الجزء الثاني من رواية أماني سيد

زيدان: يعني كنت عارفه وموافقه وساكته طب ايه اللي خلاكى تغيري رايك دلوقتي
دهبيه : انا ما كنتش موافقه انا كنت مديالك فرصه الاول قلت لنفسي اتقالي يا بنت دى نزوه ده بيحبك انتة لكن لقيتك بتعترف بلسانك انك بطلت تحبني قلت اصبري يمكن حلاوه البدايات لكن لقيتك خايف عليها بتجيبها وتوديها عشان خايف تخرج لوحدها مع انك بتسيبني اخرج لوحدي عادي قلت معلش بقيت اديك عذر قلت يمكن بيعمل كده عشان خاطر عايز عيل من صلبه حقه ومالوش دخل في الماضي اللي بينا وسكت فضلتها عليا انا وولادك وكنت واخدها ومسافر وانا تعبانه كتمتها في نفسي وعديت عشان خاطر العيال ما يطلعوش بين ابوهم لكن الاقيك جاي وبكل بجاحه بتشكك فيا وتطلع اسراري بره وبتتهمني اني كدابه وتضـ،ـربني عشانها عشان غلطت فيها يبقى لا بقى لا عاش ولا كان اللي يحاول يقل مني يازيدان او يطلعني واحده خـ،ـاينه وكذابه مع ان في الحقيقه انتم الى خـ،ـاينين وانتم الكدابين وانانيين افتكر دلوقتي كده ان اللي بينا خلص واللي يخصك عرفته اتفضل اطلع بره هو ورقتي توصلني وانت عرفت مكاني فين دلوقتي عشان تبعتلى ورقتى عليه
زيدان: انا اسف يا دهبيه حقك عليا كلامك كله صح طيب اديني فرصه كمان حتى عشان خاطر ولادنا
دهبيه : انا كنت مديالك فرص لكن انت ضيعتها اتفضل بقى امشي ورا كلامها خليها تنفعك وسيبني في حالي
زيدان: يا دهبيه ارجعي عن اللي في دماغك واللي انت عايزاه انا هعملهولك
دهبيه : ما انا عملت اللي انا عايزاه وانت طلـ،ـقتني واللي ليك عندي ولادك هخليك تشوفهم مره في الاسبوع اليوم اللي انا هحدده وعندك زينب روح خلف منها بدا العيل 10 انما انا خلاص انسى
زيدان: طب يا دهبيه قوليلي عرفيني عملوا معاكي ايه
دهبيه : ما بقاش يخصك انت رميت نفسك عليهم يبقى كمل للاخر وما تحاولش تعرف اي حاجه عني واتفضل اطلع بره
خرج زيدان وهو بيستغبى نفسه ازاي ما كانش فاهم نظرات ذهبيه وازاي جري ورا عواطفه وسابها كده واضح خلاص ان دهبيه شالته من حياتها
عند دهبيه
كلمت حمص وقالت له ينشر خبر طـ،ـلاقها من المعلم السوق كله وفعلا حمص عمل كده والسوق كله بقى يتكلم عن طـ،ـلاق المعلمه ذهبيه من المعلم زيدان وجوازه من زينب بنت مرات ابوها
ثاني يوم الصبح
ذهبيه راحت محلها تباشر الشغل بنفسها وفي نص اليوم جالها صاحب مصنع لحـ،ـوم (….) اسمه يونس المحمدي
يونس : لما قالوالي انك نزلتى الشغل بنفسك تتابعى زى زمان ما صدقتش قلت لا لازم اجي بنفسي
دهبيه : قامت وقفت ورحبت بيه يا اهلا يا اهلا بيونس بيه المحل نور
يونس: ده منور بصحابه يا دهبيه عامله ايه دهبيه والله زمان
دهبيه : انا بخير الحمدلله انت عامل ايه
يونس : بخير لما عرفت انك نزلتى الشغل قلت لازم انزل انا كمان واستلم بنفسي وبالمره اشوفك واسلم عليكى
دهبيه : طول عمرك اصيل يا ابن المحمدي
يونس : انت لسه فاكره يا بنت غانم ههههه
كنتى ساعتها لسه عيله صغيره عندك 16 سنه وواقفه مع ابوكي بتتعلمي الشغل بس كنتى ب 100 راجل وانا لما كنت اضايقك كنت تقولي يا ابن المحمدي وكنت اقول لك يا بنت غانم
دهبيه : اه كانت ايام للاسف مش فاكره من طفولتي اي حاجه غير الوقفه مع الجزارين وسط السوق
يونس : بس خليتك جدعه دهبيه وما حدش يعرف يكـ،ـسرك بسهوله . خدي يا ستي دى مجموعه مشكله من انتاج المصنع بتاعي
دهبيه بمشاكسه : بيقولوا اللحـ،ـوم المصنعه مضره يا يونس
يونس : بضحك لو مضره يبقى بسبب لحـ،ـمتك يا دهبيه انا المصنع كله شغال عندي باللحـ،ـوم اللي باخدها منك
دهبيه بضحك : هديه مقبوله يابن المحمدى
واثناء مكانوا بيضحكوا دخل زيدان عليهم المكتب
زيدان: ازيك يا دهبيه عامله ايه
دهبيه : بخير يا معلم زيدان اتفضل
صحيح نسيت اسالك يا يونس الكلام اخدنا ونسيت اسالك تشرب ايه قهوه ساده صح ????????
يونس : صح يا دهبيه لسه فاكره
وانت يا معلم زيدان تشرب ايه
زيدان بصلها بغيظ : قهوه ساده
زيدان كان عارف ان يونس من زمان عينه على ذهبيه ولما تقدم لها ابوها ساعتها اعتذرله لانها كانت اتخطبت في وقتها عشان كده خلى ذهبيه تقعد في البيت وتنزل كل اخر كل اسبوع تراجع الحسابات معاه وتاخد نصيبها في الفلوس وهو كان بيتعامل معاها بامانه وما كانش بياخد جنيه من فلوسها وما كانش بيخليها تصرف جنيه في البيت
دهبيه : خير ما معلم
زيدان: لما يونس بيه يمشي يبقى نتكلم مع بعض يا دهبيه هستناكى لما تخلصي معاه
يونس : معلش يا معلم زيدان انا ما بعرفش اتكلم مع دهبيه غير دلوقتي من ساعه ما انت قعدتها في البيت وانا مش عارف اتابع معاها ولا ادخل معاها فى شغل جديد .شغلك ممكن تاجله وتتكلم فيه مع ذهبيه في البيت ولا انتوا بتفصلوا الشغل في البيت
دهبيه : بشماته لا يا يونس انا والمعلم زين اتطلـ،ـقنا واللي بينا دلوقتي شغل بس
زيدان: اللي بينا عشره وولاد يا دهبيه مش هنتكلم قدام الناس
يونس : هو في حد يبقى معاه المعلمه دهبيه وطلـ،ـقها يلا نصيب
بصى يا معلمه انا كنت عايزك في شغل كنت عاوز ازود كميه اللحـ،ـوم اللي باخدها منك لاني فتحت مصنع ثاني باسم جديد
دهبيه : الف مبروك على المصنع الجديد الكميه المطلوبه قد ايه
يونس : قد الكميه اللي باخدها للمصنع القديم
دهبيه : بس كده مش هقدر اوفرها لك لان ما عنديش اللحـ،ـوم الكافيه بس ممكن المعلم زيدان يوفرهالك عنده عجول زياده
زيدان. بصلها بشكر لانه رغم الخلافات لسه بتقف جنبه لانه كان قايلها ان عنده عجول زياده وخايف تكبر يضطر يبيعها ارخص واستغبى نفسه جدا لان ضحك عليها وقال لها انه رايح يشتري عجول وهو كان قبليها قايل لها ان عنده عجول ذياده والسوق نايم ومش سهل يخلص منها فهم لحظتها ان هي كانت عارفه ان هو بيكدب عليها وحس ان هو غبي جدا قدامها
دهبيه كملت : وما تقلقش يا يونس هيبقى نفس السعر مش هنغلي عليك
يونس : كلامك ماشي يا معلمه اتفقنا اتكل انا على الله وهكلمك ثاني برده احدد لك الميعاد اللي هاجي اشيل فيه
زيدان: تابع معايا انا كده كده اللي هسلمك الاثنين انا عندي ومن عندها
يونس: قص له ان شاء الله يا معلم مع السلامه
دهبيه بعد خروج يونس : بقول لك ايه يا معلم انا ما رضيتش اكسفك المره دي قدامه لكن شغلي انا اعرف امشيه كويس قوي وانا اللي هسلم بنفسي كل الطلبيات
زيدان: على جـ،ـثتي يا دهبيه سامعه على جـ،ـثتي انك تتواصلى مع البني ادم ده تاني
دهبيه : انت مالك مش تطلـ،ـقني خلاص وكل واحد راح لحاله خلي كل واحد بقى يشوف حياته حاشر نفسك في حياتي ليه
زيدان: ذهبيه اقصرى الشر معايا دلوقتي انا عفاريت العالم كلها قدامي ويلا اتحركي معايا دلوقتي
دهبيه : ايه هربت منك خالص اجي معاك فين
زيدان: يلا يا دهبيه هنروح اطمن على العيال النهارده معادنا مع الدكتوره
دهبيه : اعتقد ان انا كبيره وبعرف اروح واجي لوحدي وبعدين من امتى انت بتوديني ولا بتجيبني ما انا طول عمري بتحرك مع نفسي لاتكون ناسي وفاكرني ناس تانيه
زيدان : من دلوقتي يا دهبيه ويلا قدامي بدل اقسم بالله اشيلك قدام الناس كلها واخلي السوق كله ما وراهوش سيره غيرنا وانتى عارفاني اعملها
دهبيه : السوق كله عارف اننا اتطلـ،ـقنا
زيدان: وانا هعرف مين السبب فى نشر الخبر ده وليا تصرف تاني معاه ويلا دلوقتي بقى عشان ما نتاخرش عشان نلحق نطمن على البيبيهات
زيدان ودهبيه راحوا عند ايه العياده عشان يطمنوا على الاطفال وايه ما تكلمتش في حاجه خالص وتعاملت عادي لانها ما تعرفش ايه اللي حصل وخلى ذهبيه تيجي ومعاها زيدان وخلصوا كشف وزيدان اخد دهبيه ومشيوا
زيدان اخد ذهبيه لمطعم كبير عشان يتغدوا هناك
دهبيه : اسميه ايه ده بقى ان شاء الله
زيدان: مطعم بس حلو اوى هيعجبك
دهبيه : انت بتهزر صح
زيدان: لا مش بهزر بس انا بقالى اكتر من اسبوع مكلتش حاجه خالص من ساعت ما مشيتى مبكلش حته جبنه ولقمه وباكلها من غير نفس عشان اعرف اعيش ارجوكى يا دهبيه ارجوكى تعالى ناكل لقمه مع بعض وحياه ولادنا والعيش والملح اللى بينا
دهبيه صعب عليها زيدان لانها فعلا كانت شايفاه مرهق جدا
دهبيه طلب باستا بصوص المشروم واستيك وهو طلب زيها طبقين لانه كان جعان جدا
زيدان: انا مش عارف الاكل المره دي هو اللي حلو بزياده ولا انا اللى طفس فضلوا يتكلموا هما الاتنين ويخمنوا اسماء اولادهم ودهبيه اندمجت فى الكلام معاه ونسيت زعلها منه فرحتها بالكلام على ولادها نسيتها كل حاجه وفى لحظه كانت هتنسى كل حاجه وتبدا معاه من الاول الا ان النادل جه ومعاه مدير المطعم
المدير : منورنا يا زيدان بيه
زيدان اهلا بيك
المدير: المطعم نور بيكم
دهبيه : انت تعرفوا
زيدان: اه بوردله لحـ،ـمه
المدير: الويتر قالى ان دى تانى مره تيجى المطعم اتمنى ان الاكل يكون عجبك
دهبيه بتسال النادل : هو زيدان بيه زبون عندكم
النادل: اه كان بيجى وهو والمدام
دهبيه : تمام عن ازنكم
اتصدمت دهبيه واخدت بعضها وخرجت من المطعم و بصت لزيدان بصه زيدان عرف معناها ايه وزيدان خرج وراها جري وشالها من غير كلام يحطها في العربيه عشان عارف انها كانت استحاله هتركب معايا وكان خايف عليها لانها بتمشى بسرعه وخاف يحصل حاجه للجنين
دهبيه : ابعد عنى بقولك سامع ابعد بدل ما اصـ،ـرخ والم عليك الناس
زيدان: طيب اسمعينى سبينى ابررلك
دهبيه : ولا كلمه سامع ولا كلمه مش طايقه اسمع صوتك سيبني امشي بقولك
زيدان: طب مش هتكلم خالص ولا هفتح بوقي اعتبريني تاكسى بس اهدى يا دهبيه عشان خاطر عيالك
دهبيه كانت قاعده في العربيه وبتحاول تهدي نفسها وهو ما رضيش ياخدها شـ،ـقتهم القديمه عشان ما تتعصبش اكثر وهو عايزها تهدى
وصلها زيدان وهما نازلين من العربيه قبلتهم زينب وكانت فى وشهم وكانت متغاظه جدا ان لسه زيدان بيجري ورا دهبيه
زينب : هو انت ايه ما عندكيش دم خالص ولا كرامه هو طلـ،ـقك بتتمحكي فيه ليه كل مره كان بيخترنى انا وانتى البعيده مش بتحسي خالص سيبيه في حاله بقى
مش سمعتي بودانك انه بطل يحبك عايزه ايه تانى سيبيه بقى مش طلـ،ـقك
دهبيه بصتله وقالتله : حتى مشاكلنا الخاصه حاكتهالها
هى حاست انها مش شايفه قدامها ولسه هتمشى وقعت من طولها وزيدان جرى عليها وشالها واخدها وراح المستشفى
فى المستشفى الدكتور اخدها منه ودخلوها طورائ وبعد نص ساعه خرج الدكتور
زيدان: ها يا دكتور طمنى هى عامله ايه
الدكتور : _
زيدان ????

البارت السادس
الدكتور: المدام ضغطها واطي جدا وعندها نزيف بنحاول نسيطر عليه عشان نحافظ على الجنين
زيدان بصدمه : طب يا دكتور شوف ايه المطلوب واعمله حاول توقف النزيف وتحافظ على الاطفال بس حياه دهبيه اهم
الدكتور: احنا جنبها وبنحاول نسيطر على الوضـ،ـع هي هتقضي الليله هنا في العنايه المركزه وممكن حضرتك تروح دلوقتي وتجيلها الصبح
زيدان: لا طبعا يا دكتور ما اقدرش اسيبها ينفع ادخل ابات معاها او على الاقل ادخل اشوفها و اطمن عليها
الدكتور: لا للاسف صعب حضرتك
قعد زيدان على الكرسي خارج الغرفه يفتكر بدايته مع دهبيه وابوها
Flash back
كان عمره وقتها ١٨ سنه لما ابوه اتوفى وهو في اخر سنه في الثانويه العامه ومامته كانت متوفيه وهو صغير وكان قاعد في الشـ،ـقه لوحده وتراكم عليه الايجار وابو دهبيه كان بيساعده ويبعت له اكل وبعد كده نزل اشتغل عنده عشان يقدر يسدد الايجار ويصرف على تعليمه وابو دهبيه ساعدوا وسددلوا الايجار المتاخر وبقى يساعده فى مصاريف تعليمه واعتبر نفسه والده ولما بقى في ثانيه كليه المعلم مسكه حسابات نص المحلات وعلى بدايه تخرجه كان ممسكه حسابات كل الفروع وافتكر اول عجل دبـ،ـحه كان الحاج غانم هو اللي علمه ازاي يمسك سكينه ويذبح العجل وساعده ازاي لما جاب له اول عجل وعمل له شادر وخلاه يبيع ويوزع والشادر بقى اثنين وبقى محل وبعد كده بقى مجموعه محلات وازاي شاف ذهبيه كانت بتقف في وسط الجزارين وتتواصل معاهم وهي عمرها 16 سنه لما ابوها بدا يتعب وبقت تنزل معاه وبعد كده بقت تنزل مكانه وازاى بتقف وسط الجزارين وتعاند وتبيع بالسعر اللى هى عايزاه
افتكر يوم ما دهبيه تمت ال ١٨ سنه وابوها بعتله
غانم : ازيك يا زيدان يابنى عامل ايه
زيدان: الحمد لله يا حاج غانم عامل ايه
غانم : انت عارف يا زيدان انا بعتبرك ابني اللي ما خلفتوش
زيدان: من غير ما تقول يا حاج انت يعلم ربنا ان معزتك فى معزه ابويا بالظبط ابويا الله يرحمه لو كان عايش مكنش هيعمل اكتر من اللى انت عاملته معايا
غانم : بص يا بنى انا خلاص ايامى معدوده فى الدنيا وناس كتير مستنيه مـ،ـوتى وانا مش قلقان غير على دهبيه
انها تبقى لوحدها هى اه تبان قويه وزكيه بس فى الاخر بنت واخاف عليها عشان كده يابنى المثل بيقول اخطب لبنتك ولا تخطبش لابنك وانا مش هامن لبنتى غير معاك
زيدان: ده شرف كبير ليا يا معلم ويوم المنى انى اناسبك
غانم : على خيره الله الخميس الجاي كتب الكتاب والدخله
زيدان: ومهرها يا حاج المحل الجديد اللي بفتحه هكتبه باسمها
غانم : ابن اصول يا ابني على خيره الله وقالوا الفاتحه وبعدها عملوا فرح كبير يليق بمعلمين السوق وبعدها باسبوعين المعلم غانم مات و زيدان حزن عليه حزن كبير ما يقلش عن حزنه على ابوه
افتكر نزول ذهبيه المحلات بعد اسبوع واحد من فرحهم ورغم من مـ،ـوت ابوها الا ان ده قواها وقفتها وفصلها مع الجزارين في نفس وقت مـ،ـوت ابوها خلي الكل يخاف منها ويعمل لها 1000 حساب
افتكر مره لما المصنع اللي زيدان بيوردله له لحـ،ـوم كانوا عايزين يضغطوا في السعر يا اما يرجعوا له اللحـ،ـمه وساعتها لو اللحـ،ـمه رجعت كانت هتبوظ افتكر وقفت دهبيه معاه واجلت دبـ،ـح العجول بتوعها ووردت لحـ،ـمته هو للمصانع اللى بتتعامل معاها بسعر اعلى من اللى كان هيبعيوا للمصنع اللى بيوردله
الموقف ده سمع فى السوق ووقتها صيت زيدان على اكتر فى السوق وتجار كتير خافوا يوردوا للمصنع القديم لحـ،ـوم وده خلى المصنع يقع وكانت خساره كبيره ليه
End flash back
فاق من سرحانه على صوت الدكتور بيبلغه ان الاطفال نزلت وانهم قدروا يسيطروا على النزيف
زيدان وقع على الكرسي بصدمه والدموع متحجره فى عيونه ندم وقتها انه اتجوز على دهبيه اتمنى الزمن يرجع بيه ومش هيتجوز ابدا عليها دموعه نزلت غصب عنه لانه اتاكد انه خسر عياله ودهبيه عمرها ما هتسامحه على اللى عاملوا فيها
راح المسجد وفضل يبكي هناك ويدعي ربنا انه يرجع له ذهبيه ورجع المستشفى تاني والدكتور بلغه انها دخلت غرفه عاديه ودخل لها زيدان ونام على الكرسي اللي جنب السـ،ـرير لحد الصبح
فاقت دهبيه ولقت زيدان ماسك ايديها
دهبيه : اصحى اصحى انت ايه اللي منيمك هنا
زيدان : حمدالله على سلامتك حاسه بايه دلوقتي
دهبيه : انا بخير الاولاد عاملين ايه
زيدان: فضل ساكت وعيونه مدمعه
دهبيه : اوعى يكون اللي فهمته صح
زيدان: اهدي يا ذهبيه ربنا يعوض علينا
دهبيه بصت لزيدان ومن غير اى كلام دخلت الحـ،ـمام ولبست هدومها وخرجت
زيدان دهبيه استنى رايحه فين انتى تعبانه
دهبيه : ملكش دعوه
ذهبيه فضلت ماشيه وهو حاول يلحقها بس ما اعرفش لانها خرجت وركب التاكسي ومشيت
راحت الذهبيه على القسم وعملت بلاغ بهياتم وبنتها انهم محتلين الشـ،ـقه بتاعتها ومش عايزين يسيبوها وانهم حاولوا يسقطوها واديتهم تقرير المستشفى وطبعا اتحركت الشرطه معاها عشان يروحوا يخلوا الشـ،ـقه وطبعا ذهبيه كلمت ناس كثير عشان تخلص الاجراءات بسرعه وصلت دهبيه مع الشرطه لقت زيدان واقف قدام البيت مستنيها . تجاهلته وطلعت الشـ،ـقه مع الشرطه وخبطوا جامد على الباب وهياتم وبنتها فتحوا وهما مخضوضين
الضابط : معانا امر اخلاء الشـ،ـقه وتسليمها لصاحبتها ذهبيه غانم
هياتم : يا نهار اسود هنروح فين ملناش مكان تاني
الضابط: اتصرفوا ما ليش دعوه قدامكم ساعه واحده تلموا هدومكم فقط وتمشوا لان الشـ،ـقه بالعفش ملك دهبيه
زينب غمزت لامها وبصت لزيدان : خلاص ياما يلا نمشي واكيد زيدان مش هيسيبنا لوحدنا
هياتم فهمت على بنتها وافتكرت ان زيدان هياخدهم شـ،ـقه دهبيه ????????????????????
ولمت هدومها كلها ومشيت مع بنتها
كل ده ودهبيه قاعده على الانتريه وحاطه رجل على رجل ومفتحتش بقها بكلمه لحد ما لموا هدومهم ومشيوا
زينب : شفت يا معلم شفت دهبيه عملت فينا ايه هنقعد فين دلوقتي
زيدان: بعت اشوفلكم شـ،ـقه مفرـ،ـوشة تقعودوا فيها
زينب : نعم يعني ايه دي اخرتها شـ،ـقه مفروشة ليه ماشي معايا في الحرام
زيدان: طب تقعدوا في الشارع يعني ولا ايه
هياتم: لا نروح شـ،ـقتك اللي كانت دهبيه قاعده فيها
زيدان: لا دى شـ،ـقه دهبيه يا هياتم وما حدش هيقعد فيها غيرها انسى اللي بتفكري فيه انتى وبنتك انا بدور لكم على حاجه مفروش بس عشان بنتك لسه على اسمي لكن اوعوا تكونوا فاكرين انى نسيت الكلام اللى بنتك قالتله لدهبيه وده حسابه كبير اوى معايا بس مش دلوقتي
زينب : ايه المشكله مش انا قلت الحقيقه
زيدان: لا مش الحقيقه وبعدين خدي هنا انت عرفتى منين اني طلـ،ـقت دهبيه كنتى واقفه تتصنتى علينا
زينب : بارتباك. لا ابدا انتوا اللى صوتكوا كان عالى
زيدان: فعلا طب يمين طـ،ـلاق ثلاثه يا زينب لو سمعت انك انت ولا امك اتعرضتوا لدهبيه باي شكل كان قريب او بعيد لتكوني طالـ،ـق بالثلاثه وتصرفي مش هيعجبك وهتلاقي نفسك انت وامك في الشارع
هياتم وزينب بصوا لبعض وسكتوا
والسمسار جابلهم شـ،ـقه اوضه وصاله وقالهم مافيش غيرها متاحه وزيدان قالهم يعقدوا فيها مؤقتا لحد ما يلاقى حل
دخلوا الشـ،ـقه واتفاجئوا بالعفش قديم والحيطان مشـ،ـققه بس للاسف رضيو بيها على ما يلاقوا شـ،ـقه ثانيه
هياتم : يعني بدل ما كنت قاعده وشـ،ـقه ثلاث اوض وصاله كبيره في الاخر اقعد في العشه دي
زينب : اسكتي بقى ياما انا هطق خلاص انا فكرت ان ذهبيه لما تطردنا هنصعب عليه ويروح يقعدنا في شـ،ـقتها بس ما توقعتش انه يعمل فينا كده
هياتم : ما انت اللي غبيه ومش عارفه تمسكي لسـ،ـانك وبدل ما تقربيه منك قلبتيه عليكى
زينب : طب اعمل ايه دلوقتي ياما
هياتم : احنا نعملها عمل هدور على حد بتاع اعمال واخدك ونروح له
عند دهبيه كانت قاعده بتفكر فى ايام زمان لما كانت هياتم شغاله خدامه عندهم امها كانت تعبانه وطريحه الفراش المعلم دور على شغاله لحد ما لاقه هياتم شافها غلبانه وارمله قال يكسب فيها ثواب
هياتم : الله يبارك لك يا معلم غانم الست دهب والست دهبيه في عينيا
ام دهبيه اسمها دهب
غانم : خدي بالك منهم يا هياتم واعملي كل اللي يطلبوا منك وهاتي بنتك معاكي ما تسيبيهاش لوحدها مع الجيران اهي تلعب مع دهبيه ويسلوا بعض
هياتم : تسلم يا حاج خيرك سابق
ومن ساعتها بقت ترسم الطيبه على ام دهبيه وتحكي لها ان اهل جوزها طردوها في الشارع هي وبنتها وما عندهاش مكان تروح فيه وكانت بتمثل الحنيه على دهب لحد ما فى مره
دهب : بقول لك يا غالي انا خلاص ايامي بقت معدوده عايزاك تكتب على هياتم عشان ما يبقاش فيه حرمانيه بدخولك وخروجك عليهم ولو جرالي اي حاجه اهى غلبانه و تربي البنت
غانم : ايه اللي بتقوليه ده يا دهب انا ما اقدرش اعمل كده واتجوز غيرك وبعدين بكره تقومي لنا بالسلامه وتبقي زي الفل
دهب : عشان خاطري يا معلم لو لي عندك معزه
وفعلا تم جواز هياتم من غانم ولما هياتم حبت تفرش ريشها على ذهبيه وامها غانم وقفلها بالمرصاد وعرفها حجمها وقال لها انه متجوزها بسبب دهب وذهبيه وانها لو غلطت تاني في حد منهم هيطلـ،ـقها ويمشيها هي وبنتها
اتصدمت وقتها هياتم وغلها زاد من ناحيه ذهبيه وامها وبعديها بشهرين دهب مـ،ـاتت من المرض ذهبيه وقتها كان عندها 12 سنه حاولت هياتم انها تيجي عليها بس غانم واقف لها بالمرصاد لحد ما في مره زينب قصتلها شعرها وهياتم ركبته لزينب في شعرها ساعتها غانم جه وشاف المنظر ومنظر دهبيه وهي منهاره رمى عليها يمين طـ،ـلاق واخذ ذهبيه فسحها ووداها كوافير عشان يظبطوا لها الباقي من شعرها وما تتقهرش لحد ما ناس كثير اتوسطوا له انه يرجعها وانها ما لهاش مكان ثاني ومن وقتها بقة يزرع فيها القوه وانها ما تسيبش حقها لحد ما بقى عندها 16 سنه وابوها بدا يتعب وهي كانت في المدرسه متفوقه بس سابتها عشان ما تسيبش ابوها لوحده لان في الوقت ده زيدان كان بدا يشوف شغله بره ولسه في بدايته وما كانش هيقدر على كل المحلات والمحلات بتاعته بس من وقت للتاني كان بيروح لدهبيه ويقف معاها ويمشي معاها الشغل ويعلمها وهي كانت بتحبه لانها كانت بتستجدعه فضلت تحبه من طرف واحد لحد ما تمت 18 سنه
غانم : بقول لك يا دهبيه جهزي نفسك عشان فرحك وكتب كتابك على زيدان كمان اسبوع
دهيبه : بالسرعه دي يابا طب على الاقل خذ رايي
غانم : اسمعي كلامي يا دهبيه ما فيش وقت امك وحشاني وعايزاني اروح لها
دهبيه : يابا ما تقولش كده بالله عليك
غانم : بصي يا بنتي المـ،ـوت علينا حق خليكى قويه يا دهبيه واوعي تعرفى لحد نقطه ضعفك ابدا هيستغلوها واسمعي الكلام اللي هقوله ده كويس
اوعى يا دهبيه حد يتوقع رد فعلك هيعرفوا ساعتها يدخلولك منين واخرك ايه اهدى وفكرى مره واتين بعقل وماتعرفيش حد بتفكرى فى ايه اى حد مهما كان قريب منك القلوب يابنتى قلابه
دهبيه : حاضر يابا اهدى واوعدك انفذ كل كلامك
وعد اسبوع واتجوزت الذهبيه زيدان وجاب لها شبكه قيمتها كبيره وقتها اتجوز في شـ،ـقته اللي كان قاعد فيها لحد ما يجيب شـ،ـقه ثانيه ويوضبها ونفذ وعده مع ابوها وكتب لها المحل الجديد بدل ما يكتب قايمه ومن وقتها حب زيدان بيكبر فى قلب دهبيه لحد ما في يوم راحت للدكتوره هي وايه صاحبتها عشان تعرف سبب تاخير الحمل و عملت التحاليل وعرفت وقتها انها كانت بتاخد ادويه منع حمل وهي لسه بنت وده سبب لها عقم وفضلت تتعالج منه لحد ما تمت ٢٧ سنه وايه صاحبتها ساعدتها لانهادكتوره نسا وتوليد و كانت معاها خطوه بخطوه وصحاب من وهم اطفال
فاقت من ذكرياتها على صوت التليفون
ايه : عامله ايه يا دهوبه
دهبيه : كويسه يا حبيبتي
ايه : والولاد عاملين ايه
دهبيه : كويسين الحمد لله تصدقينى لو قلتلك انى حاسه بحركتهم من دلوقتي
ايه : هههههههههههه اصدقك
ياترا ايه حكايه ان دهبيه لسه حامل يا نجماتى ؟؟ ????????

البارت السابع