دودود محمد الجزء الثاني

نظرت حور إلى زين الذى ينظر إليها بغضب شديد وتكلمت بابتسامه:
-منور يا استاذ سيف ومبسوطه انك قبلت دعوتى وجيت حفلة خطوبة اختى.
ابتسم لها بسعاده وقال بنبره هادئه:
-بنورك يا ست البنات بس بلاش ألقاب ما بينا قوليلى سيف على طول، وبجد مبسوط اوى بدعوتك ليا مكنتش مصدق نفسي وانتى بتطلبى منى احضر حفلة خطوبة اختك.
تعالت ضحكاتها وقالت بتوضيح:
-لا ما احنا لازم ناخد على جو الاحتفالات المشترك ده انت ناسي الحفله اللى بنظمها سوي ولا ايه.
أجابها بصوت مرتفع نسبيا:
-اممم ربنا يكتر من حفالتنا ويكون فى مره حفله تخصنا انا وانتى.
نظرت له بتوتر وابتلعت ريقها بصعوبه وقالت:
-ا ا أن شاءالله يلا تعالى معايا عند بابا.
اومأ رأسه بالموافقه ونظر إلى زين وابتسم لها سعيد بتحقيق اول هدف فى طريقه وتحرك معها إلى أيوب.
نيران الغضب اشتعلت داخل قلب زين لم يتوقع أن تستخدم حور هذه الحيله الرخيصه حتى تشعل الغيره عنده تحرك سريعا عندها وجدها تقف مع سيف فى مكان بعيد عن الموجودين وتتكلم معه اقترب منها وامسكها من ذراعها وتكلم بغضب وقال:
-امشى معايا.
دفعت يده بعيد عنها وتكلمت بغضب:
-اياك تلمسنى تانى فاهم، واتفضل بقى شوف رايح فين علشان أنا مش هتحرك معاك فى حته.
وعادت مره اخرى عند سيف وقالت:
-اسفه يا سيف كنا بنقول ايه.
ضغط زين على أسنانه بغضب واقترب منها مره اخرى وقبل أن يمسك ذراعها امسك سيف يده وتكلم بغضب:
-قالتلك اياك تلمسها تانى ايه مبتفهمش.
نظر له بغضب وقال:
-لا مبفهمش يا روح امك
ولكمه فى وجه ونظر إلى حور وتكلم بغضب:
-قولتلك امشي معايا.
انتفضت حور بخوف شديد وحركت رأسها بالرفض وتكلمت بدموع:
-مش هتحرك معاك يا زين فى حته وكفايه لحد كده لو سمحت بدل ما ابلغ بابا باللى انت بتعمله ده.
وتحركت بأتجاه سيف وقالت بتساءل:
-انت كويس يا سيف.
اغلق زين عينه بغضب واقترب منها مره اخرى وامسكها من ذراعها وحركها معه غصب عنها.
تحرك سيف سريعا ولكم زين بقوه بوجه وأمسك يد حور وتكلم بغضب:
-مش سيف السيوفى اللى تتاخد منه حاجه تخصه.
صرخت حور بقلق وتكلمت بغضب وقالت:
-انت اتجننت ازاى تمد ايدك عليه يا حيوان.
وابعدت يد سيف عنها وجلست على الأرض بجوار زين. تكلمت بدموع وقالت:
-زين انت كويس؟
نهض من على الأرض بغضب وقال:
-انتى واحده رخيصه وانا غلطان أن حبيت واحده زيك فى يوم من الايام ومن النهارده حتى القرابه اللى ما بينا هنساها.
أنهى كلامه بغضب وخرج سريعا وتركهم.
نظرت إلى أثره وانهمرت دموعها بغزاره وتكلمت بحزن شديد.
-انا بكرهك يا زين بكرهك.
ابتسم سيف بلؤم ومد يده لها وقال:
-قومى يا حور ده واحد حمار علشان يكون هو السبب فى دموعك بالشكل ده.
نظرت إليه بتوتر ومن ثم نظرت إلى يده الممددة إليها وابتلعت ريقها بصعوبه ثم حركت يدها ببطئ شديد ووضعتها بيد سيف ونهضت من على الارض.
تكلمت بشكر وقالت بتلعثم:
-ش ش شكرا.
ابتسم لها ابتسامه ذات مغزى وقال بنبره هادئه:
-العفو، تعالى بقى نسلم على استاذ ايوب علشان كنا بندور عليه مش لاقينه.
نظرت إلى وجه المحمر من أثر لكمة زين وقالت:
-ب ب بس وشك باين عليه انك كنت بتتخانق مع حد.
حرك رأسه بعدم اهتمام وقال بابتسامه:
-عادى، أنا اصلا مبسوط من اللى حصل علشان ده قربنى منك اكتر.
قال كلامه وأمسك يدها وارغمها على التحرك معه للبحث عن أيوب تحت حزنها واستغربها من كلمات سيف.
………………………………………………….
عند زياد كان يبحث عن فرح فى المكان وأثناء بحثه حضر ما كان يحدث بين حور وزين وهذا الرجل الغير معروف له وظل يتابع الأحداث من بعيد حتى رأى زين يخرج بغضب شديد ركض سريعا خلفه وهتف عليه قائلا:
-زين يا زين استنى انت يا ابنى رد عليا.
لم يجيب عليه زين وصعد سيارته وتحرك بها مسرعا.
زفر زياد بضيق وعاد مره اخرى إلى الداخل وجد فرح تنظر له بأستغراب قائله بتساءل:
-زياد كنت فين كده؟
لم يريد اخبارها بما حدث منذ قليل تكلم بكذب قائلا:
-ها ك ك كنت بدور عليكى ومكنتش لاقيكى طلعت ادور عليكى بره.
اومأت رأسها بتفهم وقالت بتوضيح:
-انا كنت بساعد خالتو قمر فى تحضير صينية الشبكه بتاعة نغم ورهف.
ابتسم لها بحب وقال بصوت هامس:
-عقبلنا يارب احسن خلاص هتجنن عليكى.
نظرت له بخجل وقالت بتلعثم:
-و و وحد منعك ما تكلم ماما.
زفر بضيق وقال بتوضيح:
-قولت لماما قالت استنى بعد الامتحانات.
اومأت رأسها بتفهم وقالت:
-مش مشكله يا زياد دى كلها شهر ونخلص امتحانات.
اقترب منها وقال بهمس:
-تعرفى أن انا كان نفسي اوى بعد الشهر ده يكون فرحنا نفسي احضنك اوى يا قلبى.
تراجعت إلى الخلف وتكلمت بتوتر وقالت:
-ز ز زياد ا ا ايه اللى انت بتقوله ده احترم نفسك و و وبطل تقرب منى بالشكل ده.
اقترب اكثر لها وأسند ظهرها على الحائط وقال بمداعبه:
-هو أنا لو خطفت منك حاجه كده هيحصل حاجه.
جحظت عيناها بصدمه والكلام وقف بحلقها وأغلقت عينيها وتكلمت بصعوبه:
-ز ز زياد بس قلة ادب وابعد حد يشوفنا.
وفى ذالك الوقت سمعوا صوت انس وهو يقول لهم:
-الله يحرقكم عيله انتووووا ايه مش بتتعبوا تلزيق ماشاءالله عليكم والله اشوف فيكم يوم زى ما انتوا مبسوطين كده وانا متشحطف على مسكت ايد البت ومش عارف امسكها.
استدار زياد له بضيق وتخفت فرح خلف ظهره بخجل وتكلم بنفاذ صبر:
-ده وقته بذمتك تيجى فيه، ارحم امى القصيره حرام عليك قطعت اللحظه الرومانسيه.
عقد ذراعيه على صدره وتكلم بصوت هامس:
-احمد ربنا أن انا اللى قطعت عليكم اللحظه الرومانسيه دى يا اخويه بدل ما اخوها كان هو اللى قطع عليكم وكان زمانه قااااطع انت فاهم بقى لم الدور وسيب البت تمشى من قصادك دلوقتى.
تنحنح بأحراج وقال بابتسامه:
-اخويه الغالي ابو الرجوله كلها مبروك خطوبتك يا برنس اتفضل انت واللى عايزه هيكون عندك.
تعالت ضحكات انس وغمز له وقال:
-تسلم يا غالى ده العشم برضه هااا.
أنهى كلامه وتحرك من امامهم وعاد مره اخرى عند رهف.
ظلت فرح متمسكه بملابس زياد من الخلف بخوف شديد ابتسم على حركتها الطفوليه وتكلم بأبتسامه.
-سبينى طيب علشان اعرف ابصلك.
تركته بخجل شديد وتكلمت بصعوبه:
-ع ع عجبك اللى حصل ده ك ك كله بسببك قولتلك اتلم وبطل قلة ادب ا ا اهو انس شافنا وممكن يروح يقول لزين أو لعدي.
حرك رأسه بالرفض وتكلم بابتسامه:
-انس عمره ما هيقول حاجه لحد، متقلقيش وانا اسف يا فرح مكانش ينفع اعمل كده بس اندفعت بمشاعرى شويه متزعليش منى، ووعد مش هعمل معاكى كده غير لما تبقى مراتى.
ابتسمت له بحب وقالت بخجل:
-و و وانا واثقه فيك.
غمز لها وقال بدعابه:
-مش وعد اوى يعنى انا ممكن أضعف فى اى لحظه بسبب الضحكه القمر دى.
تعالت ضحكات فرح على كلمات زياد وتحركت سريعا من أمامه.
نظر إلى أثرها بأبتسامة حب وقال:
-يااارب قرب البعيد انت عارف بقى وحاسس بيا.
أنهى كلامه وعاد مره اخرى عند الجميع.
………………………………………………….
خرجت رغد إلى الخارج بضيق فهى لم تستطيع التكيف مع هذه العائله وقفت تستنشق الهواء الطلق وفى ذالك الوقت وقف مجموعه من الشباب وبدأوا بمضايقتها تراجعت إلى الخلف بخوف وتكلمت بصعوبه:
-ل ل لو سمحتوا احترموا نفسكم ا ا انا اخويا ظابط وممكن يرميكم كلكم فى الحبس.
تكلم احد الشباب وقال بتهكم:
-ظابط! طيب ظابط نفسه على الساعه كام.
تعالت ضحكاتهم وتكلم شاب آخر وقال:
-لا لا لا يمكن تقصد اخوها ظابط بس ظابط ايقاع.
ردت عليهم بدموع وقالت:
-ا ا انتوا عايزين منى ايه؟
أجابها إحدى الشباب وقال:
-ولا حاجه يا قمر تيجى معانا نقضى ليله لذيذه وكله بتمنه.
حركت رأسها بخوف شديد وقالت بدموع:
-ا ا انت قليل الادب و و وقح ولو ممشتش انت وهو هدخل اجبلكم اخويا يتصرف معاكم.
تعالت ضحكاتهم على ساذجتها ولكن فى هذا الوقت تفاجئوا بشاب يقترب منهما وهو يرتدى البدله المري وموجه سلاحه لهم وقال بتحذير:
-تحبوا أفرغ سلاحى ده فيكم كلكم ولا تمشوا حالا من هنا.
قبل أن ينهى كلامه كانوا ركضوا من أمامه بخوف شديد.
نظرت له بأمتنان وقالت:
-ش ش شكرا حضرتك، كويس انك جيت فى الوقت المناسب.
ابتسم لها بهدوء وقال:
-مكانش ينفع تخرجي من جوه لوحدك فى وقت زى ده.
نظرت له بأستغراب وقالت بتساؤل:
-هو حضرتك كنت فى الفرح جوه؟
اومأ رأسه بالتأكيد وقال بتوضيح:
-ايوه أنا تميم صاحب عدي اخوكى ولما شوفتك خارجه فى وقت زى ده واتأخرتى بره قلقت ليكون حصلك حاجه واللى توقعته فعلا لاقيته، اتفضلى يلا معايا جوه.
اومأت رأسها بالموافقه وتحركت معه إلى الداخل وجلست على المقعد.
ابتسم لها ابتسامه هادئه وقال:
-اقعدى هنا ومتطلعيش بره تانى لوحدك انتى شوفتى بنفسك كلاب السكك عاملين ازاى بره.
نظرت له بأحراج واومأت رأسها بالموافقه وقالت:
-ح ح حاضر بس ياريت متقولش اللى حصل ده لعدي.
رد عليها بالتأكيد وقال:
-طبعا مش هقوله حاجه زى كده هسيبك بقى واروح عنده ولو احتاجتى حاجه دلوقتى من بره قوليلى وانا هجبهالك.
أنهى كلامه وتركها وذهب عند عدي
نظرت رغد إلى أثره بأستغراب وابتسمت على شجاعته وعندما كان يقف أمامها كسد يحميها.
………………………………………………….
وصل عامر ومعه فتاة ترتدى ملابس تبرز ملامح جسدها ممسكه بذراعه تحرك بأتجاه ايوب وتكلم بصوت غاضب:
-عداك الاصول المره دى يا ابن ابويا المفروض تفهم ابنى أن ليه اب لسه عايش مش تقوم انت بدورى وانا موجود فى الدنيا.
نظر ايوب إلى الفتاة بأشمئزاز وقال بتهكم.
-مش لما يكون الأب ده عاقل وأفعاله محترمه ويفتخر بى مش كل يوم مع واحده زباله.
أحاط خصر هذه الفتاة وتعالت ضحكاته وقال:
-وهو فيه احسن من النسوان الزباله ده حتى دول اللى بيعرفوا اللى فى دماغ الواحد ايه وينفذوه بالظبط تحب تجرب صدقنى مش هتندم.
اغلق ايوب عينه بغضب حتى يتحكم فى اعصابه ولا يتهور كان معاذ يتابعهم وعندما رأى ملامح ايوب تهجمت اقترب منهم سريعا وأمسك ذراع عامر وتكلم بصوت مختنق:
-امشي معايا يا عامر.
دفع معاذ بعيد عنه وتكلم بغضب:
-مش هتحرك من هنا دى خطوبة ابنى.
سمع انس صوت والده وأتى إليهم ونظر إلى الفتاة المتواجده معه وتكلم بصوت مختنق:
-انت ايه اللى جابك؟
تكلم بغضب وقال:
-ايه مش عايز ابوك يحضر خطوبتك كمان مش كفايه اتقدمت وعملت كل حاجه من غير ما ترجعلى.
تنهد انس بوجع وزفر بضيق وقال:
-انت ليه غاوي تعكنن عليا فرحتى ليه مصر تكرهنى فيك، مش معترض والله انك تحضر خطوبتى اعتراضى على تصرفاتك، دى لزمتها ايه معاااك تقصد ايه بوجودها هنا بالشكل ده عايز تغيظ امي مثلا لا اطمن هى رمت طوبتك من زمان عايز تقل منى أنا وعمي ايوب وتكسفنا، متقلقش صورك موجوده فى كل مكان والحمدلله بيتحرق دمنا بسبب منظرك وانت فى أحضان البنات وسكران طينه كفايه اللى انت بتعمله ده حرام عليك احترم سنك يا اخي بقى كفاااايه.
أنهى كلامه وتحرك من أمامه بغضب شديد.
نظر له ايوب ومعاذ وحركوا رأسهم بعدم رضا وتكلم ايوب بنفاذ صبر قائلا:
-عجبك الحاله اللى وصلت ابنك ليها دى عجبك صورتك قصاد ولادك دى كفايه اللى بتعملوا فينا هما مش ذنبهم حاجه غير انهم موجودين فى الدنيا بسبب اب ناقص زيك خد الزفته اللى معاك وغور من قصادى فى ستين داهيه.
قبل أن يتكلم عامر امسكه معاذ وارغمه على التحرك معه إلى الخارج.
كانت أميرة تتابع ما يحدث والدموع تتسابق من عينيها اقترب فريد منها وربت على يدها وقال:
-اهدي يا اميرة علشان خاطرى.
تكلمت من بين شهقاتها وقالت:
-هو ليه مصمم ينزل نفسه من عيونا حاولة كتير اتقبل أفعاله بس فى كل مره يخذلنى فيها أنا نفسي افتخر بى زى اى بنت بتفتخر بأبوها، أنا تعبت يا فريد من حرب الأعصاب اللى عايشه فيها دى مافيش مره شوفته فيها إلا كان سبب دموعي.
رد عليها بنبره هادئه وقال:
-انا عارف انها صعبه عليكى بس للاسف احنا كأبناء ملزومين نتقبل أفعالهم منقدرش نغلط فيهم مهما كان حجم اخطائهم لأن ربنا اللى أمرنا بكده أمرنا أننا ملناش علاقه بأفعالهم لينا أننا نطيعهم ونقول ليهم قولا كريمٍ وندعي ليهم بالهدايه وحسابهم عند ربنا مش عندنا احنا ادعيله يا اميره ربنا يهديه ويصلح حاله وان شاءالله ربنا هيشيل الغمامه دى عن عينه وهينور بصيرته.
تكلمت بدموع وقالت:
-ربنا يهديك يا بابا انا محتاجك اوى بجد فى حياتى.
ابتسم لها بحب وقال:
-الله ينور عليكى ادعيله على طول كده، امسحى بقى دموعك علشان عيونك غاليين عندى اوى ومش قادر استحمل اشوفهم كده.
ابتسمت له بحب وقالت بخجل:
-ح ح حاضر.
وازالة دموعها بكف يدها وظلت تنظر حولها بتوتر من نظرات فريد لها.
………………………………………………….
تم تلبيس محابس الخطبه لكلا من عدى ونغم وانس ورهف وبعد المباركه لهم من الجميع انتهت الخطبه وعاد الجميع إلى منازلهم وانتهى اليوم بين سعاده البعض والوجع والحزن للبعض الآخر.
فى صباح يوم جديد استيقظت نغم على صوت الهاتف الخاص بها إجابة عليه بأبتسامه وتكلمت بصوت ناعس:
-صباح الخير يا قلبى.
أجابها عدى بحب وقال بسعاده:
-صباح النور يا عمري، تصدقى أن امبارح كان اسعد يوم فى حياتى اه مش الفرحه الكبيره بس يكفى أن بقى فيه حاجه رسمي ما بينا أنا عمال ابص على دبلتك اللى فى ايدى مش مصدق نفسي.
اعتدلت على فراشها ونظرت إلى يدها بسعاده وقالت:
-ولا انا كمان مش مصدقه أن دبلتك فى ايدى يااااه حلم جميل اوى مش عايزه اصحى منه يا عدي خايفه اوى لسعادة دى تتخطف مننا.
شعر بدقات قلبه تتزايد بخوف شديد وتكلم سريعا وقال:
-متقوليش كده يا نغم انا معاكى وانتى معايا وهنعيش اجمل ايام حياتنا وهتبقى معايا وفى حضنى وهنبقى اجمل واحلى بابا وماما وبكره نحكى حكايتنا لأولادنا وعن قصة حبنا اللى عاشت فى قلوبنا من واحنا اطفال واتفرقنا وفضل حبنا عايش جوانا مفقدناش الامل أننا نتجمع تانى وربنا عوضنا خير فى الاخر، بكره نضحك على تفكيرنا الساذج ده ونقول قد ايه كنا محددوين الفكر والايمان بالله وان ربك رب الخير كله.
ابتسمت بحب وقالت:
-ونعم بالله يا حبيبى، ايه عندك شغل الصبح ولا بليل؟
أجابها عدى بأرهاق وقال:
-هو المفروض عندى بالنهار بس تميم هيمسك مكانى علشان جسمى متكسر ومش قادر تحضيرات امبارح هدت حيلى بصراحه وفى الاخر كله على الفاضى كل واحد مننا نام فى اوضه.
تعالت ضحكات نغم وقالت بتهكم:
-تصدق صعبت عليا يا حرام، ما تتلم يا ابنى وانشف كده بلاش شغل النحنحه ده مش بيجى معايا سكه، عيبه فى حقك كظابط على فكره.
ابتسم على كلماتها وقال:
-هو علشان انا ظابط معرفش اقول كلمتين حلوين ولا ايه ده أنا حتى اداب بشوف الانحراف كله قصاد عينى بس انت وبس اللى فى قلبى.
تكلمت بضيق وقالت:
-وحياة امك طب فكر تبص لواحده كده ولا كده هخزقلك عينك يا حليوة.
تعالت ضحكاته وتكلم بصعوبه وقال:
-اموت فيك أنت يا شرس، يلا بقى هقفل معاكى علشان اروح ادي ماما علاجها.
ردت عليه بأبتسامه وقالت:
-ماشى يا حبيبى ربنا يجعله ليها بالشفا يارب.
أغلقت الخط معه ونهضت من على تختها واتجهت إلى المرحاض وبعد دقائق خرجت وارتدت ملابسها وأدت فرضها وخرجت من غرفتها واتجهت إلى غرفة حور طرقت على الباب ودلفة إلى الداخل وجدتها تجلس على السرير بحزن شديد تنهدت بوجع وتحركت بأتجاهها وجلست بجوارها وربتت على ظهرها وقالت بصوت مختنق:
-صباح الخير يا حبيبتى.
تكلمت حور بحزن وقالت :
-صباح النور يا نغم.
نظرت نغم لها بتوتر وقالت بتساؤل:
-ع ع عملتى ايه مع زين امبارح؟
حركت يدها بعدم اهتمام وقالت:
-ولا حاجه .
ردت عليها بعدم فهم وقالت:
-ولا حاجه ايه مش فاهمه، وبعدين مين اللى كان معاكى ده يا حور طول الحفلة.
تجمعت الدموع فى عينيها وقالت بصوت مختنق:
-ده سيف اللى حكتلك عليه قبل كده.
اتسعت عيناها بصدمه وقالت:
-اللى كنت خايفه منه ومش مرتاحه ليه.
حركت رأسها بالرفض وقالت بتوضيح:
-انا مكنتش خايفه منه، أنا كنت خايفه زين يعرف بشغلى معاه وتحصل مشكله واللى كنت خايفه منه حصل وزين سابنى بسببه، إنما موضوع مش مرتاحه ليه فهو فعلا أنا لسه مش مرتاحه ليه نظراته حركاته حتى ضحكته بتقول أن وراه الشخص ده حاجه مريبه مش طبيعيه.
تكلمت نغم بتوتر وقالت بتساؤل:
-اسمه سيف ايه يا حور؟
اجابتها بصوت مختنق وقالت:
-اسمه سيف السيوفى أو بمعنى أصح اسمه سيف شريف السيوفى، بس بتسألى على اسمه ليه؟
ردت عليها بأرتياح وقالت:
-تعرفى أنه فيه شبه كبير من خالك محروس تحسي أنه فوله وانقسمت نصين منه بس بعد ما عرفت اسمه اطمنت الحمدالله.
نظرت لها بعدم فهم وقالت بتساؤل:
-خالك محروس مين ده وتعرفيه منين؟
تجمعت الدموع فى عين نغم وتكلمت بصعوبه:
-هقولك حاجه اوعى تقوليها لماما يا حور.
حركت رأسها بالنفي وقالت:
-قولى يا نغم متقلقيش والله محدش هيعرف بحاجه.
اخذت نفس عميق وقالت:
-خالك محروس ده هو السبب فى كل حاجه وحشه عشناها هو اللى قتل بابا مروان وهو اللى كان خطفنى وهو اللى كان بيضربنى ويعذبنى بالساعات وكان بيسبنى من غير اكل فى الاوضه بالايام لدرجة أنه كان عايزنى اعمل حاجات وحشه مع الرجاله لولا ستر ربنا ومحدش قرب منى لحد ما جاتلى الفرصه والشرطه هجمت على الشقه واخدونى مع البنات وهناك شوفت عدي والباقى انتى عارفه.
كانت حور تستمع كلمات نغم بعدم تصديق لم تتخيل أن يكون لديها خال بهذه الحقاره تكلمت بصعوبه وقالت:
-انا مصدومه بجد يعنى عندى خال حقير بالشكل ده طيب ازاى ماما مقالتش ليا حاجه زى دى قبل كده؟ وازاى واحد زى ده يقبل يعمل كده فى بنت أخته ده المفروض الخال والد يعنى يكون مكان ابوكي انا حاسه ان بحلم.
حركت رأسها بدموع وقالت:
-محروس ده أحقر من الحقاره نفسها، علشان كده مقولتش لماما الحقيقه لحد دلوقتى لأن صدمتها هتبقي كبيره اوى والله اعلم ايه ممكن يحصلها بسبب خبر زى ده، اهم حاجه اوعى تقولى حاجه لماما يا حور هو كده كده اتمسك خلاص وهيتنفذ حكم الاعدام فيه خلال أيام ونرتاح منه للابد.
اومأت رأسها بتفهم وقالت:
-حاضر يا نغم متقلقيش مش هقول حاجه لماما، بس انتى بتقولى أن سيف شبه اوى انتى شاكه فى حاجه ولا ايه؟
ابتسمت لها ابتسامه هادئه وقالت:
-كنت شاكه أن يكون ابنه من العلاقات الزفت اللى كان بيعملها مع البنات بس انتى بتقولى اسمه سيف شريف السيوفى يعنى ابن حد تانى خالص بس زى ما بيقولوا يخلق من الشبه اربعين واللى اسمه سيف ده مجرد شبه من الزفت محروس مش اكتر.
ثم استقامة بجسدها وقالت:
-يلا بقى هسيبك تجهزى علشان متتأخريش على شغلك.
وخرجت من الغرفه وتركتها.
نظرت حور إلى أثر نغم وتنهدت بحزن وقالت:
-اتعذبتى كتير اوى يا نغم، محدش مرتاح فى الدنيا دى كل واحد لازم ينول من الوجع نصيبه مافيش مفر منه.
………………………………………………….
استيقظ انس من نومه على صوت رنين الهاتف الخاص به نظر به بأعين ناعسه وجدها رهف أجاب عليها بحب وقال:
-صباح الفل يا عمرى.
ردت عليه بصوت هادئ وقالت:
-صباح النور يا انس، عامل ايه دلوقتى طمنى عليك.
تنهد بحزن وقال بصوت مختنق:
-كويس يا رهف خلاص اتعود مبقتش اتفاجئ من أفعاله وبالذات لما يلاقينا مبسوطين شويه يعمل بكل طريقه علشان يكسر فرحتنا.
تكلمت بنبره حنونه:
-معلش يا انس هو بس اخد على خاطره انك عملت خطوبتك ومقولتش ليه.
ابتسم بوجع وقال:
-والله انتى اللى طيبه وعلى نياتك المهم سيبك منى قومى اجهزي واياكي تخرجى من البيت قبل ما اجيلك اعملى حسابك أن هوصلك كل يوم الشركه ولما تخلصى هاجى اخدك اوصلك البيت.
ردت عليه بضيق وقالت:
-ليه يعنى صغيره ومش هعرف اسوق عربيتى واروح الشغل لوحدى.
رد عليها سريعا وقال بتوضيح:
-لا يا قلبى مش علشان كده بس اهو فرصه اشوفك كل يوم الصبح وبليل وبالمره اوصلك واكون مطمن عليكى.
تكلمت بتوتر وقالت:
-م م ماشي بس متتأخرش عليا انت عارف عمو ايوب مش بيحب حد يتأخر على الشغل.
تنهد بحب وقال بابتسامه:
-يا خراشى يا ناس على الرقه حرام عليكى ارحمى قلب امى من رقتك دى يخربيت ام جمالك يا شيخه اقفلى جتك القرف فى حلاوتك.
تعالت ضحكاتها على كلامه وقالت:
-والله العظيم انت مجنون ما طبيعى، سلام.
اغلق انس الخط معها وابتسم على كلماتها ثم نهض من على فراشه واتجه إلى المرحاض ودلف إلى الداخل واغلق الباب خلفه.
………………………………………………….
كانت بتول تجلس على الأريكة بحزن شديد لقد اشتاقت إلى رفيق دربها هبطت دمعه مسحتها سريعا قبل أن يراها احد وفى ذلك الوقت دخلت اسيل إليها وقالت بابتسامه.
-صباح الخير يا بتول.
نظرت لها بأستغراب وقالت:
-صباح النور يا اسيل اتقضلى.
جلست اسيل بتوتر ونظرت لها قائله:
-بتول أنا عزماكى النهارده عندى على الغدا بس ياريت تيجى وقت ما يكون الاولاد فى شغلهم وبنتك فى الجامعه.
نظرت لها بأستغراب وقالت بتساؤل:
-عزماني أنا على الغدا! طيب والاولاد ليه مش عايزاهم يكونوا موجودين.
تنحنحت بتوتر وقالت :
-ها ل ل لا عادى انا قولت تبقى قاعده ليا وليكى بس نتكلم براحتنا.
ابتسمت لها بعدم ارتياح واومأت رأسها بالموافقه وقالت:
-تمام مافيش مشكله هكون عندك على العصر أن شاءالله.
هبت واقفه بسعاده وقالت:
-ان شاءالله هروح أنا بقى علشان الحق أحضرك الاكل بأيديا دول.
وتحركت بأتجاه الباب وهى مرتسمه الابتسامه على وجهها بسعاده ناويه على شئ ما اعتقادنا منها سوف تستطيع إعادة الحياة إلى من فقد الحياة.
………………………………………………….
بقلمى#دودومحمد
“ما وراء الماضى”28
“البارت الثامن وعشرون”
وصلت حور إلى الشركه وصعدت مكتبها سريعا جلست على مقعدها ونظرت أمامها بوجع وألم ظلت تضرب موضع قلبها قائله بدموع:
-بطل تدق ليه بطل تشتاق ليه، ليه ارغمتنى اروح اشوفه من بعيد عند شركته، مش كفايه اللى قاله امبارح واللى عمله، كفاااايه بقى كفايه حرام عليك.
وتفاجئت بالباب ينفتح ويظهر أمامها سيف بطلته الرجوليه وابتسامته السامجه.
تكلمت بغضب شديد وقالت:
-انت ازاى تدخل عليا مكتبى من غير ما تخبط؟
تحرك بأتجاهها وجلس على المقعد ووضع قدم فوق الأخرى وقال بصوت هادئ.
-سمعت صوت عياطك قولت ادخل اطمن عليكى، اكيد سبب دموعك دى الحيوان اللى اسمه زين ده.
أغلقت عينيها بنفاذ صبر وتكلمت وهى تضغط على أسنانها.
-وانت مالك، بتدخل فى اللى ملكش فيه ليييه.
نهض من على مقعده واقترب منها بغضب وأسند يده على مقعدها واقترب من وجهها ونظر بعينيها وقال بنبره مخيفه:
-ما هو انا مش هكون كوبرى لجنابك تتصلى بيا وتقوليلى تعالى حفلة الخطوبه علشان تغيظى بيا المحروس بتاعك وتشعللى النار بقلبه.
اقترب اكثر لها وتكلم بهمس بجوار أذنيها:
-انتى بقيتى بتاعتى أنا والتانى لو مطلعتهوش من دماغك همحيه من على وش الأرض لو خايفه عليه بجد أياكى تفكرى فيه ولا تسمحيله يقرب منك فاااهمه.
ثم ابتعد عن أذنيها ونظر بعينيها وقال:
-فهمتى يا حوري.
تعالت دقات قلبها من شدة الخوف الكلام وقف بحلقها وهى ترى نظرة الشر بعينه تكلمت بصعوبه وقالت:
-ا ا انت عايز منى ايه ب ب بالظبط وايه النظره اللى فى عيونك دى حاسه ان وراها اسرار مخيفه اوى.
ابتعد عنها وتعالت ضحكاته الشيطانيه وعاد مره اخرى على مقعده وقال بلهجه تحمل خلفها الكثير.
-تقريبا كده وصلتى للى ناوي اعمله انتى بنوته ذكيه وده هيساعدنى كتير اوى فى اللى جاى.
ثم ارتسمت الجديه على وجه وقال بتحذير:
-بس لو تعبتينى يبببقى استحملي اللى هيحصل يا قطه.
أنهى كلامه ونهض من على مقعده وتحرك بأتجاه الباب وقبل أن يخرج نظر لها وقال بأمر.
-جهزى نفسك بليل هعدى عليكى اخدك بعربيتى.
اتسعت عيناها بصدمه وتكلمت برفض:
-لا طبعا مش هروح معاك فى حته.
ابتسم لها بثقه وقال :
-هستناكى فى عربيتى بليل.
أنهى كلامه واغلق الباب خلفه.
انهمرت دموع حور بغزاره شعرت بالخوف يجتاح قلبها بشدة لا تعلم ماذا تفعل حركت رأسها بالرفض وقالت:
-اعمل ايه ياربي البنى أدم ده شكله مجنون ومش ناوى على خير اتصرف ازاى واقول لمين بابا هيفكر أن بقول كده علشان خاطر زين وزين ممكن المجنون ده يأذيه عدي لا لا لا مش هينفع انس بس هيتصرف معاه ازاى وكمان كفايه عليه مشاكله مع أبوه، هوف بقى انا خايفه اوى.
وضعت يدها على وجهها واجهشت بالبكاء حتى شعرت بأنفاسها تقطعت.
………………………………………………….
وصلت فرح الجامعه وكانت تبحث عن زياد لكنها لم تجده أخرجت هاتفها وقبل أن تتصل به وجدت رحمه تقف أمامها وتبتسم لها ابتسامه لئيمه وتكلمت بنبره هادئه:
-فروحه حبيبتى فينك يا بنتى مش بتردى على مكالماتى ليه؟
زفرت بضيق ونظرت الاتجاه الآخر وقالت بنبره مختنقه:
-مافيش مش فاضيه بذاكر علشان الامتحانات.
اومأت رأسها بنفس الابتسامه وقالت:
-اممم طيب انا عندى خبر ليكى تحففه.
نظرت لها بأستغراب وقالت بتساؤل:
-خبر ايه ده ؟
نظرت خلفها وجدت وائل يقترب منهما ابتسمت بلؤم وقالت:
-وائل حس بغلطه وندمان على اللى قاله وجاى يصالحك.
اتسعت عيناها بصدمه وتكلمت بغضب وقالت:
-قولى للبنى ادم ده يمشى حالا من هنا ده كان غباء منى لما فكرت اعرف واحد ندل زيه.
اقترب وائل منها ونظر إليها بزعل مزيف وقال:
-انا اسف يا فرح مش عارف انا قولتلك كده ازاى بس كنت متغاظ اوى من اللى عمله ابن خالتك ده فيا إنما أنا بحبك اوى ومش قادر أعيش من غيرك.
أغلقت عينيها بغضب وتكلمت بنفاذ صبر:
-قولتلك أمشى حالا من قصادى مش طايقه اسمع صوتك ولا اشوف وشك.
نظر إلى رحمه وغمز لها بعينه حتى تتحرك وتتركهم بمفردهم .
ابتسمت له بشر وتحركت بعيد عنهم وتركتهم.
اقترب وائل أكثر منها وأمسك يدها وقال:
-علشان خاطرى سامحينى يا فرح انا بحبك اوى وحياتى ملهاش طعم من غيرك طيب انتى عارفه انا كلمة بابا عليكى ووعدنى أن هيخطبك ليا بعد الامتحانات على طول.
ابعدت يده عنها وتكلمت بغضب:
-انت عبيط يا ابنى بقولك مش طايقه اشوف شكلك انا مش عارفه ازاى كنت مغفله وحبيت واحد زيك أنا بحمد ربنا أن عرفت حقيقتك وربنا نور بصيرتى قبل ما تأذينى انت شيطان ماشى على الأرض.
امسك ذراعها وارغمها على التحرك معه وابتعد بها فى مكان خالى لا يوجد احد فيه وأسند ظهرها على الحائط واقترب منها تحت محاولاتها لأبعاده عنها لكن مع ضعف جسدها وحجم جسده لم تستطيع أبعاده تكلمت بدموع وقالت بغضب.
-ابعد عنى يا حيوان هوديك فى ستين داهيه يا قذر.
حاول التهجم عليها وفعل شئ يكسر بها عينها بمساعدة رحمه وهى تحاول تصويرهم بالهاتف.
وفى ذالك الوقت شعر بيد تدفعه بقوه بعيد عن فرح وأمسك به وظل يلكمه بوجه عدة لكمات حتى سالت الدماء من أنفه وسقط على الأرض غير قادر على المقاومه.
ركضت رحمه بخوف شديد بعيد عن المكان حتى لا يراها زياد ويأذيها.
ارتمت فرح داخل أحضان زياد بجسد مرتعش وتمسكت به بقوة وظلت تبكى.
ربت على ظهرها بحنو وتكلم بصوت هادئ حنون.
-شش أهدى يا فرح انتى خلاص فى حضنى محدش هيقدر يقرب منك.
تكلمت من بين شهقاتها وقالت:
-ح ح حاول يلمسنى يا زياد الحيوان انا رفض اتكلم معاه بس هو حركنى معاه بالعافيه وجابنى هنا ر ر رحمه ه ه هى اللى ساعدته انا معملتش حاجه يا زياد والله.
ضغط على أسنانه بغضب وقال:
-والله لادفعهم تمن كل دمعه نزلت منك أنا واثق فيكى يا فرح ومتأكد انك مستحيل تعملى حاجه غلط أهدى بقى وبلاش دموعك دى علشان خاطرى.
اومأت رأسها بالطاعه وابتعدت عن حضنه بخجل وقالت:
-خ خ خلاص هديت.
تكلم بزعل مزيف وقال:
-ليه كده بس تعالى فى حضنى يا ضنايا انتى لسه زعلانه.
ابتسمت له بخجل وقالت:
-زياد اتلم بقى.
زفر بضيق وقال بتهكم:
-وانا جاى وعامل نفسي سوبر هيرو وشخرمت الولا وفى الاخر تقوليلى زياد اتلم منك له يا بعيده امشى يا اختى يلا قدامى.
تعالت ضحكاتها على كلماته وتحركت سريعا من أمامه.
نظر إلى أثرها بحب وقال:
-قمر يخربيت كده يا جدعااان.
………………………………………………….
وصلت بتول عند اسيل وضغطت على زر الجرس وانتظرت أحد يفتح لها ثوانى معدودة فتحت لها بترحاب وقالت:
-نورتي يا حبيبتى اتفضلى.
شعرت بدقات قلبها تزداد أغلقت عينيها بضيق وقالت بتساؤل:
-ريان هنا يا اسيل؟
نظرت لها بأستغراب وقالت:
-ايوه، انتى عرفتى ازاى وانتى لسه مدخلتيش؟!
تكلمت بغضب وقالت:
-احنا مش كبرنا عن شغل الوسايط ده والمقابلات يا اسيل.
تكلمت بأسف وقالت بصوت مختنق:
-انا اسفه يا بتول بحاول اصلح اللى انا عملته زمان صدقينى هو كان عارف انك هتضايقى من الحركه دي وكان رافض يجى وانا اللى صممت أنه يكون موجود واجيبك علشان خاطرى ادخلى اديله فرصه واتكلموا مع بعض بهدوء.
ابتسمت لها بضيق وقالت:
-المشكله أن مبقاش فيه كلام خلاص يتقال كل حاجه اتقالت خلاص.
وفى ذالك الوقت سمعت صوته يأتى من خلف اسيل على مقعده المتحرك:
-انا لو فضلت اتأسف ليكى لآخر يوم فى عمرى مش هكفر عن اللى عملته فيكى يا بتول أنا عارف أن كنت غبى وحمار واحد ضعيف معندهوش شخصيه باعك ومهتمش بسمعتك ولا بوجعك عارف أن انا واحد ندل هربت وسيبتك وحيده فى اصعب وقت ليكى عارف أن وجعتك لما شوفتينى بتجوز واحده غيرك فى نفس الشهر اللى سيبتك فيه عارف أن انا كل ده بس انا عيشت عمرى كله بكفر عن ذنبي ده عيشت بتعذب وبدفع تمن كل لحظة غباء منى عيشت بنار الندم تنهش قلبى عشت جسد من غير قلب لأن قلبى كان معاكى ومازال يا بتول قلبى معاكى وفى ايدك ترجعى ليا وترجعى ليا الحياة بمسامحتك ليا وتدينى فرصه اصلح كل اللى فات.
كانت بتول تستمع كلماته والدموع تنهمر على وجهها كالشلال حركت رأسها بالرفض وقالت:
-كلامك ده متأخر اوى يا ريان مبقاش ليه طعم ولا معنى يمكن لو قولته من كام سنه فاتوا كان قلبى رقص من الفرحه وجريت عليك وسامحتك إنما بعد موت وليد بقى صعب مستحيل افكر اخون حب وليد ليا مستحيل افكر اكون مع راجل غيره وهو عاش عمره كله يدينى الحب والحنان من غير ما يستنى منى مقابل ده وقتى بقى اديله الاخلاص واعيش على كل ذكرى عشناها سوي.
تكلم بدموع وقال بصوت مختنق:
-طيب وانا وحبنا اللى عايش فى قلوبنا ومش قادرين نتخلى عنه من سنين.
نظرت له بدموع وقالت:
-مبقاش من حقنا يا ريان علشان خاطرى لو بتحبنى بجد رجع مراتك منى وعوضها عن وجعها منك اشبعوا من بعض لأن الفراق والندم لما بيجتمعوا مع بعض بيبقى حاجه صعب تحملها اوى يا ريان.
أنهت كلامها وأعطته ظهرها وقبل أن تتحرك سمعت صوته يقول لها.
-هو مش احسن منى فى حاجه وزى ما هو عاش لاخر نفس فيه بيحبك انا كمان هفضل لاخر نفس فيا احبك يا بتول.
أغلقت عينيها بوجع وألم وتحركت سريعا من أمامه صعدت سيارتها وتحركت بها إلى المقابر وبعد وقت هبطت منها واتجهت إلى الداخل وقفت أمام قبر وليد وتكلمت من بين شهقاتها.
-محتاجك جنبى اوى يا وليد أنا تعبانه من غيرك عايزه اهرب من حبه ومش عارفه اهرب فين محتاجه حضنك اترمى فيه واحس بالأمان محتاجه ايدك تطبطب عليا وتمسح دموعى محتاجه نظرت عيونك اللى كانت بتدينى الامل أن بكره هيبقى احلى الحياه صعبه اوى من غيرك ربنا يصبرنى على فراقك ويقرب لقائى بيك.
أنهت كلامها وصعدت مره اخرى سيارتها وعادت مره اخرى إلى المنزل.
………………………………………………….
عند زين
جلس زين على مقعده الجلدى خلف مكتبه الخشبى بوجه عابس وظل ينظر أمامه بملامح خاليه.
دلف انس ونظر إليه بحزن وجلس على المقعد وتكلم بصوت مختنق:
-زين واخرت اللى انتوا فيه ده ايه انتوا الاتنين اعند من بعض وبتموتوا نفسكم بالبطئ.
تكلم بصوت جهورى وقال بتحذير:
-ااااانس قفل على الموضوع ده مش عايزك تنطق بحرف فيه احسنلك وياريت تتفضل تروح تشوف شغلك وسيبنى لوحدى دلوقتى.
حرك رأسه بالرفض وتكلم بنفاذ صبر.
-لا مش هسكت يا زين لما اشوف اختى وصاحب عمرى بيضيعوا حبهم بسبب عنادهم يبقى لازم ادخل عارف أن حور غلطانه أنها مسمعتش كلامك وكدبت عليك بس متنساش انها اول غلطه عمرها ما عملت كده اديها أسبابها يمكن لما عم أيوب غصب عليها خافت تقوله لا وخافت تقولك تزعل منها ما انت عارف حور جبانه ازاى وعبيطه اوى وعلى نياتها بلاش توقف ليها على اول غلطه بلاش تستخدم ساذجتها دافع للفراق يا زين.
تعالت ضحكاته بغضب وتكلم بصوت مغلول:
-مين دى اللى عبيطه وساذجه؟ حور! والله انت اللى عبيط وعلى نياتك يا حبيبى دى اتصلت باللى شغاله معاه امبارح مخصوص علشان تستفزنى وتغيظنى، بسببها اتخانقت معاه ومسكت اعصابي بالعافيه علشان مرتكبش جريمه، قولى واحده بأفعالها دى ساذجه ازااااى.
ابتسم له بهدوء وقال :
-افعالها دى بتثبت كلامى لو مش عبيطه وساذجه مكانتش جابته فى الحفله واستفزتك بالطريقه دى هى مفكره كده أنها بتحرق دمك متعرفش أنها بتزيد المشكله صدقنى حور اختى ومتربين مع بعض وعارف دماغها كويس اوى هى بتعمل الحاجه من غير ما تفكر فى توابعها.
نظر الاتجاه الآخر وتكلم بصوت مختنق:
-قفل يا انس خلاص عن الموضوع ده حور صفحه قديمه وقطعتها من حياتى ياريت تحترم قرارى ومتفتحش الموضوع تانى.
حرك رأسه بعدم رضا وقال:
-براحتك يا صاحبى بس صدقنى هتندم اوى بعدين ربنا يستر بس وتفوق قبل فوات الاوان، أنا همشى هروح اخد رهف من الشركه واخد حور على طريقى اروحها سلام.
خرج انس من عند زين وهو يشعر بضيق يريد تكسير هذا الرأس اليابس كان يأمل أن يصلح الوضع لكنه أصبح أكثر تعقيدا.
………………………………………………….
كانت تجلس قمر على الأريكة تحتسي فنجان من القهوة وفى هذا الوقت جاء بتفكيرها أخيها محروس شعرت بالحنين إليه فرت دمعه من عينيها وتكلمت بلوم:
-كده برضه يا محروس يهون عليك السنين دى كلها متسألش على اخواتك يا تري شكلك بقى ايه دلوقتى ولا عايش ازاى يا ترى اتجوزت وعندك اولاد ولا لسه زى ما انت؟
وفى ذلك الوقت جاءت نغم واستغربت حال والدتها جلست بجوارها وقالت بتساءل:
-ماما انتى قاعده بتكلمى نفسك ولا ايه؟
اومأت رأسها بالتأكيد وتكلمت بصوت مختنق:
-ايوه يا بنتى محروس اخويا واحشنى اوى نفسى اشوفه واطمن عليه هو طول عمره قلبه جاحد علينا أنا وخالتك بتول وهو كان سبب العذاب اللى شوفته على ايد مروان بس الدم عمره ما يبقى مايه.
هرب الدماء من جسدها عند ذكر قمر لاسم محروس شعرت وكأن لسانها انعقد مره اخرى ولم تستطيع التحدث، لاحظت قمر تغير حال نغم تكلمت بقلق وقالت:
-نغم يا حبيبتى مالك، وشك اصفر كده ليه؟
أغلقت عينيها حتى تمنع الدموع تنهمر منها وتكلمت بصعوبه:
-م م مافيش يا ماما انتى بس ص ص صعبتى عليا وانتى زعلانه دلوقتى.
احتضنتها بحب وتكلمت بنبره حنونه:
-يا حبيبتى ربنا ميحرمنيش من حنيتك عليا، خلاص أهدى أنا كويسه اهو ومفيش حاجه.
تمسكت نغم بوالدتها بقوه كأنها تتحمى بها من شئ ما يخفها وتكلمت بصوت مختنق:
-انتى جميله اوى وطيبه اوى اوى يا ماما ربنا يخليكى ليا يارب .
قبلت رأسها بحب وقالت:
-ويخليكى ليا يا ضى عينيا وافرح بيكى وانت فى بيت جوزك يارب.
تكلمت بتمنى وقالت بسعاده:
-يارب يا حبيبتى يارب، أنا هطلع أوضى اذاكر شويه احسن مستر اشرف هيعلقنى لو محفظتش.
ابتسمت لها بحب وقالت:
-روحى يا حبيبتى ربنا معاكى وينجحك يارب.
نهضت نغم سريعا وصعدت غرفتها وارتمت على فراشها وقالت:
-ربنا يستر عليكى يا ماما من الصدمه لما تعرفى ان اللى حرق قلبك وفرقنا عن بعض طول السنين اللى فاتت دى هو اخوكى اللى مشتاقه ليه دلوقتى.
………………………………………………….
وصل عدى إلى مكتبه وجلس عليه بضيق وطلب تميم يحضر له، ثوانى معدودة وكان يقف أمامه تكلم عدى بتسأل وقال:
-لسه موصلتش لحاجه يا تميم؟
حرك رأسه بالرفض وجلس على المقعد بضيق وقال:
-ولا ليه اى اثر ومش واضح مين اللى هربه عاملين خطه محكمه وعارفين هما بيعملوا ايه بالظبط.
طرق على مكتبه بغضب وقال:
-يعنى ايه مش لاقين ليه اثر محروس لازم يظهر ويرجع السجن وجوده بره ده خطر على الكل أنا مش بنام من القلق خايف يوصل لأى حد من أهلى خايف اتوجع فى اى حد بحبه أنا قلبي خلاص مبقاش حمل فراق تانى.
تنهد تميم بحزن على حال عدى وقال:
-اهدا بس يا عدي هو مستحيل يظهر دلوقتى وهو متأكد أننا بندور عليه معانا وقت نفكر هنجييه ازاى ونشدد الحراسه اكتر عليهم.
وضع يده على وجه وتكلم بصوت مختنق:
-تعبت من ان أمثل قصاد الكل أنى عادى والأمور طبيعيه لازم اضحك واهزر معاهم واكون طبيعى قصادهم علشان محدش يشك فى حاجه، طيب انت عارف أن نغم شكت أن محروس هرب لما طلبت منها متروحش الشركه اليومين دول لو تشوف شكلها وهى خايفه و بتسألنى إذا كان محروس هرب ولا ايه، بصعوبه شيلت الفكره من دماغها أو أنا مفكرها كده وهى بتحاول تخفى خوفها عنى لما لاقتنى قلقان عليها.
اومأ رأسه بتفهم وتكلم بنبرة هادئه:
-متقلقش يا صاحبى هى مسألة وقت مش اكتر ومسيره يوقع فى ايدينا محروس الكلب والايد اللى بتساعده.
ثم استقام بجسده وقال :
-هروح أنا بقى اشوف شغلى.
وتحرك إلى الخارج وأغلق الباب خلفه.
امسك عدى الهاتف الخاص به وأجرى اتصالا وانتظر الرد ثوانى معدودة وسمع صوت نغم المختنق تقول له:
-عامل ايه يا حبيبى روحت الشغل ولا لسه.
أجابها باستغراب وقال:
-انا فى الشغل دلوقتى، مالك يا قلبى صوتك مخنوق كده ليه؟
أجابته بصوت مختنق وقالت:
-ماما كانت جايبه سيرة محروس دلوقتى قال أيه وحشها، خايفه تعرف الحقيقه يا عدى ماما مش حمل صدمات.
ابتلع ريقه بصعوبه وتكلم بتلعثم:
-ها ا ا اوعى يا بنتى توقعى بلسانك وتعرفيها حاجه مش هتستحمل الصدمه.
تكلمت سريعا وقالت:
-لا طبعا متقلقش مستحيل اعرفها حاجه زى دى.
تنهد بوجع وقال:
-شطوره بنت قلبى وعمرى كله، يلا هقفل أنا علشان اتابع شغلى باااى.
اغلق الخط معها وقال بتمنى:
-يارب نخلص من موال محروس ده احسن انا تعبت منه ونفسى ارتاح بقى.
أنهى كلامه وارجع جسده إلى الخلف وزفر بضيق حتى يهدأ قليلا.
………………………………………………….
عند معاذ
كان معاذ يجلس على الاريكه يشاهد التلفاز وتفاجئ بخروج ريفال من غرفتها وتجلس بجواره حاول أن يفعل كما أمره مهاب ابتسم لها ابتسامه هادئه وقال بتساؤل:
-اكلتى يا حبيبتى ولا لسه؟
اومأت رأسها بالتأكيد وقالت:
-ا ا اكلت من شويه.
تنحنح بتوتر وظل يتابع التلفاز وينظر إلى ابنته بطرف عينه.
تكلمت ريفال بتوتر وقالت بتساؤل:
-ه ه هو مهاب هيجى تانى امته؟
أجابها معاذ بأستغراب وقال:
-مش عارف يا حبيبتى هو بيستأذن قبل ما يجى على طول، بس بتسألى ليه عليه؟
تكلمت بتوتر وقالت :
-ها ب ب بسأل عادى يا بابا عن اذنك أنا داخله أوضى.
انتهت من كلماتها وركضت سريعا إلى غرفتها.




