دودود محمد الجزء الثاني

“البارت الثامن”
جلست على السـ,,ـرير والدـ,,ـموع اـ,,ـنهمرت منها مره اخرى وإشارات على عنـ,,ـقها بيد مرتعـ,,ـشه
جحظت عيناه بصدـ,,ـمه وقال بعدم تصديق
عدى: احميها من اللى قت/ل ابوكى!؟
اومأت رأسها بدموع وأشارت بيدها حتى يأتى و يجلس بجوارها
نظر إلى يدها واقترب إليها وجلس بجوارها ونظر لها بأهتمام وقال بتساؤل
عدى:انتى ابوكى مات مق/تول ؟
اشارت له بيدها حتى ينتبه لها جيدا وبدأت تحرك يدها والدـ,,ـموع تنهمر منها
ظل يتابعها جيدا حاول فهم ما تريد قوله لكنه ليس بالاتقان التام فى فهم لغة الإشارة تكلم سريعا وقال
-انت عايزه تقولى أن ابوكى اتق/تل وانتى صغيره وعيشتى مع خالك وكان عايز يشغلك معاه فى الشغل المشبوه
اشارت بيدها معنى نصف كلامه صحيح والنصف الآخر لا
تنهد بضيق وقال
-طيب واحده واحده ماشى
اول حاجه أن ابوكى اتق/تل صح كده
اومأت رأسها بالتأكيد
اردف حديثه قائلا
-وعيشتى مع خالك
نظرت له بحزن واومأت رأسها
اكمل كلامه وقال
-يبقى ايه اللى مش صح فى كلامى بقى
اشارت على عنقها وأخرجت لسانها وظلت تصفع عنقها بدموع
امسك يدها حتى يمنعها وتكلم سريعا وقال
-اهدى يا حنان علشان خاطرى
وفى ذلك الوقت تقابلة أعينهم ببعض ابتلع ريقه بتوتر ونظر إلى شفتيها واقترب منهما ببطئ تعالت أنفاسه عندما تلامست شفتيهم ببعض
أغلقت عينيها كأنها مغيبة تعالت أنفاسها وابتلعت ريقها بصعوبه وتمسكت به أكثر
شعر أنه سوف يتمادا ويفعل شئ يندم عليه ابتعد عنها سريعا وهب واقفا واعطاها ظهره اغلق عينه حتى يهدأ قليلا وقال بصوت مرتبك
-ا ا انا اسف معرفش عملت كده ازاى وجودنا م م مع بعض فى مكان زى ده لوحدنا بيدى فرصه لشيطان يلعب بينا بعد كده هتصل بيكى اطمن عليكى وكل فتره هجيب ليكى الطلبات وتخديها منى من على الباب مش عايز نعمل حاجه نندم عليها بعد كده عن اذنك
وتحرك بأتجاه الباب ثم وقف فاجئه ونظر لها وقال
-ومتقلقيش أنا هراجع الكاميرات واعرف مين اللى جاتلك النهارده وهحميها زى ما طلبتى منى
وخرج مسرعا وغادر البيت
ظلت مغلقه عينيها بأنفاس لاهثه تراجعت إلى الخلف تمدت على السرير حركت أناملها على شفتيها وتذكرت ما حدث منذ قليل ابتسمت بحب لكنها سريعا ما تلاشت هذه الابتسامه عندما تذكرت عدى ذلك الطفل العنيد عندما كان يغازلها بكلمات الحب منذ الصغر وعندما واعدها بالزواج عند الكبر تذكرت والدتها لقد اشتاقت لها كثيرا انهمرت دموعها بغزاره وضعت يدها على وجهها وتحدثت داخلها قائله
-واحشتينى اوى يا ماما يا ترى شكلك بقى عامل ازاى دلوقتى تلاقيكى حزينه على فراقى ودموعك مفرقتش عيونك اكيد حاسه بيا وباللى أنا حاسه بى اكيد حاسه بوجع قلبى نفسي الاقيكى واترمى فى حضنك نفسي ارتاح واعيش حياتى جنبك واتجوز عدى زى ما كنا بنحلم زمان
ثم تنهدت بحزن وقالت بداخلها
-عدى !! اكيد نسانى واتجوز مش معقول يكون عايش مستنى طول السنين دى اكيد حب واحده وعاش حياته ما لازم ده يحصل طبيعى يعنى هيستنى على أساس ايه ما اكيد كلهم فكروا أنى ميته ومليش وجود فى الدنيا
وفى ذلك الوقت اغلقت عينيها وذهبت فى سبات عميق.
…………………………………………………………
عند زين وحور
وصلوا إلى إحدى المطاعم جلست حور على المقعد وجلس زين على المقعد المقابل لها نظر لها بحب وقال بنبره هادئه
-مش عايزك تخافى طول ما انا جنبك يا حور قولتلك اتقدملك علشان تكونى مطمنه رفضى وقولتى نستنى شويه ايه مقلق كده بقى
تنهدت بضيق وقالت بتوضيح
حور :يا زين بابا لو عرف حاجه زى دى مش هيعديها بابا عمره ما هيقبل أن بنته تروح وتيجى مع شاب حتى لو الشاب ده مين ومش قلة ثقه ولا حاجه هو طبعه كده معودنا على الصراحه ولو فيه حاجه نقولها ليه قبل اى حد تانى علشان لو عرف الخبر من بره مش هيحصل كويس هو اه بيحبك وبيحترمك جدا وخالتوا بتول غاليه عنده جدا بس حتة انك ابن اخو اللى كان السبب فى اللى حصل لنغم اختى دى مخوفانى اوى خايفه تكون عائق فى علاقتنا بعد كده انا مش هقدر اعيش من غيرك ولا هقبل أنك تبعد عنى علشان كده طلبت منك نأجل الخطوه دى شويه
نظر لها بضيق وقال
زين :أنا كنت خايف من النقطه دى زيك كده بس عدى طمنى وقالى أن عم أيوب وخالتى قمر مش بيفكروا بالطريقه دى واكيد مش هيبص لنقطه دى
زفرت بضيق وقالت بصوت مختنق
حور:مش عارفه بقى انا كل اللى خايفه منه أنك تبعد عنى أنا مقدرش اعيش من غيرك
امسك يدها بحب ونظر بعينيها وقال بأبتسامه هادئه
زين :متخافيش يا حور أنا عمرى ما هسيبك مهما حصل أنا ما صدقت لاقيت الحب الحقيقى معاكى وانتى عرفانى من صغرى مليش فى الحوارات ولا الملوعه علشان كده اول ما حسيت بمشاعر ليكى بتتولد جوايا جيت وقولتلك على طول
ابتسمت له بحب وقالت
حور :وده اللى وقعنى فيك من زمان شخصيتك الجميله الهاديه الجد المحترمه تقلك كان مجننى ومع ذلك كنت بحبك اكتر
وضع قبله صغيره على يدها وقال بأبتسامه هادئه
زين :ده انا كنت غبى بقى علشان القمر واقع فى حبى من زمان وانا مش حاسس
تكلمت بصوت هامس وقالت
حور :البعيد كان غبى وحمار بس اعمل ايه بحبك
تعالت ضحكاته على كلماتها وقال
زين :سمعتك على فكره
احمرت وجينتها بخجل وقالت بتوتر
حور :ه ه هو احنا مش هناكل ولا ايه انا جعانه
أشار بيده إلى النادل حتى يأتى لهم وطلب الطعام دقائق معدوده كان أمامهم الطعام على الطاوله وبدأوا يتناولوا .
………………………………………………………..
عاد وليد إلى المنزل بأرهاق شديد القى التحيه على بتول لكنه وجدها تجيب عليه بوجه عابس جلس بجوارها وتكلم بقلق قائلا بتساؤل
-مالك يا قلبى ايه مزعلك
تكلمت بصوت مختنق وقالت
بتول :مافيش هقوم احضرك الاكل
امسك يدها سريعا وقال بضيق
وليد :استنى يا بتول أنا مش عبيط عنك انتى مضايقه من حاجه انا حفظك لما تكونى زعلانه
تكلمت بغضب وقالت
بتول :حال ابنك عدى مش طبيعى اليومين دول بيرجع متأخر من الشغل وبينزل بدرى قلبى مش مطمن وبيقولى أنه بيعمل حاجه غلط من ورايا خايفه ليكون بيعرف بنات وبيعمل معاهم حاجه مش كويسه
تعالت ضحكاته وقال بعدم تصديق
وليد :مين عدى!!! قولى كلام غير ده يا بيتو ده لحد دلوقتى بيتكسف يشوف واحده بترقص فى التلفزيون لما نكون قاعدين مع بعض ووشه كله بيجيب الوان متكبريش المواضيع يا قلبى تلاقيه عنده ضغط شغل ولا حاجه متنسيش أن الوقت ده من كل سنه بيبقى عندهم تقفيل قواضى
هدرت به بغضب وقالت
بتول :اه ما انت ولا همك ما هو لو كان ابنك من لحمك ودمك كنت خوفت عليه واهتميت بى اكتر من كده مش قادر تنسي أنه ابن ريان طليقى يعنى لو قولت الكلام ده على زين مش كنت هتقلق اكتر من كده وتقعد تتكلم معاه
نظر لها نظره مطوله نظره كلها قهر وكسره تنهد بحزن شديد ونهض من أمامها وتركها
شعرت بوخزة بقلبها على ما فعلته معه زفرت بضيق ونهضت سريعا واتجهت خلفه نظرت له بأسف وقالت
-وليد ا ا انا اسفه انا مش عارفه قولتلك الكلام ده ازاى غصب عنى والله اعصابى تعبانه من قلقى وخوفى على عدى ا ا ارجوك سامحنى ومتزعلش منى
تركها دون أن يجيب عليها دلف المرحاض بدل ملابسه وخرج مره اخرى تمدت على السرير واغلق عينه
ظلت بتول تتابعه بحزن شديد تحركت بأتجاه السرير وجلست بجواره وربت على ظهره وقالت بأسف
-وليد وحياتى عندك رد عليا انا اسفه والله مقصدش الكلام اللى قولته ليك رد عليا بقى
ظل صامتا ولم يجيب عليها
قبلت وجينته بحزن شديد وقالت
-انا متأكده دلوقتى أن فيه صراع جواك علشان مش هاين عليك تشوفنى كده بس الكلام وجعك وده علشان انا واحده غبيه ومندفعه فى كلامها وحياة اغلى حاجه عندك رد عليا
تكلم وهو مغلق عينه وقال
وليد :اطلعى من الاوضه واقفلى الباب وراكى عايز انام
امسكت يده وتكلمت بدموع وقالت
بتول :لا مش هطلع ومش هسيبك غير لما تسامحنى وتخدنى فى حضنك
وقبلة يده بأسف وقالت من بين شهقاتها
-انا اسفه يا وليد ابوس ايدك سامحنى أنا بحبك ومش هقدر اشوفك زعلان منى واسيبك
اعتدل سريعا وأخذها داخل أحضانه وقال بصوت مختنق
وليد :ممكن بلاش تعيطى انتى عارفه أن انا مقدرش استحمل دموعك
تمسكت به بقوه وقالت بدموع
بتول :انا اسفه متزعلش منى حقك عليا يا وليد
ربت على ظهرها بحنو وقال بنبره مختنقه
وليد :كلامك وجعنى اوى يا بتول علشان انتى عارفه عدى بالنسبالى ايه هو ابنى البكرى اول ما عينى شافت هو أول فرحتى حبه نزل فى قلبى ربانى من وهو لسه فى بطنك ويوم ما كان بيتألم قلبى كان بينزف علشانه قبل عيونى اياكى تفكرى تقللى من حبى لابنى مهما حصل فاهمه
ابتعدت عن حضنه ونظرت بعينه وقالت بدموع
بتول :عارفه مش محتاج تقولى الكلام ده أنا عارفه انك بتحبه زى زين واكتر كمان بس انا قلقانه عليه اوى يا وليد ابنك أحواله مش عجبانى حاسه أنه بيعمل حاجه من ورانا وعايزاك تتكلم معاه وتعرف بيروح فين كل يوم كده
امسك يدها قبلها بحب وقال بنبره هادئه
وليد :حاضر بكره لما يجى هقعد اتكلم معاه متقلقيش
ابتسمت له بحب وقالت
بتول :ربنا يخليك لينا يارب قوم يلا يا أبو عدى علشان تاكل لقمه
نظر إلى الباب بأبتسامه ماكره وقال بتساؤل
وليد :هما الاولاد فين
اجابته بتوضيح وقالت
بتول : فرح رجعت النهارده من الجامعه بتعتها وهى مصدعه ونامت وزين لسه لحد دلوقتى مجاش وعدى مشى من بدرى
اقترب إليها بحب وأحاط خصرها بذراعه وقال بأبتسامه
وليد :واحشتينى
نظرت له بأبتسامه واقتربت أكثر له وقالت
بتول :بحبك
اقترب اكثر لها والتهم شفتيها بعشق واشتياق و…….
………………………………………………………
جلست قمر على السرير الخاص بها وهى تنظر إلى صور ابنتها الغائبه بدموع الاشتياق تنهدت بحزن وقالت بصوت مختنق
-كل سنه وانتى طيبه يا بنت قلبى واحشتينى اوى يا ترى ايه حصلك طول السنين اللى فاتت دى اه لو تعرفى قلبى عامل ازاى فى بعدك يا ضنايا
وفى ذلك الوقت سمعت صوت طرقات على الباب دلف ايوب ونظر لها بأستغراب وقال بقلق
-مالك يا قمر !؟
نظرت له بدموع وقالت بصوت مختنق
قمر :-النهارده عيد ميلاد نغم يا ايوب واحشتنى اوى
جلس بجوارها وأخذها بحضنه وربت على ظهرها بحنو وقال
ايوب :-كل سنه وهى طيبه وان شاءالله السنه الجايه تبقى فى حضنك
تمسكت به بقوه وقالت بدموع
قمر :-يارب يا ايوب قلبى بيتقطع علشانها يا ترى ايه حصلها
قبل رأسها بحب وقال بنبره هادئه
ايوب :-ان شاءالله هتكون بخير والله انا قلبى حاسس انها قريبه اوى مننا
ابتعدت عنه ونظرت له بحب وقالت
قمر :-الحاجه الوحيده اللى مصبرانى على الدنيا دى من غير نغم هو انت يا ايوب ربنا يخليك ليا
اخذها بحضنه وقبل رأسها بحب وقال
ايوب :-وانتى الحاجه الجميله اللى فى حياتى ربنا يخليكى ليا يا ام العيال
وفى ذلك الوقت سمعوا صوت طرقات على الباب نهض ايوب وفتح الباب وقال بترحاب
-عدى تعالى خالتك أهى مستنياك فى نفس الميعاد
دلف إلى الداخل وقبل راس قمر وقال بنبره حنونه
عدى :-قمرى عامله ايه
ربت على ظهره بحنو وقالت
قمر :-حبيب قلبى انا بخير انت عامل ايه
جلس بجوارها وقال
عدى :-كويس طول ما قمرى بخير
ثم نظر إلى الصوره المتواجدة بيدها وقال
-صورة نغم !!
امسكها منها وظل ينظر لها نظره مطوله وتذكر الشبه الكبير بينهما فاق على صوت قمر وهى تقول له
-النهارده عيد ميلاد نغم يا عدى
نظر لها بحزن وقال
عدى:-ان شاءالله السنه الجايه تكون فى حضنك
ثم نظر لها بتوتر وقال
-خالتى كنت عايز اقولك حاجه
اومأت رأسها بالتأكيد وقالت
قمر :-قول يا حبيبى
أخذ نفس عميق ثم نظر إلى ايوب وقال بتوتر
عدى :-انا عايز اتكلم معاكى على انفراد بعد اذنك يا عم أيوب
اومئ رأسه بتفهم وقال
ايوب : طبعا يا حبيبى بس اهم حاجه هديها شويه
وخرج وتركهم
نظر لها بحزن شديد وقال بصوت مختنق
عدى :ا ا انا النهارده خونت حبى لنغم النهارده وللأول مره فى حياتى اقرب لواحده وابوسها انا معرفش عملت كده ازاى وليه دى بالذات اللى اتشديت ليها أنا عيشت عمرى كله مخلص لحب نغم من ساعة ما البنت دى دخلت حياتى وانا كل حاجه فيا اتغيرت، أنا هخلص منها وأبعدها عنى طريقى انا مش قادر اسامح نفسي على اللى عملته ده
ووضع رأسه على صدرها وظل يبكى
انهمرت دموعها أكثر منها وربت على ظهره بحنو وقالت بصوت مختنق
قمر :اهدا يا حبيبى علشان خاطرى أنت مغلطش ولا حاجه انت شاب ومن حقك تعيش حياتك زى اى حد فى سنك انت مش ملزم تستنى حد ولا تترهبن علشانه نغم بنتى الله اعلم هى فين دلوقتى ولا ايه حصلها ولا إذا كانت عايشه ولا ميته امك من حقها تفرح بيك انت اول فرحتها وبتحلم باليوم ده أنا امها وبقولك انساها يا عدى وعيش حياتك يا حبيبى
حرك رأسه بالرفض وقال من بين شهقاته
عدى :مش هقدر اعمل كده مش هقدر اكون لحد تانى أنا عيشت حياتى كلها ادور على نغم علشان ارجعها ليا وليكى أنا هعيش ليها هى وبس
ثم ابتعد عن حضنها ونظر لها بدموع وقال
-انا هعمل بكل وسعى علشان اوصل لنغم لا هنام ليل ولا نهار هدور عليها بنفسي فى الشوارع لو حكمت اسافر وادور عليها فى كل البلاد هعمل كده، نغم هترجع وهنتجوز أنا وهى وقصة حبنا الناس كلها هتحكى عنها
هب واقفا وقال بصوت مختنق
-اما اللى موجوده عندى دى هخلص منها فى أقرب وقت ممكن
ثم نظر إلى صورة نغم المتواجدة بيد قمر وتنهد بحزن وقبل رأسها وغادر سريعا
نظرت إلى أثره بدموع وتسطحت على السرير احتضنت صورة نغم وظلت تبكى حتى ذهبت فى سبات عميق.
………………………………………………………..
بقلمى#دودو_محمدقبل القراءه لايك وكومنت علشان تشجعونى اكمل متنسوش اللايك اللايك اللايك
“ما وراء الماضى”9
“البارت التاسع ”
باليوم التالى عاد عدى المنزل وجد وليد يجلس على الأريكة ابتسم له بحب واقترب منه وجلس بجواره وقال بتساؤل
-ايه يا حبيبى قاعد كده ليه تعبان ولا ايه
ابتسم له ابتسامه حنونه وقال
وليد :لا يا حبيبى انا كويس متقلقش عليا ابوك صحته زى الحديد سيبك منى قولى بقى ايه اخرك اوى كده
تعالت ضحكاته وقال
عدى :اااااه هى ماما وصيتك عليا يا أبو عدى عموما يا سيدى اطمن انا لا بعمل حاجه غلط ولا متجوز من وراكم والتأخير ده بسبب ضغط الشغل عندى وكلها يومين والضغط ده يخلص وارجع تانى لمواعيدى ياريت ماما ترتاح شويه وتطمن بقى
ابتسم على كلماته وقال بصوت هامس
وليد :اعمل ايه بس يا ابنى دى اوامر عليا مقدرش ارفضها أنا واثق أن ابنى مستحيل يعمل حاجه كده ولا كده انا عارف انا مربيه ازاى بس نقول ايه امك دماغها مش بتهدا ولا بترتاح
نظر له بتوتر وقال
عدى :بلاش ثقتك الزياده دى يا عم الحاج دى عيبه فى حقى أن شاب طول بعرض ممسكش ايد واحده قبل كده
نظر حوله حتى يتأكد أن لا يوجد احد يستمع لهم ثم اقترب من أذن عدى وقال بهمس
وليد :عارف ابوك عمره ما ممسك ايد واحده ولا قرب من اى بنت فى شبابه مافيش غير امك هى دى بس اللى خطفت قلبى واول مسكت ايد كانت ليها اول بوسه واول حضن كانوا ليها هى وبس علشان كده كانوا ليهم طعم ومذاق خاص لأن يوم ما عملت كده عملت مع اللى قلبى اختارها وعشقتها علشان كده عايزك تبقى زى تخلى اول لمسه واول حضن واول بوسه للانسانه اللى هيختارها قلبك وسعتها هتشكرنى لما تحس وتفهم معنى كلامى ده
تذكر قبلتهم بالأمس شعر بشئ داخله لا يعلم ما هذا آفاق على صوت وليد وهو يقول له
-ااااايه روحت فين يا ولد اوعى تكون بتفكر فى حاجه كده ولا كده
ابتسم على كلماته ونهض سريعا وقال
عدى :شكرا يا أبو عدى على المحاضره دى هروح اوضى بقى احسن هموت واناااام وابقى طمن ماما الله يسترك وخليها تخف عليا شويه
ثم قبل رأسه وتركه وصعد غرفته
ظل يتابعه حتى صعد غرفته تنهد بحب ونظر إلى غرفة نومه ثم نهض وغادر المنزل
صعد عدى غرفته واغلق الباب خلفه جلس على الأريكة ونظر إمامه يتذكر ما حدث بليلة أمس ارتسمت ابتسامه على ثغره لكن سريعا تذكر نغم حرك رأسه رافضا ما يحدث له وضع يده على وجه وقال
-حررررام كفايه كنت انسان طبيعى لحد ما قابلتها كل حاجه اتغيرت انا لازم انساها لازم أكرهه لازم اللى فى قلبى نغم وبس
نهض بدل ملابسه تسطح على فراشه وذهب فى سبات عميق.
……………………………………………………..
استيقظ ريان من نومه على صوت زوجته منى وهى تهتف عليه حتى يفيق ابتسم لها ابتسامه هادئه وقال بصوت ناعس
-صباح الخير يا قلبى
ابتسمت له ابتسامه هادئه وقالت
منى :صباح الخير يا حبيبى يلا قوم علشان متتأخرش على الشغل
نظر بالهاتف على الوقت وتكلم بصدمه وقال
ريان :انتى ازاى سيبانى انام لحد دلوقتى أنا اتأخرت على الشغل والنهارده عندى اجتماع مهم
نظرت له بضيق وقالت
منى :اعملك ايه يعنى ما انا صحيتك من شويه ومرضتش تصحى واضح كده كان عندك حلم مهم مع حبيبت القلب
وتركته وخرجت من الغرفه
نظر إلى أثرها بصدمه وقال بأستغراب
ريان :ودى عرفت ازاى إن كنت بحلم ببتول
نهض سريعا وخرج من الغرفه هبط إلى الأسفل وجد منى تجلس على الأريكة بوجه عابس اقترب منها وقال بتساؤل
-انتى تقصدى ايه بكلامك ده اللى قولتيه
نظرت له بغضب وقالت
منى :اقصد أن جيت اصحيك مسكت ايدى وبوستها وقولتلى سبينى نايم شويه يا بتول وشدتنى فى حضنك وقولتلى بحبك يا بتول
ابتلع ريقه بتوتر وتكلم بصعوبه وقال
ريان :ا ا ايه اللى انتى بتقوليه ده يا منى ا. ا انا ايه هيخلينى اعمل كده بس ولا ايه هيفكرنى بيها
ابتسمت بتهكم وقالت بصوت مختنق
منى:وهو انت كنت نسيتها اصلا يا ريان
جلس بجوارها بتوتر وقال بأسف
ريان :منى انا اسف متزعليش منى أنا مكنتش حاسس بكل اللى انتى قولتيه ده والواحد مش مسؤول عن أحلامه
تنهدت بحزن وقالت بصوت منكسر
منى:لا عادى يا ريان أنا اصلا متعوده على كده من زمان مش حاجه جديده يعنى لما اقوم احضرك الفطار علشان متتأخرش على شغلك اكتر من كده
قبل أن تتحرك امسك يدها سريعا وقال
ريان :منى استنى، انتى عارفه كل حاجه من الاول يعنى مكنتش بخدعك طول السنين اللى فاتت دى من اول لحظه واحنا مع بعض وانا قولتلك كل حاجه وعرفتك أن قلبى مشغول بواحده تانيه وعمرى ما هقدر انساها وانتى وافقتى على كده لا عمرى قصرت معاكى ولا حرمتك من حقوق گ ست علشان كده ارجوكى بلاش تزعلى منى
ابتسمت بتهكم وقالت بصوت مختنق
منى :حاضر يا ريان هسمعك تنادى عليها فى احلامك وهسكت وهقبل اشوف نظرتك ليا وانا فى حضنك على أنها هى وهسكت متخدش فى بالك وتشغل نفسك بزعلى ده شئ بقى عادى بالنسبالى عن اذنك
وتركته وتحركت سريعا من أمامه
نظر إلى أثرها بضيق وتنهد بحزن شديد وقال
ريان :واخرت اللى انت فيه ده ايه يا ريان عمرك كله راح وانت مستنى اللحظه اللى بتول هتسامحك فيها وترجعلك
زفر بضيق ونهض سريعا واتجه إلى المرحاض.
………………………………………………………..
استيقظت حور من نومها ونظرت بالهاتف على الوقت وجدت زين محاول الاتصال عليها عدة مرات اعتدلت سريعا وجحظت عيناها بصدمه وقالت
-يا نهارى ده زين محاول الاتصال بيا كذا مره وكمان انس استر يارب
وأجرت اتصال سريعا بأنس لكنه لم يجيب زفرت بضيق وأجرت اتصالا بزين ولم يجيب هو الآخر ألقت الهاتف بجوارها ونهضت من على فراشها واتجهت إلى المرحاض ثوانى معدوده وخرجت مسرعه عندما سمعت صوت رنين الهاتف امسكته وإجابة عليه قائله
-فيه ايه يا انس ايه كمية الاتصالات دى كلها منك انت وزين
هدر بها بغضب وقال
انس :بت انتى هتدلعى فى الشغل ولا ايه من امته وانتى بتتأخرى على الاجتماعات بتاعة الشركه كده ده عمى ايوب حالف ليطين عيشتك
تكلمت بصدمه وقالت بعدم تصديق
حور :نهار مش فايت أنا نسيت الاجتماع بتاع النهارده يا لهووووى على اللى هيحصل ليا من بابا النهارده اقفل بسرعه أنا هلبس وجايه
وأغلقت الهاتف بقلق شديد وبدلت ملابسها وخرجت تركض من غرفتها وهبطت إلى الأسفل وأثناء ركوضها اصتدمت بوالدتها نظرت لها بأستغراب وقالت بتساؤل
قمر:فيه ايه يا بنتى بتجرى كده ليه
تكلمت بخوف شديد وقالت
حور :بابا هيطين عيشتى يا ماما النهارده كان فيه اجتماع مهم فى الشركه وانا نسيته وراحت عليا نومه وانس بيقولى أنه حلفلى
حركت رأسها بعدم رضا وقالت
قمر :كام مره اقولك نامى بدرى علشان تعرفى تقومى لشغلك وابوكى عارف انك مستهتره وعايز يعمل منك شخصيه ناجحه روحى بقى استلقى وعدك منه
امسكت يدها وقالت بترجى
حور :وحياتى عندك اتصلى بى وهديه شويه انتى الوحيده اللى بابا بيهدا لما يسمع صوتها وحياة نغم عندك يا ام نغم كلمى بابا
نظرت لها بحزن شديد عندما ذكرت اسم نغم اومأت رأسها بالموافقه وقالت
قمر :ماشى روحى يلا علشان متتأخريش اكتر من كده وانا هتصل بى
قبلت رأسها وقالت
حور :ربنا يخليكى ليا يا اعظم ام فى الدنيا كلها
وركضت سريعا إلى الخارج صعدت سيارتها واتجهت إلى الشركه
نظرت إلى أثرها بقلة حيله وعادت إلى غرفتها امسكت الهاتف الخاص بها وأجرت اتصالا وانتظرت الرد
أتاها صوته الهادئ الحنون قائلا
ايوب :خير يا قلبى مش من عوايدك تتصلى بيا فى وقت زى ده
ابتسمت ابتسامه هادئه وقالت
قمر :واحشتنى بلاش اتصل اسمع صوتك يعنى
تعالت ضحكاته بسعاده وقال
ايوب :لا طبعا يا عمرى كله اتصلى فى اى وقت اوحشك فيه ولو عايزانى اجيلك هسيب اى حاجه فى ايدى وهجيلك جرى أنا معنديش حاجه اهم منك فى الدنيا دى كلها
تكلمت بصوت هادئ وحنون قائله
قمر :ربنا يخليك ليا يا عمرى، ايوب أنا ليا طلب صغير منك
تكلم سريعا وقال
ايوب :امرينى يا قلبى
ردت عليه بحب وقالت
قمر :متزعلش حور علشان خاطرى البنت نزلت على لحم بطنها وهى خايفه منك عارفه انها اتأخرت على اجتماع مهم النهارده بس غصب عنها راحت عليها نومه وحياتى عندك خف عليها ومتزعلهاش
زفر بضيق وقال بنفاذ صبر
ايوب :انا تعبت معاها يا قمر بنتك مستهتره ومش قد المسؤوليه ولو بقسي عليها دلوقتى ده لمصلحتها بعدين
تكلمت سريعا وقالت
قمر :عارفه والله بس معلش سامحها المرادى وحياتى يا ايوب
تنهد بحب وقال
ايوب :حياتك غاليه عندى اوى يا قمر حاضر هسامحها علشان خاطرك بس هديها كلمتين كده علشان تنتبه لشغلها اكتر من كده
ابتسمت بسعاده وقالت
قمر :ربنا يخليك لينا يا حبيبى يارب يلا هقفل بقى واسيبك تشوف شغلك باى
أغلقت الخط معه ونهضت مره اخرى وخرجت من غرفتها .
…………………………………………………….
وصل زياد الجامعه الخاصه به وبحث عن فرح بالمكان وجدها تجلس مع اصدقائها اتجه إليها وقال بأبتسامه
-صباح الخير يا بنات
نظروا له بأعجاب شديد وتكلمت إحدى الفتيات بسعاده وقالت
-صباح النور يا زيزو عامل ايه
نظر لها بأستغراب وقال بتساؤل
زياد :زيزو!! انتى مين
اجابته بتوتر وقالت
-ا ا انا رحمه صحبتك انت وفرح فى ابتدائى
نظر لها بعدم تذكير وقال
زياد :مش فاكر، عموما فرصه سعيده بس معلش بعد كده ابقى قوليلى زياد بعد اذنك
ونظر إلى فرح وقال
-فرح تعالى عايزك
نظرت إلى رحمه بضيق واومأت رأسها بالموافقه وتحركت معه بعيد عنهم
نظرت لهم بضيق وقالت
رحمه :انا مش عارفه بيحب فيها ايه من وهما صغيرين مش شايف غيرها
تكلمت صديقتها بعدم رضا وقالت
-طبعآ لأنهم ولاد خاله وسنهم قريب من بعض وبعدين انتى مالك متغاظه كده ليكون بتحبيه ولا حاجه
زفرت بضيق وقالت
رحمه :ايوه بحبه بس هو زى ما انتى شايفه كده مش شايفنى من اساسه طول عمرى بحاول الفت انتباه ليا ولا الهوا مع أن هى مش بتحبه ولا حاجه وبتحب واحد تانى وهتموت عليه
تكلمت بنفاذ صبر وقالت
-ملكيش فيه هما حرين مع بعض اطلعى منها انتى ويلا بقى أمشى علشان نلحق المحاضره
عند زياد وفرح تكلم بضيق وقال
-البت دى بلاش تقفى معاها كتير طول عمرى مش بطيقها ومش برتاح ليها
تكلمت بأستغراب وقالت
فرح :وانا مالى بيك إذا كنت بترتاح ليها ولا لاء دى صحبتى من زمان وانا حره فى أصحابى
نظر لها بأستغراب وقال بعدم فهم
زياد :مالك يا فرح حاسس انك متغيره معايا من ساعة ما اعترفت ليكى بحبى
حركت رأسها بعدم اهتمام وقالت
فرح :عادى يا زياد مش متغيره ولا حاجه بس انت بتحاول تفرض عليا رأيك وانا مش بحب كده وانا قولتلك أن مش بفكر فى موضوع الحب ده دلوقتى أنا اهم حاجه عندى دراستى وعايزه اتخرج واحقق ذاتى واى حاجه بعدين ارجوك خلينا ولاد خاله وبس حتى فى وقتنا ده عن اذنك عندى محاضره
نظر إلى أثرها وتنهد بضيق وتحرك سريعا .
……………………………………………………..
وصلت حور سريعا إلى الشركه ودلفة إلى مكتب زين وجدته يجلس بوجه عابس نظرت له بتوتر وقالت
-ص ص صباح الخير
تكلم بصوت غاضب وقال
زين :قصدك تقولى مساء الخير ، الهانم نمسويتها كحلى ولا ايه جايه براحتها بعد ما الاجتماع خلص ولا فى دماغها
ابتلعت ريقها بصعوبه وقالت
حور :غ غ غصب عنى والله راحت عليا نومه
هدر بها بغضب وقال
زين:انتى هتفضلى مستهتره كده لحد امته ده أنا مأكد عليكى بدل المره مليون مره علشان متتأخريش النهارده
نظرت له بضيق وقالت
حور :ما انت السبب قعدت تتكلم معايا طول الليل لحد ما نمت متأخر وصحيت متأخر
رفع إحدى حاجبيه إلى الأعلى وقال
زين :يا سلام ما انا زيك برضه سهرت اتكلم معاكى طول الليل وصحيت فى ميعادى عادى وجيت حضرت الاجتماع بلاش تعلقى شماعة اخطائك على الآخرين اتفضلى روحى واستلقى وعدك من ابوكى
نظرت له بغضب وخرجت تركض من عنده وفى ذلك الوقت ارتطمت فى صدر انس نظر لها بأستغراب وجدها تبكى تكلم بتساؤل وقال
-مالك بتعيطى ليه اتخانقتى مع زين !؟
اومأت رأسها بالتأكيد
اتكلم بأستغراب وقال
انس :هو انتوا لحقتوا !؟
تكلمت بدموع وقالت
حور :زعقلى علشان محضرتش الاجتماع
ازال دموعها بأنامله وقال
انس :طيب خلاص أهدى ما انتى عارفه أن زين وعمى ايوب فى الشغل معندهمش يا اما ارحمينى
وفى ذلك الوقت خرج ايوب من مكتبه ورأى ما حدث تكلم بغضب وقال
-انتوا بتعملوا ايه!؟
نظرت له بخوف وقالت
حور :ها و و ولا حاجه د د ده انس كان بيهدينى علشان شايفنى خايفه منك
هدر بها بغضب وقال
ايوب :ده على اساس انك بتخافى اوى مش واحده مستهتره وفاشله
نظرت له بدموع وقالت
حور :ا ا انا اسفه يا بابا مش هعمل كده تانى
تكلم بغضب شديد وقال
ايوب :امته هتبقى قد المسؤوليه ويعتمد عليكى كل مره بتقولى اخر مره وترجعى ازفت من الاول انتى واحده اخرك تقعدى فى البيت تكنسي وتطبخى وتبقى خدامه شغل الشركات المحترمه ده مينفعش معاكى
انهمرت دموعها بغزاره وقالت من بين شهقاتها وهى تنظر حولها وهى ترى الجميع يشاهد ما يحدث لها
حور:اللى حضرتك تشوفه بس اوعدك أنها هتكون اخر مره
صك على أسنانه بغيظ وقال
ايوب :اخر مره تتأخرى عن الشغل علشان لو ده اتكرر أنا هخليكى أقل من اصغر عامل نظافه هنا وهخليكى تمسحى الحمامات فاهمه
نظرت إلى الأرض بدموع وقالت بصوت منكسر
حور :ف ف فاهمه
نظر لها بغضب شديد وتركها وعاد إلى مكتبه
نظرت حولها بأحراج وركضت إلى المرحاض
هدر انس فى الجميع وقال
-ما خلصنا بقى كل واحد يروح يشوف شغله
واتجه إلى غرفة المكتب الخاصه به
خرج زين من مكتبه بعد ما الجميع عاد إلى عمله واتجه إلى غرفة مكتب حور طرق على الباب ودلف إلى الداخل واوصد الباب خلفه بحث بعينه بالمكان لم يجدها اتجه إلى باب المرحاض واستمع صوت بكاء حور طرق على الباب وقال
-حور يا حور ردى عليا
لم تجيب عليه وتعالت شهقاتها
طرق على الباب مره اخرى وقال
زين:اطلعى يا حور بدل ما افتح الباب وادخلك
ثوانى معدوده وفتحت الباب بدموع وقالت من بين شهقاتها
حور :نعم عايز ايه افتكرت كلمتين تانى وجاى تقولهم
احتضنها سريعا وقال بأسف
زين :متزعليش منى أنا اتعصبت عليكى علشان مكنتش حابب يحصل فيكى كده من عم أيوب
تمسكت به بقوه وظلت تبكى
ربت على ظهرها بحنو وقال
زين :علشان خاطرى أهدى يا حور حقك عليا متزعليش
تكلمت من بين شهقاتها وقالت
حور :أنا كنت جايه ليك علشان تهدينى وتطمنى لاقيتك اقسي عليا من بابا
أبعدها عن حضنه ونظر بعينيها وقال بحب
زين:أنا عمرى ما اقدر اقسي عليكى يا حور أنا بس اتعصبت عليكى علشان بتحطى نفسك فى مواقف بايخه وكنت متأكد أن عمى ايوب مش هيعدى غيابك عن الاجتماع ده بالساهل أنا اسف متزعليش
اومات رأسها بتفهم وقالت
حور :خلاص يا زين مش زعلانه روح على مكتبك يلا احسن ما بابا يجى ويشوفنا كده
امسك يدها وقال بتساؤل




