رواية كاملة الجزء الاول بقلم دودو محمد

_____________________________________
خرجت قمر من غرفة والدتها وجلست بجوار بتول وتنهدت بقلق
نظرت لها بتول بأستغراب وقالت بتساؤل

-هى ماما عايزه ايوب ليه

نظرت لها بعدم معرفه وقالت
قمر :- مش عارفه هى طلبت تشوفه وبعد كده قالت ليا اخرجى انتى وسيبى هو معايا

نظرت لها بقلق وقالت
بتول :- ربنا يستر ثم نهضت وقالت
-انا هروح الحمام

نظرت بالمكان وقالت
قمر :- اومال فين ريان

اجابتها وهى تتحرك بأتجاه المرحاض وقالت
بتول :- قال هيروح يجيب حاجه من بره وجاى وتركتها وذهبت المرحاض

زفرت بضيق وقالت بنبره مختنقه
قمر :- يارب بقى عدى الايام دى على خير وفى ذلك الوقت وجدت مروان يأتى بأتجاها حملقت بعينيها بصدمه وقالت
-ا ا أستاذ مروان !!!!

هرول إليها وقال بتساؤل
مروان :- ازيك يا انسه قمر مامتك عامله ايه دلوقتى

نظرت له بعدم فهم وقالت
قمر :- ه ه هو حضرتك عرفت منين

أجابها بتوضيح وقال
مروان :- أيوب هو اللى قالى وكان لازم أجيلك بنفسى أطمن عليها

أبتسمت له بتوتر وقالت
قمر :- د د ده شرف ليا يا فندم

نظر لها بأستغراب وقال
مروان :- أنتى مالك بقيتى كيوت كده مع إن أول مره أشوفك فيها مكنتيش كده خالص

ردت عليها بتوتر وقالت
قمر :- اللى ما يعرفك يجهلك يا أستاذ مروان ا ا انا مكنتش أعرف شكلك ع ع علشان كده أتكلمت بالاسلوب ده م م معاك أنا اسفه م م مره تانيه على الطريقه اللى أتكلمت بيها مع حضرتك

ربت على كتفها وقال
مروان :- حصل خير ده كان سوء فهم وراح لحاله المهم دلوقتى خدى بالك من مامتك ومتشغليش بالك بأى مصاريف

نظرة إلى يده بأستغراب وأبتعدت عنه وقالت بنبره غاضبه بعض الشئ
قمر :- شكرا لحضرتك أحنا مش محتاجين حاجه ومصاريف العمليه دفعتها الحمدالله بس مش هقدر اجى الشغل اليومين دول لحد ما ماما تبقى كويسه

نظر إلى جسـ،ـمها بشهـ،ـوه وأبتلع ريقه بتوتر وقال
مروان :- م م مافيش مشكله وانا كل يوم هخلص الشغل واجيلك

زفرت بضيق من نظراته وقالت بضيق
قمر :- شكرا حضرتك متتعبش نفسك استاذ ايوب موجود معانا على طول

حرك يده على ذراعها وقال
مروان :- هو حاجه وأنا حاجه تانيه خالص

أبتعدت عنه مره أخرى وقالت
قمر :- لو سمحت ياريت تلزم حدودك وأيدك متمدهاش تانى عليا

نظر لها بتوتر وقال
مروان :- انا مقصدش حاجه انا بحاول اطيب خاطرك

زفرت بضيق وقالت
قمر :- من غير لمس لو سمحت وشكرا على الزياره تقدر حضرتك تمشى الوقت أتأخر وفى ذلك الوقت خرج أيوب من غرفة عفاف ونظر له بأستغراب واتجه إليه وقال

-مروان بتعمل ايه هنا

أجابه بثقه وقال
مروان :- جيت أعمل الواجب وأقف جمب الانسه قمر

نظر إلى قمر وجد ملامح وجهها متهـ،ـجمه فهم أن مروان فعل معها شئ زفر بضيق ونظر لمروان وقال
أيوب :- تعالى معايا يا مروان عايزك

نظر إلى قمر وقال
مروان :- بعدين خلى الكلام بعدين المهم دلوقتى نفضل جمب الانسه

نظر له بغضب وقد برزت عروق عنقه من شدة الغيظ أمسك ذراعه وقال
أيوب :- لاء لازم نتكلم دلوقتى وتحرك وخرجوا بعيدا عن قمر ونظر له بتساؤل وقال
-ممكن أفهم انت عايز ايه من قمر ؟!

نظر له بعدم اهتمام وقال
مروان :- ولا حاجه جيت أعمل الواجب

رد عليه بنبرة غاضبه وقال
أيوب :- مروان انا حافظك أكتر من نفسك أبعد عن البنات دول ملكش دعوه بيهم البنتين دول مش زى أى حد متخلنيش أندم أن أتصلت بيك وطلبت مساعدتك

نظر له نظره مطوله وقال
مروان :- أنت معجب بقمر ولا أيه ؟!

رد عليه بالنفى وقال
أيوب :- أيه الكلام الاهبل اللى انت بتقوله ده قمر مين دى اللى أحبها أنا لسه عارفها من كام يوم بس كل الحكايه أن البنتين دول بيفكرونى بأختى وعمرى ما هرضى أن حد يأذى أختى ولا يأذى البنات

رد عليه بعدم أهتمام وقال
مروان :- والله أنت لسه قايل أنك لسه تعرفها من كام يوم واكيد يعنى ملحقتش تعرف أخلاقها أيه انا هحاول معاها لو مؤدبه يبقى هترفض لو بنت من أياهم اللى دايما لابسين وش الشرف والعفه واول ما يشوفوا الفلوس يضعفوا يبقى مش خساره فيها قرشين امتع نفسى بيهم

صر على أسنانه بغضب وقال
أيوب :- أنت أيه يا شيخ شيطان أبعد عن قمر يا مروان ولو على الفلوس اللى هتشترى بيها شقتهم بلاش منها وأنا هشوف حد تانى يشترى شقتهم

رد عليه سريعآ وقال
مروان :- لأ طبعا أنا اللى هشترى الشقه هبعت الراجل بتاعى اللى راح الشقه، بالفلوس يشتريها بأسمه وبعد كده ينقلها بأسمى

زفر بضيق وقال
أيوب :- لاخر مره هقولها ليك أبعد عن قمر يا مروان وتركه ودلف إلى الداخل

أبتسم بعدم مبالاه وقال
مروان :- فيه حد يبعد بسهوله كده على حتة المهلبيه دى ده يبقى حمار وهرول إلى الداخل
_____________________________________
بقلمى#دودومحمد”رغـ،ـبة منتـ،ـقم “9

“البارت التاسع”

أستيقظت قمر من نـ،ـومها بأنفاس لاهثه وتتناثر حبات العرق من على جبينها نظرت أمامها بهلع عندما وجدت عيون أيوب تنظر لها بعينان كالصقر أبتلعت ريقها بصعوبه ونظرت حوالها بالمكان لكنها لم تجد أحد تكلمت بتلعثم وقالت

-ا ا اومال فين بتول؟؟

نظر لها نظره مطوله ثم قال

أيوب :- أختك عند أمك جوه في الأوضه

أبتلعت ريقها بخوف ونهضت سريعا وقالت

قمر :- ه ه هروح ع ع عندهم

وقف أمامها ونظر لها بأستغراب وقال

أيوب :- أنتى مالك متوتره كده ونفسك سريع كأنك كنتى بتجرى في سباق وكنتى بتتكلمى بخوف وأنتى نايمه وبتنادى على حد

حدقت به بصدمه والكلام وقف بحلقها

نظر لها وتابع تعبيرات وجهها مما ازادات رغبته في معرفة هذا السبب قائلا

أيوب :- لدرجاتى الموضوع خطير

حاولت أن تتحكم في خوفها قليلا أبتلعت ريقها وقالت بتلعثم

قمر:- و و ولا خطير و و ولا حاجه كل الحكايه أن أعصابى تعبانه شويه علشان مرض ماما وخايفه عليها وبشوف كوابيس في منامى

رد عليها بعدم أقتناع وقال

أيوب :- ممكن، عموما أنتى حره دى حياتك وأنتى حره فيها المهم حاولى تطمنى على مامتك بسرعه علشان زمان الناس جايه اللى هتشترى الشقه

تنهدت بحزن وأجابته بنبره مختنقه وقالت

قمر :-ماشى وتركته وذهبت إلى غرفة والدتها ودلفت إلى الداخل وأغلقت الباب خلفها وقالت

-صباح الخير

أجابتها والدتها بنبره حنونه وقالت

عفاف :- صباح النور يا بنتى مال وشك أصفر كده أنتى مش بتاكلى ولا أيه

أجابتها بتول سريعا وقالت

-بنتك بالعافيه أمبارح رضيت تاكل نص رغيف من الاكل اللى ريان جابه بليل وجعت قلبى معاها والله

نظرت لها بحزن وقالت

عفاف :- ليه بس يا بنتى هتقلقينى عليكى كدا

أمسكت يدها بحب وقبلتها وقالت بأبتسامه حزينه

قمر :- يا حبيبتى أنا طول عمرى اكلتى كدا يعنى مش حاجه جديده عليا وبعدين أنا هبقى كويسه بجد لما تعملى العمليه وتبقى كويسه وأحسن من الأول كمان سعتها بس الدمويه هترد في وشى وهرجع قمر بتاعة زمان المهم دلوقتى أن أطمنت عليكى هروح أنا بقى مع أيوب علشان الناس اللى هتشترى الشقه زمانهم جاين

تنهدت بحزن وقالت

عفاف :- ماشى يا بنتى خدى بالك على نفسك

أبتسمت لها بوجع وقالت

قمر :- حاضر يا ماما ونظرت إلى بتول وقالت

-خدى بالك من ماما لحد ما أجى يا بتول

أومأت برأسها وقالت

بتول :- حاضر روحى أنتى متشغليش بالك بحاجه وطمنينى لما تخلصى

أجابتها بحزن قائله

قمر :- ماشى سلام وخرجت من الغرفه وجدت أيوب ينتظرها ذهبت إليه وقالت

-يلا بينا أنا جاهزه

نظر لها وتحرك أمامها دون أن يلفظ بحرف

نظرت له بأستغراب وتحركت خلفه وقالت

قمر :- أنت مالك فيه حاجه حصلت

وقف مكانه ونظر لها بأستغراب وقال

أيوب :- حاجه!!! زى أيه مش فاهم

حركت كتفيها وقالت بعدم معرفه

قمر :- مش عارفه بس حاسه أنك من ساعة ما خرجت من عند ماما أمبارح وأنت متغير هي ماما قالتلك حاجه

تحرك مره أخرى وقال بأقتضاب

أيوب :- لأ ويلا أمشى بسرعه علشان أتأخرنا على الناس

هرولت خلفه وأوقف سيارة أجرة وذهبوا على الشقه
………………………………………………………….

بالشركه الخاصه بمروان

دلف مروان إلى المكتب الخاص به وجلس على مقعده وطلب السكرتير على هاتف المكتب وطلب منه أن يحضر له حالا وبعد عدة دقائق جاء السكرتير مهرولا إليه نظر له قائلا بأمر

-عايز الملف الخاص باللى أسمها قمر عاملة النظافه من شؤن العامله فوق ومتتأخرش عليا فاهم

أومأ برأسه وقال بطاعه

-حاضر يا فندم عن أذنك وخرج من المكتب وصعد الطابق العلوى وطلب من شؤون العمله الملف وبعد عدة دقائق عاد مره أخرى وأعطى الملف له وخرج

نظر بالملف بأهتمام شديد وألتقط هاتفه المحمول وأجرى أتصالا وبعد عدة ثوانى سمع صوت رجولى يأتي له من الهاتف قائلا

-مروان باشا عاش من سمع صوتك

أبتسم مجامله له وقال

مروان :- عامل أيه يا جمال

أجابه بسعاده قائلا

جمال :- بخير طول ما أنت بخير يا باشا

رد عليه وقال

مروان :-عايزك في شغلانه سريعه كده

أجابه بترحاب قائلا

جمال :- أمر يا باشا رقابتى سداده

رد عليه موضحا وقال

مروان :- هبعتلك اسم بنت وعنوانها عايزك تعرف كل حاجه عنها وعن أهلها مش عايز معلومه واحده تضيع من تحت أيديك فاهم

رد عليه بالطاعه وقال

جمال :- عيونى يا باشا بكره بالكتير يكون عندك كل المعلومات على مكتبك

رد عليه سريعا وقال

مروان :- بكره كتير أوى أنا عايز المعلومات تكون عندى النهارده بليل هبعتلك الاسم تنزل على طول علشان تلحق ماشى

أبتسم له وقال

جمال :- شكلها دخلت دماغ الباشا وعششت اوى علشان كده مستعجل

رد عليه بأمر وقال

مروان :- شوف شغلك وأنجز ومتدخلش في اللى ملكش فيه

تنحنح وقال

جمال :- أسف يا باشا بليل هيكون عندك كل حاجه تخصها سلام وأغلق السكه

أدخل أسم قمر بالكامل وعنوان بيتها وضغط على زر الارسال ووضع الهاتف على سطح المكتب وأرجع بظهره للخلف وقال

مروان :- مبقاش أنا مروان لو مكنتش أخليكى تبقى في حـ،ـضنى يا قمر
………………………………………………………………….

بالشقه الخاصه بعائلة قمر

وصلوا الإثنان الشقه وجدوا الرجال الخاصه بمروان ينتظروا قمر حتى تتم شراء الشقه نظرت بحزن لايوب وذهبت إليهم قال لها احد الرجال

-جاهزه يا أنسه علشان يتم البيع

أبتسمت له بحزن وقالت

قمر :- ايوه جاهزه الورق كله جوه بس بستأذن حضرتك تسيب ليا اسبوع بس لحد ما أشوف شـ،ـقه وانقل فيها الحاجه بتاعتنا

أبتسم لها الرجل وقال بترحاب

-على مهلك يا انسه قدامك اسبوع اتنين شهر انا كده كده هقفلها ومش هسكن فيها دلوقتى

تهللت اساريرها ونظرت لايوب بسعاده وقالت

قمر :- بجد!!! مش عارفه اقولك ايه شكرا جدا ليك هو شهر بالكتير والشقه هتبقى فاضيه

أبتسم لها وقال

-ان شاءالله ندخل الشقه بقى علشان نبدأ

ردت عليه سريعآ وقالت

قمر :- ا ا اه طبعا أنا اسفه الكلام اخدنى وفتحت الباب وقالت اتفضلوا

دلفوا جميعا إلى الداخل وتمت أجراءات البيع واتفقوا على توثيقها بالشهر العقاري أخر الاسبوع بعد أن تتم عملية والدتها واخذت النقود وغادروا المكان نظرت إلى النقود بدموع وقالت بحزن

قمر :- أهو شوية الورق دول هما سبب حزنى وكسرتى فى الدنيا لو كانوا موجودين معايا كنت عملت لماما العمليه من غير ما نترمى فى الشارع

نظر لها بعطف وقال

أيوب :- مهما كان اللى أنتى فيه فأنتى فى نعمه أحمدى ربنا عليها فيه ناس ظروفهم اسوء منك بكتير ومع ذالك بتحمد ربنا ليل نهار وراضيه بحكمه وقضائه

نظرت له وقالت بنبره مختنقه

قمر :- ومين قالك ان انا مش راضيه بقضاء الله بالعكس أنا دائما بحمد ربنا فى الضراء قبل السراء وعمرى ما أعترض على أمره وعارفه ومتأكده أن ربنا بيحبنا وكل أبتلاء وراه خير كبير من ربنا بس أنا و صمتت قليلا وقالت

-مش عايزه اصدعك بكلامى ومشاكلى كفايه انك معطل نفسك معانا

نظر لها نظره مطوله وقال

أيوب :- مافيش عطله ولا حاجه يا قمر أنا هروح أقدم على أجازه وأرجع تانى ليكم

ردت عليه سريعآ وقالت

قمر :- لالالا بلاش تقدم على أجازه مش مستاهله والله علشان أنت لسه ماسك فى الشركه جديد وميحصلش ليك مشكله ونكون احنا السبب

أبتسم لها وقال بنبرة هادئه

أيوب :- لأ متقلقيش انا من يوم ما أشتغلت فى الشركه دى فرع المنصوره عمرى ما أخد اجازه مش هيحصل حاجه لو عملتها مره

أبتسمت له وقالت

قمر :- على فكره بقى أنت طلعت شهم جدآ أكتر من أخويا اللى من لحمى ودمى

رد عليها بأمتنان وقال

أيوب :- على أيه بس أنا معملتش غير الواجب وأى حد مكانى كان هيعمل زى ما أنا عملت وأكتر كمان

وفى ذلك الوقت دلف محروس وقال بنبرة تهكم

-أجبلكم شجره واتنين ليمون طيب

زفرت بضيق وقالت

قمر :- قال يعنى بيهمك أمرنا اوى

رد عليها بتهكم وقال

محروس :- وانا مالى بيكم اياكش تولعوا المهم هاتى حقى خلينى اروح اكمل مشروعى

نظر له بغضب وقال بضيق

أيوب :- طيب هروح أنا شقتى يا قمر لما تخلصى قوليلى علشان اوصلك المستشفى قبل ما أروح الشركه

نظرت له بترجى وقالت

قمر :- ممكن تخليك معانا ارجوك

أبتسم لها وقال

أيوب :- حاضر وجلس على المقعد المجاور لها

أخذت الحقيبه المتواجد بها النقود وقامت بفتحها

نظر إلى النقود وسال لعابه وقال بطريقه مستفزه

محروس :- يا ابويا كل دى فلوس ولعت معاكم يا ولاد المحظوظه

نظرت له بغضب وقالت

قمر :- أنت أيه يا أخى معندكش دم بتبص على الفلوس اللى أمك هتعمل بيها العمليه أنت أكيد مش بنى أدم أنت شيطان

رد عليها بضيق وقال

محروس:- بقولك ايه بلاش تعيشى عليا دور الملاك وهاتى فلوسى وخلصينى

أغلقت عينيها حتى تتحكم فى أعصابها وزفرت بضيق وقامت بعد النقود إلى أن وصلت للعدد المطلوب وأغلقت الحقيبه مره أخرى وقالت

قمر :- أتفضل فلوسك أهى بس من هنا ورايح أنسى أن ليك أهل ومتجيش تخبط علينا بابنا

أبتسم بتهكم وقال

محروس :- مش لما يبقى ليكم باب الاول أبقى أجى أخبط عليه وأخذ النقود ونهض وقال سلام يا بنت أمى وابويا وغادر المكان

بصقت على الأرض وقالت بدموع

قمر :- غبى وحيوان ووضعت يدها على وجهها واجهشت بالبكاء

نهض من على المقعد وجلس على الأريكة بجوارها وقال

أيوب :- أهدى يا قمر اللى زى ده ميستهلش دموعك خليكى قويه لأن أنتى دلوقتى أساس البيت لو وقعتى الكل هيوقع وراكى

ردت عليه من بين شهقاتها وقالت

قمر :- بيت فين البيت ده يا أيوب أحنا خلاص بقينا فى الشارع وبدل ما يستر علينا بيعايرنا

ربت على كتفها وقال

ايوب :- شقتى موجوده اقعدوا فيها براحتكم وانا هروح أقعد عند خالتى ولما ربنا يسهل أبقوا أنقلوا شـ،ـقه تانيه وانا أرجع تانى شقتى

حدقت به بصدمه وقالت

قمر :- مينفعش يا أيوب يعنى أحنا نقعد فى شقتك اللى بتدفع إيجارها وتروح أنت تقعد عند خالتك لاء طبعا أنا مستحيل أقبل بكده أنا بس هطمن على ماما بعد ما تعمل العمليه وهنزل أشوف شـ،ـقه وأدور على شغل اضافى علشان أقدر ادفع الايجار بتاعها وكدا كدا الراجل مدينا شهر بحاله اكون ظبط فيها نفسى

نظر لها بضيق وقال

أيوب :- بس انا مش عايزك تقعدى فى الشقه دى يوم واحد

نظرت له بأستغراب وقالت

قمر :- ليه !!!

زفر بضيق وقال

أيوب :- كده وخلاص هاتى الفرش كله هحطه فى اوضه واحده وانتى وامك واختك اقعدوا فى الاوضه التانيه وانا هسيب ليكم الشقه تقعدوا فيها براحتكم وانا هبقى أجى أطمن عليكم من وقت لتانى

نظرت له بتساؤل وقالت

قمر :- ممكن افهم انت ليه مش عايز تخلينا نقعد هنا فى الشقه مع إن الراجل رحب بكده وقال مافيش مشكله لأنه كدا كدا هيقفلها

أغلق عينه بتوتر وقال

أيوب :- ك ك كده ونهض وقال ا ا انا هروح شقتى وانتى خلصى علشان اوصلك المستشفى قبل ما اروح الشركه وتركها وهرول على شقته

نظرت له بأستغراب وقالت

قمر :- ده ماله ده وحركت كتفيها بعدم فهم وأغلقت باب الشقه وأتجهت إلى المرحاض حتى تأخذ حماما دافئا

……………………………………………………..

بالمشفى

خرجت بتول من الغرفه الخاصه بوالدتها واتفاجئة بوجود ريان أتجهت له وقالت بتساؤل

بتول :- ريان انت ايه رجعك تانى مش قولت هتروح تغير هـ،ـدومك وتروح الجامعه

أقترب منها وقال

ريان :- روحت غيرت هـ،ـدومى بس مقدرتش اروح الجامعه واسيبك لوحدك هنا

أبتسمت له وقالت بحب

بتول :- على فكره بقى انت مجنون اوى

نظر لها بحب وقال

ريان :- مجنون بيكى والله أنتى عارفه أنا بقيت أشوفك على طول قصاد عينى حتى وانا نايم بشوفك فى أحلامى

نظرت له بخجل وقالت

بتول :- م م ماشى أنا هروح أشترى ميه

وقف أمامها وقال

ريان :- استنى انا جيبت ميه وأكل علشان تاكلوا

نظرت له بغضب وقالت

بتول :- ريان بلاش كدا لو سمحت ماما لو عرفت اللى بيحصل ده هتزعل اوى ياريت متعملش كده تانى مش علشان سمحت انك تشترى اكل امبارح هتسوق فيها اتفضل قولى الحاجه دى عامله كام

زفر بضيق وقال

ريان :- فيها ايه بس يا بتول دى حاجه بسيطه يعنى وانتى على طول بترفضى تخدى منى فلوس قولت اشترى ميه وأكل علشان تتغدوا ده ظرف طارق يعنى محصلش حاجه لكل ده

ردت عليه بغضب وقالت

بتول :- لأ حصل لما يبقى مافيش حاجه ما بينا رسمى وتصرف عليا انا وامى واختى يبقى فيه وسعتها بقى يبقى امك ليها حق تقول علينا طمعانين فيكم وانا عمرى ما هقبل بكده احنا الحمدالله مستوره ومش منتظرين حاجه من حد

امسكها من ذراعها وقال

ريان :- طيب ممكن تهدى انا اسف يا ستى ومش هعمل كدا تانى مدام ده بيضايقك بس علشان خاطرى أهدى وبلاش تعصبى نفسك

نظرت الاتجاه الاخر وردت عليه بضيق وقالت

بتول :- ماشى وهمت أن تتحرك

وقف أمامها وقال

ريان :- خلاص بقى متزعليش والله ما هعمل كده تانى انا مقصدش ازعلك منى

نظرت له بضيق وقالت بترجى

بتول :- ارجوك يا ريان خد بالك من افعالك شوية راعى الظروف اللى احنا فيها وموقف زى اللى انت عملته ده يجرحنى انا هعتبره شفقه منك علينا حتى لو انت نيتك مش كده بس الفرق الاجتماعى اللى ما بينا هيفرض الشعور ده عليا

أبتسم لها بحب وقال

ريان :- حاضر هاخد بالى من تصرفاتى بعد كده اهم حاجه متزعليش منى

أبتسمت له وقالت

بتول :- لأ خلاص مش زعلانه منك

نظر لها بحب وقال

ريان :- هو انا مقولتلكيش أن بحبك اوى قبل كده

أبتسمت له بخجل وقالت

بتول :- ل ل لأ و و و هات الميه علشان ماما عايزه تشرب

أبتسم على خجلها وقال

ريان :- من عيونى ادخلى جوه وانا هجيب الميه لحد عندك وبالمره اتعرف على حماتى

أحمرت وجينتها من شدة الخجل وركضت إلى الغرفه

خرج ريان إلى السياره وحمل الشنط المتواجد بها الطعام والشراب وهرول إلى الداخل مره اخرى وطرق على باب الغرفه فتحت له بتول وقالت بتوتر

-م م ماما د د ده ريان صديق ليا فى الجامعه

دلف الغرفه وقال

ريان :- ألف سلامه عليكى يا أمى ونظر إلى بتول وقال

-جبتلك الحاجه اللى انتى عايزاها اهو وعلى قد الفلوس اللى انتى دفعتيها خدى منى الحاجه يا بنتى

حملقة به بأستغراب ووقفت مكانها

نظر لها وقال

ريان :- ما تخدى يا بتول هتفضلى واقفه مكانك كده

أنتبهت لحالها وقالت

بتول :- ها ا ا اه ش ش شكرا واخدت منه الشنط

ذهب عند عفاف وقال

ريان :- انا لو مكنتش عارف ان الاوضه دى بتاعة ام بتول كنت اول ما شوفتك فكرتك اختها ايه بس يا مزه الحلاوه دى انا كدا هغير رأى خالص الصراحه

أبتسمت على كلامه وقالت

عفاف :- شكلك شقى يا واد و لمض

نظر لها وقال بزعل مزيف

ريان :- خالص والله ده انا طيب وغلبان وبدور على عروسه قوم ايه القدر يرمينى على بتول قوم ايه مامتها تدلع شويه قوم ايه أجى اشوفها قوم ايه أعجب بيها واقع فى حبها

تعالت ضحكاتها وقالت

عفاف :- يوه يخربيت عقلك يا ولا دمك زى الشربات

امسك يدها وقبلها وقال

ريان:- ولما انا دمى شربات تبقى انت ايه يا عسل انت يا طعم

نظرت لهم بزعل مزيف وقالت

بتول :- ربنا يهنى سعيد بسعيده

نظر لها وقال بأستفزاز

ريان :- ونجيب سعيد وسعيده صغنين كده يملوا علينا البيت بقى

ردت عليه بتهكم وقالت

بتول :- هه خفه

قهقه على طريقتها وقال

ريان :- الام وبنتها سكر يا ناس اعمل ايه بس ياربى

أمسكت يده وقالت

عفاف :- أقعد هنا متخدنيش فى دوقه وقولى بقى ايه عجبك فى بنتى عن البنات اللى معاك فى الجامعه

نظر لها بحب وقال

ريان :- قوليلى ايه اللى معجبكش فى بنتى انا بتول عجبتنى كلها على بعضها مفيهاش غلطه ادب واحترام وجمال واحتشام وعزة نفس وكرامه عقلها كبير وفى نفس الوقت طفله شقيه عصبيه اوى وفى نفس الوقت هاديه وكيوت بصى من الاخر كده بعشقها حتى لو فيها عيوب بمـ،ـوت فيها ومش هكمل حياتى الا معاها وبيها

نظرت له بخجل وقالت بتلعثم

بتول :- ا ا انا خارجه بره اجيب حاجه وخرجت تركض من الغرفه

نظرت له وشعرت بصدق كلامه وكان واضح مشاعره بعينه أبتسمت له وقالت

عفاف :- على قد الحب اللى شيفاه فى عينك لبنتى على قد ما أنا حبيتك يا ابنى

تنهد بحب وقال

ريان :- انا عديت مرحلة الحب دى من زمان اوى يا أمى أنا بقيت مجنون بتول بجد بقيت حافظ كل حاجه فيها بتحب ايه بتكره ايه بتتعصب من ايه بتفرح من ايه ايه الألوان اللى بتحبها أيه الاكلات اللى بتمـ،ـوت فيها ايه هو المشروب المفضل ليها انا حفظتها اكتر من المنهج اللى عليا والله ياريت الامتحانات يجيبوها ليا عن بتول كنت أخد جائزة نوبل والله

نظرت له بسعاده وقالت

عفاف :- وانا مش هتمنى لبنتى اكتر من كده وتنهدت بحزن وقالت

-انا كده لو مـ،ـوت هكون مطمنه على بناتى معاكم

نظر لها بأستغراب وقال

ريان :- ربنا يبارك فى عمرك وتقومى بالسلامه يارب، بس تقصدى مين معايا اللى هتكونى مطمنه على بناتك معانا

وفى ذلك الوقت دلفت قمر ومعها بتول نظر لهم وقال بتساؤل

ريان :- اومال فين ايوب

اجابته بتوضيح وقالت

قمر :- راح الشركه هياخد أجازه وجاى على هنا تانى

تذكر كلام عفاف له نظر لها بأستغراب ثم أعاد النظر إلى قمر وأعاد نظر مره أخرى إلى عفاف وقال

ريان :- معقول اللى جه فى دماغى ده صح أيعقل

نظرة له بأستغراب وقالت

بتول :- أنت بتقول ايه يا ريان

نظر لها وقال

ريان :- ها لا ولا حاجه

نظرت إلى والدتها بسعاده وقالت

قمر :- أنا خلاص يا ماما دفعت فلوس العمليه والدكتور هيجى هيكشف عليكى ويحدد اليوم

نظرت لها بحزن وقالت

عفاف :- خلاص الشقه اتباعة

جلست بجوارها وقبلت رأسها وقالت

قمر :- فى داهيه الشقه المهم أنتى يا ماما وبعدين أيوب هيسبنا نقعد فى الشقه بتاعته وهو هيروح يقعد عن خالته

رد عليها بسعاده وقال

ريان :- والله ابن خالتى ده راجل بجد وأنا فخور بي

نظرت لها بضيق وقالت

عفاف :- مينفعش يا بنتى نقعد فى شـ،ـقة الراجل وهو يروح يقعد عند خالته

ردت عليها سريعآ وقالت

قمر :- والله العظيم قولتله كده يا ماما بس هو صمم بس أنا طبعا مش هسكت اطمن عليكى بس وهشوف شغل تانى وهدور على شـ،ـقه بس نقعد عنده فى الشـ،ـقه مؤقتا كده

نظرت لها بضيق وقالت بتساؤل

بتول :- البيه شرف واخد نصيبه

تنهدت وردت عليها بنبرة مختنقه وقالت

قمر :- ايوه

تكلمت بغضب وقالت

بتول :- بنى أدم واطى وجبان اللهى ما يلحق يصرفهم إن شاءالله

أنهمرت الدموع من عين عفاف

نظر لها بضيق وقال

ريان :- أنتى يا بنتى ملافظ السعد ونظر بعينه لعفاف

نظرت بتول بضيق لعفاف وقالت

-انا اسفه يا ماما مقصدش أزعلك والله أصل أنا متغاظه أوى منه ونفسى أخنقه اطلع روحه بأيدي الاتنين دول

ردت عليها بضيق وقالت

قمر :- مش فى ايدينا حاجه غير اننا نستحمل قرفه وانانيته دول فى الاول والاخر ده اخونا ومن لحمنا ودمنا

ردت عليها بغضب وقالت

بتول :- لحم ودم فاسدين ومهما عملنا هيفضل زى السم فى حياتنا ينغص علينا عيشتنا

تكلم بنبره غاضبه وقال

ريان :- ما خلاص بقى خلى عندك شوية دم وأفصلى علشان خاطر مامتك

وضعت يدها على فمها وقالت

بتول :- اهو هتكتم مش هنطق تانى

نهض وأخذ قارورة الماء وعاد مره أخرى بجوار عفاف وقال

ريان :- خدى يا أمى أشربى شوية مية

اخذتها منه وقالت بحب

عفاف :- تسلم يا أبنى من كل شر و أرتشفت منها عدة رشفات وإعادتها له مره أخرى

………………………………………………………….

بقلمى #دودومحمد

“رغـ،ـبة منتقـ،ـم”10

“البارت العاشر”

وصل أيوب الشركه ودلف إلى مكتبه وجد فؤاد يجلس أمام مكتبه ألقى السلام عليه وجلس على مقعده نظر له بقلق وقال

فؤاد :- عامل أيه يا أبنى

أجابه بأبتسامه هادئه وقال
أيوب :- بخير يا عم فؤاد

سأله بقلق واضح وقال
فؤاد :- متعرفش حاجه عن قمر مش أنت ساكن قصاد شقتها

رد عليه مطمئنن له وقال
أيوب :- أمها تعبت جدا وحالتها خطر ودخلت المستشفى وهتعمل العمليه

حدق به بصدمه وقال
فؤاد :- لا حولا ولا قوة إلا بالله حصل أمته ده

رد عليه بحزن وقال
ايوب :- امبارح

تكلم بحزن وقال
فؤاد :- فى مستشفى ايه علشان ابقى اروح ليهم بعد الشغل

اجابه بإبتسامه وقال
أيوب :- فى مستشفى (…..)

رد عليه بشكر وقال
فؤاد :- شكرا يا ابنى زعلت والله البت قمر غلبانه والاخ الوحيد اللى معاها حاله مايل وهى الراجل والست فى وقت واحد ربنا يريح قلبها ويسعدها يارب

أبتسم له وقال
أيوب :- يارب

نظر له بأحراج وقال
فؤاد :- معلش يا أبنى فى السؤال أنت متجوز

رد عليه بهدوء وقال
أيوب :- لأ، منين بس يا عم فؤاد هات شاب فى سنى معاه يتجوز ولا يفتح بيت انا تلاتين سنه وبلاقى لقمتى بالعافيه

تنهد بحزن وقال
فؤاد :- ربنا معاكم شباب اليومين دول غلابه

نهض وقال له بأبتسامه
أيوب :- أحنا فى زمنا ده الواحد يحمد ربنا على أنه قادر يستحمل ويكمل فى الدنيا من غير ما يوقع ولا يتكسح اهو الحمدالله على كل شئ عن أذنك هروح أقدم على أجازه وخرج وتركه وذهب عند مروان وطرق على الباب وسمع صوت مروان يأذن له بالدخول فتح الباب ودلف وأغلق الباب خلفه وأتجه إلى المقعد وجلس وقال

-خد ده طلب أجازه

نظر له بأستغراب وقال
مروان :- أشمعنا

زفر بضيق وقال
أيوب :- ما أنت عارف ليه قمر أخدت فلوس الشقه وهتعمل العمليه لامها ولازم أبقى معاها فى الوقت ده

رفع أحد حاجبيه للأعلى وقال
مروان :- ومن أمته الاهتمام ده ولا البت عجبتك وغمز له وقال لو جات معاك سكه عندى المكان خدها وروح عيش يومين معاها وابقى سيب شويه لصاحبك

هدر به بغضب وقال
أيوب :- أيه الدماغ الوس** دى هو أنت مافيش فى دماغك غير الحاجات دى متعرفش يعنى أيه شرف وأخلاق متعرفش يعنى ايه ضمير وتعمل خير وتوقف جنب ولايا مش معاهم راجل متعرفش يعنى ايه رجوله من اساسه يا مروان

رد عليه وقال
مروان:- لاء معرفش بس كل اللى أعرفه أن البنت جسـ،ـمها نـ،ـار وأنا مش على بعضى من ساعة ما شوفتها ومش هرتاح غير لما أخليها فى حـ،ـضنى

نظر له بتحذير وقال
أيوب :- لاخر مره أقولك يا مروان أبعد عن قمر أحسن أقسم بالله أنسى الصداقه اللى ما بينا واقف ليك واعرفك مقامك أنضف بقى وخليك راجل مره واحده فى حياتك يا اخى
ونهض وقال
-الطلب عندك اهو عايز تقبله وتوافق عليه اقبله مش عايز براحتك انا ماشى

نهض سريعآ وقال
مروان :- انت يا أبنى فيه أيه بقيت حمقى اوى زياده عن اللزوم كده ليه أهدا خلاص مش هقرب منها شكلك وقعت على بوزك ومحدش سمى عليك

نظر له بغضب وقال
أيوب :- عمرك ما هتتغير ومفكر أن أى عـ،ـلاقه ما بين راجل وست السـ،ـرير وبس وخرج وتركه

نظر له بشر وقال
مروان :- هى كبرت فى دماغى وهتبقى فى حـ،ـضنى وقريب اوى وعاد مره أخرى جلس على مقعده
………………………………………………………….
بالمشفى

خرج ريان من غرفة عفاف بعد أن هاتفه أعلن عن وجود مكالمه هاتفيه ضغط على زر الاجابه وقال

-ايوه يا ماما فيه ايه

ردت عليه بنبرة غاضبه وقالت
رشا :- انت فين كده بقالك يومين بتختفى ومش بتنام فى الفيلا

أجابها بنبرة هادئه وقال
ريان :- أنا فى المستشفى مع بتول مامتها تعبت جدا وهتعمل العمليه

هدرت به بغضب وقالت
رشا :- لسه برضه ماشى مع البنت النصابه دى انت ليه مش بتسمع الكلام

رد عليها بنبرة مختنقه وقال
ريان :- ارجوكى يا امى افهمينى انا بحب بتول ومش هقدر اعيش من غيرها وهى مش نصابه حتى اسألى أيوب أبن اختك طلع ساكن قصادهم ويعرفهم كويس اوى انتى عارفه لو شوفتيها هتحبيها على طول

زفرت بضيق وقالت
رشا :- دى لو اخر بنت فى الدنيا برضه مش هوافق عليها وبعدين انت خلاص هتتجوز اسيل بنت خالتك وأعمل حسابك تيجى النهارده على الغدا علشان انا عزماهم

رد عليها بغضب وقال
ريان :- مش هاجى يا ماما ومش هتجوز اسيل مهما عملتى انا بحب بتول ومش هتجوز غيرها

هدرت به بغضب وقالت
رشا :- ولد أنت اتجننت أزاى تكلمنى كده

رد عليها بحزن وقال
ريان :- اسف يا ماما مقصدش بس انا بحب بتول ولو حصل ايه مش هتجوز غيرها

تكلمت بنبرة تهديد وقالت
رشا :- ماشى يا ريان اعمل حسابك لو مجتش على الغدا النهارده لا انت ابنى ولا اعرفك وأغلقت المكالمه

زفر بضيق وركل الحائط بقدمه بغضب ثم استدار وجد بتول تقف خلفه والدموع تسيل على وجينتها نظر لها نظره مطوله وقال بتلعثم

ريان :- ب ب بتول ا ا انتى هنا من أمته

نظرت له بحزن وقالت
بتول :- أسمع كلام امك يا ريان روح ليها وانسانى

نظر لها بغضب وقال
ريان :- ايه الكلام الاهبل اللى بتقوليه ده مليون مره أقولك اتمسكى بيا زى ما أنا متمسك بيكى ومستحيل أفرط فيكى مش كل ما يحصل حاجه تقولى امشى وانسانى فين حبك ليا يا بتول

نظرت له بدموع وقالت
بتول :- بحبك يا ريان بس مش عايزه تحصل مشاكل بينك وبين مامتك بسببى هى أهم منى يا ريان هى أحق بيك منى مش هكون سعيده ومبسوطه طول ما أنا شيفاك بتتألم بسبب بعدك عن امك انا بحبك بس مش انانيه عايزاك بس عايزه اشوفك سعيد اكتر وسعادتك بالقرب من امك ورضاها

نظر لها بحب وتكلم بنبرة هادئه وقال
ريان :- وانا بحبك ومستحيل أفرط فيكى بالسهوله دى ومتشغليش بالك بأمى أنا وأيوب هنعرف نقنعها هى بس مسألة وقت مش أكتر أمك تعمل العمليه ونطمن عليها وبعد كده أفضى ليها أنا وأيوب

نظرت له وقالت بوجع
بتول :- هو الفقير وحش اوى كده
طيب مش ذنبى أن ربنا خلقنا كده ولا الغلطه غلطتى لما فكرت أحب واحد مش من توبى

هدر بها بغضب وقال
ريان :- بتووووول بلاش كلام ملوش معنى قولتلك متشغليش بالك بماما انا وأيوب هنعرف نقنعها يا بت بحبك فوق ما تتصورى ومافيش حد هيقدر يبعدنا عن بعض مهما حصل

نظرت له بدموع و أومأت برأسها وقالت من بين شهقاتها
بتول :- ماشى

نظر لها وتنهد بحزن وقال
ريان :- علشان خاطرى بلاش دموعك دى تانى والله العظيم بتقـ،ـتلنى لو عايزانى اصرخ واقول لدنيا بحالها أن بحبك اعملها والله بس أشوف الابتسامه فى عيونك على طول

أبتسمت له بحب وقالت
بتول :- مجنون وتعملها بص أنا مش زعلانه بس علشان خاطرى روح اتغدا معاهم النهارده علشان مامتك متزعلش

زفر بضيق وقال
ريان :- ماشى هروح فى السريع وجاى بس لما يجى أيوب علشان يبقى معاكم

أبتسمت له بحزن وقالت
بتول :-م م ماشى أنا هدخل عند ماما وتركته ودلفت الغرفه

تنهد بضيق وجلس على المقعد الخاص بالمشفى ووضع يده على وجهه وقال
ريان :- ربنا يهديكى يا امى وتشيلى اللى فى دماغك ده
…………………………………………………….
بشركة مروان

سمع مروان صوت طرق على باب غرفة مكتبه أذن له بالدخول وجده جمال حدق به بصدمه وقال

-ايه ده أنت لحقت !!!!

أبتسم له بثقه وقال
جمال :- تربيتك يا مروان باشا واصلا البت دى هى واهلها عايشين فى حاره صغيره بس معروفين هناك والمعلومات كلها فى الملف ده

ألتقطه منه بسعاده ونظر به بأهتمام شديد وأبتسم بشر وقال
مروان :- الله ينور عليك يا جمال حلو اوى كده المعلومات دى وعرفت هدخل ليها منين

أبتسم بسعاده وقال
جمال :- رقابتى سداده يا باشا مش محتاج منى أى حاجه

رد عليه سريعآ وقال
مروان :- هحتاجك كتير الفتره الجايه هبقى اكلمك وأفهمك وأخرج ورقه خاصه بالبنك ومدون به عدد مالى وأعطاه إياه وقال
-دى حاجه بسيطه تحت الحساب ولم يحصل اللى أنا عايزه هيكون ليك مكافئه كبيره اوى

أخذ منه بسعاده وقال
جمال :- من يد ما نعدمها يا باشا ونهض وقال
-منتظر اتصالك انا تحت الخدمه سلام وخرج وتركه

نظر إلى الملف بسعاده وقال
مروان :- اخيرا عرفت هجيبك عندى أزاى ونهض سريعآ أخذ الملف معه وخرج من المكتب وهرول إلى الأسفل صعد سيارته وذهب بها على الفيلا الخاصه به وخلفه سيارة الحرس الخاص به
……………………………………………………..
بالفيلا الخاصه بعائلة ريان

دلف ريان وملامح وجهه متجهمه ألقى السلام وصعد على غرفته نظرت رشا بأحراج إلى شقيقتها وابنتها وقالت لهم مبرره أفعاله

-معلش يا جماعه أصله بيرجع من الجامعه طالع عينه ومش طايق نفسه أنا هطلع اطمن عليه ونهضت سريعا وهرولت إلى الأعلى وفتحت باب غرفته ودلفت وأغلقت الباب خلفها وقالت بغضب

-ايه قلة الذوق اللى فيك دى أزاى تدخل على اوضك كده على طول وتحرج خالتك وبنت خالتك

زفر بضيق وقال بنبرة مختنقه
ريان :- أنا قولت السلام عليكم وبعدين كنتى عايزانى اعمل ايه يعنى ادخل اخدهم بالبـ،ـوس والاحـ،ـضان وبعدين بقى علشان نبقى على نور أنا هاكل اللقمه معاكم وهمشى على طول أنا نفذت كلامك وجيت الغدا لكن أكتر من كده متلاقيش

نظرت له بغضب وقالت بتوعد
رشا :- ماشى يا ريان اعمل اللى انت عايزه وخرجت وتركته

نظر لها بضيق وبدل ملابسه ونظر إلى الهاتف الخاص به وتنهد بحزن وجلس على السرير وأجرى اتصال ببتول وانتظر الرد وبعد عدة ثوانى سمع صوتها تقول له

بتول :- ريان فيه حاجه ولا ايه

أجابها بحب وقال
ريان :- واحشتينى

أبتسمت له وقالت
بتول :- وربنا مجنون أنت مش لسه ماشى من هنا أنا قولت زمانك قاعد مع بنت خالتك ونسيتنى

رد عليها بغضب وقال
ريان :- مقدرش انساكى مهما حصل وانا اصلا لو قصادى بنات الدنيا كلها مش هشوف غيرك أنتى وبس خليكى واثقه من كده يا بتول وأنا أتصلت بيكى دلوقتى مخصوص علشان حاسس بيكى وبوجع قلبك وقلقك عليا وانا قاعد معاهم تحت وكل ربع ساعه هبعت ليكى مسج علشان تعرفى ان قلبى وعقلى معاكى وعارفه لو مردتيش عليا هعمل فيكى ايه ولا حاجه طبعا علشان أنتى عمرى يلا أسيبك مؤقتا وأنزل أكل وأنتى كلى دلوقتى حالا من الاكل اللى عندك ولو ملكيش نفس للأكل ده ابعتلك اللى نفسك فيه

ردت عليه بحب وقالت
بتول :- لاء متبعتش حاجه انا هاكل من الاكل اللى موجود يلا باى

رد عليها سريعآ وقال
ريان :- استنى

ردت عليه بقلق وقالت
بتول :- ايه فيه ايه

ابتسم وقال
ريان :- بحبك

ردت عليه بضيق وقالت
بتول :- اخص عليك يا ريان خضتنى والله

تعالت ضحكاته وقال بحب
ريان :- سلامتك من الخضه يا قلبى

أبتسمت وقالت
بتول :- سلام يا مجنون وأغلقت السكه

نظر إلى الهاتف بضيق وقال
ريان :- بحبك اوى يا بتول ومتأكد أنك دلوقتى زعلانه بس بتحاولى تدارى زعلك ده وهاب واقفا ووضع الهاتف بجيب البنطال الخاص به واتجه إلى الباب وفتحه ونزل إلى الأسفل وجلس على الأريكة دون أن يلفظ بحرف واحد نظرت له أسيل وقالت

-عامل ايه يا ريان

أجابها بأقتضاب وقال
ريان :- كويس

نظرت له وقالت بنبره هادئه
اسيل :- معلش أستحمل شويه هانت خلاص سنه وتخلص اومال انا أعمل ايه اللى الثانويه العامه طلعت روحى ولسه قصادى الكليه اللى هدخلها يعنى انت فى نعمه يا أخى مش زى مطحونه

نظر لها بعدم فهم وقال
ريان :- مش فاهم وده دخله أيه دلوقتى

ردت عليه موضحه كلامها وقالت
اسيل :- خالتو قالت أنك بترجع من الكليه مهدود وطالع عينك علشان كده بقولك كده

حرك رأسه بعدم أهتمام وقال
ريان :- اه ماشى

نظرت إلى شقيقتها وقالت
رشا :- تعالى معايا عايزه أتكلم معاكى فى حاجه كده وأخذتها وذهبت بعيد وتركت ريان مع أسيل

زفر بضيق ونهض قال
ريان :- عن اذنك انا هخرج أشم شوية هوا فى الجنينه

نهضت هى الأخرى وقالت
اسيل :- اوك وانا كمان هطلع معاك بره أشم شوية هوا

زفر بضيق وخرج وخرجت خلفه أسيل وقالت
-ريان

نظر لها وقال
ريان :- أيوه

نظرت له بسعاده وقالت
اسيل :- أنت ليه عايز تتجوزنى يعنى ايه عجبك فيا

نظر لها بضيق وقال
ريان :- مين قالك أن انا عايز اتجوزك من اساسه يا أسيل أنتى بالنسبه ليا بنت خالتى أو أختى الصغيره مش أكتر

حدقت به بصدمه وقالت
اسيل :- بس خالتو طلبت أيدى من ماما وقالت أنك أنت اللى عايز كده والفرح بعد ما أنت تخلص

نظر لها بضيق وقال
ريان :- دى رغبة ماما مش رغبتى يا أسيل أنا مطلبتش ايديك ولا قولت عايز اتجوزك

نظرت له بدموع وقالت
اسيل :- أنت فيه حد فى حياتك

أجابها بحب وقال
ريان :- ايوه بتول معايا فى نفس الكليه عشقتها من اول لحظه عينى جات فى عينيها بقت هى كل حياتى استحوذت على كل كيانى وعينى مبقتش تشوف غيرها وقلبى عمره ما هيدق غير ليها هى وبس

جلست على المقعد بحزن وقالت بخزلان
اسيل :- ربنا يسعدكم مع بعض

جلس على المقعد المجاور لها وقال
ريان :- مش عايزك تزعلى يا أسيل قلوبنا مش بأيدينا انا مكنتش عايز كل ده يحصل والله بس ماما مصممه تنفذ اللى فى دماغها حتى لو اللى هى هتعملوا ده هيجرح قلوب كتير أسيل أنا طول عمرى بعزك زى أختى الصغيره بالظبط وأنتى لسه صغيره والعمر كله قدامك بكره تقابلى واحد يحبك وتحبيه بجد

أبتسمت له أبتسامه حزينه وقالت
اسيل :- اه ان شاءالله

أبتسم لها وقال
ريان :- بعد ما امها تخرج من المستشفى بالسلامه هخدك ليها أعرفكم على بعض وانا متأكد انك هتحبيها اوى والله

ردت عليه بأبتسامه مزيفه وقالت
اسيل :- أكيد مش ذوقك أكيد هتتحب عن أذنك هدخل أشوف ماما وخالتو بيعملوا ايه وتركته ودلفت إلى الداخل

نظر لها حتى أختفت من أمام نظره وأخرج هاتفه وقام بالاتصال ببتول وانتظر الرد

اجابته بسعاده وقالت
بتول :- يا أبنى انت مش لسه قافل معايا

تعالت ضحكاته وقال
ريان :- واحشتينى الله اعمل ايه

ردت عليه بتلعثم وقالت
بتول :- و و وهى راحت فين

رد عليها سريعآ وقال بتساؤل
ريان :- هى مين

ردت عليه بضيق وقالت
بتول:- متستعبطش انت عارف أنا بسألك على مين

رد عليها بأبتسامه وقال بأستفزاز
ريان :- اااااه قصدك يعنى على اسيل دى لسه داخله حالا جوه كنا قاعدين فى الجنينه مع بعض

ردت عليه بغضب وقالت
بتول :- والله طيب ربنا يهنى سعيد بسعيده يلا سلام

رد عليها سريعآ وقال
ريان :- أستنى يا مجنونه هنا هى فعلا كانت قاعده معايا بس كنت بكلمها عليكى قولتلها قد ايه أنا بحبك ومقدرش أحب غيرك وعرفتها أن انا مش عايزها وهى أكد دلوقتى هترفض طلب ماما منها

أبتسمت بسعاده وقالت بعدم تصديق
بتول :- بجد يا ريان

رد عليها بحب وقال
ريان :- وحياة بتول عندى بجد بس انا فرحان اوى

سألته بأستغراب وقالت
بتول :- اشمعنا يعنى

أجابها بحب وقال
ريان :- علشان شوفت غيرتك عليا ربنا يخليكى ليا وميحرمنيش منك يارب

أبتسمت بخجل وقالت
بتول :- ولا يحرمنى منك هسيبك بقى واروح أشوف ماما باى وأغلقت السكه

تنهد بحب وأبتسم بسعاده ووضع الهاتف بجيب البنطال مره أخرى وهرول إلى الداخل
………………………………………………………..
بالمشفى

جلست قمر بالمقعد المجاور لسرير والدتها وقالت بقلق

-أن شاءالله هتعملى العمليه وهترجعى أحسن من الأول كلها اربعه وعشرين ساعه وهنفوق من ام الكابوس ده بقى

أبتسمت لها برضا وقالت
عفاف :- أن شاءالله يا بنتى بس أمانه عليكى لو حصل ليا حاجه خدى بالك على أختك وسامحوا أخوكم وقولوا ليه قلبى وربى راضين عليه ليوم الدين

أنهمرت الدموع من عينيها وقالت
قمر :- أن شاءالله هتقومى بالسلامه وهترجعى تجمعينا كلنا من جديد بالله عليكى يا ماما متقوليش الكلام اللى بيوجع قلبى ده تانى

ربت على يدها وقالت بحنان
عفاف :- سلامة قلبك يا بنتى ثم أكملت كلامها بتساؤل وقالت
-اومال أيوب راح فين

ردت عليها وقالت
قمر :- قاعد بره قال يسيبنا قاعدين مع بعض براحتنا

نظرت لها وقالت بنبره مطمئنه
عفاف :- طلع أبن حلال غير ما احنا كنا مفكرين راجل بجد يعتمد عليه

أبتسمت لها وقالت بتأكيد
قمر :- فعلا يا ماما واقف جنبنا من غير أى مقابل وبيعمل معانا اللى المفروض يعملوا معانا اللى من لحمنا ودمنا

نظرت لها بتساؤل وقالت
عفاف :- لسه بتشوفى نفس الحلم

أجابتها بالتأكيد وقالت
قمر :- أيوه يا ماما لسه شايفه نفس الحلم ده الصبح واول ما فتحت عينى شوفت نفس العيون اللى كنت شيفاها فى الحلم عيون أيوب وهو بيبص ليا وأنا نايمه أنا مبقتش فاهمه حاجه اللى أنا شيفاه أنه طيب وراجل بجد وبيساعدنا غير ما بشوفه فى الحلم نظرة عينه ليا كلها انتقام وشر عيونه مخيفه نفسى أفهم ليه ده بالذات اللى بشوفه فى الحلم من قبل حتى ما أقبله التفكير هيجننى يا ماما

تنهدت بقلق وقالت
عفاف :- خير ربنا يجعله خير يا حبيبتى

نهضت وقالت بأبتسامه
قمر :- يارب يا ماما يارب انا هروح اشوفه وهبعت ليكى بتول

وفى ذلك الوقت الباب اتفتح وقالت
بتول :- أنا جيت من نفسى أهو ودلفت إلى الداخل

نظرت لها قمر بسعاده وقالت
-ربنا يفرح قلبك دايما يا حبيبتى ويسعدك خلى بالك من ماما على ما اروح أشوف ايوب وخرجت وأغلقت الباب خلفها وأتجهت إلى أيوب وجلست على المقعد المجاور له وقالت

قمر :- لو تعبان روح الشقه ريح شويه وابقى تعالى

أبتسم لها وقال
ايوب :-لأ مش تعبان انا قاعد لحد ما أطمن على الحاجه ولو حسيت بشوية تعب أبقى اسيب ريان معاكم واروح اريح ساعتين فى الشقه وابقى اجى ده لو يعنى تعبت

أبتسمت له بحب وقالت
قمر :- شكرا

نظر لها وقال بتساؤل
أيوب :- أنتى ليه مصممه كل شوية تشكرينى انا معملتش حاجه لشكر، اللى بعمله معاكم ده شئ طبيعى والله

رد عليه سريعآ وقالت
قمر :- لأ مش شئ طبيعى على الأقل فى زمنا ده مبقاش حد يهمه مصلحة حد الكل بقى أهم حاجه عنده مصلحته وبس لكن اللى أنت بتعمله معانا دلوقتى ده مبقاش موجود يا أيوب أنت بتعمل معانا اللى مفروض اخويا اللى من لحمى ودمى هو اللى يعمله

نظر لها نظره مطوله وقال بنبرة مختنقه
أيوب :- يمكن علشان كنت بتمنى أن أمى تكون عايشه وأعيش خدام تحت رجليها خوفى من فقدان أمك رعبنى كأنها أمى انا والله

نظرت له بتساؤل وقالت
قمر :- أنت مامتك ميته

رد عليها بحزن وقال
ايوب :- ايوه من وانا صغير

نظرت له بدموع وقالت
قمر :- وخالتك اللى ربيتك

رد عليها بحزن وقال
ايوب :- لأ ابويا أتجوز واحده علشان تربينى بعد مـ،ـوت ماما بفتره صغيره

تنهدت بضيق وقالت
قمر :- عندك اخوات

أبتسم بحب وقال
ايوب :- عندى ولدين وبنت ولد أصغر منى بست سنين فى كلية تجاره وتوأمه بنت فى كلية صيدله وولد فى ثانوى

ردت عليه بتساؤل وقالت
قمر :- بتحبهم بقى

رد عليها بحزن وقال
أيوب :- أيوه طبعا بحبهم اوى

تسألت بأهتمام وقالت
قمر :- وهما بيحبوك زى ما أنت بتحبهم

تنهد بضيق وقال بنبرة مختنقه
أيوب :- اختى وأخويا الصغير بيحبونى وكل فترة يتصلوا بيا يطمنوا عليا أنما أخويا اللى بعد منى لأ دايما شيفنى عدو ليه مع إن عمرى ما أذيته وبخاف عليه أكتر من نفسى

نظرت له بحزن وقالت بأسف
قمر :- أسفه لو أدخلت فى اللى مليش فيه وأسألتى اللى مبتخلصش بس كان عندى حب أستطلاع أعرف حياتك معرفش ليه

نظر لها نظره مطوله وقال
أيوب :- تعرفى أن أنا نفسى معرفش حكيت ليكى أنتى بالذات ليه بس ارتحت معاكى بالكلام أنا مش من الطبيعى أحكى حياتى الشخصيه لأى حد

نظرت بعينه وسرحت بهم رغم خوفها الشديد منهم إلا أنها أحبت النظر إليهم أنتبهت لحالها وابتلعت ريقها وخفضت عينيها إلى الأرض وأعتدلت بجلستها وقالت بتلعثم
قمر :- أ أ أنا صدعتك معلش

أبتسم لها وقال
أيوب :- بالعكس حبيت الكلام معاكى اوى ومحستش بصداع خالص

نظرت له مره أخرى وقالت
قمر :- ها

رد عليها بحب وقال بتساؤل
أيوب :- ممكن أنا بقى المرادى اللى أسألك

أومأت برأسها بالموافقه وقالت
قمر :- ا ا اه طبعا أسأل

نظر لها نظره مطوله وقال
أيوب :- مين اللى أنتى كنتى بتقولى ليه بترجى وانتى نايمه أستنا هنا قولى أنا فين

الكلام وقف بحلقها أبتلعت ريقها بصعوبه وقالت
قمر :- د د ده كابوس بشوفه على طول فى منامى وبصحه منه زى ما أنت شوفتنى كده

أطال النظر لها ثم قال
أيوب :- لدرجاتى الحلم ده صعب ومخيف

نظرت له بحزن وقالت
قمر :- فوق ما تتخيل وعلى قد ما هو بيزعجنى على طول بس أكتر وقت بتمنى فيه أن مشفهوش تانى دلوقتى يا أيوب

وفى ذلك الوقت تفاجئوا بوجود محروس نظرت له بضيق ونهضت سريعا ووقفت أمامه وقالت بغضب
-انت !!! انت بتعمل ايه هنا مش خلاص أخد نصيبك

رد عليها بغضب وقال
محروس :- وانتى مالك أنا جاى أشوف أمى هى فين

ردت عليه بغضب وقالت
قمر :- أمك !!! دلوقتى أفتكرت أمك وافتكرت انك تسأل عليها أمشى يا محروس وملكش دعوه بينا

أمسك ذراعها وضغط عليه وهدر بها بغضب وقال
محروس :- فين أمى أنطقى لكسرك دراعك
وفى ذلك الوقت اتفاجئ بدفعه شديده ارجعته للخلف

وقف أيوب أمام قمر وقال بغضب
-بلاش تعيش دور الرجوله وأنت متعرفش حاجه عنها

أمسك به وقال بغضب
محروس :- أنت مالك بتدخل فى اللى ملكش فيه ليه

هدرت به بغضب وقالت
قمر :- كفايه فضايح بقى الناس بتتفرج علينا أمك عندك فى الاوضه دى أتفضل أدخلها

نظر له نظره تحذير وقال
محروس :- يا ويلك لو محروس حطك فى دماغه تبقى انتهيت ودفعه بعيد عنه وذهب إلى الغرفه

نظرت له بدموع وقالت بأسف
قمر :- أنا اسفه يا أيوب نيابة عنه هو طول عمره كدا علشان خاطرى متزعلش

نظر لها وقال بنبرة هادئه
أيوب :- وانتى ذنبك أيه علشان تتأسفى هو اللى بنى أدم همجى أنا سكت علشان خاطرك والله عارفه لو حد تانى عمل معايا كدا كنت طلعت روحه بأيديا

أبتسمت له بحزن وقالت
قمر :- شكرا يا أيوب ثم نظرت له بتساؤل وقالت
-هو عرف أزاى أن احنا فى المستشفى دى وأنا مقولتش ليه مكانا ؟!!!!!!!
………………………………………………………
بقلمى#دودومحمد”رغـ،ـبة منتقـ،ـم”11

“البارت الحادى عشر”

بالمشفى

دلف محروس الغرفه الخاصه بوالدته ورقد على ركبتيه وامسك يدها وقال بدموع مزيفه

-ألف سلامه عليكى يا اما انشالله انا وانتى لأ سامحينى يا اما مكنتش أعرف أنك تعبانه اوى كده أنا غبى أنا حمار

نظرت له بدموع وربت على يده وقالت
عفاف :- اهدا يا أبنى أنا كويسه يا حبيبى متقلقش

ردت عليها بتهكم وقالت
بتول :- وانتى يدخل عليكى الشويتين اللى أبنك بيعملهم دول ده أنانى مش بيحب الا نفسه شوفى مجيته دى وراها أيه أكيد وراها مصيبه شبه وشه

نظر لها بغضب وقال
محروس :- بت أنتى حطى لسانك جوه بؤقك لاقطعهولك

نظرت له بكره وقالت
بتول :- لأ خوفتنى اوى الصراحه يا أبنى أنت ليه مش عايز تقتنع أنك نوع بس فى البطاقه وانك على الحقيقه أحنا أرجل منك بكتير

نهض وأتجه إليها بغضب وصفعها على وجينتها بشده

نظرت له بغضب وقالت
بتول :- مش بقولك أنك نوع بس فى البطاقه واخرك تمد أيديك علينا علشان تثبت رجولتك

نظرت له بحزن وقالت
عفاف :- ليه بس كده يا محروس

نظر لها بغضب ثم نظر إلى والدته وقال
محروس :- مش شايفه طولت لسانها

أبتسمت بتهكم وقالت
بتول :- أيه الكلام بيوجعك معتقدش يعنى أنت اصلا معندكش دم بارد أنت أيه جابك مش خلاص أخد نصيبك من الشقه غور بقى وسيبنا فى حالنا بنكرهك يا محروس وجودك معانا فى نفس المكان بيخنقنا

نظرت لها بضيق وقالت
عفاف :- كفايه بقى يا بنتى نازله فى أخوكى اهانه من ساعة ما دخل

حدقت بها بصدمه وقالت بغضب
بتول :- بدافعى عنه !! لسه يا ماما بدافعى عنه بعد اللى حصل فينا بسببه

نظر لها بأستفزاز وقال
محروس :- مـ،ـوتى بغيظك طول عمرك بتغيرى منى علشان امك بتحبنى اكتر منكم انتوا يا بنات

نظرت له بغضب وقالت
بتول :- والله وانت بقى مفكر كده هنسيب امنا لوحدها ونزعل بعينك يا محروس وايا كان اللى انت جاى علشانه وبتعمل ده كله ليه مش هيحصل وعيونا مفتحه عليك ورينى بقى هتوصل لهدفك اللى شبه وشك ده ازاى ونظرت له بأحتقار وخرجت من الغرفه

حرك يده على رأسه ثم نظر إلى والدته وقال بضيق مزيف
محروس :- شايفه بناتك يا اما مش طيقانى ازاى وانا اللى كنت جاى وبقول اقف جنبكم علشان انا رجلكم أنا مش عارف بناتك بيكرهونى كده ليه مع أن انا بحبهم والله وجلس بجوارها ووضع رأسه على صدرها وظل يبكى بتمثيل

ربت على كتفه بحنو وقالت
عفاف :- معلش يا حبيبى متزعلش من اخواتك البنات هما بيحبوك بس واخدين على خاطرهم منك شويه وهما قلبهم أبيض بينسوا الزعل بسرعه استحملهم علشان خاطر أمك يا حبيبى

قبل يدها وقال
محروس :- حاضر يا أما علشان خاطر عيونك أنتى هستحملهم

قبلت رأسه وقالت
عفاف :- ربنا يبارك ليا فيكم يا حبيبى ..
………………………………………………………..
خرجت بتول من الغرفه وركضت بعيد حتى لا تراها قمر وجلست على الأرض وظلت تبكى وفى ذلك الوقت شعرت بيد على كتفها وصوت ريان يتسأل بقلق قائلا

-بتول مالك بتعيطى ليه

أزاحت عبراتها سريعا ونهضت وابتسمت له بتوتر وقالت
بتول :- ها ا ا انا كويسه اهو مافيش حاجه

نظر لها بعدم تصديق وقال
ريان :- كدابه يا بتول أنتى كنتى بتعيطى دلوقتى أوعى تكونى زعلانه من موضوع اسيل أنا خلاص أتصرفت والموضوع خلص والله

ردت عليه سريعآ وقالت
بتول :- لالالا أنا مش زعلانه علشان كده أنا واثقه فيك ب ب بس يعنى قلقانه على ماما شويه

تنهد بضيق وقال
ريان :- خضتيني عليكى يا بتول أنا قولت زعلانه منى ولا حاجه ثم تنهد مره أخرى وقال
-أطمنى يا حبيبتى أن شاءالله هتعمل العمليه وتبقى كويسه

أبتسمت له بحزن وقالت
بتول :- أن شاءالله تعالى يلا نروح عند قمر وأيوب وأستدارت حتى تتحرك

حدق بها بصدمه وهدر بغضب قائلا
ريان :- بتول مين مد أيده عليكى

نظرت له بتوتر وقالت
بتول :- ها م م محدش مد أيده عليا يا ريان

وضع يده على وجينتها وقال بغضب
ريان :- اومال ده ااااايه حد مد أيده عليكى وضـ،ـربك بالقلم يا بتول قوليلى مين وانا أقسم بالله أمحيه من على وش الأرض وهدر بها بغضب وقال
-انطقى مين مد أيده عليكى

انتفضت من مكانها و نظرت له بدموع وقالت
بتول :- م م محروس أخويا

صر على أسنانه بغضب وقال
ريان :- فين زفت الطين ده

نظرت له بتوتر وقالت
بتول :- ع ع عند ماما فى اوضتها

تحرك والشرار يتطاير من عينه وأتجه إلى الغرفه

ركضت خلفه وأمسكت يده بترجى وقالت
بتول :- علشان خاطرى بلاش بترجاك يا ريان ده مهما كان أخويا ولو حصل حاجه قصاد ماما هتزعل وتتعب لانها متعلقه بمحروس اخويا اوى

وقف مكانه وركل الحائط بقدمه وقال بغضب
ريان :- الغبى الحيوان انا هكسره أيده اللى مدها عليكى دى

نظرت له بترجى وقالت
بتول :- علشان خاطرى اهدا يا ريان لو بتحبنى بجد اهدا

نظر لها بحب وقال
ريان :- بحبك والله العظيم بحبك وطول ما أنا عايش فى الدنيا هعيش علشان احميكى من الدنيا بحالها حتى أقرب الناس ليكى

أبتسمت له بحب وقالت
بتول :- وانا مش عايزه حاجه من الدنيا غير كده تفضل جنبى و تحميني

تنهد بحب وقال
ريان :- أوعدك يا بتول هفضل جمبك و احميكي

نظرت له وقالت
بتول :- وانا واثقه فيك يلا بينا نروح عند قمر وأيوب لحد ما محروس يمشى نبقى ندخلها أحنا نقعد معاها

أبتسم لها وقال
ريان :- ماشى يلا أمشى وتحركوا الاثنين وذهبوا عند قمر وجلسوا على المقاعد الخاصه بالمشفى ينتظروا خروج محروس من الغرفه
………………………………………………………..
جاء يوم أجراء العمليه الجراحيه الخاصه بعفاف ودخلت غرفة العمليات بعد أن ودعت الجميع تحت دموع قمر وبتول وبوجود ايوب وريان ومحروس ومروان

جلسوا الاختان بالأرض وظلوا يبكوا بقلق بالغ على والدتهم أقترب مروان من قمر وربت على كتفها دفعت يده بعيد عنها قائله بغضب

قمر :- لو سمحت قولتلك مليون مره متلمسنيش أقترب منهم أيوب وقال بتساؤل

-فيه أيه

أجابه بعدم أهتمام وقال
مروان :- مافيش ده مو

تدخلت بالكلام وقالت بغضب
قمر :- لأ فيه مليون مره أقوله ميلمسنيش وهو مصمم كل شويه يمد أيده عليا

أغلق عينه بغضب وقال
أيوب :- تعالى معايا يا مروان عايزك

زفر بضيق وذهب معه

واقفوا بمكان بعيد ونظر له بغضب وقال بضيق
أيوب :- مش هتبطل شغل الوسا** اللى فيك ده يا مروان يعنى شايف البنت هتمـ،ـوت على أمها ومش سيبها

رد عليه بغضب وقال
مروان :- بقولك ايه متعملش عليا واصى واحده ولاقيتها بتعيط وبواسيها غلط فى أيه أنا

رد عليه بتهكم وقال
أيوب :- المشكله ان انا حفظك اكتر من نفسك يا مروان وأعمل حسابك دى أخر مره هحذرك فيها أبعد عن قمر يا مروان وملكش دعوه بيها انا لحد دلوقتى عامل حساب الصداقه اللى ما بينا ومش عايز ازعلك بس خد بالك بقى علشان صبرى بدأ ينفذ وتركه وعاد مره أخرى عند قمر

نظر له بغضب وقال بشر
مروان :- فات كتير ومش متبقى الا القليل يا أيوب والشاطر اللى يضحك فى الاخر وعاد مره أخرى عندهم

تكلم محروس بنبره مستفزه وقال
-واحنا هنفضل واقفين كده لحد ما تخرج من جوه أنا هروح أشرب سيجاره و كوباية شاى بره حد عايز حاجه اجبها معايا

الجميع نظر له بأشمئزاز ولم يجيبوا عليه ثم خرج وتركهم

بصقت على الأرض بغضب وقالت
بتول :- بنى أدم واطى وجبان ومعندهوش دم

نظرت لها وقالت من بين دموعها
قمر :- سيبك منه يا بتول متشغليش بالك بيه

نظر مروان إلى قمر نظره شهوانيه وهرول إلى الخارج

زفر بضيق وقال بنبرة مختنقه
مروان :- ممكن بقى كفايه عياط وتهدى أنا مقدر خوفك وقلقك على أمك بس أنتى كده ممكن يحصلك حاجه يا بتول وأخذ قارورة الماء وقال
-خدى أشربى شوية ميه وأهدى علشان خاطرى

أخذت منه الماء وأرتشفت منها عدة رشفات وأعطتها لقمر ونظرة له بعينين منتفختين من كثرة البكاء وقالت
بتول :- أنا مش قادره أتخيل أن ماما جوه بتعمل عمليه وبتتألم وأنا قاعده هنا مش فى أيدى حاجه أعملها ليها ياريت كنت أقدر أشيل عنها الألم ده مكنتش سيبتها لحظه واحده تتألم

تكلم بنبرة حنونه وقال
ريان :- يا بتول ربنا ليه حكمه فى كده وأحنا لازم نصبر على قضاء الله بإذن الله أمك هتعمل العمليه وهتبقى كويسه وأحسن من الاول كمان بس أدعلها انت أحسن من دموعك دى اللى مش بتوقف ثانيه واحده

أومأت برأسها بالموافقه وقالت
بتول :- حاضر هسكت أهو بس ممكن أطلب منك طلب

رد عليها سريعآ وقال
ريان :- أه طبعا قولى

ردت عليه قائله
بتول :- عايزه مصحف أقرى فيه لحد ما ماما تخرج من جوه

أبتسم لها وقال
ريان :- من عيونى دقايق ويكون عندك وهرول إلى الخارج

نظر أيوب إلى قمر وقال
-وأنتى يا قمر مش محتاجه حاجه

أجابته من بين شهقاتها وقالت
قمر :- عايزه ماما تخرج بالسلامه وتخدنا فى حـ،ـضنها وتحسسنا بالأمان والطمأنينة زى ما متعوده

أبتسم لها وقال بنبرة مطمئنه
أيوب :- هتخرج أن شاءالله وهتبقى أحسن من الاول بس قولى يارب وهو قادر على كل شيء

ردت عليه بدموع وقالت
قمر :- يارب يارب يارب أحنا ملناش غيرك

وفى ذلك الوقت جاء ريان وقال
-خدى المصحف أهو يا بتول وانتى يا قمر جبتلك واحد علشان تقروا فيه

أخذوا المصحف من ريان وأبتسمت له وقالت بحب
بتول :- شكرا يا ريان

أبتسم لها وقال
ريان :- اقروا فيه لحد ما امك تخرج من العمليات بالسلامه ونظر إلى أيوب وقال
-ايوب فيه موضوع مهم عايزك فيه

نظر له بأستغراب وقال
أيوب :- قول فيه أيه يا ريان

تكلم سريعا وقال
ريان :- تعالى بعيد علشان البنات تعرف تقرأه فى المصحف براحتها

أومأ برأسه بالموافقه قائلا
أيوب :- ماشى يلا بينا وذهبوا الإثنان إلى مكان بعيد

نظرت لشقيقتها بأستغراب وقالت
بتول :- يا ترى ريان عايز أيوب فى أيه معقول يكون فيه مشكله مع أمه بسببى

تنهدت بضيق وقالت بدموع
قمر :- مش وقته يا بتول أقرى فى المصحف وانتى ساكته

أومأت رأسها بقلق وقالت
بتول :- ماشى وفتحت كتاب الله الشريف وبدأت تقرأ به
……………………………………………………….
مرت الساعات عليهم كالدهر فى توتر وخوف شديد محاوله من ايوب وريان التخفيف عليهم ولكن شعور الفقدان يرهبهم وبعد ساعات طويل خرج الطبيب من غرفة العمليات والجميع هرول إليه تكلمت بكلمات متقطعه قائله

قمر :- طمنى يا دكتور بالله عليك امى عامله ايه دلوقتى

أبتسم لها وقال بنبرة مطمئنه
-والدتك الحمدالله زى الفل والعمليه نجحت بنسبة كبيرة جدا وهى حاليا فى غرفة الإفاقه وبعد كده هتدخل العنايه المركزه تمانيه وأربعين ساعه اللى هما ساعات الخطر وان شاءالله مجرد ما يمر الوقت ده وتبقى كل حاجه بخير هنبدأ نتابع معاها خطة العلاج ما بعد الجراحه

أبتسمت له بدموع وقالت
بتول :- شكرا يا دكتور ربنا يكرمك ويجبرك يارب أنا مش عارفه أقولك ايه بجد

أبتسم لها وقال
-متقوليش حاجه ده شغلى أنا معملتش حاجه أكتر من كده حمدالله على سلامه الحاجه عن أذنكم وتركهم وغادر المكان

نظرت إلى أيوب بسعاده وقالت
قمر :- اخيرا ماما عملت العمليه ونجحت يا أيوب أخيرا الكابوس ده انزاح من على قلوبنا

أبتسم لها بسعاده وقال
أيوب :- حمدالله على سلامتها ربنا يتمم شفائها على خير يارب

أبتسم لها بحب وقال
ريان :- مبروك نجاح العمليه يا بتول

ردت عليه بسعاده وقالت
بتول :- الله يبارك فيك يا ريان أنا حاسه نفسى بحلم

أقترب مروان من قمر وقال
-حمدالله على سلامة ماما

أبتسمت له بضيق وقالت بأقتضاب
قمر :- شكرا

نظر له بغضب وزفر بضيق وقال
أيوب :- تعالوا نستنوها هناك عند العنايه المركزه

أومأوا رأسهم بالموافقه وذهبوا إلى الطابق العلوى المتواجد به غرفة العنايه المركزه وأنتظروا وصول عفاف
………………………………………………………
مرت الايام وخرجت عفاف من المشفى بعد أن تم شفائها وذهبت بالشقه الخاصه بأيوب بعد أن أصر عليهم بالعيش بهذه الشقه وأنتقل هو بالعيش بالفيلا الخاصه بخالته رشا

دلفت قمر الغرفه الخاصه بأيوب ونظرت إلى صورته المتعلقه بالحائط وأرتسمت بسمه على ثغرها وأفاقت على صوت شقيقتها تقول لها

بتول :- سيدى يا سيدى شكل الحب ولع فى الدره يا سعديه

تنحنحت وجلست على السرير وقالت بتلعثم
قمر :- ا ا انتى ق ق قصدك ايه

جلست بجوارها وقالت
بتول :- الحب بان عليك يا جميل مين يصدق بس أنك تحبى أيوب بعد الخوف اللى كنتى خايفه منه

ردت عليها بتوتر وقالت
قمر :- ا ا احب أيوب ا ا ايه الجنان اللى أنتى بتقوليه ده لاء طبعا ح ح حب أيه بس هو فعلا طلع جدع ووقف جنبنا ومسبناش لحظه واحده وكمان قعدنا فى شقته وطلع غير ما كنا مفكرين ب ب بس مش لدرجة أن أحبه

نظرت لها نظره مطوله ثم قالت
بتول :- يا بنتى أنتى مش شايفه لمعة عينك لما بتتكلمى عنه ده الحب هينط من عينك نط ثم تنهدت وقالت
-الحب عمره ما كان عيب يا قمر وهو كمان شكله بيحبك انتى مبتشوفيش نظرته ليكى بتبقى عامله أزاى سيبى قلبك يا قمر الحب حلو اوى أحلى حاجه فى الدنيا دى بحالها بتحسى نفسك طايره فى السما من كتر السعاده اللى بتحسى بيها وانتى جنب اللى بتحبيه الحب بيخليكى مسامحه حتى عدوك بيخليكى شايفه الدنيا كلها ألوان يخليكى تحبى كل حاجه حتى نفسك

أبتسمت لها وقالت بسعاده
قمر :- سيدى يا سيدى بركاتك يا سى ريان خليت البت شاعره يا بت أجمدى ومتبقيش سايحه على نفسك كده

أبتسمت لها وقالت
بتول :- بحبه اوى يا قمر وحبيته أكتر فى الفتره الاخيره دى لما وقف جنبنا فى تعب ماما وأتقرب لينا أكتر مفهوش غلطه

ردت عليها بحب وقالت
قمر :- ربنا يسعدكم يا حبيبتى يارب

تنهدت بحزن وقالت
بتول :- قولى ربنا يهدى امه علينا وتوافق على جوازنا بدل ما هى رأسها والف سيف انها تجوزه بنت خالته دى

أبتسمت لها وقالت
قمر :- ربنا يهديها عليكم يا حبيبتى