رواية كاملة بقلم نوران

الحلقة 2
.
.
نور والرعب دب في قلبها : عمي

عوض عم نور : انتي فاكره لما تسيبي البيت وتمشي مش هعرف اوصلك ولا اي

************

وصلو للقصر

جريت ميرا علي الاوضه بتاعتها وهي سعيده جدا بالصحاب اللي اتعرفت عليهم النهار ده واخير بقا عندي أصحاب استحمت ميرا وأدت فريضتها ولاقت مازن بينادي عليها علشان الغدا نزلت لتحت وهي قاعده علي السفره كانت مبتسمه بسعاده

ادهم : شكلو كان يوم حلو

اقفلت فمها وابتسمت وهزت رأسها بالموافقه رن الفون جريت مسكته وكانت هتمشي أوقفها صوته

ادهم : كملي أكلك

ميرا : حاضر بس هخلص المكالمه وهاجي

ادهم : كلي وبعدين ابقي شوفي الفون

ميرا : لا خلاص مش جعانه وكادت أن تذهب حتي أوقفها صوته العالي

ادهم بحده : خلصي طبقك

جلست ميرا بسرعه علي مائده الطعام وكانت تاكل بسرعه

فارس خبط رجل ميرا ف بصتله بغضب وفمها ملئ بالطعام نظر لادهم لتفهم ميرا أنه يراقبها لانه دائما ملتزم بآداب الطعام بصت لادهم وجدته ينظر لها بضيق بلعت الطعام وحاولت تاكل بهدوء وما أن أنهت طبقها حتي خرجت بسرعه لترد علي نور

ميرا : اي يا نونو

نور : اي يا بنتي ده كله

ميرا : معلش كنت باكل

حور : ادام فيها اكل معاها حق تتأخر

نور : مش كل الناس بتاعه بطنها زيك

ميرا بضحك : والله كبرتم الموضوع يا شباب اخبارك يا حوحو

حور : بعد حوحو دي كرهت اسمي

نور : انا مش هقدر اجي بكرا يا بنات

ميرا : ليه

نور : يعني ظروف كدا في البيت

حور : لعله خير يا حبيبتي تمام

ميرا : الجامعه هتكون وحشه من غيرك

نور : بس يا اوفر ابقي اكتبي المحاضرات بكرا وابعتيهالي متنسيش

ميرا : تمام يا كبير

حور : صح يا نور انتي اصلا منين

نور : اسكندريه بس قررت استقر في القاهره بقولكم اي وقتكم خلص يلا سلام

حور بابتسامه : سلام يا اختي

ميرا : اقابلك بكرا يا حور سلام

سمعت ميرا خبط علي الباب أذنت بالدخول

ولم تسمع رد فتحت الباب واتفاجات بكيس شوكولاته واندومي وكل الحاجات الحلوه اللي بتحبها ابتسمت بفرحه لأنها عارفه أنه فارس مهنش عليه تفضل زعلانه منه كتير خدت الحاجات ودخلت تنام

تاني يوم صحيت ميرا متأخر وكان كل واحد من اخواتها خرج لبست بسرعه هدومها وراحت تركب اي مواصله رن الفون

حور : اي فينك يا بنتي

ميرا : بحاول اشوف مواصلات مش عارفه اركب منين ولا اعمل اي

حور : لا لا متركبيش مواصلات بسمع انها مش كويسه انا هاجي اخدك

ميرا : لالا انا عايزه اجرب اركب اوتوبيس وكدا
حور : ابقي جربي بعدين يا ماما نور المجنونه اللي هتساعدك علي الهبل ده وهتعرف تتخانق حلو ابقي روحي معاها .

ضحكت ميرا : هههههههه تصدقي صح تمام هتعمل كدا

أوصلت حور ميرا للجامعه وذهبت لجامعتها

وميرا اتفقت بعد المحاضره يتقابلو عند المطعم اللي اتعرفو فيه علي بعض

دخلت ميرا المحاضره وتفاجات ببنت جلست بجانبها وبتقول : هاي انا نسمه وانتي يا قمر

ميرا : اهلا انا ميرا

نسمه : هو انتي جمالك دي بجد مش معقول

ميرا ابتسمت : اممم ممكن نركز في المحاضره ونبقا نتكلم بعدين

وبعد المحاضره اتصلت حور علي ميرا

ميرا : فينك يا حور انا قاعده في المطعم بقالي كتير

حور : اسفه يا ميرا والله بابا اتصل وطلب مني اجي ضروري واضطريت اني امشي

ميرا : تمام يا قلبي المهم ابقي طمنيني

حور : تمام سلام

اتصلت ميرا بأسر

اسر : ايوه يا ميرا في حاجه

ميرا : بسال بس هتروح امتي علشان ممكن اروح لوحدي

اسر : لا خليكي عندك نص ساعه وجاي

أغلقت ميرا الخط

ولقت نفس البنت نسمه بتقعد قدامها

نسمه : اي يا بنتي كنت بدور عليكي

ميرا : اسفه مخدتش بالي

نسمه : قوليلي يا ميرا انتي مرتبطه وكدا

ميرا : لا طبعا

نسمه : ليه بتقوليها بالشكل ده

ميرا : عادي بس استغربت

نسمه : تعرفي أن شباب الدفعه هيموتو ويتعرفو عليكي ليهم حق حد يشوف الجمال ده كله وميعجبش بيه

ميرا بابتسامه : شكرا جدا علي ذوقك

ظلت نسمه تتحدث عن الشباب كتير حتي رن هاتف ميرا لتقف

ميرا : اسفه جدا لازم اروح بقا اقابلك بكرا سلام

وصلت ميرا لأسر

اسر : مالك
ميرا : مش عارفه حاسه انها غريبه شويه

اسر : هي مين

ميرا وبدات تفيق : ها لا دي بنت جديده اتعرفت عليها

اسر : ميرا خلي بالك من نفسك ولو مرتحتيش مع بنت اوعي تقعدي معاها طبعا مش محتاج اقولك اي الصح واي الغلط

ميرا : اكيد طبعا متقلقش

وصلو للبيت وعند مائده الطعام

وصل الجميع وتناولو الطعام رن هاتف ميرا

نور : اي يا بنتي مبعتيش المحاضرات ليه

ميرا : اصبري بس هبيضها واكتبها وابعتهالك

حور : اخبارك اي يا نور الجامعه فعلا كانت وحشه من غيرك

ميرا : ده علي اساس انك لحقتي تقعدي في الجامعه اصلا

نور : كل واحده فيكم تعترف عملتو اي من غيري احسلكم

ميرا : اتعرفت علي بنت جديده كويسه خالص عايزه اعرفكم عليها المره الجايه صحيح يا حور مقولتيش مشيتي بدري ليه

حور : بابا والعرسان تاني

ميرا : انتي رافضه الجواز اصلا

حور : لا بس مش عايزاه بالطريقه دي عايزه علي الاقل احس بالراحه وبعدين جواز اي اصلا انا لسه صغيره .

نور : جدعه يا بت اصلا اللي اتجوزو خدو اي بلا وكسه

ميرا : الارتباط مش وحش بردو لازم تدي نفسك فرصه

نور : معاها حق يا حور لازم تدي نفسك فرصه تشوفي تمثيله عليكي الحب ويفضل يقرفك طول فتره الخطوبه وبعد الجواز يبان علي حقيقته

ميرا : ياساتر يارب عليكي اي ده

نور : حبيبتي لازم تجربي في الحالتين هتتخزوقي وهتتنكدي سوء خطوبه أو جواز خليكي بنت سنجوله كدا وروشه زيي

ميرا : يخربيتك ده انتي قفلتيها قفله طالعه بدل المرحوم عبد الحليم حافظ تقولي البنت طريقك مسدود مسدود يا ولدي مسدود

حور : هههههههه فصلت ضحك بجد مش قادره

نور : اضحك علي البنت يعني لازم تعرف الحقيقه المره الله

حور : طب انتي يا ميرا مجاش حد كدا ولا كدا اتقدم

ميرا : ده لما أبقا أخرج من البيت اصلا وبعدين انتي فاكره التلت تيران اللي عندي دول لو عرفو أن واحد عايز يتقدم هيقدر يوصل لباب البيت اصلا

حور : شكلهم بيحبوكي اوي

نور : مش اخواتها لازم يحبوها يلا يا اختي انتي وهي كل واحد بيتك بيتك

أغلقت الخط وبعتت ميرا المحاضرات لنور

اسر دخل علي فارس

اسر : مالك يا ابني متعصب كدا ليه

فارس : الزفت اللي اسمه دكتور مراد ده خلع ولبسني اشرح لقسم مش عندي ومش تخصصي وكمان سنه أولي هو الواحد ناقص

اسر : يا عم هيص هو حد طايل ده كفايه انك هتشوف مزز جديده

فارس : انا بحكيلك ليه اصلا غور من هنا ده انت انسان تافه قال بنات قال ده كل همك

اسر : طبعا هو في احلي من البنات وبعدين مش عجبك يا خويا طلقني طلقني

حدف فارس المخده علي اسر ولاكن سرعان ما خرج بسرعه ليبتسم فارس علي أخيه الصغير

وفي اليوم التالي

تقابلا الفتيات في الجامعه واول ما دخلوا نور وميرا المدرج

اتفاجات نور ببنت لابسه لبس ملزق علي جسمها وضيق ومكياجها اوفر داخله عليهم وبتتكلم بدلع

نسمه : ميرا وحشتيني جدا

نور ببرود : ده علي اساس انك مكنتيش لسه شايفاها امبارح

نظرت نسمه لنور بضيق وعوجه بق : معرفتيناش

ميرا بابتسامه بتحاول تلطف الجو : اه دي نور صاحبتي ودي نسمه يا نور

ردت نور ببرود وهي بتشد ميرا علشان يقعدوا : اهلا

وهمست في اذن ميرا : مين البت الملزقه اللي انتي عارفاها دي اسيبك يوم تلمي عليكي الحشرات بالشكل ده

ضحكت ميرا غصب عنها

الدكتور : الانسه اللي بتضحك ممكن تضحكنا معاها

احمرت ميرا خجلا وقالت : انا اسفه جدا يا دكتور

بعد انتهاء المحاضرة أمسكت نسمه يد ميرا

وكانت نور باين عليها الضيق لحد ما جه شابين يكلمو نسمه

الشاب الاول : نسمه اي يا بنتي فينك

نسمه بضحك وهي مسكه ايد ميرا : موجوده اهو اخبارك يا اتش

الشاب التاني : هتيجي النادي النهار ده

نسمه بدلع : اكيد

الشاب الاول بنظرات اعجاب واضحه : اي مش تعرفينا

نور بحده : متعرفش وحش يا خفيف. شدت ايد ميرا وخرجت

قابلو حور في المطعم نور بعصبيه : البنت دي مش محترمه

ميرا : طيب بس ممكن تهدي مش كدا

حور : في اي يا جماعه

نور : شايفه المياصه اللي هي فيها والدلع اي البنت الملزقه دي وازاي تقف مع شباب وتتكلم كدا

ميرا : ظني خير اكيد مش متقصدش

نور : مفيش حاجه في اللي هي بتعمله ده خير دي كانت هتعرفك علي الشباب ومعتقدش ابدا انها صدفه

ميرا : هي يمكن لسه متعرفش أسلوبنا وطريقتنا لما تعرف أننا ضد الكلام ده هتمشي معانا ومش هتعمل كدا تاني

نور : مش شايفه انها ممكن تتغير انا مش موافقه علي الكلام ده ولو هي هتكون معاكي ف انا اسفه مش همشي معاكي وهي موجوده

حور : نور اهدي ممكن يكون في سوء تفاهم بس

جائت نسمه إليهم : اي قله الذوق دي احرجتيني قدام الشباب

نور وهي تنظر لميرا : انا مش هقعد في مكان البت دي فيه وبراحتك يا ميرا انا مش زعلانه منك وهتفضلي صاحبتي المهم تخلي بالك من نفسك ومشيت

نسمه : احسن ريحت

حور : لو سمحتي اتكلمي بأسلوب احسن من كدا عن اذنكم ومشيت وري نور

نسمه : صحابك دول اوفر اوي بس انتي عارفه اكيد مكنتش اقصد اضايقهم بس نور دي بصراحه بارده جدا

ميرا : لو سمحتي مسمحلكيش تتكلمي عن أي واحده فيهم بالطريقه دي

نسمه : اه انا اسفه جدا مقصدش

ميرا : تمام

نسمه : تعرفي أن عيد ميلادي النهار ده نفسي اوي تحضري معايا

ميرا بابتسامه : اكيد أن شاء الله هحاول اجي

ذهبت ميرا للبيت وحاولت الاتصال بالفتيات ولاكن لم يرد لحد منهم فاتصلت بمازن

مازن : ايوه يا حبيبتي في حاجه

ميرا : ميزو حبيبي امانه عيد ميلاد صاحبتي النهار ده وعايزه اروح

مازن : استأذنتي ادهم

ميرا : يعني انا بكلمك ليه كلمه وأقنعه امانه عليك حبيبي اروح ها

مازن : هيكون صعب بس هحاول

ميرا : يعني اروح

مازن : ماشي

ميرا : يييي انت احسن اخ في الدنيا

مازن : ماشي يا بكاشه هخلص اللي في أيدي واجي اوصلك

حاول مازن الاتصال بادهم كثير ولاكن لا رد

وصلت ميرا لبيت نسمه ومعاها هديه وعلي وجهها ابتسامه

جائت نسمه ترتدي فستان قصير للركبه وقالت : ميرا حبيبتي فرحانه اوي انك جيتي يلا علشان منتاخرش

ميرا : يلا فين مش حفله عيد ميلادك هنا

نسمه بكذب : اه ما هو هنروح نحتفل بيه في مكان بره كدا وبعدين اي ده ليه الفستان بتاعك واسع اوي كدا

ضيقت نسمه لميرا الفستان من الوسط والصدر ووضعت لها بعض من ملمع الشفايف

ميرا : مش مرتاحه كدا ابدا

نسمه : انتي كدا قمر يلا هنتاخر

وصلو لقاعه كبيره ومعظم اللي فيها رجال أعمال ببدل

ميرا : اي المكان ده

نسمه : دي حفله لأكبر شركات ورجال الأعمال في الشرق الأوسط

ميرا : يعني مش عيد ميلاد

نسمه : بصراحه كذبت اصل نفسي اوي بجد تحضري معايا الحفله

ميرا : بس انا مش قولت لاخويا ولو عرفت هيزعقلي

نسمه : ومين هيقله اصلا بقولك ركزي علي الشباب هنا بجد قمرات وفي واحد انا بموت عليه اي حفله هو رايحها دايما بروح وراح بس حتي مش بيبصلي

مع اني علي طول بحاول اتكلم معاه

ابتسمت ميرا متزكره كلام نور فعلا دي لازقه

ميرا : مين ده

نسمه : بصي هوريهولك بس خديلك لفه في المكان كدا وحاولي توقعي واحد متريش كل اللي هنا معاهم فلوس كتير اوي

ميرا : لا طبعا اصلا كدا عيب وانا مش محتاجه

نسمه : يا بنتي اتلحلحي كدا وبعدين بصت وقالت ايوه هو ده يا ميرا وشاورت علي شخص

بصت ميرا واتصدمت وحاولت تكذب عيونها

ميرا : ت تقصدي اللي شعره اصفر ده

نسمه : لا يا بنتي ده احمد صاحبه بقولك علي اللي جنبه ادهم يخربيته الواد مز اوي

ميرا : علي فكره ده مش حلو خالص

صدمت ميرا وقالت بخوف احيه ده جاي علينا حاولت تهرب ولاكن
.
????????????????????????????????????????????????
الحلقة 3
.
.
ميرا بقلق واضح يارب ميشوفنيش قلبي بينبض بسرعه مش قادره اخد نفسي بس كفايه اهدي يا ميرا مش هيشوفك كل حاجه هتكون بخير
كل ده وميرا كانت ظهرها ليهم ولنسمه

نسمه : هاي ازيك يا ادهم

ادهم بعدم اهتمام ونظره معلق بظهر ميرا : اهلا

نسمه : اه صح نسيت اعرفكم دي ميرا وبالمناسبة صحيح هي معجبه بيك جدا يا احمد

ميرا في سرها الله يحرقك يا بعيده منك لله

احمد بابتسامه : بجد ده شرف كبير ليا

لفت نسمه ميرا بقوه وتلاقت أعين ادهم وميرا
بدأت ميرا بالارتجاف من الخوف ونظرها معلق بادهم الذي كان ينظر لها بعيون حمراء من الغضب

ميرا بسرعه وتوتر ونظرها لادهم : انا انا والله مش معجبه بحد

احمد : ليه هو انا ميتعجبش بيا ولا اي

ميرا بتوتر : لا ابدا والله مقصدش

نظرت لادهم بخوف وعيونها امتلأت بالدموع وبتفرك بايديها لأنها عارفه أن هدوئه دي هو الهدوء ما قبل العاصفه

احمد : طيب طيب مفيش حاجه محصلش حاجه انتي هتعيطي ولا اي

ميرا : لا لا انا انا بس دخل في عيوني حاجه مش اكتر

نسمه : طيب روحي اغسلي وجهك

هزت راسها موافقه وذهبت بسرعه هاربه من نظراته طولت في الحمام علي امل أنه يتوقع انها مشيت
وما أن خرجت حتي وجدت من يمسك يديها بقوه ويسحبها خلفه كادت أن تسقط عده مرات ولاكنه لم يقف حتي فتح باب العربيه ورماها جوه العربيه بقوه وبسرعه و مشي بسرعه كبيره جدا

حاولت ميرا انها تتكلم بس مكنتش قادره تطلع حرف بس مسكت باب العربيه بقوه وخوف وكانت ترتعش من كثره الخوف

ما هي إلا دقائق حتي وصل للقصر
حاولت ميرا فتح الباب والجري بسرعه جوه القصر تستخبي عند اي اخ ليها وبتتمني جواها تلاقيهم في البيت
اول ما وقف العربيه حاولت تخرج بسرعه ولاكنه كان اسرع منها ومسكها بقوه و مشي بسرعه لغرفتها كانت دموعها تسقط بغزاره علي وجهها وحتي انها تنادي علي حد مكنتش قادره تتكلم ولا تقف علي رجليها من كثره الخوف

اول ما موصل لاوضتها فتحها ورماها علي الارض بقوه لتسقط ميرا علي الارض تبكي خوفا وتبتعد عنه وهي ترتجف

حاول ادهم تمالك أعصابه واغمض عينيه وشد علي قبضه يده بقوه وقال بغضب : كنتي بتعملي اي هناك

ميرا كانت ترتجف وتبكي بخوف فقط

ادهم بعصبيه وصوت عالي جعل جسدها كله ينتفض من الخوف : انطقي

خرجت بعض الحرف من بين شهقاتها : انا انا انا كنت كنت

ادهم اقترب منها وبهدوء مخيف قال : كنتي اي و خدتي الاذن من مين عشان تخرجي

وكان يضغط علي يديها بقوه

ميرا بدموع : والله والله ا . ا ستأذنت من م مازن

اخرج ادهم هاتفه واتصل بمازن : ميرا قالتلك انها تخرج وانت وافقت من غير ما تعرف فين

مازن : لا طبعا راحت لبيت صاحبتها عشان عيد ميلادها وانا اللي وصلتها بنفسي للبيت واتصلت بيك كتير علشان اقولك بس مكنتش بترد و ح

اقفل ادهم الخط

كانت ميرا ترتعش من الخوف ومش عارفه تعمل اي وكان بتبص علي ظهر ادهم بخوف وما أن انهي كلامه والتفت إليها حتي سقطت أرضا بسبب صفعه قويه منه حتي أن شفايفها نزلت دم
بدأت ميرا بالبكاء مثل الاطفال بقوه وتصرخ بخوف

اقترب منها وهدءت وبدأت بالتراجع للوراء فأمسك يدها وقال : بقا بتكذبي علي اخوكي ومسح شفايفها بقوه وقال : اي القرف اللي انتي حطاه ده واي اللبس الزباله ده فرحانه ببصه الشباب علي جسمك ضغط علي يديها أكثر حتي بدأت تبكي بقوه
قال : انا هربيكي من اول وجديد

قالت بين شهقاتها وبكائها وهي تدبدب بقدميها علي الارض بقوه كالاطفال : انا انا اسفه ا انا ا اسفه و والله م مش هعمل ك كدا ت تاني

تركها ادهم وقفل باب الغرفه بالمفتاح وهي كانت ترتجف وتبكي في زوايه الغرفه محتضنه قدميها سمعت صوت رنين هاتفها ف ردت ببكاء
نور : مالك يا ميرا في اي

ميرا بدموع : انا ا انا خ خايفه ا اوي

بدأت الدموع تتجمع في عيون نور علي حال صديقتها وقالت : مالك بس يا قلبي حصل اي

ميرا : ن نسمه ك كذبت ع عليا

نور : طيب بس احكيلي حصل اي

كادت أن تتحدث ميرا لولا صوت فتح الباب وكان ادهم وقال بغضب : بتكلمي مين

وقفت ميرا من الخوف ومدت ايديها بالفون وهي بتعيط وبترتجف
اخذ ادهم الفون وسمع صوت نور بتقول ميرا مالك في اي وقفل الخط
كانت ميرا تمسح دموعها بظهر يديها كالاطفال وهي تبتعد عنه

امسكها ادهم من يديها بقوه وسحبها ونزل بيها السلالم قابله اسر راجع من بره
علي صوت عياط ميرا اكتر ومسكت في أسر وهي بتقول : م متسبنيش

سحبها ادهم بقوه داخل غرفه مظلمه وقفل الباب

اسر بغضب : اي اللي بيحصل هنا وانت تدخلها المكان ده ليه

مردش ادهم عليه ومشي

كان هيكسر الباب بسبب صوت بكائها وصراخها باسمه وأنها خايفه وولاكن أوقفه فارس

فارس : اهدي لازم نفهم اي اللي حصل

اسر : ايا كان اللي حصل ميكونش ده العقاب وهو عارف كويس الفوبيا اللي عندنا من الضلمه

فارس : هنخرجها بس بالعقل مش كدا انت فاكر أن ادهم مبسوط بحبستها دي اكيد عملت حاجه خلته يضطر أنه يعمل كدا

عند ادهم كان بيكسر كل حاجه في الاوضه بتاعته من العصبيه من فكره ان حد شافها باللبس الضيق ده وكذبها عليه
وافتكر شكلها ووشها احمر وبتمسح دموعها بظهر ايديها وخوفها ورعشتها اتمني وقتها لو كان يقدر يحضنها ويطمنها ويحميها من العالم ده بس لا هي كانت فعلا تستاهل العقاب عشان تتعلم تتصرف ازاي وتبعد عن المشاكل ازاي بعد كدا

***********
كانت ميرا تضم قدميها وتبكي بخوف بعد أن يأست من محاوله فتح الباب حتي نامت مكانها علي الارض
في صباح يوم جديد كان جميع الشباب علي مائده الطعام وكان ادهم حكلهم كل الي حصل
اسر : هتفضل حابسها كتير

مازن : هي في كل الأحوال غلطانه وانا عارف بس بردو المفروض نسمع منها نديها فرصه تدافع عن نفسها

فارس : كفايه عقاب امبارح ليها وانا اللي هركز معاها وههتم بيها الفتره الجايه معتقدش أن هيبقا في اي أخطاء منها

ادهم بحده : ومين قالك أن بعد عقابها ده هتتجرء وتعمل حاجه تاني

وسابهم ومشي دخل ادهم الغرفه اللي فيها ميرا ما أن سمعت
.
وسابهم ومشي دخل ادهم الغرفه اللي فيها ميرا ما أن سمعت صوت فتح الباب وشافت ادهم حتي احتضنت قدميها بسرعه وغمضت عينيها

ادهم : الاكل ده كله يخلص

نظرت له ميرا بعيون ذابله وقوسط شفايفها للاسفل وهزت رأسها بالنفي

ساب الاكل وكان هيمشي وقال : لو عايزه تخرجي من هنا بسرعه انصحك تسمعي الكلام

ميرا بسرعه : ه هخرج ا امتي

نظر لها بهدوء واغلق الباب خلفه

**********
في الجامعه
كان