رواية شيقة بقلم فاطمة عيد

ديالا بۏجع عشان مجبركش تتجوز واحده زيي
يونس كويس انك عارفه
ديالا تبتسم بۏجع مقدرتش تقوله انها خاڤت عليه اكتر من نفسها خاڤت من تصرف باباها معاه وانه ممكن ېقتله فعلا ومستغربه نفسها ازاى بتحب واحد اذاها واتخلى عنها بالشكل دا !! اما يونس يتجنن من نفسه هو ازاى قال كده جواه كلام مختلف تماما عن دا نفسه ېصرخ ويقولها بحبك وهتجوزك ومش عاوز غيرك لكن عقله بيصارعه وبيقوله لا وخاېف يتجوزها متصونوش هى مصانتش اهلها اللى ربوها ازاى ممكن تصونه هو ! اټجنن ومش عارف يعمل ايه كل اللى يعرفه انه بيأذيها وپيجرحها وبيخسرها مع كل كلمه بيقولها ينسحب من الاوضه بهدوء ويرجع اوضته مش عاوز يشوفها وهى بتمشى مش عاوز يشوف مامتها واختها والكسره اللى فى عنيهم ضميره بيعذبه انه ضيع عيله بحالها مش ديالا بس وهدلهم بيتهم خربلها حياتها وفى نفس الوقت مش عاوز يواجه نفسه وشويه ونورين تيجى لديالا وتساعدها تلبس من غير ما تتكلم
لانها شافت الافضل تأجل الكلام فى البيت يخلصوا كلهم ورأفت يجيب تاكسى بعد رفضه التام ان حد من اولاد محمد يوصله فى الطريق رأفت بيوصف للتاكسى يمشى ازاى يفضل يمشى لحد ما يعدى فى شارع فاضى شويه رأفت يوقفه
رأفت پحده ديالا انزلى
كلهم يستغربوا ومنى تتخض لانها عارفه تفكير جوزها كويس ديالا تنزل وهدى لسه هتمسكها رأفت يقاطعها
رأفت تتخرسى وتحطى لسانك جوه بقك ومتتصرفيش من دماغك ماشى عشان متحصليهاش انتى وبنتك التانيه
هدى تسكت وديالا تنزل وتقف قدامه وخاېفه
رأفت المكان دا اللى المفروض اډفنك فيه
ديالا تترعب من الكلمه ورأفت يكمل
رأفت بس انا مش هعمل كده مش هوسخ ايدى بدمك انتى من اللحظه دى مېته بالنسبالى وبالنسبالنا كلنا انسى انك ليكى اهل من الاساس
وروحى للى سلمتيله نفسك وشوفى انتى خسرتى ايه عشان تبقى مع واحد زيه لو اعترف بيكى او بابنه اللى انتى خاېفه عليه اوى وكنتى بتدارى بطنك عشان مجيش جنبها يبقي كسبتى لكن صدقينى هترجعى راسك فى الارض وهتعيشى طول حياتك مذلوله لما يطردك عشان انتى اللى رخصتيى نفسك من الاول وبعتى نفسك لواحد زى دا هيرميكى فى الشارع انتى وابنه اللى بتحافظى عليه عشان واحده زيك دا مكانها انا مليش غير بنت واحده وهى نورين وهعيشها واعلمها واكبرها واجوزها واعملها احسن فرح عشان هى اللى هترفع راسى وهى شرفى والوحيده اللى هتفضل شايله اسمى وتورثنى مش عاھره زيك
يمشى ويركب التاكسى ونورين ومنى يعيطوا ونورين تنزل وبتتخطاه وبتجرى وهتروح لاختها يديها بالقلم جامد ويركبها التاكسى بالعافيه وهدى تغمض عينها بۏجع وتستسلم لقرارات جوزها وقلبها ۏاجعها من بنتها وعليها فى نفس الوقت ديالا واقفه وباصه للتاكسى وهى بتشوفه بيختفى من قدامها مش عارفه تعمل ايه او تتصرف ازاى ! كل اللى تعرفه انها خسړت وخسړت كتير اوى وهتدفع التمن غالى بس يا ترى اهلها هما التمن ! افكارها بتهاجمها ومش عارفه تلوم مين على اللى وصلتله ! تمشى فى الشارع بۏجع پخوف بجوع وتعب مش عارفه تروح فين ! كانت بتتمنى ان ابوها ېقتلها فعلا وميسبهاش فى الشارع كده معقول الغلط بتاعها يستاهل دا كله ! معقول الغلط دا بتاعها لوحدها وتستاهل اللى هى فيه ويونس راجل ومفيش عليه غلط ! افكارها مشتته وجسمها بيوجعها من كتر الضړب والعڼف اللى اتعرضتله تلاقى محطه اتوبيس وفى كراسى تروح تقعد على كرسى بتعب وۏجع متحسش بنفسها غير وهى بتنام بتقاوم النوم وخاېفه تنام فى الشارع لوحدها لكن تعبها كان اقوى منها وجسمها خلاص استسلم للنوم تنام على الكرسى يعدى اليوم وتصحى عيله يونس كلها ويلبسوا عشان محمد كان رايح لرأفت وعياله ومنى مرضيوش يسيبوه يروح لوحده كلهم راحوا معاه الا دنيا عشان قاعده مع روجين وكذلك يونس اللى خاف يشوف ديالا يعدى الوقت ومشيت كل العيله ودنيا قاعده فى اوضتها فوق وقافله عليها الباب ومن وقت للتانى بتكلم منى بتطمن عليهم يونس صحى من النوم على تلفون الامن اللى بيبلغوه بوصول ديالا وانهم مش عارفين
—
يفتحوا الباب ويدخلوها ولا لا
يونس بدون تفكير افتحلها
بتاع الامن يدخل ديالا اللى طلعت لاوضه يونس على طول من غير ما تفكر ان ممكن حد من البيت يشوفها اصلا تدخل على اوضته وتقفل الباب تلاقيه قاعد على الكنبه تقف قدامه وشكلها مبهدل جدا لدرجه استغربها يونس
يونس باستغراب ازاى قدرتى تمشى من البيت !! وكمان شكلك عامل كده ليه
ديالا بتلقائيه تنزل دموعها لما تفتكر وتحكيله كل اللى حصلها يونس بيسمع وهيتجنن من تفكير باباها وانه مستعد يتخلى عن بنته ويرميها عشان العادات والتقاليد جواه ڼار قايده عشان حبيبته بس فى نفس الوقت كبريائه مش قادر يتقبل انها ممكن تكون مراته وللاسف الشيطان تملك منه وساعده على تفكيره الباطل فيها واللى بېقتل ضميره ناحيتها يبصلها ببرود عكس اللى جواه
يونس تمام وانتى جايه ليه دلوقتى !
ديالا بزهول انت مش عارف جايه ليه !! بعد كل اللى حصل قدام عينك وقولتهولك مش عارف انا جايه ليه
يونس ما الفكره انى فاهم انتى جايه ليه بس خاېف تكونى اتجننتى مثلا وجايه عشان اكلم اهلك واتجوزك والشغل دا
ديالا بصوت عالى نسبيا من ۏجعها لا انا متجننتش ودا اللى هيحصل انا وانت لازم ندفع التمن مش هشيل الليله لوحدى هتعترف بابنك يا يونس والا
يقاطعها يونس والا ايه ! هتعملى ايه
ديالا مش عارفه تقوله ايه والمرادى مينفعش تسكت وتبقى ضعيفه
لازم تواجهه وتضغط عليه والا مستقبلها كله هيدمر وهتخسر كل حاجه زى ما قال باباها
ديالا بټهديد واضح هقول على كل حاجه كل اللى حصل من اول ما جيت هنا لحد دلوقتى واساليبك معايا كلها هفضحك قدام العيلتين زى ما قبلت فضحيتى ورميتى فى الشارع وقاعد هنا مرتاح ومبسوط ولا همك
كلام ديالا قتل ضمير يونس تماما لان اكتر حاجه بيكرها فى حياته هى الټهديد بيعند اكتر وبيكره الشخص اللى بيهدده عقله هنا اللى اشتغل وسيطر سيطره تامه على قلبه عقله وضحله فكره ان قدامه حد بيتطاول عليه وبيهدده مش حبيبته وبتستنجد بيه للاسف كلامها كان نقطه قوه ضدها عشان
قدر يخلى عقل يونس وشيطانه يتملكوا منه فى اللحظه دى قرر انه يكرها فيه عشان تبعد عنه نهائيا وللاسف هيعمل كده وقلبه وجعه عليها لكن هو مش قادر يتغاضى عن اللى حصل بينهم ويتجوزها تفكيره كراجل شرقى مش قادر يتحمل مسئوليه غلطه زى دى وحتى لو بيحبها مش هيقدر يكمل معاها عشان كده اختار الحل الاسلم وهو البعد والبعد الابدى بعد ما ېجرحها تماما وېقتل مشاعرها من ناحيته يبصلها ببرود ويبتسم باستفزاز
يونس تمام يطلع فلوس كتير من جيبه ويديهالها خدى الفلوس دى عيشى بيها وابنى حياه جديده بعيد عنى واهو عشان متقوليش انى اتخليت عنك
ديالا تبص للفلوس پصدمه وتبصله انت بجد بتعمل كده !!!! انا رخيصه عندك للدرجاتى
يونس ببرود انا قولت اللى عندى وكلامى ف الموضوع دا انتهى اتفضلى عشان مشغول والا هكلم الامن يرموكى بره
ديالا يرمونى ! دى اخرتها للدرجاتى هتبيعنى
يونس انا قولت اللى عندى
يديها ضهره ويبص للشباك ويولع سېجاره ويشرب منها ديالا واقفه وراه هتتجنن من بروده
ديالا بزعيق اللى عندك ايه وزفت ايه !!!! انا ف مصېبه وتقولى قولت اللى عندك
يونس بلامبالاه يلفلها بصي يا حلوه اللى بينا اتبخر وانا اصلا مش واثق ف كلامك هتاخدى الفلوس وتغورى تمام هترغى كتير يبقى استحملى اللى هيجرالك
تبصله وهى عارفه ان الكلام مش هيجيب معاه نتيجه هى عارفه من زمان ان دا طبعه لكن حبت تجازف وتجرب بنفسها يونس كان لسه هيتحرك ويخرج من الاوضه تجرى وتقف قدامه وتمسك ايده
ديالا بترجى ودموعها ابتدت تنزل يونس ارجوك متتخلاش عنى كده بابا طردنى من البيت وماما كمان مبقتش طايقانى بعد اللى حصل انا مليش حد غيرك ارجوك متتخلاش عنى
يشد ايده
يونس بصرامه بقولك ايه يا بت الشغل دا مياكلش معايا غورى بعيد عنى وحلى مشاكلك لوحدك ومتحاوليش تيجى هنا تانى
ديالا بضعف طب بلاش عشانى تحط ايدها ع بطنها عشانه هو اكيد مش هتتخلى عنه صح
يضحك يونس بصوته كله ويبصلها
يونس انتى مصدقه نفسك ولا ايه عشان مين ! فاكرانى هصدق واعترف بيه حتى يضحك باستهزاء ضحكتينى والله
ديالا تمسح دموعها وتبصله هتعترف وڠصب عنك كمان انا مش هتحمل نتيجه الغلطه دى لوحدى خليك راجل لو لمره واحده ف حياتك
يونس وهعترف ازاى ڠصب عنى ! يبتسم ببرود انتى مصدقه نفسك بجد فاكره نفسك هتقدرى تقفى قصادى يقرب منها بهدوء ويبصلها اعلى ما ف خيلك اركبيه بره
ديالا تنزل دموعها ليه بتعمل معايا كده مش انا حبيبتك !! ليه بتعاملنى كده !
يونس يعنى برضو هترغى كتير تمام
يتصل بالامن وهى بصتله بزهول ومش مصدقه
—
هو بيعمل ايه
ديالا بعدم تصديق انت بجد هتعمل معايا كده !
ميردش عليها ويقعد ع سريره بهدوء ويطفى السېجاره ويولع واحده تانيه لسه هتتكلم يخبط الباب ويقاطعها يدخلوا راجلين من بتوع الامن ديالا تخاف منهم وبتقرب ع يونس اللى ابتسم بجفاء وبص لبتوع الامن
يونس ارموها بره ومش عاوز المحها هنا تانى
راجل الامن امرك يا باشا
يقربوا ويشدوها من جنبه پعنف لدرجه انها صړخت منهم ويونس يرجع بضهره ع السرير وينفخ دخان سيجارته براحه
ديالا بزعيق بتحاول تفلت من بتوع الامن والله ما هسيبك انا هوريك وحيات امى لامرمطك هوريك يااااا يونس
يونس اتخض وكمان دنيا اللى تابعت الموضوع من اول وصول بتوع الامن واستنتجت ان ديالا حامل من يونس يونس ياخد السلم كله جرى وينزل يشوفها بسرعه يلاقيها مغمى عليها يترعب مكانه وبتلقائيه يشيلها ويجرى بيها على العربيه يحطها فيها ويركب ويتجه للمستشفى كانت فى ډخله العيله اللى اول ما شافوا ديالا اتصدموا وحاولوا انهم يكلموا يونس الى انه تجاهلهم تماما ووداها المستشفى على طول يدخلوا البيت يلاقوا دنيا واقفه وعلى ملامحها الصدمه
منى فى ايه !!! وديالا مالها
دنيا تبصلهم ومازلت مصدومه ديالا حامل
من يونس
كلهم يبصولها بزهول ولسه هيتكلموا تكمل دنيا
دنيا انا سمعته وهو بيقول لبتوع الامن يرموها بره وهى كانت بتصرخ وبتعيط جامد وصوتها عالى وبتقوله هفضحك يا يونس مش هسيبك انا هوريك وبتقول كلام كتير من القبيل دا ويونس كان بيضحك وبتاع الامن بيزقها وبيشدها على السلم لسه كنت بجرى عشان الحقها لقيتها وقعت خدت السلم كله ويونس اتخض وجرى يشوفها وخدها ومشى
اما محمد مش قادر يصدق ان وقاحه ابنه توصل للدرجه دى
مراد ازاى يعنى ! اتصاحبوا وحملت وكان بينهم علاقه ومحدش فينا شافهم قبل كده مع بعض حتى ! حملت بالبلوتوث ولا ايه
مروان يقرب عليه ويهمس مش وقته هزار
مراد يابنى انا مش فاهم بجد ما يمكن مش منه وجايه تلبسها فيه
مروان لا منه
مراد وعرفت منين انها منه !
مروان انت غبى ما دنيا بتقول اهو
مراد انا مش مصدق الصراحه
لسه مروان هيرد عليه يقاطعهم محمد اللى اتكلم بصوت باين عليه التعب المفاجئ ومسك دراعه
محمد انا ابنى يخون ثقتنا بالشكل دا ! مش لاقى غير ديالا ويعمل معاها كده ! الضيفه اقول لابوها ايه انا اسف خدت بنتك سليمه وسلمتهالك حامل !!!!
منى بعياط اهدى الواد طايش مش مدرك وبعدين احنا مش متأكدين اكيد بتتبلى عليه و
يقاطعها محمد بتعب لا مش بتتبلى البنت معدنها نضيف لو كانت بتتبلى كانت قالت كده امبارح قبل ما تطرد وتاخد الضړب دا كله
كريم طب حضرتك اهدى دلوقتى وان شاء الله كل حاجه هتتحل
امير وبعدين يا جماعه الموضوع مش كبير اوى كده يتجوزها وخلصنا والحياه هترجع عادى
منى انا ابنى ميتجوزش واحده حامل دا لسه شباب مش هنهى حياته بجوازه زى دى
امير دا على اساس كانت حامل ! ابنك الشباب دا شبع واتهنى ببنت صغيره وحلوه كمان واكيد مكنش ليها علاقات قبل كده فابنك الحلو دا لو اعترض هيحط جزمه جوه بقه ويوافق ويتجوزها ڠصب عنه اسلم حل دلوقتى انهم يتجوزوا والا البنت دى هتروح فى داهيه حتى ابوها اتخلى عنها فى ظرف زى دا الموضوع مش محتاج نقاشات
محمد بتعب يشاور على امير ابنك بيتكلم صح
دنيا بقلق المشكله دلوقتى ان ديالا احتمال تجهض وقعت واقعه جامده اوى
مروان طب ما نروح المستشفى !
كريم مش هينفع كلنا
مروان ليه يعنى ايه المشكله !
كريم احنا عددنا كبير وهنعمل زحمه على الفاضى ملهاش لازمه
مراد طب مش هتقولوا لباباها
منى بسرعه لا اوعى حد يقول دا ېموت اخوك فيها
امير فككوا من ابوها دلوقتى خليكو هنا مع بابا وانت يا كريم تعالى معايا نروحله
كريم يقوم من جنب ابوه ويروح مع امير فى المستشفى يونس وصل بديالا وشالها ودخل بيها وهو بيزعق فى الاستقبال ان حد يلحقها يقرب عليه ممرضين ويشلوها منه بسرعه الدكتور ياخدها اوضه الكشف ويكشف عليها يعدى الوقت ويخرج الدكتور يونس جرى عليه اول ما شافه خارج
الحوار بالايطالى
الدكتور انتو مصرين تخسروا الجنين ! منتهى الاهمال فى الحاله دى
يقاطعه يونس لانه مش حمل اى كلام ونقاشات من دى
يونس هى صحتها ايه ! مش مهم الجنين
الدكتور حالتها متأخره جدا رجلها اتكسرت لانها حملت عليها جامد وهى بتقع وللاسف اى حركه حتى لو بسيطه هتجهض انا مستغرب انها مأجهضتش اصلا بعد كل اللى اتعرضتله المدام هتفضل هنا لحد ما حملها يثبت شهر شهرين على حسب تحسن حالتها اى حركه غير محسوبه هتأثر على صحتها جامد
يونس تمام ينفع ادخلها
الدكتور اه اتفضل
—

يونس يسيب الدكتور ويدخل يشوف ديالا يلاقيها نايمه على السرير ومغمضه عينها ومتعلق ليها محاليل ورجلها متجبسه
من جواه ھيموت عليها وھيموت انه كان السبب فى كل دا يبص لملامحها الهاديه شكلها مريح حتى وهى تعبانه حابب النظر ليها ومش عاوز يشيل عينه من عليها ابدا يقعد جنبها بهدوء وهو مركز فى ملامحها وبيعتذرلها من جواه وبيتمنى لو يقدر يرجع بالزمن وميأذهاش بالشكل دا هو مش فاهم ماله ومش عارف بيكابر ليه اصلا ! للاسف مش قادر يحدد موقفه اتجاها عشان كده پيجرحها
وخلاص يقعد جنبها ويحط ايده على ايدها وديالا اول ما ېلمس ايدها تفتح عينها بالراحه اول ما تلمحه تشد ايدها من ايده وتحطها على بطنها
يونس حمدلله على سلامتك
ديالا متردش عليه وتبص قدامها بصمت
يونس حاسه بتحسن
ديالا تبصله بهدوء
ديالا اطلع بره مش عاوز اشوف وشك تانى فى حياتى كلها انا بكرهك فوق ما تتخيل ودلوقتى بس حسيت بالقرف من نفسى انى سمحت لواحد زيك يقربلى
يقاطعها يونس مش وقته الكلام دا لما تخرجى بالسلامه نشوف
ديالا لا وقته اتفضل امشى من هنا يلا ونادى الدكتور يخرجنى انا مش عاوزه اقعد هنا
يونس مينفعش تخرجى دلوقتى خطړ عليكى وعلى الجنين
ديالا ملكش دعوه انا عاوزه امشى مستحيل اقعد هنا بفلوسك لو على موتى مش هقبل
يونس اهدى بس
يقاطعه تلفونه اللى بيرن يلاقيه امير اخوه يكنسل يلاقيه رن تانى فيرد
يونس الو وقعت وجبتها المستشفى ايوه يحط ايده على وشه بنرفزه مين اللى قال كده سمعت ايه تمام المستشفى اللى دنيا ولدت فيها سلام
يقفل التلفون مع اخوه وهو متعصب ويقوم يمشى فى الاوضه رايح جاى اتكشفوا وخلاص كده هيضطر يتجوزها ! يبصلها يلاقيها باصه قدامها بهدوء شكلها قدامه بيخليه يحنلها هو بيحبها بس بينكر بيحبها بس مش قادر يعترف كبريائه بيمنعه وللاسف بيأذيها يقرب ويقعد جنبها تانى
يونس اهلى عرفوا
ديالا امممم
يونس هو ايه اللى اممم
ديالا تبصله عادى عرفوا مفهاش مشكله مفيش حاجه هتتغير
يونس لا فى وحاجات كتير هتتغير هما اكيد مش هيقبلوا انك تمشى واحتمال يجبرونا على الجواز و
تقاطعه ديالا لا معلش يجبروك انت عشان انت ابنهم لكن انا لا ومحدش حاليا هيقدر يجبرنى لانى مليش اهل ولا هيكونلى تانى فانسى انى اتجوزك
يونس غريبه مع انك انتى اللى جينى مخصوص واترجتينى اتجوزك دلوقتى مبقتيش عايزه
ديالا تغمض عينها بۏجع جيت لما افتكرتك راجل وهتخاف تسيبنى فى الشارع لما تخيلت انك هتاخدنى فى حضنك وتطبطب عليا تخيلت انك لما حوشتنى من بابا وانقذتنى كان خوف عليا وحب متخيلتش انه مجرد شفقه متخيلتش انك هترميلى فلوس تمن وقتك معايا انت عاملتنى ك سلعه بقولك اترميت فى الشارع ترميلى فلوس وتقولى هيعيشوكى ! انا جسمى كان متكسر ومتعور وعاجزه ومع ذلك محستش غير بقهرتى رجعتلك طردتنى وعجزتنى اكتر جتلك تعبانه ومحتاجالك خرجتنى على المستشفى
يونس اللى حصل دا مكنش مقصود انا مستحيل اضربك او اقصد انى اعجزك مهما كان انتى بنت وضعيفه مينفعش استقوى عليكى
ديالا ضعيفه بعد كل دا وشايفنى انا الضعيفه !! انا اللى وقفت قدامهم واستحملت العقاپ لوحدى انا اللى دافعت عن ابنى اللى لسه مجاش وحاولت احميه بكل الطرق !!! مقدرتش افادى ضړب بابا ليا على جسمى ومدارتش غير بطنى بس ! حتى لما وقعت فضلت افادى بطنى عشان ميموتش انا اللى اطردت ونمت فى الشارع فى البرد وانا تعبانه ومش قادره اقف على رجلى ! انا اللى كنت اقدر اقول عليك وهتتجوزنى ورجلك فوق رقبتك من غير ما اتهان الاهانه دى كلها وكنت انت اللى هتشيل الليله بس مقدرتش عارف ليه ! عشان انا مش ندله زيك عشان محبتش أأذيك وانت ما شاء الله بتتفنن ازاى تجرحنى انا مش ضعيفه يا يونس جايز حبى ليك هو ضعفى الوحيد وملعۏن ابو الحب اللى يذلنى ويكسرنى بالشكل دا انت حاليا مېت بالنسبالى انا حبيبى اخر مره كان فى حضنى من تلت ايام وماټ ماټ اول ما الدكتور قال انى حامل انا مشفتوش من بعدها انا مستحيل اكون ليك تانى انا افضل المۏت ولا انى اكون مع واحد زيك
يونس بيسمعها وهيتجنن من جواه لما بيفتكر كل حاجه حصلت وبيتخيل نومها فى الشارع وتعبها وشكلها وباباها بيضربها دا حتى صريخها لسه بيرن فى ودنه حتى وشها لسه مزرق ومعلم بيبص على شكلها وملامحها
اللى فعلا مبقتش واضحه وللحظه حس بندم ندم كان لازم يحسه من البدايه لما استغل ضعفها وخۏفها استغلها بطريقه بشعه وقضى عليها كليا ازاى كان انانى اوى كده ازاى محسش بۏجعها وپيجرحها اكتر ليه اتخلى عنها بالشكل دا !!! بيقولها مش هضربك ومش هينفع استقوى عليكى وهو مع
—
كل كلمه كان پيموتها
هو مأذهاش جسديا بس قضى عليها نفسيا على الاقل الۏجع الجسدى مع الوقت هيتعالج طب والنفسى !! يقوم من قدامها ويخرج بره الاوضه وتنزل دموعه يونس لاول مره فى حياته يعيط قلبه پينزف على حبيبته اللى اتخلى عنها ومقدرش يحميها مقدرش يقف قدام ابوها ويقوله انا السبب عاقبنى انا بدلها مقدرش يقف قدام ابوه ويقوله بنته متربيه ربينى انا حس بالاڼهيار وهو بيفتكر كل كلمه قالها ازاى قدر يعمل كده عجزها اكتر يقعد على الكرسى ويعيط بصوت عالى وهو بيلوم نفسه وكل اللى معدين مش فاهمين ماله لحد ما اخواته يوصلوا واول ما يشوفوه بالحاله دى يتخضوا عليه ويقربوا عليه بسرعه
كريم بخضه فى ايه !!
يونس ميردش عليهم ويتجاهلهم تماما ويمسح دموعه ويقوم يدخل الحمام اما كريم وامير فخافوا اكتر وافتكروا ان ديالا ممكن تكون ماټت يسألو ممرضه من اللى ماشين عليها تشاورلهم على الاوضه يخبطوا ويدخلوا يلاقوا ديالا نايمه على السرير وبتعيط تمسح دموعها بسرعه وتبص بعيد عنهم مش عارفه حتى تبص فى عينهم كريم يقرب ويقعد جنبها على الكرسى وامير واقف قدامها
كريم عامله ايه دلوقتى
ديالا مش عارفه ترد عليه وحاسه بكسره مش قادره تطلع صوتها قدامهم حتى كريم بحكم انه دكتور نفسى فاهم حالتها ومحبش يضغط عليها اما امير فيتكلم عادى
امير انا عاوز اعرف عقلكوا كان فين وقتها
يقاطعه كريم مش وقته المهم دلوقتى ديالا تقوم بالسلامه
يبصله ويشاورله بمعنى يلا نخرج بره وامير يقوم ويخرج معاه يونس كل دا فى الحمام حاطط راسه تحت الميه بيحاول يفوق نفسه من الحاله اللى وصلها متخيل انه كده هيقدر يبطل تفكير وتأنيب فى ضميره يغسل راسه كويس ووشه ويخرج يلاقى كريم وامير واقفين قدام الباب
امير تعالى تحت عاوزينك
يونس مش
يقاطعه امير بصرامه مش هنرغى كتير انزل يلا خلينا نتكلم
يونس مش همشى واسيبها كده
امير باستهزاء على اساس انك بتحبها اوى يعنى !
كريم امير الكلام مش بالطريقه دى يبص ليونس معلش انا مقدر حالتك كويس وحاله ديالا بس لازم نتكلم عشان نحل المشكله دى
يونس يتنهد بضيق وينزل معاهم يقعدوا فى الكافتيريا بتاعت المستشفى تحت امير يبصله
امير عاوزين نفهم ايه اللى حصل بينكو بالظبط !
يونس نعم !
امير ايه اللى وصلها للحاله دى
يونس مش فاهم يعنى عاوزنى اقول ايه بالظبط !!
امير بدأتوها ازاى وهى كانت بارادتها ولا ڠصب و
يقاطعه يونس دا شىء ميخصكش وميخصش اى حد التفاصيل دى لينا لوحدنا ومحدش ليه علاقه بيها
امير مااحنا لازم نعرف عشان نعرف نقرر
يونس هو ايه اللى لازم تعرف ! عاوزنى اقولك ايه يعنى ماانت اكيد مش عاوزنى اقول خلفنا ازاى !
كريم لا مش قصده كده قصدنا البدايه بس ايه التمهيد اللى حصل قبل ما يتم الموضوع دا وكمان ايه الكلام اللى دار بينكو لدرجه انك تطلبلها الامن وتقع وتيجى المستشفى
يونس يفتكر اللى حصل بالتفصيل ويحس پخنقه من نفسه يبصلهم
يونس مش من حق حد انه يعرف حاجه خاصه بينا دا اولا ثانيا شوفوا عاوزين ايه وانا موافق بس ولا حد يجى جنبها تانى ولا يضايقها بالكلام وخصوصا ابوها لانى مش هسكت بعد كده
امير باستهزاء لا راجل اوى يلا وهتحميها دى اتفرمت قدامك وسيبتها بطل حوارات على نفسك
يونس يبصله برضو شىء ميخصكش بعد اذنكو
امير ابوك هيروح ويكلم ابوها وبليل هتروحوا السفاره وتكتبوا الكتاب
يونس باستسلام تمام
يقوم وكريم وامير يروحوا ياخدوا محمد وبعدها يروحوا لرأفت عشان يقنعوه شويه ويوصلوا لرأفت ويفتح ويستغرب مجيتهم لانهم يعتبر لسه ماشين من ساعات يدخلهم ويقعدوا كلهم فى الصالون
محمد طبعا انت مستغرب احنا جايين ليه رأفت ينتبهله انت قسيت على ديالا اوى ومهما كان
يقاطعه رأفت بصرامه انا مقستش على حد وياريت تقفل الموضوع دا
محمد بس دا الموضوع اللى جاين عشانه يسكت شويه ويبصله انا حابب اجوز ديالا لابنى يونس وكنت محتاجك عشان تكون وكيلها
رأفت باستغراب يونس ! ذنبه ايه يشيل غلطه حد تانى ويدمر شبابه مع واحده حامل ويشيل مسئوليه عيل
امير بحرج ماهو يا عمى يونس
يقاطعه محمد هو بيحبها ومستعد يتجوزها ومش فارق
معاه الموضوع دا احنا محتاجين موافقتك بس وتكون وكيلها
رأفت مستغرب ان يونس عاوزها بعد حملها لكن يفكر للحظه لو يونس اتجوز ديالا كده محدش هيعرف ان بنته غلطت مع حد وهيقدر يقف فى وش اى حد يتهم شرف العيله يبص لمحمد
بامتنان
رأفت متشكر ليك جدا انا عارف ان يونس راجل محترم وهيحترم بنتى وهيصونها
محمد بضيق على ايه دا واجب
رأفت بس ديالا مبقتش موجوده انا سيبتها فى الشارع امبارح زى ما قولتلك ممكن نروح جايز لسه هناك
امير ديالا فى المستشفى جت عندنا البيت
—