دودود محمد الجزء الثاني

استيقظوا جميعا على فاجعة. لقد كان يهرولوا جميع الأطباء إلى غرفة وليد يحاولوا إنعاش قلبه الذى توقف تماما
وقفت بتول غير مصدقه ما يحدث لا تستطيع تخيل ماذا سيحدث إذا تركها وليد وحيده فى هذه الدنيا ركضت بأتجاه الغرفه المتواجد بها زوجها ورأت جميع الأطباء ملتفين حوله وقفت خلف الزجاج تنظر له بترجى والدموع تنهمر من عينيها تكلمت بصعوبه وهى تحاول توصيل صوتها له قائله.
-وليد ارجوك اجمد علشان خاطرى انا وولادك صدقنى محدش مننا هيقدر يكمل الحياه من غيرك انت السند لينا ولييييد ارجعلى بترجاك.

جحظت عيناها بصدمه وهى ترى الممرضين وهما يضعوا الغطاء الابيض على وجه حركت رأسها رافضه ما ترى بعينيها وركضت سريعا إلى الداخل وتكلمت بعدم تصديق
-لا لا لا انتوا بتعملوا ايه شيلوا البتاعه دى من على وشه وليد رد عليا وليد وليييييد

نظروا لها جميع من بالمكان بأشفاق فهما كانوا معجبين بحبهم لبعض وتمنوا أن يعيشوا مثل قصة حبهم، اقتربت منها الممرضه حتى تأخذها إلى الخارج لكنها رفضت وظلت تصرخ بأسم وليد

جاءت قمر ونغم واتصدموا من خبر وفاة وليد اخذت قمر بتول فى أحضانها بدموع وتكلمت من بين شهقاتها
-البقاء لله يا حبيبتى وليد قطع بينا كلنا بس هو ارتاح من الالم اللى كان حاسس بي ربنا يصبر قلبك وقلوبنا على فراقه.

تكلمت بصراخ وهى ممسكه بقوة بأختها قمر.
-وليد مات وسابنى يا قمر هو وعدنى أنه هيفضل جنبى ومش هيسبنى مهما حصل ليه بقى بيخلف كلامه معايا دلوقتى هو عمره ما خلف بوعده ولييييد تهون عليك دموعى ده انت مجرد ما بتشوف دمعه تنزل منى كنت بتجرى وتمسحها بأيدك وتخدنى فى حضنك قوم علشان خاطرى انت قولتلى مبتعرفش تنام وانا بعيده عن حضنك ازاى جالك قلب تنام دلوقتى وتسيبنى ااااااه يارب.

نظرت قمر بدموع لدكتور وقالت بترجى.
-بترجاك يا دكتور اديها حقنه مهدأه

اومأ رأسه بالموافقه وأمر الممرضه تأخذها إلى الغرفه وتعطيها المهدأ
لكن بتول رفضت بشدة وظلت تصرخ بقوه هزت اركان المشفى بأسم وليد حتى خارت قواها ونقلوها إلى الغرفه وأخذت المهدأ.

جلست نغم بالأرض مثل الطفل الصغير وظلت تبكى بألم الفقدان بعد عودتها إلى احضان الجميع وتصورت أن الحياة رضت عليها تفاجئت بقلم تلو الآخر تصفعه لها الحياة وأخذت كل من هو عزيز على قلبها تكلمت بدموع وقالت.

-اااايه حرام عليكى ليه كل ما تشوفينى مبسوطه شويه تدينى بالقلم على وشي توجعينى ليه مصممه تخدي منى اللى بحبهم بعد ما صدقت رجعت تانى لحضنهم كفاااايه بقى قلبى مش حمل وجع ولا فراق كفايه صدمات فيا حرام عليكى.

تذكرت عدي وكيف ستبلغه هذا الخبر المفزع مشفقه على حاله فى لحظه فقد أبيه الروحي والاخر حاله لا يبشر بالخير وعلى مشارف الموت تنهدت بوجع وامسكت الهاتف الخاص بها وأجرت اتصالا هاتفيا على عدي وانتظرت الرد دقائق معدودة وسمعت صوت صراخه.
-بابا ريان بيموت يا نغم الدكاتره بيحاولوا معاه جوه بس رافض يرجع الحياة.

ألجمتها الصدمه يا للقدر تزامن المصائب بوقتًا واحد وكأنه اتفاق مسبق لم تستطيع أخباره بوفاة وليد وهو يعانى من الخوف من فقدان أبيه ريان الحروف رافضه تجتمع على لسانها حاولة مراراً وتكرارا وكأنها عادت مره اخرى خرساء كان الصمت سيد الموقف والدموع تزين اللحظه الحزينه تلك
ولكن جاء سؤال عدى المفاجئ قائلا من بين شهقاته
-بابا وليد عامل ايه دلوقتى، طمنينى؟.

غمامه سوداء ظللت فى سماء الفراق حركت شفاها ببطئ شديد منتظره عواقب ما سوف تنطقه قائله.
-ا ا البقاء لله.

صمت تاااام لا تستمع غير صوت شهقات ريان وفقط شعرت دقات قلبها سوف تخترق صدرها من شدة الالم تكلمت بقلق قائله
-عدي انت كويس رد عليا ارجوك.

فى هذا الوقت استمعت صوت إنهاء المكالمه ازداد القلق عندها نهضت سريعا وركضت بأتجاه والدتها وتكلمت بدموع.
-ماما أنا هروح عند عدى عرف بالخبر وكمان عمو ريان حالته خطر والدكاتره بيحاولوا يرجعوا وهو رافض وبابا ايوب فى الشغل ومحدش معاه هناك .

نظرت قمر لها بدموع وقالت.
-اللهم لا اعتراض على امرك وحكمك اللهم لا سألك رد القضاء ولكن أسالك اللطف فيه اللهم صبر قلوبنا ونزل السكينه فيه.

ثم نظرت إلى نغم بدموع وقالت.
-ماشى يا بنتى روحى وابقى طمنينى على عمك ريان ربنا يقومه بالسلامه وانا هبلغ الكل خبر وفاة وليد.

نظرت لها بدموع واومأت رأسها بالطاعه وخرجت من المشفى وذهبت عند عدي.
………………………………………………….
أبلغت قمر الجميع بخبر وفاة وليد ووصل زين وفرح وهم منهارين تماما ظلت بتول تحت تأثير المهدأ بدأ عدى و زين إنهاء إجراءات الدفن وبعد اتمام جميع الإجراءات وصلوا جميعا إلى مقابر عائلة الديب معادا بتول وظلت معها حور حتى لا تتركها بمفردها بدأ تشيع جثمان وليد إلى مثواه الاخير، داعيا المولى أن يتغمده بواسع رحمته.

نظرت نغم إلى قبر والدها مروان الديب الذى يجاور مقبرة عمها وليد وجدها وجدتها
وتذكرت يوم الحادث وضعت يدها على عنقها وتسارعت دقات قلبها وكادت أن تقع يد عدى امسكتها نظر لها بأعين مملوءة دموع وتكلم بقلق.
-مالك يا نغم

حاولة أن تهدأ وتكلمت بصوت مهتز
-م م مافيش يا عدي زعلانه بس على فراق عمو وليد

شعر برعشة يدها تكلم بصوت مختنق.
-لا يا نغم مش هو ده السبب قولى مالك أنا مش قادر اتكلم.

نظرت إلى قبر والدها وتكلمت بدموع
-افتكرت مشهد موت بابا و و وهو محروس بيدبحه منظر كان بشع

وضعت يدها على عنقها وجسمها كله بدأ ينتفض بشدة وتكلمت بخنقه.
-المنظر كله بيتعاد قدامى دلوقتى شايفه منظر السكينه وهي ماشيه على رقبته شايفه الدم وهو بيطرطش فى المكان شايفه هزت جسم بابا وسامعه صوته وهو بيطلع الروح ا ا المشهد كله قصادى

وبدأ جسمها ينتفض بشدة

ضمها عدى داخل أحضانه وتكلم بدموع
-نغم يا نغم اجمدى علشان خاطرى ا ا انا محتاجك جنبى دلوقتى خليكى قوتى اوعى تضعفى فى اللحظه دى نغم ردى عليا

خارت قواها واغمى عليها بعد صراع مع ماضيها المؤلم والمشهد الذى سيظل محفور فى ذاكراتها و ستظل ندبه لا تلتئم مدى الحياة.

مال بجسده حملها من على الأرض اتجه إلى خارج المقابر وضعها داخل السياره وخلع سترته عنه ووضعها عليها واغلق الباب وعاد مره اخرى إلى الداخل حتى يأخذ العزاء.
………………………………………………….
بعد الانتهاء من العزاء بالمقابر تقسموا فريقين مثل الأول.
ذهب عدى مره اخرى إلى المشفى المتواجد بها ريان ومعه ايوب وزياد
ولكن هذه المره ذهب انس مع زين حتى يأزره فى هذه المصيبه لأنه كان منهارا على فراقه والده
وعادت قمر ومعها فرح ونغم المشفى المتواجد بها بتول ومعها حور.

عندما اطمئنت حور على بتول خرجت وطلبت من والدتها أنها تهتم بها قليلا وبحثت عن زين وجدته يجلس على الأرض ويبكى تحركت بأتجاه وجلست بجواره وامسكت يده بدموع وقالت
-شد حيلك يا زين علشان خاطرى

تكلم من بين شهقاتها وقال
-الشدة على الله، ابويا مات يا حور ضهرى انكسر خلاص مبقاش عندى سند فى الدنيا، مات وعرفت قمته بعد فوات الاوان، كام مره طلب منى انزل اساعده فى الشركه علشان تعب وانا رفض كان بيجهد نفسه علشان يحافظ على فلوسنا وانا غبي حمار كنت بقوله لا يمكن لو كنت ساعده مكانش قلبه تعب من المجهود وكان زمانه عايش وسطنا دلوقتى، عرفت ده متأخررر اوى.

حركت رأسها بدموع وقالت
-لا يا زين متحملش نفسك ذنب موته ده عمره وانتهى وبيك أو من غيرك كان هيموت لأن ساعته جات اجمد يا حبيبى امك واختك محتاجينك دلوقتى

ارتمى داخل أحضان حور وتمسك بها بقوه وظل يبكى مثل الطفل الصغير وتكلم من بين شهقاته وقال.
-مش عارف هقدر اكمل حياتى زى بعد موته حاسس ان حياتى وقفت على اللحظه دى عقلي رافض يستوعب فكرت موته لسه لحد من كام ساعه كانت ضحكته منوره على وشه ازاى دلوقتى يكون نايم تحت الارض والله صعبه عليا يا حور صعبه.

ربت على ظهره بحنو وتكلمت من بين شهقاتها.
-عارفه انها صعبه والله عمو وليد قطع بينا كلنا بس انت قدها يا زين أنا متأكده انك هتقوى علشان خاطر اللى بيحبوك.

تمسك زين بها بقوة وازدادت شهقاته وحرك رأسه بالرفض وقال بدموع
-لا يا حور أنا ضعيف أضعف مخلوق على الأرض قوتى وسندى ماااات خلاص انا من غيره ولا حاجه.

لم تجد حور كلام تقوله له غير احتوائها له داخل أحضانها متغلبه عن خجلها تاركه أى قيود فهو الان فى امس الحاجه لحضنها.
………………………………………………….
كان زياد جالس معهم بالمشفى وعقله مشغول بفرح وعن حالتها الغير مطمئنه لانهيارها عند فقدان والدها نظر إلى والده وجده يجلس بحزن شديد اقترب منه وتكلم بصوت هامس
-بابا هروح اطمن على خالتو بتول واشوفهم محتاجين حاجه ولا لا وجاى تانى

اكتفي ايوب بأمأة رأسه بالموافقه دون أن يتكلم

نهض زياد واتجه إلى عدي وقال
-عدى هروح عندهم هناك اطمن عليهم واجيلك تانى محتاج حاجه منى؟

حرك رأسه بالرفض وتكلم من بين دموعه.
-لا يا زياد روح ليهم انت هناك وابقى طمنى على ماما عامله ايه دلوقتى.

اومأ زياد رأسه بالموافقه وربت على كتفه وتركه واتجه إلى المشفى المتواجده بها بتول بعد عدة دقائق كان بالداخل يبحث بعينه على فرح وجدها تجلس على إحدى المقاعد بمفردها وتبكى ذهب عندها وجلس بجوارها وأمسك يدها وقال بحزن شديد

-اهدي يا فرح علشان خاطرى.

تكلمت بصعوبه من بين شهقاتها وقالت
-أنا السبب يا زياد بابا مات مقهور بسببى

حرك رأسه بالرفض وقال بوجع.
-لا طبعا يا فرح عمو وليد الله يرحمه مش من النوع اللى بيفكر كده انا متأكد أنه كان متفهم وضعك وعارف انك عيله صغيره واضحك عليكى ومتأكد أنه وصى خالتو بتول عليكى لان غلاوتك انتى فى قلبه غير اى حد، اما اللى حصله ده كلنا عارفين أن عضلة القلب عنده كانت ضعيفه وأنه فى الفترة الاخيره دى كان واضح عليه التعب والارهاق وكان لازم يعمل العمليه فى اسرع وقت، يعنى الموضوع بعيد عنك خالص، وفى الاخر ده أجله وانتهى ومحدش فينا يقدر يعترض على قضاء الله ادعيله بالرحمه والمغفرة هو دلوقتى فى امس الحاجه لدعاء.

وضعت يدها على وجهها وقالت .
-مش قادره اصدق ان خلاص مش هشوفه تانى مش هيحضنى كل يوم الصبح زى ما متعودة مش هيقولى يا فرحة قلبى ويبتسم ليا ابتسامته الجميله، بابا هيواحشنى اوى والله.

تكلم بقلب مفطور من شدة الحزن على وجع محبوبته قائلا:
-انتى عارفه أن هو دلوقتى حاسس بيكى ودموعك دى بتعذبه فى نومته، لو بتحبيه بجد بلاش عياط وخليكى قوية علشان يكون مرتاح فى نومته دلوقتى .

اومأت رأسها بحزن ومسحت دموعها وقالت
-ربنا يصبر قلبى على فراقك يا حبيبى.
ثم نظرت إلى زياد وقالت .
-ممكن تجيبلى مصحف عايزه اقراه فيه علشان النار اللى فى قلبى تهدا شويه.

اومأ رأسه بالموافقه ونهض سريعا وقال
-عيوني حاضر هروح اجبلك المصحف وأجى على طول

وبالفعل خرج مسرعا متجهًا إلى أحدي المتاجر حتى يأتى لها بكتاب الله الشريف كما تريد.
………………………………………………….
بدأ مفعول المهدأ ينسحب من جسد بتول وبدأت تحرك رأسها ببطئ شديد ويصدر منها صوت انين شعرت بها قمر نهضت سريعا من مقعدها واقتربت منها وامسكت يدها وربتت عليها بحنو وقالت

-بتول طمنينى عليكى عامله ايه دلوقتى؟

فتحت عينيها بصعوبه وتكلمت بصوت ضعيف وقالت بتساؤل
-وليد يا قمر عامل ايه دلوقتى طمنينى عليه؟

تنهدت بحزن على حالة اختها وتكلمت بصوت مختنق.
-ادعيله يا حبيبتى بالرحمه، هو دلوقتى فى مكان احسن من هنا.

حركت رأسها رافضه ما قالته قمر وتكلمت بدموع.
-لا لا لا متقوليش كده وليد عايش أنا متأكده هو مستحيل يسيبنى بسهوله كده روحى بس قوليله بتولك بتعيط ودموعها على خدها هيجى جرى علشان يمسحهم بأيديه، ابوس ايدك يا قمر قوليلى أن وليد عايش واللى حصل ده كله كابوس وهصحى منه، اتكلمى يا قمر ساكته ليييه ردى علييييا بترجاكي.

جلست قمر بجوارها ضمتها داخل أحضانها وربتت على ظهرها بحنو وقالت:
-اهدي يا بتول علشان خاطرى قلبى بيتقطع علشانك ادعيله بالرحمه وربنا يصبرنا كلنا على فراقه.

تمسكت بها بقوه وقالت بصراخ.
-ياااااااارب الصبر من عندك يارب.
وظلت تبكى بقلب مفطور من وجع الفراق.
………………………………………………….
وصلت اسيل إلى المشفى عند ريان بعد ما ابلغها انس بما حصل له وجاء معها ابنتها أميرة متزامناً فى نفس وصول عامر إلى المشفى نظر لها بضيق ودلف إلى الداخل وذهب عند أيوب وتكلم سريعا
-ايوب طمنى ريان عامل ايه دلوقتى انا عرفت صدفه من شويه من الاخبار اللى انتشرت على النت بخبر موت وليد وحادثة ريان

نظر له بوجع وقال بصوت مختنق.
-ادعيله يا عامر حالته وحشه اوى ورافض يرجع للحياة الدكتور قال محتاج حد يكون بيحبه اوى يجي يبقى جنبه فى الوقت ده علشان يديله دافع يرجع من الغيبوبه دى.

تكلمت اسيل سريعا وقالت
-بتول، هى اقرب حد لقلبه وهى الوحيده اللى ريان هيتمسك بالحياة علشانها.

حرك رأسه بالرفض وقال بصوت مختنق.
-مينفعش بتول جوزها مات النهارده وحالتها صعبه مينفعش اطلب منها طلب زى ده فى الوقت ده، ما انا عارف انها هى الوحيدة اللى فى قلبه بس وجودها صعب.

كانت منى تستمع كلماتهم ونار الغيره تحرق قلبها والغضب يزداد بقوه داخلها نظرت لهم بغضب شديد وابتعدت عنهم.

تكلمت اسيل بتوتر وقالت
-شكلها زعلت من الكلام اللى احنا قولناه دلوقتى وغيرانه على جوزها

نظر ايوب لهم بعدم اهتمام وقال
-اصلا ريان طلقها يوم الحادثه، وهى عارفه بموضوع بتول ده من اول لحظه دخلت حياة ريان فيها.

شعرت اسيل بالذنب لأنها كانت هى السبب فى فراق ريان وبتول ووصلهم إلى المرحلة تلك من العذاب تنهدت بحزن وقالت
-ربنا يصلح الأمور ما بينهم.

ابتسم عامر بتهكم وقال
-الشيخه فتكات، دلوقتى نزل عليكى التقوى والايمان، الله يرحم ايام ما كنتى فى حض

قاطع كلامه ايوب الذى صرخ بغضب شديد وقال
-عاااامر احترم نفسك مش وقت اللى بتعمله ده، اطمن بس على ريان ولينا كلام بعدين.

نظر عامر له بعدم اهتمام ونظر إلى اسيل بغضب ثم تحرك إلى مكان آخر وجلس عليه.

نظرت إلى عامر بدموع ثم نظرت إلى ايوب وقالت.
-هروح اطمن على بتول واعزيها ورجعلكم تانى.

اومأ ايوب رأسه بالموافقه وقال
-ماشى خلى السواق يوصلك.

خرجت اسيل من المشفى وصعدت السياره واتجهت إلى بتول حتى تأزرها فى حزنها.
………………………………………………….
وصلت اسيل المشفى عند بتول وسألت على الغرفه المتواجده بها وصعدت عندها طرقت على الباب ودلفة إلى الداخل بأحراج ونظرت إلى بتول بتوتر وقالت
-البقاء لله

اجابتها بصوت حزين وقالت.
-ونعم بالله، اتفضلى

احضرت قمر مقعد لها ووضعته بجوار السرير وقالت:
-اتفضلى يا اسيل اقعدى

جلست اسيل على المقعد ونظرت إلى بتول وقالت:
-شد حيلك يا بتول ربنا يرحمه ويصبرك على فراقه

ردت عليها بدموع:
-الشدة على الله.

أخذت اسيل نفس عميق وقالت بتوتر.
-ا ا انا لسه جايه من عند ريان.

نظرت لها بدموع وقالت
-ربنا يقومه بالسلامه لمراته وبناته.

حركت رأسها بالرفض وقالت بصوت حزين
-ريان رافض يرجع الحياة تانى بيحاولوا الدكاتره معاه علشان يفوق من الغيبوبه بس هو رافض يستجيب ليهم ومؤشرات جسمه كلها شبه واقفه، و و والدكتور قال لازم حد يكون ريان متعلق بي قوى ويكون هو الدافع اللى يرجع علشانه الحياة.

نظرت إلى الجانب الآخر وتكلمت من بين شهقاتها .
-بيتهيألى مراته وبناته هما اقوى دافع ليه.

ابتلعت ريقها بتوتر وقالت
-بتول، ريان طلق منى يوم الحادثه وحتى لو مطلقهاش كلنا عارفين مين اكتر حد قريب من قلبه والوحيده اللى ريان هيتمسك بالحياة علشانها

نظرت بتول لها بصدمه وقالت
-ريان طلق منى!! ليه؟

حركت رأسها بعدم معرفه وقالت.
-معرفش والله ده ايوب اللى لسه قايلي الكلام ده.

أغلقت عينيها بدموع وقالت
-هو حر فى حياته يعمل اللى عايز يعمله.

اسيل أمسكت يد بتول ونظرت لها بأسف وقالت.
-بتول أنا عارفه أن الوقت مش مناسب لكلامي ده ولا اللى هقوله هيرجع اللى فات، انا اسفه يا بتول على اللى حصل زمان انا السبب فى فراقك انتى وريان طول السنين اللى فاتت دى وانا اللى سرقت منكم سعادتكم وانا السبب فى اللى وصلتوا ليه دلوقتى بس صدقينى كنت عيله صغيره مراهقه كنت فى ثانوى خالتها استغلت صغر عقلها ولعبة بدماغها وكبرت فكرت الجواز من ابنها فى دماغى كنت شبه العروسه بتحركها بصوابعها وعلى ما جيت كبرت وفهمت و فؤقت من اللى كنت فيه لاقيت الدنيا كلها باظت وكل واحد منكم شاف حياته مع حد تانى وانا اتجوزت عامر وكل واحد اتلهى فى حياته بس اتفاجئت بعد السنين دى كلها لا انتى قدرتى تنسي ريان ولا هو قدر ينسي حبك وحسيت بالذنب وتأنيب الضمير وربنا جابلك حقك منى تالت ومتلت وشوفت العذاب الوان على ايد عامر وأمه، نفسي تسامحينى يا بتول هو اه جات متأخر اوى بس المهم ان قدرت اتأسفلك علشان لما اقابل ربنا أقابله وانا ضميرى مرتاح

كانت بتول تستمع كلماتها والدموع كالشلال تدفق بغزاره لا تعلم ماذا تقول وماذا تفعل تكلمت بصعوبه من بين شهقاتها وقالت.
-بسببك انتى عيشت عمرى كله ظلمه عيشت مع أعظم راجل فى الدنيا بس مقدرتش احبه لو مكنتيش دخلتى حياتى انا وريان كان زمانه عايشين مع بعض بنربى ابننا وأخواته كان قلبى ارتاح من تأنيب الضمير اللى بيعذبنى علشان كنت باخد الحب والحنان كله من وليد ومكنتش قادره ارد ليه نص اللى بيعمله معايا، وفى الاخر مات وانا مديونه ليه بعمرى كله مات زى ما قالى هيفضل لاخر نفس فيه يحبنى ويدينى بدون مقابل.

ثم أخذت نفس عميق كله الم ووجع وقالت
-عموما أنا مسمحاكى عارفه ليه؟ علشان لو وليد كان عايش كان هو اول واحد هيطلب منى اسامحك.

ابتسمت لها بحزن وقالت.
-ربنا يرحمه يا حبيبتى، وبجد أنا مبسوطه أوى انك سامحتينى وريحتينى من تأنيب الضمير ده بس برضه مش هرتاح غير اللى فى دماغى يتحقق، هسيبك بقى ترتاحى دلوقتى وهروح اطمن على ريان وهجيلك تانى.

أنهت اسيل كلامها وخرجت من الغرفه
نظرت بتول إلى أثرها بدموع ووضعت يدها على وجهها واجهشت فى البكاء.
………………………………………………….
بقلمي#دودومحمد
“ما وراء الماضي”17

“البارت السابع عشر”

مر عدة أيام على ابطالنا بقى ريان بين الحياة والموت غائب تماما لا يشعر بشئ سوي الهروب من الحياة فقط لا غير
ظلت بتول مقيمه بالمشفى حتى تستكمل علاجها عاد الجميع لأعمالهم وبالمساء يأزروا بتول وريان على حدة

بعد أن فحص الطبيب بتول نظر له زين وقال بتساؤل
-ها يا دكتور حالتها عامله ايه دلوقتى؟

اجابه الطبيب بمهنيه موضحًا له.
-الحمدالله حالة مدام بتول بقت تمام الضغط اتظبط السكر عندها اتظبط

اتسعت أعين الجميع وتكلمت قمر بحزن وقالت
-سكر !! هى بتول عندها السكر ؟!

أومأ رأسه بالتأكيد قائلا بتوضيح
-ايوه بس واضح أنه لسه جديد عندها عموما انا هكتب ليها العلاج المناسب وده هتستمر عليه بجرعات معينه مدى الحياة وهقولكم ايه هو الاكل المسموح بى وايه الحاجات الممنوعه عنها، علشان نتجنب اي ضرر أو غيبوبة سكر.

اومأت قمر رأسها بالموافقه وقالت بدموع.
-حاضر يا دكتور كل اللى هتقولنا عليه هنفذه بالحرف.

ابتسم لهم الطبيب قائلا:
-أنا هكتبلها على خروج النهارده اتفضلوا فى الحسابات وبعد كده هنتظركم فى مكتبي، عن اذنكم.
انهي كلامه وذهب يتابع عمله.
نظرت قمر إلى أثره وتكلمت بدموع
-سكر يا بتول انتى صغيره على موضوع السكر ده ياريت كنت انا وانتى لا يا حبيبتى يارب ابعد عنها الشر وخليها ليا ولاولادها.

تكلمت فرح بدموع.
-أنا خايفه على ماما اوى يا خالتو يعنى بابا مات وماما جالها السكر، احنا بيحصلنا ليه كل ده.
أنهت كلامها وارتمت داخل أحضانها

ربتت قمر على ظهرها بحنو وقالت:
-يا حبيبتى متقوليش كده استغفرى ربنا ده ابتلاء من عنده واحنا راضين بأمره وحكمه وربنا هيجازي صبرنا ده خير.

تكلمت من بين شهقاتها وقالت:
-اللهم لا اعتراض على حكمك الصبر من عندك يااارب.
وظلت تبكى بقوة .
………………………………………………….
عند ريان

جلس عدي بجوار ايوب وربت على قدمه وقال بصوت حزين:
-عمى ايوب روح ارتاح شويه فى البيت من يوم اللى حصل لبابا ده وانت مروحتش من الشغل للمستشفى ومن المستشفى للشغل وده غلط على صحتك.

حرك رأسه بالرفض وتكلم بصوت مختنق:
-مقدرش أمشى واسيب ريان هنا لوحده ابوك يا ابنى رفيق عمرى شاركنى فى رحلتلى وعمره ما زعل منى مهما كنت اعمل فيه رغم فرق السن اللى بينا الا كان دايما العقل المدبر ليا اعتمادي كله كان عليه مقدرش اسيبه فى وقت زى ده وانام على سريري عادى زمان فضل قاعد جنبى وانا فى غيبوبه مبعدش عنى ثانيه ابوك اخويا الصغير زيه زي عامر ومعاذ ميفرقش حاجه عنهم.

ابتسم له بحزن وقال:
-ربنا يديم ما بينكم المحبه ويرجعه لينا بالسلامه.

تنهد بحزن وقال بتمنى:
-اللهم امين.
ثم نظر إلى منى وبناتها وتكلم بصوت هامس:
-قول لأختك رهف تاخد امها واختها ويروحوا يرتاحوا شويه من يوم اللى حصل وهما على نفس الحال

حرك رأسه بضيق وقال:
-حاولة كتير بس مش راضين وبالذات مرات ابويا ورغد بيعتبرونى عدوهم مش طايقين كلمه ليا.

زفر بضيق وقال بنفاذ صبر:
-الواحد لو مكانش الظروف اللى هو فيها ده كان عرف يتصرف معاهم بس لا مكانه ولا وقته.

أستقام عدى من مقعده وقال:
-هروح اطمن على ماما عن اذنك.

نظر إلى أثره وقال بصوت هامس.
-الله يعينك يا عدي على اللى انت فيه شايل هموم الدنيا على كتفك وبتحاول تستحمل.
………………………………………………….
وصلوا جميعا إلى منزل بتول اول مره تدخل المنزل فى عدم وجود وليد وقفت امام البوابه تعالت دقات قلبها أغلقت عينيها بدموع وشعرت بقدميها لم تتحملها أسندت على زين وزياد ويدها كانت ترتجف بشدة

ربت زين على يدها بحنو حتى يحسها على التحرك وتكلم بصوت حزين.
-اجمدى يا ماما علشان خاطرى واهدي شويه بالله عليكى.

تكلمت من بين شهقاتها.
-مش قادره يا زين اول مره هدخل المكان وابوك مش فيه ريحته موجوده فى المكان بطريقه مش معقوله حاسه قلبى هيوقف من كتر الوجع والحزن رجلي مش شيلانى يا ابنى.

فرت دمعه من عين زين وقال:
-لو مش قادره تقعدى هنا تعالى نروح الفيلا التانيه اقعدى فيها الفترة دى

حركت رأسها بالرفض وقالت بدموع:
-لا يا زين مش هسيب المكان اللى فيه ريحة ابوك افتح الباب يلا.

اومأ رأسه بالموافقه وتحرك إلى الأمام فتح الباب واسندتها فرح وزياد وتحركوا إلى الداخل.
وقفت بتول مكانها تنظر حولها كل ركن بالمنزل ترى فيه ذكرى لزوجها وليد تعالت شهقاتها وتحركت إلى الاريكه وجلست عليها وحركت يدها وقالت بحزن.

هنا كان بيرجع من الشغل يقعد جنبى يقولى بحبك واحشتينى.
ثم نهضت واتجهت إلى الدرج وقالت.
-هنا زعلته ولما حسيت بغلطى ودموعى نزلت منى مهنتش عليه اخدنى فى حضنه وطبطب عليا.
وتحركت إلى السفره وحركت يدها على مقعده وقالت.
-وهنا كان بيقعد يلمنا حواليه ويبص ليا كل شويه على أنى أعظم انتصاراته ويبص على ولاده بفخر أنهم ثمار حبه ليا، ااااه يا وليد ليه موت وسيبتنى هعيش ازاى من غيرك كل حته فى البيت فيها ذكرى حلوه مافيش ولا ذكرى وحشه افتكرها ليك كنت اطيب وأعظم زوج وأب، ااااه يارب صبر قلبى على فراقه.

احتضنتها قمر بدموع وقالت بترجى.
-بتول علشان خاطرى اهدي انتى لسه تعبانه واللى بتعمليه ده مش كويس عليكى.

تمسكت بها بقوه وتكلمت من بين شهقاتها.
-ياريت يحصلي حاجه و اروح ليه ياريت علشان مش قادره اكمل حياتى من غيره.

تكلمت فرح بدموع وقالت.
-متقوليش كده بالله عليكى فكرى فينا شويه كفايه علينا خسارة واحدة مش هنقدر نستحمل خسارة تانيه يا ماما.

نظر لها زياد بوجع وحزن على دموعها وتكلم بترجى.
-اهدي يا فرح متزودهاش عليها، كفايه اللى هى فيه.

ابتعدت بتول عن حضن قمر ونظرت إلى فرح وزين بحزن وقالت:
-انكتب علينا خلاص الفراق وابوكم بقى فى مكان احسن من هنا دلوقتى انتوا ثماره فى الدنيا الذريه الصالحه ليه، ده دوركم دلوقتى زى ما هو جابكم الدنيا وتعب علشانكم كبركم وخلاكم قد المسؤوليه دوركم انكم تخلدوا اسمه فى الدنيا تدعوا ليه فى كل وقت وكل صلاة تخرجوا ليه صدقه جاريه ومستمرة، حياتكم خلي صورة ابوكم دايما قصاد عيونكم اى فعل تعملوه افتكروا أمنيته و هو عايش أنه يفتخر بيكم ويقول هما دول ولاد وليد الديب، الشركه اللى تعب فيها وكبرها لازم تفضل مفتوحه واسم وليد الديب عليها تمسكها يا زين انت ونغم بنت خالتك تكبروها اكتر وتوصلوها فى المكانه اللى تليق بأسمه كأنه موجود وسطنا بالظبط عايزاها تسلم اجيال وتفضل فى مجدها عايزه لما أقابله أقوله امنتك اللى انت سيبتها ليا ولاولادك حفظنا عليها وسلمناها للأجيال الجايه.

أومأ زين رأسه بدموع وقال:
-حاضر يا ماما انا اصلا مسكت الشركه من اول يوم دخل فيها المستشفى وكنت ناوى اساعد بابا الله يرحمه فيها لما يخرج من المستشفى كان عندى امل أنه يخرج وافرح قلبه وبوجودى جنبه فى الشركه زى ما كان عايز، بس للاسف مات قبل ما يعيش اللحظه دى وافرحه.

كانت حور تستمع كلمات زين وتبكى حزنا على ألمه ووجعه.

اقتربت نغم من بتول وقالت بدموع:
-تعالى يا خالتو ادخلى اوضك ريحى جسمك شويه.

نظرت لها بحزن وقالت.
-وهو بعد موت عمك وليد يا نغم فيه راحه؟ خلاااص يا بنتى اللى جاى كله حزن ووجع قلب.

وتركتهم وتحركت إلى غرفتها دلفت إلى الداخل وأغلقت الباب خلفها.

نظرت حور إلى باب غرفة بتول بقلق وقالت:
-ماما أنا خايفه على خالتو بتول اوى مش المفروض تدخلى معاها متسبهاش لوحدها.

حركت رأسها بالرفض وقالت
-لا يا حبيبتى سبيها تعيش اللحظه على انفراد وانا متأكده أنها هتبقى كويسه اللى شوفنا فى حياتنا زمان خلانا ناخد وجع الصدمه وبعد كده نقوي علشان نكمل واللى شوفناه زمان أنا وخالتك مكانش قليل ابدا احنا شوفنا جميع انواع الوجع والعذاب وبفضل ربنا رجعنا، اه رجوعنا كان دايما بيبقى ناقص فيه حاجه بس اهو بنعافر مع الدنيا علشان نقدر نكمل ونعيش.

تنهد زين بوجع وقال.
-عن اذنكم هطلع أوضى.

تكلمت حور سريعا وقالت
-زين انزل تانى علشان عايزاك.

اومأ رأسه بالموافقه وصعد إلى غرفته.

تكلمت فرح بحزن وقالت.
-أنا مليش نفس اطلع أوضى دلوقتى هطلع اشم شوية هوا فى الجنينه، عن اذنكم.

وخرجت بدموع وتركتهم.
تابعها زياد بحزن وتحرك خلفها واتجه إليها.

نظرت نغم إلى قمر وقالت.
-هنعمل ايه دلوقتى يا ماما.

تنهدت بحزن وقالت .
-أنا هدخل اعمل لقمه للكل وبالمره ابعت لابوكى وعدى وانس اكل علشان بقالهم كتير اوى مأكلوش لقمه بيتى تسند قلبهم.

اومأت نغم رأسها بالموافقه وقالت.
-ماشى يا ماما اعملى الاكل وانا لما تخلصى هخدلهم الاكل للمستشفى.

اومأت قمر رأسها بالموافقه واتجهت إلى المطبخ.

نظرت حور إلى نغم وقالت.
-نغم ا ا انا هطلع لزين اطمن عليه علشان خايفه عليه اوى.

وتحركت بأتجاه الدرج.
ركضت نغم خلفها وامسكتها من ذراعها وقالت بضيق.
-استنى هنا رايحه فين انتى اتجننتى عايزه تطلعى ليه فى اوضه.

نظرت لها بأستغراب وقالت:
-وفيها ايه مش فاهمه احنا فى ظرف طارق يا نغم وانا بحاول اقف فى ضهره واقويه.

زفرت بضيق وقالت بتوضيح.
-يا حبيبتى مش بقولك متوقفيش فى ضهره وقويه بس ميصحش انك تطلعى اوضه هو اصلا زمانه بياخد حمام دافى علشان جسمه يرتاح شويه هتطلعى انتى تعملى ايه فى الوقت ده اصبرى شويه انتى قولتيله يخلص وينزل وهو هينزلك لانه هو محتاجك فعلا وبيقوي بيكى بس فى الاصول يا حور.

نظرت لها بأستغراب وقالت:
-مع أن سمعت انك كنتى عايشه مع عدى لوحدكم وكان عادى يعنى.

تنهدت بحزن وتكلمت بتوضيح
-اولا أنا مكنتش عايشه مع عدى أنا كنت قاعده عنده فى الفيلا لأن وقتها مكانش عندى مكان اقعد فيه وطلبت منه المساعده وهو متأخرش واخدنى اعيش فى المكان ده، ثانيا أنا بعد موت عمو ليد فيه حاجات كتير عد حساباتى فيها زى ما تقولى كده موته كانت وعظه ليا وفؤقتنى لحاجات كتير كنت بعملها غلط،
ثالثا يا حور انتى عيشتى وسط امك وابوكى وكنتى بتلاقى اللى يوجهك لصح وللغلط كان فيه أم دايما بتنصح، البيئه اللى انتى عيشتى فيها غير اللى أنا عيشت فيها خالص انا كنت بشوف حاجات بعنيا صعبه حاجات مقرفه بشوفها قصاد عينى بس عمرى ما فكرت اعمل زيهم، اوقات كتير كنت بتمنى الاقى ام تنصحنى اخ يخاف عليا اخت نسهر ونتكلم مع بعض ونوجه بعض لصح والغلط، اللى عايزه اقوله ليكى احنا الاتنين عيشنا فى مكان وبيئة مختلفه تماما عن بعض علشان كده مينفعش تقارنى حاجه حصلت بينى وبينك، فهمتى يا حبيبتى.

شعرت حور بأندفعها فى الكلام تكلمت بأسف وقالت
-أنا اسفه يا نغم مقصدش ازعلك أنا كنت بسأل عادى على فكره مقصدش حاجه والله.

ابتسمت لها ابتسامه هادئه وقالت:
-ولا يهمك يا حور اهم حاجه اسمعى الكلام واياكى تطلعى عند زين فى اوضه فاهمه.

اومأت رأسها بالطاعة وقالت بأبتسامه.
-حاضر فاهمه.

قبلت نغم حور على وجينتها وابتسمت لها ابتسامه حنونه وتحركت بأتجاه المطبخ وجدت قمر تعد الطعام حضنتها من الخلف ووضعت رأسها على كتفها وقالت بصوت مختنق:
-ماما هو ليه حصل كل ده لما رجعت معقول المشكله فيا انا ووشي نحس على كل اللى حواليا.

التفت لها واحتضنت وجهها بيديها ونظرت بعينها قائله بنبره هادئه حنونه:
-بالعكس يا نغم رجوعك لينا القوة اللى خلتنا نستحمل كل الاحداث دى رجوعك النور الساطع فى الضلمه وجودك جنبى فرق معايا كتير يا حبيبتى يعنى لو عمك مات فى وقت اختفائك ده مكنتش هستحمل كنت هنهار وقتها لانه كان اخر واحد فى عيلة الديب ومن ريحتك وجوده الله يرحمه كان فارق معايا اوى فى غيابك.

تنهدت بحزن وقالت .
-ربنا يرحمه ويصبر قلوبنا على فراقه قطع بينا كلنا ملحقتش أشبع منه.

ابتسمت لها بحزن وقالت بنبرة مختنقه:
-معلش يا حبيبتى اكيد ربنا ليه حكمه فى كده يموت بعد رجوعك بكام يوم كأنه كانت روحه متعلقه عليكى ولما اطمن انك رجعتى لحضننا ربنا استرد أمانته وهو مرتاح.

اومأت رأسها وتحدثت بأبتسامه:
-ونعم بالله، يلا يا قمري خلصى الاكل علشان الحق اروح بي المستشفى، وانا هساعدك علشان نخلص

قبلت قمر وجينتها بحب واومأت رأسها بالموافقه وقالت.
-ماشى يا حبيبتى يلا بينا
وبدأوا يعدوا الطعام سويا حتى انتهوا واخذتوا نغم وذهبت به إلى المشفي.
………………………………………………….
جلست فرح على الارجيحه المتواجده بالخارج وظلت تبكى بحزن شديد وهى تتذكر والدها التى اشتاقت له بشدة

جلس بجوارها زياد وأمسك يدها بحنو وتكلم بصوت مختنق:
-اهدى يا فرح علشان خاطرى مينفعش كده دموعك على طول على خدك بدل عياطك ده ادعيله كتير واقري قرأن يهدى قلبك شويه إنما الدموع دى هتتعبك ومش هترجع اللى راح .

تكلمت من بين شهقاتها:
-بابا واحشنى اوى يا زياد الاشتياق وحش اوى بالذات لو لحد ميت يبقى نفسك تحضنه بس مبتقدرش نفسك تشوفه تسمع صوته تملى عينك منه بس مش موجود خلاص مجرد تفكيرك أن الشخص ده بقى ذكرى وخلاص معدتش هتشوفه تانى دى بتوجع اوى، ااااه يارب الصبر من عندك نار فى قلبى كل يوم بتقيد اكتر.

إلى هنا ولم يستطيع زياد منع حاله من احتضانها امسكها من ذراعها وأخذها داخل أحضانه وربت على ظهرها بحنو وتكلم بصوت مختنق.
-علشان خاطرى اهدي يا فرح مش قادر اشوفك كده دموعك نار بتكوي قلبى عارف أن غصب عنك بس علشان خاطرى كفايه.

تمسكت به بقوه وانهمرت دموعها أكثر وتكلمت من بين شهقاتها.
-حضنك نفس حضن بابا نفس ريحته نفس الدفى اللى فيه نفس الامان اللى كنت بحسه عنده، خليني كده ارجوك يا زياد.

قبل رأسها بوجع وحزن وقال
-هخليكى كده بس بشرط تبطلى عياط يا فرح.

اومأت رأسها بالطاعه وتمسكت به بقوة أكثر
وظلت ساكنه داخل أحضانه حتى ذهبت فى سبات عميق نظر لها بحزن وأبعدها عن حضنه لكنها عادت مره اخرى داخل أحضانه وتمسكت به مره اخرى مثل الطفل الصغير
ضمها داخل أحضانه أكثر وتركها نائمه هاربه من الواقع الاليم.
………………………………………………….
هبط زين من الاعلى بعد أن أخذ حماما بارد حتى يهدأ النار المتأججه داخل قلبه من فقدان أبيه وجد حور تجلس على الأريكة تنتظر نزوله اتجه إليها و جلس بجوارها وتكلم بصوت مختنق:
-البيت بقى كئيب اوى بعد موت بابا كأنه اخد بهجت كل حاجه حلوة معاه

أمسكت يده وتكلمت بحزن:
-ربنا يرحمه يا حبيبى، انت لازم تقوى يا زين انت دلوقتى المسؤوليات كترت عليك وبقيت مسؤول عن شركه واهلك بقيت انت مكان ابوك، لازم تثبت لكل انك قد المسؤوليه دى يا زين، ومتقلقش انا معاك وفى ضهرك ووقت ما هتميل متخافش هسندك.

قبل يدها بحب ونظر لها نظرة انسان فاقد للحياة وتكلم بحزن شديد
-ربنا يخليكى ليا يا حبيبتى كان نفسي اوى يكون بابا عايش وسطنا ويجى يطلب ايدك من عمو ايوب ويفرح بينا ويشوف اولادنا على قد ما انا بحلم باليوم ده دلوقتى بس فرحتى مش هتكون كامله اليوم ده.

ابتسمت من بين دموعها وقالت.
-اكيد هيحس بينا اليوم ده وهيفرح اوى مكانه لانه كان نفسه ده يحصل من زمان ربنا يرحمه يا حبيبى ادعيله كتير طول ما انت قاعد صدقنى هو ده اللى محتاجه دلوقتى

اومأ رأسه بحزن وقال:
-حاضر يا حبيبتى معلش يا حور أنا منمتش ساعتين على بعض من يوم اللى حصل لبابا ده هطلع انام شويه، ولما اصحى نبقى نقعد مع بعض.

ابتسمت له بحزن وقالت
-اطلع يا حبيبى نام متشغلش بالك بحاجه.

أستقام بجسده ومال إلى رأسها قبلها بحب وتحرك بأتجاه الدرج وصعد إلى غرفته ارتمى على فراشه نظر إلى الاعلى وانهمرت دموعه بغزاره حتى غالبه النوم وذهب فى سبات عميق.
………………………………………………….
بالمشفى…..
كان عدى يقف أمام غرفة ابيه والدموع تتسابق على وجه كلما تذكر فراق والده وليد ونظر إلى ريان الملقي على تخته بالمشفى على مشارف الموت تتسارع دقات قلبه بحزن شديد وتزداد دموعه من شدة الخوف والفقدان.
ربتت رهف على كتف عدي بحزن شديد وقالت بترجى.
-عدي علشان خاطرى ارتاح شويه انت ليل نهار واقف الواقفه دى مبتقعدش ثانيه، انت كده هتوقع من طولك ومش هتقدر تصد على اللى جاى.

احاطها بذراعه ووضع رأسه على رأسها وتكلم بدموع.
-أنا اتكتب عليا قلة الراحه يا رهف الاول تتخطف حبيبتى وتغيب عني عشرين سنه ويوم ما ربنا يكرمنى وترجع لحضنى القدر ياخد منى بابا وليد وبابا ريان مرمى فى المستشفى ما بين الحياة والموت الدنيا حالفه ما تفرحنى ابدا، كأنها مش وراها حاجه غيرى.

نظرت له بدموع وقالت .
-اجمد يا عدي علشان خاطرنا احنا اخواتك اللى بنستمد قوتنا منك و علشان خاطر مامتك اللى هتموت على فراق عمو وليد انت سندنا دلوقتى بعد ربنا سبحانه وتعالى.

اخذ نفس عميق وتكلم بصوت مختنق وقال.
-أنا كده قوى علشانكم صدقينى لو مكنتش عامل حسابكم انكم ساندين عليا كان زمانى انهارت من زمان اوى كان زمانى عملت حاجه متهورة علشان ارتاح من العذاب اللى انا فيه ده وجودكم انتوا هو الدافع الوحيد اللى مخلينى مكمل لحد دلوقتى وقادر اقف على رجلي.

وفى ذلك الوقت وصلت نغم إليهم وعندما رأت دموع عدى شعرت بوخزة بقلبها ابتسمت له بحزن وقالت.
-عامل ايه دلوقتى يا عدي؟

أومأ رأسه بحزن وقال.
-عايش أو عامل نفسي أن عايش يا نغم

نظرت إلى رهف وابتسمت لها بترحاب وقالت.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى