دودود محمد الجزء الثاني

-عادي يا حبيبتى ده شئ طبيعي المطبخ ده الراعى الرسمى لكل المتجوزين سيبك انتى وتعالى نكمل الفطار سوى احسن فريد ياكلنا لو جاع.

تعالت ضحكات ريفال على كلمات مهاب وبدأوا يعدوا الطعام سويا.
………………………………………………….
عند تميم ورغد….

جلست رغد على المقعد أمام المراه بتوتر وتكلمت بصوت هامس وهى تنظر إلى انعكاسها:
-معقوله اكون حامل طيب ازاى وانا عامله حسابى كويس اوى.
ثم نظرت إلى اختبار الحمل وتكلمت بقلق:
-انا خايفه أوي لكون حامل انا لسه مش مستعدة للخطوه دى.

وفى ذالك الوقت سمعت صوت تميم وهو يتكلم بتساءل:
-انتى اتجننتى يا حبيبتى؟ بتكلمى نفسك فى المرايا…

اخفت اختبار الحمل سريعا وتكلمت بتوتر:
-ها ل ل لا يا تميم مش بكلم نفسي ولا حاجه ا ا انا بس بجهز علشان انزل المستشفى اتأخرت على المرضى بتوعى.

اقترب منها تميم ونظر لها بأستغراب وتكلم بشك:
-مالك يا رغد متوتره ليه كده؟ مخبيه ايه عليا.

ابتلعت ريقها بصعوبه وتكلمت بتوتر:
-ها م م مافيش حاجه يا تميم ا ا أنت هتقوم بدور الظابط عليا ولا ايه.

نظر إلى يدها واقترب منها وحاول يأخذ منها الشي المخفى ونجح فى ذالك وتكلم بعدم تصديق:
-اختبار حمل!! انتى شاكه انك حامل يا رغد؟

أغلقت عينيها بتوتر وتكلمت بصوت مختنق:
-ايوه يا تميم شاكه مع أن عامله حسابى كويس اوى علشان ميحصلش حمل دلوقتى انا لسه مش مستعدة للخطوة دى مش عارفه لو طلعت حامل هعمل ايه ولا ايه بس هروح شغلى ولا اخد بالى من بيتى ولا اخد بالى من الطفل الصغير اللى هيجى انا حاسه نفسي تايهه.

ارغمها أنها تقف أمامه وتكلم بنبرة هادئه:
-اهدي يا حبيبتى لو فعلا حمل يبقى رزق من عند ربنا وهيديكى الصحه على قد المجهود اللى محتاجه وبالنسبه لما تولدى خدى إجازة وضع لحد ما اللى هيجى يكبر كام شهر وبعد كده سبيه مع مامتى ولا مامتك يخدوا بالهم منه وانزلى شغلك عادى وبالنسبه للبيت أنا بساعدك فيه متشغليش بالك، انتى لا اول ولا اخر واحده تخلف وهى بتشتغل.

زفرت بضيق وتكلمت بصوت مختنق وقالت:
-هروح اعمله عن اذنك.

تحركت باتجاه المرحاض ودلفة إلى الداخل دقائق معدودة خرجت وهى تحمل اختبار الحمل بيدها، اقترب منها تميم بتوتر وقال بتساءل:
-ها طمنينى يا رغد حمل ولا لا؟

أعطته الاختبار وتكلمت بصوت مختنق:
-شرطتين.

نظر لها بعدم فهم وقال بتساءل:
-ايوه يعنى ايه مش فاهم حمل ولا مافيش؟

أجابته بنفاذ صبر:
-حمل يا تميم حمل.

ارتسمت الابتسامه على وجه وتكلم بسعاده:
-مبروك يا رورو أنا بجد فرحان اوى اخيرا هيكون عندى طفل منك انا كان نفسي فى ده من زمان بس مكنتش عايز ارغمك على حاجه زى كده، بترجاكى يا رغد حافظى عليه أنا نفسي اسمع كلمة بابا اوى.

شعرت بالاشفاق على تميم فهى لم تتوقع اشتياقه للاطفال بهذه الطريقه ابتسمت له ابتسامه حنونه وقالت:
-حاضر يا حبيبى متقلقش، انا اسفه يا تميم مكنتش اعرف انك بتحب الاطفال اوى كده وكان نفسك تبقى اب لما لاقيتك موافق أننا نأجلها شويه قولت انك عادى ومش عايز الموضوع ده زى دلوقتى إنما لو كنت قولتلى انك عايز تكون اب اكيد كنت هنفذلك رغبتك.

اقترب منها واحتضنها بقوه وتكلم بصوت هامس :
-يا حبيبتى أنا عايز طفل علشان يكون حته منى ومنك ثمار حبنا لبعض اه مكانش لينا قصة حب طويله بس حبك بيكبر كل يوم اكتر من اليوم اللى قابله فى قلبى.

تمسكت به بقوه وقالت بسعاده :
-بعشقك يا اجمل واطيب واحن راجل فى الدنيا.
………………………………………………….
عند زين وحور…

وقفت حور امام المراه تمشط شعرها وقف زين أمامها وتكلم بغضب:
-ايه اللى انتى لابساااه ده البنطلون ضيق والبلوزه قصيره ادخلى غيرى المسخره دى.

ضغطت على أسنانها بنفاذ صبر وقالت:
-ده تانى طقم اغيره بسببك أنا زهقت يا زين الهدوم واسعه على فكره انا مقدرش البس حاجه ضيقه علشان اللى فى بطنى ونفس حركاتك دي عملتها ايام ما كنت حامل فى ايوب، ياريت تهدا شويه وخف غيره احنا مش صغيرين على الكلام ده احنا دلوقتى ام واب لطفل والتانى جاى فى السكه.

نظر إلى ملابسها بعدم رضا وقال:
-طيب ادخلى غيرى الطقم ده بحاجه أوسع علشان خاطري.

زفرت بضيق وتحركت بغضب من أمامه اخذت ملابس آخره ودلفة المرحاض بدلتها ثم خرجت مره اخرى وتكلمت بتذمر:
-حلو كده ولا عندك اعتراض؟

نظر لها بعدم اقتناع وقال:ـ,,ـ
-تمام مش بطال.

وضعت يدها على وجهها وتكلمت بضيق:
-اقسم بالله بقيت حاجه صعبه اوى يا زين غيرتك كرهتنى فى نفسى زهقت بقى فكها مش كده يا آخي.
وتركته وهبطت إلى الاسفل.

نظر إلى أثرها بضيق وهبط خلفها إلى الاسفل لكنه لم يجدها علم أنها أخذت ابنها و غادرت البيت دون الانتظار له زفر بضيق وصعد سيارته واتجه بها إلى الشركه..
………………………………………………….
عند زياد وفرح….

استيقظت فرح على صوت رنين الهاتف الخاص بها نظرت به بأعين ناعسه وجدته زياد تنهدت بنفاذ صبر وإجابة عليه بضيق:
-طيب والله العظيم حرام عليك اللى بتعمله فيا ده يعنى طول الليل مسهرنى وبتكلمنى فى التليفون ودلوقتى مصحينى من أدان ربنا حرام عليك منمتش ساعتين هنام على نفسى فى الفرح.

رد عليها زياد بضيق وقال:
-يا ستار عليكى حرمه سعرانه ايه يا بنتى جايبه اللامبالاة دى منين ده أنا راجل ومش عارف انام من التفكير فى اللى هيحصل النهارده وفرحتى اللى مش سيعانى وانتى نايمه كده عادى.

تثأبت بنعاس وتكلمت بضيق:
-يا ابنى ايه الاڤوره اللى فيك دى، وبعدين ما انا لازم انام كويس علشان اريح بشرتى فى يوم زى ده.

تكلم بلؤم وقال:
-اممم عندك حق علشان كمان تكونى فايقه للى هيحصل ليكى بليل.

ابتلعت ريقها بصعوبه وتكلمت بتلعثم:
-ز ز زياد اتلم وبطل قلة ادب.

تعالت ضحكاته الرجوليه وتكلم بمداعبة:
-تعرفى أن كويس أننا دلوقتى بنتكلم فى التليفون علشان لو قولتى زياد اتلم وبطل قلة ادب دى قدامى كان زمانى عامل الدخله قبل الفرح.

فى ذالك الوقت سمع صوت إنهاء المكالمه تكلم بأستغراب:
-بت يا فرح انتى يا بت يا قاطعة اللحظات الرومانسيه انتى يا بنت المحروقه، قفلت بنت المجنونه وربنا لاطلعه على جتتك بليل يا بنت العيله القصيره.

عند فرح أغلقت الخط بخجل وتكلمت بنفاذ صبر:
-لا والله ما طبيعى كان عقلى فيييين لما حبيت واحد مجنون زى ده.

ثم ارتسمت ابتسامه عاشقه على وجهها وقالت:
-بس الصراحه دمه زى العسل ويتاكل اكل من حلاوته، اخيرا مش مصدقه نفسي أن هبقى معاه وفى حضنى النهارده يااااه حاسه نفسي هطير من الفرحه.

أنهت كلامها ونهضت من على تختها اتجهت إلى المرحاض.
………………………………………………….
عند اسيل وعامر….

استيقظت اسيل من نومها وجدت عامر يرتدى ملابسه لذهاب إلى العمل اعتدلت على فراشها وقال بصوت ناعس:
-صباح الخير.

ابتسم لها وقال بحب:
-صباح النور يا حبيبتى، هتروحى عند أيوب دلوقتى ولا هتستنى شويه؟

اومأت رأسها وتكلمت وهى تنهض من على فراشها وقالت:
-لا استنى هجهز وخدنى على سكتك ورانا حاجات كتير اوى النهارده علشان الفرح، قمر جدعه ووقفت جنبى وساعدتنى هى وبتول فى فرح انس وفرح اميره.

رد عليها بنبره حنونه وقال:
-ماشي يا حبيبتى على مهلك أنا مستنيكى تحت لحد ما تخلصي.
ثم تحرك بأتجاه الباب.
تكلمت اسيل سريعا وقالت بتساءل:
-بتكلم ولادك وبتسأل عليهم يا عامر؟

اومأ رأسه بالتأكيد وقال:
-طبعا يا حبيبتى بتصل بيهم كل يوم الصبح وبليل اطمن عليهم وعلى حبايب جدهم وبالذات الولا عامر ده طالع نسخه مني فى كل حاجه حتى فى الشكل.

ابتسمت بتهكم وقالت:
-لا وانت الصادق طالع شبهك فى العين الزيغه يا حبيبى.

تنحنح برجوليه وقال بتوتر:
-طيب يا حبيبتى هنزل استناكى تحت متتأخريش.

أنهى كلامه وخرج سريعا من الغرفه.

نظرت إلى أثره بأبتسامه واتجهت إلى المرحاض…
………………………………………………….
عند ريان ومني…

خرج ريان من غرفته وجد منى تحضر له الطعام تنهد بوجع فهى منذ أن عادت له وهى تفعل ما بوسعها حتى تحافظ عليه وتجعله يحبها لم تتخلى عنه أثناء اجراءه العمليه كانت ترافقه دائما وتساعده على الوقوف على قدميه مره اخري، اقترب منها بأبتسامه وقال:
-صباح الخير يا منى.

ردت عليه بحب وقالت:
-صباح الخير يا حبيبى حضرتلك الفطار علشان متتأخرش على الشغل.

قبل يدها بحب وتكلم بنبرة هادئه.
-تسلم ايدك يا حبيبتى.

وجلس على مقعده وجلست بجواره منى وبدأوا يتناولوا الطعام نظرت له بتوتر وقالت بتساؤل:
-ه ه هو انت ناوي تروح فرح بنت بتول بليل.

أغلق عينه بضيق وتكلم بتوضيح:
-اسمه فرح ابن ايوب وبنت بتول ثانيا أنا رايح اقف جنب اخويا وعشرت عمرى اللى دايما واقف جنبى فى الحلوه والمره ده موضوع ممنوع فيه النقاش وشيلى اللى فى دماغك يا منى علشان منرجعش لنقطة الصفر من تانى.

أنهى كلامه واستقام بجسده قائلا:
-انا ماشى.

وقفت منى أمامه سريعا وقالت بأسف:
-انا اسفه يا ريان مقصدش ازعلك منى والله بس كنت بسأل عادى وحياة بناتك عندك متزعلش منى.

ربت على وجينتها بأبتسامه هادئه وقال:
-خلاص يا حبيبتى مش زعلان جهزى نفسك علشان نروح الفرح بليل سوا.

انهي كلامه مقبلا رأسها مغادرا البيت متجهًا إلى سيارته لذهاب إلى عمله.

نظرت منى إلى أثره بسعاده وتنهدت بحب وعادت مره اخرى إلى مقعدها وبدأت تتناول الطعام.
………………………………………………….
عند بتول….

وقفت أمام قبر وليد وتسابقة الدموع على وجينتها وتكلمت بأشتياق..
-واحشتنى اوى يا وليد كان نفسي تشاركنا فرحتنا النهارده بنوتك كبرت وهتبقى عروسه زى القمر هتسينى خلاص وتروح بيت جوزها، كان نفسى انت اللى تسلمها لعريسها زى ما كنت بتحلم متخيله شكلك وهى فى دراعك وفرحة عيونك بيها وانت بتسلمها لزياد يااااه يا وليد فرحتنا اتسرقت مننا وانت بعيد عننا الله يرحمك يا حبيبى.

ثم إزالة دموعها سريعا ونظرة إلى جنة ابنة عدى وقالت..
-شوفت حبيبت جدو بقت زى القمر ازاى كلها شبه قمر اختى وعندى امل ان شاءالله وليد اخوها يكون شبهك ويبقى اسم على مسمى علشان اشوفك فيه، عايزه اقولك أن الحياة اختلفت خالص بوجود جنه وايوب بقى ليها طعم شويه شامه ريحتك فيهم اوووى وعلى طول بكلمهم عنك وعن رجولتلك وشهامتك وقد ايه كنت حنين معايا ومع عدي وكنت زوج وأب مثالي بحكلهم عن حبك الاسطورى ليا وعن غبائى وقتها معاك لحد ما سبتنى وحسيت وقتها بالفراغ وعرفت قد ايه كنت جوهره غاليه معرفتش قيمتها غير لما راحت منى، همشى أنا دلوقتى وهجيلك المره الجايه بأيوب ابن زين هتحبه اوى، مع السلامه يا عشرة عمرى كلها.

تحركت مره اخرى إلى الخارج صعدت سيارتها ووضعت جنه بالمكان المخصص لها وتحركت بها مسرعا إلى المنزل.
………………………………………………….
عند أيوب وقمر….

استيقظت قمر من نومها وجدت ايوب يخرج من المرحاض ابتسمت له ابتسامه هادئه وقالت:
-صباح الخير يا ابو العريس.

نظر لها بحب وقال:
-صباح النور يا اجمل زوجه وأعظم ام فى الدنيا..

نهضت من على فراشها واتجهت إليه وضعت رأسها على صدره وتكلمت بسعاده :
-انا فرحانه اوى يا ايوب ان زياد اخيرا هيتجوز النهارده مش مصدقه نفسى أنه هيبقى خلاص عريس.

ربت على ظهرها مقبلا رأسها وتكلم بنبره هامسه:
-ربنا يفرح قلبك دايما يا حبيبتى، انتى محتاجه اى مساعده النهارده علشان الفرح.

ابتعدت عنه وحركت رأسها بالرفض وقالت :
-لا يا حبيبى متشغلش بالك بحاجه بتول واسيل جاين يساعدونى النهارده.

أومأ رأسه بتفهم وقبل يدها بحب وقال:
-ماشى يا قلبى هروح أنا بقى عايزه حاجه.

حركت رأسها بالرفض وقالت بأبتسامه :
-لا يا حبيبى عايزه سلامتك بس متتأخرش فى الشغل تعالى بدرى علشان تلحق تجهز للفرح.

أومأ رأسه بالموافقه وخرج من غرفته واتجه إلى العمل.

نظرت قمر إلى أثره بحب وبدات تتجهز ليوم طويل وشاق لتحضير إجراءات الزفاف..
…………”ما وراء الماضي”

“الخاتمه”

بالمساء اجتمعت العائله فى افخم قاعات الإحتفال كانت فرح تجلس فى غرفتها بعد الانتهاء من التجميل بتوتر شديد وفى ذلك الوقت سمعت صوت طرقات على الباب نظرت إلى حور بتوتر وقالت:
-م م مين؟

نظرت حور لها بنفاذ صبر وقالت:
-مين ايه هو انتى شوفتينى فتحت لسه ربنا يصبرك يا اخويا على عبط مراتك.

أنهت كلامها وتحركت باتجاه الباب وفتحته وجدتها نغم احتضـ,,ـنت حور بسعاده وقالت:
-يخربيت جمالك هو فيه قمر كده فى الدنيا.

تكلمت بحب وامتنان:
-اهو انتى اللى قمر وبنت قمر كمان.

ابتعدت عنها وتعالت ضحكاتها وقالت:
-هو من ناحية أنا بنت قمر فده صح مليون فى الميه.

تكلمت فرح بنفاذ صبر وقالت:
-هو انتوا ليكم نفس تهزروا وانا هموت من الخوف.

نظرت نغم إلى حور وقالت بمرح:
-مال الهبله دى؟!

ردت حور بطريقتها وقالت:
-انبي يا اختشي ولا اعرف من بدرى على النظام ده وخايفه أديها لكمه فى وشها تبوظ كل المكياچ ده جابت ليا الاعصاب الله يحرقها هى وأخوها فى وقت واحد.

نظرت نغم لها بضيق وتكلمت بصوت شبه غاضب:
-حووور اتلمى ولمى لسانك زين بيحبك بس هو اللى بيغير عليكى شويتين تلاته والغيره دليل على المحبه.

ابتسمت بضيق وتكلمت بصوت مختنق:
-اممم فعلا بيحبنى، المهم طمنينى ليدو عامل ايه فى بطنك؟

حركت يدها على بطنها بضيق وقالت:
-شقي شقاوة ليل ونهار شغال ضرب فى بطنى كأنه بيعاقبنى علشان هجيبه الدنيا.

تعالت ضحكاتها وحركت يدها على بطنها وقالت:
-لا ده واضح أن انا داخله على ايام فله مع الاخ ولا الاخت دى.

نظرت لها بأستغراب وقالت بتساؤل:
-انتى لسه معرفتيش النوع ايه؟

حركت رأسها بالرفض وقالت:
-لا مش باين لسه فى السونار الدكتوره بتقولى احتمال الشهر الجاى يبان.

ابتسمت لها بحنو وقالت:
-ان شاءالله تكون بنوته وتسميها بتول ويبقى كده انا هجيب وليد وانتى تجيبي بتول ونجوزهم لبعض يااااه ونعيد قصتهم من تانى بس من غير طرف تالت.

تعالت ضحكاتها وقالت:
-يارب يا نغومتى هو انا اطول حمات بنتى تكون عسوله كده حما كيوت.

تكلمت فرح بصراخ وقالت:
-كفااااايه بقى سيبنى هموت من الخوف وبتخطبوا لولادكم من دلوقتى ما تشوفوا البنى أدم ده راح فين ليكون نسي أن النهارده فرحه مجنون ويعملها.

وفى ذلك الوقت سمعت صوت زياد وهو يقول لها بطريقه كوميديه:
-اهدي يا حبيبتى اهدي يا ضنايا انا مرمي من بدرى تحت بس الاخت نسيت شكلها أنا بعت نغم علشان تشوفك خلصتي ولا لسه نامت فى الخط.

تعالت ضحكات نغم وحور وخرجوا من الغرفه وتركوهم.

اقترب زياد منها بأعجاب وتكلم بصوت هادئ وحنون:
-هو انا اه مجنون بس مجنون بحبك مهوس بجمالك ورقتك، حد يبقى معاه القمر ده كله وينسي فرحه برضه، ده انتي بالنسبه ليا كنتى نجمه بعيده اوى عنى وربنا قربها ليا انتى اجمل واحلى زهره طرحت فى بستاني انتى عمري كله يا فرحة عمرى وسنيني.

نظرت إلى الأرض بخجل وظلت صامته.

اقترب اكثر لها وأحاط خصرها بذراعيه وتكلم بصوت يملؤه الرغبه:
-انا مش مصدق نفسي ان النهارده هتبقى فى حضنى وهتبقي مراتى رسمي و…
تدخلت فرح سريعا فى الكلام وتكلمت بخجل:
-زياد متكملش ا ا احترم نفسك وبطل قلة ادب.

اقترب اكثر لها وتعالت أنفاسه وتكلم بصوت هامس:
-طيب ما تجيبي تصبيره احسن مش قادر اصبر.

وفى ذلك الوقت شعر بيد تمسكه من ملابسه وتبعده عن فرح بصوت غاضب:
-ما تلم نفسك ياااض ابعد عن اختى بدل ما انفخك.

نظر له وتكلم بمزاح:
-اااايه يا ابو النسب دى كلها دقايق وهتبقى حرمي المصون ارحم امي القصيرة.

دفعه بقوه وتكلم وهو يكبت ضحكاته:
-لما يتكتب كتابكم وتطلعوا اوضتكم ابقى اعمل اللى انت عايزه إنما دلوقتى اياك تلمس حتى ايديها، روح يا حبيبى ألعب بعيد.

نظر له بضيق مزيف وتكلم ببكاء مازح:
-كشفت شعري ودعيت عليك عيله ظلمه منكم لله هنزل تحت وهات البت متتأخروش عليا واه بلاش الجو الهابط بتاع كبرتى وبقيتي عروسه وهاتك يا أحضان فااااهمين.
ثم نظر إلى فرح وتكلم بمزاح:
-جتك القرف فى حلاوتك وانتى وتكه فى نفسك كده.
أنهى كلامه وركض سريعا خارج الغرفه.

نظر عدي وفرح اثر زياد وتعالوا ضحكاتهم على كلماته.

نظر عدى إلى فرح وكوب وجهها بيده ونظر لها بحب اخوي وتكلم بنبرة هامسه:
-ماشاءالله يا حبيبتى طالعه زى القمر اجمل من الاميرات ، ربنا يسعدك يا قلب اخوكى يارب.

ارتمت داخل أحضانه وتكلمت ببكاء:
-انا بحبك اوى اوى يا دودي ربنا يخليك ليا وتفضل ضهري وسندي فى الدنيا، أنا بابا واحشنى اوى كان نفسي يكون جنبى فى لحظه زى دى كان نفسي يشاركنى فرحتى كان نفسي فى حاجاااات كتير اوى يشاركنى فيها بس هو راح وسابنى بدري.

ربت على ظهرها بحنو وتكلم بصوت حزين:
-بابا وليد واحشنا كلنا وعمرنا ما هننسا هيفضل عايش فى قلوبنا وكل لحظه حلوه عشناها معاه محفوره فى ذاكرتنا مبتتنسيش، امسحى دموعك يا حبيبتى هو حاسس بيكى دلوقتى وفرحان مكانه، ادعيله بالرحمه يا فرح، ويلا ننزل للمجنون اللى تحت احسن نلاقيه ناطط لينا فوق دماغنا دلوقتى.

ابتعدت عن حضن عدي واومأت رأسها بالموافقه اخذت نفس عميق ووضعت يدها داخل ذراعه وفى ذلك الوقت دخل زين وقبل رأسها بحب وتكلم بنبرة هادئه:
-الف مبروك يا قلب اخوكى ربنا يسعدك يارب.

وضعت يدها الاخرى داخل ذراع زين وتكلمت بسعاده:
-الله يبارك فيك يا حبيبى ربنا ميحرمنيش منكم يارب.

وتحركوا الثلاثه خارج الغرفه وهبطوا من أعلى الدرج وكان ينتظرها زياد بالاسفل دقات قلبه كانت تتراقص بسعاده وهو يقترب لحلم عمره وحب طفلته، ثوانى معدودة الثلاثه كانوا يقفوا امامه صافحهم بكل حب وامتنان وأخذ فرح قبل جبينها بسعاده وتكلم بصوت هامس:
-عقبال ما تكون القبله دى فى حته تانيه.
وغمز لها بمداعبة.
احمرت وجينتها بخجل وتكلمت بتلعثم:
-و و والله العظيم انت غلس وقليل الادب وانا مش عايزه اتجوزك.

امسكها سريعا من ذراعها وتكلم بمرح:
-مش عايزه تتجوزي مين يا روح النونه ده أنا قتيلك النهارده امشى يا اختى امشي…
تحركوا سريعا إلى المكان المخصص لهم جلست عليه فرح واتجه زياد عند المأذون وجلس بجواره وجلس الجانب الآخر عدي وتكلم زياد بمرح.

-الدنيا دواره شوف الأدوار اتبدلت ازاى من كام سنه كنت انت مكانى وبتتجوز اختى وشوف دلوقتى قاعد انت الوكيل وانا بتجوز اختك.

تكلم عدي بمزاح وقال:
-الله الوكيل اختى هتعيش مع بهيم، هات ايدك يا اخويا خلى المأذون يشوف شغله.

وبدأ المأذون بعقد القران مع سعادة الجميع ثواني معدودة مضت فرح على عقود الزواج وأعلن المأذون زياد وفرح زوج وزوجه.
بدأت التهانى تنهال عليهم بسعاده وبعد وقت اقترب زياد من فرح وتكلم بحب:
-واخيرا اتكتب اسمك على اسمي ده أنا قتيلك النهارده واللى يقدر يخرجنى يفرجنى.

ابتسمت له بخجل وقالت:
-م م مبروك عليا انت.

تعالت دقات قلبه بسعاده واقترب إليها دون سابق إنذار حملها بعدم تصديق أنها الان زوجته بعد طول انتظار ظل يدور بها تحت صفرات الجميع وبعد وقت انزلها وضمها داخل أحضانه وتكلم بنبرة عاشقه:
-بعشقك يا اجمل حاجه حصلتلى، ربنا يقدرنى واخليكي اسعد زوجه فى الدنيا دى كلها.
تمسكت به بخجل وقالت:
-وانا بحبك وربنا يقدرني واكون الزوجه الصالحه اللى تعمرك بيتك بذكر الله و الذريه الصالحه.

اقترب انس منهم وتكلم بمزاح:
-مااا كفاااايه يا عم الحبيب منك ليها اخلصوا علشان تبدأ فقرات الفرح.

ابتعدت عن فرح ونظر إلى انس بضيق وقال:
-تصدق هتصدق أن شاءالله أنا كرهت العيله دى كلها انتوا اااايه مش وراكم غيرى، اشوفكم متشحطفين على مراتتكم ومش طيلنهم يا بعده يارب.

أنهى كلامه وتحركوا إلى المكان المخصص لرقصة الافتتاحيه الخاصه بالعرسان وبدوا الاثنين يتمايلوا على انغام الموسيقى.

عاد انس مره اخرى عند رهف وأحاط خصرها وتكلم بابتسامه:
-الولا مكبوت يا عين أمه يا بخته النهارده هيهيص.

نظرت له بضيق وقالت بنفاذ صبر:
-يا ابنى اسكت بقى واحترم نفسك بلاش عينك دى اللى هتجيبهم الأرض.

تكلم بضيق مزيف وقال:
-اناااا ده أنا عيني بلسم عمرى ما حسد حد ياكش انتوا بس اللى عيله منحوسه ومش مكتبولها الفرحه.

حركت رأسها يمينا ويسارا وتكلمت بنفاذ صبر:
-ربنا يصبرنى عليك بجد…
ثم بحثت بعينيها وتكلمت بتساءل:
-الولا عامر فين؟

نظر حوله بأستغراب وقال:
-معرفش استنى لما اروح اشوفه…
تحرك بأتجاه ابنه ريان وتكلم بتساءل:
-ريان فين اخوك عامر؟

أشار بأصابعه الصغيره وتكلم بطفوليه:
-بيتعرف على بنت جديده هناك اهو.

نظر مكان إشارة اصابع ريان وجد عامر يمسك بيد طفله صغيره ويقترب منها.

ركض خلفه وتكلم بمرح:
-نهار مش فايت الولا ده هيجيب لينا مصيبه قريب.

ودون سابق إنذار حمله من على الأرض وابتعد به وتكلم بغضب مزيف:
-بتعمل ايه يا آخرة صبري؟

تكلم بأنزعاج طفولي وقال:
-ينفع اللى انت عملته ده يا بابي بتحرجني قصاد المزه الجديده اقولها أنا ايه دلوقتى.

حرك انس شفايفه بطريقه كوميديه وقال:
-احييييه يا ابو سوسو احيه، ولا انت ملكش خروج من البيت نهائى مش مستعد بعد تسع شهور اسمع كلمة جدو من حد.

نظر له بعدم فهم وقال بتساءل:
-يعنى ايه يا بابي؟

تنحنح بأحراج وتكلم بتوضيح:
-يعنى تجيب ليا عيل غتت زيك يقولى جدو زى ما انت بتقول لجدو عامر يا جدو فاهم حاجه؟

تكلم عامر بطفوليه وقال بغمزه:
-اااه قصدك اعمل زى ما انت بتعمل مع ماما واجبلك نونو صغنن.

الكلام وقف بحلقه وتكلم بصوت هامس:
-ايه الراجل المضغوط ده احيه.

وفى ذلك الوقت جاء عامر ووجد انس يمسك ولده من ملابسه اقترب منه سريعا وحمل الطفل من على الأرض وتكلم بضيق:
-ولاااا انت ماسكه كده ليه يالا.

تكلم انس بطريقه كوميديه وقال:
-الولا طلعلك كل ما يروح مكان يشقط واحده الله ينور عليك يا ابو انس قومت بالواجب ووفيت الصراحه.

تعالت ضحكات عامر وتكلم بصعوبه:
-اااه قلبى مش قادر الله يخربيتكم…
ثم نظر إلى الطفل الصغير وقال:
-يا عبيط نقى المكان اللى هتشقط منه جاى قصادهم وتعمل كده فتح مخك وخليك معايا على الخط.

ابتسم الطفل الصغير وغمز له وتكلم بسعاده:
-تصدق عندك حق يا جدو خلاص هشقط من الحضانه هناك كتير محدش هيشوفني.

اتسعت عين انس بصدمه وقال:
-صلاة النبي احسن، عليه العوض ومنه العوض أنا كده ضمنت مستقبله الباهر.

أنهى كلامه وتحرك سريعا من امامهم.

نظر عامر إلى أثر انس وتكلم بابتسامه:
-اوعى تعمل زى ما قولتلك انا بهزر راعى ربنا واياك تعصيه لأن السكه دى اخرتها وحشه اوى وعلى ما تفوق من اللى انت فيه هيكون فات الاوان واجمل سنين عمرك راحت حط كلامى ده حلقه فى ودنك يا عامر خلى البنات كلها اخواتك لحد ما ربنا هيكرمك بواحده تحبك وتحبها بالحلال، ماشى يا قلب جدك.

أومأ الطفل رأسه بتفهم وقال:
-حاضر يا جدو بس نزلنى بقى علشان الحق البت قبل ما تمشى.

انزله من على ذراعه وركض الطفل سريعا من امامه نظر له بصدمه وتكلم بصوت هامس:
-لاااا الولا ده غلبنى بكتيرررر..
ثم حرك رأسه يمينا ويسارا واتجه عند اسيل.

عند زين وحور…

كانت حور واقفه تتابع زياد وفرح بسعاده وشعرت بيد تحاوطها زفرت بضيق وتكلمت بصوت مختنق:
-ابعد عنى يا زين.

تكلم بهمس بجوار أذنيها وقال:
-انا اسف يا حور انتى عارفه انا بغير عليكى ازاى لو عليا مش عايز اخرجك بره البيت نهائى عايز اخبيكى جوه حضنى ومحدش غيرى يشوفك.

ابتسمت بضيق وتكلمت بصوت مختنق:
-دى مش غيره يا زين ده مرض انت بتغير عليا من ابنك من اخويا من ابويا من اى راجل حتى انس منعتنى اتكلم معاه مع اننا اخوات برضه انت جننتنى اقسم بالله ما انا بحبك وبغير عليك برضه بس بحدود مش بطريقتك دى أنت كده بتخسرنى صدقنى نهاية الطريق وحشه.

تحرك سريعا ووقف أمامها وتكلم بحب:
-حور انا بحبك والله العظيم بحبك ومش بقصد ازعلك منى بس غصب عنى بغير عليكى عارف أن غيرتى مجنونه بس ده لانك بجد جميله اوى ومش عايز عيون الناس تبص ليكى إذا كان رجاله ولا حريم.

حركت رأسها بالرفض وتكلمت بصوت مختنق:
-وانا بحبك بس مبقتش قادره أستحمل عمايلك دى لأن بجد اتخنقت.

احتضنها بحب وقال بترجى:
-انا اسف يا حور علشان خاطري استحملينى اوعى تبعدى عنى فى يوم من الايام هحاول أقل غيره شويه بس مش هقدر اوعدك أن هبطلها خالص.

تمسكت به بقوه رغم زعلها منه إلا أنها مازالت بتعشقه وحضنه هو المهرب الوحيد لزعلها منه تكلمت بنبره عاشقه:
-للاسف مهما تعمل فيا عمرى ما هقدر اكرهك لأن بعشقك اوى ومجنونه بحبك.

ربت على ظهرها بحنو وتكلم بسعاده:
-وانا بموت فيكى يا اجمل ما فى حياتى يا ام ولادى…

عند عدي ونغم…

جلست نغم بألم ووضعت يدها على بطنها وتكلمت بضيق:
-انا تعبت بجد والله ضرب ضرب مش قادره.
جلس عدي بجوراها وتكلم بصوت هادئ حنون:
-معلش يا حبيبتى استحملى هانت خلاص فاضل شهرين هيعدوا بسرعه، ويجى نور حياتنا زى أخته.

ابتسمت له بألم وقالت بنبره هادئه:
-يارب يا حبيبى يجي بالسلامه، ونفرح بي هو واخته أن شاءالله.

وفى ذلك الوقت شعرت بألم شديد وشئ لزج يسيل من بين قدميها اتسعت عيناها بصدمه وتكلمت بصراخ..
-انا شكلى بولد يا عدي.

انطفي الموسيقي والكل انتبه على نغم وركضت إليها قمر وبتول أمسكت يدها وتكلمت بقلق وقالت:
-مالك يا قلب امك فيكى ايه.

تكلمت بدموع وقالت:
-بولد يا ماما الحقيني.

تكلمت بتول بأستغراب وقالت:
-ازاى يا بنتى بتولدي انتى لسه فى السابع.

حركت رأسها بدموع وقالت بصراخ:
-اااه مش عارفه حرام عليكم مش وقت اسأله بموووت.

حملها عدي سريعا وخرج يركض بها إلى السياره وضعها داخلها ولم ينتظر أحد تحرك بها بسرعه جنونيه إلى المشفى.

نظر زياد إلى أثرهم بسعاده وقال:
-كويس انها جات من عندهم والفرح انتهى بدرى..
ومال بجسده حمل فرح بين ذراعيه وتحرك بها اتجاه الغرفه المتواجدة لهم في الفندق.

جحظت عين فرح بصدمه وتكلمت بتوتر:

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى