دودود محمد الجزء الثاني

-ملكش فيه بنت خالتى وحبيبتى وهتبقى خطيبتى قريب.
رفع إحدى حاجبيه إلى الاعلى وتكلم بتهكم
-والله وهو ابن الخاله بيبوس بنت خالته عادى كده، متنساش دى بنت عمى لحمى ودمى و مقدرش اشوف حاجه زى كده واسكت، هتعصب و الدم هيفور فى راسى، وهكسرها رقابتها، لما تبقى مراتك ابقى اعمل اللى انت عايزه يا اخويا فاهم.
نظر زين له بتحدى وقال
-طيب فكر تقرب منها وانا هكسرك دراعك، روح يا بابا العب بعيد، قال تكسر دماغها قال.
نظرت حور بتوجس من خلف ظهر زين وقالت بصوت مرتعش
-انوس اخويا وضهرى مش هتقول حاجه لبابا صح.
جلس على المقعد ووضع قدم فوق الأخرى وتكلم بنبره حذره
-انوس دلوقتى بقيت انوس واخوكى عموما يا ستى متخافيش مش هقول حاجه لعمى ايوب.
ارتسمت بسمه على ثغرها بأرتياح وتحركت من خلف ظهر زين
اكمل كلامه بغضب وقال
-علشان أنا اللى هكسرك رقبتك
ركضت سريعا وعادة مره اخرى خلف زين وأمسك فيه بخوف
ابتسم زين على حركاتها الطفوليه وتكلم بنفاذ صبر
-ما تهدا شويه يا عم الأمور بت خايفه بجد متعرفش انك بتهزر

تعالت ضحكات انس وتكلم بصعوبه
-اقسم بالله شكلك مسخره
نظرت له بغضب وقالت
-يعنى انت كل ده كنت بتهزر

اومأ رأسه بالتأكيد وتكلم من بين ضحكاته
-بس ده ميمنعش أن هكسرك دماغك دى لو شوفته قريب منك تانى

هبطت على الأرض بقدميها بغضب مثل الاطفال وقالت
-والله العظيم غلس ودمك تقيل وانا بكرهك

وضع زين ذراعه على كتف حور وقال
-مش عايزك تخافى من اى حد طول ما انتى معايا اللى يفكر يقربلك انسفه من على الأرض نسف

نظرت له بحب وابتسمت له ابتسامه هادئه وقالت
-ربنا يخليك ليا وتفضل سندى لآخر يوم فى عمرى
تكلم انس بنفاذ صبر وقال
-ايه اجبلكم شجره واتنين ليمون ده ايه فقع المراره ده يارب.
ثم نظر إلى زين بتحذير وقال
-وانت يا عم النحنوح شيل دراعك من على كتف البت ليوحشك
قربها له اكثر ونظر إلى انس بتحدى وقال
-لا مش هشيلها ويلا بقى ورينى عرض كتافك علشان هاخد حورية قلبى وهمشى

ابتسم له ابتسامه بلهاء وقال
-هو أنا مقولتلكش

حرك رأسه بالرفض وقال
-لا مقولتليش خير

هب واقفا وقال بأبتسامه
-العربيه بتاعتى عطلت وحاليا عند الميكانيكى وانت هتوصلنى معاك فى سكتك زى الشاطر
ضغط على أسنانه بغضب وتكلم بنفاذ صبر وقال
-حبكت يعنى النهارده

اومأ رأسه بالتأكيد وابتسم بلؤم وقال
-ايوه حبكت ويلا بقى هنتأخر عليهم عند عم أيوب

نظر له بغضب وأمسك يد حور وخرج من مكتبه وهو يغلى من تطفل انس عليهم
تعالت ضحكات انس وتكلم بصعوبه
-مش قادر شكله يفطس من الضحك، والله هفضل على قلبكم لحد ما تتلموا تحت سقف واحد يا صيع.
أنهى كلامه وخرج يركض سريعا صعد معهم المصعد الكهربائى وهبطوا إلى الاسفل صعدوا السياره واتجهوا إلى الفيلا الخاصه بأيوب.
………………………………………………….
هبطت نغم من غرفتها بتوتر شديد لاول مره تلتقى بعائلتها بالكامل لاول مره ترى اخواتها كيف سيكون الاستقبال هذا ما تركته للحظه وجدت والدتها تجلس على الأريكة بجوار خالتها بتول ابتسمت بحب وتحركت بأتجاهم جلست بين قمر وبتول ووضعت رأسها على صدر والدتها وقالت
-واحشتونى اوى والله
حركت بتول يدها على ظهر نغم بحنو وقالت بنبره هادئه
-انتى اللى واحشتينا يا نغم متعرفيش حالتنا كانت ازاى وانتى بعيده عننا الايام كلها كانت شبه بعضها الفرحه مكانتش ليها طعم الضحكه كانت بهته مش من القلب رجوعك لينا يا بنتى رجع الحياة من تانى

اعتدلت نغم بأبتسامه و غمزت لها بعينيها وقالت بمرح
-بس ايه يا عم بعد العمر ده وعمو وليد حبه ليكى مقلش درجه واحده بالعكس أنا شايفه أنه بقى مضاعف عشر مرات، فاكره لما كان يفضل يحب فيكى قصادى أنا وعدى واحنا صغيرين

لكزتها بخفه على ذراعها وقالت
-يا بت اختشى بقى هو انا هلاقيها منك ولا من عدى مش بيضيع فرصه الا لما يكسفنى فيها بسبب حب أبوه وليد ليا

تعالت ضحكاتها وتذكرت والدها مروان تنهدت بحزن وقالت
-هو وبابا مختلفين تماما عن بعض هو كان حنين عليا إنما بابا لا هو كان بيفهمنى من نظرة عيونى وينفذ ليا اللى عايزاه من قبل حتى ما اطلبه، كان بيعمل كل حاجه علشان يفرحنى إنما اخوه لا ،ميعرفش حاجه عن الابويه وبسببه أنا عيشت العمر ده كله وانا بعيده عن حضن ماما وعنكم بسببه اتعذبت وشوفت الذل بجميع أشكاله صحيح هو مات بس كسرة قلبى بسببه عايشه جوايا وبتكبر كل يوم اكتر من اليوم اللى قبله.

كانوا يستمعوا لها والدموع تتسابق على وجوههم تكلمت قمر من بين شهقاتها وقالت
-مروان مكانش الاب اللى كنت بتمناه ليكى يا نغم بسببه برضه اتعذبت واتوجعت اتحرمت من اللى قلبى دق ليه اول دقه كان نفسي اوى يكون ايوب هو اللى ابوكى كان حلمنا أننا نتجوز ونبدأ حياتنا من الصفر ونجيب اولاد كتير بس للاسف جه مروان وخطف مننا الحلم ده وعيشنا ابشع كابوس وفضلنا عايشين فيه سنين وآخرها خطفك منى واتقتل وانتى ضيعتى من حضنى.

مسحت بتول دموعها سريعا وتكلمت بنفاذ صبر
-يخربيت النكد بتاعكم ده من النهارده مش عايزين دموع من النهارده فرح وسعاده وبس امسحوا دموعكم صوت عربيات الاولاد وصلت بره اهى

تعالت دقات قلب نغم بتوتر أمسكت يد قمر وتكلمت بنبره مهتزه
-ا ا اخواتى اللى جم بره دول يا ماما

اومأت رأسها بالتأكيد وقالت
-اكيد دى حور لأن زياد بيتصل بيا فى الطريق بيسألنى محتاجه حاجه يجيبها ليا وهو جاى

وفى ذلك الوقت دخلت حور مع انس وزين
عندما رأت هذه الفتاة التى تشبهها كثير ركضت إليها واحتضنتها دون أن تتكلم انصدمت نغم من هذه الفتاة المندفعه لكنها شعرت بشئ غريب داخلها تمسكت بها بقوه وانهمرت دموعها بعدم تصديق لحظات مؤثره ادمع الجميع على هذا اللقاء الاخوي دقات قلب قمر كانت تتراقص بسعاده وهى ترى الاختين فى أحضان بعض.
فصل هذه اللحظه صوت انس وهو يقول بمرح
-طيب هو انا مليش من الحب جانب ولا ايه

ابتعدت عن حضن حور ونظرت اتجاه الصوت بأستغراب وقالت بتساؤل
-انت زياد

رد عليها بأستغراب وقال
-زياد !! وهو زياد الفرفور هيبقى جسمه بغل كده

تعالت ضحكات الجميع على كلامه وتكلمت قمر موضحه لها
-ده انس ابن عامر اخو ايوب متعرفهمش لانك مشوفتهمش وانتى صغيره

اومأت رأسها بتفهم وابتسمت له وقالت
-اهلا وسهلا يا انس
نظرت حور إلى انس بضيق وقالت
-بنى ادم فصيل قطعت اللحظه الحلوه

تكلم بتهكم وقال بغمزه
-بس انتى يا بتاعة الاماكن المغلقه

نظرت إلى زين بتوتر ثم نظرت إلى نغم وقالت بتلعثم
-ن ن نورتى حياتنا يا نغم انا من كتر كلام ماما عليكى كان نفسي اشوفك اوى كنت بحلم برجوعك علشان نكون سوا ونوقف مع بعض وفى ضهر بعض

أمسكت يدها بسعاده وقالت
-انا مكنتش اتخيل أن عندى اخت قموره اوى كده انا فعلا محظوظه بيكى

ردت حور عليها بدعابه وقالت
-انتى كده بتشكرى فى نفسك لأننا شبه بعض تقريبا

احتضنتها نغم بسعاده كبيره وقالت بعدم تصديق
-انا كنت متوتره اوى من لقائنا ده معرفش ان ربنا حاطط محبتنا لبعض فى قلوبنا من قبل ما نشوف بعض

اقترب زين بنفاذ صبر وأمسك يد حور بغيره وقال
-لا كل واحده فيكم تحتفظ بحبها لابن الحلال
نظرت قمر وبتول ونغم إلى بعض بأستغراب أما حور فكانت تقف بخجل عما فعله زين
عندما رأى زين الاستغراب على وجوه الجميع تكلم بحب وقال
-ايوه أنا وحور بنحب بعض وعايز اتجوزها

وفى ذلك الوقت سمع صوت ايوب يقول له.
-وهو فيه راجل يطلب واحده من الحريم؟ مش المفروض فيه رجاله تطلبها منهم.
شعر زين بالخجل من فعلته هذه التف له بأسف وقال
-انا اسف يا عمى ايوب مكنتش اقصد اطلبها من الحريم أنا بس اندفعت مشاعرى وكنت بصرح ليهم بحبنا.

كان وليد يقف بجوار ايوب بعد ما تقابلوا بالخارج تكلم سريعا وقال
-خلاص بقى يا ايوب متكبرش الموضوع وبعدين مش هو ده اللى كنا عايزينه وربنا حققه لينا والفرحه اكتملت برجوع حبيبة عمها نغم وافق يلا وخلينا نفرح شويه.

نظر له بضيق وقال بتهكم
-لا واضح أن مش الولد بس اللى مش فاهم الأصول، ده الاب كمان، ما تصبر يا ابنى واطلبوا منى البت زى الناس ده ايه الغلب ده يا ربى

كانت قمر وبتول يشعرون بالسعادة
أما حور كانت تتوهج نارا من شدة الخجل تركت يد زين وصعدت تجرى على غرفتها.
تعالت ضحكات الجميع ونظرت قمر لنغم وقالت
-اطلعى لأختك المجنونه دى يا نغم البت من كتر الكسوف قلبها هيوقف عليها.

اومأت رأسها بالموافقه وقالت
-حاضر يا ماما، عن اذنكم

تكلم وليد سريعا وقال
-استنى يا نغم تعالى فى حضنى احشتينى اوى ومن امبارح مش قادر اصدق انك رجعتى تانى لينا.

نظرة له بحب وامتنان وركضت سريعا عليه وارتمت داخل أحضانه وتمسكت به بقوة وقالت
-لسه كنت جايبه سيرتك وبقول انك طول عمرك كنت بتحبنى اكتر من اخوك عمرى ما حسيت معاه الحنيه اللى كنت بحسها معاك يا عمو انا بحبك اوى.

أبعدها عن حضنه وكوب وجهها بين يده ونظر بعينيها وقال بنبره هادئه.
-ابوكى الله يرحمه كان مريض نفسي يا نغم وكل أفعاله دى نتيجة أنه كان موقف العلاج بس صدقينى مكانش فيه اطيب منه ولا فى حنيته.
إلى هنا ولم يستطيع أيوب سماع كلمه اخرى تكلم بغضب شديد وقال

-وليييد كفايه خلاص وبعدين نغم بنتى أنا وانا بس اللى هعوضها عن وجع السنين واللى شافته فى حياتها قبل كده مش عايز حد يجيب سيرة البنى أدم ده تانى.

التهبت الأحداث وبدأت تتزايد فى الاشتعال
تكلم وليد بغضب وقال
-ايوب متنساش أن اللى بتتكلم عليه ده اخويه وهو دلوقتى فى مكان احسن من هنا وبرضاك أو غصب عنك نغم بنت مروان.

ضغط على أسنانه بغضب واقترب من وليد وأمسك به وقال بتحذير
-لاخر مره هقولها ليك يا وليد سيرة البنى أدم ده متجيش فى بيتى وكلمه تانيه زياده عنه هنسي كل اللى بينا.

تدخل سريعا انس وزين ووقفوا ما بينهم وتكلمت قمر بدموع
-ايوب وليد ايه اللى انتوا بتعملوا ده انتوا مش صغيرين على كده وبعدين احنا ما صدقنا نغم رجعت لينا علشان نفرح مش نتخانق مع بعض.

عندما ايوب رأى دموع قمر قلبه ألمه اتجه إليها واحتضنها بقوه وقال بأسف
-انا اسف يا حبيبتى متزعليش منى خلاص والله، مكنتش اقصد اعمل كده، تعالى معايا
واستأذن من الجميع وأخذها إلى غرفتهم

نظر وليد بغضب لايوب وتحرك بأتجاه الباب حتى يغادر لكن بتول ركضت إليه وامسكت ذراعه حتى تمنعه وقالت.
-علشان خاطرى يا وليد متزعلش، انت عارف اللى حصل لقمر وايوب من اخوك الله يرحمه وان لسه أثره معلق فى قلوبهم وكمان اللى عمله فى بنت قمر، علشان كده اديله العذر ومتكبرش الموضوع.

كانت نغم تتابع كل هذا فى صمت تام ولكن دموعها لم تقف

رد وليد عليها بصوت مختنق وقال
-عارف كل ده يا بتول، بس راعوا أن ده اخويا اللى مكانش ليا غيره واتقتل غدر من واحده منعرفهاش، وأنه كان مريض وأفعاله دى كلها كانت غصب عنه، أنا لحد دلوقتى نار فراقه فى قلبى مهمدتش.

ربت على يده بحنو وقالت
-عارفه يا حبيبى ربنا يرحمه ويصبر قلبك على فراقه، بس علشان خاطرى متزعلش من ايوب، وخلينا بقى نفرح برجوع نغم، وبخطوبة ابننا الحبيب السهون ده.

ابتسم لها بحب وأمسك وجهها بين يديه ونظر بعينيها وقال
“بحبك”

وفى ذلك الوقت وصل ريان مع زوجته وبناته ورأى وليد وبتول وسمع ما قاله لها اشتعلت النار بداخله تكلم بصوت مرتفع نسبيا
-السلام عليكم

ما أن سمعت بتول صوته انتفضت مكانها وابتلعت ريقها بصعوبه ابتعدت عن وليد بهدوء ونظرت إلى ريان وهو معه زوجته وقالت
-و و وعليكم السلام ورحمة الله وبركاته.

ضغط وليد على أسنانه وأمسك يد بتول بتملك وقال
-تعالى يا حبيبتى نقعد بدل واقفتنا دى.

ابعدت يدها عن وليد وتكلمت بتلعثم
-ا ا اصبر يا وليد أرحب بالناس على ما تيجى قمر مينفعش نسيبهم واقفين كده.
ثم اقتربت من ريان وزوجته ونظرت لها بضيق وقالت
-نورتى يا حبيبتى اهلا وسهلا

نظرت منى لها بكره شديد وتكلمت بصوت يكاد أن يسمع
-اهلا
ثم أمسكت ذراع ريان بقوه حتى تثبت ملكيتها له
نظرت بتول إلى يد منى الممسكه بذراعه ودقات قلبها تعالت لكنها حاولة أن تهدأ وقالت
-اتفضلوا قمر فى اوضتها وجايه حالا.
أنهت كلامها وتركتهم وعادت عند وليد وجلست بجواره

انقلب المكان لساحه حرب من النظرات المشتعله بين الكره والحقد والغيره
أما الاجيال الجديده ما كان عليها إلا أن تلتزم الصمت وتترقب ما سيحدث.
صعدت نغم إلى غرفة حور حتى تطمئن عليها، ودقائق معدودة هبطوا الاثنين مره الأخرى.
عادت قمر مع ايوب إليهم بعد ما هدأت وفى ذلك الوقت وصلت اسيل مع ابنتها اميره.
نهضت قمر رحبت بها وقالت بتساؤل
-اومال عامر فين ؟

نظرت لها بحزن وقالت بصوت منكسر
-معرفش عنه حاجه أنا وعامر انفصالنا

انتفض ايوب وريان سوا فى نفس الوقت وتكلموا بعدم تصديق
-انفصلتوا !! طيب ليه
اغلق انس عينه بغضب وتكلم بنفاذ صبر
-علشان ده بنى أدم همجى على طول يهين فى امى ويمد أيده عليها ودلوقتى ماشي مع بنت قد بناته بتضحك عليه وبتضربه على قفاه علشان تاخد منه فلوسه، أنا اللى قولتلها تسيبه واخدهم يعيشوا بعيد عنه وامى واختى أنا هعرف اخلى بالى منهم كويس اوى
كانت رهف تتابع انس بأعجاب شديد وحور كانت منتبه لهذه النظرات
تكلم ريان بغضب وقال
-وازاى محدش بلغنى أنا ولا ايوب باللى بيحصل ده كنا عرفنا نوقفه عند حده.

ردت اسيل بأبتسامه حزينه وقالت
-ربنا يخليكم بس انا مش عايزه مشاكل، كل اللى عايزاه دلوقتى اعيش فى سلام مع ولادى وهو ميشغلنيش فى حاجه خليه هو وأمه بعيد عننا مش عايزين منهم حاجه

اقتربت بتول من قمر وتكلمت بهمس
-تستاهل السحليه بعد اللى عملته معايا زمان وبسببها دلوقتى عايشه بعيد عن ريان عايشه دلوقتى دور الضحيه وهى كانت شيطانه، يلا ربك يمهل ولا يهمل

نظرت قمر لها بلوم وقالت
-يا بنتى بقى كفايه حرام عليكى جوزك، الراجل بيحبك وقايدلك صوابعه العشره شمع وبعد كل ده لسه بتفكرى فى ريان.

تكلمت بصوت مختنق وقالت
-يعنى هو كان بأيدى اعمل ايه بس لحد دلوقتى قلبى بيحبه ورافض يحب غيره.

ردت عليها بنفاذ صبر وقالت
-انتى شايفه مين اللى جانبه دى؟ دى مراته وبناته يا بتول، يعنى هو عاش حياته زى ما انتى كمان عندك حياتك بطلى تفكرى فيه بقى.
أنهت كلامها واعتدلت مره اخرى فى جلستها
تكلمت نغم بأستغراب وقالت بتساؤل
-هو عدى كل ده فين ؟

اجابتها بتول بتوضيح وقالت بنبره قلقه
-اتصلوا بى فى الشغل وطلبوا أنه يروح ليهم ضرورى، بس شكل الموضوع يخص قضيتك.

نظرت نغم لها بقلق وقالت
-م م معقول يكون هرب

نظرت لها قمر بأستغراب وقالت بتساؤل
-هو مين ده اللى هرب يا نغم

تدخلت بتول سريعا بالكلام وقالت
-ه ه هى تقصد يعنى واحد من الناس اللى كانوا خطفينها واللى عدى قبض عليهم

اومأت رأسها بتفهم وفى ذلك الوقت دخل زياد وهو ممسك بذراع فرح بغضب بعد أن رأها مع هذا الشاب يتجولوا فى الشارع انقض عليه وضربه وارغم فرح على الركوب معه فى السياره
تفاجئ الجميع بهذا المنظر ولكن لم يتركهم زياد يتساؤلوا بعد ما دفع فرح على الأرض وتكلم بغضب شديد
-البت دى ملهاش خروج من البيت ولو شوفتها عتبة بره الباب هكسرها رجلها

اتسعت عين الجميع وتكلم وليد بغضب وقال
-انت ازاى تعمل فى بنتى كده وانت مين اصلا علشان تتحكم فيها

تكلم بغضب شديد وقال
-انا ابقى ابن خالتها وليا حق اكسر رقبتها لما اشوفها ماشيه على حل شعرها مع واحد سمعته زى الزفت بياخد البنات يتسلى بيها شويه وياخد منهم اللى هو عايزه وبعد كده يرميهم رمية الكلاب بنتكم عندكم ولو الكلام اللى قولته ده متنفذش وربنا لاقتلها

نهض زين بغضب شديد وأمسك فرح من شعرها ارغمها على الوقوف وصفعها بقوه على وجينتها وتكلم بغضب
-وانت مالك بنتنا وانا هعرف اربيها كويس

ركضت قمر وبتول وأخذوا فرح من بين يد زين وأمسك انس ذراع كل من زين وزياد وارغمهم على التحرك معه إلى الخارج حتى يهدأوا قليلا
وضعت فرح رأسها على صدر قمر وظلت تبكى وتكلمت من بين شهقاتها
-والله العظيم ما حصل حاجه بينا يا خالتو هو بيحبنى وانا بحبه وكنا مستنين نتخرج وهيتقدم ليا
ربت على ظهرها بحنو وقالت
-مصدقاكى يا حبيبتى أهدى بس

نظر لها بأنكسار وتكلم بصوت حزين
-كده يا فرح برضه وانا اللى كنت بثق فيكى وقولت مستحيل تعملى حاجه تكسرنى

حركت رأسها بدموع وقالت
-والله العظيم ما عملت حاجه تكسرك انا تربية رجاله ومستحيل اسمح لحد يتخطى حدوده معايا يا بابا ارجوك افهمنى ده زميلى وبنحب بعض بس فى الحدود

نظرت بتول إلى وليد بقلق بعد ما بدأ يظهر عليه علامة الاعياء اقتربت منه وامسكت ذراعه وقالت بترجى
-وليد ارجوك اهدا انت كده بتأذى نفسك فين حباية القلب

تكلم بصعوبه وقال
-فى البيت
أنهى كلامه ووضع يده على قلبه
امسكته بقوه وقالت بدموع
-ايوب الحقنى حد يتصل على الإسعاف بسرعه

هرول الشباب إلى الداخل عندما سمعوا صراخ بتول وأجرى انس الاتصال بالاسعاف وأمسك ايوب وريان وليد وساعدوا على الجلوس واحل له ربطة عنقه حتى يتنفس بسهوله
كانت فرح منهاره من البكاء احتضنتها حور ونغم واميرة حتى تهدأ
وبعد دقائق معدودة وصلت سيارة الإسعاف وأخذوا وليد واتجهوا إلى المشفى.
………………………………………………….
بقلمي#دودومحمد
“ما وراء الماضى”13

“البارت الثالث عشر”

بقسم الشرطه…

جلس عدى بألم على مقعده خلف مكتبه الخشبى وتكلم بغضب وقال
-هو ايه لاقيتوا نجلاء مقتوله ومافيش اى اثر للقاتل؟ مش معقوله يعنى عفريت هو اللى قتلها اكيد فيه اى دليل.

حرك تميم رأسه بالرفض وقال بنفاذ صبر
-بقولك يا ابنى مافيش اى دليل ولا بصمات ولا أداة القتل ولا أى حاجه خاااالص

حرك يده على رأسه بضيق وتكلم بصوت مختنق
-نغم هتزعل اوى عليها لأنها متعلقه بيها اوى مش عارف ليه الدنيا معانده معانا كل ما نقول احلوت تدينى خزوق يطلع من نفوخنا، ابعت هات الزفت اللى مرمى فى الحجز ده.

اومأ تميم رأسه بالطاعه وأبلغ العسكرى بحضور محروس حالا.
دقائق معدودة كان يقف أمامهم بكل شموخ وكبرياء وابتسامة خبث على وجهه

نظر له عدى بغضب ونهض من على مقعده واقترب منه وامسكه من تلابيبه وقال بتساؤل
-مين اللى قتل نجلاء؟

ابتسم بلؤم وقال بتهكم
-انا…
ضغط على أسنانه بنفاذ صبر وقال
-اتكلم عدل احسن ما اخليك تتكلم بطريقتى

ظل محتفظ بأبتسامته وقال بعدم اهتمام
-انا قولتلك الحقيقه عايز تصدق براحتك مش عايز انت حر

اغلق عينه حتى يهدأ قليلا لكنه لم يستطيع صرخ بوجه قائلا:
-لاخر مره بسألك يا محروس، مين قتل نجلاء؟ ما هو مش معقول تكون خرجت قتلتها ورجعت تانى، دى لسه ميته مبقلهاش كام ساعه يعنى بعد ما اتقبض عليك، اخلص وقول الحقيقه.

تعالت ضحكاته بهستريه وقال
-جر ايه يا ابن اختى انت اطرش مبتسمعش ولا ايه ما قولتلك انا اللى قتلتها وزى ما قتلتها وانا بين أيديكم.
اقترب من أذنه وقال بهمس كفحيح الافعى
-هقتلكم كلكم واحد وراه التانى واولكم نغم.
ثم ابتعد عنه مره اخرى ونظر له بأبتسامه

شعر بالخوف داخله على نغم لكنه حاول الحفاظ على الثبات الانفعالى أمامه قائلا
-طيب فكر تقرب منها ولا من اى حد يخصنى وانا همحيك من على وش الارض.
أنهى كلامه بلكمه فى وجه اسقطته على الأرض.
تدخل تميم سريعا وأمسك عدى بقوه وقال
-اهدا يا عدى مش كده هو بيعمل كده علشان يستفزك ويوصلك للحاله دى

نظر عدى إلى محروس بغضب شديد وتكلم بتوعد
-موتك على ايدى يا محروس وسبق و قولتلك هعرفك مين عدى ريان

هتف تميم على العسكرى وأمره يأخذ محروس سريعا إلى الحجز

قبل أن يخرج محروس مع العسكرى نظر بأستفزاز لعدى وقال
-فتح عينك بقى يا ابن اختى
ثم تحرك إلى الخارج مع العسكرى

وصل عدى لأكثر دراجات الانفعال لديه وتكلم بغضب شديد
-هقتله يا تميم سيبنى عليه موته على أيدى ابن ال…..

تكلم تميم بهدوء قائلا:
-اهدا بقى يا ابنى خلاص مشى

تكلم بقلق وقال بصوت مختنق
-نغم لازم تتأمن كويس اوى، وكمان أهلى محروس مش ناوى على خير واكيد ليه ايد بره هى اللى بتنفذ أوامره

اومأ تميم رأسه بالموافقه وقال
-انا برضه رأى من رأيك شوف ناوى على ايه وانا معاك يا صاحبى

نظر له بوجع ثم تنهد وقال:
-تسلم يا صاحبى، أنا همشى دلوقتى علشان لازم ابلغ نغم بخبر موت نجلاء وربنا يستر من اللى جاى.
أنهى كلامه وخرج من مكتبه وهو يشعر بالضيق صعد سيارته وقبل أن يتحرك أعلن هاتفه عن وجود اتصال نظر به وجده زين زفر بضيق وقال
-اكيد بيتصل علشان اتأخرت عليهم
ثم أجاب عليه وقال:
-ايوه يا زين أنا جاى اهو

أتاه صوته المختنق قائلا:
-تعالى على مستشفى(….) ابوك تعبان

تعالت دقات قلبه بقلق شديد وتكلم بصعوبه
-بابا!! بابا ماله يا زين

رد عليه بصعوبه وقال
-تعالى بس ولما تيجى هتعرف كل حاجه سلام
اغلق الخط مع زين وأدار السياره بسرعه جنونيه متوجها إلى المشفى المتواجد بها وليد.
………………………………………………….
عند عامر

كان نائما على سريره وفى أحضانه فتاة عمرها اقل من سن ابنه الأكبر ترتدى ملابس تظهر جميع مفاتنها تكلمت بدلع قائله
-عمورتى، محتاجه فلوس علشان اكمل البيوتى سنتر بتاعى

قبل رأسها بحب وقال
-من عيونى يا قمر انت تؤمر، عايزه كام؟

نظرت بعينه واجابته
-اتنين مليون

انتفض مكانه وتكلم بغضب
-نعم يا اختى اتنين ايه؟! انتى عبيطه يا بت ولا عندك خال اهبل

نظرت له بغضب وتكلمت بهدوء حذر
-ليه بس يا عمورتى ده أنا كنت هاخد منك المبلغ وهخليكى شريك معايا فيه

هب واقفا وتكلم وهو يرتدى ملابسه
-اه شغل الافلام والمسلسلات ده مش عليا يا بت انا قولت هتقولى محتاجه خمس ست آلاف عادى يعنى إنما تقوليلى اتنين مليون هو انا عبيط وساذج اوى كده علشان اصدقك رقمى امسحيه من عندك وحسك عينك تهوبى عند الشركه، سلام يا ام اتنين مليون.
وتحرك سريعا إلى الخارج وغادر الشقه
نظرت إلى أثره بتوعد وقالت بغضب
-ماشى يا عامر مبقاش أنا سوزى لو مكنتش دفعتك التمن
ثم نهضت ارتدت ملابسها وغادرت الشقه.
………………………………………………….
فى المشفى

كانت بتول واقفه منهاره تبكى بقلق وخوف شديد على وليد كان ريان يتابعها وقلبه ينفطر من القلق عليها اقترب منها وربت على ظهرها بحنو وقال
-اهدى يا بتول علشان خاطرى مش قادر استحمل دموعك دى
تكلمت من بين شهقاتها وقالت
-انا خايفه على وليد اوى يا ريان أنا مقدرش اعيش من غيره من اول لحظه اتقابلنا فيها وهو واقف فى ضهرى وفىَ بكل وعوده ليا كان صادق فى مشاعره واتحدى الكون كله علشانى أنا ضعيفه اوى من غيره، بقوى بى، طول ما هو جنبى مبخافش من حاجه.

ظل يستمع ريان كلامها وقلبه يعتصر بألم شديد تنهد بضيق وقال
-ان شاءالله ربنا هيقومه بالسلامه
ثم تركها وعاد مره أخرى بجوار زوجته التى كانت تتابع ما يحدث بغضب شديد تكلمت منى بضيق وقالت
-ياريت بقى تهدا شويه بعد الكلام اللى قالته ليك وتبطل تفكر فيها
نظر لها بضيق وتكلم بصوت مختنق
-منى مش وقتك ده حطى لسانك فى بؤقك واسكتى شويه.

وفى ذلك الوقت خرج الطبيب ركض ايوب وبتول وزين عنده
تكلم ايوب بتساؤل
-طمنى يا دكتور وليد عامل ايه دلوقتى

نظر لهم بأسف وقال
-للاسف عطلة القلب ضعفة اكتر من الاول وانا قولتلكم المجهود الزياده خطر عليه ولازم تسرعوا فى اجراء العمليه دلوقتى

تكلمت بتول من بين دموعها وقالت
-بس يا دكتور حضرتك قولت نسبه نجاحها ضعيف وانا خايفه عليه نعمل ايه دلوقتى مافيش علاج احسن من العمليه دى

حرك الطبيب رأسه بالرفض وتكلم بمهنيه
-وقت العلاج انتهى يا مدام بتول الحل الوحيد دلوقتى العمليه ياريت تقرروا بسرعه لان كده فيه خطوره على حياته، ممنوع اى زياره ليه عن اذنكم

ارتمت بتول داخل أحضان قمر وانهمرت دموعها بغزاره وقالت
-وليد بيروح منى يا قمر قوليلى اعمل ايه انا خايفه عليه اوى

تنهدت بحزن وقالت بصوت مختنق
-مافيش حل غير العمليه يا بتول لازم توافقى قبل ما الحاله تدهور اكتر من كده

وفى ذلك الوقت وصل عدى بأنفاس لاهثه وتكلم بصعوبه
-بابا فين يا ماما

نظرت له بدموع وقالت
-ابوك بيروح مننا يا عدى عطلة القلب عنده ضعفة اكتر ولازم عمليه

احتضنها بقوه وقال بدموع
-لا أن شاءالله مش هيحصله حاجه بابا طول عمره يقولى الرجاله قويه ولازم تستحمل وهو قوى وهيستحمل أن شاءالله ربنا مش هيوجع قلوبنا عليه

اقترب ريان منه وربت على ظهرها وقال
-اهدا يا حبيبى متخافش

ابتعد عن بتول وارتمى داخل أحضانه وظل يبكى مثل الطفل الصغير وتكلم من بين شهقاتها
-بابا وليد مش مجرد اب وخلاص لا ده كان ابويا واخويا وصحبى وابنى فى كل مرحله فى حياتى كان مشاركنى فيها عمره ما قسي عليا ولا ضربنى، لما اغلط كان يقعد معايا بحكمه ويفهمنى غلطى وينصحنى اعمل ايه، ضحكته ليا كانت البلسم لكل جروحى لو حصله حاجه أنا هموت

شعر ريان بالغيره تجتاح قلبه لكن حاول يظهر عكس ما يدور داخله ربت على ظهره بحنو وقال
-متقلقش عليه يا حبيبى أن شاءالله هيرجع ليكم احسن من الاول

ابتعد عن حضنه وشعر بحزن ريان امسك يده وقبلها وقال
-انتوا الاتنين بحبكم مقدرش اتخيل حياتى من غيركم ربنا ميحرمنيش منكم ابدا يارب.

تراقص قلبه بسعاده عندما سمع كلمات عدى ابتسم له بحب وامتنان وقال
-ويخليك ليا يا حبيبى

بحث بعينه على نغم وقال بتساؤل

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى