رواية كاملة بقلم شيماء عصمت

كريمة طب ايه رايك نعملها هنا في القصر يا صخر!! ايه رايك ياعشق تحبي نعمله هنا ولا انتي عايزة تعمليها في قاعة اوي اي مكان تاني!!
عشق بتوتر من الخطوة دي .. حاسه ان كل
حاجة بيحصل بسرعة .. هي مش مستعدة للخطوة دي مش مستعدة للحياة الجديدة اللي دخلت فيها مرة واحدة من غير اي تمهيد!! انتبهت ل ايد صخر اللي ضغطت علي ايديها وكانه بيطمنها بصتله اووي وركزت في عيونه متنكرش انها مرتحاله .. انها بتطمن وهو موجود!! .. مستغربة من نفسها جدا .. ازاي بتطمن وهو موجود! ازاي ارتاحتله بالسرعة دي!!
ردت علي كريمة ب ابتسامة اللي حضرتك شيفاه انتي وصخر اعملوه انا معنديش اي اعتراض
كريمة باندفاع ازاي بس يابنتي مش دي خطوبتك وفرحة عمرك لازم تختاري اللي انتي عايزة
عشق رددت بصوت واضح فيه الحزن والۏجع فرحة عمري!! معتقدش ياطنط ..شكل حضرتك نسيتي انا وصخر اتجوزنا ازاي!!! قامت من على السفرة وكملت انا شبعت هطلع انام واللي حضرتك عايزاه اعمليه .. تصبحوا علي خير
صخر متابعها بعيونه وشايف قد ايه حزينة ومکسورة من اللي عمله فيها اكبر دليل علي انكسارها ظهرها اللي منحني وهي ماشية .. كره نفسه والظروف
اللي وصلته انه يكسر نفسها بالشكل دا .. قضى علي احلامها .. اجبارها .. اتنهد بصوت عالي دل علي مدى آلمه وڠضبة بص لامه واتكلم بصوت حاول يكون هادي بعد اذنك يا امي خلي بالك من كلامك مع عشق لو سمحتي
كريمة بدموع انت عارف اني مقصدش يا صخر اني ازعلها ابدا .. يعز عليا اشوفها موجوعة بالشكل دا
صخر قام وقرب من امه ومسح دموعها اللي نزلت ومسك ايديها باسها حقك عليا .. انا مقصدش ازعلك ابدا ومتاكد انك متقصديش انك تزعليها بس انا اقصد ان احنا نتجنب اي حاجة حتي لو كلمة ټجرح عشق يا امي كفاية اللي هي حاسه بيه متزعليش مني .. وكمل كلامة بمرح مصطنع وادي دماغك ياستي وباسها بهدوء
كريمة طبطبت عليه انا لا يمكن ازعل منك ياصخر دا انت اول فرحتي ياحبيبي وعارفة قصدك كويس انا اكتر واحده حاسه ب عشق وفاهماها والله .. بس اعمل ايه الكلام طلع مني ڠصب عني
صخر حصل خير يا امي تصبح على جنه ياست الكل انتي والهبله دي .. وشاور على مريم اللي قاعدة سرحانه وفاقت على صوت صخر
كريمة وانت من اهلها حبيبي
مريم بمرح تشكر يازوق
صخر ب ابتسامة لسانك يابت مش ه حذرك تاني
مريم بابتسامة بلهاء تصبح علي خير ياقلبي
صخر هز دماغة بمعنى ان مفيش فايدة فيها وطلع على اوضته
في الجهة التانية نريمان قاعدة ومعاها مايا
ف قصر ناصر عمران
نريمان بستغراب بس احنا هنستفاد ايه يا مايا لما نقول ل صخر السيوفي ان عشق مش بنت ناصر !!
مايا پغضب في ايه يامامي ركزي معايا كده!! صخر السيوفي بمركزة ووضعة اكيد
مش هيقبل ان مراته تكون بنت حرام وخصوصا لو وصلنالوا اننا ممكن نوصل خبر صغير من فاعل خير لاكبر جريدة ف مصر والوطن العربي ان حرم صخر السيوفي بنت غير شرعية وشوية تحابيش من الصحافين وان رجل الاعمال صخر نبيل السيوفي اتجوز حرمة المصون مقابل ديون ناصر عمران هوووب الدنيا تولع عند صخر باشا هوووب يطلقها وساعتها هخليه ليا وباي تمن
نريمان بمكر فكره جهنميه يا مايا وكملت بسخرية بس تفتكري صخر السيوفي هيسمحلك تعملي دا كله متنسيش هو مين ووضعة ايه واحنا ايه .. وبعدين انتي نسيتي حاجة مهمة يا فالحة ناصر هيعمل فيا وفيكي ايه لو عرف اننا فكرنا بس مجرد تفكير اننا نفضح سره!!
مايا ببرود وانكل ناصر ايه اللي هيعرفوا احنا بنخطط لايه الكلام دا بين وبينك بس يامامي بس قبل دا كله لازم اعرف صخر اتجوز عشق ليه في حاجة تانية احنا مش عرفنها بس لازم نعرفها
نريمان بتفكير عندك حق في حاجة غلط في الحوار دا كله!! ليه صخر كان خافي نفسه كل السنين دي!!! وليه مظهرش الا بعد ما اتجوز عشق!! ليه ظهر بس لما جيه ياخد حق عشق!! دا حتى يوم كتب الكتاب ناصر قالي انه كان مخبي وشه لازم نحل الالغاز دي يامايا الاول عشان يبقا موقفنا قوي ونوصل للي احنا عايزينه وبسرعة
مايا بتأكيد عندك حق لازم نفك كل الالغاز دي
اما بقا عند عشق ف كانت نايمة علي سريرها ف اوضة صخر او عامله نفسها نايمة .. حزينة في حاجة اتكسرت جواها .. فكرت في سيف يا ترى لو مكنش طلع ندل وراح اتقدملها وخاطبها كانت هتبقى مبسوطة!! كانت هتحس انها عروسة!! كانت هتبقي فرحانة!!احساسها كان هيبقي ازاي!!
غريبة! هي اصلا ولا لحظة تخيلت سيف خطيبها او حتى جوزها!! مش المفروض اللي بتحب حد بتتمنى ان يجمعهم بيت واحد في الحلال!! هي دلوقتي متاكدة انها محبتش سيف هي بس كانت بتدور على الاهتمام!! تحس ان ليها لازمة في حياة اي حد دورت على الاهتمام بس بطريقة غلط مكنش المفروض تدخل سيف في حياتها من الاول!! هي مش زعلانة انها مع صخر برغم من
الطريقة اللي اتجوزها بيها بس جواها احساس ان صخر هو بر الامان بالنسبالها .. متنكرش انها بتطمن ب وجودة مش قلقانة منه!! بس في سؤال جواها
عشق بصوت مسموع ليه ياصخر اتجوزني مش معقول عشان ديون بابا
اقولك ليه
عشق
قامت من السرير مڤزوعة مانتبهتش ابدا لدخول صخر ولا وقوفه جنب السرير
اتكلمت پخوف وهي حاطه ايديها علي قلبها حرام عليك ياصخر وقفت قلبي
صخر قعد جنبها ومسك ايديها وباسهم برقة سلامت قلبك ياعشقي ..

—

كنتي عايزة تعرفي ايه
عشق بخجل وحرج لا ابدا مفيش حاجة عادي
صخر بحنان مش احنا قولنا اننا دلوقتي اصحاب ومخطوبين وان المفروض منخبيش علي بعض حاجة ونتكلم ونقول كل اللي ف قلبنا صح ياعشقي
عشق بتوتر صح
صخر بمرح طب ابعدي شوية كده اما اريح علي السرير الا يابنتي العظمة كبرت ومش مستحمل القاعدة دي
عشق ضحكت بصوتها كله وصخر بصلها بانبهار اللهم صلي على النبي براحة يابنتي انا مش هستحمل الحلاوة دي كلها
عشق بخجل صخررر بطل
صخر
وهو بيفرد نفسه جنبها علي السرير حاضر بطلنا
فضلوا الاتنين ساكتين وباصين ل سقف الاوضة
صخر قطع الصمت وحدووووه
عشق ب ابتسامة لا اله الا الله .. عايز ايه ياصخر
صخر عايزة تقولي ايه ياعشقي فضفضي يابنتي اعتبريني امك
عشق ضحكت كتير جدا من اسلوبه ف الكلام حرام عليك ياصخر ھموت من الضحك بجد
صخر بمرح بعد الشړ عليكي يااختشي قوليلي كنتي عايزة تسالي علي ايه وبطلي تحوري
عشق بذهول احور انت متاكد انك رجل الاعمال المشهور صخر نبيل السيوفي
صخر بغرور مصطنع ب شحمة ولحمة
عشق ضحكت تاني انت مش معقول ياصخر بجد ماكنتش متخيلاك كده وخصوصا بعد الكلام اللي كنت بسمعه عنك
صخر بذهول مصطنع انا يابنتي!!
عشق بتاكيد ايوه انت دا انا سمعت عنك بلاااااوي .. اللي قالوا انك بتاع ستات واللي قالوا انك من الماڤيا وحاجات كتيييشرة اووي
صخر وانتي صدقتي عني كده
عشق بارتباك انت زعلت
صخر لا ابدا ازعل ليه!! ما انا بشوف الاخبار دي ف عادي بالنسبالي بس انا بسألك علي رايك انتي
عشق بتوضيح بصراحة في الاول من قبل ماعرفك يعني كنت دايما بشوف اخبارك في الجرايد وعلي النت وغير كلام بابا عنك يعني .. الي حد ما كنت مصدقة الاخبار دي وخصوصا ان مكنش في اي تكذيب منك للاخبار اللي بالشكل دا وخصوصا انك خافي نفسك وعديم الظهور في الاعلام عمتا ف دا كان نقطة ضدك اما بقى بعد ماشوفتك فاقدر اقولك ان الصحافيين دول بلح
صخر بذهول مصطنع بلح!! بلح ازاي يعني!!
عشق يابني اقصد انهم بيفتوا بيقولوا اي كلام فأي كلام انت صحيح شكلك بيدي علي تاجر مخډرات تاجر سلاح قتال قټله غير كده دمك خفيف
وبتضحكني كتير جدا
صخر پصدمة انا شكلي بيدي على تاجر مخډرات تاجر سلاح قتال قټله
عشق بضحك من صډمته اه والله زيمبقولك كده
صخر قرب منها اووي انتي قد الكلام ده
عشق ارتبكت بس ردت بصوت حاولت تخليه ثابت وهي بتبص فاي مكان الا عيونة قده ونص وتلت تربع
صخر رفع حاجبة بمكر وقرب من وشها جدا بقى حاسس بنفسها بقى كده طب تعالي
ولسه هيبوسها اتفاجئ بعشق بتزقه تبعده عنها وقامت تجري من على السرير
صخر بذهول مصطنع انتي هبلة يابت بتجري كده ليه
عشق پغضب تداري بيه خجلها انت قليل الادب ياصخر مش هنام جنبك تاني
صخر اممممم تنامي جنبي فكره حلوة والله
عشق صړخت بخجل صخرررر بطل قله ادب انا هنام على السرير وانت هتنام علي الكنبة
صخر بتريقة مين دا اللي هينام على الكنبة اكيد متقصدنيش انا!!
عشق بثقة لا اقصدك انت علفكره ماهو بص مفيش قدامك الا حلين
صخر واللي هما
عشق الحل الاول انك تنام علي الكنبة ماهو اكيد مترضاش ان مراتك حببتك تنام على الكنبة
عشق وهي بتحاول تبعد لا مش صح احنا في فترة الخطوبة ياصخر متستهبلش
صخر بذهول مستهبلش!! انتي خدتي عليا اووي وكده كتير
عشق بخجل وارتباك والله اذا كان عجبك
صخر دا عجبني اوي اوي اوي بس البعيدة تحس
عشق بتحزير خجل صخرررررر
صخر خلاص ايه بقا الحل التاني
عشق ب ابتسامة مستفزة انام انا ف اوضة تانية
صخر نعم ياروح ماما
عشق بتحزير صخر الفاظك
صخر پغضب بلا صخر بلا بتنجان انا وانتي هنام ف سرير واحد عجبك عجبك
عشق پغضب ولو معجبنيش
صخر بغمزة شدي في حواجبك عادي
عشق انت مستفز علي فكره وانا زعلانة منك
صخر وهو بيلدغ خدها اليمين وانا مقدرش علي زعل عشقي لازم اصالحك
عشق برتباك وخجل خلاااص م مش زعلانة
صخر بأصرار لا والله لازم اصالحك .. ولدغ خدها الشمال
عشق وهي تقريبا هيغمي عليها من الكسوف والخجل بالله ياصخر خلاص مش زعلانه والله يلا ننام
صخر مانا قولت كده من الاول
عشق بصتله پغضب واستسلام وعرفت انها مش هتقدر تغلبة في الكلام فسكتت صخر بص لشكلها اللي بقي زي الفراولة وڠضبها اللي شبه الاطفال وضحك من قلبه وبصوت عالي علي تصرفاتها خلاص متزعليش تعالي ننام
عشق بتحزير صخررر
صخر ب ابتسامه
حنونه هنام بس ياعشقي يلا غمضي عيونك الحلوين دول ونامي
عشق فعلا غمضت عيونها وراحت في النوم صخر طبع بوسه رقيقة علي دماغها ونام
أما بقى عند علي ف كان سهران في البلكونة في بيته اللي هو قصاد بيت صخر علطول قاعد بيفكر في مريم امتي هيقدر يصارحها بحبه ليها!! بيحبها من اول ماعرف يعني ايه حب
خاېف تكون مبتحبوش بس نظراتها ليه بيحسها حب!! هيعمل ايه لو رفضته! هي لسه مراهقه مشاعرها مش ثابته لازم يقول لصخر ان يفاتح مريم ف موضوع جوازهم على الاقل يخطبها!! اتنهد بصوت عالي وقال بصوت مسموع عايز تضمنها ياعلي!! اكيد لا! انا بس عايزها تحس اني بحبها ماهو انا عمري ماهتكلم معاها عن مشاعري ومفيش اي حاجة رسمي مابينا لا يمكن اخون صخر كفاية ان زمان فهمني صح ووقف جانبي
فلاش باااك
صخر بهدوء ممكن تهدى وتفهمني ضړبت زميل
مريم ليه انت كسرت ايد الولد ياعلي!
ايه اللي حصل لكل ده
علي بعصبيه يستاهل كسر رقبته كمان الواد البجح دا كان عايز رقمها وعمال يقولها بحبك يامريم ولما نكبر هتجوزك وقلت ادب ومسخر لااا وايه كان عايز
صخر وهو بيحاول ميضحكش علي طريقة علي بس دول اطفال ياعلي اطفااااال
علي بنرفزة بلا اطفال بلا نيله مريم لازم تتنقل من المدرسة دي وتروح مدرسة تانية وياريت تكون بنات بس
صخر بص ل علي كتير وركز في عيونة ودا وتر علي .. صخر انت بتحب مريم ياعلي
علي بصوت مهزوز طبعا بحبها مش زي اختي
صخر بس مش اختك!! سؤالي واضح ياعلي انت بتحب مريم حب راجل لست!
علي بأعتراف بحبها ياصخر بس عمري ماتجاوزت حدودي ابدا معاها انا لا يمكن اعمل حاجة تخسرنا بعض ياصخر انا عارف انها بالنسبالي عيلة بس لقتني بحبها ومن زمان اوي متزعلش مني ياصخر دي حاجة ڠصب عني
صخر انت حمار ياعلي
علي نعممممم
صخر بتاكيد ايوه حمار انت مفضوح اووي يالا دا حتي امي عارفة انك بتحب مريم اقولك ابويا الله يرحمة كان عارف انك بتحبها
علي پصدمة ازاي يعني
صخر مش بقولك مفضوح
علي طب جوزهالي ياصخر ينوبك فيا ثواب انا وحداني ويتيم وعايز حد يونسني
صخر وانا رحت فين ياحبيبي اونسك انا
علي بتحذير صخرررر
صخر خلاص اهدي ليطقلك عرق مفيش جواز الا لما مريم تخلص تعلمها او علي الاقل تكون في الجامعة البت لسه في اولي ثانوي .. وكمل بتحذير علي انا بعتبرك اخويا وهي مش بس اختي لا دي بنتي انا اللي مربيها اياك ثم اياك ياعلي تعبرلها عن حبك ليها او تتجاوز حدودك معاها انا اه بثق فيك بس
دي اختي وحته منه لو فكرت بس تعبرلها هساوي وشك بالاسفلت تمام
علي بغيظ تمام .. اصلا انا مكنتش هقولها حاجة
صخر بتريقة مانا عارف
بااااك
علي بتنهيدة لا انا كده عنست!! لازم اكلم صخر بقا انا هتجنن من قعدتي لوحدي
صباحا في غرفة صخر كان صاحي بدري وبيجهز نفسه عشان رايح الشركة قرب من عشق اللي لسه نايمة وبيصحيها برقة عشق .. عشقي
عشق وهي لسه مغمضة عيونها امممممم
صخر ب أبتسامة اصحي يا كسولة عندي ليكي مفاجأة
عشق قامت بسرعة بطريقة تضحك وشعرها منحكش وعيون بتلمع زي الاطفال مفاجأة ايه ها ها ها
صخر باسها من خدها ودا كسافها جدا هخدك معايا الشركة ومش بس كده لاا دا انتي هتشتغلي معايا كمان
عشق پصدمة وسعادة في نفس الوقت بجد ياصخر!! بجد بجد ولا بتهزر
صخر بضحك هههههه لا مش بهزر بتكلم جد وجد جدااا كمان ولا انتي مش عايزة تيجي! على العموم براحتك!!
عشق وهي بتقوم من على السرير وبتجري على اوضة اللبس الخاصة بيها مش عايزة دا ايه انت مش متخيل انا قد ايه كنت بتمنى اشتغل ثواني وهكون جاهزة .. وكملت ببراءة وبما انك خلصت وجهزت نفسك انزل بقا حضرلي الفطار
صخر پصدمة نعمممم!!! احضرلك الفطار
عشق بضحك وحياتي ياصخر معلش بس انا حاسة اني جعانة اوووي وكمان امبارح معرفتش اكل واكيد الكل نايم دلوقتي عشان خاطري ياصخر عشان خاطري عشان خاطري
صخر بحنية خلااااص كفاية زن احنا عندنا كام عشق يعني
عشق ب ابتسامة صافية قلبي ياناااس والله
صخر بضحك كلي بعقلي حلاوة اوووي
عشق بضحكة خطفت قلب صخر وخد بالك انت
صخر انا بقول انزل احضر الفطار بدل متهور وانا ھموت واتهور
عشق اتكسفت وسكتت ودخلت تلبس وصخر نزل على المطبخ
صخر واقف في المطبخ محتار مش عارف يعمل ايه!! اول مرة يدخل المطبخ اصلا!!
صخر بغيظ كان لازم العظمة تاخدني اووي واقولها هعملك الفطار هتصرف ازاي دلوقتي
انت بتكلم نفسك ياصخر!!
صخر اتفاجئ بصوت امه كريمة
صخر بهدوء صباح الخير ياست الكل
كريمة بحنان صباح النور ياحبيبي خير كنت بتكلم نفسك ليه!! واصلا بتعمل ايه في المطبخ!! انا اول مره اشوفك في المطبخ من ساعة ما اشترينا القصر دا!!
صخر بحرج لا ابدا اصل اا يعني عشق كانت عايزة تفطر وجيت احضرلها الفطار بس محتاس مش
عارف اعمل ايه
كريمة معلقتش عشان متزودتش احراج صخر بصتله بهدوء وقالت طب تعالى اما اساعدك
صخر بصلها ب امتنان وابتدا يساعدها في تحضير الفطار وبعد ما خلصوا
كريمة ها كده حلو ولا عايز تزود حاجة تانية
صخر بمرح فطار ملوكي والله تسلم ايدك ياست الكل
كريمة تسلم من كل شړ حبيبي.. بس قولي انتوا مش هتفطروا معانا ليه!! رايحين فين كده!!
صخر انا وعشق رايحين الشركة
كريمة باستغراب طب انت وفهمناها لكن عشق رايحة معاك ليه
صخر بتوضيح لانها هتشتغل معايا وقبل ماتعترضي عشق لازم تشتغل وتخطلت بالناس .. عشق شخصية ضعيفة وطيبة بسذاجة ودا لانها محپوسة جوه قوقعة وانا عايزها تطلع منها عايزها تعيش يا امي وبعدين متقلقيش هي طول الوقت هتكون جوه عيوني
كريمة بثقة انا مبقلقش عليها طول ما انت معاها ياصخر نفسي تعرف كل حاجة ياصخر!! عشق بتكرهه الكدب وقالت لمريم مش بتسامح
اللي بېكذب عليها واحنا كلنا كذبنا عليها .. الله اعلم رد فعلها هيكون ايه لما نقولها علي
كل حاجة انا مړعوپة تبعد عننا ياصخر!! خاېفة تكرهنا!! خاېفة متصدقناش اصلا!! خاېفة تفتكر اني سبتها بمزاجي!! خاېفة اوووي ياصخر
صخر ضمھا لحضنة بيحاول يطمنها او يطمن نفسه!!
صخر بهدوء مټخافيش انا هحل كل حاجة ان

—

شاء الله كل حاجة هتكون كويسة وعشق هتعزرك وهتعوف انه ڠصب عنك عشق طيبه ومستحيل تزعل منك
ازعل منها ليه!
ودا طبعا كان صوت عشق اللي واقفة بتبصلهم ب أستغراب
صخر اتوتر وقلق تكون سمعت كلامهم من الاول بس ملامحها الهادية طمنته انها مسمعتش غير اخر كلامهم
ف بعد عن امه بهدوء وكريمة مسحت دموعها من غير ما عشق تشوفها
صخر ابدا ياستي ماما قلقانة لتزعلي منها عشان مفيش جبنة
عشق بدهشة جبنة!! هههههه بجد حضرتك مفكره ان ممكن ازعل منك عشان مفيش جبنة!
كريمة ب أرتباك اصلي عارفة انك بتحبيها
عشق عرفتي منين!
كريمة اتوترت وعشق كملت اكيد لاحظتي مبكلش غيرها ع الفطار صح!!
كريمة اتنهدت ب ارتياح صح فعلا
صخر لنفسه يخربيت طيبتك ياشيخة معقول صدقتي الكدبة دي!! دا لو عيل ف ابتدائي مش هيصدقها!!
واتكلم بصوت عالي طب يلا عشان نفطر ومنتاخرش على الشركة
عشق ست الكل هتفطر معانا
كريمة ضمتها لحضنها افطروا انتوا بالف هنا انا هستني مريم
عشق وصخر فطروا مع بعض وصخر كالعادة بيأكل عشق بأيدة
عشق ب ارتباك علفكره انا مش صغيرة وبعرف اكل لوحدي
صخر عارف
عشق ولما انت عارف بتاكلني بأيدك ليه!
صخر ببرود مزاجي كده
عشق لا والله!!
صخر اه والله
عشق رخم
صخر سمعتك
عشق بلا مبالاة ميهمنيش
صخر انتي قد الكلام ده!!!
عشق بتحدي قدة ونص
صخر بمكر حسابنا بالليل
عشق پخوف حاولت تدارية انا شبعت يلا نمشي
صخر يلا
مسك ايديها وطلعوا
ركبوا عربيتة وانطلقوا للشركة
صخر وعشق وصلوا لشركة السيوفي .. صخر كان ماسك عشق من ايديها وماشي وسط المواظفين واريح على مكتبة .. نظرات البنات لعشق كان معظمها غيرة وحسد اذا كان من جمالها او انها مع صخر والعكس صحيح على الموظفين اللي انبهروا بجمال عشق وحسدوا صخر عليها .. وفي سؤال حير الكل! مين دي اللي مع صخر السيوفي!!
عشق كانت حاسه ان كل العيون مرقباها ودا خلاها تتوتر جدا هي مش متعودة تكون محط الانظار بالشكل ده صخر حس بيها من ايديها اللي بتترعش بين ايديه بصله بحنان وقال اهدي ياعشقي متخفيش مفيش حاجة انا معاكي
عشق حاولت تهدى كلام صخر طمنها ازاي بيقدر يهديها بالشكل ده!
صخر اخيرا وصل لمكتبه دخل ومعاه عشق لقي علي موجود في المكتب
عشق انبهرت بمكتب صخر اللي اقل مايقال عنه انه رائع! غير ان مساحته كبيرة جدا الديكور عجبها جدا وفي بابين ف المكتب من جوة انتبهت لصوت صخر
صخر ب استغراب علي!! خير انت هنا بتعمل ايه
علي طب قول صباح الخير الاول صباح الخير ياانسه عشق
عشق صباح النور يااستاذ علي
صخر پغضب خيييير ياعلي ع الصبح اخلص
علي بتوتر من نظرات صخر لا ابدا كنت عايزة اتكلم معاك في موضوع كده بس مش وقته نتكلم ب الليل هاجي اتعشي معاكوا
صخر بشك مش مرتحلك
علي انت اصلا مبترتحش لنفسك هترتحلي انا!!
عشق ڠصب عنها ضحكت وبصوت شبه عالي
صخر پغضب اطلع بررره يالاه
علي تشكر يازوق عن اذنك ياعشق هانم
وطلع من المكتب بيجري عشق ضحكت تاني بس بصوت عالي
صخر بغيظ لا والله!! عجبك اللي بيحصل اووي
عشق وهي بتحاول توقف ضحكتها دمه خفيف والله بحب علاقتكم انتوا ل اتنين
صخر بتحزير اياكي ياعشق ثم اياكي اشوف بتكلمي اي راجل هنا حتي علي شوفي اياااكي
عشق ب استغراب اومال هشتغل ازاي لو مكلمتش رجالة ي صخر هو مش في موظفين رجاله وبعدين انت مالك اكلم مين ولا مكلمش مين!!!
صخر پغضب انا جوزك ياعشق جوزك والمفروض تحترميني
عشق وانا امتي محترمتكش ياصخر!! انت اللي بتقول كلام غريب وملهوش علاقة ببعضه!! لو من الاول مش عايزني اكلم حد جايبني هنا ليه ولا ناوي تهني قدام الموظفين
صخر پصدمة اهينك
عشق اومال معني تصرفك دلوقتي ايه
صخر اتنهد بصوت عالي
عشق انا مش عايز اهينك ابدا انا بس بغي
مكملش كلامه وسكت عشق باستغراب كمل سكت ليه
صخر مش لازم نتخانق ياعشق علي الاقل مش في الشركة لما نروح نبقا نكمل كلمنا ودلوقتي تعالي اوريكي مكتبك .. مسك ايديها وراح عند باب من اللي موجودين في مكتب صخر من جوة وفتحه اتفاجئت ان دا مكتب صغير نوعا ما جوة مكتب صخر بصتله باستغراب وقالت هو دا مكتبي
صخر ايوه هو مش عاجبك ولا ايه احنا ممكن نغير اي حاجة انتي مش حباها
عشق لا ابدا هو حلو وحلو جدا كمان انا بس مش عارفة هشتغل من هنا ازاي! انا على حد علمي ان السكرتيرة بتنظم مواعيد المدير بتدخله العملاء كده يعني وانا عشان اعمل كل ده لازم اكون بره مكتبك مش جوه