دودود محمد الجزء الثاني

نظر معاذ إلى أثرها بقلق وقال:
-ربنا يستر وميكونش اتعلقتى بى يا ريفال وبدل ما نعالجها من حاجه واحده هيبقوا نعالجها من حاجتين.
………………………………………………….
جلس عامر على مقعده واجلس الفتاة على قدميه وحرك يده بحركات جريئه على جسدها وتكلم بهمس.
-ده انتى طلعتى مش سهله خالص.
تعالت ضحكاتها الرقيعه وأحاطت رقبته بذراعيه وقالت بدلال:
-ده انت اللى طلعت خلبوص ومش سهل خالص يا عمورتى.
همس بشئ داخل أذنيها مما جعل ضحكاتها تتعالى ثم ابتعد عنها وقال:
-انا لو اعرف الشغل فى الشركه دى حلو اوى كده كنت جيت اشتغلت فيها من زمان اوى.
هبت واقفه وقالت:
-عمورى لو بتحبنى بجد هطلب منك حاجه بس مش دلوقتى بليل لما تجيلى فى الشقه.
اومأ رأسه بالموافقه وقال:
-انت تأمر يا قمر وعليا التنفيذ.
ابتسمت بسعاده على تحقيق أول أهدافها وتحركت إلى الخارج وتركته ينظر أمامه يرسم بمخيلاته اشياء محرمه.
………………………………………………….
خرجت حور من العمل بعد انتهاء الوقت الرسمى لها هبطت إلى الاسفل واتجهت إلى السياره الخاصه بها وفتحت الباب وقبل أن تصعد بها وجدت احد يبعدها عن السياره ويغلق الباب بقوه انتفضت من مكانها واستدارت سريعا وجدته انس تكلمت بغضب وقالت:
-انا بتستهبل يا انس خضتنى.
رفع أحد حاجبيه إلى الاعلى وقال بأستنكار:
-اتخضيتى ! ليه يعنى مين هيخطفك؟
ابتلعت ريقها بتوتر وقالت بصوت مختنق:
-م م مش قصدي حد يخطفنى ا ا انا اقصد اتفجعت بس مش اكتر.
حرك رأسه بعدم تصديق وقال بنفاذ صبر:
-بت انتى بتستهبلى ايه اللى عملتيه امبارح فى الخطوبه ده، مين ده اللى كنتى معاه طول الوقت.
نظرت الاتجاه الآخر حتى لا يرى ما بعينيها وقالت بصوت مختنق:
-د د ده اللى شغال معانا جديد وانا بساعده فى الشغل وعزمته على الخطوبه مفيهاش حاجه يعنى.
هدر بها بغضب وقال:
-والله ولما مفيهاش حاجه ليه خايفه تبصى فى عيوني، حور انا حفظك كويس اوى وعارف لما بتبقى فيه مصيبه مش بترضى تبصى فى عيون حد اتكلمى قوليلى مخبيه ايه عنى.
حركت رأسها بالرفض وقالت بدموع:
-مافيش يا انس بترجاك سيبنى أمشى.
امسكها من ذراعها وتكلم بنفاذ صبر:
-قسما بالله لو ما اتكلمتي يا حور وقولتى فيه ايه لكون مكسر دماغك دى انطقى اخلصي.
نظرت له بدموع وقالت بخوف شديد :
-انا خايفه اوى يا انس ومتسألنيش من ايه ارجوك بس انا حاسه الايام الجايه هتبقى مخبيه لينا كتير أنت اقرب حد ليا وبتفهمنى من غير ما اتكلم لو فى يوم حصل منى اى رد فعل مش طبيعى اعرف ان دى مش انا.
شعر بالقلق الشديد عليها تكلم بصوت مهتز وقال بتساءل:
-حور مالك متقلقنيش عليكى انتى عارفه حاجه ومخبيها عنى ؟
انهمرت دموعها منها كالشلال وتكلمت بصعوبه.
-انا بحب زين اوى يا انس ولما كذبت عليه ده لان كنت خايفه من ردت فعله اللى كنت متوقعها اصلا بس دلوقتى هو اختار البعد اختار الطريق السهل الممتنع وده سهل على ناس تانيه حاجات كتير اوى هو رمانى بأيده فى النار وانا ملزمه احميه من لهيبها عايزاك بس توصله أن الحب أفعال مش مجرد اقوال وإذا كان هو وعد ومنفذش وعده ليا أنه هيفضل جنبى مهما حصل أنا بوعده أن هحميه لاخر يوم فى عمرى وهنفذ وعدى ده لو على رقبتي.
حرك يده على شعره بغضب وتكلم بنفاذ صبر:
-حووووور كفايه كلام بالالغاز وقوليلى انتى مخبيه ايه عنى وايه معنى كلامك ده بلاش فوازير رمضان دى الله يكرمك لأن الوضع مش مستحمل.
مسحت دموعها وحركت رأسها بالرفض وقالت:
-مافيش يا انس وصلوا كلامى ده زى ما قولته ليك بالحرف وهو لو بيحبنى بجد هيفهم كلامى وهيجى يخرجنى من النار اللى رمانى فيها بنفسه.
ثم اتجهت إلى سيارتها صعدت بها وتحركت سريعا من أمامه واتجهت إلى المنزل.
القلق اجتاح قلب أنس بعد كلماتها الغامضه له شعر أنها تتجه إلى طريق لا راجعه فيه حرك رأسه بالرفض يبعد هذه الأفكار من رأسه وتحرك إلى المكتب الخاص برهف.
………………………………………………….
بالمساء
تجهز سيف بغرفته وخرج منها وجد محروس يتمدت على الأريكة ابتسم بسعاده واقترب منه وقال:
-ابو العريس بيفكر فى ايه.
نظر له بأبتسامه وقال بتساؤل:
-عريس! خلاص ناوي تنفذ النهارده؟
اومأ رأسه بالتأكيد وقال:
-خير البر عاجله يا ابو سيف وبصراحه البت هتجنن عليها عايز اتمتع بيها شويه قبل ما أخلص.
تعالت ضحكات محروس الشيطانيه وقال:
-ابن ابوك وصاحب مزاج زيه عيش واتمتع احنا ورانا حاجه غيرهم.
ابتسم على كلمات والده وقال:
-مش نسيك يا ابو سيف احلى مزه هتكون عندك علشان مزاجك ولما تزهق منها اجبلك غيرها اتنين وتلاته وعشره انت تأمر بس.
نظر له نظرة فخر وقال بسعادة:
-تسلم راس امك يا ابن محروس روح يا حبيبى وهستنى المزه على نار.
تعالت ضحكات سيف وخرج من الفيلا صعد سيارته وتحرك إلى الفيلا الخاصه بأيوب وبعد وقت كان يقف بسيارته أمام الفيلا منتظر حور لقد راهن نفسه على حضورها ومنتظر تحقيق الرهان ليكون دائما الفائز الاول فى جميع أوقاته حتى على نفسه.
مرت الدقائق وبدأ يشعر بالضيق والغضب يسيطر عليه لمجرد احساسه بالهزيمه بدأ يفقد أعصابه وأمسك هاتفه حتى يقوم بالاتصال بها وقبل أن يضغط على الشاشه اتسعت عيناه بصدمه عندما رأى………
………………………………………………….
بقلمي#دودومحمد”ما وراء الماضى”29
“البارت التاسع عشرون”
مرت الدقائق وبدأ يشعر سيف بالضيق والغضب يسيطر عليه لمجرد احساسه بالهزيمه بدأ يفقد أعصابه وأمسك هاتفه حتى يقوم بالاتصال على حور وقبل أن يضغط على الشاشه اتسعت عيناه بصدمه عندما رأى حور تقترب منه بطله تخطف الأنفاس هبط سريعا من سيارته واقترب منها مقبلا يدها برقه وتكلم بصعوبة:
-انتى ازاى بالجمال ده كله؟ طيب اعمل فيكى ايه دلوقتى اعاقبك على تأخيرك عليا ولا اعاقبك على خطفة قلبى منى بالشكل ده ولا اعاقبك على أنك هديتى كل حصون سيف السيوفي.
أغلقت عينيها بدموع وتكلمت بصعوبه:
-سيف أنا عايزه افهم انت ليه بتعمل كده عايز منى ايه ليه انا بالذات اللى بتحاول تخرب عليها حياتها أنا متأكده أن ظهورك فى الوقت ده بالذات وراه حكايه بس ايه هى مش واضحه الصوره بالنسبالى.
اقترب منها حتى تقلصت بينهما المسافات وتكلم بصوت هامس:
-عايز ادمركم كلكم بس اللى مكانش فى الحسبان انك تظهرى انتى وتخطفى قلبى بالشكل ده.
ثم اقترب اكثر من أذنيها وتكلم بصوت هامس ضغطا على كل حرف ينطقه:
-بحبك وناوي اتجوزك.
انتفضت مكانها بخوف شديد وابتعدت عنه وتراجعت إلى الخلف قائله بغضب:
-انت اتجننت تتجوز مين انا بحب زين ومستحيل اكون لحد غيره.
تعالت ضحكاته وتكلم بثقه قائلاً:
-لا هتبقى بتاعتى يا حوري وهتجوزك قريب اوى
ردت عليه بنفس الثقه وقالت:
-بتحلم يا سيف انا مش هكون غير لزين وبس.
اومأ رأسه بعدم رضا وتكلم بهدوء حذر:
-متقوليش كلام هتندمى عليه بعدين تعالى معايا دلوقتى هوريكى حاجه وبعد كده قررى.
شعرت بالخوف من طريقة كلامه نظرت حولها تستنجد بأحد وهو لاحظ خوفها هذا اقترب اكثر لها وأحاط خصرها بذراعيه وتكلم بصوت هامس:
-ششش اهدي يا حوري الخوف ده بدرى أوى انا لسه فى البدايه عايزك تقوى قلبك ما هو اللى جاى مش سهل برضه.
حاولة أبعاده عنها لكنها لم تستطيع انهمرت دموعها بغزاره وتكلمت بترجى.
-ابعد عنى ارجوك حرام عليك كفايه لحد كده.
حرك يده وازال عبراتها بأصابعه وقال :
-لا بلاش دموع علشان دول غاليين اوى عليا.
وفى ذالك الوقت سمعوا صوت عدى الغاضب وهو يقول لهم.
-انتوا بتعملوا ايه؟
ابتعد سيف سريعا عن حور وضغط على أسنانه بغضب واستدار إلى عدي وقال بصوت هادئ:
-انا شريك استاذ ايوب فى الشركه وجاي اخد استاذه حور علشان النهارده اليوم الأخير اللى قبل الحفله ولازم نتأكد أن كل حاجه تمام.
نظر إلى حور بضيق ثم نظر إلى سيف وقال بغضب:
-وهو اللى بياخد حد علشان شغل يكون مقربه منه بالمنظر المقرف ده .
ثم نظر إلى حور وتكلم بغضب:
-وانتى يا هانم ازاى تسمحى لحد يقرب منك بالشكل ده انتى بتستهبلى.
تكلمت حور بتوتر وقالت:
-ها م م ما هو اللى قرب منى وانا كنت لسه بقوله يبعد والله.
ابتسم سيف بثقه وكأنه فهم ما يدور برأسهم تكلم بصوت رجولى قائلا:
-هو فعلا ميصحش اللى حصل ده وانا بتأسف عليه بس غصب عنى انا بحب حور وعايز اتجوزها.
جحظت عيناهم بصدمه فهم لم يتخيلوا ما تفوه به سيف لتو، نظرت حور إلى عدي حتى ينقذها من هذا الموقف وما على عدى غير أن يتكلم بغضب واضح فإنها حبيبت أخيه وابنة خالته:
-بتحبها وتتجوزها ازاى يعنى حور شبه مخطوبه لأخوي زين والاتنين بيحبوا بعض.
ابتسم لهم بكل هدوء وقال بنبره هادئه مخيفه.
-على حد علمى أن اخوك سابها وكمان مافيش اى حاجه رسمي تمنع أن أتقدم ليها وكمااان الانسه حور هى اللى فتحت ليا السكه للموضوع ده والأهم من كل ده أن انا بحبها ومدام حبيتها فده شئ نادرا لما بيحصل وعلشان كده انا مش هتخلى عن حور مهما حصل.
أنهى كلامه وهو ينظر إلى حور بتوعد قائلا:
-مش يلا بينا يا انسه حور هنتأخر على ميعادنا.
نظرت له بخوف شديد واومأت رأسها بالطاعه وتحركت معه وهى تنظر إلى عدي
ثم صعدت معه السياره وصعد بجوارها سيف وتحرك بها سريعا تحت نظرات عدي الغاضبه.
وقف عدى مكانه بغضب ونظر إلى اثرهم بعدم تصديق وقال بصوت مرتعد:
-د د ده شبه محروس بالملي معقول يكون ابنه….
حرك رأسه بأستنكار مكملاً..
-لا لا لا مستحيل اكيد الشبه صدفه، بس ليه ظهر فى الوقت ده بالذات، بس ده اسمه سيف السيوفي، ما عادى ممكن يغير اسمه…
ثم حرك يده على رأسه بنفاذ صبر وقال:
-انا هتجنن ده لو ابنه بجد الايام الجايه مش هتعدى على خير والكل هيكون معرض للخطر، حاسس نفسي تايهه أنا لازم اعرف كل حاجه عن الشخص ده وربنا يستر من اللى جاى.
أنهى كلامه وصعد سيارته وتحرك بها مسرعا إلى منزله.
………………………………………………….
كانت تجلس اسيل على الاريكه تشاهد التلفاز وفى ذلك الوقت سمعت صوت الجرس نظرت بالساعه بأستغراب ونهضت اتجهت إلى الباب وفتحته واتسعت عيناها بصدمه عندما وجدت عامر يقف أمامها ويتأرجح بسكر تكلمت بغضب وقالت:
-انت ايه جيبك هنا؟
دفعها بقوه أبعدها من أمامه وتحرك إلى الداخل وهو يتأرجح بشدة وتكلم بسكر:
-د د ده بيتى اجى فيه وقت ما أحب مش واحده شمال زيك تطردتنى من بيتى.
أغلقت عينيها بدموع وتكلمت بصوت مختنق:
-كفااايه بقى حرام عليك مش علشانى كفايه علشان ولادك اللى ملهومش ذنب غير انك ابوهم كفايه تصغر من نفسك فى عينيهم انت بتعمل فينا كده ليييه.
تعالت ضحكاته وتكلم بتهكم:
-قال يعنى انتى اللى ام تشرف اوووى طيب أقولهم أنا عرفتك ازاى واول مقابله ما بينا كانت فين خليهم يعرفوا امهم على حقيقتها.
وضعت يدها على فمه وتكلمت بترجى:
-ابوس ايدك اسكت كفايه قللة منى قصاد ابنك ارجوك وطى صوتك اميره رقيقه ومش هتقدر تستحمل الكلام اللى بتقوله ده ابوس رجلك اعتقنا انا وولادك من أفعالك دى.
ابعد يدها بغضب وتكلم بصوت مرتفع وهو يتأرجح بسكر.
-يا سمنة اميره تعالى يا رقيقه ومرمره وخفيفه على المعدة تعالى اعرفى حقيقة امك الشريفه.
هرول كل من انس واميره إلى الاسفل على صوت عامر وتكلم انس بغضب:
-انت بتعمل ايه هنا بمنظرك ده.
اقترب من اميره وتكلم بابتسامه بلهاء :
-جاى اعرفكم حقيقة امكم الشريفه اللى كانت معايا على السرير وفى حضنى من اول مره اتقابلنا فيها.
حركت اسيل رأسها بدموع وقالت بترجى:
-بس كفايه ارجوك بس.
اقترب انس منه بغضب ودفعه بقوه حتى يخرج وقال:
-اطلع بره متنطقش بحرف واحد تانى برررره
نظر عامر إلى اميره وقال:
-امك ست خاينه خانة جوزها معايا وحملت فى اخوكى وهى متجوزه راجل تانى وبتنام فى حضنى.
وضعت اميره يدها على أذنيها حتى لا تسمع ما يتفوه به هذا المعتوه والدموع تنهمر من عينيها كالشالات.
عندما رأى انس حالة اخته امسك عامر من ذراعه بغضب ودفعه بقوه خارج الباب ودفعه بوجه.
اقتربت اسيل من اميره وقالت بدموع:
-اميره يا بنتى متصدقيش كلام ابوكى ه ه هو بيعمل كده علشان يستفزنا بس اميره ردى عليا.
ابتعدت عنها بدموع وظلت تحرك رأسها بالرفض.
تكلم انس بصوت مختنق وقال:
-اميرة اميره اسمعينا ا ا انتى مش عارفه اسلوب الراجل ده معانا عامل ازاى متصدقيش كلامه هو قاله علشان يعكنن علينا طيب م م ما انا سمعته زيك اهو بس مصدقتش الكلام ده على ماما اميره ردى علينا.
نظرت لهم بدموع وصعدت تركض إلى غرفتها وأغلقت الباب خلفها.
ركضت اسيل ومعها انس وتكلمت بدموع:
-اميرة افتحى الباب علشان خاطرى اميره متعمليش فى امك كده انا اموت لو حصلك حاجه، منك لله يا عامر ينتقم منك ربنا.
تكلم انس بوجع وقال.
-ابعدي يا ماما هكسر الباب عليها.
تراجعت اسيل إلى الخلف وبدأ انس يدفع الباب بقوه حتى استطاع فتحه وجدها تجلس على الأرض وضمه قدميها بالقرب من صدرها وتبكى بوجع وقهره.
جلست اسيل بجوارها وربتت على ظهرها وتكلمت بدموع وقالت.
-علشان خاطرى أهدى يا اميره انا بحبكم انتوا اغلي حاجه عندى علشانكم أنا اتغيرت كتير بقيت واحده قد المسؤوليه استحملت كتير اوووى علشانكم الموت عندى اهون مليون مره من نظرة الشك اللى فى عيونك ليا يا بنتى.
ارتمت داخل أحضان امها وتمسكت بها بقوه وتكلمت من بين شهقاتها.
-انا بحبك اوى يا ماما وعمرى ما اقدر اكرهك انتى اجمل شئ فى حياتنا، أنا صعبان عليا نفسنا واللى البنى أدم ده بيعمله فينا أنا بكرهه وبكره اسمه اللى مكتوب وراه اسمي مش كفايه حرمنا من حنان الاب وهو عايش، بقيت اتكسف أقول إن عندى اب بقول عليه ميت لأى حد اعرفه وهو فعلا ميت فى نظرنا وفى قلوبنا.
احتضنتها اسيل بقوه وتكلمت بدموع:
-منك لله يا عامر على اللى انت عمله فى ولادك ده ينتقم منك ربنا حسبى الله ونعم الوكيل.
نظر لهم انس بحزن شديد تركهم وذهب غرفته ارتمى على فراشه بقلب موجوع ومكسور وحاول يمسك دموعه لكنه لم يستطيع انهمرت منه بغزاره وتعالت شهقاته مثل الطفل الصغير.
………………………………………………….
وصل سيف بسيارته أمام إحدى الفنادق ونظر إلى حور بغضب وتكلم بأمر.
-انزلى!
نظرت من خلف زجاج النافذة وتكلمت بخوف وقالت:
-ا ا انزل فين د د ده مش الفندق اللى هيتعمل فيه الحفله.
زفر بضيق وهبط من السياره وتحرك بأتجاه الباب الآخر وفتحه وأمسك ذراع حور وارغمها على الهبوط رغم محاولاتها لأبعاده عنها دفع الباب بقوه وتحرك بها إلى الداخل ونظر إلى الموظف وقال بتساؤل:
-الاوضه جاهزه؟
اومأ الموظف رأسه بالتأكيد وقال:
-جاهزه يا فندم.
تكلمت حور بدموع وقالت:
-ارجوك انقذنى الراجل ده خطفنى.
نظر الموظف إلى الأرض ولم يجيب عليها.
تعالت ضحكات سيف الشرانيه وتكلم بتهكم:
-متحاوليش كلهم هنا تبعى ولا بيسمعوا ولا بيشوفوا لأن من الاخر الفندق ده بتاعى، امشى يا قطه ليلتنا النهارده نااار.
حركت رأسها بالرفض وقالت بدموع:
-لا لا لا ابوس ايدك ارجوك سيبنى أمشى.
ارغمها تتحرك معه إلى إحدى الغرف ودفعها بقوه أسقطها على الأرض واغلق الباب بأحكام وتحرك بأتجاه المقعد جلس عليه ووضع ساق فوق الأخرى ونظر لها بأبتسامه وقال:
-نورتي اوضك يا قطه.
تراجعت إلى الخلف وهى جالسه بالأرض بخوف شديد حتى وصلت عند الحائط أسندت ظهرها عليها وتكلمت بترجي:
-ابوس ايدك سيبنى أمشى.
ظل يتابعها بصمت تام ونظراته تخترق كل انش بجسدها ثم تكلم بنبره تملأها الرغبه:
-طيب اسيبك تمشي ازاى ده حتى عياطك مثير ويجنن.
ثم استقام بجسده واقترب منها ومال بجسده إليها وحرك يده على وجينتها وتكلم بنبره هامسه:
-قدامك خيارين، اول خيار انك توافقى بكره على طلب جوازى منك فى الحفله وتقنعى ابوكى أنه يوافق عليا، وتانى خيار واتمنى انك تختاريه هو أن اخد منك اللى انا عايزه دلوقتى واعيش معاكى ليله ولا الف ليله وليله وساعتها بقى هتبقى برضه مجبره توافقى بكره على جوازنا.
حركت رأسها بخوف شديد وتكلمت من بين شهقاتها.
-بس أنا بحب زين ومش هقدر اكون مع راجل غيره.
ضغط على أسنانه بغضب وبحركه مفاجئه مزق البلوزه التى ترتديها ونظر إلى جسدها وقال:
-يبقى اختارتى الخيار التانى وانا كنت بتمنى الصراحه.
دارت جسدها بذراعيها وتكلمت بدموع وقالت:
-لا لا لا ابوس ايدك ابعد عنى متلمسنيش.
حرك أصابعه على ذراعها وتكلم بصوت هامس:
-هنفذلك اللى عايزاه بس انتى كمان تنفذى اللى انا عايزه هااا قولتى ايه.
اومأت رأسها بدموع وتكلمت من بين شهقاتها:
-ه ه هنفذلك اللى انت عايزه والله ب ب بس متلمسنيش.
حرك يده وازال دموعها من على خدها وقال:
-لا بلاش دموعك دى علشان أنا قلبى رهيف وهيخلينى اعمل حاجات كتير اوى.
وضعت يدها على فمها حتى تمنع شهقاتها وتكلمت بترجى :
-س س سكت اهو سيبنى بقى بترجاك.
استقام بجسده وامسكها من ذراعها وارغمها على الوقوف ثم حركها بأتجاه المقعد اجلسها عليه وقال:
-اقعدى هنا..
وتحرك باتجاه مبرد صغير واخرج منه عصير معلب وعاد إليها وقال.
-خدى اشربي ده.
حركت رأسها بدموع وقالت:
-م م مش عايزه انا عايزه اى حاجه ألبسها.
أومأ رأسه بهدوء وقال:
-اشربى ده وانا هجبلك حاجه تلبسيها.
حركت يدها المرتعشه وأخذته منه وبدأت ترتشف منه وتنظر إلى سيف بدموع.
ارتسمت ابتسامة على ثغره بلؤم وظل يتابعها.
بدأت الصوره تتلاشى من أمام عين حور أمسكت رأسها بيدها ومال جسدها إلى الامام واسندت رأسها على سيف وفقدت الوعي لم تشعر بأى شئ اخر.
مال سيف بجسده حملها بين ذراعيه وتحرك بها بأتجاه التخت وضعها عليه و……
………………………………………………….
بالفيلا الخاصه ببتول..
جلست بتول على مقعدها مترأسه طاولة الطعام وجلس عدي وفرح نظرت لهم بغضب وقالت.
-البيه برضه رافض ينزل ياكل معانا.
اومأت فرح رأسها بالتأكيد وقالت:
-ايوه يا ماما قولتله قالى مليش نفس للاكل ومرضاش ينزل.
هبت واقفه بغضب وقالت:
-هو مفكر أن الفيلا هنا ملهاش كبير ولا ايه بعد موت أبوه، أنا هعرفه يحترم المكان اللى عايش فيه ازاى.
وقبل أن تتحرك امسك عدى يدها مانع إياها وتكلم بصوت مختنق.
-خليكى انتى يا ماما، أنا هطلعله.
نظرت له وتكلمت بغضب وقالت:
-عقله يا عدى احسن اقسم بالله اطلع اكسر دماغه الناشفه دى هو مفكر نفسه علشان طول شويه مش هعرف اربيه.
أومأ رأسه بالطاعه وقال:
-حاضر يا ماما أهدى انتى بس علشان متتعبيش واللى عايزاه هيحصل.
جلست بتول مره اخرى على مقعدها وتحرك عدى إلى الاعلى واتجه إلى غرفة زين طرق على الباب ثم فتحه ودلف إلى الداخل واغلق الباب خلفه وقال:
-ممكن ادخل؟
ابتسم بتهكم وقال:
-ما انت دخلت خلاص تعالى.
تحرك عدى بأتجاه التخت الخاص بزين وجلس بجواره وقال بتساؤل:
-منزلتش اكلت معانا ليه؟
تكلم بصوت مختنق وقال:
-مليش نفس كلوا انتوا .
حرك عدي رأسه بعدم رضا وتكلم بضيق:
-مش وضع اللى انت عمله في نفسك ده مدام بتحبها اوى كده ما تتنازل شويه عن كبريائك ده وسامحها بدل ما انت مشحطف قلبها معاك كده.
زفر بضيق وتكلم بصوت غاضب:
-عدددى قفل انت كمان على الموضوع ده مش كل شويه حد يكلمنى فيه حور غلطة غلطه كبيره اوى بالنسبالى ومستحيل اسامحها عليها أنا قولتلها كذا مره قوليلى الحقيقه وانا مستعد اسامحك عليها مهما كان حجمها بس هى استقلت بيا وفضلت مكمله فى كدبها وفوق كل ده رايحه تجيبه فى حفلة خطوبتكم، هى اللى كتبت نهاية قصتنا بأيديها مش انا يا عدى.
اخذ عدى نفس عميق وتكلم بتوتر:
-زين حور ممكن تكون فى خطر.
نظر له بعدم فهم وقال:
-خطر !! ده اللى هو ازاى مش فاهم.
تكلم عدى بتوضيح وقال:
-مش مهم ازاى، بس واضح أن اللى اسمه سيف ده وراه قصه كبيره.
ابتسم بعدم اهتمام وقال:
-حتى لو هو كده ده شئ ميخصنيش هى حره تختار الطريق اللى هى عايزاه.
هدر به بغضب وقال:
-انت ايه يا اخى دى حتى تبقى بنت خالتك قبل اى شئ والمفروض تخاف عليها وتحميها.
نظر الاتجاه الآخر وتكلم بعدم اهتمام.
-هى مش صغيره دماغها فيها وتعرف تتصرف ازاى.
اغلق عينه حتى يهدأ قليلا وتكلم بنفاذ صبر:
-هتقدر تشوفها مع راجل غيرك وتكون من نصيبه؟!
جحظت عيناه بصدمه وتكلم بصوت مختنق:
-ها ا ا انت عارف حاجه ومداريها عليا يا عدي
اومأ رأسه بالتأكيد وتكلم بغضب:
-ايوه سيف شكله مش سهل والمنافسه علي حور مش سهله وخصوصا أنا شوفت نظرت الاصرار اللى فى عيونه، خد بالك بقى عقلك فى راسك تعرف خلاصك.
استقام بجسده وتحرك بأتجاه الباب ثم استدار له وقال:
-ياريت تنزل تاكل علشان امك متعصبه بسببك والعصبيه مش كويسه عليها.
أنهى كلامه وخرج من الغرفه واغلق الباب خلفه.
نظر زين إلى أثر عدي واجتاحه شعور من القلق والتوتر تخوفا من تحقيق كلام عدى على حور.
………………………………………………….
فى الفيلا الخاصه بعائلة ايوب
هبطت نغم من الاعلى وبحثت عن قمر لم تجدها اتجهت إلى المطبخ كما توقعت وجدتها تعد الطعام لهم اقتربت منها وقالت بتساءل:
-ماما هى حور فين مش موجوده فى أوضتها؟
نظرت لها بأستغراب وقالت بتوضيح :
-حور راحت مشوار تبع شغلها، مالك قلقانه عليها كده ليه .
ابتسمت لها بتوتر وقالت :
-ها و و ولا حاجه هقلق من ايه بس، ا ا انا بطمن ع ع عليها مش اكتر .
اومأت رأسها بتفهم وقالت:
-ماشى يا حبيبتى هى ساعه بالكتير و تيجى، ربنا يحببكم فى بعض يارب.
قبلت رأسها بحب وقالت:
-ويخليكى لينا يا ست الكل، هروح أنا بقى هطلع أوضى لحد ما تيجى.
أنهت كلامها وصعدت سريعا إلى غرفتها أمسكت الهاتف الخاص بها وضغطت عليه واجرت اتصالا بأختها حور ولكن دون جدوى ظلت تحاول مرارا وتكرارا لكن دون فائدة، زفرت بضيق والقت الهاتف بجوارها وقالت:
-يا ترى انتى فين يا حور ربنا يستر وتيجى بالسلامه مش عارفه ليه قلبى مقبوض .
أنهت كلامها ونهضت من على تختها واتجهت إلى المرحاض واغلقت الباب خلفها.
………………………………………………….
بدأت حور تحرك رأسها بصعوبه وفتحت عينيها ببطئ شديد نظرت حولها بأستغراب واتسعت عيناها بصدمه عندما وجدت سيف يجلس إمامها على المقعد وابتسامه تزين وجه اعتدلت سريعا على السرير وتكلمت بخوف شديد وقالت:
-ا ا انت عملت ايه و و وانا نمت كده ازاى انا اخر حاجه فكراها العصير، ا ا اه انا شربت العصير وبعد كده اغمى عليا، انت حاطط ايه فى العصير ده يا حيوان، و و وليه عملت كده ا ا انت وعدنى انك مش هتقرب ليا لو نفذتلك اللى طلبته منى.
تعالت ضحكاته الشيطانيه واستقام بجسده وقال بأمر.
-قومى البسي هدومك يلا علشان اروحك، واه طمنى انتى لسه زى ما انتى أنا ملمستكيش، زى ما وعدك.
تكلمت بدموع وقالت:
-كداب ولما أنت ملمستنيش ليه حطت مخدر فى العصير وخلتنى اشربه وليه عملت كده فى هدومى.
نظر لها نظره مطوله واجابها بتوضيح……….
………………………………………………….
بقلمي#دودومحمد”ما وراء الماضي”30
“البارت الثلاثون”
نظر سيف إلى حور نظره مطوله وتكلم بتوضيح:
-ملمستكيش علشان عايز كل حاجه رسمي أما بقى عملت فيكى كده ليه؟ ده لان اخد ليكى كام صوره وانتى بالمنظر ده علشان لو عقلك وزك وحبيتى تعملى ذكيه عليا تظهر قصاد الكل وحبيب القلب بقى يشوفك وانتى فى حضنى بالمنظر ده.
اتسعت عيناها بصدمه وحركت رأسها بعدم تصديق وتكلمت بدموع وقالت:
-انت ايه يا اخى شيطااااان حرام عليك، انا بكرهك يا سيف بكرهك.
ووضعت يدها على وجهها وظلت تبكى بقهره.
استقام بجسده وتكلم بأمر:
-قومى يلا البسي هدومك علشان الوقت اتأخر وزمانهم فى البيت قلقانين عليكى.
تحركت ببطئ شديد وانزلت قدميها إلى الأرض ومالت بجسدها وأخذت ملابسها من على الأرض وتحركت بضعف شديد إلى المرحاض دقائق معدودة خرجت والدموع تنهمر منها وقالت بصوت منكسر.
-انا خلصت ارجوك روحنى.
نظر لها بضيق واقترب منها وأزال عبراتها وتكلم بتحذير.
-حسك عينك الشيطان يوزك وتفكرى تلعبى معايا يا حور علشان ساعتها هتشوفى وش تانى خالص مني اتمنى انك متشفهوش أنااا كل ده حنين عليكى وبعاملك بهدوء تام اللى قولته ليكى هيتنفذ بكره بالحرف هطلب ايدك من ابوكى وانتى هتوافقى وهتظهرى كمان فرحتك قصاد كل الموجودين فااااهمه.
اومأت رأسها بدموع وقالت:
-ف ف فاهمه.
ربت على وجينتها وتكلم بابتسامه:
-شطوره يا حوري امشي يلا.
تحركوا إلى خارج الغرفه وهبطوا إلى الاسفل صعدوا السياره وعادوا إلى المنزل.
………………………………………………….
فى صباح اليوم التالى ظلت حور مستيقظه بغرفتها تبكى فهى من أن وصلت ليلا وصعدت غرفتها لم تخرج منها سمعت صوت طرقات على الباب إزالة عبراتها واذنت لطارق بالدخول، انفتح الباب ودلفة نغم ونظرت إلى حور بقلق وقالت بتساءل:
-حور انتى من ساعة ما جيتى امبارح بليل وانتى حابسه نفسك فى اوضك ليه ومال عيونك وارمه اوى من كتر من انتى معيطه طمنينى ارجوكى فيكى ايه مخبياه عليا.
نظرت الاتجاه الآخر حتى تهرب من نظرات نغم لها وتكلمت بصعوبه.
-مافيش يا نغم انا بس مخنوقه من اللى بيحصل من زين مكنتش متوقعه أنه يبعد عنى بسهوله كده.
أمسكت يدها وربتت عليها وقالت بنبره حنونه:
-متزعليش يا حور عدى مش ساكت والله وبيحاول يتكلم معاه بس هو لسه اخد على خاطره من اللى حصل.
تنهدت بوجع وتكلمت بدموع وقالت:
-هو حر بقى انا مش هقعد مستنيه حضرته لما يحن عليا.
شعرت بالقلق يجتاح قلبها نظرت لها بتوتر وقالت بتساؤل:
-قصدك ايه يا حور مش فاهمه؟
تكلمت بصوت مختنق من كثرة البكاء وقالت:
-مافيش يا نغم بس انا خلاص هشيل زين من قلبى وهفكر فى حياتى ومستقلبى بعيد عنه.
هدرت بها بغضب وقالت :
-انتى اتجننتى زين مين ده اللى هتشوفى مستقبلك بعيد عنه انتوا مال حبكم ضعيف أوى كده من اول مشكله واخترتوا الطريق السهل فين حبكم فين اصراركم على بعض فين التماسك اللى بيقوى اى علاقه المفروض تكونوا اقوى من كده وتتحدوا العالم كله بحبكم ازعلوا عادى من بعض بس شويه وارجعوا إنما تقوليلى هشوف مستقبلى بعيد عنه ده جنااان وحب ضعيف جدا.
إلى هنا ولم تستطيع حور التماسك انهارت جميع حصونها وتكلمت بصراخ والدموع بتتسابق على وجينتها:
-انتوا كلكم بتلوموا عليا أنا ليييه محدش حاسس بيا ضغط ضغط ضغط مش بترحموا ليييييه أنا خلاص مبقتش قادره كل اللى بعيشه دلوقتى بسبب بابا وعدم اهتمامه برأى محدش فيكم مقدر أن انا بنى ادمه وعندى مقدار معين من الطاقه وخلاااااص خلصت أنا مش فرحانه باللى وصلنا ليه بس لا هو قدر موقفى ولا بابا كمان انتى عارفه المشكله ايه أن زين وبابا نسخه واحده عندهم رأيهم هما الأهم عندها تسلط وتملك غريب المهم نفسهم وغيرهم يولع وانا بقى لعبه ما بين الاتنين كل واحد فيهم بيلعب بيا شويه ويرمينى لتانى.
ثم جلست على الأرض بدموع وتكلمت من بين شهقاتها وقالت بوجع:
-انا بحب زين يا نغم وبعده عنى يعنى موتى بس اللعبه اللى انا فيها دى مش انا اللى بحرك نفسى فيها انا فيه صوابع هى اللى بتحركنى أنا تعبت وعايزه ارتاح نفسى حد يفهمني لو لمره واحده بس.
كانت نغم تستمع كلمات حور بقلب مفطور والدموع تتسابق على وجينتها بقهر على حالها، جلست بجوارها واخذتها داخل أحضانها وتكلمت من بين شهقاتها.
-فيكى ايه يا قلب اختك وصلك للحاله دى اتكلمى يا حور ووعد منى هساعدك واخد بأيدك لطريق الصح.
تمسكت حور بنغم بقوة وظلت تبكى بحزن ووجع تقطعت أنفاسها من شدة البكاء وبعد وقت ابتعدت عن حضنها وتكلمت بصوت مختنق:
-نغم هطلب منك طلب ممكن.
اومأت رأسها بالتأكيد وقالت:
-طبعا يا حبيبتى اومرى.
نظرت لها بدموع وقالت……
………………………………………………….
بالغرفه الخاصه بأيوب وقمر
تكلمت قمر بغضب لاول مره بحياتها مع ايوب وقالت:
-انت اااايه كفايه اللى بتعمله فى بنتى يا ايوب حرام عليك هضيعها منى البت طول الليل تعيط سامعه صوت شهقاتها من وراه بابها.
نظر لها بغضب وتكلم بتحذير:
-قمرررر اياكى صوتك يعلى عليا تانى فاهمه.
ردت عليه بغضب ونفاذ صبر.
-هو ده كل اللى يهمك صوتى ميعلاش عليك؟ طيب وبنتك مش همك حالتها اللى وصلت ليها دى مش هقعد اتفرج على بنتى وهى بضيع منى يا أيوب وانت كمان مجبر تساعدنى فده لانك السبب الرئيسى اللى وصل حالتها لكده تكبرك وعنادك هما السبب جيت قولتلك يا ايوب بلاش تخليها تشتغل مع الراجل ده عند وقولتلى ده شغلك ومليش أن أدخل فيه قولتلك بنتك مضايقه قولتلى بنتى مش هتمشينى على مزاجها وفى الاخر ايه اللى حصل بقت وردة دبلانه بسبب بعد زين عنها أنا مش هقبل بوجع بنتى يا ايوب فاااااهم.
ضغط على أسنانه بغضب ونظر لها نظره مطوله وتكلم بهدوء حذر:
-انا لولا عامل حساب الحب والعشره اللى ما بينا كان هيبقى ليا تصرف تانى معاكى يا قمر انا ماشى.
أنهى كلامه وتحرك سريعا إلى الخارج بغضب شديد.
نظرت إلى أثره بدموع وجلست على الأريكة بغضب شديد.
………………………………………………….
استيقظت اميره على صوت والدتها وهى تيقيظها بصوتها الهادئ الحنون وتقول لها:
-صباح الخير يا قلب ماما اصحى يلا عمتك دنيا تحت وعايزه تتكلم معاكى.
اعتدلت على فراشها ونظرت لها بحزن وقالت:
-حاضر يا ماما هجهز وهنزلها على طول.
قبلت رأسها بحب وقالت:
-ماشى يا حبيبتى متتأخريش.
خرجت اسيل من الغرفه ونظرت اميره إلى أثر والدتها وتذكرت ما حدث بليلة أمس هبطت دمعه من عينيها إزالتها سريعا ونهضت من على فراشها واتجهت إلى المرحاض دقائق معدودة وكانت تجهزت وهبطت إلى الاسفل ابتسمت بسعاده عندما وجدت عمتها دنيا ومعها فريد اقتربت منهم وقالت:
-ص ص صباح الخير.
نهضت دنيا واحتضنتها بحب وقالت:
-صباح النور يا قلب عمتك هو فيه حد يصحى من نومه يبقى قمر كده يا بختك ياللى فى بالى هتفتح عيونك على القمر ده كل يوم.
احمرت وجينتها بخجل وتكلمت بصعوبه:
-ش ش شكرا يا عمتو.
أمسكت يدها واجلستها بينها هى وفريد وتكلمت بحب:
-انا فرحت اوى لما فريد قالى انه بيحبك وعايز يتجوزك مكنتش هلاقى لابنى عروسه زى القمر زيك كده، ربنا يسعدكم ويهنيكم يارب، أنا كلمت مامتك وان شاءالله هنعمل الخطوبه قبل ما نسافر والاجازه الجايه الفرح.
اومأت رأسها بالموافقه وظلت تنظر إلى الأرض بخجل وقالت:
-ممكن اطلب منك طلب يا عمتو
اومأت رأسها بالتأكيد وقالت:
-طبعا يا قلب عمتك قولى اللى انتى عايزاه.
نظرت إلى والدتها بحزن وقالت بصوت مختنق:
-ممكن اجى اعيش معاكم هناك؟
اتسعت عين اسيل بصدمه وتكلمت سريعا وقالت:
-انتى عايزه تمشى وتسبينى يا اميره انتى لسه مصدقه اللى قاله ابوكى امبارح؟
حركت رأسها بدموع وقالت:
-مش انتى السبب يا ماما انا عايزه اروح اى مكان تانى بعيد عن المكان اللى جوزك عايش فيه مش عايزه اشوفه ولا اسمع صوته أنا بكرهه وكل ما بشوفه قلبى بيوجعنى اوى.
تكلمت بدموع وقالت بترجى:
-علشان خاطرى يا اميره متعمليش فيا كده مش هقدر استحمل بعدك عنى.
تكلمت دنيا وقالت بتوضيح:
-اهدي يا اسيل بنتك كده كده هتسافر معانا بعدين بقى ولا دلوقتى مش هتفرق ومدام دى رغبتها يبقى نعمل خطوبه وكتب كتاب وتسافر معانا المرادي.
حركت اسيل رأسها بالرفض وقالت:
-انا كنت مفكره أنها هتعيش هنا جنبى وابنك هيفضل معاها متوقعتش أن هى هتسافر وتبعد عن حضنى.
نظرت إلى فريد وجدته صامت فهمت أنه يريد أن يتحدث مع اميره نهضت دنيا وامسكت يد اسيل وقالت:
-تعالى معايا انا هفهمك الوضع.
وتحركوا إلى الخارج وتركوهم بمفردهم.
اقترب فريد منها وأمسك يدها وقال بنبره مختنقه.
-ممكن بعد كده مشوفش دموعك دى تانى علشان أنا كان هاين عليا أمد ايدى وامسحهم من على خدك قصادهم.
نظرت له بخجل واومات رأسها بالطاعة.
كوب وجهها بيديه ونظر بعينيها وقال بوعد:
-وحياة اغلى حاجه عندى اللى هى انتى هعوضك عن كل دمعه نزلت من عيونك بسبب اى حد تانى هخليكى اسعد واحده على الأرض، انا بعشقك يا اميره وفرحت اوى لما ماما قالت أننا هنتجوز الاجازه دى وهتيجى معانا انا مش مصدق نفسى كلها ايام وتبقى معايا يااااه فرحان اوى يا اميرة قلبى من جوه.
ابتسمت له بخجل وتكلمت بتلعثم وقالت:
-ا ا انا هروح اشوف ماما وعمتو فين.
امسك يدها وقال بابتسامه جميله:
-استنى هنا إذا كان ماما اخدت امك وطلعوا الجنينه علشان يسبونا نتكلم شويه مع بعض هنا.
نظرت إلى يده الممسكه بيدها بخجل وتعالت دقات قلبها بسعادة وظلت صامته.
ابتسم فريد على خجلها وظل يتابعها بأستمتاع ودقات قلبه تتزايد حتى كادت أن تخترق ضلوعه من شدة حبه لها.
………………………………………………….
عاد عدي من عمله وتمدت على فراشه وأمسك هاتفه واجري اتصالا بمحبوبته وانتظر الرد ثواني معدودة وسمع صوتها الباكى يخترق أذنه تكلم بقلق وقال بتساءل:
-نغم انتى بتعيطى ليه حصل حاجه عندك ولا ايه؟!
تكلمت من بين شهقاتها وقالت بصوت مختنق:
-حور يا عدي مدمره خالص بسبب بعد زين عنها كلامها كمان قلقنى اوى انا حاسه ان هى فى خطر بس مش عارفه ايه هو، بس كل اللى فهمته من كلامها أن فيه خطوه مهمه هتخدها النهارده ومرضتش تقولى ايه هى بس شكلها كده مش طبيعى.
اغلق عينه بتوتر وتكلم بتحذير:
-قولى لحور بلاش هى مش فاهمه خطورة الخطوه دى ايه.
تكلمت سريعا وقالت بتساءل :
-هو انت عارف هى ناويه تعمل ايه النهارده.
أجابها بصوت مختنق وقال:
-هو استنتاج مش اكتر بس لو صح يبقى اختك هترمى نفسها فى النار.
زفرت بضيق وتكلمت بنفاذ صبر وقالت:
-ما تقول على طول يا عدى هى ناويه على أيه متزودش الضغط عليا اكتر ما هو.
رد عليها بضيق وقال:
-مش هقدر اقولك حاجه دلوقتى غير لما اتأكد من حاجه بس حاولى تخلى اختك تتراجع عن اللى فى دماغها.
ظلت صامته لوقت وتكلمت بصوت مختنق:
-ماشى يا عدي بس ارجوك خليك جنبها اوعى اختى تتأذى علشان خاطرى مش هستحمل أذية اى حد فيكم.
حاول أن يتكلم بهدوء عكس العاصفه التي تجتاح قلبه وقال:
-وحياتك عندى هعمل ما فى وسعى علشان احميها واجمعها مع اخويه زين، يلا انا هقفل دلوقتى وبليل هرن عليكى علشان نروح الحفله سوي.
ابتسمت بحزن وقالت:
-حاضر يا حبيبى مع السلامه.
اغلق عدى الخط بقلق شديد ونظر أمامه وقال:
-المعلومات مش مبشره خالص على اللى اسمه سيف ده وحاسس لما تكتمل الصوره هيكون فيه مفاجئات كتير اوى.
أنهى كلامه ونهض من على فراشه واتجه إلى المرحاض بدل ملابسه وخرج تمدت على فراشه وظل يفكر فى حل هذا اللغز حتى استسلم إلى نوم عميق.
………………………………………………….
وصلت رهف إلى الشركه وجلست على مقعدها بأستغراب فاليوم لم يأتى انس كالمعتاد لتوصيلها ولم يهاتفها منذ الأمس شعرت بالقلق اتجاهه أمسكت هاتفها وأجرت اتصالا وانتظرت الرد ثوانى معدودة وسمعت صوته المختنق قائلا:
-صباح الخير يا رهف.
أجابته سريعا وقالت بقلق:
-صباح النور يا انس، مالك انت كويس؟
خرجت تنهيده حاره اخترقت أذنيها عبر الهاتف وتكلم بصوت مختنق:
-طول ما هو موجود فى الدنيا مش هبقى كويس هو سبب وجعى وحزني هو سبب قهرتى هو الوحيد اللى بيحسسنى بعجزى عاجز عن مواجهته عاجز من اخد قرار حاسم معاه عاجز لأن هو ابويا ومقدرش اعمل كل ده.
شعرت بوجعه وتكلمت بتساؤل:
-هو حصل حاجه تانى؟!
أجابها بوجع وقال:
-وهو هيحصل ايه تانى بعد عمايله دى كلها يا رهف أنا زهقت ونفسي ارتاح بضحك وبهزر وبأزر كل اللى بحبهم بس انا فعلا محتاج حد ياخد بأيدى يخرجنى من الدايره اللى انا فيها دى عايز حياتى تبقى هاديه بعيد عن مشاكله اللى ماليه حياتنا.
تكلمت بنبره هادئه وقالت:
-انا جنبك معاك ومش هسيبك هاخد بأيدك لبر الامان بس انت ادعيله بالهدايه وربنا ينور بصيرته ويبعد عنه شيطانه عمو عامر معدنه طيب بس شيطانه غاويه ومغمى عيونه مصوره أن لذة الحياه دى هى الجنه ونعيمها عامى عيونه عن الاخره وعقاب ربنا حاول تتقرب منه صاحبه ورافقه طول الوقت بلاش تديله الفرصه اللى يكون فيها وحيد وهتلاقى نتيجه حلوه اوى.
تنهد بضيق وتكلم بصوت مختنق:
-هحاول واللى ربنا رايده هو اللى هيكون، معلش يا حبيبتى مقدرتش اجى اوصلك النهاردة زى ما متعود بس هاجى اخدك ساعة الحفله نروح سوي.
ردت عليه بتفهم وقالت:
-ولا يهمك يا انس المهم انك بخير هستناك بليل باي.
أغلقت الخط معه وتكلمت بتمنى:
-ربنا يهديك يا عمو عامر علشان خاطر ولادك اللى ملهومش ذنب دول.
أنهت كلامها وبدأت تتابع عملها.
………………………………………………….
كان مهاب جالسا على مقعده خلف المكتب الخاص به بغرفته يقرأ كتاباً علمياً ذات صله بتخصصه وفى ذالك الوقت أعلن هاتفه عن وجود اتصال نظر به وجده خاله معاذ نزع نظارته الخاصه بالقراءه واجاب عليها قائلا:
-السلام عليكم ورحمه الله وبركاته ازيك يا خالو.
تكلم معاذ بصوت مختنق وقال:
-وعليكم السلام، بخير يا ابنى، لو فاضى عايز اقابلك ضرورى.
اجاب عليه بكل هدوء قائلا:
-حاضر يا خالو نص ساعه بالكتير واكون عند حضرتك فى البيت.
رد عليه سريعا وقال:
-لا مش فى البيت عايز اتكلم معاك كلمتين ومحدش يسمعنا تعالى على كافيه(…) هستناك متتأخرش عليا، سلام.
اغلق الخط بأستغراب ونهض من على مقعده بدل ملابسه وهبط إلى الاسفل لم يجد والدته ولا أخيه تحرك إلى الخارج صعد سيارته وتحرك بها دقائق معدودة كان يقف أمام الكافيه تركل منها ودلف إلى الداخل بحث بعينه عن معاذ حتى وجده ذهب إليه وجلس على المقعد بأبتسامه وقال :
-انا اسف لو اتأخرت عن حضرتك.
حرك رأسه بالرفض وقال:
-متأخرتش ولا حاجه يا ابنى، معلش لو عطلتك على حاجه يا حبيبى.
نظر له بأستغراب وقال:
-مافيش عطله ولا حاجه يا خالو، بس خير ريفال فيها حاجه.
تنهد بضيق وقال:
-ريفال اتحسنت الحمدالله بتخرج من اوضتها اوقات تساعد مامتها فى البيت تقعد تاكل معانا بس طبعا لسه رافضه فكرت الخروج من البيت.
أومأ رأسه بتفهم وقال:
-ده طبيعى جدا واحده واحده هتتعود هتخرج تقعد معاكم شويه هترجع تانى تقفل على نفسها اوضتها هتفضل كده لحد ما تكمل قرص العلاج بتاعها كله وبعد كده كل حاجه هتبقى طبيعيه.
نظر له بتوتر وقال:
-مهاب، ريفال شكلها اتعلقت بيك، على طول بتسأل عليك وكأنها بدور عليك في كل واحد فينا أنا خايف نعالجها من حاجه ونوجعها فى حاجه تانيه دى بنتى الوحيده وحقى أن اخاف عليها يا ابنى.
ابتسم له ابتسامه هادئه وقال بتوضيح:
-متقلقش يا خالو ده طبيعى فى الشغلانه بتاعتنا لأن المريض بيبقى مريض نفسي وبحكم الوقت اللى بنقضيه مع بعض والخصوصيات اللى بيتكلموا فيها معانا بكل صراحه بيحسوا بمشاعر لينا بتتولد جواهم وبيفكروا أن احنا الشخص الوحيد اللى بنفهم عليهم بس أثناء قرص العلاج اللى ممكن يتخطى سنين بنزرع جواهم أننا احنا مجرد أشخاص عابرين فى حياتهم والشخص الصح ربنا هيبعته ليهم فى الوقت المناسب ومع اكتمال العلاج هيتقبلوا الفكره وبنبقى مجرد اصدقاء ريفال مش اول حاله يحصل معاها كده تقريبا معظم اللى اشتغلت معاهم حصلهم كده ودلوقتى مافيش حاجه متقلقش يا خالو.
تنهد بحزن وقال بتساءل:
-وهو قدامها كتير على ما تتعالج من اللى هى فيه ده، يعنى ممكن نقعد سنين زى ما قولت؟
حرك رأسه بعدم معرفه وقال:
-لسه مش واضح يا خالو احنا لسه فى تانى جلسه وقصادنا وقت على ما اسافر وقبلها هأهلها على كده وهشوف دكتور كويس يكمل معاها بعدى علشان مجهودى ميروحش على الفاضى وانا هتابع معاه من هناك اول بأول.
ابتسم له بأمتنان وقال:
-شكرا يا ابنى على اللى بتعمله معانا جميلك ده مش هنساه ابدا.
تكلم بلوم وقال :
-كده برضه يا خالو هو فيه شكر ما بين الأب وابنه.
ربت على يده وقال بحب:
-ربنا يبارك فيك يا حبيبى ويسعدك، معلش بقى مضطر امشى علشان اتأخرت على الشغل النهارده.
أومأ رأسه بتفهم وقال:
-ربنا يقويك يارب، بكره أن شاءالله الجالسه التالته لريفال.
رد عليه بترحاب وقال:
-بيتك ومطرحك يا حبيبى.
أنهى كلامه وتحرك إلى الخارج صعد سيارته واتجه إلى العمل.
نهض مهاب من على مقعده وخرج صعد سيارته وعاد إلى المنزل مره اخرى.
………………………………………………….
بالمساء…
ظل ايوب متجنب قمر منذ أن عاد من الشركه وهى أيضا تفعل بالمثل ولاول مره منذ أن تزوجوا يحصل شئ كهذا
ظلت حور حبيسة غرفتها حتى المساء والدموع لم تتوقف من عينيها، وكذالك الأمر عند نغم
تجمعت العائله لذهاب إلى حفل توقيع عقود الاشتراك بين شركة ايوب وشركة السيوفى.
نظرت حور إلى والدها بحزن شديد وخرجت صعدت السياره مع عدى ونغم وتحركوا جميعا إلى مقر الحفله المقامه فى افخم القاعات بحضور اكبر رجال الأعمال فى الوطن العربى بعد الترحاب و الكلمه الافتتاحيه الخاصه بأيوب وسيف اقترب من حور الواقفه بجوار ايوب وتكلم بهدوء قائلا:
-انسه حور ممكن تشاركينى الرقصه دى؟
نظرت إلى والدها بحزن وقبل أن تتكلم رد عليه ايوب بنبره جادة قائلاً:
-مش هينفع ترقص مع راجل غريب.
نظر بتحذير لحور وتكلم بهدوء حذر:
-طيب مش تسأل الانسه حور الاول يمكن ليها رأى تانى.
ضغط على أسنانه بغضب وتكلم بتحذير:
-مش ايوب اللى ياخد رأى حريم بيته فى حاجه زى كده انا قولت لا يعنى لا
كانت حور تشعر بسعاده عارمه لاول مره والدها يأخذ صفها لاول مره تشعر بالاطمئنان اقتربت أكثر لوالدها وتخفت خلف ظهره كأنها تطلب منه الحمايه بطريقه غير مباشره
ابتسم سيف بتوعد وقال:
-طيب بالمناسبه السعيده دى أنا جاى اطلب ايد الانسه حور.
حركت حور رأسها من خلف ظهر والدها رافضه ما قاله والدموع تنهمر من عينيها متخوفه من رد والدها.
نظر ايوب له نظره ذات مغزى وابتسم له بثقه وقال:
-بس أنا معنديش بنات للجواز الاتنين عندى مخطوبين.
تعالت ضحكاته الغاضبه وتكلم بنبره مخيفه:
-طيب مش تسألها الاول أنا متأكد أن رأيها غير رأيك تماما.
نظر خلفه إلى حور ورأى الدموع تنهمر من عينيها حرك ذراعه لها احاطها به حتى يطمئنها وقال:
-وانا واثق من بنتى ومتأكد من رأيها.
صك على اسنانه ونيران الغضب اشتعلت داخله وقال بتحذير واضح:
-ما هو انت برضاك أو غصب عنك هتوافق.
تعالت ضحكات ايوب ونظر خلف سيف وقال بتهكم:
-ما انا مش مستعد اجوز بنتى لتاجر سلاح زيك.
اتسعت أعين الجميع ونظر سيف خلفه وجد الشرطه تقترب منه تكلم ايوب بتوضيح وقال:
-ما هو مش عيل ابن امبارح هيعمل عليا ناصح مفكر مش فاهم حاجه ولا عارف ايه سبب الشراكه دى ده أنا ايوب يا لا.
الابتسامه ارتسمت على شفاه حور لم تستطيع تصديق ما تسمعه بأذنيها نظرت إلى والدها بدموع وقالت:
-ب ب بجد يا بابا ي ي يعنى انت كنت مصدق كلامى.
ابتسم لها ابتسامه حنونه وافتخار وقال:
-انا فخور بيكى يا حور علشان قدرتى تفهمى كل حاجه وقدرتى تحللى الأمور صح، بس كان لازم اعمل معاكى كده وانكر علشان مافيش حاجه تنكشف من اتفاقنا أنا والشرطه.
نظر لهم سيف بغضب وقال بتهديد:
-انت مفكر نفسك ناصح وخلصت مني، أنا سيف السيوفي ومش بسهوله كده هتخلص مني.
تكلم عدى بتهكم وقال:
-يا سبحان الله نفس الكلمه دى اتقالتى بس فين يا عدي فين يا عدي اااه افتكرت، سمعتها من ابوك محروس.
اتسعت أعين الجميع بصدمه حتى ايوب اقتربت نغم منهما بدموع وقالت بتساءل:
-م م محروس مين ها ا ا اوعى تقولى اللى فهمته صح، رد عليا يا عدى سيف ابن محروس مييين.
أجابها عدى بتوضيح وقال:
-من غير ما أوضح يا نغم ملامحه موضحه كل حاجه.
اقتربت من سيف ونظرت له بكره وغضب ووجع وامسكت به بصراخ وقالت:
-كفاااايه بقى انتوا عايزين مننا ااايه ابوك قتل بابا وخطفنى وانا صغيره عذبنى بأقصى ما عنده كنت كل يوم بشوف بعيونى قذرات صعب تتشاف لدرجة كان عايز يخلينى اعمل حاجات وحشه ودلوقتى ظاهر انت فى حياتنا علشان تدمرها تانى ااااايه كفايه بقى كفايه.
تكلم ايوب بأستغراب وقال بعدم فهم:
-ازاى ده انت عرفت ازاى يا عدي؟


