الجزء الثاني من رواية أماني سيد

دهبيه : هخلي اعراض الحمل اللي كنت بداريها تبدا تظهر والباقي هقول لك عليه في ساعتها
ايه : طيب عرفتيه انك اتقبلتي في الكليه وهتكملي تعليمك
دهبيه : لا ما قلتلوش حاجه انا كنت رايحه عشان اقول له واعرفه لكن اتفاجئت انه عريس وبيتجوز
ايه : ربنا معاكي يا قلبي وما تنسيش تعدي عليا عشان تتابعي معايا الحمل
(((ايه دكتوره نساء وولاده وصاحبه دهبيه من ساعت ماكانوا اطفال))))
دهبيه : تمام انا هقفل بقى عشان انام
ايه : تصبحي على خير يا حبيبتي
دهبيه : وانت من اهل الجنه
العربيه عند زيدان
زينب : صحيح يا معلم هتقول لدهبيه امتى على جوازنا
زيدان كان سرحان في نظرات ذهبيه لي وانتبه على صوت زينب
زيدان: مش دلوقتي خالص يا زينب
زينب: امال هنسافر شهر العسل امته
زيدان: الجمعه الجايه على طول يعني كمان يومين كده
زينب : بجد والنبي يا معلم
زيدان: اه جهزي نفسك بقى
هياتم : صحيح يا معلم هي زينب هتفضل قاعده معايا بعد الجواز في الشـ،ـقه
زيدان: هو انت فاكره تسالي السؤال ده دلوقتي يا هياتم
هياتم بارتباك: لا يا معلم انا واثقه فيك انك مش هتاكل حق بنتي بس بطمن انما انا اشيلكم على راسي
زيدان: انا هشتري يا هياتم الشـ،ـقه اللي فوقك وهتفضى اول الشهر ولما تفضل نخلي العروسه تفرشها على ذوقها
هياتم: نعم ايه الكلام ده يا معلم يعني دهبيه تعيش في شـ،ـقه يرمح فيها الخيل ما يجيبش اخرها وانا بنتي تقعدها معايا في اوضتين وصاله هو ده العدل يا معلم بين مرتات اقل شيء تجيب لبنتى شـ،ـقه زي القعده فيها دهبيه
زيدان : انا فاكرك هتفرحي عشان بنتك هتقعد جنبك
هياتم : افرح لما بنتي تكون جنبي اه لكن ازعل لما الاقيك مفضل ضرتها عليها
زيدان: انت عايزه ايه يا زينب
زينب : عايزه شـ،ـقه حلوه زي القعده فيها دهبيه
زيدان: طب وامك
زينب : تيجي تزورني وتبقى تقعد معايا الايام اللي انت مش هتكون موجود فيها وبايت عند دهبيه
زيدان: حاضر يا زينب هعمل لك اللي انت عايزاه
بعد ما وصل زيدان زينب وامها راحه على شـ،ـقته اللي فيها دهبيه ولقى دهبيه نايمه دخل اخذ شاور ونام جنبها وصحي بعديها بسبب صوت ترجيع وحد بيقل في الحـ،ـمام ومالقاش دهبيه جنبه على السـ،ـرير
زيدان: ايه يا دهبيه مالك في ايه
دهبيه : ما فيش شكل جالي برد في المعده
زيدان: طب يلا نلبس ونروح المستشفى نطمن عليك دلوقتي
دهبيه : لا انت اطله بره دلوقتي وسيبني
زيدان: حس انها مش عايزاه يشوفها كده فراح عليها استحاله طبعا اسيبك كده يلا وغسل لها وشها وخرج بيها دهبيه اسمعي الكلام يلا نروح المستشفى انا اول مره اشوفك كده
دهبيه : لا انا دلوقتي افضل بعد الترجيع لكن لو فضلت كده تعبانه بكره تانى هبقى اروح اكشف
زيدان: طيب هنستنى للصبح ونشوف
رجعوا ناموا و تاني يوم الصبح دهبيه صحيت صحتها افضل
زيدان: عامله ايه النهارده
دهبيه : احسن ممكن اكون تقلت امبارح الحلويات عشان كده ده حصلى
زيدان: طيب الحمد لله بقول لك ايه يا دهبيه انا يوم الجمعه ان شاء الله هسافر كده اسبوع ولا حاجه هنزل اجيب عجول ومحتاج اشوفها بنفسي واطمن على صحتها
دهبيه : تروح وترجع بالسلامه
زيدان: مش نفسك في حاجه اجيبهالك وانا جاي
دهبيه : هو انت مسافر شغل ولا تتفسح لا سافر انت بالسلامه مش محتاجه حاجه
زيدان: طيب انا نازل دلوقتي رايح الشغل محتاجه حاجه اجيبها لك معايا وانا جاي
دهبيه : لا انا هقابل ايه وهننزل نشتري شويه حاجات كده
زيدان : محتاجه فلوس
دهبيه : لا الخير كتير يا معلم تسلم
خرج زيدان راح الاول لزينب وجاب لهم طلبات البيت ومشي بعد كده راح الشغل
دهبيه خرجت راحت لايه العياده الاول عشان تطمن على الحمل
ايه : مبروك يا دهب هب عايزه كم واحد
دهبيه : كم واحد ايه ده انا نفسي في واحد بدعي ربنا بقىالى تسع سنين يرزقني بيه
ايه : سبحان الله كرم ربنا كبير يا دهبيه انت مش حامل في واحد انت حامل في ثلاثه
دهبيه بعياط : بجد والنبي
ايه : اه يا قلبي بجد بصي اهم وسمعتها نبضهم واطمنت عليهم على فكره انت كده حامل وشهر ونص شهرين ونص كمان ونعرف نوعهم ايه
دهبيه : بقول لك ايه انام على السـ،ـرير ما اتحركش خالص صح مش انت بتقول كده للحوامل
ايه : هههههههههههه لا طبعا اتحركي واخرجي واعملي كل حاجه بس بحدود واوعي تنطي اوعي تعملي اي حاجه وابعدي تماما عن القرفه هديكي ورقه فيها التعليمات تمشي عليها بالظبط وهتاخدى كل يوم الصبح برشامه الفوليك اسيد دى برشامه هنمشي عليها اول ثلاث شهور
دهبيه : طب يلا ننزل نجيب شويه هدوم وحاجات انا عايزه افرح عايزه احس اني حامل عايزه افرح بحملي
ايه : طيب بس استني الاول لما نعرف نوع البيبي ايه عشان تقراري هتجيبي هدوم بناتي ولا اولادي
دهبيه : طيب بصي احنا ننزل نشتري فساتين حلوه وواسعه عشان لما اتخن تيجي مقاسي عايزه ابقى مستعده من دلوقتي
ايه : طيب يلا بينا
خرجت ايه وذهبيه وراحوا الكوافير واشترت دهبيه كاشات منزليه حلوه وقصيره ومريحه والوانها جميله جدا مبهجه واشترت الفساتين خروج جميله وواسعه وغاليه واشكالها مبهجه عشان تخرج نفسها من حاله الحزن وتحس بفرحه انها حامل وقالت اايه خطتها اللي هتنفذها معاه بكره
رجع بالليل زيدان شاف دهبيه انبهر من جمالها في اللوك الجديد اللي هي عاملاه كانت لابسه كاش مايوه جنزاري في ورد اسود حمالات رفيعه مبين بياضها وكانت فرده شعرها كله من غير اي توك والكوافيره كانوا عاملينلها تنظيف عميق للبشره فكانت بشرتها صافيه وجميله وشكلها حلو من غير اي ميك اب وكانت حاطه كحل اسود ومسكره فكان شكلها ياكل العقل
زيدان: ايه الجمال ده يا دهب
دهبيه : بقالك كتير ما قلتليش يا دهب
انا جهزت لك الشنطه تمم عليها عشان لو في حاجه ناقصه احطها لك فيها
زيدان باس ايديها تسلم ايدك يا دهب
دهبيه : صحيح يا زيدان ابو محروس اتصل عليك النهارده ولما ماردتش عليه كلمني
زيدان اتوتر وبان عليه ودهبيه كملت بيقول لك الشـ،ـقه هتفضى بكره لو عايز تخلص بكره هو موجود الا صحيح يا معلم هو انت عايز تشتري الشـ،ـقه دي ليه
زيدان: اهو عقار قيمته فيه وانا بعد كده غيرت رايي بس لسه ما كلمتوش عشان كنت مشغول بفكر اخد في مكان افضل واركنها
دهبيه : طب ايه بعرفوا بقى انك مش عايزها لان هو كان بيقول انك مستعجل عليها
وده كله عشان يناموا وحاول زيدان يقرب منها وهي عملت نفسها تعبانه وسابته ونامت وهو اخد شاور بارد عشان يعرف ينام
جه تاني يوم الصبح دهبيه صحيت تعبانه وزيدان صحي تاني على صوتها وهي بترجع
زيدان: ذهبيه انا مش هستنى اكتر من كده يلا نروح المستشفى دلوقتي
دهبيه : ما لوش داعي اتصل بايه الاول تيجي تكشف عليا لو قالت محتاجه اروح المستشفى يبقى اروح
زيدان اخذ تليفون ذهبيه واتصل بنفسه بايه وعدى نص ساعه وايه جت وادي الدهبيه اختبار حمل عشان تعمله
خرجت ايه مبتسمه للمعلم زيدان
ايه : اتفضل يا معلمو
زيدان: ايه ده
ايه : سبب تعب دهبيه
زيدان: مش فاهم
ايه : ذهبيه حامل وده اختبار الحمل
زيدان بفرحه مش سايعاه انت بتتكلمي جد يا دكتوره
ايه اه يا معلم لما انت قلت لي الاعراض في التليفون انا شكيت ولما جيت اديتها الاختبار عشان تتاكد وطلع الحمد لله حمل
زيدان سجد شكر لله من الفرحه وبعدين دخل جري على دهبيه
زيدان: يلا قومي يا دهبيه دلوقتي عشان نروح المستشفى
دهبيه : لازمتها ايه ما احنا اطمنا انا هبقى احجز واروح
زيدان: لا عشان نتاكد ولو فعلا حمل نشوف المطلوب ونبدا ننفذه من دلوقتي
ايه : اهدى يا معلم هي هتاخد الفوليك اسيد وبعدين لما تكشف هنطمنك اكتر ان شاء الله
زيدان: لا مش هستنى لازم اتاكد وراح طلع هدوم ذهبيه بنفسه وساعدها تلبس وراحوا المستشفى وهناك عرف انها حامل في ثلاث توائم فرحته زادت وحلف ليد. بح تلات عجول ويوزعهم لله
ايه : شفت بقى ازعل لانك شاكك في قدراتك يا دكتوره دلوقتي
زيدان: حقك عليا دكتوره بس كنت عايزه اطمن ويا ستي طول فتره الحمل تتابع معاكي زي ما هي ما عايزه
وبص لدهبيه . يلا بينا نروح يا ذهبيه ومش عايزك تتحركي من مكانك خالص وهم ماشيين ذهبيه طلبت منه انه ما يعرفش اي حد بحملها نهائي
دهبيه : بقولك يا زيدان مش عايزه اى حد يعرف بالحمل نهائى
زيدان: ليه يا دهب هى دى حاجة تستخبى
دهبيه : لا استنى لما الحمل يثبت الاول
دهبيه بمسكنه هتسافر برضو يا زيدان
زيدان: للاسف يا دهبيه مدي كلمه للناس
دهبيه : بصتله بحزن لانه فضل سفره مع زينب عليها وقالتله براحتك يا معلم
روح زيدان المذبح عشان يذبح العجلين بنفسه ويوزعهم بنفسه على الناس الغلابه
وبعدين راح لزينب عشان يحاول ياجل معاها موضوع
السفر
زيدان: بقول لك يا زينب ايه رايك ناجل السفر اسبوع او اسبوعين كده
زينب : ليه
زيدان: اصل دخبيه تعبانه ومش عايز اسيبها لوحدها
زينب بغيره : على فكره تلاقيها بتمثل عليك عشان ماتسافرش
زيدان : لا هي مش بتمثل هي فعلا تعبانه بجد
زينب : ايش عرفك اخذتها للحكيمه وقالت لك كده
زيدان: اه اخذتها وطلعت حامل
زينب بصدمه : ازاى استحاله وبعدين سكتت خافت لتقع بلسانها فى الكلام ( هنعرف في الاحداث ليه هما عارفين ان ذهبيه استحاله تحمل)
انت بتقول ايه ازاي هو الحمل ده ظهر كده مره واحده دلوقتي
زيدان : في ايه يا زينب ما تتكلمي عدل
زينب : على فكره يا زيدان دهبيه عارفه اننا متجوزين
زيدان: انت بتقولي ايه استحاله طبعا وبعدين هتعرف من مين
زينب : وانا بقول لك ذهبيه عارفه ان احنا متجوزين واحتمال الحمل ده يكون لعبه مش صاحبتها برضو هي اللي كشفت عليها وقالت لك ان هى حامل
زيدان: فعلا ايه هي اللي قالت لي بس برضو دهبيه هتعرف منين
زينب : اقطـ،ـع ذراعي من هنا اما كانت عارفه هي بتعمل كده وعامله نفسها ما تعرفش عشان انت تفضل عايش بالذنب انك مداري عليها روح اسالها يا زيدان واتاكد
زيدان : فكر في كلام زينب وحاسس ان كلامها صح بسبب نظرات ذهبيه اللي ما كانش عارف يفسرها وقرر انه يسالها ويصارحها عشان يخلص من الحمل اللي على كتفه انه مخبى عليها وفي نفس الوقت يتاكد اذا كانت عارفه ولا لا
ساب زيدان زينب ومشى وراح لدهبيه
زيدان: دهبيه كنت عايز اسالك على حاجه
دهبيه : طيب مش تطمن على عيالك الاول
زيدان: تجاهل كلامها وسالها دهبيه انتى تعرفى انى كاتب على زينب
والفصل كده خلص يا نجماتى
توقوعاتكم بقى دهبيه هتقوله انها عارفه ولا هتنكر ؟

البارت الرابع

دهبيه بصتله بصه طويله جدا وهي ساكته وما كانتش متوقعه انه هيقولها بالسرعه دي اتكلمت ببطء
سبت بنات حواء كلهم ورحت لبنت مرات ابويا وتتجوزها
زيدان: ردي على سؤالي تعرفي ولا لا يا دهبيه
دهبيه : عايز تعرف
زيدان: ايوه طبعا موضوع الحمل ده كمان حقيقي ولا كذبه
دهبيه : ???????? اتصدمت وبعد كده ضحكت بعلو صوتها لحقت بنت هياتم تشكتك فيا في مراتك اللي تعرفها بقالك 10 سنين يا خساره يا الف خساره انت بعت ببلاش
زيدان: قصدك يا دهبيه ردي عليا و كنتى تعرفي ولا لا
دهبيه : اول حاجه انا حامل فعلا يا معلم يا اللي بتوقف رجاله في شنبات ومخك يوزن بلد انا حامل اللي شفت بعينك ولادك في السونار وسمعت نبضهم وبكلمه من بنت هياتم غمضت عينك وسديت ودانك وجاي تشك فيا وفي اني حامل ده انت حتى ما هانش عليك تسالني انت عامله ايه واولادي عاملين ايه تاخد تقولي تعرفي اذا كنت اتجوزت ولا لا ????????
زيدان: طيب كنت تعرفي ولا لا ريحيني يا دهبيه
دهبيه : هجاوبك على كل حاجه بس مش دلوقتي
زيدان: طيب امتى يا دهبيه
دهبيه : اول ما تبعث لي ورق الطـ،ـلاقي ودلوقتي هخلي الشغاله تلم لك هدومك وتسيب البيت وتروح تقعد عند العروسه الجديده
زيدان: انت بتطرديني من بيتي يا دهبيه
دهبيه : خلاص طالما بيتك يبقى انا اللي هخرج من البيت اصل البيت ما بقاش يسعنا احنا الاثنين
زيدان: دهبيه انا عمرى ما هطلـ،ـقك ولا هسيبك انا مقصدش انه بيتى وانتى اللى تخرجى
دهبيه : هى طلعت منك وقت غضب وقلتها ده بيتى وصدقت واحده عشرة يومين على واحده عشرة سنين
زيدان: من حقى اعرف الحقيقة
دهبيه : طلـ،ـقنى ولما تطلـ،ـقنى هقولك كل الحقايق
زيدان: خلاص يا دهبيه مش عايز اعرف حاجه بس مش هطلـ،ـقك
دهبيه : بس انا عايزاك تعرف وهتطلـ،ـقنى غصب عنك
زيدان: غصب ازاى يعنى
دهبيه : هخـ،ـلعك وشوف شكلك وانت وسط السوق لما يعرفوا انوالمعلم بتاعهم اللى ممشيهم مخلوع
زيدان: يا دهبيه بلاش فى لحظه غضب تبيعى عشره سنين
دهبيه : انت اللى بعت وخنت ورحت اتجوزت الد اعدائى ومش بس كده ائتمنك على سر وقولتلك متقولش لحد انى حامل ورحت قولتلها وشككتك فيا وفى حملى و مخفتش عليا يعملوا فيا حاجه وبعت عشرت سنين عشان واحده مالبسهاش فى رجلى اامنلك تانى على نفسى ازاى وانت خـ،ـاين انا مش هأمن على نفسى معاك تانى
اول ما خلصت كلام راح لاطشها بالقلم على وشها
دهبيه : ???????????? بصتله بذهول وقالتله كلمه واحده بتضـ،ـربنى عشانها وسابته ودخلت قوضتها قفلت على نفسها وزيدان حاول يجرى وراها عشان يلحقها ويحاول يراضيها بس معرفش. استغبى نفسه على كل حاجه قالها وعملها معاها وندم انه ضـ،ـربها بس هو ضـ،ـربها عشان قالت عليه انه خـ،ـاين وهو مش كده هو حقه يتجوز واتجوز
دخل البلكونه وفضل يشرب سجاير لحد الصبح وبعد كده نزل وراح السوق وزينب فضلت تكلمه وهو يكنسل عليها وفى الاخر هملها بلوك هى وامها لانه مخنوق ومش قادر يكلم حد
عند دهبيه
لمت كل هدومها واخدت دهبها كله وكل حاجه تخصها وسابت البيت ومشيت وكلمت ايه وراحتلها
ايه : ايه ده حصل ايه
دهبيه حكتلها كل اللى حصل
ايه : وانتى ناويه على ايه
دهبيه: هطلـ،ـق منه طبعا
ايه : بسهوله كده بعد ما بينكم عيال
دهبيه : طول منا على ذمته هما فى خطر انتى ناسيه
ايه : طيب خليكي هنا وابعدى عنهم
دهبيه : لا دانا هروحلهم فى عقر دارهم
اتصلت على ابو محروس وقالتله انها هتشترى الشـ،ـقه بدل المعلم زيدان وفعلا ابو محروس فضى الشـ،ـقه
ايه بقولك ايه انا عايزه مهندس ديكور شاطر يشطبهالى فرش وتوضيب فى أسبوع
ايه : بس كده غالي و الطلب رخيص
دهبيه : اليوم كله عند ايه وهي قافله التليفون بتاعها
عند المعلم
رجع البيت على المغرب ودخل الشـ،ـقه ومالقاش دهبيه في انتظاره زي كل يوم افتكر انها زعلانه راح قاعد على الكنبه في الصاله بيفكر هل لو دهبيه خيرته بينها وبين زينب يا ترى هيختار مين هو مش هيقدر يسيب عشان ابوها وعشان وقفتها جنبه ودلوقتي عشان هي ام ولاده وزينب هو حاسس انها ضعيفه ومحتاجه له وهو محتاج يحس انه الاقوى بس الاحساس ده مش هيقدر يتخلى عنه بعد موعدها انه هيفضل جنبها وغير كده هي بتكمل حاجه ناقصه في دهبيه مش عندها هى الضعف هو شايف ان زينب ضعيفة ومكسـ،ـوره الجناح
قام يدخل عند ذهبيه عشان يحاول يراضيها يمكن تكون هديت لكن اتفاجئ ان ما فيش اي اثر لاي حاجه ليها كانها ما كانتش عايشه معاه زيدان بقى عامل زي المجنون عمال يلف في كل الشـ،ـقه مش متخيل انها مشيت عمال يبص على كل ركنه في الشـ،ـقه لما كانوا بيهزروا لما كانوا بيلعبوا سوا ولما كان يقعد يحكي لها مشاكله وهي تحلهاله لا لازم يتصرف بيرجعها تاني باي شكل دخل المطبخ سال عليها شغالين قالوا له انها مشيت من بدري ندم ان هو نزل راح الشغل وسابها عدى ساعه ووصله رساله جياله على الموبايل من رقمها بتقول
زيدان ما تدورش عليا انا محتاجه اقعد مع نفسي وهرجع من نفسي بس مش هرجع لك وسبتلك بيتك فضيتهولك للعروسه الجديده اللي اكيد طلبت منك واحدة زيها فبدل ما تكلف نفسك اهو موجود وخلال الاسبوع ده تكون طلـ،ـقتنى وجهزت ورقتي عشان اخدها منك لانها لو ما جهزتش هخلـ،ـعك وروح ليها اكيد كنت مسافر معاها مكنتش مسافر في شغل كنت مسافر شهر عسل روح كمل شهر عسلك معاها اللي فضلتها عليا انا واولادك وسبتني وانا تعبانه وكنت هتسافر معاها
حاول كتير اتصل عليها لكن هي عامله له بلوك
ثاني يوم الصبح نزل يدور عليها في كل مكان مش عارف يوصل لحد من صحابها لانه ما يعرفش حاجه عنهم ولغى سفره مع زينب وده خلى الغل يزيد عندها هي وامها اكتر
عند الحيه وامها
زينب : شفت ياما دهبيه خلته عامل ازاي و بيدور عليها زي المجنون
هياتم : شفتي يا اختي اكيد عامله له عمل
زينب: طيب انا اعمل ايه دلوقته
هياتم : انزلي روحي له المحل هناك وهو هيكلمك وقتها غصب عنك
زينب : الا صحيح ياما مين هيسكن في الشـ،ـقه اللي فوق دي
هياتم : الله اعلم ابو محروس ما قالش حاجه واختفى مره واحده من ساعه ما باعها
زينب لبست وراحت لزيدان المحل
زيدان: ايه اللى جابك هنا يا زينب المحل ده اكل عيش
زينب : انت بطلت تسال قلت اسال انا
زيدان: امشي يا زينب دلوقتي وانا هعدي عليك كمان ساعتين
مشيت زينب وعدى ساعتين وزيدان راحلها
دخل البيت وساب باقي الشـ،ـقه مفتوح لان هو كان كل ما يخشلهم يفضل سايب مفتوح فدي عاده بالنسباله
هياتم : بقى كده يا معلم بنتي تستاهل منك كده من ساعه ما اتجوزتها وهي ما فرحتش زي اي عروسه
زيدان : بنتك اتجوزتني وهي عارفه ظروفي جايين دلوقتي تشتكوا ليه
زينب : بس انت ما قلتليش انك هتسيبني بالاسبوع من غير ما تسال عني وكنت واعدني بالسفر وما سفرتنيش
زيدان: عشان عندي ظروف ومش فاضي قدري وهم بيتكلموا وقفت الذهبيه على البيت وزينب بصيت لها
زينب : طب يا معلم لو دهبيه رجعت وخيرتك بينا هترميني بسهوله كده بعد كتب الكتاب
زينب : لا طبعا يا زينب عمري ما هطلـ،ـقك احنا مش بنلعب
دهبيه : دخلت دهيبه على الكلمه اللي قالها.
مش محتاج يطلـ،ـقك لاني مش هخيره بيني وبينك لان انا اللي هسيبهولك انا محدش يشاركني حاجتي
زيدان: ذهبيه كنت فين يا دهبيه تعالي نروح على بيتنا نتكلم فيه
دهبيه : ورقتي جهزه
زيدان: مش هطلـ،ـق يا ذهبيه قلت لك مش هطلـ،ـق
دهبيه : بس هي خيرتك وانت اخترت
زيدان: انا ما اخترتش انا مش هطلـ،ـقك
دهبيه : يبقى انت اللي اخترت بصت لزينب وهياتم قدامكم شهر واحد وتشوفوا مكان ثاني وتغوروا من هنا
هياتم : انت اتجننتي ولا ايه يا دهبيه هتطردينى من بيتي
دهبيه بضحكه مجلجله : بيتك ايه يا ام بيت انا كنت سايباكم رحمه ونور على روح ابويا لكن انتم ما تستاهلوش وبعدين المعلم اهو جوز بنتك يجيبلكم بدل البيت 10 بيوت
زينب : انت اتجننتي امي ليه في البيت ده زي ما انتى ما ليكي
دهبيه : لا يا قلب امك البيت ده بتاع امي الله يرحمها وابويا الله يرحمه كان عامل لي تنازل عن نصيبه في البيت
رمت الكلمه وسابتهم ومشيت وزيدان خرج جري وراها واتفاجئ انها بتطلع السلم اللي فوق
زيدان: ليه يا دهبيه كده ارجعي وانا اعملك اللي انت عايزاه واقعدي في البيت وانا هسيبه وامشي مش عارف اقعد في البيت من غيرك
دهبيه : لا انا جيت الشـ،ـقه دي وهقعد فيها وكمان عشان اعرف اتابع شغلي
زيدان: اعملي اللي انت عايزاه لو ده هيريحك وانا موافق انك ترجعي الشغل تاني بس ارجعي البيت يا ذهبيه كفايه عقاب بقى يا دهبيه
دهبيه : انت اخترتها مرتين مره لما سبتني تعبانه وقررت انك تسافر معاها شهر العسل ومره ثانيه دلوقتي لما قالت لك لو خيرتك هتختار مين قلتلها مش هطلـ،ـقك
زيدان: هي ما تقدرش تخيرني بينك وبينها لان هي عارفه ان مش هقدر استغنى عنك
دهبيه : مش فارقه كتير كونك سبت بنات العالم كله واخترت دي عليا ده سبب انى ما اغفرلكش يمكن لو واحده تانيه كنت قلت ماشي معلش نفسه في عيل كنت هسامحك انما دي لا انا ما حدش اذاني غيرهم ولحد دلوقتي بياذوني
زيدان: عملوا لك ايه وانا جوزك حقك
دهبيه : ما عادش ينفع الاول كنت اخاف اقول لك تتهور عليهم بس الظاهر اني كنت غلطانه
زيدان: طيب قولي لي وشوفي هعمل ايه
دهبيه : لما تطلـ،ـقني طلـ،ـقني انا مابقتش مامنالك طلـ،ـقني
زيدان: يا دهبيه مش قادره انطقها مش عايزه اسيبك
دهبيه : يبقى هكلم المحامي اذا اتفقت معاه وبكره هيوصلك انذار الخـ،ـلع
زيدان: انتى طالـ،ـق يا دهبيه ارتاحتى
اظن من حقي دلوقتي اعرف بقى اعمله لك ايه وكنت تعرفي ولا لا
دهبيه خرجت التليفون ووريته الصور بتاعه كتب الكتاب
والفيديوهات ومش بس كده سماعات التسجيل بتاعه البلكونه اللي بيعترف فيه انه بطل يحبها ????????????
البارت خلص ايه رايكم نجماتى
وحابه أوضح حاجه عشان اللى بيقولواى ان الكـ،ـفر مش مناسب للقصه اولا دهبيه كانت ثانويه عامه وصاحبتها دكتوره وهى مكملتش عشان ظروف هقولها فى الحلقات القادمة
ثانيا المعلم ده متخرج من كليه يعنى كان بيلبس جينز ومازال بيلبس جينز وكده هما تفكيرهم بس اللى شعبى شويه انما هما فى العادى ناس زينا

البارت الخامس