دودود محمد الجزء الثاني

ضرب كف على كف وتكلم بنفاذ صبر:
-يا ابنى ارحم امى شويه وخلينى اعرف اقولك الكلمتين اللى سيحتهم فى دماغى منك لله يا ابنى.

تعالت ضحكات زياد وتكلم بصعوبه وقال:
-خلاص خلاص قول اهو بسمعك.

تكلم بنبره جادة وقال……..
………………………………………………….
جلست بتول على الأريكة تشاهد التلفاز وهى تحتسي القهوه الخاصه بها وفى ذالك الوقت سمعت صوت جرس الباب نهضت سريعا وفتحته وجدت منى تقف أمامها بوجه عابس ونظرات ناريه منها ابتسمت لها بهدوء وتكلمت بترحاب.
-اتفضلى يا منى ادخلى.

تكلمت بغضب وقالت بصوت مختنق:
-انتى عايزه مننا ايه ليه مصممه تخطفى سعادتي منى انتى واحده انانيه عايزه كل حاجه ليكى عايزه تستحوذي على الرجاله كلها فرحانه بنفسك وهما هيموتوا عليكى، بسببك جوزى طلقنى ورمينى زى الكلبه عند اهلى بسببك قلبى بينزف علشان بحب ريان وهو بيحبك انتى أنا بكرهك يا بتول بكرهك.

ابتسمت بهدوء وقالت بنبره حنونه:
-تعالى بس ادخلى ونتكلم براحتنا جوه.

نظرت لها بضيق وقالت:
-انا مش جايه اضيف أنا جايه اقولك كلمتين وامشى، أبعدى عن ريان يا بتول علشان أنا مش هسمحلك تخدى حب عمرى كله على الجاهز كده مش ذنبى أنه اتجوزك اسبوع ورماكى رمية الكلاب مش ذنبى انك طلعتى واحده زباله واتجوزتى راجل غيره وسميتى ابنه على اسم راجل غيره مش ذنبي انك واحده خاينه عيشتى مع جوزك طول السنين اللى فاتت دى وقلبك مع راجل غيره احترمى سنك بقى واحترمى ذكري الراجل اللى عاش عمره كله مخلص ليكى.

أغلقت عينيها حتى لا تسمح لدموعها بالهطول وقالت:
-يمكن انتى صح فى جزء بس باقى كلامك غلط لان مروحتش اتجوزت راجل تانى الا بعد ما ريان رجع وظهر بعد ست سنين عيشت عندى امل أنه يرجع ويقدملى اسباب مقنعه اسامحه عليها بس للاسف اسبابه مكانتش مقنعه بالنسبالى اتخذلت فيه للمره التانيه ووقتها اخد قرار اتجوز الراجل اللى فضل يحبنى ويدينى أنا وعدى الحب والاهتمام من غير مقابل حسيت وقتها أن انا محتاجه راجل اتسند عليه ويشاركنى طريقى وساعتها بس وافقت اتجوز وليد ولما سميت ابنى على اسمه ده لأن وقتها كان ريان مش موجود يمكن كنت غلطانه لما فضلت احبه وضيعت اجمل سنين عمرى مع راجل أقل ما يتقال عليه ملاك فى حبي لريان بس عرفت ده متأخر اوى بعد فوات الاوان، ريان مبقاش فى بالى ولا شاغلنى من اساسه انا اخد عهد على نفسى ان هفضل عايشه على ذكريات احن واطيب قلب فى الدنيا ذكرى جوزى وليد، ترجعوا بقى مترجعوش دى حاجه متخصنيش من اساسه وبدل ما كنتى تجيلى وتقوليلى الكلمتين دول اللى ملهومش اى لازمه كنتى روحتى لابو بناتك وتحاولى ترجعيه من تانى ليكى أنا نهيت على الامل اللى جواه ليا ودى فرصتك علشان تملى الفراغ ده بحبك انتى.

نظرت لها نظره مطوله لم تستطيع الرد عليها تحركت سريعا من أمامها وصعدت سيارتها وتحركت بها بسرعه جنونيه.

ظلت تتابعها حتى اختفت من أمامها وتنهدت بحزن ثم أغلقت الباب وعادت مره اخرى إلى الداخل.
………………………………………………….
عادت حور إلى الفيلا بحزن شديد نظرت إلى والدتها والدموع متجمعه فى عينيها وقالت بصوت مختنق:
-انا هطلع أوضى أنام محدش يصحينى على الاكل.

نظرت لها قمر بحزن وقالت:
-واخرت اللى انتى فيه ده ايه يا حور لا بتاكلى ولا بتقعدى وسطنا زى الاول من يوم اللى حصل بينك انتى وزين.

تكلمت بصعوبه وقالت بصوت مختنق:
-ابوس ايدك يا ماما متجبيش سيرة البنى أدم ده قصادى تانى.

حركت رأسها بعدم رضا وقالت بحزن:
-ليه بتعملوا فى نفسكم كده ليه مصممين تعيشوا حيات بتول وريان ليه غاوين تتعبوا قلوبكم بالمنظر ده انتوا الاتنين غلطانين ولازم تعترفوا بده وتكملوا مع بعض لأن لا انتى هتقدرى تكونى مع غيره ولا هو هيقدر يحب غيرك كفايه عند يا حور وسامحيه وادي نفسكم فرصه تاني.

انهمرت دموعها بغزاره وتكلمت بصعوبه:
-مش قادره انسى اللى حصل منه يا ماما مش قادره انسي نظرت عيونه ليا اللى كانت مليانه بالشك مش هقدر انسي صوته وهو بيقول مش عايزنى مش هقدر انسي كسرت قلبى وقتها أنا مش فرحانه باللى أنا بقيت فيه ده ولا اخده الموضوع عند لا خالص والله انا بحاول وربي يشهد على كلامى بس فى كل مره اوصل لنفس النتيجه زين بنى أدم شكاك وكسرنى قصاد الكل.

اخذتها قمر داخل أحضانها وربتت على ظهرها وتكلمت بنبره هادئه:
-اهدي يا حبيبتى مش قصدى اضغط عليكى والله انا بس صعبان عليا اللى بتعمليه فى نفسك ده، زمان ابوكى لما رجع من السفر ولاقنى متجوزه غيره اللى هو المفروض يكون صديق عمره واقرب حد ليه، حكم عليا من بعيد حاولة كتير اقوله الحقيقه بس كان غضبه عاميه كان شايفنى واحده خاينه روحت اتجوزت صحبه يوم ما عرفت خبر موته فضل على الحال ده فترة وانا كنت وقتها بموت من تفكيره ده وكرهه ليا بس فى الاخر ربنا ظهر الحقيقه وعرف أنه كان ظلمنى بس كان بعد فوات الاوان بعد ما مروان اخد بنتى ومات وبعد كده اختفت، اللى عايزه اقوله ليكى أن الغضب بيبقى عامى عيون صاحبه عن الحقيقه مهما حاولوا معاه مش بيبقى شايف غير اللى عقله مصوره ليه، وزين عمل كده غضبه كان عاميه واللى عمله ده نتيجة غيرته عليكى اتصرف بطيش مش بقولك أن هو صح لا طبعا غلطان وبالثلث كمان بس احنا بنى ادمين وبنغلط عادى وبنتعلم مع غلطنا اهم حاجه تفوقوا قبل فوات الأوان وانتوا الاتنين تبقوا خسرانين وحكايتكم تبقى الجزء التانى من حيات خالتك بتول وعمك ريان، يلا يا حبيبتى اطلعى اوضك غيرى هدومك وانزلى علشان تاكلى معانا.

ابتسمت لها بحزن واومأت رأسها بالطاعة وصعدت إلى غرفتها بدلت ملابسها وجلست على تختها تفكر فى كلام والدتها وبعد وقت نهضت وهبطت إلى الاسفل.
………………………………………………….
بالمساء… فى أحد الكافيهات وصلت فرح بتوتر شديد وتحركت إلى الداخل وجدت وائل يجلس أمام إحدى الطاولات اقتربت منه ونظرت له بضيق وقالت بصوت مرتعش:
-ا ا انت عايز منى ايه تانى.

ارتسمت ابتسامه شيطانيه على وجه وتكلم بهدوء حذر:
-كنت متأكد انك هتيجى اقعدى يا مزه.

جلست على المقعد بتوتر وقالت بتحذير:
-ا ا انت عارف لو مبعدش عن طريقي م م مش هيحصلك خير انا بحب زياد و هو كمان بيحبنى ومستحيل افكر اخون حبه ابدا.

حرك يده ووضعها على يدها وقال بصوت هامس:
-ما انتى مش قدامك غير خيار واحد بس تيجى معايا الشقه هو ده شرطى الوحيد علشان مأذيش ننوس عين أمه.

اتسعت عيناها بصدمه وقالت بعدم تصديق:
-ا ا انت اتجننت ايه اللى بتقوله ده مستحيل اعمل كده.

تعالت ضحكاته وتكلم بصوت غاضب:
-انا مش باخد رأيك يا روح امك انتى هتيجى معايا الشقه ورجلك فوق رقبتك…
ثم استقام بجسده وأمسك ذراعها وارغمها على الوقوف وقال.
-انجرى معايا.
وقبل أن يتحرك سمع صوت عدى الغاضب يقول بتحذير.
-سيب دراعها احسنلك.

نظر له ثم نظر إلى زياد وقال بتهكم.
-هو الحليوه ده جابك علشان يتحامى فيك لا رجوله اوى، يلا يا بابا خد الحلو ده فى ايديك وامشوا من هنا على رجليكم بدل ما اخرجكم على نقاله

ابتسم زياد على كلماته واقترب منه امسك يد فرح ابعدها عن وائل وقال بتهكم:
-انت اهبل يا لا ده انت اخد منى علقتين ماخدهاش حمار فى مطلع.

اقترب وائل من زياد حتى يلكمه بوجه لكن تفادها هو ودفعه بقوه أسقطه على الأرض وتكلم بنفاذ صبر.
-يا ابنى هو انت مبتحرمش اخد على ضربي ليك ده أنا تعبتلك والله…
ثم مال بجسده وامسكه من تلابيبه وقال بتحذير.
-اقسم بالله المره الجايه لو فكرت تقرب منها مش هرحمك بجد وهطلع روحك بأيدي فااااهم، واه فهم التانيه اللى بتساعدك لو مبعدتش عن سكتى أنا وفرح هوريها وش عمرها ما شافته فى حياتها فاهم.

نظر عدى بغضب وأكمل على كلام زياد وقال:
-وليه كل ده احنا نمشيها رسمى حمله على شقته اللى فى جليم وهو معاه بنات من اياااهم قضيه حلوه يلبس فيها كام سنه وتبقى فضيحه بجلاجل لرجل الأعمال الشهير وو

تكلم وائل بترجى وقال:
-لا لا لا ارجوك خلاص والله مش هقرب منها تانى، بابا لو عرف بموضوع شقة جليم ممكن يروح فيها.

تكلم زياد بمزاح وقال:
-يا ضنايا تصدق صعبت عليا ابغى ابكي لكن استحى والله، امشى يا بنتى قدامى شكلى على ما اتجوزك هكون قاتل اتنين تلاته، منكم لله عيله.

نظر عدى له بنفاذ صبر وقال:
-الله يكون فى عونك يا فرح هتتجوزى واحد متخلف عقليا

ابتسمت فرح على كلماتهم وتحركوا إلى الخارج صعدت فرح فى السياره من الخلف وتحرك زياد حتى يجلس بجوارها امسكه عدى من ملابسه وقال بتهكم:
-رايح فين يا اخرت صبرى.

بأبتسامه بلهاء تكلم زياد:
-هقعد جنب مزتى.

دفع عدى الباب الخلفى بأرهاق وتكلم بغضب مزيف:
-انا تعبت معاك فرهد منك انت ااايه يا ابنى حرام عليك حد مسلطك عليا.

وهو ينظر إلى فرح من خلف زجاج النافذه قال:
-اهدا يا عدى يا حبيبى خليك رويح يا أبا رشدى أنا بحب اختك وانت بتحب اختى نبقى خلصين هضيقها عليا هضيقها عليك وانت حر بقى.
ثم غمز لفرح بمداعبه.

امسكه عدى من تلابيبه ودفعه داخل السياره على المقعد الامامى وقال بنفاذ صبر.
-منك لله يا فرح علشان حبيتى واحد زى ده.
ثم دفع الباب وتحرك إلى الجانب الآخر صعد امام المقود وتحرك بالسياره متجهًا إلى المنزل.
………………………………………………….
باليوم التالى

وصل عامر إلى الشركه الخاصه بأيوب بتوتر شديد تحرك إلى داخل مكتبه وجلس على المقعد بقلق ورهبه اخرج الاوراق من جيب بنطاله وابتلع ريقه بصعوبه هو رغم غيرته الواضحه من ايوب الا أنه لم يكرهه ابدا اغلق عينه وأخذ قراره تحرك مره أخرى خارج غرفة مكتبه اتجه إلى السكرتيره الخاصه بأيوب وأخذ منها بعض الملفات حتى يعطيها لايوب ووقف بمكان خالى دس هذه الأوراق داخل الملف حتى لا ينكشف أمره وأتجه إلى مكتب حور وقال سريعا.
-خدى يا حور دول بسرعه خلى ابوكى يمضيهم أنا رجعتهم كلهم و اقفه بس على الامضى.

نظرت له بأستغراب وقالت بتساؤل:
-طيب ما تديهم لسكرتيره يا عمو هى هدخلهم لبابا.

حرك رأسه سريعا وقال:
-مش هينفع يا بنتى فيها معلومات تخص الشركه روحى بس اعملى زى ما قولتلك بس خليه يمضى على طول علشان الوقت.

اومأت رأسها بالطاعة وأخذت الملفات وتحركت إلى مكتب ايوب وطرقت على الباب ودلفت إلى الداخل واقتربت منه ووضعت الملفات أمامه وقالت.
-بابا خد أمضى دول بسرعه عمو عامر راجعهم كلهم ومستعجل عليهم.

اومأ ايوب رأسه بالموافقه فهو يعلم جيدا رغم حياة عامر الشخصيه القذره الا أنه ناجح جدا فى العمل ويثق به ثقه عمياء، امسك قلمه وبدأ يوقع على الأوراق دون أن ينظر بها ولكن وقف فاجئه عندما سمع صوت عامر يقول له.
-استنى يا ايوب متمضيش حاجه.

نظر له بأستغراب وتكلم بتساءل:
-اشمعنا يعنى ما انت مستعجل عليها.

تحرك بحزن شديد ونظرات الندم تشع من عينه اقترب منه وأمسك الملفات وأخرج الورق المدسوس بينهم وقال بأسف:
-انا اسف يا ايوب كنت ناوى اذيك بس مقدرتش اعمل كده انا اه اغير منك واضايقك بافعالى وكلامى إنما مقدرش اذيك أنا واحده طلبت منى امضيك على مبايعة لشركه من غير ما تحس بس مقدرتش اعمل كده.

نظر له بصدمه ونهض من على مقعده ونظر له بغضب وقال:
-مين دى اللى طلبت منك تعمل كده.

نظر إلى الأرض بخجل وقال بتوضيح.
-واحده من اللى كانوا شغالين فى شركة السيوفى اتعرفت عليها وحصل كده ما بينا وفى مره طلبت منى أن انا امضيك على مبايعه لشركتك وهى هتعمل كده مع سيف وبعد كده نبيعها وناخد فلوسها ونهرب بره مصر ونتجوز هناك وقتها وافقت لان كنت متغاظ منك بس لما الموضوع بقي بجد لاقتنى مش قادر اذيك وقلبى وجعنى عليك.
أنهى كلامه بدموع الندم.

دون سابق إنذار اقترب ايوب من عامر واحتضنه بقوه وقال بسعاده.
-حمدالله على السلامه يا بطل هو ده اخويا عامر اللى كان نفسى يرجع اوى ونفسى زى ما راجعت ضميرك معايا وعرفت غلاوتى عندك تعمل كده مع اسيل وولادك هما دلوقتى محتاجينك جنبهم حاول تصلح اللى فات وعوضهم شويه على اللى شافوه منك طول السنين اللى فاتت دى.

تمسك عامر بأيوب بقوه وانهمرت دموعه بغزاره وتكلم من بين شهقاته.
-انا نفسي اتغير بجد يا ايوب نفسى ابعد عن السكه دى نفسي حد ياخد بأيدى وينقذنى من التوهان اللى انا فيه لوحدى مش هقدر اعمل كده نفسي اشوف نظره حب فى عيون ولادى ليا ساعدنى يا ايوب بترجاك.

ربت على ظهره بحنو وقال بسعاده :
-من غير ما تترجانى يا عامر انت اخويا من دمى وافديك بعمرى كله سيب ليا نفسك وانا هخليك اب ولاده يفتخروا بي ويحبوه.

ابتسم بسعاده وقال.
-ربنا يخليك ليا يا اخويا وميحرمنيش منك يارب.
ثم ابتعد عنه وقال بسعاده :
-هروح أنا بقى اشوف شغلى.
أنهى كلامه وخرج من عند أيوب واتجه إلى مكتبه.

نظر إلى أثره بسعاده وقال:
-ربنا يهديك يا عامر ويصلح حالك يارب.
ثم نظر إلى حور وتكلم بنبرة هادئه:
-يلا يا حور روحى شوفى شغلك.

اومأت رأسها بالموافقه وخرجت منه عنده اتجهت إلى مكتبها.
………………………………………………….
مر عدة شهور هدأت الأوضاع عند الجميع مازال الوضع متأزم عند زين وحور لما يستطيع عدى الوصول إلى محروس لحد الان حكم على سيف بالمؤبد تقرب كلا من مهاب وريفال الفترة الاخيره واستجابة للعلاج بنسبه كبيره اتصلح حال عامر بعد الاحداث الاخيره وبيحاول إعادة العلاقات بينه وبين اسيل وأولاده
تقدمت علاقة اميره وفريد وتم الخطبه وعقد القران وفى انتظار حفلة الزفاف قبل مغادرة البلد.

فى الشركه الخاصه بأيوب جلسوا جميعا حول طاولة الاجتماعات وتكلم ايوب بنبره عمليه جاده قائلا.
-انا عملت الاجتماع الطارئ ده النهارده علشان ابلغكم خبر سعيد لشركه…
نظروا له جميعا باهتمام شديد.

اكمل كلامه وقال بترحاب:
-رحبوا بالشريك الجديد لشركتنا واللى هتنضم شركته لشركتنا.

دخل زين من الباب بطلته الرجوليه تحت أنظار الجميع.
اتسعت عين حور بصدمه ووقفت من على مقعدها وتكلمت بغضب:
-بس أنا مش موافقه على القرار ده يا بابا مستحيل ده يحصل.

نظر ايوب لها بغضب وتكلم بتحذير:
-حسك عينك تتكلمى بالاسلوب ده تانى فاهمه اتفضلى اقعدى، وبعد كده افصلى حياتك الشخصيه عن حياتك العمليه مفهوم.

جلست على مقعدها بغضب ونظرت إلى زين بضيق.
جلس زين على المقعد المقابل لحور ونظر لها بثقه وابتسامة انتصار قائلا بنبره رجوليه……..
………………………………………………….
بقلمي#دودومحمد”ما وراء الماضى”33

“البارت الثالث والثلاثون”

جلس زين على المقعد المقابل لحور ونظر لها بثقه وابتسامة انتصار قائلا بنبره رجوليه.
-شكرا جدا لحضرتك علشان قبلت عرضنا المتواضع واتمنى اننا نكون عند حسن ظن حضرتك ونقدر مع بعض نوصل للعالميه.

نظرت حور له بضيق وهبت واقفه وتكلمت بصوت مختنق:
-عن اذنك يا بابا انا منسحبه من الاجتماع ده لان انا مش موافقه على الشركه دى بالذات.
وتحركت بغضب اتجاه الباب لكنها وقفت على صوت زين وهو يقول لها.
-على فكره الشركه دى شراكه ما بينى أنا واختك نغم يعنى ممكن منتعاملش مع بعض عادى والتعامل يكون من خلال اختك، لأن الصراحه قبول الشراكه من عم أيوب لشركتنا ده كان حلم عمرى ومش مستعد اخسر حلمى لأى اسباب شخصيه.

استدارت له وتكلمت بضيق وقالت:
-للاسف هتكون صفقه خسرانه لينا.
أنهت كلامها وخرجت إلى المكتب الخاص بها جلست على مقعدها وظلت تحرك قدميها بغضب وتكلمت بضيق.
-عامل فيها رجل اعمال وعاقل اوى وهو اصلا مبيفهمش حاجه.

ظلت تنظر أمامها بغضب شديد وهى تفكر فى طريقه تبعد بها زين من الشركه.

وفى ذالك الوقت انفتح الباب ودلف زين وتكلم بنبرة جادة.
-متقلقيش أنا مش بلزق نفسي ولا حاجه أنا جاى بس احط النقط على الحروف علشان نغم ملهاش لسه اوى فى شغل الشركه هو التعامل هيكون من خلالها إنما الحاجات المهمه هتكون معايا انا.

ظلت تنظر له بصمت تام ثم تكلمت بنبره هادئه:
-تمام معنديش مشكله انت كده كده ولا حاجه بالنسبه ليا زيك زى اى ررراجل بشتغل معاه دلوقتى.

ضغط على أسنانه بغضب وتكلم بتحذير:
-مش من أولها كده استفزاز يا حور، حاولى تفصلى حياتنا الشخصيه عن الشغل.

نظرت له بعدم اهتمام وبدأت تتابع العمل الخاص بها وتركته يشتعل غيظاً من تجاهلها له.
………………………………………………….
عند مهاب وريفال

انتظرت ريفال مهاب بفارغ الصبر كانت تتحرك بغرفتها بتوتر حتى أعلن هاتفها عن وجود اتصال نظرت به وجدته هو المتصل إجابة عليه سريعا وقالت:
-مهاب اتأخرت كده ليه؟!

أتاها صوته الهادئ الحنون وقال :
-اهدي يا ريفال مافيش حاجه أنا بس مش هعرف اجيلك البيت دلوقتى ممكن تيجى ليا فى كافيه(…) هتلاقينى مستنيكى هناك.

تكلمت بتوتر وقال بصوت مرتعش:
-ها ا ا اجيلك لوحدى، م م مش هينفع ممكن تيجى انت تخدنى.

رد عليها بتوضيح وقال:
-مش هينفع اجيلك يا ريفال لو مش هتقدرى تيجى خلاص نأجلها لمره تانيه.

ردت عليه سريعا وقالت:
-لا لا لا هاجى خلاااص ب ب باى.

أغلقت الخط معه بتوتر ونظرت إلى انعكاسها بالمراه ظلت تتابع مظهرها بقلق حركت يدها على جسدها وأخذت نفس عميق حاولة أن تهدأ وتحركت إلى خارج الغرفه واقتربت من والدتها وقالت:
-م م ماما ا ا انا نازله مهاب مستنى فى الكافيه.

اومأت رأسها بالموافقه وابتسمت لها ابتسامه حنونه.

خرجت ريفال من البيت أوقفت سيارة اجره اتجهت بها إلى الكافيه المتواجد به مهاب وبعد وقت وصلت هناك وبحثت بعينيها بالمكان بتوتر ولم تجده تعالت أنفاسها بخوف شديد وهى تنظر إلى وجوه جميع المتواجدين بالمكان اقترب منها النادل تكلم بترحاب.
-نورتي يا فندم اتفضلى معايا.

انتفضت مكانها وارتعش جسدها بخوف تراجعت إلى الخلف وتكلمت بتلعثم :
-ل ل لو سمحت ك ك كان فيه و و واحد طويل ورفيع و و وشعره كيرى ق ق قصير.

حرك رأسه بالرفض وقال:
-لا يا فندم محدش جه بالمواصفات دى، اتفضلى.

تحركت معه بتوتر إلى إحدى المقاعد وجلست عليه بجسد مرتعش وظلت تنظر حولها بهلع وكأن الجميع ينظروا إليها تتهامس عليها أغلقت عينيها حتى تهدأ وتذكرت كلام مهاب لها حاولة أن تكون أكثر ثابتًا فتحت عينيها وامسكت الهاتف الخاص بها واتصلت على مهاب لكنه لم يجيب عليها تركت الهاتف بضيق وأشارت لنادل حتى يأتى لها بمشروب وبدأت تتعود على المكان وتهدأ وبعد وقت وصل مهاب وجلس أمامها بابتسامه سعيده وقال:
-ايوه كده حمدالله على السلامه يا ريفال كونك انك اتأقلمتي على المكان وبدأتى تقعدى من غير ما تتلفتى حواليكى بخوف ولا انك تقطعى فى الكلام دى اول خطوه فى الشفاء، وانا فرحان اوى بالمستوى اللى وصلنا ليه فى وقت قصير زى كده.

نظرت له بأستغراب وقالت:
-يعنى انت كنت موجود من ساعة ما جيت المكان هنا؟!

أومأ رأسه بالتأكيد وقال بتوضيح:
-ايوه كنت عايز اشوف ردت فعلك لما تبقى لوحدك والحمدلله طلع زى ما متوقع بالظبط، أنا فخور بيكى يا ريفال.

نظرت له بقلق وتكلمت بتساءل :
-ه ه هو انت ممكن تبعد وتسيبنى؟

نظر لها بتوتر وقال بتلعثم:
-ها و و وانتى بتسألى السؤال ده دلوقتى ليه؟

تكلمت بصوت مختنق وقالت بتوضيح:
-علشان الاول كنت مفكره انك بتعمل كده لمجرد انك ابن عمتى وعايز تساعدنى إنما دلوقتى عرفت انك دكتوري اللى بيعالجني وهيجى وقت وتسيبنى فيه.

ابتسم لها ابتسامه هادئه وقال:
-انا عمرى ما هسيبك يا ريفال يعنى لو مريض عادي عندى حتى بعد العلاج بنفضل اصدقاء محال انتى بنت خالى ومريضه عندى هبعد عنك ازاى بس.

نظرت له بحزن وتكلمت بصوت مختنق:
-بنت خالك ومريضه بس؟!

ابعد نظره عنها وتكلم بتوتر وقال :
-بما أن اليوم النهارده كان مجرد اختبار فبقول يلا بينا نروح كفايه كده النهارده.

نظرت له بدموع وقالت بصوت مختنق:
-مهاب أنا بحبك.

اغلق عينه بتوتر وتكلم بصوت مختنق وقال :
-ليه قولتى كده يا ريفال ليييه مش عايزك تتسرعى فى اى حاجه خصوصا فى مشاعرك عايزك تخدى وقتك وتتأكدى الاول أن اللى بتحسي بى ده حب ولا مجرد احتياج لأن الاتنين أعراضه واحده ومش هتعرفى تفرقي ما بينهم غير بعد وقت كبير او بمعنى اصح لما تكملى علاجك وتحسي نفس الاحساس ده يبقى وقتها ده حب بجد إنما اللى حاسه بى ده مجرد احتياج لأن انا اللى باخد بأيدك لبر الامان فهمتى.

اومأت رأسها بحزن وتكلمت بصوت مختنق:
-ف ف فاهمه.
ثم نهضت وقالت:
-يلا بينا انا عايزه اروح.

أومأ رأسه بالموافقه ونهض من على مقعده وتحركوا إلى الخارج صعد مهاب سيارته وصعدت بجواره ريفال وتحرك بها إلى المنزل.
………………………………………………….
مر عدة أسابيع…

وصل عدى إلى الفيلا الخاصه بأيوب استقبلته نغم بسعاده وتكلمت بصوت هامس:
-اجمد يا بطل بابا مستنيك جوه.

اخذ نفس عميق وتكلم بتوتر وقال:
-ربنا يستر أنا كأنى داخل لجنة امتحانات الثانويه العامه حاسس ان قلبى هيوقف عليا.

ابتسمت على توتره وقالت بتهكم:
-اجمد يا سابعى ده اتفاق على كتب الكتاب مش حكايه يعنى.

ابتسم على كلمات نغم واقترب منها وتكلم بصوت هامس:
-انا جامد اوى على فكره بس موضوع الاتفاقات ده بيوتر الواحد مش اكتر.

نظرت له بخجل وتراجعت إلى الخلف وتكلمت بتوتر:
-ط ط طيب ادخل بقى احسن ما بابا يجى يعلقنا أنا وانت.

غمز لها بابتسامه وتحركوا إلى الداخل صافح عدي ايوب وجلس على المقعد المقابل له وابتسم بتوتر وقال:
-ه ه هو ليه حضرتك مصمم أننا نقعد القاعده دى قبل الفرح واتفاقات ايه دى اللى بتقول عليها يا عم أيوب احنا من امته فيه ما بينا اتفاقات.

ابتسم ايوب بهدوء وتكلم بتوضيح:
-ده حق بنتى ولازم احفظه يا عدى والكلام ده مفهوش قرايب ولا حبايب الحق حبيب الله.
اعطاه ورقه مدون عليها ما يخص فراش العروس وجميع مستلزماتها وتكلم بنبره هادئه:
-دى القايمه بتاعة نغم معموله على ايد محامي بشرع ربنا هتمضى عليها علشان اسجلها ويبقى حقها محفوظ.

ابتسم له بأستغراب وقال بتساءل:
-قايمه أنت يا عم أيوب مأمن على البنى ادمه ذات نفسها معايا مش هتأمن على شوية كراكيب وعموما يا سيدى فداها مليون قايمه نغم اغلى من كده بكتير.

اخذ منه الورقه ووقع عليها دون النظر بها واعطاها مره اخرى لايوب وقال:
-اتفضل يا عم أيوب ولو فيه اى حاجه تانيه مستعد أمضى عليها من غير تفكير دى نغم حياتى وكنت مستنى اللحظه دى بفارغ الصبر.

اخذ منه الورقه وتكلم بسعاده:
-ربنا يسعدكم يارب يا ولاد متعرفش فرحتى ازاى دلوقتى مش قادر اصدق نفسي أن اخيرا هجوز نغم وهسلمها لراجل بجد يستاهلها.

تكلم بسعاده وقال:
-انا اللى الفرحه مش سيعانى معقوله خلاص الاسبوع ده هتبقى نغم معايا للابد ياااااه حاسس نفسي فى حلم جميل اوى ومش عايز اصحى منه.

ربت على يده وتكلم بنبرة هادئه:
-انا واثق فيك يا عدى بس واجبي كأب يخلينى اقولك الكلام ده، حافظ على نغم يا حبيبي واياك تجرحها فى يوم من الايام اوعى تخليها تجيلى يوم ودموعها على خدها نغم اللى شافته فى حياتها كتير اوى ودلوقتى لازم كلنا نعوضها الايام دى وانت اولنا حبها كل يوم بطريقه مختلفه اياك تدخل الشك ما بينكم واياك تناموا فى يوم وانتوا زعلانين من بعض خلى اخر اليوم نهاية زعلكم واليوم الجديد بداية حب جديد ما بينكم أظهر ضعفك ليها وخليها تظهر ضعفها ليك مش عيب ولا حرام انتوا هتبقوا روح واحده ستر وغطا على بعض راعى ربنا فى أهل بيتك زى ما هى هتصون عرضك وشرفك حط كلامى ده حلقه فى ودانك علشان حياتكم تبقى دايما سعيده

اومأ رأسه بتفهم وقال بسعاده:
-متقلقش يا عم أيوب نغم فى قلبى وفى عينى حضرتك عارف انا عانيت قد ايه وهى بعيده عنى وقلبي كان رافض يدخل غيرها فيه دقاته كانت ملك ليها هى وبس علشان كده هتفضل نغم تاج فوق راسى ملكة قلبى وحياتى وكل ما املك اطمن عليها.

تنهد ايوب بأرتياح وقال بتمني:
-ربنا يسعدكم يارب يا حبايبى.

تكلم عدي بصوت مختنق وقال:
-كان نفسي فرحتنا تكمل برجوع حور وزين لبعض.

ابتسم بثقه وقال:
-هيرجعوا لبعض متقلقش قولتلكم فى الوقت المناسب هدخل وده انسب وقت ادخل فيه.

ارتسمت ابتسامه على ثغره عندما فهم مقصد ايوب وقال:
-انا قولت برضه ميجبهاش غير عم أيوب.

تعالت ضحكات ايوب الرجوليه وقال.
-مصلحة بنتى اهم حاجه عندى وسعادتها مع زين ومتأكد أنه هيصونها والغلطه اللى عملها قبل كده مش هيكررها تانى، أنا واثق من كده.

استقام بجسده وقال بابتسامه:
-تمام أنا متأكد أن الموضوع كده فى امان، هروح أنا بقى شغلى وبكره أن شاءالله هاجى اخد نغم علشان تعمل البروفه الاخير على فستان الفرح.

أومأ رأسه بالموافقه وقال:
-ماشى يا حبيبى ربنا معاك.

خرج عدى من عند أيوب وجد نغم تجلس بتوتر وعندما رأته ركضت إليه وقالت بتساءل:
-ها طمنى عملت ايه بابا كان طيب معاك ولا شرير وطلع عينك زى ما بنشوف فى الافلام والمسلسلات.

تعالت ضحكات عدى وتكلم بنبرة هامسه:
-متقلقيش ده كان بيدينى كام درس كده بخصوص الحياة الزوجيه.

احمرت وجينتها بخجل وتنحنحت بأحراج وقالت:
-م م ماشي خ خ خلاص شوف بقى رايح فين..

ابتسم على خجلها وأمسك يدها وقبلها بحب وقال:
-خلى الكسوف ده كمان يومين.

وغمز لها بعينه ثم تحرك من أمامها خرج صعد سيارته وإدارها واتجه بها إلى العمل.

نظرت نغم إلى أثره بتوتر وتكلمت بنفاذ صبر:
-البنى ادم ده مش سالك ابدا وقليل الادب اوى ربنا يصبرنى عليه هيجننى.

أنهت كلامها وصعدت غرفتها القت جسدها على السرير وارتسمت ابتسامه جميله على وجهها وظلت تفكر فى اليوم المنتظر.
………………………………………………….
عند ريان…

دخلت رهف عند ريان الغرفه وابتسمت له بتوتر وقالت:
-ب ب بابا م م ماما بره هى ورغد عايزه تتكلم معاك كلمتين.

زفر بضيق ونظر لها وتكلم بنبرة مختنقه:
-جايه ليه عايزه منى ايه، هى مش جات قبل كده وانا قولتلها مستحيل نرجع لبعض تانى.

نظرت له بترجى وتكلمت بصوت مختنق:
-ابوس ايدك يا بابا علشان خاطرى اديها فرصه واحده بس ماما بتحبك ومش قادره تعيش من غيرك، واحده غيرها كانت زهقت وقالت كرامتى فوق كل شئ وبعدت خلاص بس حبها ليك مخليها متمسكه بيك بالشكل ده.

نظر لها بحزن وقال بصوت مختنق:
-مش هرتاح معاها تانى يا رهف والله ما هستحمل وجودها تانى فى حياتى.

ردت عليه سريعا وقالت:
-طيب بص رجعها تانى ليك وخليها تعيش معانا فى البيت ومع الايام هتتقربوا لبعض تانى ونعيش اسره واحده زى زمان ارجوك يا بابا انا واحشنى الجو ده اوى.

تنهد بضيق وتكلم بنفاذ صبر:
-ماشى يا رهف هرجعها علشان خاطركم انتوا، بس ملهاش دعوه بيا.

ابتسمت بسعاده وقالت:
-ماشي ماشى، يلا بينا نطلع ليهم بره.

وامسكت المقعد المتحرك ودفعته إلى الخارج، عندما رأته منى ركضت باتجاه وتكلمت بصوت حزين:
-انا اسفه يا ريان ارجوك سامحنى بقى، انا مش قادره اعيش من غيرك والله.

نظر الاتجاه الآخر وتكلم مع رهف وقال:
-رهف قوليلها الكلام اللى اتفقنا عليه في الاوضه.

اومأت رأسها بالطاعة وقالت:
-حاضر يا بابا….ثم نظرت إلى والدتها وقالت:
-بابا وافق أنه يرجعك بس احم ملكيش دعوه بي هتعيشى وسطنا احنا وبس.

نظرت إلى الأرض بأنكسار وقالت بصوت حزين:
-م م موافقه.

اغلق ريان عينه بوجع وتكلم بصوت مختنق:
-خليها بكره تيجى هيكون المأذون موجود.

ابتسمت مني بسعاده والدموع انهمرت من عينيها بغزاره واومأت رأسها بالموافقه وقالت:
-حاضر، بكره أن شاءالله هكون موجوده أنا وبابا.

نظر ريان إلى رهف وتكلم بصوت مختنق:
-دخلينى أوضى يا بنتى.

اومأت رهف رأسها بالطاعه وحركت الكرسي المتحرك إلى الغرفه الخاصه بريان أدخلته من ثم قبلت رأسه بحنو وخرجت من الغرفه وأغلقت الباب خلفها.

نظر ريان أمامه بحزن وقال بصوت مختنق:
-تانى يا ريان هتهرب من حبها تانى يا ريان هتبعد وتسيبها لوحدها حتى لو هى رفضتك كان لازم تفضل جنبها وحيد زى ما هى قررت تعيش وحيده بعيده عن الكل.
هبطت دمعه من عينه تنهد بحزن وازالها سريعا وظل يفكر بأيامه القليله مع بتول.
………………………………………………….
باليوم التالى

جلست حور على المقعد المقابل لزين فى غرفة الاجتماعات وتكلمت بنبره جاده وعمليه أكثر:
-ازاى يا بابا شركتهم هما المسؤوله عن التسويق واحنا بقى نعمل ايه نقشر بصل.

نظر لها ايوب بنفاذ صبر وقال بتحذير:
-لاحظى أنك سوقتى فيها وطريقه كلامك لا تصلح لاجتماع فى شركه محترمه، اتعدلى يا حور احسن ما اعدلك بطريقتى.

نظرت له بأسف وقالت:
-انا اسفه يا بابا مقصدش والله، بس حضرتك من يوم الشراكه اللى ما بينا وحضرتك بتديهم اكتر الصلاحيات اه ده لمصلحة اختى كمان بس حضرتك علمتنى أن الشغل شغل مفهوش لا قرابه ولا وسطه وحضرتك بتعمل عكس كلامك ده دلوقتى.

تنحنح ايوب بإحراج فهى محقه تماما فى كل كلمه قالتها لكنه حافظ على هدوئه وتكلم بنبرة شبه جادة:
-لأخر مره اقولك أنا مش صغير وعارف أنا بعمل ايه كويس اوى ركزى انتى على شغلك بس متشغليش بالك بحاجه تانيه فاهمه.

كان زين يشاهد ما يحدث بصمت تام واخيرا تدخل فى الحديث قائًلا:
-تمام قوليلى ايه اللى يريحك.

نظرت له بضيق وقالت:
-ملكش فيه بتكلم أنا وبابا فى حاجه تخص شركتنا انت مالك.

ابتسم على كلماتها وقال:
-للاسف ليا فيه وبالثلث كمان انتى ناسيه عقد الشراكه اللى ما بينا.

زفرت بضيق وتكلمت بغضب:
-اللهم طولك يا روح، احنا مش اتفقنا يبقى الشغل بينى أنا ونغم انت بقى مالك بيا دلوقتى.

حافظ على ابتسامته وتكلم بنبره هادئه:
-اختك عروسه وفرحها بعد بكره ينفع تنزل تتكلم معاكى دلوقتى وبعدين يعنى انا قولتلك التواصل هيبقى ما بينا فى الحاجات المهمه بس والاجتماع ده من الحاجات المهمه جدا علشان كده انا بتواصل معاكى.

أغلقت عينيها حتى تهدأ قليلا وتكلمت بصوت مختنق:
-بابا لو خلص الاجتماع ممكن اروح مكتبى.

أومأ رأسه بالموافقه وأمرها أنها تذهب.
نظرت إلى زين بغضب ونهضت من على مقعدها وخرجت مسرعه إلى غرفة مكتبها.

ظل ايوب يتابعها حتى خرجت نظر إلى زين بضيق وتكلم بتحذير:
-خف على البت يا اخويا متندمنيش أن وافقت اساعدك.

ابتسم له بأمتنان وقال:
-هو انت فيه زيك فى الدنيا دى كلها انت قدوتى فى كل حاجه يا عم أيوب ومنك بتعلم.

ضربه بخفه على رأسه وتكلم بمزاح:
-اخد منى كل حاجه الا ازاى تتعامل مع الحريم يا غشيم، شوفنى بتعامل ازاى مع خالتك قمر رغم الكبر إلا أن بحسسها أنها بنوته فى العشرين، بديها الحب والاحتواء والحنان اللى بتحتاجهم من غير ما تطلب ده، الست بسيطه اوى بحاجات بسيطه جدا تقدر تكسب قلبها، بكلمه حلوه، بهديه رقيقه وشيك، بخروجه حلوه، طيب اقولك على حاجه تقدر تكسبها بخمسه جنيه حرنكش الستات بسيطه وسهله بس فك شفرتهم هى اللى صعبه مجرد ما تفكها هتشوف الحب والحنيه والدلع منهم، افهم كلامى ده بقى كويس اوى واحفظه علشان هتحتاجه كتير اوى الفتره الجايه.

تكلم زين بتهكم وقال:
-مش لما اعرف افك شفرتها الاول ابقى انفذ كلامك ده، بنتك عناديه اوى ودماغها ناشفه.

تكلم بأبتسامه فخوره وقال:
-من حقها مش بنت ايوب فريد فوق يا حبيبى دى بنتى مش اى حد والغلطه عندى بفوره اتعدل معاها بقى بدل ما انا اللى اعدلك فاااهم.
أنهى كلامه ونهض من على مقعده وقال:
-هروح اشوف شغلى، وانت يا بابا روح على شركتك بلاش اللزقه بتاعتك دى طول النهار.
ثم تحرك إلى الخارج وتركه مبتسم على كلماته له.

نهض من على مقعده وخرج من الغرفه نظر بأتجاه باب غرفة حور وتنهد بحب ثم هبط إلى الاسفل صعد سيارته واتجه إلى شركته.
………………………………………………….
وصل زياد عند الفيلا الخاصه ببتول ووقف أمامها ب ب بتوتر حرك يده على رأسه وقال:
-طيب اقولهم أنا جاى ليه دلوقتى، ما انا لازم اشوف فرح هتجنن عليها من يوم ما اخدنا الاجازه مشوفتهاش.
ثم أخذ نفس عميق وحرك يده ضغط على زر الجرس وابتلع ريقه بتوتر.
فتحت له بتول بأبتسامه وتكلمت بترحاب.
-زياد تعالى يا حبيبى نورت يا روح قلب خالتك، ادخل يا ابنى.

ابتسم لها بتوتر ودلف إلى الداخل ووقف خلف الباب وعينه ظلت تبحث عن فرح.

ارتسمت ابتسامه على ثغر بتول عندما علمت سبب مجئ زياد وتكلمت بسعاده وقالت:
-ادخل يا ابنى مالك اتصنمت كده عند الباب.

نظر لها بتوتر وقال:
-ها، ا ا اه هدخل اهو.

وتحركوا إلى الداخل وجد عدى يجلس على الأريكة يجهز حاله لذهاب، نظر له بتهكم وقال:
-خير يا ابو النسب ايه جابك دلوقتى.

ضيق عينه بضيق وقال بصوت واطي:
-اااه ما انت هايص وانا لايص منك له يا شيخ.

حاول عدى كبت ضحكاته وتكلم بتساءل:
-مردتش عليا يا ابن خالتى ايه سر الزياره الغريبه دى؟!

تكلم زياد بنفاذ صبر وقال:
-بقولكم ايه يا تجوزونى بنتكم فرح لكون مصوركم قتيل هنا بحب البت وقلبي متشحطف عليها يا اخونا.

إلى هنا ولم يستطيع عدى كبت ضحكاته انفجرت ضحكاته وتكلم بصعوبه:
-اقسم بالله الولا ده دماغه رايحه منه أنا خايف على اختى منه ده هيضيع الربع اللى فاضل عندها.

ابتسمت بتول على كلمات زياد وعدى وقالت بسعاده :
-عمك وليد الله يرحمه قبل ما يموت وهو فى المستشفى قالى انك بتحبها وده واضح فى عيونك ومن غيرتك عليها وانا مش هلاقى لبنتى احسن منك يا حبيبى، بس اطلبها شبه الناس يا ابن المجنونه.

قفز بسعاده وتكلم بنبرة مرحه:
-يس، ايوه بقى هتلعب معاك يا واد يا زياد.

وركض باتجاه الدرج وهتف بصوت مرتفع وقال:
-بت يا فرح انتى يا بت هتجوزك خلاص ردى على امى القصيره بدل ما اطلعلك اوضك وانا نفسي الصراحه.

اقترب عدى منه وامسكه من تلابيبه وتكلم بغضب مزيف:
-تطلع فين يا روح امك انت عبيط يالا ولا بتستعبط ولا حكايتك ايه بالظبط.

تكلم بطريقه مرحه قائلا:
-لا بحب اختك وهتجنن عليها.

حرك رأسه بنفاذ صبر وارغمه على التحرك معه وقال:
-امشى معايا يا اخرت صبرى.

تكلم بترجى محاولا الإفلات منه:
-لا لا لا انا مش هتحرك من هنا غير لما اشوف فرح بت يا فرح ردى الله يحرقك.

دفعه خارج الباب وتكلم بمرح :
-ابقى شوفها فى الفرح يا روح امك القصيره.

تكلم ببكاء مزيف وقال:
-اشوف فيك يوم يا ظالم اللهى ربنا يوعدك بقضية معقده ما تعرف تحلها يارب وتكون البت مزه واختى تقفشك معاها.

أنهى كلامه وركض سريعا من أمامه صعد سيارته وتحرك بها.

نظر إلى أثره بصدمه ثم تعالت ضحكاته على كلمات هذا المعتوه.

كانت فرح تشاهد ذالك من أعلى الدرج ثم تحركت إلى الشرفه وظلت تتابعهم من خلف الزجاج بين ضحكاتها على أفعال هذا العاشق المجنون.
………………………………………………….
عند حور….

دخلت رهف عند حور بالمكتب وهتفت على حور لكنها لم تنتبه عليها جلست على المقعد وظلت تنظر لها ومره واحده صرخت بأسم حور.
انتفضت حور مكانها وتكلمت بغضب مزيف:
-انتى عبيطه يا بنتى خضتينى.

أسندت رأسها على رسغها وتكلمت بهيام:
-اعمل ايه لحضرتك، قاعده سرحااانه ومش حاسه بالدنيا، ولما انتى هتموتى عليه ما تحنى عليه بقى يا شيخه.

نظرت لها بضيق وتكلمت بغضب:
-هموت على مين !! انتى اتجننتى يا بنتى ده لو اخر راجل وروحى فيه كده مش هسامحه برضه ولا هرجعله.

حركت شفتيها بطريقه كوميديه وقالت:
-والله، أنا صدقتك كده صح يا بت ده أنا اكتر واحده حفظاكى هتموتى عليه وعامله نفسك أنه ولا على بالك، ابقى امسحى صوره من تليفونك يا حور.

تنحنحت بتوتر وتكلمت بتلعثم:
-ها، و و وانتى عرفتى منين بموضوع الصور دى، وبعدين هو انس نقح عليكى ولا ايه بقيتى بتعملى حركاته.

ابتسمت لها واجابتها بتوضيح:
-متوهيش الموضوع، انا عرفت لما دخلتلك امبارح علشان اسألك هتروحى امته لاقيتك فى الحمام وتليفونك منور بصورة زين كنت جايبها من الاستوديو عماله تملى عيونك منه.

ابتلعت ريقها بتوتر وقالت:
-ع ع عادى يعنى ممكن الصوره جات صدفه مقصدش اجيبها يعنى.

رفعت إحدى حاجبيها إلى الاعلى وقال بأستغراب:
-والله، يا محاسن الصدف يا اختي، بصي الكلام معاكى مافيش منه فايده ابقى تعالى عيطى ليا بعد كده لما يروح من بين ايديكى.

زفرت بضيق وقالت بنفاذ صبر:
-رررهف اتلمى بقى وحطي لسانك جوه بؤقك واسكتى احسنلك.

حركت رأسها بعدم رضا وتكلمت سريعا وقالت:
-انتى حره بقى، المهم، خلصى الورق ده بسرعه علشان استاذ سليم محتاجه ضرورى.

نظرت حور لرهف بأستغراب وقالت بتساؤل:
-بت مش ملاحظه حاجه؟

تكلمت بعدم فهم وقالت:
-حاجة ايه دى؟

ردت عليها بتساءل قائله:
-لحد دلوقتى مافيش ولا راجل اشتغل معايا زى ايام ما كان زين شغال معانا هنا، تفتكرى ايه السبب.

نظرت لها بتوتر وقالت:
-ها ا ا انا عارفه السبب.

تكلمت سريعا وقالت :
-عارفه!! طيب ايه هو؟

ابتلعت رهف ريقها بصعوبه وتكلمت بتوتر……….
………………………………………………….
بقلمي#دودومحمد”ما وراء الماضى”34

“البارت الرابع والثلاثون”

ابتلعت رهف ريقها بصعوبه وتكلمت بتوتر.
-ز ز زين هو اللى بيمنع الرجاله تقرب منك.

نظرت حور بغضب وقالت بتساؤل:
-زين!! عرفتى ازاى؟؟

اجابتها بتوضيح وقالت:
-انس وقع معايا بالكلام قبل كده وقالى أن زين هو اللى بيشتغل مع الرجاله وده شرطه مع عمو ايوب وعلشان كده مافيش ولا راجل بيشتغل معاكى.

ضغطت على أسنانها بغضب وقالت بتوعد.
-بقى كده؟ ماشى يا زين انت اللى بدأت استحمل بقي.

وضعت يدها على وجهها بنفاذ صبر وقالت:
-يا بنتى بس بقى متقوليش كلام انتى مش قده ده انتى لما بتشوفيه عيونك بتحضنه وكانك بتترجيه يرجعلك من تانى.

هبت واقفه وقالت بتوعد :
-هتشوفى يا رهف حور هتعمل ايه.

أنهت كلامها وتركتها وخرجت من الغرفه.
نظرت إلى أثرها بقلق وقالت:
-ربنا يستر من دماغك المجنونه دى يا حور.

أنهت كلامها واتجهت مره اخرى إلى مكتبها.
………………………………………………….
استيقظت اسيل من نومها على صوت جرس الباب نهضت من على فراشها وتحركت بأعين مغلقه من النوم اتجهت إلى الباب وفتحته وجدته عامر زفرت بضيق وتكلمت بصوت محشرج من النوم:
-يا صباح يا عليم يا رزاق يا كريم فيه ايه على الصبح.

نظر لها بترجى وتكلم بصوت مختنق:
-اسيل وحياة ولادنا سامحينى أنا عارف أن جيت عليكى كتير اوى وجعتك ووجعت ولادى بس شيطانى كان غوينى وانا دلوقتى فؤقت الحمدلله وبحاول اصلح كل اللى كسرته بغبائى.

ابتسمت بوجع وقالت بصوت مختنق:
-اللى انكسر عمله ما بيتصلح يا عامر هنسامحك على ايه ولا أيه ده احنا مشوفناش معاك حاجه واحده عدله كل حاجه عملتها كرهتنا فيك ونهت على اى شعور اتجاهك نهت على شعورنا بالاشفاق على حالك دلوقتى متجيش تلوم علينا لوم نفسك اللى وصلتنا لكده، حاول تراضى ولادك يمكن يقدروا يسامحوك إنما أنا لاااا يا عامر فاهم.

أنهت كلامها وأغلقت الباب سريعا قبل ان تستمع منه كلمه واحده أسندت ظهرها على الباب. انهمرت دموعها بغزاره وتكلمت من بين شهقاتها:
-اسف!! جاى دلوقتى وبتتأسف بكل بساطه طيب انسي ازاى الاهانه واللى عملته فيا انا وولادك طول السنين اللى فاتت دى أنا بكرهك يا عامر بكرهك.

ظل عامر واقف مكانه ينظر إلى الباب بندم شديد وتكلم بصوت مختنق:
-مش هييأس يا اسيل وهفضل وراكم لحد ما تسامحوني وارجعكم تانى لحضنى.

أنهى كلامه وتحرك إلى السياره صعد بها وتحرك مسرعا إلى بيته.
………………………………………………….
مر اليومين دون احداث تذكر…
جاء اليوم الموعود اليوم غير اى يوم أنه يوم زفاف نغم وعدي العاشقان التى تعاهدوا على البقاء منذ الصغر ليفرق بينهما القدر لتقوى قلوبهم بعشق لا نهاية له تحققت أحلامهم وكأنها منام جميلا مزين بوعود لا تنقطع..

تجمع اكبر رجال الأعمال فى البلد وبعض رجال السياسة والشرطه وسيدات المجتمع

انتهت تحضيرات الحفله فى افخم قاعات الافراح التى تطل على البحر وايضا انتهى العرسان من التجهيز وكأن نغم أميرة من اميرات ديزني بفستانها الابيض المتسع من الاسفل وعدى أيضا وكأنه هارب من أحدي روايات الخيال بطلته الرجوليه وجسده العريض داخل حليته السوداء ابتسم بسعاده وهو يرى محببوته تطل عليه من أعلى الدرج وهى ممسكه بيد ايوب، اقتربوا منه وصافحه ايوب واحتضنه بسعاده وتكلم بنبره أبويه:
-بنتى امانه فى رقبتك يا عدى حافظ عليها.

أومأ رأسه بالطاعه وقال:
-حاضر نغم فى عيونى وفى قلبى.

ابتعد عنه وتركهم اقترب عدى من نغم وظل ينظر لها تعالت دقات قلبه واقترب منها حتى يحتضنها لكنها تراجعت إلى الخلف بخجل وقالت:
-م م مش هينفع دلوقتي بعد كتب الكتاب.

زفر بضيق وأمسك يدها وقبلها برقه وتكلم بهمس:
-انا لو عليا عايز اخدك واهرب بيكى دلوقتى سبحان من هيصبرنى عليكى طول الفرح.

احمرت وجينتها بخجل وتكلمت بصعوبه:
-ع ع عدى احترم نفسك. بلاش قلة ادب وامشى بقى الناس عماله تبص علينا.

تعالت ضحكاته بسعاده واومأ رأسه بالموافقه وتحركوا إلى المكان المخصص لهم تحت نظرات الإعجاب من الجميع.

بدأ المأذون فى تجهيز الاوراق الخاصه بعدي ونغم وبعد وقت نهض عدى وجلس بجوار المأذون ومن الجانب الآخر جلس ايوب ووضعوا يدهم بيد بعض وبدأوا يرددوا خلف المأذون الكلمات المطلوبه لعقد القران وبعد وقت اعلنهم زوج وزوجه على سنه الله ورسوله وبدأ الدعاء لهم أخذ زياد الاوراق وتحرك إلى نغم وقال:
-امضى يااختي ناس لها الفرح وناس ليها الشحتفه اشوف فيكم يوم يا بعده.

تعالت ضحكات نغم على كلمات زياد وأخذت منه الاوراق ووقعت عليها واعطتها لزياد وعاد بها مره اخرى عند المأذون دقائق معدودة وأتى عدى بسعاده ونظر إلى نغم نظرات عاشقه وتكلم بهمس:
-اعتقد بقى من حقى احضنك.

نظرت إلى الأرض بخجل واومأت رأسها بالموافق ولكن فى هذا الوقت
شعرت بذراع عدى ترفعها إلى الاعلى ويدور بها وكأنها طفله صغيره بين يديه، تمسكت به بخجل وشعرت بدقات قلبها تتراقص بسعاده ثواني معدودة انزلها عدى إلى الأرض وكوب وجهها بين يديها وتكلم بنبرة هادئه:
-مبروك يا أجمل هديه بعتها ربنا ليا بحبك يا اعظم انتصاراتى صحيح اتعذبنا بس طبطبت ربنا جميله اوى على قلوبنا وعد منى هخليكى اسعد زوجه فى الدنيا.

ابتسمت له بخجل وتكلمت بحب :
-وانا واثقه فيك يا عدى ومتأكده انك هتبقى اجمل واحن واطيب زوج فى الدنيا ربنا يقدرنى واقدر اسعدك يا اغلى ما فى حياتى.

تكلم بنفاذ صبر:
-بت انتى بلاش الرقه دى دلوقتى احسن ما اشيلك واطلع على اوضتنا ويولع الفرح واللى فيه.

تعالت ضحكات نغم على كلمات عدي وبدأت تتابع الحفلة.

عند انس كان يقف بجوار رهف بضيق وقال:
-مش كان زمنا احنا كمان زيهم دلوقتى.

ابتسمت له بهدوء وقالت:
-يا حبيبى احنا اتفقنا الفرح هيكون بعد عملية بابا والعمليه خلاص الاسبوع الجاى يعنى اللى فاضل مش كتير.

رد عليها بضيق وقال:
-قولتلك نتجوز ومش هحرمك منه وهخليكى تروحى معاه وهو بيعمل العمليه بس صممتى وقولتى لا لازم بابا يعمل العمليه الاول قبل الجواز علشان هو اللى يسلمنى ليك وادينى اتزفت ومشيت وراه كلامك اياكش بس مطلعيش عينى بعدها وتقوليلى استنى لما بابا يخلص علاجه الطبيعى وربنا اصوركم قتيل فيها.

حركت رأسها بأبتسامه وقالت:
-لا متقلقش هى بس العمليه اطمن عليه وبعد كده نتجوز على طول.

تكلم بصوت مرتفع وقال:
-يارب قرب البعيد هموت على لهطة القشطه دى.

تعالت ضحكات رهف وحركت رأسها يمينا ويسارا وتكلمت بصعوبه:
-لا بجد انت فظيع مش طبيعى.
أنهت كلامها وتحركت إلى والدها قبلت رأسه وظلت تتابع الفرح بسعاده.

عند زياد وفرح….

كانت تجلس فرح أمام إحدى الطاولات بجوار قمر وبتول اقترب منهم زياد وهو ينظر إلى فرح بتوعد ثم قال:
-ادى الجمل وادى الجمال امى وخالتى قصاد بعض اهو اطلبيها بقى هموت عليها.

تكلمت قمر بنفاذ صبر وقالت:
-اطلبها ايه يا أبن العبيطه ما تهدا شويه لحد ما نخلص من فرح اختك الاولى وبعد كده نروح نطلبها من اخوها.

نظر إلى قمر بضيق وقال:
-انا لسه عند فكرتى يا قمر، طبعا أنتى وعداني بدل ما اقسم بالله اعمل زى ما قولتلك.

أنهى كلامه بغمزه إلى قمر.

لم يستطيع زياد كبت ضحكاته أكثر من ذالك تعالت بصوت مرتفع وقال:
-اقسم بالله عيله مجنونه وملهاش فى الفرح تموتوا فى الخوازيق.

ثم اقترب من يد فرح وقال:
-تعالى معايا مش كفايه حرمانى منك طول الايام دى كلها بذمتك موحشتكيش.

تكلمت بنفاذ صبر وقالت :
-قدام أمها يا موكوس اقول ايه بس ياربي.

ابتسم لها ابتسامه بلهاء وقال:
-وفيها ايه مش خطيبتى.
ثم نظر إلى فرح وتكلم بنفاذ :
-ما تقومى يا اختى انتى لزقتى فى الكرسي ولا ايه ؟

ثم ارغمها على الوقوف وتحركت معه إلى الخارج.

نظرت قمر وبتول الي زياد وفرح وتكلمت قمر بسعاده :
-متعرفيش سعادتى قد ايه، و انا شايفه كل اللى أتمنناه ربنا حققه لينا ربنا يديم عليهم سعادتهم يارب.

بحث زين بعينه على حور لكنها لما تأتى بعد ذهب عند عدى ونغم وسألهم عليها اجابوا عليها وقال عدى:
-مشوفتهاش النهارده غير لما اخدها الصبح مع اختها.

تكلمت نغم بالتأكيد وقالت:
-ايوه هى اختفت من الصبح وحاولة افهم منها حاجه مفهمتش كلامها مش مطمنى.

زفر زين بضيق وتحرك باتجاه الباب لكنه تقاجئ بدخول حور بطلتها الخاطفه للأنظار اقترب منها وابتسم لها برقه وقال:
-قمر اوى ماشاءالله.

نظرت له بتهكم وقالت:
-طول عمرى قمر مش محتاجه رأى واحد زيك

امسك ذراعها بالغصب وارغمها على التحرك معه وخرجوا من القاعه وأسند ظهرها على السياره الخاصه به واقترب منها وقال بصوت هامس:
-مش هتبطلي اسلوب الاستفزاز بتاعك ده يا حور كفايه عناد وتعالى نتجوز بقى مش قادر اشوفك قصادى وانتى زعلانه منى بالشكل ده.

تعالت ضحكات حور الغاضبه ونظرت له نظره ذات معنى وقالت بأستغراب.

-تتجوزنى ازاى مش فاهمه وانا مخطوبه.

نظر لها نظرات ناريه وتكلم بغضب:
-نعم يا روح امك مخطوبه! بلاش استهبال يا حوررر .

حركت رأسها بالرفض وتكلمت بالتأكيد.
-ودي فيها ايه مش فاهمه دى حياتى وانا حره فيها، عن اذنك عريسى زمانه وصل.

ضغط بقوه على ذراعيها وتكلم بغضب:
-اقسم بالله لو مبطلتيش استفزازك ده لكون مطربق الفرح ده فوق صحابه فيه ايه مالك سايقه فيها ليه احنا الاتنين غلطنا وانا اتأسفت ليكي مره واتنين وعشره عايزانى اعمل ااايه تانى علشان الست البرنسيسه ترضى عنى.

تكلمت بنفس النبره والابتسامه وقالت:

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى