رواية كاملة بقلم صفاء حسني

شهق كنان وقال
مستر كنان ماشي يا عشق لما نشوف اخرتها معاكى .
خرج كنان على البرندة وقعد على كنبة كبيرة ينظر الى الحديقة وترك عشق تعمل الاكل الا أصبح مدمن الاكل من ايديها اول مرة ياكل اكل بيتي وصحي من ايديها
ورجع راس للخلف وهو سعيد مكنش متصور أن فى يوم يحس بالفرحة دي او السعادة دي
قطع شروده عامل فى المزرعة وقال
مساء الخير يا كنان بيه الحمد لله على السلامه ليك وحشه
ابتسم كنان ورد عليه
اذيك يا عم سلطان اخبارك ايه
رد سلطان أنا بخير يا ابنى نشكر ربنا كله من خيرك انت والباشا رفيع
ابتسم كنان وقال
متقولش كدة انت الخير والبركة أؤمرنى يا رجل يا طيب
ابتسم سلطان
والله محرج منك يا كنان بيه لكن يكون لي الشرف انك تحضر فرح بتى الوحيدة النهاردة الحنه وبكرة كتب الكتاب وكمان جيب السنيورة معاك ياه مش عارف هنفرح ازى
ابتسم كنان وقال
اكيد طبعا أنا موافق يكون الساعه كام
ابتسم سلطان بفرحة وقال
الساعة 8 يا بيه والله ما عارف اشكرك ازاي هو يكون هنا فى المزرعة مع الفلاحين هتنبسط اوى يكون بين الغيطان وهنولع كهربا ونحط زينة
ساله كنان وقال
يبقي كدة هتحتاج مساعدة اتغدى واجى أنا وعشق ونساعدكم اوكى
هز رأسه سلطان بفرحة وقال
والله ما عارف اقولك ايه اكيد تنورنا منتظرك
انسحب سلطان وقام كنان يشوف عشق من بعيد
كانت عشق بدت فعلا تجهز الاكل وتظبط الدنيا
وعملت نفس ما كانت بتعمل معه ووضعتهم في صنية
دخل كنان ورفض
لا المرة ده هناكل مع بعض مفيش مدير يعني حط الاكل على تربيزية المطبخ اتفقنا
هزت راسها عشق وقالت
تمام اروح اغير هدومى اخ نسيت أنا مش معايا هدوم
أنصدم كنان
انتى لسه مصممة مش تلبسي من الفساتين اقسم بالله لو ملبستيش مش هاكل
كانت عشق فى حيرة وقالت
حاضر متزعلش نفسك بس احاسبك على تمن الا استمعلهم انت عارف شخصيتى مش جديد عليك
ضحك كنان
هتقوليلي اعمل الا عايزه يا مجننى لحد ما توافقي عليا اه نسيت اقولك معزومين على فرح بنت المستأجر المزرعه فاختاري فستان حلوة
هزت راسها عشق وقالت
بجد فرح فى الريف كنت نفسي احضر فرح معاك طبعا
طلعت عشق جري بطفولة غيرت هدومها ولبست فستان لونه سماوي من لون السماء والبحر سادة ولفت شعرها كحك ونزلت كانت اميرة
انبهر كنان بيها مكنش قادر يسيطر على مشاعره لكن لازم تكون متقبله الاول وصفر تصفير تشجيع وأعجاب
ايه الحلاوة دي أنا مش قدك
شعرت عشق بخجل وكسوف واقعدت وبدؤا يأكلو
وبعد كده شالت الاطباق وكانت هتبدا تغسلهم رفض كنان
لا بقي الفستان ده مش ينفع لده وانا عندى هنا غسالة اطباق وفتح الغسالة ووضع كل الصوانى والاطباق وحدده على وقت
وسحب أيدها وقال
يلا بينا وانكشها من ذرعها مشيت جنبه وهى فعلا اميرة
اتجهوا نحو الأرض والزرع وكانت فرحانة جدا
وكل الي فى المزرعة رحبوا بيها وعرفهم كنان وقالهم
خطيبتى عشق حسين مكتوب كتابنا وان شاء الله قريبا هنتجوز
شعرت عشق بالحرج وأنه بيحطها في الأمر الواقع لكن بردو هى بنت وسمعتها ووجودها هنا مكنش ينفع من غير ما تعترف بكتب الكتاب حتى قربه منها ده عشان هى حلاله ملهاش دعوة إن كان توكيل المهم انهم وقت ما وكلوا اهلهم كانوا موافقين على اي قرار
هنا سلطان لما عرف فرح جدا وخطط مع اهل المزرعه على خطة
وبعد ما قاموا بتزين المكان وكانت عشق بتساعدهم وهى فرحانة جدا
وكان كنان يتابعها من بعيد وهى وسط الزينة والأرض الزراعية حوريه من الجنه
اقترب المغرب والكل صلى السيدات في دار كبيرة والرجالة في الساحة وبعد كده بدت الحنة
والرقص والغنى وبدت البنات تحط حنة لبعض وطلبوا عشق تشاركهم وفعلا حطت حنة معهم على ايديها ورسمت بتاعت الحنة قلب على رقبتها وفرع زهرة على كتفها
وفتحت سوستى الفستان ورسمت على ظهرها
كانت عشق فرحانة جدا بالجو ده والاحتفال خرجها من حزنها والمها على فراق ابوها
عند الرجال الضحك والاغانى الشعبى والرقص بالخشب وبعد كده بدأ العشاء ينزل هنا وهنا
مر الوقت عليهم خرجت عشق برا تدور على كنان كانت بتلف يمين ويسار
جيه وراها كنان بدور على مين
انفزعت عشق واترمت في حضنه من الخۏف
ضمھا كنان ما بين أحضانه وطمنها
متخفيش طول ما انتى معايا مفهوم
تعالي وقعدت جانبه على حصيرة كانت مفروشه على الأرض ومع الهواء بدى النوم يداعب عيونها ومالت على كتفه من التعب
تركها كنان وهو ينظر لها بحب وفضل هو صاحي عشان يكون مطمن عليها
اقترب منه سلطان وقال
انت بتحبها جوي يا كنان بيه
ابتسم كنان وقال
حبى مش عارف اوصفه والله يا عم سلطان حاجة كدة اخترقت كل كيانى زى الړصاص الا بيخترق القلب مباشرة
ابتسم سلطان وقال
ايش رايك دخلتكم تكون بكرة مع بنتى وانى جهزت فستان زفاف ليها وبدلة ليك ايه رايك
تابع
الحلقه ٢٢
كامل الاوصاف عشق وكنان
كان سلطان بيقترح على كنان أن يوفق أنه يتجوز وأنهم كانوا عاملينها مفاجأة ليه قطعت حديثهم زوجة سلطان
البنى نامت على كتفك يا بيه هات ادخلها جوى فى الدار
نظر عليها كنان بسعادة وطلب منها
ممكن تجيب مليا خفيفة ومخدة وانا اظبطها تنام على حجري
هزت راسها زوجة سلطان بالموافقة
حاضر يا ابنى
وفعلا جابت الحاجة
وبراح كدة نايم كنان عشق على حجره ووضع المخدة تحت راسها عشان مش تتعب
وهى اوردى فرضت رجليها وهى نايمة تلقينا بدون ما تحس وغطها بالملاية
سأله سلطان
قولت ايه يا بيه نعمل حسابكم
رفض كنان وقال
أنا مش ينفع اغصيبها على حاجه يا عم سلطان لازم تكون متقبلني
ابتسم سلطان
هو حد يرفضك يا بيه انت زينة الشباب وهى واضح عليه بنت كامله عشان كدة لفتت نظرك
ابتسم كنان وقال
تصدق هي مش مقتنعة بيه وبتقولى الكامل لله وحده وأنها بنت عادى زى بنت رغم انى شايفها مختلفة عن حد
ابتسم سلطان
عشان عيونك عيون المحب يا ابنى وهى عندها حق مفيش ست كاملة أو رجل كامل كل واحد فينا عيوب ومميزات ومع العشرة الطيبة والحياة يظهر معدن الشخص
ابتسم كنان وقال
عندك حق يا عمي سلطان ربنا يتمم بنتك على خير انا هقوم بقي واشيلها اروحها عشان مش ينفع نفضل هنا للصبح
تدخلت زوجة سلطان وقالت
ډخلها الدار اقرب تقعد معنا لحد ما يتم زواج ما بينكم
استغرب كنان وسألها
ليه بقى اشمعنا
وضحت زوجة سلطان
لو بتحبه وافق يا بيه مينفعش تنام انت وهى فى بيت واحد
اندهش كنان من تدخلها وشعر بندم أنه شاركهم وقال
حضرتك بتقولى ايه سكت مراتك يا سلطان
اعتذرت زوجة سلطان
اسفة يا ابنى لكن انا حبيت البنى زى بنتى واخاڤ عليه وعلى سمعتها والبنت ورقة بيضة وطيبة
و كل الا فى المزرعة عرفت انها خطيبتك وانت عارف يا ابني
رفض كنان واضيق
اولا انا
—
قولت انها مكتوب كتابى يعنى محدش يتجرأ يقول كلمة عليها
زعق سلطان ل زوجته وقال
ادخلى انتى دلوقتى وبطلى حديث ماسخ كنان بيه مفيش عليه غبار وكل الناس عارفه أخلاقه كويس
ثم اعتذر ل كنان
يا ابنى زوجتى مقصدهاش إهانة هى بتعزك جدا وعارف اخلاقك وعارفة انك يوم ما هتختار اكيد زينة البنات الا مش ينفع حد يقول عليه كلمة فاهمنى يا ولدى
فى الوقت ده فتحت عشق عيونها وسمعت الحديث وانتظرت رد كنان
الا قال
وعشق زينة البنات ڠصب عن الكل وفعلا هتجوز لكن مش بيعمل فترة الخطوبة للتعارف انا بعتبر الفترة ده هى فترة الخطوبة عشان نتقرب من بعض أنا مش عايز ټندم فى يوم أنها اتسرعت أو حد أجبرها على حاجة فاهمنى يا عم سلطان هو انت فاكر انى مش نفسي اتجوزها دلوقتي قبل بكرة لكن هى تكون موافقة واتقدملها اقدم الكل مش سړقة والا استغل فرح أو كلام أو سمعة زى ما حضرتك بتقول وانا اقدر احمى حبيبتي وسمعتها اقدم الكل مفهوم
ورفع راس عشق من على رجله براحة ونايمها على المخدة وبعد كده قام وقف وانخفض وحملها ومشي اقدم الكل
مسافة كبيرة وهو حاملها وكان اقصد يخلي الكل يشوفهم ولم حد ينظر لهم يقول
ليك شوق فى حاجة رجل وشيال حبيبتها ومراته
لحد ما وصل على البيت
كانت عشق كل المسافة ده وهى عاملة نفسها نايمة وكانت سعيد جدا من جواها أن كنان دافع عنها اقدم الكل ومحدش قدر يقول كلمة فى حقها وكمان مفكرش يجبرها أو يضغط عليها أو استغل أن فى حد يتكلم عنها ويقولها نتجوز عشان الناس
وقتها حست انها عاوزة تشكر ابوها وأنه فعلا وفى ب وعده واختار ليه رجل يشيلها وقت حزنها ومرضها زى ما حصل يكون حارس عليها ويحميها من اي شړ
دخل كنان على الغرفة ونايمها على السرير وخلع حذاءها
ورماها على الأرض وجاب ملاية وغطها واقترب من راسها وقبلها وقال
تصبح على خير يا اغلى حاجه فى حياتى
وجى ينسحب ويقوم
مسكت أيده عشق وتعدلت وقامت ونزلت دموعها
أنصدم كنان لم شاف دموعها
مالك يا قلبي بټعيط ليه حد زعلك صح انا اسف بجد أن وديتك الفرح ده كان غرضي تستمتع بالجو لكن اكيد حد چرحك بكلمة
هزت راسها عشق بالنفي وكانت تشهق من الدموع وهو يجنن ومش عارف ايه السبب
ضمھا لحضنه واترجاها
ارجوكى مش ټعيط أنا هرجعك بكرة وانسي انك جيت هنا اصلا ولو عايزه تنسي العبد لله الا هو أنا ومتشوفش وشي أنا موافق لكن بالله عليك اوعى ټعيط دموعك ده غالي عليا وبتقطع في
مسحت دموعها عشق
أنا مش بعيط عشان عايزة انك تبعد عنى أنا بعيط عشان عايزة اكون معاك عشان افتكرت بابا لم قالى فى يوم أنا اجوزك لشاب عمرك ما تحلمى بي جدع وشهم وابن بلد ورجل بجد مش من الشباب الخرعين بتوع اليومين ده .
وقتها ضحكت مع بابا وسألته
هتلاقي فين ده بس ولو لاقيته مش لازم احبه الاول والا اتجوزنى ڠصب عني
وقتها سكت وتوه في الموضوع لكن لم دخلت نمت دخل عندى وغطني زيك كدة وقبلنى من راسي وقال
أنتى فعلا لقيتها يا بنتى يكون اب وأخ وحبيب وصديق وونيس ليك مش هتحسي معها انك وحيدة أو في يوم انك يتامى بالعكس يمسح دموعك ومش يسمح دمع تنزل منك .
وقتها كنت سامعه ومش فاهمه يقصد ايه
لكن لم تعب واتنقل على المستشفى ونزلت دموع عليه وقتها انت طلعت منديل وطلبت منى امسح دموعي وقلت لي أنا جنبك وانتى مش لوحدك ومواقف كثيرة انت كنت بتثبت فيها أن فعلا بابا كان عنده حق .
انت عارف انا يوم ما عرفت انى متجوز من مستر كنان المجهول بالنسبة لي بكيت بالدموع عشان كنت عارفه انك يوم ما هتعرفي هتسبنى وهرجع وحيدة وكمان يتامى جرحتك وطردتك عشان كنت خاېفة تظهر مشاعر بحبك أقدمك وقررت اطلب الطلاق من مستر كنان رغم وبلعت ريقها واعتذرت اسفة جدا.
كنت عارفه انه عنده مشكله خفت
انه يفتكر بسبب الموضوع ده انا رفضه وأقسم بالله العظيم مش يفرق معايا أنا كنت أقوله انى حبيت شخص ومش هقدر اكون معاك وقلبي مع شخص ثاني شخص وقف معايا فى كل لحظات ضعفي وسندان وانا مش عاوزة من الدنيا كلها إلا السند والحب لكن لم انت رفض تسمع لي وسبتنى.
كانت بټعيط وهي بتحكي
مسح دموعها كنان وسابها تكمل .
كملت عشق
أنا عارفة وقتها أن اى شاب يكون فى الموقف ده يكون مصډوم وكنت حاسه انك مكدبينى حسيت الدنيا اسودت في عيون بجد كنت كرهي نفسي ومش حسيت بنفسي وانا ماشي وكنت عربية هتصدمنى والله ما كنت عارفه أنا إلا استسلمت للمۏت والا عشان كنت سرحانه لحد ما انقذنى ابراهيم وحكى لي وقالي انتى متموتش نفسك انتى ممكن موتهم وهم عايشين لم تقبل تتجوز ابنهم وتاخد فلوسهم وفعلا دخلت وانا مشحونة وكنت ناوي اخليه شريك معايا واطلب مهرى أسهم في الشركة ودخلت فعلا اعمل كدة لحد ما قالت شهد أن ايمن ساب الشغل حسيت روحي انسحبت منى أنا كنت جاية ادور عليك وقتها أرمى كل حاجه ونادت على كنان عشان يطلقني وانا اصلا مش معترفة بالجواز يبقى باطل كنت خارجة عاوزة ادور عليك لكن فجأة اكتشفت انى مش اعرف حاجه عنك ولا بيت ولا اسم كامل والا اي حاجه ونزلت دموعى ولم جيت خطفتنى أنا مكنتش بقاوم معاك عشان كنت قطع الأمل فى كل حاجه.
كنت فى حالة صدمة لكن لم فوقت عاتبت نفسي انى استلمت وكنت خاېفة اكون ضعت بجد وناس خطفتنى أنا وقتها فعلا كنت ممكن اڼتحر لكن لم انت عرفتنى بنفسك وقولت انك كنان اخد نفس عميق وارتاحت
وقلت اساسيك لحد ما اقنعك أن نطلق واعرف منك عنوان ايمن مش عارفه وقتها كنت اكسرك ازى وأثبت ليك انى زى والدتك الا تخليت عن حياتك عشان لحظة حب
عشان كده بعتذر منك انا اسفة انى كنت أجرحك في الوقت اللي انت كنت سند لي في كل لحظة مش عارفه لو كنت نطقتها كنت عملت ايه كنت ممكن كنت تسيبنى ادور على أيمن فى شخص تانى واخسرك لكن ربنا ليه حكمة تانى فى قربك حسيت انى مع شخص اعرفه ريحة البرفان بتاعتك كانت مجنني لدرجة كنت بحس بضعف اول ما لمست ايدى هربت على الاوضة عشان كان عندى شك فظيع وكان يجنن حتى بعت رساله ل شهد تتصل ب ايمن وتسأله بيشتغل فين
أنصدم كنان وقال
يعني شهد كانت بتقررنى علشانك
هزت راسها عشق وقالت
اه لكن وقتها استغربت انك بتتكلم في التليفون فى الوقت الا شهد بعتت رساله بتقولى أنا بتكلم مع أيمن دلوقتي وقتها نزلت عشان اتاكد وخلقت مشكلة معاك
لحد ما انت ريحت قلبي لم كشفت عن حقيقتك بجد رجعت روحى لي اه منكرش كنت مفروسة جدا منك ولم حكيت لي عن قصتك ودعم بابا ليك وحياتك وانت صغيره شبيهك من حياتى بعد فراق امى حسيت اني كنت ظلمت كنان كمان
ضحكت عشق وهى فى وسط دموعها
انت خلتني عايزة اعتذر من ايمن ومن كنان فى وقت واحد حاجه تفرس صح
ابتسم كنان من اعترفها وضمھا فى حضنه ومسح دموعها وقال
يعني انتى حسيت بي أنا قولت وقتها أنها رافض ايمن احاول بكنان كنت منتظر انك تقولي لي انا بحبك يا ايمن وعاوزك جانبي والجواز ده باطل وتعالي نتجوز وقتها كنت هطير بيكى على المأذون واعترف ليكى على كل حاجه لكن لم انتى غلط في أيمن وجرحت في وقولت انت مين فاكر نفسك ايه قولت اجرب كنان ممكن تنجذب ليه
لكن لم رفض الفساتين والمكان ده وكل حاجه
قولت كدة هى ضاعت مني ولازم اعترف والا يحصل يحصل
ابتسمت عشق ومسكت ايده وقالت
أنا موافقة اتجوزك بكرة وممكن نعزم كل الشركة ايه رايك
سالها كنان سؤال مكنش عارف ليه بيسأله رغم أنه عارف أنه خاف وسألها
يعني موافقة تتجوزنى رغم انك عارف انى مريض هتقدري تعيشي مع شخص مريض وانتى مش عارفه مرضه ده ليه علاج أو لا
تابع
كامل الاوصاف عشق وكنان
الحلقه ٢٣
نظرت له عشق وقالت
انت عارف نفس السؤال الا انت سألته ده سالنى المدير يوم ما كنت انت عنده وفضفض ليه انا وقتها كنت نسيت شنطتى ورجعت اخدها وسمعت حديثك ووجعك مكنتش عارفه أن كنت انت والا لا لكن لما تأكدي
لم لاقيتك واقف وانت قولت انك كنت مع مستر كنان
سألها كنان
طيب كان ردك ايه وقتها
ابتسمت عشق وقالت
وقتها قولت مفيش مرض ملهوش علاج وخصوصا لو الشخص مقتدرى مدى ولم سالنى تستحملى تعيش معه رديت لو بحبه اه هكون معاه والف معه وأنا متأكدة أن حبي ليه يخليه يكون بخير
ابتسم كنان وسألها
ازى الحب يكون السبب في العلاج
مسكت أيده عشق وقالت
هو احنا اتخلقنا ازاى مش من خلال الحب الطفل بيكبر في رحم أمه ليه مش بحبها واهتمامها عليه ودائما تلمس بطنها وتتكلمى وتقوله أنها منتظره يكون معها وهو يحس بالأمان ولم بيجى على الدنيا بتسهر عليه وتهتم بيه خطوة بخطوة تعلمه كل حاجه لحد ما يكبر كل ده بيه مش بالحب الحب مانعة قوية تقوى اي حد فى وسط مرضه واحيانا التشخيص بيكون غلط وربنا قال فى كتابه الكريم
لله ملك السماوات والأرض يخلق ما يشاء يهب لمن يشاء إناثا ويهب لمن يشاء الذكور أو يزوجهم ذكرانا وإناثا ويجعل من يشاء عقيما إنه عليم قدير
صدق الله العظيم
يعني ربنا هو عنده الحكمة في كل حاجه اه فى ناس بتكون مش عندها القدرة تتحمل وفى قصص كتير شوفتها فى حياتى يعنى فى واحد فى الحار عندنا كان مستوى المدى كويس ومتزوج زوجة بتحبه وبيحبها لكن كان عندها مشكلة في الإنجاب وهو فاكر يتجوز وفعلا اشترى لها شقة ملك ليها فى مكان حلو وجهز اجمل جهز وعمل معها زى ما عمل ما الزوجة الثانية شبكة وشقة وكل حاجه وربنا رزقه بالأطفال توأم ومع الايام الدنيا بقيت غلي وهي الغيرة بقيت ټموت فبقيت تقلب على أولاده ومن بعد ما كانوا فى مدرسة خاصة مبقاش يقدر يدفع مصر فيهم و باع عربيته عشان يسدد قصد وخرجهم من الخاص وودهم حكومة وبقي عنده بيتا مفتوحا وهو في الآخر شريك في محل يعني إلا كان كتير زمان مع الوقت مبقاش ينفع وقصص كتير وفى ناس عاشت ورضيت بعيوب بعض وفى ناس اتبنت طفل
وده ثوابه عظيم عشان كدة أنا قولت ليك مفيش حد كامل الاوصاف
—
كل واحد ليه قدرة للتحمل فى حد يقدر يعتبر حبيبه هو ابنه هو كل حاجه ليه لكن مع روتين الحياة يزهق ويمل
سمع لها كنان بدهشة لكن بردو مخدش رد
عندك حق لكن يعني بردو انتى مقولتيش انك موافقة تعيش مع واحد زى عنده مشاكل يعني بصريح العبارة زى ما انتى كنت بتقولي ايمن هتعتبر اخوكى
ضحكت عشق وقالت
ومادام هتكون اخوى ومش عندك مشاعر الا حصل الصبح ده كان ايه وليه تلف وتدور عليا وتكون مرة ايمن ومرة كنان ليه كل ده مش هتعرف ترد اقولك انا ليه
انت لسه عندك شك لو واحد ١٠٠ أن فى يوم هسيبك لأي سبب فقلت احطها في اختبارات .
كتير عشان اشوفها هتنجح ولا لا .
بس اعمل حسابك أن كنت نجحت أو سقط مش يغير فى شخصيتك حاجه انت محتاج تحب نفسك وتثق في نفسك اكتر قبل ما تفكر تربط نفسك ببنت اما لو مستني رأي أن موافقة اكون مراتك أو لا
أنا موافقة اتجوز حبيبي الا عنده ثقة في نفسه ألا يكون سندى وظهرى الا فى حضنه احس أن بنته واخته وعشقته وعندك حق قرار التأجيل صح وانا احضر فرح بنت عم سلطان وهرجع على الشقة هى بتاعتك وادفع ايجار زى اى مستأجرة ويوم ما تلاقي نفسك بقيت عندك ثق في وفي نفسك الاول هتلاقينى .
قام كنان من مكانه وملامحه تغيرت وحس فعلا أنه عكها بدل ما يحلها وأن شخصية عشق مش سهله وممكن فعلا عشان مش اتعامل مع بنات قبل كده ومعرفش ازاى يتكلم مع البنت هو كان عايز تضمه وتقوله أنا بحبك لو انت عظم فى اوفي لكن هى اخدتها أنه مش واثق في نفسه وقال
سبحان الله فتحت لي محاضرة طويلة عريضة عشان بس كنت منتظر منك كلمة واحدة بحبك واكون معاك ل اي سبب
ضحكت عشق ورمت مخدة عليه وقالت
وكل الكلام الا انا قولته ده مفهمتش أن قلت ليك كدة بدل المرة الف مرة انت فعلا عايز تاخد كورس التعامل مع الست .
لقط كنان المخدة وقال
وليه كل الدش ده ما كنت قولت اه او لا
تنحت عشق وهى بجد مش مصدقه كلامه
ثم ضحكت جامد
انت صحتينى أنا اقوم اعمل حاجه اشربها واغير هدومى واديك اول درس تتعامل مع البنت فيها
سألها كنان بعدم فهم
يعنى ايه المطلوب دلوقتي
قامت عشق ومسكت من جسمه وخرجته
المطلوب انك تخرج دلوقتي عشان اغير هدومى وانت محتاج تدريب شهرين ازاى تتعامل مع البنات والستات عشان كلمة ورد غطاها ده عندكم انتم مش عندنا يلا مع السلامه استنى تحت على ما اجي ليك
وقفلت الباب وهو واقف برا متنح ومش فاهم حاجه وسألها
طيب انا بردو مش فاهم حاجه
هو انتى بتحبينى ولا لا وشهرين التدريب ده ازاى وانتى هتكونى فى شقتك
ضحكت عشق على كنان وقالت
عندك جوجل اساله يا كنان تصبح على خير
نزل كنان على الكمبيوتر وفعلا بحث عن ازاى تتعامل مع المرأة جاب فيديوهات كتيرة وتحليل كثيرة
وحسي أن فعلا عالم المرأة ده غويض جدا وأنه مش عارف فعلا هو كان صح ولا غلط انى احب واتعلق ببنت وبعد كده ضحك على نفسه واتصل ب أسامة وسأله
الو يا صاحبي ايه الاخبار عندك عرفت أن أيمن هو كنان والا لسه
هز رأسه كنان كأنه شايفه وقال
اه عرفت لكن انا مش عارف ان كانت بتحبنى ولا لا وبعد كده حكى لي إلا قالوا وردها
ضحك أسامة على صحابه وقال
مكنش يومك يا كنان وقعت في الحب بدرى بدرى
نفخ كنان وقال
تصدق أنا الا غلطان أن اتكلمت معاك
ضحك أسامة وقال
يا ابنى البنات بتحب تحوار يعني لم تسألها سؤال لازم تتكلم في عشرين موضوع وتحط الإجابة فى وسطهم عشان انت توصل لإجابة
نفخ كنان وقال
يعنى إبرة في كوم قش طيب ليه مش قالت على طول موافقة أو لا
وضح ليه أسامة
اولا هى جاوبت عليك على فكرة بس انت سؤالك غبي من فين قربت منها وبوستها وكان في مشاعر ما بينكم وكمان هى حسيت بده وتيجى تقولها زى اخوكى هو انت فاكر عشق زى الحاج تضحك عليها تصدق دهدى بنت وكمان حبيبتك وفهمتك وحفظتك يا كنان وعارفه انت بتفكر في ايه قبل ما تقول وعارفة امتى بتكذب وامتى لا عشان كده لازم فعلا تعرف انك لو حوارت معها في الكلام هتحوار معاك فكون صريح معها
ضحك كنان وقال
يعني اول درس من عالم النساء أن اكون صريح عشان لو كذبت هتفهمنى صح كدة
ابتسم أسامة
برافو عليك وكمان في حاجات الست ممكن تبلعها بمزاجها وفى حجات لا عيش يا صاحبي وجرب مع نفسك
سأله كنان بحيرة
طيب هى كانت قالت موافقة تتجوزنى وبعد كده رجعت فى كلامها وطردتنى من الاوضة
شهق أسامة
نعم هى وصلت أنها تطردك ليه أنشأ الله عملت ايه
وضح كنان وقال
لا يا ابنى هى طلبت منى وقالت إنها هتغير هدومها وبعد ما قفلت الباب قالت
تصبح على خير يا مستر كنان روح اسأل جوجل
ضحك أسامة وقال
والله العظيم برافو عليها وانت بقي سالت جوجل أن كانت موافق والا لا
اڼصدم كنان وسأله
يعنى اكتب على جوجل عشق موافقة على الجواز من كنان والا لا
صړخ أسامة بصوت عالي
هو انت متاكد انك كنان الا اعرفه والا حد تانى يا ابنى
بجد كنت اسمع ان الحب اعمى لكن اول مره اعرف ان الحب بيجيب العبط والهبل
مادام قالت ليك اسأل علي جوجل يبقي موافقة يا نصائح
ابتسم كنان وببراءة
انت بتتكلم بجد طيب ايه علاقة جوجل ب الموافقة يا اسامة
ضحك أسامة وما بين نفسه
ده العبيط صدق أنا استغله شوية ورد
هى ابوها مټوفي وملهاش حد وكيلها وعشان كده قالت
ليك اسأل جوجل يعنى بدل ما اسال بابا
عشان جوجل يعتبر موسوعة كبيرة يعرف كل حاجه زى الاب كدة فهمت يا صاحبي.
ابتسم كنان وقال
طيب اعزم كل الا فى الشركة وهاتهم على المزرعة بكر
ضحك أسامة وسأله
ليه بقي
وضح كنان
عشان اعمل فرحى مع فرح بنت سلطان وهى شرطة لازم كل الشركة تعرف انى كنان مدير الشركة واعزمهم
ضحك أسامة ما بين نفسه
هنتسال وآخرين وقع كنان فى الحب منكرش أنه صاحبي وبحبه بس انا من غير مقالب مقدرش اعيش عاوز اشوف شكلك لم تقولها أنا سألت جوجل ووافق على جوازنا يبقي شكلك ايه يا مدير
تابع
الحلقه ٢٤
كامل الاوصاف عشق وكنان
قفلت عشق الباب وهى بتضحك على كنان واتكلمت مع نفسها
بجد انا مش مصدقه انت مستر كنان الا كل الا بنات پتخاف منك وعامل هالة وخوف ليهم طلعت فى الاخر طفل صغير بس الصراحه ملخبطنى يعني أنا كنت بحب ايمن ما بين نفسي لكن دلوقتي مش عارفه أصدق أن ايمن هو كنان منكرش انى فرحانة لكن جوى خوف من عقدته عدم الثقة ومش عارفه أن كان جوزى منهم بسرعة يكون صح والا لازم ناخد على بعض ثم ضحكت هو اصلا
مفهمش أن قولت موافقة اوعى فعلا يروح يسأل جوجل
يلا اغير هدومى وانزل اشوفه بيعمل ايه وبعد كده اطلع
وفعلا غيرت هدومها ولبست بيجامة ستان سود منقط عليها دوير بيضة بكوم وليها زرير وبنطلون اسود وفردت شعرها ونزلت على تحت
كان كنان يجلس على الجهاز فى جروب وتس الشركة ويكتب رساله دعوة لحضور فرحه على عشق وبدت الرسالة تكتب الا فرحان جدا ل عشق والا غيران والا زعلان زى شهد واتفق معهم أنه يبعت اتوبيس لكل الموظفين بكرة الجمعة الساعة 11 يكون موجودين أقدم الشركة وأنهم مش يندمو
بعد ما خلص اتصل ب رفيع وبلغه
ابنك يتجوز بكرة
مكنش مصدقه نفسه رفيع
آخرين يا كنان أنا كدة لو مۏت اكون مرتاح
اعتذر كنان من ولده
بعد الشړ اوعى تقول كدة
أنا آسف يا بابا انى وجعت قلبك وان عملت تقرير مزور عشان اخليك تنسي فكرت الجوز أنا فعلا كنت خاېف
ابتسم الاب
تعتذر ليه انا فرحان عشان بسبب الموضوع ده والدكتور لعب بيكومن الوقت ده انت وفقت انك تشوف عشق وتقرب منها وتعرفها عن قرب
تنهدت كنان وقال
انت مش عارف كان اصعب وقت يا بابا فى حياة عشق أنا بجد مش عارف البنت ده ازى عدت منها ده انا الرجل مقدرتش اشفوك وانت مريض وضعيف وكنت مش قادر اسندك أو كون معاك ام البنت كانت تدخل عند ابوها وتطلب من الممرضي أنها تحمى هى ابوها أنا فاكر فى مرة ابوها فى جلسات الكيميائية رجع على حجرها وهى فتحت الجيبة وقالت كمل يا بابا أنا جانبك مش عارف اقولك ايه والا ايه كل الا أقوله ليك سامحنى يا بابا على اي تقصير منى وشكرا انك وفقت اعيش معها لحظات ۏجعها وضعفها مكنش يفرق أسمى ايه والا كنت متوقع انها هتوافق بي وقتها أنا كنت بحس انى بعيش الحياة معها كانى اتولد من جديد وصدقنى لو كانت محبتنيش عمرى ما كنت اغصب عليها وكنت ارجع حياتى واكون سعيد أن عيشت ذكريات حلوة معها
تنهدت الاب
سامحنى انت يا ابنى على حجات كتير انت كنت طفل ورغم كدة قدرت تكون مكانى في الشغل انا حرمتك من طفولتك ومن شبابك لكن يجى فى يوم واقولك على كل حاجه لكن الاول افرح بيك وتفرح بحبيبتك وفى الوقت ده اقولك على سر
استغرب كنان وسأله
سر ايه يا ولدى العزيز اوعى تكون عملت حاجه تانى أو جيبت شريك تانى زى ابراهيم
رد الاب
هو سر عمرك لكن يجى اليوم انك هتقبل تسمعينى
يلا اقولك سلام
استغرب كنان
سلام
وما بين نفسه سر عمرى اوعى اطلع مش ابنك وانا مش عارف
ضحكت عشق من وراها
أنا بردو بقول كدة فى فرق كبير بين وبينه
اڼصدم كنان لم شافها أقدمه كانت جميله جدا تسحر
قام زى المسحور وقرب منها
ايه الجمال ده انا مش مصدق نفسي انتى عايزاه تجننى صح
ضحكت عشق وقالت
مش اخوى ومفيش خوف منك اكون براحتى بقي أنا كنت خاېفة للشيطان يكون ثالثا لكن دلوقتي امان اخوات مع بعض
اقترب كنان من الخلف وضمھا وذراعه ما بين رقبتها
وربطها ما بين احضنه
بجد أنا بحبك وبعشقك پجنون بلاش تعملى في كدة
اعتذرت عشق وخرجت من بين أيديه
انا اسفة جدا والله العظيم مقصدش اجرح فيك أو اققل منك
ابتسم كنان ورجعها لحضنه
تعتذري انك بتغرينى عشان تتأكد أن كنت مريض والا لا
اوعى تفكر انك عارفنى وانا مش عارفك احنا فول وانقسمت نصين وانا استلسمت وبعتذر وحاضر اثق فيك وفى نفسي وانا سالت جوجل على فكرة وقالى عشق موافقة
ضحكت عشق وخرجت ما بين أيده يعنى كنت بتضحك على وبتمثل انك عندك مشكلة بتلعبنى يا كنان أنا مش اقعد معاك
—
هنا دقيقه واحدة
اڼصدم كنان وسألها
انتى بتقولى ايه انتى رجعت فى كلامك
ابتسمت عشق وقالت
هروح عند عمى سلطان عشان اقتنعت بكلامهم وفعلا مش ينفع نكون مع بعض قبل الجواز أنا كنت بختبرك زى ما بتختبرنى وكنت سامعا كل كلمة
ضحك كنان
يعني خلتنى اشيلك كل المسافة ده وطلعت بتضحك عليا ماشي يا عشق
ضحكت عشق واحدة بواحدة
يلا عشان تودنى عند عمى سلطان عشان تستلمنى من أيده عشان يكون وكيلى
نظر له پغضب وقال
يلا علي فين بالبجامة ده انتى بتهزر
ردت عشق ببرود وقالت
وفيه ايه الدنيا بليل ومحدش يشوفنى وهما خطوتين
شهقت كنان
خطوتين بتسمى فدان ونص خطوايتن
شهقت عشق وقالت
انت شيلتنى فدان ونص وايدك مش ۏجعتك
قرب منها پغضب
عشق من النهارده أنا بعتبرك مراتى والحمد الله انتى عرفتى انى رجل وممكن اقلبها عليك وخلي الډخلة النهارده كفاية تخلينى اغير عشان الغيرة بتخلي عقلي يقف فاهمة
ضحكت عشق وقالت
لا طيب احسن أنا كنت بعكسك عشان متلعبش عليا تانى وتمثل عليا أنا هلبس العباية ده فوق البيجامة واتصلت ب منار بنت سلطان وبلغت ابوها وكمان عشر دقائق يجى ياخدنى
فى اللحظة ده شعر كنان بالحزن
يعنى فعلا هتسيبنى والا أنا كنت في حلم جميل واصحي القي كل ده مش حصل وانى واقف في مكان وانتى مشيتي وملحقتكيش واختفيتي من حياتى
ضحكت عشق وحسيت اقد ايه بيحبها ومتمسك بيها وكأنه طفل صغير مش عايز أمه تسيبه ووضعت أيدها على وشه وقالت
حتى لو كنت مشيت ومش وصلت لي كنت انا الا هوصل ليك كنت هدور على ايمن بعد ما أطلق من كنان وكنت اخلى شهد وراء ايمن لحد ما اوصل ليه
مسك ايديها كنان وقابلهم بشفافية وقال
هو انتى ليه مش معاكى رقم أيمن ليه محاولتيش تاخدى رقمى
ضحكت عشق وقالت
عشان انت مخلتنيش محتاجه ادور عليك كنت دايما ظلي كنت كل ما التفتت اليقك معايا كنت في الاول بقول هو بشتغلنى والا شاب جداع والا ايه النظام
فى الاول الكفيتري وخطوة بخطوة بقيت معايا وانا بودى بابا الجلسات فجأة تسنده معايا وتجي من قبل ما انتبه أو اقولك متتعبيش نفسك
ضحكت عشق
حتى لم ركبت الأتوبيس اخترعت حجيت انك تكون سواق كنان وبقيت سواقي الخاصة فى كل مكان معايا بص اتجننى امتى كنت بتلحق تعمل كل ده يعني الكافتيريا وانك تيجى تاخدنى والمحاضرات فى الجامعة وكمان إدراة الشركة
ابتسم كنان وقال
الكافتيريا مكنش في مشكلة الا وقت امتحانتك وانتى كنتى شاطرة مجهزة كل واحد بيحب ايه فى طبقه ام القهوة كانت شهد اشتريت مكينه للقهوة والنسكافي وقولت ليهم اتعايشوا لازم نشيل بعض والشباب الله اكبر مقصروش خصوصا شهد
ابتسمت عشق وقالت
عشان كدة طلبت من مستر رفيع يرقيها هى فعلا تستاهل طيب إدارة الشركة والكلية
ابتسم كنان
الكلية كنت فيها علشانك من بعد ما عرفت بموضوع الواد الرزيل الا ضيقك مقدرتش مكنش فيها ولم سمح لي المدير طلبت اكون في الادراة موقتنا لحد ما اتقالم ووافق وبقيت ادير الشركة من الجامعة وبدخل محاضره واحدة في الأسبوع للمحاسبة لمرحلة واحدة وهى اولى
ضحكت عشق وقالت
عشان مدرجهم جانبي مدرجنى فتعرف تتابع من غير ما حد يعرفك
ابتسم كنان وقال
طبعا يعنى حبيبتى عشق كانت تعمل الاكل طول الليل وتسويهم الصبح على المكيروف والقهوة والمشروبات وبعد كده تروح تزور ابوها من ٤ ل ٦ وبعد كده تروح على محل الورد من ٧ ل ١٢ بجد انتى ازى كنت بتلحق وامتى كنتى بتنامى
ضحكت عشق وقالت
اقولك الاكل كنت بجهز في اجزاتى جمعة وسبت خصوصا الغدا وكانوا يحبوا الاكل السريع زى البينه وبوفتيك اللحمة والشوارم والطواجن فكان سهل عليا مكنش حاجة صعبة غير واحد بس بيحب الاكل الصحي تعبنى الصراحة كنت بنام ٤ ساعات واصحى الساعة ٧ اجهز ليه الاكل الصحي واجى الشركة الساعة ٩ وطبعا النهارده عرفت ليه ميعاد الحضور الكافتيريا اتغير وبقي عشر والانصراف ٢
قطع حديثهم دق الباب
ردت عشق وقالت
عمى سلطان جيه لازم اسيبك عشان انام الساعة ١
استنشق كنان هواء ملئ بالشوق والحب وقال
اليوم معاكى
بعمر كله بيفوت الوقت بسرعة رهيبة مش بحس بيه
هزت راسها عشق بسعادة نفسي احساسي الصراحه وانشاء الله اقدمنا عمر كبير روح افتح على ما البس العباية
ابتسم كنان وقال
حاضر
واتجه نحو الباب وفتح فوجى بسيدة عمره يتجوز الاربعين من العمر أو يقترب للخمسين لكن لا يظهر عليها السن وتقولها مكنش ينفع محضرش فرح ابنى
اڼصدم كنان وسألها
هو انتى مين حضرتك وتعرفنى من فين
تابع
الحلقه الخامسه والعشرون
كامل الاوصاف عشق وكنان
سمعت عشق حديث السيدة ولكن وقفت مكانها لكى لا تقطع حديثه
كانت السيدة تقول ل كنان
أنا امك انت ليه مش مصدقنى
نظر لها ب استعجاب وضحك بسخرية
هو انتى شايفانى طفل صغير أقدمك حضرتك وجاى تضحك عليه فاكرنى مش هعرف مين امى واي واحدة تيجى تقولى أنا امك اقولها اهلا وسهلا لا يا هانم أنا كنت كبير لم امى سابتنى كنت عندى ١٢ سنه وانا الا طردها بيدى لم تخليت عنى وعن ابوى فاهمة والا تكنيش انتى سلوى هانم وغيرت ملامح وشك .
بلعت ريقها السيدة وطلبت ماء
ممكن اشرب ماي أنا جاى من المطار على هنا وعطشانة وبعد اذنك ادخل واحكي ليك كل حاجه
ضحك بسخرية كنان
معنديش ماء ومفيش دخول
وضړب كف على كف
والله عجايب هو اي حد يدق الباب يكون معدى ويطلب ماء ويالف قصة أصدقه
جيه سلطان من خلف السيدة وقال
مش معقول سلوى هانم حضرتك جيت امتى وليه مبلغتنيش
اڼصدم كنان من حديث سلطان وپغضب
عمى سلطان مين ده و ازاى تسمحوا ل اي حد يدخل من البوابة
اعتذر سلطان من كنان
اسف يا بيه بس بعد اذنك دخل سلوى هانم مش عايزين حد يسمعكم وبعد كده حسابنى براحتك بالله عليك.
أنصدم كنان وخرج عن شعوره
ادخل مين يا رجل هو انت فرح بنتك طير عقلك
ادخل مين واحدة مجنونه جاي تقولى انا جاي احضر فرح ابنى وانا امك وبعد كده تقولى عطشان هاتيلي اشرب ادينى عقلك وانبى
تنهد سلطان وقال
أنا بشتغل عندكم هنا من امتى يا ابنى
ضړب كف على كف كنان
اللهم طولك ياروح ايه لازمت السؤال ده دلوقتي
وضح ليه سلطان
من وانت صغير صح يعنى بالي ٣٠ سنه يعني لو قلت ليك أن سلوى هانم ولدتك إلا ولدتك وهنا فى المزرعة ده وعلى ايد مراتى وستات المزرعه يبقى تصدقنى
ضحك كنان بسخرية وقال
طيب اصدق ده اللى ولدتنى زى ما بتقولى التانى تبقي مين
صدمت الكل سلوى وقالت
اختى سعاد الصغيرة كنت مربيها على أيدى دخلتها بيتى وهى عندها ١٦ سنة بعد مۏت اهلي وصرفت عليها ودخلتها الجامعة وانا مطمنى اختى فى بيتى حتى وصيتك رفيع ياخدها يشغلها في الشركة وبقيت سكرتيرة بتاعته وانا حملت فيك كان حملى صعب جدا ف اقترح رفيع اجى هنا اقعد ولا هنا يخدموني لانه طول اليوم فى الشغل ولسه سياسي شغله وكاينه روحت وفقتى وجيت واقعد هنا ٧ شهور كانوا كفيل أن اختى تزغلل جوزى وتغيره بنت صغيره وحلوة قدرت تزغلل وتخلي يحبها ومكنش في عقاپة في حياتهم الا انا اختها عشان حرام يجمع ما بين الأختين إلا ما قد سلف يعني اموت
كان مصډوم كنان من الكلام ودخل وقعد على اول كرسي وهو مش مستوعب اى حاجه
كانت موافقة صريحة أنه يسمع بقي الحكاية
دخلت سلوى البيت ولمحت عشق افتكرتها خادمة فقالت
لو سمحتى يا بنتى كوباية ماء
هزت راسها عشق وراحت جابت الماية واقتربت وقالت
اتفضلي يا هانم تومرى بحاجة تانى
اخذت سلوى الماء وشربت ثم أعطته ليها وقالت
شكرا ممكن تسيبنى لوحدنى روحى مع سلطان أنا موجودة مع ابنى ومش محتاج خادمة
شعرت عشق بحرج وجى تخرج
نظر لها كنان ومسك ايديها واقعده جانبه
انتى رايحة فين انتى ست البيت مش خادمة مفهوم متقوليش هانم ل حد يعشق انتى الا يتقالك يا هانم مفهوم
ونظر ل سلوى وقال
واضح أن بداية القصيدة كفر كمل القصة الحامضة ده وبعد كده ارجع مكانك اتفضلي
بدت تحكي سلوى
بعتذر مكنتش اعرف انها العروسة المهم مش وقت التعارف اكملك
نفخ كنان بضيق
ولو دلوقتي والا بعدين اخلص احكى أو مع الف سلامه
نزلت دموعها سلوى
نفس طبع ابوك ونفس الكلمة قالي مع السلامه
أنا بحب سعاد ولازم نطلق عشان اتجوزها أنا اڼصدمت
فلاش باك
رفيع حبيبي انت بتقول ايه انت اكيد بتهزر صح بتعمل فى مقلب بلاش كده أنا عارفة انى كنت بعيد عنك عشان حملي لكن مش معنى كدة انك تكرهنى
تحدث رفيع بكل جبروت وكانت السکينة سرقها وصړخ فيها
هو انتى عندك استعداد تعيشي معايا بالعافية حبي ليكى خالص وان كان عن ابنك وانتى تعايشوا احسن عيشة فى المزرعة وانا اتجوز حبيبتي
وقفت سلوى بعند
حبك برص انتي وهو مش هطلق فاهم حتى لو طلقتني أبلغ المحكمة وارفع قضية عدم الموافقة على الطلاق انسي الموضوع يا رفيع والبت المسهوك ده الا لفت زى الحياة عشان تسرق جوزى منى وتدمر حياتى هدفعها التمن يا وطى يا اژبل خلق الله فى اخت تعمل كدة فى اختها
ضحكت سعاد بسخرية وقالت
طيب بعينك بقي هتجوز منه واخد ابنك وارميك رميت الكلاب مش انا وطى هوريك الوطينا على أصولها وعملت اتصال وبعد شوية جيه بعد الرجال واخدو سلوى
وهى بتصرخ
انتى بتعملى ايه وطردنى من بيتى انتى متخلفة
ضحكت سعاد وقالت
أنا هسافرك على مصحة في امريكا عشان متفكريش تسوى سمعت جوزى وهاخد اسمك وجوزك وكل حاجه خدويه من هنا
باك
نزلت دموعها وهى بتحكى وفعلا اخدوني على مصحة في أمريكا يبعدونى عنك فضلت سنين مسجونة هناك لحد ما جيه دكتور مصري وسمع حكايتى اڼصدم واتفق معايا أنه يرفع قضية ب أسمى تشويه سمعة ويسجل فيديو وبعد ما يعرف بالموضوع ده يعمل معانا ديل ويخرجك من هنا
وفعلا عملت كدة وخافوا ووافق انى يخرجنى بمقابل انى أطلق وافقت بشرط اخدك لكن بعد ما وفقت على الطلاق وخرجت من المستشفى لكن كل العهود تبخرت مليش هوائيه والا اسم
ابتسم كنان بسخرية وهسترية وقال
حلو القصة المؤثر ده فعلا لدرجة
اصفق ليك تصفيق حار
ووجه حديثه ل عشق
انتى شفوت بابا تعاملت معه بذمتك يا عشق ابوى يعمل كدة يسجن ام ابنه فى مصحة ويعيش حب محارم سنتين لحد ما يطلق انطقي يا عشق انتى دائما كنت بتقولي ياريت مستر كنان يكون بنفس أخلاق مستر رفيع
الراجل ده الا بيهتم بكل كبير وصغير يعمل كدة
مسكت أيده عشق وكانت حاسه بيه ووجهت حديثها
ل سلوى وقالت
حضرتك معلش مع احترامي لشخصك الكريم وشاهدة عمى سلطان لكن حضرتك جاية تحكي قصة عن شخص يعرف ربنا كل سنه بيعمل عمرة شخص مبيسبش حد عنده مشكلة ألا يقف معه فصعب جدا كنان يصدق الكلام ده او انا أو اى
—
حد ومعلش كنت فين كل السنين
ابتسم كنان بسخرية
والله مش بعيد راحت اتجوزت وسابتنى حتة حمر وجاي تحكي قصة الظلم والظالمين وعايزين أصدقها
هزت راسها سلوى
عندك حق فى كل ظن تظنه اكيد اتجوزت وعشت حياتى انا اتعذبت سنين بسبب جوزى واختى الا ضحكوا عليا واخدوا كل حاجه لكن ربنا كبير فوق كل ظلم ربنا جبالي حقي بعدها من ١٢ سنة
اڼصدم كنان وصړخ
انتى شمتانة انى ابوى عمل حاډثة وبقي عاجز طيب يا مظلومة كنت فين من وانا عندى ١٢ سنه لحد النهارده
كنت فين ١٧ سنه وجاى تقولى امى
وضحت سلوى وقالت
انت مخلتنيش أكمل كلامي لم وعدنى رفيع أن يرجعنى مصر ويخلينى اخدك فجأة انقطعت اخبارهم واختى كانت مرحلنى على البلد بدون اى بيانات لي أو أوراق أو أي حاجة
غيرت كل حاجه تخصنا واخدت أسمى وجوزى وطلعت شهادته مۏت ب اسمها على حسب انى انا الا مۏت
بقيت اشتغل ليل نهار عشان اجمع فلوس اخلي حد يعملى مستخرج أو أى أوراق عارف احساس فجأة انك ملكش بطاقة شخصية أو باسبور وفى بلد غريبة والدكتور كمان اخد قرشين منهم وخلع بقيت تايه اشتغلت في مطعم جارسون وكنت بنام فى مطبخ المطعم عشت ايام ذل وعذاب
عشان اعرف بس اعمل اى ورق ب اي اسم وأخرج من البلد ده وارجع مصر مكنتش اعرف حاجه عشان اشمت فى ابوك
صاحب المطعم كان رجل كبير وعنده أولاد ولم يعرف حكايتى طلب منى يتجوزنى انا اڼصدمت فهمته انى مسلمة مصرية وعندنا لا يجوز المسلم تتجوز مسيحي أو من غير دينها حاول يقنعنى أن انا معنديش هوائية اصلا عشان تثبت الكلام ده رفض وقولت ليه لكن ده يقين ودين ماشي عليه ومينفعش اخلاف تعليمات دينى وبقي يسالنى عن دينى وبقيت احكى ليه واجيب كتب وحاجات يقرأها ووقتها جه فى يوم قال أنا أغير ديني دين الإسلام واتجوزك واعملك مستخرج ب اسم واحدة هندي أو أي بلد عشان تقدرى تعيش
رفض وطلبت منه انت ساعدني اتكلم مع السفارة المصرية واحكيلهم الا حصل معايا حتى لو يرحلون أنا عاوزة ارجع بلدى وأشوف ابنى أنا كل ده بشتغل عشان اليوم ده
وفعلا عمل المستحيل عشان يخلينى يكون لي اسم وباسبور واقترح واحد من السفارة أن يستحسن الاول اعملى لنفسك هوائية هنا وبسبور عشان تعرفي تخرج من البلد وبعد كده هناك اثبت اسمك وكل حاجه ليكى
وفعلا وفقتهم اتجوزت منه وعمل كل حاجه عشان اعرف ارجع مصر ورجعت لكن فص ملح ودب مفيش اى حاجه عنك أو عن ابوك انتقلوا من المكان حد الشرك باعها
ملقيتش اي أثر في افتكرت المزرعة واتمنيت يكون سابها وجيت وعرفت بعد كدة كل الا حصل وقتها انت كنت كبرت وسافرت تتعلم ووجهة رفيع اعتذر منى وقال أنا مستعد اعترف بكل حاجة عملتها اقدم المحكمة وهرجع حقك لكن لم ابنى يتجوز وحكى لي ازى رميتك ورميت رفيع واخدت كل حاجه وهى السبب في حاډثة ابوك لكن انت قدرت تساعد ابوك واشتغلت وقدرت ترجع الشركة تقف على حيلها كنت فخورة بيك كنت نفسي اعمل الخطوة ده من زمان لكن رفيع رفض وحكى قد ايه انك پتكره البنات بسبب الإنسانة الا باعت كل حاجه ووقتها فضل ابوك وراك يزن عليك عشان تتجوز وقالي اليوم الا ابنى يحب بنت ويلقي البنت اللي يتجوزها وقتها انتى روحى واحكى كل حاجه عشان وقتها الحب يخلي يتقبل يسمع منك
كامل الاوصاف عشق وكنان
الحلقه ٢٦
قام كنان من مكانه وهو في حالة صعبة جدا مش عارف يفرح أن أمه طلعت بريئه وأنها مش تخليت عنه أو عن جوزها والا اقدر يصدق أن أبوه ظالم ومش ضحېة كان عاقله متلخبط
وقفته سلوى وقالت
أنا عارفة أن الوقت مش مناسب وكنت استنى بعد فرحك ما يتحدد وعرفت من رفيع انك تتجوز بكرة
لكن حلم اي ام تكون مع ابنها في يوم زى ده انا عارفه انك مش مصدقنى لكن انا معايا اعترف من ابوك
بعد ما جيت هنا وقابلنى عمى سلطان وفوجئ انى عايشة مش مېتة
قوله يا عمى سلطان الا حصل
بدأ يحكى سلطان
فعلا يا ابنى أنا الا عرفته من رفيع بيه أن مدام سلوى ماټت
بعد ما اجى ليه حميت حمل وهى فعلا كانت ضعيفة جدا
وفاهمنى أنه اتجوز اختها عشان اول تربي ابن اختها لكن حرج علينا نقولك فى اي وقت
لحد ما من ٥ سنين كدة شفوت الست هانم جي وبتسلم على
أنا عرفتها فورا ملامحها لم تتغير كتير وقعدت وحكيت لي الا حصل معه وانا حكيت ليه أن اختها سيبت البيه من زمان وهو عايش هو وابنه بس طلبت منى العنوان لكن خۏفت على أكل عيشة اخد رقم تليفون ليها وقولت ليه هما من سنين هجرين المزرعة لكن لو فى يوم جيه او اتكلم أقوله على رقمك وفعلا من سنه تقريبا انت زرتنى انت وولدك بعد غيبة طويلة اعتقد كنت بتفكر تبيع المزرعة عشان تنسى ذكرياتك لكن لم اترجتك انا وبقي الفلاحين أن أكل عيشنا منها وممكن ڼموت من الجوع وفقت وبقيت كل فترة تيجى
هز رأسه كنان وقال
فعلا كنت بهرب من ضغوط العمل وزن ولدى
كملت سلوى فى يوم لاقيت رساله مبعوث لي
وفتحت التليفون وسمعته الرسالة الا بعتها رفيع وجريت ل فوق اوى من اول رساله وقالت
ده كانت أول رسالة بعثها رفيع اكيد انت عارف صوت ابوك وانى مش مفبركة فتحت التسجيل
بدأ يظهر صوت رفيع
آخرين عرفت اوصل رقم ليكى انا بقالى سنين بدور عليكى
كتبت سلوى
مين حضرتك
سجل رفيع
اكيد لازم تكون نسيتى صوتى انا عرفت انك جيت على المزرعة وانتى اديت الرقم ده ل سلطان عشان يبعتلك العنوان
سجلت سلوى صوت
رفيع يا ظالم يا مفترى فين ابنى عايزة اشوف ابنى خفيته فين أنا بقالي خمس سنين بدور عليكم
تنهد رفيع وسجل
انا عارف ان ضيعتك وضيعت واحدة كانت كاملة الأوصاف من حياتى
سجلت سلوى صوت
ده لعبة جديد يا رفيع أنا عاوزة اشوف ابني ارجوك اتوسل اليكى
طمنها رفيع
حاضر بس خليني اكمل كلامي
أنا فعلا ظالم وكنت شاب يجري وراء رغباته مكنتش فاهم يعنى الزواج والبيت والأسرة والټضحية أنا عارف ان ظلمتك كتير يا سلوى وحرمتك من كل حقوق ومكنتش فاهم أن تمسكك بي كان حب أنا فضلت سنين بعد الإعاقة وانا بفتكر كلماتك لم كنت بتترجيني بتقولي احنا زوجنى يعنى لازم نكون سند مع بعض وانا تعبى كان عشان اجيب ليك ولد يشيل اسمك يعني مقدرتش تستحمل سبع شهور انك مش تقرب من ست ومتفرقش معك حرام من حلال طيب كنت قولى كنت اختارتك انت مكنش فارق معايا صحيتى
نزلت دموع سلوى
انتى ليه عايز تقلب المواجع اقولى عزلتوا فين وابنى اخباره ايه انا صدقتك زمان كتير وكانت النتيجة اترميت في الشارع في بلد غريبة رميتني أنت واختى اتفقت مع بعض واخدو وريثه والحصة بتاعتى نسيت انى بعت كل حاجه عشان تفتح الشركة أنا كنت دعمك خمس سنين انت والحيوانية إلا اتعودت تاخد ومش تدى لكن الغلطة مش عليها الغلطة عليا ان انا ضحيت واول ما ربنا رزقنى بالحمل بعد خمس سنين كنت معتبرها هى بنتى قبل ما تكون اختى وبدل ما تقف جانبي اقنعتك انك تقنعني اروح المزرعة الا ورثته من ابوي عشان تمضينا على تنازل عنها مكفكش ده لا وافقتها على كل حاجه تخليه ترحلني في مركبي وانا متبنج واترمي في مصحة انت متعرفش يعنى ايه رجولة أو شرف رميت زوجتك ل كلاب السكة يقطعوا فيها عشان نزواتك وانا غبي لو كنت اعرف انك مش رجل اقسم بالله كنت وفقت على عرضك وكنت اخد ابنى لكن غبي أن اتمسكت بيك ل اخر لحظة ابعت العنوان لو سمحت وكفى اعذار
ريكورد تانى
تنهد رفيع
أنا عارف ان مش وقته الكلام والا يعوضك على سنين الغربة والضياع الا انتى عيشتها لكن انا فعلا النهارده عرفت أن كل الا عشته مكنش عقاپ فعلا سعاد كانت طمعنا في كل حاجه مش حب في كنت اعمى معرفش كانت عامله لي ايه او سحرت لي بعد عشر سنين فهمت ده لم طلبت اكتب ليها كل حاجه ب اسمها عشان خاڤت ل كنان ياخد كل حاجه ولو عرف الحقيقة مش يرحمها
ولم رفض دبرت لي حاډثة خرجت منها معاق ومشلۏلو
وده العقاپ الاول وبعد كده استغلت مرضي وسحبت كل فلوس لي فى البنوك وطلبت الطلاق ووقتها سمعها كنان
طردها طردت الكلاب اخد حقك يا سلوى الحمد الله أنه واخدك مخدش حاجة منى ومنك
سجلت صوت سلوى
حبيبى انا عاوزة اشوفه ابوس ايدك انا مش عاوزة حاجه في الدنيا الا اشوفه
بعت رفيع ل صورة كنان
لمست سلوى الصورة
وسجلت
مش صورة يا ابو قلب جاحد أنا عاوزة اشوف ابنى حرام عليك
وضح رفيع
والله العظيم هتشوفيه وانا بعتلك ليه عشان افهمك كل حاجه عن ابنك قبل ما تيجى وتظهر أقدمه
ومتقلقيش ربنا اخد حقك منى وزياد وبالي سنين ب استغر ليه وكنت راضي بعقابه لكن كان
لازم يوجعنى على قد وجوعك يعاقبنى في اغلى شي في حياتي وهو ابنى النهارده اكتشفت أنه عنده مشكلة وعشان كده رافض الزواج غير عنده عقد من البنات
ردت عليه سلوى
والله العظيم مش عارفه اقولك ايه انت ظلمتنى وډمرت حياة ابنك وطفولته وشبابه مش عارفه بجد ادعى عليك بايه أنا ليل نهار كنت بدعى في صلواتي أنا نازلة ل ابنى لازم اكون جانبه ابعت التقرير أنا أعرف دكاترة كتير هنا كويسين
بعد فترة ردت سلوى
التقرير فيه خلال يارفيع أنت متأكد أن التقرير ده الصح لازم تترسال مع الدكتور اللي كشف عنده وانا احجز واخلص بعض الإجراءات وجى
بعد فترة
أنا وصلت انت فين
نظرت له سلوى
وقتها نزلت وجيت على الشركة وطلبت منه اشوفك وقتها انت ضغطت على زر تسجيل ما بينك وبين ابوك كنت بتسأل عن واحدة اسمها عشق أنا أول مرة كنت اسمع
صوتك وفاكرة كل كلمة قولتها حتى سجلت صوتك وقتها عشان اسمعه كل شوية .
وشغلت التسجيل عشان يتأكد
مين عشق ده الا انت وفقت تشتغل اوعى تكون فاكر انك عشان تجيب بنت جديد وتخليها تطلع بالطلبات يبقي فاكرنى اغير ري لا انسي يا رفيع بيه كل بنات حواء حشرات ومش بيحبوا غير الرغبة والمال ممكن يبيعوا ضناهم عشان كدة ف أنس فكرت الجواز مفهوم وأقسم بالله لو شفت البنت ده او حاولت انك تحطها اقدمى أنا مش ارحمها فاهم
بدأ يشرح رفيع ليه وقال
يا ابنى أهدى اقسم بالله هتلاقي بنت تحبك وتكون كويسة
—
وتصونك لكن وقتها حافظ عليها
نفخ كنان وزعق
أنا مش عايز فاهم والا اقسم بالله العظيم احلف مفيش بنت تدخل الشركة
شعر ب احراج كنان وهو ينظر على عشق ومسك أيدها
عشق أقسم بالله مكنتش وقتها اعرفك
نظرت له عشق بحيرة
طيب ايه رايك مدام جيه وقت الاعترافات والكل يعترف أنا كمان اقولك على سر انا كنت متفقة مع ولدك وجابنى عشان أوقعك في حبي عشان اخليك تثق أن فى حب والحمد الله امك طلعت بريئه وانت اتغيرت
اڼصدم كنان ونظر لها بشك وترك ايديها
انتى بتقولى ايه يعني ايه متفقة مع أبوي يعني كل الا عيشته كدبة يعنى كنت بتلعب عليا انك متعرفنيش وانت قاصدة
ابتسمت عشق ومسكت أيده ورفعته وقالت
شوفتى يا مدام سلوى انتم عملتوا ايه فى كنان
مش مهم مين الا مظلوم أو مين ظالم انتم نجحتوا تدمرو حتى الثقة في ابنك جاي النهارده تعترف بسر بالها ٣٠ سنة قبل فرح ابنك بجد شابو
فى لحظة شك رغم هو عارف ومتأكد أن مش كده لكن فى لحظة شك شكرا بجد انك جيت النهارده عشان اعرف انى قرار كان أكبر غلط انى اتجوز شخص يشك في كل حاجه
مع السلامه
وجي تمشي مسكها كنان وهزها بقوة وقال
ليه دايما بتهددنى انك تمشي ليه دايما محسسنى أن تقيل عليك وليه قولت كدة فى اللحظة اني مصډوم
نظرت له عشق وقالت
أنا عمرى ما فكرت اهددك أو عاوزة اسيبك وعاوزة اكون جانبك لكن قرار الجواز غلط دلوقتي وخصوصا بعد الاعترافات ده انت دلوقتي مهزوم يا كنان وضياع مش عارف تحب مين وتكره مين يصدق مين وتكذب مين انا هفضل جانبك عشق حبيتك صديقتك وممكن اكون خادمتك لكن زوجتك صعب ممكن فى لحظة تشك في وتدمر كل حلم عاوزه أعيشه أنا عايزة يوم ما اتجوز اكون زى بابا وماما مش مهم عايشة فى إيجار أو تمليك مش مهم باكل ايه لكن يكون في حب ثقة إمان عاوزة اعمل دافئ وبيت وأسرة وأولاد عاوزة لم اتعصب فى لحظة أو اكون مخنوقه أقولك طلقني تاخدنى فى حضنك وتسبينى اعيط عشان انت واثق أن بعشقك مش بحبك لكن انك تخاف على كرامتك وتقولى حاضر انتى طالق يبقي عملت كنان تانى لو عندي ولد فاهمنى يا كنان اقعد فكر وشوف حسابات الماضي والحاضر
شوف عايز تكون مع مين أو تصدق مين وانا معاك
بس دلوقتي بعد اذنك بروح مع عمي سلطان
ومشيت خطوتين واتجهت إلى الباب وفجاه
كامل الاوصاف
الحلقه ٢٧
فجأة مسك ايديها كنان اوعى تسبينى يا عشق
وقبل مايكمل كلامه
وقع كنان من طوله بعد كل الصدمات ده انتبهت عشق وسلوى
انخفضت عشق پصدمة على الأرض
كنان حبيبي بالله عليك فوق حاضر مش هسيبك كنان وانبى فوق حقك عليا أنا فعلا اتسرعت أن كنت لازم اكون معاك واقف معك فى الأزمة ده لكن حسبتها غلط كنان أنا
كانت سلوى مسكها من الناحية التانى وبتبكى
ابنى نور عين أنا كنت عاوزة اضمك فى حضنى مكنتش عاوزة حاجه في الدنيا ده انى اشوفك ارجوك اوعى تسبينى
طلبت عشق من سلطان
والنبي يا عمي سلطان ساعدنى ندخله جوى أنا هقيس ليه الضغط عندى خبرة من تعب بابا وشوف اي دكتور
هز رأسه سلطان بحزن
حاضر يا بنتى وفعلا سنده وحمله وډخله غرفة قريبة ونايمه على السرير ومسكت خدوته وبتلمسها بحب
سامحنى يا كنان أنا بعشقك مش بحبك وبس عمرى ما كنت اتصور فى يوم اصدف حب زى اسمى فوق عشان احكيلك ازاى سامونى عشق وامتى عاوزة احكى ليك على كل حاجه بحب ايه بكره ايه كل حاجه
أنا عارفة التوقيت كان غلط وان اختبرتك في وقت غلط حسيت بالخۏف فجأة كل الا حصل خلال النهاردة كان مفاجأة ليا كنان يطلع ايمن وبعد كده فجأة بلفكتنى وخليتنى أوفق اتجوزك وبعد كده ولدتك واعترافها أنا خفت بجد و انت لسه هتتعرف على الستات مشاعرهم وتفكيرهم غير الرجل يعنى انا خطړ في عقلي اقولك كدة عشان اشوف مدى تأثير كلام والدتك عليك لكن نسيت أن التوقيت غلط وان عقلي وعقلك كان مصډوم من الاعتراف لازم تفوق هما ليه تأخروا أنا هروح اجيب جهاز ضغط هو عندك هنا والا لا هو انت سامعنى والا انا بتكلم مع نفسي صح
كان ظاهر على عشق أنها مش مظبوط
تركته وراحت دورت على جهاز ضغط فى البيت
كانت سلوى مصډومة مكانها من الصدمة مش قادرة تتعامل ندمت انها اتسرعت وأنها جاءت رغم رفيع طلب منها بعد الفرح ليه جيتي يا سلوى شفتى عملت ايه في ابنك ملحقتش تضمين وقع من ايدك بسرعة
فى نفس الوقت
اقتربت عشق منها بتسألها وبتقول
مدام انتى امه وكنت هنا متعرفيش بيشول علبة الاسعافات الاوليه فين وياتري في جهاز ضغط والا لا رد على إغماء كنان كدة يقلق هزتها من كتفها مدام سلوى




