرها ثم وجهت حديثها لعمها قائله:نعم ي عمو؟!
_تعالي اقعدي ي حبيبة عموو.
جلست بجانب عمها فربت علي ظهرها ثم قال:دلوقتي انتي موافقه تتجوزي قبل ست شهور؟!
=اللي بابا و حضرتك تشوفوه ي عمو.
_مش مهم اللي نشوفه..أهم حاجة انتي.
فقالت بحياء لم تصطنعه:أيوة ي عمو موافقه.
رفرف قلبه و تهللت أساريره عندما سمع موافقتها فبادر بالحديث قائلا:خلاص يبقا إن شاءلله هاجي بعد أسبوعين من النهارده.
فقال والدها:اسبوعين اي؟!انت مستعجل كده ليه؟!
_خير البر عاجله ي حج.
فقال عمها:انا رأيي من رأيه ي ابو عليا..طالما في قبول ووفاق يبقا ملوش لزوم التأخير..مبروك يبني.
_مبروك عليا ي حج..ربنا يديك الصحه.
=طيب..نقرا الفاتحه يلا.
انتهوا جميعهم من قراءة الفاتحه و صافحوا بعضهم البعض ثم استأذن منهم و انصرف علي أن يعود بعد أسبوعين و يعقد قرانه عليها.
❤ست الحسن ❤
البارت الخامس عشر بقلمي ????نعمه حسن ????
بعد عودته إلي أسوان أتاه إتصال هاتفي منها فأجاب بحماس: ي مرحب بزينة العرايس.
أجابته بضحكه بشوشه: ده انتا اللي زين الرجال كلهم.
فقال مشاكساً:يسلملي اللي بينجط عسل ده.
_اي روحت بالسلامه؟!
=لسه حالا.. يدوبك طلعت طمنتهم.
_هما مين؟!
=أمي و رشيده.
_اممممم.. هي رشيده معندهاش مشاكل ف جوازنا فعلا؟؟
=هو في واحده بتحب جوزها يتجوز عليها؟! أنا عارف و متأكد أنها بتحبني و اكيد مش راضيه ع جوازي.. ثم أكمل بتنهيده متعَبه: بس أنا تعبت.. و انتي مش رحماني.. ف الاول كنت بشوفك كل يوم في المنام و كنت عايش علي المنام ده وخلاص.. جيت جابلتك و طيرتي شوية العجل اللي لسالي.. أنا عارف إني كده اناني اني فكرت ف سعادتي علي حساب سعادتها.. بس يشهد ربنا اني من. يوم. ما عرفتها وانا مبفكرش غير ف سعادتها و راحتها هي.
_أنا خايفه بصراحه.. مش عارفه هتأقلم ع الوضع ده ازاي.. و هي كمان مش من سني يعني صعب تفهمني.. خايفه متتقبلنيش أصلا.
=ولا يكونلك فكر.. رشيده بنت أصول و بتراعي ربنا متجلجيش.
_طب هو يعني كان في سؤال كده متردده أسأله ولا لأ
=عايزة تعرفي مين اللي مبيخلفش أنا ولا هي.
أجابت بحرج: بصراحه اه… هو مش هيفرق معايا يعني بس عندي فضول أعرف.
=طب لو جولتلك إنه أنا اللي مبخلفش؟!
سكتت لبرهه ثم قالت بنبره حنونه: مش هيغير حاجه يعنى.. أنا أكيد كان نفسي أخلف منك و يبقا عندي منك دستة عيال بس إنت أهم عندي من أي حد و من أي حاجة.
شرد هو متخيلاً أطفاله منها و كم راقه ذلك الخاطر فإبتسم تلقائيا حتي ظهرت نواجزه و قال: إن شاءلله.. إن شاءلله هجيب منك عزبه بحالها مش دسته بس..
_مفيش حاجه بعيده علي ربنا.
=علي فكره ي ست الناس.. لا العيب من عندي ولا من عند رشيده.. هو ربنا مأرادش بس
_طب انتو مكشفتوش.. معملتوشد تحاليل و اشعه و عرفتوا المانع إيه؟!
=عملنا كل ده.. و كل الدكاتره جالوا مفيش موانع.. بس في كتير ازواج مبيتوفقوش مع بعض ف حكاية الحمل دي.. حاجه اسمها”عدم توافق كيمياء الجسم “و خدنا انا و هي علاجات و حاجات زي كده و ربنا مأرادش.
_ااها يعني لو انت اتجوزت غيرها تخلف و هي لو اتجوزت غيرك تخلف.. إنما انتوا مع بعض صعب.
=هو مفيش حاجه صعبه.. الحكايه إنه رزج ممكن ييجي و ممكن لا و ممكن ييجي متاخر.. عادي أنا راضي و هي راضيه و الحمدلله.
_لعله خير.. هقوم أنا كده أشوف صبا و أبقا اكلمك تاني.
=ماشي ي ست الناس و بوسيلي ست الناس الصغيره.
♡♡♡♡♡♡♡♡♡♡♡♡
بعد مرور أسبوعين ***
رشيده: انا هروح عند بيت أبويا ي عمده.. يومين و ارجع.
_ليه؟!
=يعني.. عشان البيت يفضي للعروسه الجديده.
_بلاش كلام فارغ ي رشيده.. مفيش خروج.. عاوزة تروحي تطمني علي اخواتك و ترجعي مفيش مشاكل.. إنما بيات بره البيت لا.
=اللي تشوفه ي عمده.. طيب انا جهزتلك هدومك اللي هتروح بيها.
دنا منها ثم قبّل رأسها في امتنان حقيقي و قال: لو عشت عمرين علي عمري مش هعرف اوفيكي حجك ي بنت الأصول ي غاليه.
=ترجعو بالسلامه ي عمده.
♕♕♕♕♕♕♕♕♕
في منزل” حسناء”يلتف جمع غفير من الرجال و النساء و صوت الأغاني يصدح في كل أركان المنزل و الفرحه تغمرهم جميعا.. أما هي.. فلا شئ يصف سعادتها بهذا اليوم.. استمعت إلي صوت المأذون: العروسه فين؟! و بعدها نداء عمها فخرجت تفرقع صوابع يدها من التوتر..
هلت عليه كالبدر.. يتزين بها رداءها الأبيض.. و لكن مهلا.. “مفيش حاجه واسعه عن كده شويه تتلبس.. يلا كلها ساعات و يبجالي كلمه عليها و البسها علي كيفي” تمتم بهذا الكلام في نفسه ثم انتبه علي صوت عمها يقول: قعد عروستك جمبك ي عريس ولا تيجي جمبي انا؟!
قال وهو يفسح لها مجال كي تجلس: لا تعالي جمبي.
جلست بجانبه فزاد ارتباكها..
قال المأذون:بدايةً..هل تودي ي أستاذه حسناء مباشرة زواجك بنفسك لكونك ثيب..عملاً بقول الرسول صلي الله عليه وسلم “الثيب أولي بنفسها من وليها”
فقالت بارتباك:بابا هو وكيلي.
فرد المأذون قائلا:إذن… قول ي استاذ محمد.. إني توكلت علي الله تعالي و اطلب منك زواج ابنتك و موكلتك الثيب حسناء محمد زيدان لنفسي و بنفسي علي كتاب الله تعالي و سنة رسوله و علي الصداق المسمي بيننا عاجله و آجله و علي شهادة الشهود و الله خير الشاهدين… فردد خلفه
قول ي حج محمد: و اني توكلت علي الله تعالي و قبلت زواجك من ابنتي و موكلتي علي كتاب الله تعالي و سنة رسوله و علي الصداق المسمي بيننا عاجله و آجله و علي شهادة الشهود و الله خير الشاهدين.
♡♡♡♡♡♡♡♡♡♡♡♡♡♡
تم عقد القران و قال المأذون: بارك. الله لكما و بارك عليكما و جمع بينكما في خير و علي خير.. مبروك ي جماعه..
نظر إليها بحب و عشق لا حاجة لأن يخفيه بعد الآن ثم احتضنهاااا.. كاد. يعتصرها بداخله.. يربت علي ظهرها و هي لا تزال داخل حضنه قائلا: اللهم لك الحمد.. مش مصدج. نفسي يست الناس. ثم يزيد من احتضانها مره أخري فبادلته هي تلك المشاعر الفياضه و ضمته إليها بحب و فرحه لا يليقوا الا بها ثم قالت: يختاااي.. عضمي فرقع يخربيتك.. هو انا ما صدقت روحت قافش فيا.
_فصيله.. يعني بحضنك و فرحان تجومي تجوليلي عضمي فرجع و جافش فياا.. يا هادمة اللذات.
=بضحك معاك مالك؟!
_انتي تعملي اللي انتي عيزاه يست الناس.. يلا جومي.
=اقوم اروح فين؟!
_ماشيين.
=هما مين دول اللي ماشيين؟!
_و حيات امك؟!
=اي يسطا احنا مش كتبنا الكتاب و علينا الجواب.. طريقك زراعي بقا.. توصل بالسلامة.
فقال ممازحا: لاااا.. دنتي عليكي ليا 6أكياس دم.. اتجوزك بحجهم الاول و بعد كده انتي حره
فقالت بمزاح ساخر: ي مان.. واطي انت.
ضحك من قلبه فبادلته الضحك ثم استعدوا للرحيل و جاءت لحظة الوداع..
صبا بصوت حزين: انتي هتسيبيني ي مااما و مش هتيجي تاني زي بابا؟!
قالت بأعين دامعه تجاهد ألا تبكي: لا يرووحي مش هسيبك.. يومين و هاجي..أهم حاجة متغلبيش تيته و جدو و اسمعي كلامهم عشان احبك و اجيبلك حاجات حلوه كتيره.
ربت “العمده” علي رأس “صبا” قائلا: و بعدين ي بوبا انا هبقي اجي اخدك و تيجي تقعدي معانا طول الأجازة.. و هبجي ألففك أسوان كلها.. دي أسوان جميله و هتحبيها.
ثم صافحت والديها و اختها و خرجت من المنزل معه نحو حياه جديده و بلد جديد و أشخاص جديده.. فهل ستكون حياه جديده سعيده؟! أم ان الشقاء رفيقها..
❤ست الحسن❤
البارت السادس عشر بقلمي ????نعمه حسن ????
بعد مرور 4ساعات في طريقهم إلي أسوان..
حسناء بحنق: هو لسه كتييير؟؟!.. أنا وسطي اتقطم من قعدة العربيه.
محمد بفرحه و ضحكه صافيه: لسه حوالي ساعتين ونص..معلش اصبري هننزل الاستراحه الجايه.
_انا همووت م الحرررر.. هفرفر منك.
=هه.. لا حرر ايه يست الناس هو انتي لسه شوفتي حر.. ثم قال يمازحها: ده انتي هتتشوي هناك
_ده بجد؟! لا انا مبستحملش الصيف ولا الحر..
=منتي مش هتخرجي من البيت أصلا عشان تشوفي صيف ولا شتاا.. اخرك الجنينه.
قالت باستنكار: نعممممم ي عمررررر؟! هو اي اللي مش هخرج.. دنا هخليك تلففني أسوان حته حته.
=لااا.. تتحرجي مني.. وانتي كيف الفراخ البيضا مفكيش روح.
_انا راضيه اتحرق ملكش دعوه.
=طب يلا ي ام لسان و نص انزلي.. هنستريح هنا شويه و بعدين نكمل.
=طب هاتلي ازازتين ميه ساقعه.. واحده اشربها و التانيه اغسل بيها وشي.
ضحك هو عليها ثم اشتري لها المياه و مجموعه من التسالي ثم جلسوا ليستريحوا.. استرخت هي و أغمضت عينيها في سكينه ثم مدت يدها و أمسكت بيديه و هي لا تزال مغمضة العينين.. فإلتقط يدها ثم قبلها في حب و سعاده.. فتحت عينيها تنظر له في راحه ثم قالت: مبسوط زي مانا مبسوطه ي محمد؟!
_فرحتك متجيش 1٪ من فرحتي.. انتي بالنسبه لي كنتي حلم مستحيل يتحجج.. بس الحمدلله دلوجتي جاعده جدامي و ماسك ايديكي و كمان شويه هتبجي ف حضني.. انا مش عاوز حاجه تاني.
أخفضت عينيها خجلاً ثم قالت: انت كمان كنت بالنسبه لي حلم مستحيل يتحقق.. من اول ما شوفتك وانا بقول يريتني كنت قابلتك من زمان.. مكنتش اعرف ان ربنا أراد يعوضني عن كل القرف اللي شوفته ف حياتي.. أنا بحبك أوي ي محمد..
تراقص قلبه فرحاً ثم قال: حبكت يعني تجوليها دلوجتي.. بينا يلا خلينا نمشي.
أكملوا طريقهم ووصلوا مع صباح يوم جديد.. ما إن توقف بسيارته أمام المنزل حتي أصابها التوتر و القلق.. ظلت تفرك في يديها من الارتباك.
لاحظ هو ما اصابها فقال مهدئا من روعها: متخافيش ي حبة الجلب.. سمي الله و يلا..
دخلت معه إلي المنزل فإستقبلتهم رشيده التي ما أن رأتهم حتي جرت محتضنه زوجها قائله “حمدالله على السلامة ي عمده.. نورت بيتك” و تجاهلت تلك الواقفه بجانبه تماما..
شعرت حسناء و كأن دلو من الماء البارد قد سقط فوقها و لم تتفوه ببنت شفه.. فقال “العمده”: الله يسلمك ي رشيده.. البيت منور بأصحابه.. مش هتسلمي ولا ايه؟!
_ااه طبعا.. ازيك ي عروسه..يختي ماشاء الله.. حلوة و صغيره.. اللي جابلك يخليلك ي عمده.
أصابته صدمه من ردها فنظر إليها بتعجب بالغ إلتقطته هي فقالت: ههه.. مش هتيجي ي عروسه لحماتك تسلمي عليها؟!
فقالت حسناء بصوت منخفض: أيوة طبعا هاجي.. يلا ي محمد.
رشيده: محمد مين يختي إسمه العمده داود.
العمده: بالإذن ي رشيده.
صعدت برفقته الي غرفة والدته.. دق الباب ثم دخل قائلا: ونووس.
فأجابته بفرحه لفرحته: تعالي ي أسمر..
العمده ممسكا بيد حسناء: خشي ي ست الناس.
دخلت علي إستحياء و أجفلت عندما سمعت زغرودتها فنطرت لها فوجدتها سيده ضحوكة الوجه.. تفاصيلها مريحه بل و تجذب القلوب فتقدمت منها ثم قبلتها و قالت: ازيك ي طنط؟؟
_طنط؟! لااا انا مبحبش الكلمه دي جوليلي ي امي ي مرات عمي ي ام العمده.. اللي يريحك انما طنط لا.
ليقاطعهم العمده قائلا: شوفتي ي اماا حبة الجلب جت و نورت البيت اهي..
حسناء بحرج: البيت منور بوجود ماما و رشيده كمان.
ام العمده و هي تحتضنها مربته علي ظهرها: يختي ماما طالعه منك كيف الشهد.. بس إيه ده ي بتي؟! انتي مخسسه نفسك ف البتاع اللي اسمه الجم ولا البم ده اللي بيجولوا عليه؟!
_تقصدي الچيم؟! ثم ضحكت ضحكتها المميزة و قالت: لا والله ابداا.. ولا عمري دخلته.. هو بس التفكير و التوتر و الفترة الاخيره دي كانت فوق طاقتي.
ربتت علي يدها بحنو بالغ قائله: خلاص ي حبة الجلب.. مفيش زعل ولا تفكير تاني.. ربنا يعمر بيكي يبتي.. شيليه ف عنيكي.. ده العمده روووحه و عجله انتي.. و لسه اما تعاشريه هتعرفي انه بيمووت عليكي.
العمده بنفاذ صبر: ما خلاص يااما سيبيها و انا هشرحلها انا.. انا بعرف أشرح الكلام ده كويس.. و كمان انا لازم اجوله بنفسي عشان المعني يوصللها.
فهمت أمه ما يرمي إليه فقالت: ااه.. ااه و مالو ي نضري.. اشرح ي حبة عيني و جول اللي ف نفسك كله.
خضبت الدماء وجهها عندما فهمت تلميحاتهم فقالت: أنا هروح ي ماما أستريح أنا لان الطريق كان طويل و ضهري اتقطم… فتحت باب الغرفه فقابلت رشيده أمام الباب فضحكت لها حسناء بترقب ثم توقفت تنتظر قدوم زوجها..
كانت رشيده تتفحصها من شعرها إلي أخمص قدمها..و يبدو علي وجهها علامات الاستنكار مما جعل حسناء تشعر بالضيق فقالت:في حاجه ي رشيده؟!
_لا ي عروستنا مفيش..سلامتك..ثم دنت من زوجها و التصقت به تعبث بأزرار ملابسه متصنعه الدلال تقول:بجولك ايه ي عمده ما تسيب العروسه تستريح النهارده علي ما تاخد علي جو البيت يعني و تيجي تبات عندي عشان متضايجهاش..و بعدين انا سمعاها بتجول لمرات عمي ان ضهرها اتجطمممممم..
قالت الأخيره في حده فرفعت حسناء حاجبيها في تعجب ثم أدارت وجهها الجهه الأخري متأففه.
العمده:لاا ي رشيده مانا لازم ادهن لها ضهرها ثم تابع في سخريه: اومال أسيبه مجطوم كده؟؟!!
قالت حسناء بضيق بصوت عالي نسبيا:ممكن تعرفوني اوضتي فين عشان انا مش قادرة اقف؟!
العمده وهو يتقدمها ممسكاً بيدها:بالإذن ي رشيده.. تعالي ي عروسه.
دخلوا إلي غرفتهم فبدأت رشيده في فك حجابها فأمسك يدها و أدارها أليه قائلا:متزعليش يست الناس..هي رشيده بتعمل كده من زعلها لازم.نعذرها..بس لما تاخد علي وجودك هتحبك و هتعاملك زي اختها..ثم قبل رأسها في حنان.
قالت في تعب و قلة حيله:مش باين ي محمد..رشيده بتقوم بدور الضره المفتريه علي أكمل وجه..بداية القصيده كفر أهو
فقال مستنكرا:ضره و مفتريه كمان؟؟!!علي فكره رشيده دي مفيش أطي……..
قاطعته هي متأففه:اااه احنا نعمل كوبايتين شاي بقا و نقضي الليل كله ف رشيده و بكار.
انفجر ضاحكاً حتي أدمعت عيناه ثم قال لا خلاااص يست الناس..ثم دنا منها في وله و عشق: الليله ليلتنا احنا..انا وانتي..مش عايزين نجيب فيها سيرة اي حد غيرناا..ثم أحاطها بذراعيه و أسند ذقنه علي رأسها قائلا:ان شاءالله عمرك ما هتشوفي مني غير كل خير و كل حب..هحطك جوه نن عيني..هعوضك عن كل دمعه بكتيها..و هعوض نفسي عن كل يوم عشته بتعذب وانا مش لاجيكي..انا بحبك يست الناس..و مش عايز حاجه من الدنيا تاني غير حتة عيل منك و تكون بنت شبهك كده ليها نفس ضحكتك و سواد عيونك و نفس ريحتك اللي كيف المسك دي..
لم تستطع أن تتكلم..تعطلت جميع حواسها عن العمل..تاهت الأحرف و الكلمات من فوق لسانها فاحتضنته بشده لعلها تعبر له عن امتنانها و حبها له..فشدد هو من احتضانها يكاد يدخلها بداخله..ثم قبّل رأسها بحب لا طاقة له به..نظرت بداخل عينيه فبادلها هو النظره بأعين مشتعله و قلب متأجج..أغمضت عينيها في انسجام فالتقط شفتاها يبث بهما كل عشقه و حبه و انتظاره و هو ما زال يحتضنها..أجفلت فجأه بين يديه علي دق الباب بطريقه أقل ما يقال عنها أنها”مفزعه”
العمده بغضب مكبوت:نعمممم ي رشيده؟!
_افتح ي عمده جبتلك الفولتارين.
=فولتارين اي ي رشيده عالصبح؟!
_اللي هتدهن لها ضهرها بيه ي عمده..اومال هتدهنلها ضهرها ب زيت عربيات يااك؟؟!
ضحكت له حسناء ضحكه سمجه بمعني أن”رايت؟؟!”..فتح الباب في قلة صبر:هااتي ي رشيده..من يد ما نعدمها.
قالت رشيده و هي تطل برأسها داخل الغرفه:محتاج مساعده ي عمده؟! فأشارت لها حسناء بيدها في إشارة ترحييب مع ضحكه مصطنعه..
العمده في نفاذ صبر: شكراا ي رشيده..لما احتاج مساعدة هبجا اجولك..ثم أغلق الباب خلفها
اتجه إلي حسناء ثم قال:يلا اجلعي..
_اقلع ايه ي قليل الادب انت..
=دماغك راحت فين يست النااااااس..اجلعي عشان ادهنلك الفولتارين..
انفجرا كليهماا في الضحك حتي أدمعت عيناهم ثم أخذها و اتجه بهاا نحو عالم لا يوجد به سواهم..يصك صكوك ملكيته عليها..يجعلها علي إسمه قولا و فعلا…
❤ست الحسن ❤
البارت السابع عشر بقلمي????نعمه حسن????
لا شيء أجمل من لحظات النقاء والهدوء، صوت العصافير الذي يَخرج للأفق شيئاً فشيئاً، ومسامع الحياة التي بدأت بالظهور، لا شيء أجمل من الصباح وتدرج الصعود ليومٍ جديد..و لكن أن تعانق من تحب..أن تغفو علي صدره..أن تتنفس هواءه..كل تلك الأحاسيس قد تكون الأجمل بالنسبه لعاشقين جمعهما القدر بعد عناء.
تململ في فراشه بأريحيه و هدوء ثم فتح عينه في لهفه وشوق لرؤيتها..وجد رأسها علي صدره و تحاوطه بيديها و من الأسفل تضع قدمها علي قدميه فإبتسم بسعاده و إنتشاء متمتماً:يخربيت أبوكي هو أنا هطفش..ثم هزها برفق:نونوو..اصحي ي حبيبي..
فتحت عينيها فجأه بطريقه أفزعته ثم قبلت وجنته بغتةً مما أثار دهشته و قالت بصوت ناعس أربكه:صباح الخير ي بيبي..
قال بحب:صباح الورد ي حبيبي..يسلاام يولاااد الواحد بعد ما يبجا شحط عنده 40سنه يشاء السميع العليم أنه يتجوز واحده تجولله ي بيبي.
ضحكت علي أسلوبه الساخر ثم قالت بدلال لا يليق بسواها و هي تحك انفها بأنفه:وهو انا هقول ي بيبي بس.. دنا هقول كل الحاجات
فقال يمازحها وهو يراقص حاجبيه و يدغدغها:ساعات سااعات..أحب عمري و أعشق الحاجات..
ضحكت هي بشده و صدح صوتها عالياً بضحكات تراقص لها قلبه طربا..فقاطعهم دقات متتاليه علي الباب:افتح ي حسين يا فهمي انت و الشحرورة
..بجالكو 24ساعه نايمين..هتتعفنوا جوا.
ضحكت حسناء بتعجب ثم قالت:صباح الخير ي رشيده..جايين وراكي اهوو..
_صباح النور يختي..طب يلا يختي عشان العمده ينزل يشوف مصالحه المتعطله بسببك ليها يومين..الفطار جااهز تحت.
نظرت حسناء له في انزعاج قائله:هو انت هتسيبني و تنزل بجد؟؟!
_هروح أبص علي البزار عشان اول الشهر بس و ارجع بسرعه مش هتأخر عليكي..جومي يلا ناخد دش عشان منتأخرش عليهم عالفطار..
ارتدت حسناء زي طويل من اللون الأبيض و به نقوشات بسيطه و صففت شعرها الطويل إلي الخلف و نثرت بعض من عطرها المفضل و نزلت برفقة زوجها..
العمده:صباح الخير ياماا..صباح الخيري رشيده..
والدته:صباح الخير ي نضري..صباحيه مباركه ي حبيبي..اجعدي ي حبيبتي..
رشيده و هي تتفحص نظيرتها من أعلي لأسفل:صباح الخير ي عمده..صباح الخير ي عرووسه..تعالي جمبي هنا ي حبيبتي..ثم جذبتها من يدها و أجلستها بجانبها..ندرت لها حسناء بتعجب ثم قالت بضحكه بشوشه:صباح النور ي ماما
_يسعد صباحك ي حبيبتي..يرب تكوني نمتي كويس و ضهرك ارتاح.
فقالت رشيده بسخريه:لا ي مرات عمي متجلجيش معاها دكتور علاج طبيعي..مش شاطر ف حاجه زي التدليك.
العمده:كلي ي رشيده و بطلي حكايه..يلا بسم الله..
انقضي النهار سريعا وعاد العمده إلي بيته فوجد رشيده تجلس بمفردها فألقي السلام و جلس بجانبها:جاعده هنا لوحدك ليه ي رشيده؟!
فقالت بهدوء:مرات عمي نامت و انا جولت استناك أسألك اذا كنت عايز حاجه أعملهالك جبل مااطلع انام ولا لا؟!
_لا مش عايز حاجه..يلا بينا.
=ع فين؟!
_نطلع ننام.
=هما مين دول؟!
_انا وانتي هكون اانا و عم صلاح يعني؟!
=و الحزينه اللي جافله علي نفسها و مستنياك دي؟!
_منا هفهمها ان هبات معاها يوم و معاكي يوم..
=طب علي الأجل خليك معاها الاسبوع الاول و بعدين نبجي نمشي النظام ده..
_لا ده ميرضيش ربنا..انتي بجالك يومين بتنامي لوحدك.
=عادي ي عمده..هعتبر انك مسافر ف شغل الاسبوع ده منتا ياما سيبتني باليومين و التلاته..جوم يلاا اطلعلها الا زمانها بتاكل ف نفسها فوج ي حبة عيني و هي معصعصه متستحملش..
قال بضحك مكتوم:الله يمسيكي بالخير ي رشيده..تصبحي علي خير..
_وانت من أهل الخير يخويا…
ظلت تنظر في أثره بأعين دامعه و تتمتم في نفسها قائله:هه..عايز تيجي تبات عندي عشان متخالفش شرع ربنا ي عمده!!عشان تفضل طول الليل سرحان و بتفكر فيها و تستني الصبح يطلع بفارغ الصبر عشان تروحلها..لا ي عمده انا ميرضينيش..روحلها نام ف حضنها و ملي عينك منها..و رشيده تصبر و مالو؟! ما هي طول عمرها صاابره..
قاطع تفكيرها رنين هاتف المنزل بجانبها فأجابت:أيوة السلام عليكم
♕و عليكم السلام..ممكن اكلم حسناء يبنتي؟!
_ااه..ازيك ي حجه..انا رشيده
♕الله يسلمك ي حبيبتي..معلش عملالكو ازعاج..أصل برن علي حسناء أطمن عليها تليفونها مقفول من امبارح..ف قلقت.
_لا متجلجيش عليها..العمده حاططها ف عنيه و بيدهنلها فولتارين 3مرات ف اليوم..
♕ااه اصل بتشتكي بضهري..ماشي أما اشوفها هجولها تكلمك..تسلميي حجه..مع السلامه.
♡♡♡♡♡♡♡♡♡♡♡
العمده:ي مساء الخير علي ست الناس كلهم.
حسناء بغضب:انت كل ده فين ي محمد؟!
_معلش يست الناس..كان ورايا كذا مشوار جضيتهم..عشان منزلش بكرة بدري..و اتصلت عليكي ابلغك بس تليفونك مجفول.
=ااه قاطع شحن.. و نسيت الشاحن بتاعي مجبتوش معايا..
قال و هو يقبل وجنتيها: دنا اللي جاطع شحن و هموت و اشحن.
نظرت له بصدمه قائله: انت بقيت قليل الادب كده امتا؟؟ ولا هو انت كنت كده أصلا و انا اللي اتغشيت فيك؟!علي فكرة ده تحرش لفظي.
_ايه في؟! يعني كنت أتحرش بيكي وانتي متحليش ليا و لا استني اما اتجوزك و اتحرش براحتي.
ضحكت علي أسلوبه ثم قالت:أنا سامعه صوتك تحت من بدري كنت بتتكلم مع مين؟!
_مع رشيده..لجيتها جاعده لوحدها فسألتها جالتلي بستني لو محتاج حاجه أعملهالك.
قالت بهدوء:فيها الخير والله..الا قوللي ي محمد.
_و اجوللك ي محمد ليه؟!
ضحكت بشخريه:هيهيهي..ايه السكر ده.
ضحك هو ملء فمه ثم قال:هااا جولي يست الناس..عاوزه تجولي إيه؟!
=يعني انت كنت قولتلي انه في عدم توافق في كيميا جسمك و جسمها و ده اللي مانع الحمل..صح؟!
_مظبووط.
=طيب..الطبيعي ف الحالات اللي زي كده هو ان الزوجين ينفصلوا و كل واحد يشوف نصيبه مع حد تاني عشان يقدر يخلف..ليه معملتوش كده؟!
_ما هو كان ممكن اكون انا فيا عيب يمنع الخلفه..هل كانت رشيده هتوافج اني اسيبها عشان تتجوز و تخلف؟!و كان ممكن بردو يكون هي فيها عيب يمنع الخلفه..هل كنت انا هوافج اني اسيبها او اتجوز عليها عشان اخلف؟!اكيد لا..محدش فين كان هيرضي بوضع زي كده..انا و هي راضيين و الحمدلله..و يمكن ربنا أراد انه يحصل كده و يكون العيب فينا احنا الاتنين عشان محدش يضطر يضحي بالتاني أو عشان التاني..و بعدين ي حبيبتي جولتلك جبل كده..دي أرزاج..ممكن تيجي و ممكن متجيش و ممكن تيجي متأخره..أهم حاجه الرضا..تعالي كده أشوف ضهرك لسه جافش ولا فك.
قالت ضاحكه:لا فك كتر خيرك.
_كان في الفقره الخامسه جافشه لسه..استني اشوفها
♕♕♕♕♕♕♕♕♕♕
استيقظت حسناء من نومها مع أذان العصر..قامت و استعدت ثم صلت و ذهبت لإيقاظ زوجهاا:محمد..اصحي ي بيبي العصر أذن.
_صباح الخير ي ست الناس
قبلته قائله:صباح النور ي حبيبي..يلا كفايه نوم..قوم خد شاور و يلا عشان ننزل ع الغدا كفايه مرضيناش ننزل ع الفطار.
_طيب طالما جهزتي..اسبجيني انتي و جولي لأمي تجهز عشان هاخدها و نروح نزور أبويا..خليها تجهز عشان لما انزل نتغدي و نمشي جبل ما الليل يليل.
نزلت حسناء و حيّت والدته و قبلتها ثم جلست بجانبها:محمد بيقوللك تجهزي عشان تروحوا تزوروا باباه بعد الغدا علي طول..
قالت والدته بضحكه صافيه:من و هو عيل صغير مبيحبش يروح المقابر بالليل..ساعديني ي حبة الجلب..
ضحكت حسناء بفرحه علي لقبها التي
باتت تعشقه ثم قالت:الله ي ماما..بحبها منك و من محمد أوي..ربنا ميحرمناش منك..
_ولا يحرمني منكو ي نضري..العمده كان ميجولش الا حبة الجلب و انا اتعودت عليها
قاطعتهم رشيده..بلا حبة الجلب بلا حبة البركه..وسعي ي سنيورة عشان انا اللي متعوده البس مرات عمي..مش هتعرفي انتي.
قالت حسناء بحنق:في اي ي رشيده واخده بالك مني ليه ع الصبح؟!
_و هاخد بالي منك ليه ي عروسه..لتكوني مفكراني غيرانه منك ياااك؟؟! طب ده علي رأي الفنانه فيفي عبده..
طب ده أنا خدت خيره ي هبله
أول حضن و أول قبله
ياما هشكته و يااما هشكني
من غير رق و من غير طبله
كانت تقول تلك الكلمات بتلاعب و تراقص بهدف إغاظتها و لكن زاد حنقها عندما استمعت إلي ضحكات حسناء العاليه و هي تقول:والله العظيم ي رشيده انتي عسل..و تعرفي أنا بدأت أحبك كمان..قاطعهم مجئ العمده مبتسما يقول:تحبكوا العافيه كلكم ولا اتحرمش منكم.
ثم قال بمزاح: تعرفي يبت ي رشيده و انا واجف جاركو كده بحس نفسي شبه أحمد زكي ف فيلم الراعي و النساء..فضحكوا جميعهم لمزحته ثم اتجهوا لتناول طعام الغذاء..
❤ست الحسن ❤
البارت الثامن عشر بقلمي ❤نعمه حسن❤
اول حاجه بس يريت ندعي كلنا لاخواتنا ف غزة ربنا ينصرهم و يقويهم و يحميهم ياارب
اللهم إنا نستودعك المسجد الأقصى وما حوله أرضه وسماءه وأهله والمرابطين فيه، يامن لا تضيع الودائع عنده،
اللهم انصر أهلنا في غزة ..اللهم كن معهم …اللهم ثبت أقدامهم…اللهم احفظهم بعينك التي لا تنام…اللهم عليك بالكيان الصهيوني ومن عاونه ..اللهم انصر أهل فلسطين يارب العالمين
????????????????????????????????????????????
كانت حسناء تجلس تعبث بهاتفها فأتاها إتصال من والدتها فأجابت: ألو.. ي حبيبة مااامااا.. يروح قلب ماما من جوه.
_انتي قولتي مش هتسيبيني ي ماما زي بابا.. بس بابا قاعد مع واحده تانيه.. و انتي قاعده مع عمو محمد و سيباني.. و كريم و تامر بيضربوني و تيته مش بتعرف تعمل لهم حاجه.
=غصب عني ي صبا والله.. انا مش سيباكي ي حبيبتي.
_طب انا عيزاكي.. مش عاوزه افضل هنا.
=عشان المدرسه ي بوبا.. اول لما الاجازة تيجي هخلي عمو محمد ينزل يجيبك و تيجي تقعدي معايا طول الأجازة..
_أنا مش هروح المدرسه تاني ولا هذاكر ولا هحفظ قرآن ولا هعمل أي حاجة الا أما تقوليلي هتجيلي امتا.
=والله ي صبا هعملك اللي انتي عيزاه لو عايزه تيجي هخلي عمو محمد يجيبك.. لو عيزاني أنزل هنزل.. بس اسمعي الكلام عشان أحبك و اجيبلك كل الحاجات الحلوه اللي انتي عاوزاها.
_حاااضر ي ماما.. تيته بتنادي عليا عشان ننام.. بكره هكلمك.
=سلمي علي تيته و جدو و خالتو.. تصبحي على خير ي حبيبة ماما.
❤❤❤❤❤❤❤❤❤❤
ما إن أنهت الاتصال حتي انفجرت ف البكاء علي حالها و حال طفلتها..
مالك ي حسونه.. بتعيطي ليه.. العمده ناوي يتجوز التالته ولا اي؟! كانت تلك الكلمات التي تفوهت بها رشيده فأجابت حسناء بهدوء:مفيش ي رشيده.
_مفيش ي رشيده؟!لاااا ده كده في و في و في..ما تنطجي يختي مالك؟!
=صبا
اعتدلت رشيده في جلستها ثم قالت بإهتمام:صبا بتك؟!مالها كفالله الشر.
_عاوزاني اروحلها او ابعت اجيبها..بتقول مبقتش عايزة تقعد هناك لوحدها.
=طب ما ده طبيعي..انا مش عارفه اصلا انتي ازاااي جايلك جلب تسيبي بتك بعيد عنك؟!
_مش بمزاجي ي رشيده..و بعدين مدرستها هعمل فيها ايه.!
=اللي يسمع كده يحول ف كليه ياااك..و بعدين انجليلها ف مدرسه هنا و تبجي جمبك.
_مش بالسهوله دي ي رشيده..ابوها يستحيل يوافق.
=حسره عليها ي حبة عيني تلجيها مبتشوفش النوم..الدور و الباجي ع اللي ولا ف دماغه..مجضيهااا أكل..و شرب..و علاج طبيعي.
نظرت لها حسناء شزراً:أنا ولا ف دماغي؟!تعرفي ايه عن اللي جوايا انتي عشان تقولي كده؟!…تعرفي ي رشيده؟!..انا كنت صفيتلك و بدأت أحبك..بس بعد كلامك ده أنا بقيت بكرهك.
ثم تركتها و صعدت إلي غرفتها…
♕♕♕♕♕♕♕♕♕♕
دخل العمده إلي المنزل فوجد رشيدة تجلس بمفردها فقال:السلام. عليكم..ايه ي رشيده..جاعده لوحدك ليه؟!
_و عليكم السلام..السنيوره كانت هنا من شويه بس طلعت..اطلعلها ي عمده الا تموت روحها ولا حاجه.
=ليه فيها ايه؟!
_جاعده تعيط عشان بتها.
=طيب ساعدي مرات عمك وانا هطلعلها..
صعد إلي غرفتهم فوجدها منكبه علي فراشها تبكي و كم أوجعه بكاءها فقال:مالك ي ست الناس؟!مين مزعلك؟!
_صبا ي محمد..كنت بكلمها و عماله تعيط و عاوزاني.
=بسس كده..أنزل بكره أجيبها و اجي.
_مش بالبساطه دي..صبا لو جت مش هترضي تمشي.
=تفضل..و اي المشكله؟!
_تفضل ازاي و مدرستها؟!
=اممممم..خلاص اروح اكلم ابوها و اقنعه انها لازم تفضل معاكي و ننجل لها هنا.
_لا طبعا..ده ممكن يعند بزياده و ياخدها تعيش معاه هو و مراته و أنا لا يمكن أسمح انها تعيش مع مرات أب حتي لو وصلت لإني أتطلق منك و اربيها لوحدي.
=يشيخه فال الله ولا فالك..ليه بتجولي كده؟!و بعدين طلما اتجوز تبجا اتحلت.
قالت بإهتمام:إزاي؟؟!
_بصي يست الناس..القانون بينص علي إييييه..إنه ف حالة الطلاق لو في اولاد بيفضلوا مع امهم..طب لو امهم اتجوزت؟!يفضلوا مع ابوهم..طب لو ابوهم اتجوز؟!يروحوا لجدتهم من امهم..طب لو لا سمح الله متوفيه؟!يروحوا لجدتهم من أبوهم..و ف حالتنا دي تبقا وصاية صبا من حق أمك..نجوووم نعمل اييه بجااااا؟؟!نخلي امك تجيب صبا و تيجي تعيش هنا..
_مش هينفع طبعا..و تسيب بابا لوحده؟!
=يستي لو علي ابوكي نكلمه نقنعه و هو ان شاء الله مش هيمانع أنه ييجي هو و امك و نجيب لهم بيت جمبنا هنا و بكده نبقا ف السليم..مش هيعرف يعمل حاجه.
_يعني مش ممكن يعمل مشاكل؟!
=يضرب دماغه ف اتخن حيط..
احتضنته بشده تعبر له عن امتنانها قائله:شكرا اوي ي محمد..ربنا ميحرمنيش منك ابدااا ابدااا يرب…أاااه صح..انتو اتأخرتوا كده ليه؟!
=كنت بمشي امي شويه..ليها زمن مخرجتش…شوفي كنتي هتاخديني في عشره بلدي و انسي اطمن علي الفقرات اللي كانت جافشه مني امبارح….
♕♕♕♕♕♕♕♕♕♕
قام بمهاتفة والدها الذي لم يعترض علي الأمر إطلاقا و اتفقوا أن ينتقلوا إلي أسوان في صباح الغد..
اهدي شويه عماله تاكلي ف ضوافرك.و موتراني جنبك..زمانهم علي وصول..
حسناء بتوتر:وحشااني اووي ي محم….قاطع حديثها وصول والديها و ابنتها..
ماماااااااااااا…..قالتها صبا و هي تركض نحو أحضان والدتها التي استقبلتها بحضن متسع و سيل من القبل المتفرقه.
حسناء ببكاء:وحشتيني ي صبا..وحشتيني ي قلبي.
_وانتي كمان وحشتيني اووي ي ماماا.
طب وانا ي صبا..مش هتجوليلي وحشتني ي عمو محمد ولا هتديني بوسه..دنا جاعد مستنيكي و مرضيتش انزل عشانك….تفوه العمده بتلك زالكلمات متصنعاً البراءه..فطبعت قبله حانيه علي وجنته أجفلت قلبه..جعلته يشعر أنه الآن..و الآن فقط..يتمني أن يكون له طفل فربت علي ظهرها بحنان أبوي يشعر به للمرة الأولي قائلا:طب يلا ي صبا خدي ماما و اطلعوا استريحوا و انا هخليني مع جدو و تيته أشوفهم لو محتاجين حاجه.
❤❤❤❤❤❤❤❤❤❤❤
صعدت برفقة طفلتها إلي الغرفه و ظلت تقبلها بنهم و اشتياق ثم قالت:البيت نور ي بوبا..كنتي وحشاني اووي..
_انتي كماني مااما كنتي وحشاني..مكنتش عارفه انام وانتي مش حضناني..و تيته كانت بتاخدني ف حضنها..بس كنت عايزاكي انتي.
=خلااص يروحي..مش هسيبك تاني ابداا..انا بحبك اكترمن اي حد في الدنيا ي صبا
_اكتر من عمو محمد كمان؟؟!
=ايوة طبعا و اكتر من جدو وتيته كمان.
احتضنتها الصغيره و قبلتها فقالت حسناء:يلا بقا ناخد دش و ننام لان بكره هنصحي بدري..تصبحي علي خير.
أتاها إتصال من زوجها فأجابت:أيوة ي حبيبي..وعليكم السلام
_ايه يست الناس..صبا نامت؟!
=ااه لسه نايمه حالا..
_طيب انا هبيت النهارده عند رشيده عشان تاخدوا راحتكوا.
=طيب ماشي.
_طيب ماشي؟!تبيعي أبوكي انتي.
=معلش ي بيبي ما انت عارف هي وحشاني قد اي.
_ماشي ي حبة الجلب ولا يهمك..تصبحوا علي خير.
احتضنت ابنتها بشده ثم غطت في سبات عمييييق
♕♕♕♕♕♕♕♕♕♕
استيقظت حسناء من نومها بنشاط و فرحه و لكنها لم تدم حين وجدت مكان صبا فارغا.
نهضت فجأه في فزع..التقطت معطفها ثم ارتدته علي عجاله و خرجت من الغرفه تنادي:صباااا…صبااااا
ولكن لا رد…ظلت تبحث في جميع أنحاء المنزل ولكن لا أثر..قامت بالاتصال بزوجها و إخباره فأتي سريعا
_مش موجوده ف البيت إزاي يعني؟!
=زي الناس ي محمد..بقولك دورت عليها ف كل حته ملهاش وجود..صبا اتخطفت..أكيد أبوها اللي خطفها.
_يستي متجدريش البلا جبل وجوعه..ان شاءالله خير..طب شوفتيها عند رشيده؟!
_ايه اللي هيوديها عند رشيده بس؟!
=يستي تعالي بس ممكن تكون معاها
♡♡♡♡♡♡♡♡♡♡♡♡
تعرفي ي بت ي صبا أنا لو خلفت بت جمر شبهك كده هسميها صبا علي اسمك.
_الله..يريت ي طنط رشيده تسميها علي اسمي وانا هكون وقتها كبيره و هلعب معاها و احبها.
=ان شاءالله ي حبيبتي..ها جوليل…..
صبااااا..قاطعهم دخول حسناء و العمده و ما إن رأتها حسناء حتي جرت محتضنه إياهاا.
العمده:مش جولتلك عند رشيده..الحمدلله.
حسناء بغضب:انتي خرجتي من غير متقوليلي ليه ي صباا؟!كده كنتي هتموتيني م الخوف عليكي.
صبا:انا اسفه ي ماما..انا مرضيتش اصحيكي و خرجت أدور علي اكل لاني جعانه..لقيت طنط رشيده قاعده و هي أكلتني و لعبنا مع بعض كمان.
حسناء:بعد كده قبل ما تروحي اي مكان تعرفيني..حتي لو نايمه جمبك صحيني..الحمدلله.
رشيده:لا مؤاخذه ي حسونه يختي..معرفش والله انك لسه مخمو…ااااا نايمه…روحي مع ماما ي بوبا ولما تفضي تعالي ونكمل لعب.
حسناء بإمتنان:شكرا ي رشيده انك اهتميتي بيها و أكلتيها.
رشيده بصدق:صبا دي بجت حبيبتي خلاص..مش كده ي صاصا؟!
صبا:كده ي دودو..يلا باااي دلوقتيي دودو.
رشيده:بااي ي حبيبتي.
♡♡♡♡♡♡♡♡♡♡♡♡
استقرت الأحوال و مرت الأيام بسلام..انتقلت صبا إلي مدرستها الجديده بأسوان..و استقر حال حسناء مع رشيده نوعا مما..و لكن لا ينفي وجود بعض المشادات بينهم..
عاد العمده إلي بيته و صعد مباشرةً إلي غرفة والدته فقابلته بالمباركات و التهاني..
_ألف مبروك ي ولدي..ربنا كريم و آخر صبرك خير
=في ايه ي اماا؟!
_يبجا انت لسه متعرفش..اللعينه سيباهالك مفاجأه عشان تحتفلوا سوا.
=في ايه يااما انا مش فاهم حاجه؟!
_مبروك ي حبة عيني..مراتك كانت عندي دلوجتي و جالتلي انها حامل…..
❤ست الحسن❤
البارت التاسع عشر بقلمي????نعمه حسن????
طبعا قبل أي حاجة هندعي الدعاء ده لأهل غزة..
اللهم انصر أهلنا في غزه…اللهم كن معهم …اللهم ثبت أقدامهم…اللهم احفظهم بعينك التي لا تنام…اللهم عليك بالكيان الصهيوني ومن عاونه ..اللهم انصر أهل فلسطين يارب العالمين.
“مراتك كانت عندي دلوجتي و جالتلي إنها حامل”
لم يستمع لبقية حديثها… اتخذ سبيله إلي غرفتها ركضاً.. دفع الباب بغتةً ثم جري إليها محتضناً إياها يدور بها مرات و مرات دون أن يتفوه بكلمه.. قاطعته قائله: حرام عليك ي محمد أنا دوخت.
قال فرحاً: لااا خلااص اهو.. قبّل رأسها ثم قال: ألف مبروك ي وش السعد.. أنا الفرحه مش سيعاني.. لازم أول حاجه أصلي ركعتين شكر لله.
_طب ما تفرحني معاك بدل ماانا مش فاهمه حاجه كده.
قال بعبث: ي راااجل.. ونيسه حرجت المفاجأه خلاص.. انتي المفروض اول ما عرفتي كنتي كلمتيني.
قالت بتعجب: عرفت إيه و أقوللك إيه؟! تقصد إيه؟!
=أجصد إيه إيه؟! لما عرفتي إنك حامل مكلمتنيش ليه؟!
قالت بدهشه: أنا حاامل!!!!؟؟ و المصحف ما حصل.
بدهشه مماثله: والله ما حصل؟! ازاي ده أمي لسه جيلالي حالا.. مراتك كانت عندي و جالتلي إنها حامل.
“وهو إنت ملكش مره غير حسناء ي عمده؟؟!”
تفوهت رشيده بتلك الكلمات متسائله و حاله من الحزن و الإحباط تنتابها..
فور أن التقطت أذناه تلك الكلمات ضرب جبهته بيده في ندم علي تسرعه.. نظر إليها وجدها تقف تستند بجزعها إلي الباب .. عينيها دامعتين.. نظرات الخزي و الحزن موجهه إليه تطعنه.
أكملت: ولا كان مفيش مني رجا للدرجادي؟!
ثم انفجرت في البكاء قائله بقلب فاض به:من يوم ما اتجوزتني و انا عارفه انك مش بتحبني بس وهمت نفسي إنك مع العشره و التعود هتحبني.. و محصلش. بس كنت عاايش و سعيد و بالك رايج و مفيش حاجه شاغله تفكيرك.. بس من يوم ما هي ظهرت ف حياتك و انت حالك اتبدل.. طول النهار سرحاان و بتفكر و طول الليل بتحلم بيهاا..و انا ساكته و صابره و راضيه..لما جابلتها نسيت نفسك و نسيت بيتك و انك متجوز و بجيت تلف وراها بالسبع ساعات رايح و السبع ساعات جاي من هنا لهنا و انا بردو ساكته و صابره وراضيه..يوم ما جيت تتجوزها جولتلك و مالووو كان بردو بينا اتفاج و انا مش هخل بيه،اتجوزها ي عمده و انا عارفه انك هتعدل بيننا و مش هتجصر..بس محصلش..انت مش عادل ي”داود” و بتفرج ف المعامله و ده ميرضيش ربنا..من يوم ما عرفتها و هي معاها سرك و همك و حزنك و ضحكك و مشاويرك و كل حاجه بتشاركها فيها هي.. حتي يوم ما ربنا يكرمني و احمل تجري عليها هي تحضنهاااا..ثم صرخت قائله: ليييييه.. اشمعنا هي اللي جت ف دماغك اول ما امك جالت ان مراتك حامل؟! عشان كنت مستني عيالك منها هي مش كده؟! أما رشيده خلااص مفيش منها أمل و يمكن كمان مكنتش عايز عيال تربطك بيا.
كانت حسناء تقف مشدوهه.. تنظر الي حال رشيده الذي تغير كلياً.. تراقب انتفاضتها بأعين متسعه.
أما رجلهما الهمام..لا حول له ولا قوه..ظل ينظر لها نظرات تعرفها هي جيداً..نظرات مملوءه بالأسف و الندم..نظرات أبلغ من الكلام..ثم اتجه إليها ممسكاً بيديها يقبلها قائلا بإعتذار حقيقي:أنا اسف ي رشيده مليش بركه الا انتي ي غاليه..انا غلطت اني اتسرعت و مسألتش أمي..بس ده اللي حصل..متزعليش مني و ااااادي راسك ابوسها ثم قبل رأسها و احتضنها قائلا:الف مبروك ي رشيده..ربنا يكملك علي خير..و يرزجنا شوفته سليم معافي.
و عن رشيده فلا حاجة لنا بأن نكتب كثيراً عن نقاء قلبها و صفاؤه..احتضنته بشده في حب صادق ثم
قالت: مش عارفه ليه نفسي رايحه للحرنكش.
نظر لها بأعين متسعه فقال: حرنكش ايه ي رشيده اللي نفسك فيه؟! دنتي لسه حامل ف ساعه و نص.!!
نظرت إلي حسناء بدلال قائله: لااا أصل حمل البناات غير حمل الولاد.. الولاد حملهم بيبجا صعب و جاي بدري ف كل حاجه.. وهو هييجي ولد إن شاءلله.
نظرت حسناء إليهم بقلب مشتعل ثم قالت: ألف مبروك ي رشيده.. ربنا يكملك علي خير و تقومي بالسلامه.. ثم وجهت نظرها إلي زوجها قائله: مبروك ي محمد.
????????????????????????????????
مش هتمشي جولتلك. تفوه بها العمده في غضب فبادلته بغضب أشد قائله: همشي يعني همشي..أنا ميمشيش معايا الكلام اللي انت بتقوله ده.. سيبني يسيدي أريحك و أعفيك من حقي خاالص وخليك معاها لما تبقا تزهق منك و تقرر إن هي خلااص قرررررفت ابقا ارجع.
حسناااااااااء… صرخ بإسمها في غضب جم ثم قال: انا سايبك ترطي و ترغي بكلام ملووش لزمه و مش راضي ازعلك.. متجبرنيش أعاملك وحش.
ضربته في صدره قائله و هي وتنظر داخل عينيه بثبات: لا زعلني ثم ضربته في صدره مره أخري: زعلني ثم أعادت الكره: اضربني.. جرجرني من شعري عالسلم مستني ايه؟! ثم عادت تنظر له و لكن بضعف و انكسار فقالت: لو عايز تطلقني طلقني.. بس محدش يشاركني فيك.
_يااااادي العبط.. يبنتي دي مراتي زيها زيك حرام عليكي.. انا اصلا المفروض ماخدش إذنك ف حاجه زي كده. بس انا مش عايز أزعلك.
=وهو لما تروح تنام.مع واحده تانيه يبقا ده ميزعلنيش.؟؟!
_وطي صوتك و انتي بتكلميني..و بردو بجالي ساعه بفهمك.. دي مراتي.. اومال هي تعمل ايه اللي من يوم مااتجوزتك منمتش عندها غير ليلة ما صبا جت و من يومها رشيده بتاخد صبا تبيتها معاها وانا بفضل معاكي..اجوم.لما اجولك.هبات معاها يوم وانتي يوم ترفضي…مع ان ده حجها أساسا وهي متنازله عنه.
نظرت داخل عينيه بقوه ثم قالت بصوت أقل حده و أكثر عذوبه:أنا بحبك ي محمد و همووت م الغيره عليك..مقدرش أبقا نايمه هنا و عارفه انك نايم ف حضنها هناك..دنا كنت اتجن..
تشبثت بصدره ثم أعادت النظر داخل عينيه بضعف ثم قالت بصوت باكٍ:عشان خاطري ي محمد بلاش..انا بحبك اكتر منها و من اي حد في الدنيا بلاش و النبي.
ثم لفت يديه حول خصرها و وضعت يديه علي وجنتيها و قالت:انا عارفه انك كمان بتحبني اكتر منها و بتمووت فيا..بص لي..مش أنا حبة القلب!!..هاا.. أنا ست الناس حبيبتك..ثم قالت بصوتها ذو البحه المميزه التي تذيبه:عايز تسيب حضني ي محمد؟! تهون عليك حبيبتك؟!
رفعها عن الأرض ثم قبـلها كما لم يقبلها من قبل..كلماتها استفزت مشاعره و بشده..اجتاحها بنفس شدة اجتياحها هي لحياته و زلزلة كيانه……..
♡♡♡♡♡♡♡♡♡♡♡♡
استيقظ من نومه فنظر بجانبه وجدها تقيد يديه بيديها و تحتجز قدميه بخاصتها.فقال بابتسامه:مفيش فايده فيكي..زي ما اكون هطفش.
و كالعاده استيقظت هي علي صوته فقالت: صباح الخير ي بيبي.
_يسعد صباحك ي نونو..جومي يلا ناخد دش عشان اتأخرت..و لما تفضي ابجي خدي نص هدومي اللي انتي لماها من البيت كله دي و وديها عند رشيده.
انتفضت من جانبه كمن لدغه عقرب و قالت بحاجب مرتفع و أعين متسعه:إيه؟؟!!يعني بعد كل ده مصمم ع اللي ف دماغك بردو.
_ييييييه عالصبح..منا جايلك يبنتي من امبارح ان اللي انا أجوله هيحصل..لأن ده حلال ربنا اللي انا للأسف كنت متغافل عنه عشان خاطرك..و عشان نفسي بردو مش هنكر كده..بس اديكي سمعتي كلام رشيده..و كلامها صح..و انا فعلا كده مش بعدل بينكو..أنا بجيت ظالم..و عمري ما كنت ظالم.
=ااه كملهاا..قول و عمري ماكنت ظالم الا لما عرفتك..صح؟!مش انت عايز تقول كده؟!
_يبنتي انتي مش عاوزه تفهميني ليه؟!
قاطعته قائله:أنا هروح عند ماما..
_تااني؟؟!
=يومين و ارجع..انا نفسيتي بقت زي الزفت.
_براحتك ي حسناء..
ثم تركها و ذهب ليستحم و من بعدها خرج من المنزل
♕♕♕♕♕♕♕♕♕♕
استعدت و أخذت طفلتها ثم مرت بغرفة والدته:عاوزه حاجه ي ماما؟!
_رايحه فبن ي بتي؟!
=رايحه عند ماما يومين أغير جو.
_جوزك عارف؟!
=اومال هخرج من غير ما اقوله؟؟..يلا هروح انا..عن إذنك.
_اذنك معاكي ي بتي..تروحوا و ترجعوا بالسلامه.
=الله يسلمك.
????????????????????????????????????????????
بعد مرور أسبوع في منزل والد حسناء…..
والدة حسناء:يبنتي عيب اخرجي قابليه.
_مش خارجه..اخرجي قوليله نايمه.
“بجيتي كذابه كبيره يست الناس”تفوه العمده بتلك الكلمات فجأه عندما دخل إلي غرفتها.
نظرت له مطولاّ..كم اشتاقت.
نظر لها كثيراً..كم اشتاق.و كم تغيرت..لقد نحفت علي ما يبدو.
_معلش ي حجه ام علياء سيبينا لوحدنا شويه.
=ااه طبعا يبني..ربنا يهدي سركوا.
جلس قبالتها ثم أمسك بيديها و قبّلها ثم قال:وحشتيني ي ست الناس..حياتي ملهاش طعم من غيرك.
_والله!!و الست رشيدة فين؟!
=موجوده و بعتالك السلام.
_متستفزنيش..مش هي مراتك و ام ابنك؟!عايز مني ايه؟!
قال بلهجه حاده:تجصدي إيه؟!
قالت بعصبيه:ولا أقصد ولا مقصدش..دلوقتي بقت هي أولي مني مش هي مراتك الأولي و بنت عمك و أم ابنك..يعني انا دلوقتي مليش لزمه..ارجعلها و أنا بعفيك يسيدي من الاختيار ما بينا..هي أحق مني بيك.
رد بعصبيه مماثله:يعني أنا سايبك ليكي اسبوع عشان تهدي و تفهمي الأمور صح ..اجوم اجي الاجيكي ع نفس كلامك و نفس تفكيرك..انا تعبت والله مش عارف ارضيكي ازاي.
_طلقني.
نظر بها بصدمه ثم قال:سمعيني تاني كده.
قالت بنبره أقرب للتراجع:طلقني عشان حياتك تتظبط و ترجع زي الأول..عشان تفضل مع رشيده عشان متتظلمش و بكره ربنا يقومهالك بالسلامه و تجيبلك بيبي يخليك تنساني و تنسي الدنيا كلها.
قال بضيق:بصي ي بنت الناااس..أنا سكتلك يومها علي كلامك اللي زي ده و جولت صغيره و بتغير و بتحب بجنان و التمست ليكي فوق السبعين عذر سبعين تانيين..سيبتك تخرجي من البيت و تجعدي هنا اسبوع طويل و عريض عشان تهدي اعصابك و تغيري جو..جيت علي نفسي و جيتلك اصالحك مع اني مزعلتكيش بل بالعكس..انا اللي ليا حق عندك..و بعد ده كله بتجوليلي طلاج..أقسم بآيات الله لو سمعت منك كلمة طلجني تاني ما هخليكي تكرريها و هطلجك زو ما تلزميني بعدها..انا هسيبك تجعدي هنا سنه.. اتنين.. براحتك..عاوزه ترجعي معايا ي اهلا وسهلا..اللي يريحك اعمليه.. بالإذن.
♕♕♕♕♕♕♕♕♕♕
بعد مرور أسبوع آخر…
منذ أن تركته و ذهبت لا يتواني عن ملاحقة أخبارها علي “الفيسبوك” وجدها قد قامت بتحديث حالتها
تستمع إلي_بلاك تيما..ست الحسن.
بحث عن الأغنيه علي “يوتيوب” ثم صف سيارته و جلس يستمع إليها…
محتاجك تحبينى تجينى كل يوم فى منام
وعايز طبطة قلبك احس بيها قبل ما انام
انا قررت اعيش ليكى واقولك اه وحشتيني
وكل رمش يقابل رمش واشوف اللمعة فى عينيكي
يغمض قلبى فى كفوفك ولو مسموح فمسموحلي
اضم عنيكى من خوفك ومحتاجك تصارحيني
خلاص راجع ومش هضعف
انا خايف اقربلك احب الحب فى حبك
فتنسينى فانساكى فانزل من مكان عالى
ياست الحسن سامحيني
أنا محتاج تنجينى انا محتاج تحبيني
أنا قررت اعيش ليكى واقولك اه وحشتيني
أمسك بهاتفه ثم فتح “واتساب”ثم أرسل لها برساله صوتيه “خليكي كده منشفه راسك لحد ما ان شاءلله اكسرهالك و بردو مش هسيبك ولا أفرط فيكي ي ست الحسن”
♕ ♕♕♕♕♕♕♕♕♕
♥ست الحسن ♥
البارت العشرين بقلمي،، نعمه حسن،،
إستمعت إلي رسالته بقلب دامٍ فأرسلت له.. “أنا تعبت من الوضع ده و مبقتش عارفه استحمل.. انت وحشتني”
فور أن قرأ رسالتها أدار سيارته ثم اتجه إلي منزل والدها.
_لو سمحتي ي حجه أم علياء انا عاوز أدخل اكلم مراتي كلمتين.
=اتفضل يبني البيت بيتك.
طرق الباب طرقات خفيفه ثم دخل.. وجدها راقده لا حول لها ولا قوه.. عينيها منتفخه إثر البكاء.. وجهها شاحب.. جسدها هزيل علي ما يبدو خسرت الكثير من وزنها.
أجفل قلبه لرؤيتها بتلك الحال فضمها إليه بشده يعتصرها بداخله.. قبّل عينيها ثم وجنتيها و قال: انتي بتعملي فينا كده ليه؟! انتي لو فضلتي هنا 100سنه ده مش هيغير حاجه.. انتي عارفه و متأكده اني روحي فيكي و مبحبش حد زي ما بحبك
بس مش معني كده اني اظلم رشيده عشان خاطرك.
نظرت له نظرات خاويه دون رد فأكمل: أنا عارف إنك بتحبيني و غيرانه عليا و عارف كمان انه غصب عنك بس اللي عايزك تعرفيه.. انه غصب عني انا كمان..
قبّل يديها ثم قال: لو بتحبيني صحيح ساعديني.. متحطنيش ف موقف زي كده و تجوليلي اختارني لوحدي.. مينفعش.. انتي اكتر حد جرّب مرارة الظلم ازاي عايزه تظلمي غيرك.
نظرت له بحده ثم قالت بصوت أنهكه البكاء: أنا بظلم غيري؟! أنا عمري ما اعرف اظلم حد.. بالعكس، انا طول عمري بتظلم و لحد دلوقتي.. انت كمان عايز تظلمني.
_اظلمك ازاااي؟؟!!! انا عمري ما اجدر اظلمك لو ظلمت الدنيا كلها.. انا بحبك ي ست النااس.. بحبك و انتي عارفه و متأكده من كده.. و عشان كده.. بتلوعيني معاكي و صابر.. بس مجدرش اظلم انسانه مشوفتش منها غير كل خير و حب عشان خاطرك.. و هجوللك كلمه أخيره.. شيلي رشيده من حساباتك عشان لو مفكره انك هتضغطي عليا ببعادك عني و تخليني اسيبها او أظلمها تبجي غلطانه.
_و انا مطلبتش تطلقها و لا عمري افكر ف كده.. ي محمد افهمني.. انا طول عمري كنت متبهدله مع فادي و كنت بصبر عشان صبا.. و يوم ما الاقي حد بيحبني بجد و احبه ميبقاش ليا لوحدي.. أنا بتعذب صدقني.
=و رشيده تعمل اي…
قاطعته صارخه: متقولليش رشيده.. متقارنش بيني و بينها.. انا بحبك اكتر منها و من اي حد تاني.. إنت فاهم؟؟!
أمسك بها يهدئها محتضنا إياها ثم قال: خلااص.. خلاص اهدي..
نظرت له بتوسل ثم قالت بصوت متعب: انت بتحبني انا اكتر منها..مش كده؟!
_انا بحبك اكتر من ضي عيوني.
شددت من ضمه إليها فضمها إليه و قبّل رأسها ثم قال: بينا يلا عالبيت كفاياكي كده.
=حاضر هجهز حاجتي و نلبس.
قال ممازحا إياها: اااه.. أظن الفرحه مش سيعاكي.
جلست علي قدميه و مسدت رقبته بذراعيها في حب صادق ثم قالت: اايوة طبعا الفرحه مش سيعاني.. مش هرجع لحضن حبيبي.
_حبيبك تعباان… احممم بعدك عني تاعبني يعني مبنامش طول الليل و تفكير طول النهار.
نظرت له في خبث ثم قالت: يا رااجل.
قال بضحك: أيوة.. خلصي يلاا..
????????????????????????????????????????
عادت حسناء برفقة زوجها إلي بيتهما فاستقبلتهما رشيده إستقبال حافل: ي أهلا ي أهلا.. حمدالله بالسلامه ي حسونه.
حسناء بحنق: بردو حسونه؟! قوليلي ي رشيده.. انتي كنتي بتتفرجي علي كارتون بكار كتير وانتي صغيره؟!
_يووووه.. أبو كف رقيق و صغير مين مكانش بيشوفه!!
حسناء بحاجب مرتفع: أبو كف رقيق و صغير اااه.. عن إذنك ي رشيده.
_استني إذني إيه و بتاع ايه؟!..فين صبا؟!
=سيبتها مع ماما.
_لييييه..و تسيبيها هناك ليه كنتي جبتيها معاكي.
العمده:خلاص ي رشيده بكره هروح اجيبها و اجي..ثم اشار ل حسناء:اطلعي انتي يلا.
ثم ذهب بإتجاه الخارج و قال:أنا خارج ساعه و جاي.
حسناء: استني خدني معاك والنبي أنا نفسي أشوف البحر.
العمده:تعالي ي رشيده نروح كلنا سوا.
رشيده:لا اعفوني أنا.. انا دايخه و داخله أرتاح..روحوا انتوا و اتبسطوا.
العمده موجها حديثه إلي حسناء:طيب اطلعي غيري و انا مستنيكي بره.
_اغير ليه منا لابسه أهو..
=هتخرجي ببنطلون يااك..ليه بيجولولي يا مودي ولا حاجه؟!
ضحكت علي كلمته كثيرا فبادلها الضحك ثم قال:خمس دجايج لو منزلتيش هسيبك و امشي.
♕♕♕♕♕♕♕♕♕♕
_اي ده؟!انت مش قولت هنقعد ع الكافتيريا بتاعتك؟
=ما هي دي..انزلي.
صرخت فجاه قائله:ايه داااااا؟!!مش ده المكان اللي كنت تايهه فيه و انت لقيتني؟!
ضحك للذكري ثم قال:اااه هو..شارع الكورنيش.
صرخت بإندهاش مره أخري ثم قالت:اي داااااا و دي الكافتيريا اللي قعدنا عليهاا كافتيريا “ست الحسن”
إيه داااااا هي الكافتيريا دي بتاعتك؟!!!!!
=ماشاءالله 5 إيه داااا ف الدجيجه الواحده.
_بطل بواخه..إيه الصدفه القمرر دي.
=دنتا اللي جمر ي جمر..تعالي ندخل جوا.
_ايه داا ادخل جوا فين؟!انا عاوزه أتمشي و أقعد عالبحر.
=طيب تعالي أفرجك المكان الاول و نشرب حاجهو بعدين نمشي..
دخلوا سوياً إلي الكافتيريا المزدحمه إلي آخرها فإنتبه الجالسون جميعهم لتلك الحسناء التي يصطحبها مالك المكان..
_يا عبدالله..صااح منادياً علي أحد العاملين بالمكان ثم سأله:ايه الزحمه دي؟!هو مين بيلعب النهارده؟!
أجابه ذلك الأسمر الوسيم المدعو “عبدالله”المأخوذ بتلك الفاتنه البيضاء و عينه لا تحيد عنها:
أتليتك و الريال.
نظر إليه العمده شرزا ثم قال: هات كرسي زياده عشان جماعتنا.
فور أن علم” عبدالله “أنها زوجته أخفض بصره و انصرف حانقاً..جال العمده ببصره في لمحه خاطفه فالتقطت عيناه تحديق الجالسين بزوجته فقال بغضب: ي عبدالله.. متجيبش كراسي احنا ماشيين.
♡♡♡♡♡♡♡♡♡♡♡♡♡
تجلس أمام اول من عرفت من الرفاق و اختارت من الاصدقاء.. امام حبيبها الأول و كاتم سرها الأوحد.. زفرت زفرة ارتياح ثم أغمضت عينيها في إسترخاء و سمحت لرئتيها بسحب أكبر قدر ممكن من الهواء.
_هووووووي.. روحتي فين؟!
=ولا مكان.. بحب قعدة البحر أووي.. و بحبك كمان.
_مش أكتر مني ي ست الحسن.
ضحكت فقالت: ست الحسن ولا ست الناس ولا ست مين بالظبط؟!
=ف احلامي كنتي دايما” ست الحسن ” و انا كنت “الشاطر حسن ” اللي مش عارف يحدد انتي مين بالظبط.. ملاك ولا جنيه ولا حوريه من الجنه.. موجوده ولا خيال؟!..كنتي تزوريني كل يوم في المنام تعذبيني بضحكتك الرايجه و صوتك الناعم..و تمشي ولا اعرف اذا كنتي ملاك ولا جنيه ولا حوريه من الجنه.
اعتدل في جلسته ثم أمسك بيديها ثم قال:الا جوليلي ي شااطره..انتي ملاك ولا جنيه ولا حوريه من الجنه؟!
أجابته بدلال:أنا “ست الحسن”.
و لأن”منير”دائماً يأتي في الوقت المناسب صدح صوته مغنياً….
ي بنت ي ام المريلة كحلي
يا شمس هاله و طاله علي كوله
لو قلت عنك في الغزل قوله
ممنوع عليا ولا مسموحلي
أنا أحب أقول الشعر في الحلوين
و الحلو أقوله يا حلو في عيونو
و لو ابتديت بشفايفك النونو
ما يكفنيش فيهم سبع دواوين
يا ملاك يا جنيه يا ست الحسن
يعجبني توهانك في أحلامك
يعجبني شد الخصر بحزامك
يعجبني أخذك للكتب بالحضن
راحوا الصبايا و الصبايا جم
أجمل ما فيهم مين غير بنتي
و أجمل ما فيكي يا بنتي ان انتي
في عينيكي نني في حنان الأم
“”””””””””””””””””””””””””””
عادوا إلي المنزل فوجدوا رشيدة تجلس بمفردها كعادتها فألقوا السلام و أقبل عليها ثم جلس بجانبها قائلا:عامله اييه دلوجتي ي رشيده؟!لسه الدوخه معاكي؟!
تصنعت التعب ثم قالت:مش جااادره ي عمده الواد مبيبطلش رفس و مغلبني.
ضحكت حسناء بشده ثم قالت:رشيده ي حبيبتي..رفس إيه ي ماما اللي هيرفسه وهو لسه بيبي شهر و نص؟! ثم جاهدت لتمنع ضحكتها و أكملت:لسه يرووحي الكلام ده بعدين لما توصلي للسادس ان شاءلله ابقي ارفسي براحتك انتي وهو.
تعالت ضحكتها فضحك العمده معها ثم قال:صح ي رشيده كلتي صندوجين الحرنكش اللي جبتهوملك اول امبارح؟!
_لاا طبعا هاكل صندوجين حرنكش في يومين..لسه فاضل فوج شويه.. جيمة نص كيلو كده..اجيبلك حرنكش يا حسونه؟!
=لاااا طالما حسونه يبقا تصبحوا علي خير بقا..مع نفسكوا.
_اجيبلك حرنكش ي عمده؟!
=حرنكش ايه يا رشيده اللي هاكله؟! هو مين اللي بيتوحم انا ولا انتي؟!تصبحي علي خير ي رشيده.
ثم انصرف يقلب كفيه قائلا:جال بتجوللي اجيبلك حرنكش!!
♕♕♕♕♕♕♕♕♕♕
دخل إلي غرفتها فلم يجدها..جال ببصره في جميع أنحاء الغرفه فلم يجدها..انتفض في مكانه عندما وجدها تقفز فوق ظهره ضاحكه بشده..احتضنته من الخلف و لفت قدميها حول خصره فأمسك بهما ثم مسدت رقبته من الخلف بذراعيها فقال:والله لو مكانت رشيده حملت كنت جولت انتي اللي جاطعالي الخلف بعمايلك العبيطه دي.
طبعت علي كلتا وجنتيه العديد من القبلات العابثه ثم قالت:تعرف ي محمد..انا اوقات كتير بحس إنك أبويا مش جوزي.
أمسك بقدميها بإحكام ثم ادارها لتواجهه و هما ما زالا بنفس وضعيتهما و قال بحنان:يمكن عشان انا اكبر منك بكتير؟!
داعبت أنفها بأنفه ثم قالت:لا طبعا..عشان من يوم كا عرفتك و انت حنين عليا و مدلعني.
_أعيش و ادلعك العمر كله ي حبة الجلب..و بعدين منتي بنتي فعلا..انتي اسمك ايه؟!!
=حسناء محمد زيدان.
ضربها في جبهتها بخاصته بشده آلمتها ثم قال:غلط..اسمك حسناء محمد داود.
=دنتا هزارك غبي..كنت هتفتحلي دماغي.
قبـل جبهتها في حنو بالغ ثم قال:خلااص متزعليش.
تصنعت الدلال فقال:معلش يست الناس قلبك ابيض.
لم ترد فقال:دنتي جماصه..يبت.
نظرت له بطرف عينيها ثم قال ممازحا:يبت..دا انا اللمبي ي نوسه.
إلي هنا و لم يستطيعا كبت ضحكهما فإنفجرا في الضحك حتي أدمعت عيناهم ثم سبح بها في بحور عشقه التي لا آخر لها….
،،ست الحسن،،
البارت الواحد و العشرين بقلمي،،نعمه حسن،،
بعد مرور ستة أشهـــــــــــــــر…..
و بعد أن استقر الحال بين رشيده و حسناء حسناء:لازم تروحي تطمني ي رشيده..انتي مش شايفه وشك أصفر إزاي!!
رشيده بتعب فشلت في إخفاؤه:هي الانيميا اللي عامله كده..هاخد العلاج و هبجا كويسه..متخافيش.
ثم أكملت بشفاه ملتويه:.ده لو خايفه يعني.
حسناء بغيظ:تصدقي بالله انتي خساره فيكي المعروف..خليكي كده تعبانه انتي حره.
غادرتها ونزلت للأسفل حيث يجلس زوجهما فقال متسائلا:هاا..مفيش فايده بردو؟!
_زهقت معاها..مصممه متروحش تكشف.
=والله انا حاسس انك مخوفه نفسك عالفاضي..عادي يعني ما أي واحده حامل بتتعب كده.
_لا طبعا مش عالفاضي..و مش اي واحده حامل بتتعب كده..منا كنت حامل و شوفت كتير غيري حوامل مكانش بيحصللهم زي رشيدة ليه؟!
“مالها رشيدة يجماعه مكبرين الموضوع ليه؟!”
تفوهت رشيدة بتلك الكلمات و هي تهبط الدرج فأجاب العمده: يعني غلطانين اننا خايفين عليكي؟!
_ لا يخويا مش غلطانين ولا حاجه..اذا كنتوا مصممين هروح بكره..الا جوليلي ي حسونه يختي..
=همممم..اشجيني ي رشيده.
_يعني بما انك عندك فكره عن الاطفال وكده..شوري عليا أسمي المولود ايه؟!
اعتدلت حسناء في جلستها بحماس ثم قالت:الله..احنا ممكن نسميه”تيم”
_تيم ايه يختي و متيمش إيه؟!احنا عايزين نسميه إسم كده له هيبه زي إسم أبوه “العمده داود”.
=ييييه..داود تاني..و بعدين ي ماما أبوه إسمه محمد مش إسمه داود.
العمده:ما تمسكوا ف شعور بعض أحسن..داود مين و محمد مين دلوجتي؟! ثم أكمل بخيلاء: لما ييجي ان شاءلله بالسلامه أبجي أسميه.
حسناء بحنق:بقولكوا ايه..ابنكوا و انتوا حرين فيه..ان شالله تسموه”باللو”..تصبحوا علي خير.
رشيده بغيظ:باللو؟؟!ان شالله يجيلك باللو ف نافوخك ي ام باللو انتي..جال باللو جال!!
العمده ضاحكا:متسبجيش الأحداث ي رشيده و سيبيها لساعتها..لما ييجي بالسلامه إسمه هييجي معاه..يلا نطلع ننام عشان هاخدك الصبح و نروح للدكتور.
????????????????????????????????????????????
أمام مركز دكتور”ياسر هنداوي”طبيب نساء و توليد.
_اتفضل ي عمده..ازيك اليومين دول ي مدام رشيده.
=تعبانه ي دكتور..دايما معايا دوخه و هبطانه و بحس بألم شديد زي ما يكون ف جلبي.
=همممم..آلام متقطعه بتروح و تيجي ولا ثابته؟!
_أيوة بتروح و تيجي.
=تماام..بصي ي مدام رشيده الأعراض اللي بتشتكي منها دي ليها علاقه بمشكله ف القلب..ف مش هنعرف نتكلم دلوقتي قبل ما تعملي أشعة موجات صوتيه و تروحي لدكتور قلب و أوعيه دمويه و تشوفي كلامه و بعدين ترجعيلي.
أمام مركز دكتور”محمد عبدالمولي”قلب و أوعيه دمويه….
_اتفضلوا..
=حضرتك انا حامل ف الشهر السادس و تعبت جداا و دايما معايا دوخه و هبوط و دكتور النسا اللي متابعه معاه جاللي نيجي لحضرتك.
_طب اتفضلي ي مدام رشيده علي الجهاز نعمل اشعة موجات صوتيه.
فحصها الطبيب بدقه تحت أنظار زوجها القلقه المضطربه ثم قال
_انتي كنتي تعرفي إنك مريضة قلب قبل ما تحملي ي مدام رشيدة؟
رشيده بدهشه:لااا..لا مكنتش أعرف.
الطبيب بعمليه: امممم..اتفضلي “ثم ناولها منديلا لتزيل بقايا الجل المستخدم لعمل الأشعه و اتجه إلي مكتبه ثم قال:
الحمل بيضغط علي القلب و علي جهاز الدورة الدمويه بشكل عام..لأن حجم الدم بيزيد من 30ل 50٪ لتغذية الطفل و مضخات دمك بالدم كل دقيقه.. و كمان ضربات قلبك بتزيد.. ف طبعاً المخاض و الولاده عبء كبير علي القلب.
و اللي حضرتك متعرفيهوش انك عندك تشوه طفيف في صمامات القلب.. و ده طبعا بيؤدي إلي زيادة خطر حدوث مضاعفات أثناء الحمل لو الصمامات مشتغلتش بشكل كويس.. و ممكن نواجه مشكله في تحمل زيادة تدفق الدم أثناء فترة الحمل.
العمده. بحزن بااالغ و تيه: معلش ي دكتور انا اغلب الكلام مش مستوعبه.. بس اي العمل يعني.. اي اللي المفروض يتعمل.
الطبيب: هي ان شاءلله حاجه بسيطه لأن التشوه مش بنسبه كبيره زي ما قولت.. فانا هكتبلها علي علاج دلوقتي هتمشي عليه مع المتابعه مع دكتور النسا بردو لان العلاج اللي بتاخديه لازم بيأثر علي الطفل.. ف دكتور النسا هو بيحدد الجرعه المناسبه.
العمده: يعني حضرتك مفيش خطر عليها؟!
_طول ما هي بتاخد الدوا ان شاءلله خير.. أهم حاجه ي مدام رشيده متوقفيش الدوا أو تعدلي الجرعه من نفسك.. و إن شاءلله هطمن عليكي بعد أسبوعين عشان نعمل فحص تاني.
=ان شاءلله.. بعد اذنك.
_اتفضل.. مع السلامه.
♕♕♕♕♕♕♕♕♕
عند عودتهم إلي المنزل قابلتهم حسناء بقلق حقيقي: ايه اتأخرتوا كده ليه.. طمنوني عملتوا ايه؟!
لا رد…
_مبتردوش عليا ليه؟! الدكتور قال ايه ي محمد؟!
العمده بحزن: اتأخرنا لأننا روحنا لدكتور النسا بعتنا علي دكتور أوعية دمويه و رجعنا لدكتور النسا تاني.
_طيب قالكوا ايه؟!
=رشيده عندها تشوه في صمامات الجلب.. عطانا علاج اهو و ربنا الشافي.
حسناء بحزن لم تصطنعه: ي حبيبتي ي رشيده.. متقلقيش.. ان شاءلله مع العلاج هتكوني زي الفل.
رشيده ببرود علي عكس ما يعتمل بداخلها: انا مش جلجانه ي حسونه.. متجلجيش انتي.. انا مش هموت و اسيبلك العمده لوحدك.
نظرت لها حسناء بأعين متسعه ثم قالت: بقا ده تفكيرك ي رشيده؟! عالعموم مش هرد عليكي.. سلامتك الف سلامة.. لو احتاجتي حاجه ناديني..
_أنا صمامات جلبي متشوهه يختي مش مشلوله.. لو احتاجت حاجه هعملها لنفسي.
نظرت لها حسناء بتعجب لحدتها ثم قالت: تصدقي بالله.. انا اللي غلطانه.. انتي خساره فيكي اني اكلمك حلو.. عايزة نبقا ناقر و نقير طول الوقت..
_الله يخليكي ي حسونه بلا ناجر و نجير بلا منكر و نكير.. اطلعي يختي وريحينا.
=طالعه ي رشيده.. تصبحوا على خير.
العمده: في ايه ي رشيده مش طيجالها كلمه ليه؟!
_ايه ده!؟ هو انت هنا ي عمده؟! اومال مسمعتش صوتك ليه الا دلوجتي؟!
=سايبكوا تاكلوا ف بعض كيف البوم.. مفييش دماغ ليكوا.
_انا هجوم انام و انت اطلع لشاكيرا اللي مستنياك فوج دي..ثم تمتمت بسخريه: ربنا يعينك ي حبة عيني..
♕♕♕♕♕♕♕♕♕♕
داخل غرفتهم..يجلس و يجلسها أمامه بين قدميه..يصفف لها شعرها بحب لم تعهده من قبل ثم قال:سرحانه ف ايه يست الناس؟!
_عاوزه اكشف ي محمد..المره الجايه ورشيده رايحه عندالدكتور هروح معاها.
قال بلهفه:ليه انتي فيكي ايه بيوجعك.
_لا متقلقش مش دكتور القلب..دكتور النسا.
=اشمعنا؟!
_هو ايه اللي اشمعنا!!؟؟عاوزه اعرف مبحملش ليه؟!
=مستعجله ليه يست الناس؟!متشغليش بالك ان شاءلله لو نصيبنا فيه هييجي.
قالت بعقل مغيب:ااه طبعا مشغلش بالي..مهو انت كمان مش شاغل بالك..منتا جايلك ولي العهد طبعا هتشغل بالك بيا ولا بعيل مني ليه؟!
زفر في نفاذ صبر ثم قال:انا نفسي افهم دماغك..انتي كل ساعه بحال يبنتي؟!و ايه تفكيرك المتخلف ده؟!
انا مش شاغل بالي بعيل منك؟؟!!أنا؟؟!ده انا بدعي ربنا ليل نهار إني أخلف منك دسته.
نظرت له في شك فأمسك وجنتيها بين كفيه ثم نظر بداخل عينيها قائلا:حسناء افهميني..انا محبيتش ف حياتي حد زي ما حبيتك انتي، و عمري ما اتمنيت حد زي ما اتمنيتك انتي،و مبتبسطش مع حد زي ما بتبسط معاكي انتي،،ثم قال بقلة حيله:و متمنيتش اخلف من رشيدة زي مااتمنيت أخلف منك انتي..انتي بتجري ف دمي اكتر من دمي نفسه..وانتي عارفه غلاوتك عندي و عارفه اني همووت علي عيل منك
ثم لثم شفتيها في قبله خاطفه حنونه و أكمل:و عارف انك متأكده من كلامي ده بس بتجولي كده عشان اطمنك.
نظرت له في تفاجئ فأكمل:و أنا كلي تحت أمرك..و طول منا عايش هتفضلي مطمنه معايا..اتفجنا ي ست الحسن و الجمال؟!
لا رد…..
_اتفجنا ي حسونه؟!
نظرت له في غيظ ثم ضربته في صدره قائله:حسونه في عينك انت و هي.
ضحك هو بشده و قال:حسونه دي هي اللي بتظبطك
ثم قبل رأسها و ضمها إلي صدره حيث ملجأها الاول والاخير.
????????????????????????????????????????
بعد مرور ثلاثة أشهــــــــــــــر..
العمده:اجمدي ي رشيده..هانت.
رشيده ببكاء لاا خلاااص جلبي هيجف ي داود..مش جادره استحمل.
بجانبها في المقعد الخلفي للسياره تجلس حسناء ممسكه بكلتا يديها فقالت:معلش ي رشيده استحملي ي حبيبتي هاانت خلاص قربنا.
_هموووت ي حسناء..أنا حاسه اني همووت خلاص.
حسناء ببكاء:لاا بعد الشرعليكي..و تسيبيني ي رشيده؟! دنتي بقيتي أهلي ي رشيده.
_ابجي سمي المولود “تيم” زي ما كنتي عايزة.ثم أكملت بمزاح خفيف: نا اينعم هبجا نايمه ف تربتي مش مرتاحه للإسم بس زي بعضه
=لا ي رشيده بعد الشر..ان شاءلله هتبقي كويسه و تقومي بالسلامه..خلااص وصلنا اهوو.
نزلوا سريعاً و دلفوا إلي المشفي و منها إلي طابق الولاده..
ذهبت برفقة الممرضات إلي غرفة العمليات.
وفي الخارج..يقف تائها..هل ستنجو أم سيصيبها مكروة..هل سيفرح بمجئ المولود أم لا..
أجفل قلبه عندما استمع إلي صوت بكاء الطفل فنظر إلي حسناء نظره بمعني:”أيعقل” فاحتضنته بحب و فرحه و لكن قاطع فرحتهم مجئ الممرضه قائله:انتو اللي مع الحاله الاخيره اللي جت؟!
فأجاب بلهفه:ايوة احنا هي اخبارها ايه دلوجتي؟!
_شدوا حيلكوا..البقاء لله.
…. “” ست الحســــــــن””….
الخاتمه بقلمي♡نعمه حسن♡
بعد مرور 10سنوااااات…..
تقف حسناء مناديه: تيم.. يا تيم.. هات اخواتك و تعالي عشان تتغدوا.
أقبل تيم عليها بعصبيه ثم قال: بصي بجا يست الناس.. انتي تشوفيلك حل مع بناتك دول.. والا و كتاب الله ما هيخرجوا من البيت تاني.
حسناء: في ايه بس يا تيتو طول بالك علي اخواتك شويه.
“تيتو تاني ياللي تنشكي في لسانك؟! انتي يبت انتي مش انا وانتي عملنا اتفاجيه.. انك متجوليش ي تيتو وانا هبطل اجوللك ي حسونه؟!”
Flash Back.
_البقاء لله.. شدوا حيلكوا.
العمده بإنهيار: ازااي يعني.. انتو عملتوا فيها ايه؟! طب انا مش عايز عيال خدوه و رجعولي رشيده.
حسناء بانهيار مماثل: طب مش هي ولدت.. حصلها ايه؟!
الممرضه: رشيده مين ي حضرت؟! المتوفيه اسمها “غاليه”.
نظر العمده و حسناء لبعضهما البعض ثم اتخذا طريقهما إلي الأعلي ركضا…
أمام غرفة العمليات..
العمده مخاطبا الممرضه: رشيده داود.
الممرضه علي عجاله: لسه خارجه حالا.. ف عنبر الولاده.
ذهبوا سريعا إلي عنبر الولاده.. فور ان التقطت عيناه رشيده و طفله حتي خر ساجداً شكراً لله.
جرت إليها حسناء ثم قبلت رأسها قائله بفرحه حقيقيه: الحمدلله.. الحمدلله.. الف حمد الله على سلامتك ي رشيده.
رشيده بتعب: الله يسلمك ي حسناء.. بتعيطي ليه؟!
حسناء: قلقنا عليكي.. الحمدلله انك بخير.
رشيده بمزاح: تجلجيش يختي.. جيمالك ارازي فيكي.. مين هيخلي لعيشتك طعم غيري؟!
حسناء بضحك و بكاء في آن واحد: محدش ي رشيده..ثم نظرت إلي المولود بجانبها قائله: الله.. بسم الله ماشاء الله.. ايه العسل ده.
ثم أخذته و اتجهت به نحو زوجها الذي يقف شاردا و قالت: تيم محمد داود.. سمّي و شيله عشان تكبر له.
نظر إلي الطفل بيديها ثم انفجر في البكاء متمتماً: اللهم لك الحمد.. اللهم لك الحمد.
ثم أذن له في أذنه اليمني و أقام الآذان في اليسري.
نظرت لحالته تلك فبكت معه أيضا.. أخذه من يدها ثم ضمه إليه بحب و شوق بالغ و تمتم بصوت خفيض: يااااه ي تيم.. استنيتك سنين و سنين.. مكنتش أتخيل إن حضنك حلو أوي كده..
ثم أكمل بهمس: أحلي من حضن ست الناس كمان.. بس سر بيناتنا ده الا لو عرفت هتنكد عليا..
ثم تبدلت حالته من البكاء إلي الضحك قائلا: ااه يبن الكلب طالع شبه أبوك.. هتدوب جلوب البنات.
نظرت حسناء له بشفه مرتفعه دلاله علي إعتراضها ثم قالت: مش وقت حكاية أمجاد و بطولات دلوقتى ي سي روميو.
أعطاها الولد ثم اتجه إلي حيث ترقد رشيده.. انحني بجزعه عليها ثم قبّل رأسها و يديها قائلا: الف حمد الله على السلامة ي رشيده.. يتربي في عزنا ان شاءلله.
BACK,,,
_وهو تيتو وحش ي رشيده؟! في ايه منا بدلعه.
=و تدلعيه ليه هو بت؟! عندك البناات يختي دلعي و هشتكي فيهم براحتك.
تيم بحنق: انا ف ايه و انتوا ف ايه؟!
ثم وجه حديثه إلي حسناء: انا مش كل مره هضربلي عيلين بسببهم.. لبسيهم كويس.
رشيدة: ييييييه.. موال كل يوم.. يبني ي حبيبي.. اخواتك صغيرين لسه.. هنخنجهم من دلوجتي ليييه؟!
كانت حسناء تنظر له بقلة حيله فقالت: ي تيم ارحمني.. ثم صرخت به قائله: مش انتوا رديتوا علي ابوكوا يبني و قال يلبسوا زي ما هما عاوزين دول لسه 6سنين.. اومال لما يبقوا 16ولا 20سنه هتعمل فيهم ايه؟!
تيم بتلقائيه: مش هيخرجوا من البيت خالص.
حسناء: لاااا… دنتا واخد العند بالوراثه.. انا تعبت معاك.
“صباح الخير ي آل داود” تفوه العمده بتلك الكلمات بإبتسامه بشوشه كعادته منذ أن رزقه الله بالأولاد.
ردوا جميعهم تحية الصباح فسبقهم “تيم” قائلا:
دلوجتي ي بابا انا كلمتك كتير ف نفس الموضوع و مفيش فايده.
العمده بتريث: خير ي تيم؟!
تيم بحنق: بناتك.
قبّل فتاتاه اللتان تجلسان علي قدميه ثم قال: جولتلك لما تيجي تتكلم عنهم جول اخواتي او “تالا” و “تالين” ماسمهاش بناتك.
تيم بسخط و نفاذ صبر: ااه الست تالا و الست تالين.. كل يوم دمي بيتحرج بسببهم.
_ليه.. بيعملوا ايه.
=مبيعملوش.. المشكله انهم مبيعملوش.. ست الناس اللي بتعمل.
_مالها ست الناس كمان؟! دي شكوي جماعيه شكلها.
=زهجت اجوللها و اجوللكوا كلكوا يلبسوا وااسع.
هز العمده رأسه في يأس ثم قال: لا حول ولاقوة الابالله.. يبني احنا مش اتكلمنا ف الموضوع ده بدل المره عشره؟! عايز ايه تاني؟!
_يووه و طول ما لبسهم مش عاجبني هتكلم و هتكلم.. يجدعان محدش فاهمني ليه؟! دول لحمي أسيب حد يبص للحمي ازااااي!!
ابتسم العمده علي غيرة و رجولة ابنه الذي لم يتعدي عمره ال 10سنوات..
قالت رشيده: ي حبيبي لحمك مجولناش حاجه.. بس متضيجش عليهم طول الوجت كده.. الرحمه ي بابا.
حسناء بغيظ: و بعدين ي استاذ تيم الجو حر.. و هما مبيطيقوش الحر و جسمهم بيفور.. اموتهم من الحر يعني عشان سيادتك بتغير؟!
_أيوة بغير.. أيوة بغير..
لا انا نجصان ولا ضعفان
ولا مسطول ولا سكران
ولا زايغ من عيني الضي
ولا حد احسن مني ف شي
بس بغير؛؛؛
واللي جالولك غيرة الراجل قلة ثقه
أو جلة فهم.. خلج حمير..
ضحكت حسناء بشده ثم احتضنته قائله: خلاص ي تيتو.. كلو يهون عشان خاطر هشام الجخ بس.
قال لها في همس: شوفتي؟! حفظتها عشانك دي.. عشان عارف ان ابويا كان بيجولهالك..
بادلته الهمس قائله: شاطر ي تيتو احفظ بقيتها بقا.
رشيده بصوت عالي أفزعهم: واخده الواد تحت باطك و بتتهامسوا بتجولوا ايه ي حسونه؟!
همت حسناء بالكلام و لكن قاطعها “تيم” ساخطاً يقول: اي يااماا وخداه تحت باطها ده؟! في الفاظ احسن من كده الواحد يجولها.
حسناء: لاااا.. مع نفسك انت و امك.. انا هولد ف الرابع بسبب نقاركو اللي مبيخلصش ده..انا طالعه اكلم صبا اشوفها اتأخرت ليه؟!
تركتهم و انصرفت و بقوا يتناوشون.. و علي الجانب الآخر يجلس ذلك المتيم يحمل حبيباته علي قدميه.
♕♕♕♕♕♕♕♕♕♕♕
بعد مرور 15سنه………
_ي بابا انت مش شايف انهم كبروا علي الدلع ده؟! دي الأبله “تالا”خطوبتها الأسبوع الجاي.
العمده:بس ي بأف انت..ولحد ما يتجوزوا و يخلفوا كمان هيفضلوا يتدلعوا.
_والله ده حراام..يعني انت اللي يشوفك كده يجول مخلفتش غير تالا و تالين مع ان في تيم و في انا الوحيد المظلوم ف البيت ده..بلاش التفرقه العنصريه دي.
تالا بضحك:والله ي تامر انت اكتر واحد واخد حقه ف البيت ده..بس هو مسكنه و خلاص.
لترد عليها تالين موجهه حديثها لوالدها قائله:فاكر ي بابا يوم ما تامر ضرب الواد زميله عشان بيعاكس ماما..ثم انفجرت ف الضحك.
العمده بضحك:ااه و يومها اجولله بتضربه ليه ي تامر يجوللي و الشهامه وخداه جووي:انا امي متتعاكسش ف السن ده.
انفجروا جميعهم في الضحك ثم أكمل والده بسخريه:
يعني لو صغيره متفرجش يااك؟!!
“السلام عليكم ي آل داود”
تفوهت بها “صبا”مقاطعه حديثهم فالتفوا جميهم حولها يستقبلوها بحفاوة.
تامر:احباب الرحمن بتوعك فين ي بوبا؟!
صبا بضحك:متقلقش..داخلين اهم.
تامر:أجري أنا بجا أخبي كتبي و حاجاتي بدل ما يعملوهم طيارات و مراكب زي المره اللي فاتت.
العمده:هو ده اللي هاجي اجضي معاكو اجازة الصيف ي ست صبا؟!
صبا:والله يا عمو محمد ما بعرف اخرج بسبب الولاد..
و يمكن لولا خطوبة تالا كمان مكنتش عرفت اجي..مبروك ي توتا.
تالا:الله يبارك فيكي ي بوب..همتك معانا بقا لسه مش مجهزه أي حاجة..مستنيينك لما تيجي.
صبا بمزاح ساخر: ده يوم الهنا يوم المني..عقبال شق الشقايق.
تالين بحالميه:هيييييه..ياارب بقا ي صبا انا زهقت..انا و الواد اتعفننا من كتر الانتظار.
“لاا و تتعفني ليه ي عفنه انتي وهو؟!جابليني بيه وانا اخلصلكو الموضوع خاالص”قالها” تيم” و هو يضربها خلف رأسها بغضب فانتفضت صارخه تقول بفزع: ايه ي تيتوو دخلة ظباط الشرطه دوول؟!
نظر لها بطرف عينه نظره أخرستها و لم يجيبها ثم قال موجها حديثه لصبا:حمدالله علي السلامه ي ام زين.
صبا:الله يسلمك ي تيتوو..ظابطهم انت العيال دي..ظابط ظابط يعني.
تيم بخيلاء:اه اومال ايه انا هنا الكل في الكل.
حمحم والده فقال:بعد الحج طبعا ده البركه بتاعتنا.
العمده:طيب ياخويا..حضر نفسك انت واخواتك عشان مزورناش ستك من زمان.
تمتم الجميع:الله يرحمها.
????????????????????????????????????????
يوم الخطوبه…..
يقف بفخر و زهو يستقبل المدعوين لحفل خطوبة ابنته..يلتف حوله أولاده .
تقف حسناء علي يمينه و علي شماله تقف رشيده..
تيم هامسا في أذنه:ده أبوها ي بابا..كلمه بقا بالله عليك قبل ما يوافق علي العريس التاني.
بادله الهمس قائلا:و يعني ي تيم كل ده مستني و جاي تطلبها لما اتجدملها عرسان..كنت فين جبل كده.
_منا مكنتش حاسب ان ده يحصل..ها هتكلمه ولا لا.
=هكلمه طبعا بس مش دلوجتي.روح انت استجبل صحابك.
تامر:بابااااا.
_همممم..خير ي سي تامر.
=انا عاوز اعرفك علي أبو البت اللي انا هخطبها.
_ليه و تعرفني ليه؟!ابجا اعزمني عالفرح وخلاص.
=متركزش معايا يا والدي..يلا جبل ما يمشي.
_متركزش معايا انت يا تامر الله لا يسيئك و سيبني النهارده انا مش فايجلك.
=كده؟؟ماااشي..بت ي تالين.
تالين:بت اما تبتك ي بأف..انا اكبر منك ب 7سنين يلااا..خليك محترم.
_بأف؟!أنا بأف؟!طب والله لأجول لأبوكي ع الواد…
قاطعته مكممه فمه بكف يدها قائله:صلي على النبي اوومال..عاوز ايه؟!
=تقنعي بابا ييجي معايا لأبو “لينا”.
_بسسس كده..من عيوني.
????????????????????????????????????????
رشيده بسخط:ما تبطلي بكبكه ي حزينه..دي خطوبه لسه اومال ف الفرح هتعملي ايه لما تسيبك و تمشي؟
حسناء ببكاء:مش متخيله ي رشيده..يتجوزوا و يسيبوني؟!
_سنة الحياة يااما..منتي اتجوزتي و سيبتي بيت ابوكي و جيتي رازيتي في اللي جابونا..قالت الأخيره بضحك فضحكت حسناء ثم قالت:حد كان يصدق اننا نبقا زي دلوقتي كده؟! دنتي بقيتي اختي ي رشيده..
_وانتي كمان ي حسونه ربنا يعلم بحبك جد ايه؟!
العمده:كلتوا دماغي انتو الجوز..ما تشوفولكوا حته حبوا بعض فيها بعيد عني..ياا بااااي.
“اي كابلز عاوزين يرقصوا مع العريس و العروسه يطلعوا معانا ع الاستيتج”…
في كفه الناس وهي لوحدها في كفه
وقعت خلاص وقلبي بعدها استكفي
دي فوق الراس وست الحسن والعفه
يا ضحتكها ورقتها بكل ما فيها وخداني
انا بيتها ودنيتها انا معاها واحد تاني
وحبتها يا غلاوتها وهي معايا وحشاني
يا ماليه العين يانور بيحلي ايامي
ياحلم سنين وفاجاه لقيته قدامي
بقينا اتنين خلاص حققت احلامي
،،،،تمت بحمد الله،،،،،




