رواية كاملة بقلم زينب مصطفى

دا حتى قاسم شكله هو كمان ساب البيت ومشي
ملك بغضب وهي
تتجه الى النافذه وتقف تشاهد بغضب صعود قاسم الى سيارته ثم انطلاقه بها الى الخارج بسرعه شديده جدا وكأن الشياطين تطارده
هو حر يقعد .. يمشي هو حر المهم خدي بالك من عمر
ام رجاء بحنان
حاضر يا حبيبتي متشليش هم عمر في عنيا بس انتي اهدي كده وبكره يحلها الحلال ويطرد الشيطان الي دخل ما بينكم..تصبحي على خير يا حبيبتي
جلست ملك على المقعد مره اخرى ودموعها تسيل بالرغم عنها وهي تقول بيأس
وانتي من اهله يا خالتي
لتتنهد بألم وهي تنظر الى صورة قاسم الموضوعه بجانب فراشها
انا عارفه انك كتير عليا ..وان السعاده الي انا فيها دي استحاله تدوم ..
ثم غرقت في نوبه جديده من بكاء شديد جعلتها تستغرق في النوم من شدة الحزن والتعب
بعد مرور ساعتين استيقظت ملك على صوت رنين هاتفها المحمول
فتناولته بقلق لتجد رقم غريب غير مسجل
ملك بقلق
ألو ..مين معايا
ارتفع صوت زوجة والدها نعمات تقول بلهفه
ايوه يا ملك ..انا خالتك نعمات
نظرت ملك للهاتف بدهشه وهي تمسح بقايا دموعها
خالتي..خالتي نعمات.. إزيك .. إزيك عامله إيه
نعمات ببكاء وصوت كالعويل
من بعدك وانا متبهدله اخر بهدله..
كامله هانم الله يسامحها طردتني بره البيت ورمت عفشي في الشارع ومن يوميها وانا عايشه على الارصفه بشارك اللقمه مع كلاب الشوارع وفضلت أدور على رقمك لحد ما
واحد ابن حلال ادهوني
ملك بدهشه
بس انا رقمي مش مع حد
لتتابع باهتمام
عموما مش مهم..المهم انتي فين دلوقتي وعامله ايه
نعمات ببكاء
انا متبهدله ومحجوزه في فندق صغير كنت عايشه فيه لكن الايجار اتكوم عليا وحجزوني لحد ما أدفع الي عليا
ملك بحزم
متخافيش يا خالتي انا هاجي بنفسي ادفع الي عليكي واطلعك
نعمات بفرحه وهي تبكي
وده العشم برضه…كنت عارفه انك مش هتسيبيني اتبهدل كده في اخر ايامي
ملك باصرار
اديني العنوان يا خالتي وانا من الصبح بدري هكون عندك
نعمات بفرحه
ربنا يخليكي يا حبيبتي خدي العنوان أهوه ثم قامت بتمليتها العنوان بدقه
أغلقت نعمات الهاتف وهي تبتسم بانتصار
ثم نظرت للرجل الواقف خلفها وهي تقول بطمع
انا عملت كل الي قولتلي عليه يا بيه تؤمر بحاجه تانيه
رأفت بابتسامه مقززه
لا كده تمام يا نعمات ..
ثم رمى اليها روزمتين من النقود وهو يقول بتكبر
خدي يا نعمات مش خساره فيكي
التقطت نعمات المال بلهفه وهي تقول بسعاده
متشكره يا باشا..كفايه كده دا انت خيرك مغرقني
رأفت بصرامه
خدي الفلوس يا نعمات واختفي من هنا خالص ..قاسم من بعد الي هيحصل في مراته مش هيعتقك ..
ليتابع بأمر
يلا غوري من هنا ومتورنيش وشك تاني
هرعت نعمات للخارج وهي تحمل نقودها تضمها الى صدرها بخوف
في حين اتصل رأفت بأحد رجاله وهو يقول بقسوه
اسمعني كويس ونفذ الي هقولك عليه
اول ما ملك تخرج بره الفيلا ها….
ليتابع الحديث وهو يبتسم بنصر
في الصباح الباكر..
ارتدت ملك ملابسها وهي تشعر بالقلق الشديد
فهي تريد الخروج والمساعده على اخراج زوجة والدها من أزمتها
فهي وعلى الرغم من تسببها في معظم الكوارث التي حدثت لها بسبب طمعها الشديد الا انها لا تستطيع تركها بدون مساعده
رفعت ملك هاتفها وهي تشعر بالحيره
هل تقوم بالاتصال بقاسم واخباره عن رغبتها في الخروج لمساعدة زوجة والدها
ام تزهب لمساعدتها بدون إخباره فبعد ما حدث بينهم مؤخرا
وهي لا تريد مواجهته او التحدث معه
لتتراجع وهي تغلق الهاتف وتقول بحنق
لا انا مش هتصل بيه..هيفتكر اني بكلمه علشان اصالحه …
لتتابع باصرار
انا مش هقوله ولا هكلمه هو اكيد مش هيوافق اني اخرج وهيفضل يخوفني و يقولي في خطر عليكي
ثم اتجهت للخارج على اطراف اصابعها وهي تستغل ان الجميع مازال نائما ووجود قاسم في الخارج وقامت بالجلوس في اسفل المقعد الخلفي للسياره المخصصه لجلب الطعام واحتياجات المنزل
فهي تعرف ان السائق والخادمه المختصه يتحركون بالسياره في تمام السادسه صباحا لجلب كل مايحتاجونه من اغراض واطعمه ومستلزمات للمنزل
انحنت ملك للاسفل اكثر وهي تشعر بالسائق يقوم بتحضير السياره للخروج وبجانبه الخادمه التي جلست تتكلم معه بمرح حتى تجاوزو بوابة الفيلا والامن الموجود على بابها
لتتنفس ملك الصعداء وهي تمني نفسها بنجاح مخططها
فبعد مرور اكثر من ثلث ساعه من قيادة السائق للسياره وحديثه بود
ومرح مع الخادمه
التي صرخت فجأه برعب والسائق ينحرف بسيارته بعنف في حين شعرت ملك بالرعب وهي تستمع الى اصوات الرصاص الزي ينهمر عليها من كل جانب و يستهدف سيارتها..
لتشعر بالفزع وباقتراب المـ،ـوت منها بشده فتغلق عينيها وتستسلم لمصيرها المظلم الزي ينتظرها
الفصل الثالث والعشرين
#إنتقام_أثم
إرتفع صوت طلقات الرصاص حول السياره التي تختبئ فيها ملك والتي ادركت انها بغبائها أوقعت نفسها في مصيدة قد اعدت لها ببراعه..
لتستمع برعب لصريخ الخادمه التي سحبت لخارج السياره هي والسائق الزي استسلم لمطارديه الزين انهالو عليه بالضرب والركل وهو يكاد يمـ،ـوت رعبا
ثم تصاعد رعبها وهي تشعر بباب السياره الزي بجانبها يفتح و تسحب هي الاخرى لخارج السياره وقبل ان تستوعب مايحدث لها وجدت يد تضع منديل حول انفها ذو رائحه نفاذه جعل رأسها يدور وجعلتها تغيب فورا عن الوعي
وتعالى صوت حاد
= يلا بسرعه خلينا نمشي من هنا قبل ما حد يحس بينا
بعد مرور ساعه ..
وعودة قاسم للفيلا وعلمه بما حدث لملك…
ارتفع بخوف وتعب صوت سائق السياره التي كانت تختبئ بها ملك
= صدقني يا قاسم بيه انا معرفش حاجه انا روحت اجيب طلبات البيت زي كل يوم ..فجأه لقيت الرصاص بيتضرب عليا زي الرز
وقفت غصب عني .. لقيت عربيات محوطاني من كل ناحيه نزل منها ناس معرفهاش نزلوا فيا ضرب وبعدين لقيتهم مخرجين ملك هانم من العربيه
ليتابع بارتعاش
= احلفلك بإيه يا قاسم بيه اني حتى مكنتش اعرف انها موجوده معانا في العربيه
جلس قاسم يستمع اليه بصمت وهدوء ثم اشار لرئيس الحرس
= خد منه كل المعلومات الي تقدر عليها وخليهم يعالجوه هو الخدامه الي كانت معاه..
وقف الجد الزي يجلس بجوار ام رجاء وهي شاحبة الوجه وتسيل دموعها على وجنتها بصمت في حين تجلس هايدي على إحدى المقاعد تتابع ما يحدث بصمت متوتر
الجد بصرامه
= وبعدين يا قاسم هنعمل إيه
قاسم بهدوء
= انا بعت كل رجالتي يدورو عليها.. وأديني مستني الي خطفها يتكلم او يطلب فلوس
الجد بغضب
= بس كده..هتفضل قاعد مستني لحد ما الي خاطفها يتصل بيك
قاسم ببرود
= المفروض اعمل ايه انزل ادور عليها في الشوارع ..والا اجيب منادي واقول يالي خطفت ملك رجعها
الجد بغضب
= لا تتصرف ومتقعدش بارد بالشكل ده ..دي مراتك ام ابنك الي اتخطفت مش حد غريب
وقف قاسم فجأه وقد انفجـ،ـر في الغضب
= اسمع يا جدي مش عاوز اسمع كلمة مراتك دي تاني انا خلاص زهقت
ليتابع بغضب
= اعمل ايه اكتر من الي انا عملته معاها سنه ونص وانا بدور عليها و هي هربانه و مخبيه عني انو عندي ولد ولما لاقيتها حاولت احسن علاقتي بيها وانجح جوازي منها لاني كنت عارف اني غلط في حقها ..وهي برضه مكمله في غبائها وتصرفاتها الغلط
ليتابع بغضب
= كنت عاوزني اعمل ايه اكتر من اني
أقعد معاها و أعرفها انها هي وابني في خطر لكن هي ولا هي هنا مش مصدقاني وبتتصرف كأني عدوها مش جوزها
ثم تابع بقسوه..
= إتأسفت ودلعت وحطيت حراسه عليها في كل مكان والنتيجه كانت ايه.. هي الي هربت وبمزاجها من الفيلا والحراس
الجد بصرامه
= تقصد ايه يا قاسم
قاسم بغضب
= قصدي واضح يا جدي ايه الي يخليها تهرب من الحراسه الي محطوطه عليها وعلى القصر الا لو كانت خارجه تقابل حد مش عوزاني اعرف انها بتقابله
ام رجاء ببكاء
= حرام عليك يا ابني بلاش تظلمها انت كمان.. كفايه عليها كل الظلم الي شافته في حياتها
قاسم بغضب
= طيب ردي عليا انتي كانت مستخبيه في العربيه وهربانه من الحراسه ليه..
ليتابع بغضب قاتـ،ـل
= أقولك انا كانت رايحه تقابل رأفت في السر مش كده
شهقت هايدي بصدمه
في حين تعالى صوت ام رجاء بغضب
= كفايه ظلم حرام عليك لما هي متفقه معاه انها تروحله ..كان بيخطفها ليه
قاسم بصرامه غاضبه
= علشان ده فخ ليا انا ..الكلب رأفت عاوزني اجري ورى ملك احاول انقذها وهما يستغلوا ده في انهم يخلصو مني ويتجوز ملك و يحطوا ايدهم على ثروتي
تعالى صوت الجد بغضب
= كفايه يا قاسم خلاص..اهدى علشان تعرف تتعامل مع الموقف الي انت فيه ومتتسرعش في الحكم عليها
قاسم بغضب
= انا خلاص زهقت منها سواء كانت بريئه او مزنبه في الحالتين هي مبقتش تلزمني ..انا مش هعيش بقية حياتي في شك وحيره
ليتابع باصرار
= ابني معايا وده الي يهمني..وهي خليها تشبع برأفت ورأفت يشبع بيها
ليسود المكان صمت وترقب شديد بعد ان ارتفع فجأه رنين هاتف قاسم
أجاب قاسم على الهاتف بحده
= مين معايا
رأفت بسخريه
= إزيك يا قاسم بيه .. ايه مش عارف صوتي وألا إيه ..لااا دا انا كده ازعل أوي
قاسم بهدوء
= رأفت …خير بتتصل ليه
رأفت بسخريه
= عندي أمانه ليك ..مش عاوز تستلمها وألا إيه
قاسم ببرود
= أمانه..أمانة إيه
رأفت بسخريه
= ملك ..حبيبة القلب ..ام المحروس عمر ..إيه مش عاوز تعرف أخبارها
قاسم بسخريه
= أاه…لا متشكر أوي..مش عاوز ولا مهتم اعرف حاجه عنها
رأفت بخبث
= يعني ايه مش مهتم تعرف ان كانت عايشه والا …
قاسم بصرامه
= قلتلك مش عاوز اعرف حاجه عنها
ثم اضاف بقسوه
= وياريت تعرفها اني مش عاوز اي صله تربطني بيها بعد كده وورقة طلاقها تقدر تستلمها بعدين من المحكمه ..
شهقت ام رجاء ودموعها تتساقط وتضع يدها على فمها بصدمه في حين ابتسمت هايدي بتوتر وهما تستمعان لقاسم يتابع بقسوه
=يعني خطتك القزره إنت وهي تقدر تبلها وتشرب ميتها
ثم اضاف بتوعد صارم
= وده طبعا ملوش اي علاقه بإن في حساب بيني وبينك وقريب أوي هصفيه معاك
ليرتفع صوت الجد فجأه وهو يسحب الهاتف من قاسم بغضب
= ايه الي انت بتقوله ده يا قاسم هات التليفون
ليتابع محدثا رأفت بغضب
= انا الانصاري الي بكلمك يا رأفت .. اسمعني كويس ..انا ميهمنيش الي بينك وبين ملك وميهمنيش انت اتفقت معاها على ايه ده شئ بينك وبين قاسم وانا متأكد إنه هيخلصوا معاكو
ليتابع بصرامه شديده
= انا كل الي يهمني هو سمعة العيله وسمعة أحفادي قاسم وابنه وعشان كده انا مش عاوز فضايح فأحسنلك تسمعني كويس ..أنا عندي عرض ليك وليها
قاسم بغضب
= جدي انت بتقول ايه عرض ايه الي عاوز تقدمه لهم
الجد بصرامه
= اسكت انت يا قاسم ..انا مش هقعد اتفرج لما سمعتك انت وحفيدي تبقى على كل لسان
استمع رأفت إليهم وهو يستوعب انهم يعتقدون ان ملك زهبت معه بارادتها وانها مشتركه معه في كل مايحدث
رأفت بحرص
= عرض …عرض إيه
الانصاري بصرامه
= انا هدفعلك الفلوس الي انت عاوزها ومش كده وبس انا هخلي قاسم يسيبك ويلغي فكرة الانتقام منك بس بشروط
ارتفع صوت قاسم بغضب حارق
= ايه الي انت بتقوله ده يا جدي وكمان عاوز تديهم فلوس تمن لخيانتهم
الجد بغضب مكتوم
= اسكت يا قاسم خليني اتصرف كفايه فضايح لحد كده
ليتابع محدثا رأفت الصامت والزي يفكر بارتباك فيما يسمعه
= ها يا رأفت قلت إيه
رأفت بحزر ..
= مش لما اسمع شروطكم ايه في الاول
الجد بصرامه ..
= اولا ملك تتنازل في ورق رسمي عن حضانة ابنها وتقطع صلاتها بيه نهائيا..ثانيا انت وهي تسافرو بره مصر ومترجعوش تاني مهما حصل..ولازم تعرف انك لو حاولت ترجع تاني انت او هي دا هيكون اخر يوم في عمركم
ليتابع بتهديد
واظن انت عارف كويس احنا ممكن نعمل فيكم ايه
رأفت وهو يدير العرض في رأسه
=وايه ضماني ان العرض بتاعك ده حقيقي ومش بتحاولوا تخدعوني بيه
الجد بجديه
= مفيش ضمانات ..سلمني ورقة التنازل عن حفيدي وخد الفلوس وغورو في داهيه من هنا ..ها قلت ايه
رأفت بجديه
= هرد عليك كمان ساعه
ثم اغلق الهاتف فجأه دون ان يزيد في الحديث
الجد بصرامه
= هيرد علينا كمان ساعه..
قاسم بغضب
= انت غلطان يا جدي مكنش لازم تعرض عليهم العرض ده
ارتفع فجأه صوت ام رجاء وهي تقول بغضب ودموعها تسيل على وجهها
= ايه الظلم والجبروت بتاعكم ده ..بس انا الي غلطانه انا الي قعدت اشجع فيها علشان تيجي هنا وترجع لجوزها مكنتش اعرف انكم بالظلم والجبروت ده
بس هي كان عندها حق في خوفها منكم كانت عرفاكم على حقيقتكم بعيد عن وش الطيبه الي مصدرينه للناس
قاسم بغضب
= احنا ظلمه ..طيب فسريلي هربت ليه وكانت مستخبيه من الحرس ليه.. وإزاي رأفت عرف ان دي العربيه الي هي مستخبيه فيها مع ان طول النهار العربيات داخله وطالعه من الفيلا
ليتابع بانفعال شديد
= ازاي رأفت عرف انها هربت وفي العربيه دي بالزات ..ردي عليا
ام رجاء وهي تمسح دموعها بتحدي
= معرفش اجابه للكلام الي انت بتقوله بس الي اعرفه كويس ان ملك استحاله تعمل كده ..ملك دي زي الملاك ومهما قولتوا والا عملتوا مفيش حاجه ممكن تقنعني بعكس كده
قاسم بغضب
= زي الملاك انا برضه كنت فاكر انها كده لحد ما كل حاجه اتكشفت واتأكدت انها عكس كده ..
الا ان صوت جده قاطعه بغضب
= قاسم خلاص..وانتي ياست ام رجاء اطلعي فوق لعمر اقعدي معاه زمانه خايف علشان إمه مش معاه
ام رجاء وهي تمسح دموعها بغضب
على عيني اني امشي واسيب ابن الغاليه بس انا خلاص مبقاليش
قعاد هنا
قاسم بغضب
= مفيش حد هيخرج من هنا الا بإذني
ام رجاء بغضب مماثل
= ليه هتحبسني هنا والاا ايه
الجد بجديه
= اسمعي الكلام يا ست ام رجاء وبعد الي احنا فيه ما يخلص ابقي اعملي الي انتي عوزاه
تظرت لهم ام رجاء بغضب وهي تغادر الغرفه وتقول بصوت مسموع
=ربنا على الظالم..انت على المفتري والظالم يارب..ان شاء الله ربنا هيخلص حق الغلبانه الي بتفترو عليها منكم كلكم
تجاهلها قاسم وهو يشير بصرامه لهايدي التي تجلس وتتابع كل ما يحدث
= هايدي مش عاوز كلمه من الي سمعتيها هنا تخرج بره مفهوم
فركت هايدي يدها وهي تقول بتوتر
= مفهوم طبعا يا قاسم بيه ..اطمن
قاسم بصرامه
عاوزك تطبعي كروت دعوه وتجهزي لحفله كبيره هعملها بكره في فيلتي الي في القاهره..
هايدي بتعجب
= حفله ..ودلوقتي ..أقصد يعني..
جلس قاسم خلف مكتبه وهو يقول بجديه
= انا فاهم قصدك كويس ..وعشان اريحك موضوع ملك ده خلاص بقى من الماضي ..انا اهم حاجه عندي دلوقتي هو شغلي وعشان كده عاوز حفل توقيع العقود الي جاي يبقى كبير والكل يتكلم عنه مفهوم
هايدي بطاعه
= مفهوم طبعا يا افندم ..
قاسم وهو يسحب بعض الملفات ويبدء مراجعتها
=اتفضلي انتي دلوقت و اقفلي الباب وراكي ياريت متخليش حد يقاطعني لحد ما اخلص شغلي
هايدي بطاعه وهي تنوي مكالمة رأفت لتقص عليه كل ماحدث امامها
= حاضر يا افندم..
ثم خرجت و اغلقت الباب خلفها وتوجهت للخارج في حين انتظر قاسم قليلا ثم توجه لباب الغرفه اغلقه عليه من الداخل جيدا ثم جلس الى مكتبه وفتح جهاز الكمبيوتر المحمول الخاص به سريعا وفي نفس الوقت يجري مكالمه هاتفيه ووجهه كأنه قد من نـ،ـار من شدة الغضب
في نفس التوقيت..
أغلق رأفت الهاتف وهو يفكر بكل ماحدث
ثم نظر لملك المقيده و التي تسيل دموعها بدون توقف وهي تكاد تغيب عن الوعي من شدة صدمتها بعد ان استمعت لحديث قاسم مع رأفت وإتهاماته القاسيه لها
تأملها رأفت بتشفي وهي تجلس فوق كرسي صغير مقيدة به وعلى شفتيها لاصق بلاستيكي عريض يمنعها من الحديث
رأفت وهو يجلس أمامها يراقب انفعالاتها وبكائها بتشفي
= إيه رأيك في إلي سمعتيه..أهو باعك برخص التراب ومفكرش حتى يدور عليكي..
ليتابع بغضب مجنون
= هو ده .. هو ده الي بعتيني عشانه..باعك ومهاموش انا هعمل فيكي ايه..
هقـ،ـتلك.. والاا هعزبك ..والاا هغتـ،ـصبك عادي .. المهم يخلص منك
ثم اتجه اليها ورفع وجهها الباكي بعنف اليه
= إوعي تكوني فاكره انه مصدق حقيقي انك هربتي فعلا معايا وعامله مؤامره عليه..ومصدقه الكلام الفارغ الي قالهولي في التليفون
ثم ترك وجهها باحتقار وهو يتابع بكره وكأنه يحدث نفسه
= تبقي غبيه يا ملك لو صدقتي كده.. انا عارف قاسم كويس ..قاسم لو عنده شك واحد في الميه انك خنتيه معايا كان زمانه قـ،ـتلك وقـ،ـتلني من زمان وده هيكون اقل رد فعل له
ليتابع بكره
= قاسم أزكى من كده بكتير ..كل الموضوع انه عاوز يخلص منك وبحجه تكون قويه ومقبوله يضمن بيها انك تبعدي عنه وعن ابنه
وجده اسهل حاجه عنده انه يرميلي شوية فلوس يضمن بيهم ان انا عدو حفيده ومراته الي مش لايقه بيه وبمستواه يختفوا من حياتهم وللابد والتمن شوية فلوس يعتبرو بالنسبالهم شوية فكه..
ثم ابتسم بكراهيه
= شفتي بقى الي بعتيني عشانه بيفكر يخلص منك ازاي..بيديني شوية فلوس علشان اخلص منك ..ايه رأيك ..ردي
ثم اتجه اليها ونزع اللاصق الموضوع على شفتيها بقوه وهو يصرخ بغضب
= انطقي .. شايفه الكلب الي بعتيني عشانه باعك ليا ودفع تمنك كمان ها عرفتي دلوقتي انه ميفرقش حاجه عن سامح الي كان بيعزبك
هزت ملك رأسها بعدم تصديق ودموعها تتساقط كالشلال على وجهها وهي تقول ببكاء
= حرام عليكم..انتوا عاوزين مني ايه ..انا زهقت ومبقتش عاوزه حاجه ولا حتى اني أعيش
رأفت بسخريه
= لااا متقوليش كده يا ملوكه دا انتي حياتك وامضتك غاليه أوي و تساوي كتير أوي
ليتابع بكراهيه
= إمضي إنتي بس على ورق التنازل عن ابنك وانا اوعدك ان انا بنفسي هريحك وهخلص عليكي بنفسي..
ثم نظر إليها بندم ..
= غلطتي اني كنت فاكر ان قاسم بيحبك وانك تهميه ومفكرتش ابدا انه مقعدك معاه بس علشان ابنه ..وان ابنه ده هو الحصان الربحان
ليتابع بندم
= خساره اني مخطفتش ابنك بدالك ..بس ملحوقه نفكر له في لعبه نجيبه بها هنا جنبك
صرخت ملك بخوف وانهيار
=ملكش دعوه بابني يا حيوان عارف لو حاولت تيجي نحيته انا الي هقتـ،ـلك وهخلص منك كل الي عملته فيا
اتجه رأفت اليها يحاول ضـ،ـربها وصـ،ـفعها على وجهها وهو يقول بغضب مجنون
= تقـ،ـتلي مين يا بنت الكـ،ـلب دا انا أفعصك بجزمتي انتي صدقتي نفسك والا ايه
أغمضت ملك عينيها بقوه استعدادا لتلقي لطمته الا انها شعرت برأفت يسحب للخلف بعيدا عنها
لتشاهد احد رجال رأفت يبعده عنها
ورأفت يقول بغضب
= انت بتعمل ايه يا حيوان . إنت اتجننت يا سعد وألا ايه
ابتعد الرجل قليلا وهويقول باحترام
= إهدى يا رأفت بيه مينفعش تضربها والا يبان على وشها اي علامات للضرب ولا التعزيب ..علشان يفضلوا مصدقين انها جت معانا بموافقتها
رأفت بسخريه
= وانت مصدق الكلام ده..
سعد بهدوء
= حتى لو مش مصدقينه ..خلينا نعمل نفسنا مصدقينه ..دي فلوس كتير أوي يا رأفت بيه واحنا لينا فيها زي ما اتفقنا ..بعد ما نقبض الفلوس ابقى اعمل فيها الي انت عاوزه
رأفت وهو ينظر لملك بغضب وتوعد
=كلها ساعات وهخليكي عبره لكل واحده تفكر انها تخون رأفت بيه الدميري
ثم نظر الى سعد وهو يتناول الهاتف
= أمن المكان علشان تنقلها من هنا مش لازم تفضل في مكان واحد اكتر من يوم وانا هخلص الي ورايا وهاجي للمكان الي اتفقنا عليه
هز سعد رأسه باحترام وهو يتجه للخارج لتأمين الطريق قبل نقل ملك الى مكان أخر
نظرت له ملك وهي تقول بتحدي
= انا مش هتنازل عن ابني حتى ولو انت وقاسم مـ،ـوتوني ..فاهم يا رأفت انا مش هتنازل عن ابني ولا هسافر واسيبه زي ما انتوا اتفقتوا انا ممكن اقبل روحي تسيبني ولا اني اقبل اني أسيب ابني
مط رأفت شفتيه وهو يتجه إليها ببرود
ثم مال وهو يمسك كف يدها المقيده وهو يضغط على اصابعها عكس إتجاهه الطبيعي بقسوه شديده حتى كاد ان يكسرها وهي تصرخ من شدة الالم
= يبقى هنزور إمضتك وهنقطع الصوابع الحلوه دي نبصم بيها وندفـ،ـنك وولا من شاف ولا من درى
ثم نظر إليها بشماته وهي تبكي من شدة الالم
=انتي بقيتي خلاص كرت محروق يا ملك يعني لو قـ،ـتلتك وقطعتك ورميتك للكلاب زي ما سامح كان عاوز يعمل محدش هيدور عليكي ولا يسئل انتي فين ولا حصلك إيه
نظرت ملك إليه ودموعها تتساقط بعدم تصديق
= وإنت إيه إلي عرفك بان سامح حاول..
قاطعها رأفت بسخريه
= أصل أنا إلي قايله على فكرة المـ،ـوته الاورجينال دي.. ايه بتبصيلي كده ليه
أيوه انا الي كنت بحرك سامح وبخليه يعمل كل إلي انا عاوزه
شهقت ملك برعب وصدمه وهو يتابع بغضب
= كنا عايشين زي الملوك فلوس زي الرز ومن غير حساب ونسوان وسهر وفسح
ثم اتجه إليها وهو يحاول خنقها بغضب
= لحد ما ظهرتي في حياته وخربتي كل حاجه وبدل ما تمـ،ـوتي انتي ..مات هو..
وكل حاجه انتهت..بس انا لازم اعوض كل الي راح مني حتى لو كان التمن حياتك..
ليرتفع فجأه صوت سعد الزي قال باضطراب وهو يلهث
= رأفت باشا الطريق متأمن ولازم نمشي حالا دلوقتي ..
نظر له رأفت تحول لدهشه وهو يشاهد اضطرابه الواضح
= مالك متلخبط وبتنهج كده ليه..
سعد بتوتر
= قلقان عاوزين ننقلها ونخلص جوزها مش سهل وخايف ألاقيه طابب علينا برجالته في اي لحظه
هز رأفت رأسه وهو يقول بتأكيد
= عندك حق ..خدها وانقلها على المكان الي اتفقنا عليه وسيبلي رجلين تلاته من رجالتك معايا إحتياطي
سعد وهو يضع منديل مخدر على أنف ملك التي حاولت المقاومه حتى انهارت مقاومتها وفقدت الوعي
= حاضر ياباشا انا هسيب أربع رجاله معاك وتحت امرك ولو عوزتني اتصل بيا هكون عندك علطول
ثم فك قيود ملك وحملها الى الخارج في الطريق الى المخبئ الجديد ورأفت يتابعهم برضا ويقوم بالاتصال بالانصاري الكبير وهو ينوي اعلان موافقته على عرضه ..
في نفس التوقيت..
غادر قاسم غرفة مكتبه سريعا ليجد هايدي تجلس برفقة الانصاري الكبير وتعمل على بعض الورق معه
قاسم بصرامه
= هايدي يلا السواق هيوصلك للقاهره عوزك تجهزي لحفله كبيره زي مافهمتك علشان توقيع العقود مع الوفد الايطالي..ولو احتجتي اي مساعده اتصلي على نيرفانا هانم هي متمرسه في الامور دي هي الي هتستقبل المدعويين في الحفله..متتردديش تتصلي بيها
هايدي بارتباك
= حاضر يا فندم
قاسم بصرامه
= طيب يلا اتفضلي السواق مستنيكي مستنيه ايه
تحركت هايدي خارجه سريعا وهي تقول بارتباك
= حاضر يا افندم انا رايحاله حالا ..
وقف قاسم يتابعها حتى خرجت ثم قال بجديه
= خد بالك من عمر يا جدي وزي مافهمتك متخرجوش بره لحد ما أخلص من الموضوع ده خالص وانضف حياتنا مره واحده وللابد
ثم انطلق بتصميم خارجا ..وهو يتوعد كل من خانه بعقاب رادع يشفي غليله
الفصل الرابع والعشرين❤
#انتقام_اثم
قاد قاسم سيارته بسرعه شديده وهو يتوجه بها الى القاهره و يتحدث في هاتفه بغضب شديد
= أنا مش قلتلك متسيبوش معاها لوحدهم..الحيوان كان عايز يضربها ويكسر إيدها ..
سعد بارتباك
= انا كنت واقف طول الوقت جنب الاوضه الي هما فيها ..ويادوبك كنت بجهز العربيه علشان انقل ملك هانم فيها وأول ما حضرتك نبهتني انا
رجعت ليهم علطول
تنهد قاسم بغضب مكبوت
= ماشي الحساب يجمع..اهم حاجه وديت ملك هانم في المكان الي قلتلك عليه
سعد باحترام
= ايوه يا باشا..ومحدش شافني ولا يعرف انها هناك
قاسم بارتياح
= كويس ..الدور دلوقتي على الكلب رأفت هخليه يندم على اليوم الي اتولد فيه
ثم تابع بصرامه
= اقفل انت دلوقتي واعمل الي قلتلك عليه
ثم اغلق هاتفه وزاد من سرعة سيارته
بغضب مشتعل..
بعد مرور ساعتين..
دخل قاسم بسيارته الى فيلته بالقاهره من الباب الخلفي وكان في انتظاره رئيس الحرس الخاص به وعدد من حرسه الخاص
ترجل قاسم من سيارته وهو يقول بصرامه
= مش عاوز حد ياخد خبر ان انا موجود هنا وخلي بالكم كويس عايز تأمين على اعلى مستوى
رئيس الحرس
إطمن يا قاسم بيه ..
تركه قاسم بتعجل دون ان يجيبه وتوجه الى داخل الفيلا من الباب الجانبي
ثم صعد الى الجناح الخاص به في الاعلى وهو يكاد يركض
و اخرج من جيبه بتعجل المفتاح الخاص بالجناح فتح به الباب ثم دخل بهدوء ليجد سيده في اواخر الاربيعينيات زات بنيه قويه تجلس على مقعد مريح بجانب الفراش الخاص به تنهد قاسم بارتياح وهو يغلق الباب من خلفه جيدا..
و ينظر بارتياح الى فراشه ..الممده فوقه زوجته وحبيبته ملك الغارقه في النوم بفعل المخدر الزي اعطاه لها سعد
وقفت السيده باحترام في حين توجه قاسم اليها وهي تقول بصوت خافت وهادئ
= ملك هانم لسه نايمه ..انا قاعده ومتحركتش من جنبها زي ما حضرتك أمرت..
قاسم بهدوء وهو يتأمل ملك باهتمام
= متشكر أوي.. اتفضلي انتي ..وزي ما قلتلك مش عاوز حد يعرف ان ملك هانم او أنا موجودين هنا
هزت السيده رأسها بطاعه
=حاضر يا قاسم بيه..بعد إذن حضرتك
ثم توجهت الى باب الغرفه في طريقها للمغادره
الا ان قاسم استوقفها وهو يقول بهدوء
= خليهم يبعتولنا الغدى هنا ..وبرضه متخليش حد يعرف ان الاكل ده لينا
السيده بابتسامه واثقه
= طبعا يا افندم …دقايق والاكل يكون عند حضرتك
ثم خرجت واغلقت الباب من خلفها بالمفتاح جيدا
تنهد قاسم بارتياح وهو يجلس على الفراش بجانب ملك الغارقه في النوم بفعل الماده المخدره التي أعطيت لها ثم مال عليها يرفعها بين زراعيه بشوق وتوتر ويده تضمها اليه بخوف وهو يقبل اعلى رأسها ويضمها اليه بحمايه ويقول بصوت مخنوق من شدة التأثر
= الحمد لله ..الحمد لله
ثم رفع وجهها الملطخ بالدموع الجافه يتأمله بعشق وشفتيه تمر بلهفه على وجهها
= أعمل فيكي إيه..لو مكنتش عامل حسابي لكل الاحتمالات كنتي ضيعتي بسهوله مني
ثم مرر يده بعشق بداخل خصلات شعرها الناعمه والكثيفه وهو يقول بجديه
= بس الي حصل ده مش لازم يتكرر تاني..لازم تاخدي درس ..ودرس صعب كمان علشان تبطلي تفكري وتتصرفي بمشاعرك وتشغلي عقلك ده شويه
ثم مال على شفتيها يقبلهم برقه شديده وهو يقول بعشق
= معلش يا حبيبتي انا عارف ان الدرس الي هديهولك هيبقى صعب عليكي بس مفيش للاسف حل غير ده
ثم احتضنها بحنان ويده تمر على زراعها بعشق وهو يرفع يدها يدلك اصبعها بحنان ثم مال عليها يقبلهم بعشق وهو يتأكد من سلامتهم ويقول بتوعد غاضب
= ماشي يا رأفت الكلب..ان ما دفعتك التمن غالي..
همهمت ملك فجأه وهي تحارب لاستعادتها لوعيها..لتقول ببكاء وهي بين اليقظه والنوم..
= قاسم..عمر
ضمها قاسم أقرب إليه وهو يقول بحنان
= أنا هنا يا حبيبتي متخافيش
فتحت ملك عينيها وهي مازالت تعاني من أثر المخدر
= عطشانه ..أنا عطشانه أوي
هب قاسم سريعا واعتدل وهو يمد يده بجانب الفراش وملاء كوب بالماء ثم حملها وأجلسها فوق ساقيه بعنايه ويده تلتف حولها بحنان تدعم رأسها وباليد الاخرى يقرب كوب الماء من شفتيها
شربت ملك الماء بنهم ولهفه شديده حتى أنهت على الماء المتواجد بالكوب تحت نظرات قاسم المهتمه
و الزي أعاد ملئ الكوب مره اخرى سريعا وتقريبه من فمها لتعود للشرب من جديد حتى إرتوت وهي تتنهد براحه ثم إحتضنه وهي تبتسم له بارتياح وتغلق عينيها وتعود للنوم من جديد
تأملها قاسم وتأمل إرهاقها وتعبها الواضح بغضب مكبوت ثم أعاد وضعها على الفراش وتغطيتها جيدا
ليتعالى صوت طرقات هادئه على باب الغرفه توجه على أثرها قاسم للباب ليجد السيده التي كانت ترافق ملك تقف وهي تجر عربه مملوئه بالطعام ..
السيده باحترام
=الاكل.. زي ما حضرتك امرت يا افندم
قاسم وهو يأخز منها عربة الطعام ويدخلها لداخل الغرفه
= متشكر أوي.. إتفضلي انتي ..
ثم دخل واغلق الباب خلفه جيدا ووضع عربة الطعام جانبا ثم جلس لدقائق على المقعد المقابل لفراش ملك يتأملها بحنان
ثم تنهد وقال بصوت قوي وواضح
= ملك..
الا انها لم تستجيب وقاسم يعيد عليها بصرامه اكبر
= ملك ..ملك.. فوقي يا ملك
تقلبت ملك في الفراش بتعب وفتحت عينيها وهي لاتستوعب ما تراه ..
لتعود فجأه زاكرتها إليها وتنتفض جالسه برعب شديد وهي تتخيل ان من يحدثها هو رأفت ..
وعينيها تدور سريعا في المكان تتأمل غرفة النوم والفراش النائمه عليه برعب شديد وقد بدأت بالصراخ بفزع وهيستريه وعقلها يصور لها انها تنام في الفراش الخاص برأفت
اقترب منها قاسم سريعا يحتضنها بحمايه وهو يقول بصوت قوي
= اهدي يا ملك ..انا معاكي متخافيش
ليتابع وهو يحاول تهدئتها
= دي أوضتنا يا حبيبتي..إهدي يا ملك..
الا ان ملك واصلت محاولتها الهيستيريه في ابعاده عنها ومقاومته بعنف شديد
ليضطر الى صفعها وهو يقول بصرامه شديده
= فوقي يا ملك ..انا قاسم الي بكلمك..
توقفت ملك عن مهاجمته وهي تنظر اليه بعدم تصديق ودموعها تغرق وجهها وهي تقول بلهفه و خوف
= قاسم ..قاسم انت هنا
ثم انهارت في موجه من البكاء الشديد وهي تلقي بنفسها بين زراعيه وقاسم يحتضنها بشده ويده تمر بحمايه وحنان على جسدها مهدئا
الا انه تفاجأ بها تبتعد عنه فجأه وهي تقول بغضب شديد وقد بدأت في ضربه بيديها الصغيرتين ومهاجمته بعنف وهي تقول بدون ترابط
= انت بتضربني ..عاوز تاخد ابني مني..انا سمعت كل حاجه ومش هتعرف تضحك عليا بعد كده..فاهم ..
انا مش هسيب ابني مهما عملت
سيطر عليها قاسم سريعا وبدون عناء وقيد يديها الاثنتين بيد واحده وهو يضع جسدها تحت ثقل جسده مقيدا وبيده الاخرى ثبت رأسها وهو يقول بغضب
= إخرسي ..ليكي عين تتكلمي بعد المصيبه الي عملتيها ..
ليتابع بغضب أخرسها
= زعلانه اوي اني ضربتك قلم على وشك ..دا انا المفروض اكسر دماغك كلها يمكن أخلص من غبائك وتهورك ابنك الي عماله تصرخي اني عاوز أخده منك مفكرتيش فيه ليه وانتي بتهربي من الفيلا بمنتهى الاستهتار علشان تقعي بمنتهى السهوله والغباء في ايد الكلب رأفت
ليتابع بغضب شديد وهو يقوم ويبتعد عنها
= خايفه مني لاخد ابنك منك .. المفروض انا الي اخاف عليه منك
ومن استهتارك وتصرفاتك الغبيه
جلست ملك وهي تقول بصدمه
= خايف عليه مني ..دا انا افديه بحياتي
رفعها قاسم من كتفيها وهو يقول بغضب شديد
= انا مش عاوزك تفديه بحياتك.. افهمي انتي حياتك مهمه عندي زيه ويمكن اكتر منه ..ليه بتعرضي حياتك للخطر من غير تفكير وكأنك مصممه على الانتحـ،ـار
ليتابع بألم
=ايه مفيش حاجه في حياتك تخليكي تحبيها وتخافي عليها
ليتابع بقسوه
= إسمعي ياملك انا تعبت ومبقتش قادر أتحمل أكتر من كده..احنا بعد كل الي احنا فيه دا مايخلص هنعمل ترتيبات ما بينا بخصوص مستقبلنا انا وانتي وعمر
إبتعدت ملك عنه وهي تقول بتعب
= أنا مبقتش فاهمه حاجه..انا ايه الي جابني هنا .. ورأفت الي كان خاطفني و بيهدد انه هيقـ،ـتلني لو متنازلتش عن عمر
ثم ابتعدت عنه بخوف وهي تشير إليه باتهام
= وانا..انا سمعت كل كلامك انت وجدك معاه في التليفون ..اتهامكم ليا اني بخونك معاه و متفقه على كل حاجه.. وعرضك انت وجدك انك تديله فلوس وتاخد ابني مني..ودلوقتي أفوق ألاقي نفسي هنا.. ده معناه إيه
قاسم بهدوء
= تفتكري انتي معناه ايه
ملك وهي تصرخ بانهيار وتبتعد عنه بخوف اكبر
= مش عارفه ..مش عارفه..يمكن باعني ليك وقبض التمن او يمكن دي تمثليه و انتوا الاتنين متفقين فيها مع بعض عليا
نظر لها قاسم بغضب شديد الا انه قال بهدوء
=هو ..هو نفس الاسلوب المتسرع والغبي ..علطول فكرتي وحللتي وقررتي ان انا الشرير الي بيتفق على مراته مع واحد قزر زي رأفت ..
ليتابع بسخريه مؤلمه
= دا انتي حتى مسئلتيش او حتى طلبتي تسمعي تبرير لكل الي حصلك .. لا اول حاجه جات في تفكيرك انك تتهميني مجاش في تفكيرك اني انا ممكن انقذتك منه مثلا
واني كنت بكدب عليه علشان أشتت تفكيره بعيد عنك علشان ميئزكيش وأدي لنفسي فرصه أفكر وأتصرف
لكن لا طبعا قاسم الشرير هو السبب في كل المصايب الي بتقعي فيها
نظرت ملك إليه بارتباك وهي تقول ببكاء
= أنا مقصدش ..بس ..بس انا مش عارفه أفكر
قاسم بخيبة أمل
= إسمعي يا ملك انا كنت ناوي أقرص عليكي شويه علشان تعرفي غلطك وبعدين أصالحك تاني..بس بعد كلامك ده واستمرار شكك فيا بسبب ومن غير سبب حياتنا متنفعش تاني مع بعض ياملك
ثم تركها وتوجه لباب الغرفه وإلتفت إليها وقال بهدوء
=خدي دوش وغيري هـ،ـدومك
ثم أشار للطعام
=وكلي حاجه علشان شويه هنقعد سوى وهتعرفي إجابه لكل أسئلتك
ثم تركها وخرج
إرتمت ملك على الفراش ثم إنهارت في البكاء وهي تشعر بالندم لكل ما تفوهت به
في نفس التوقيت..
إرتدى رأفت معطفه استعدادا لمغادرة المكان وقام بالاتصال بسعد الزي أجاب عليه سريعا
رأفت بجديه
=أيوه يا سعد وديت ملك للمكان الي إتفقنا عليه
سعد باحترام
=أيوه يا باشا ..
رأفت بجديه
=خد بالك كويس كلها يوم وناخد الفلوس ونخلص منها ..بقولك إيه ادهاني أكلمها
سعد بهدوء
=لسه نايمه يا باشا مفقتش من المخدر ..تحب أفوقهالك
عقد رأفت حاجبيه وهو يجيب
=لا مفيش داعي ..انا جايلك في السكه وجايب ورق التنازل عن ابنها علشان توقعه وناخد الفلوس ونخلص
سعد باحترام
=تيجي بالسلامه ياباشا احنا في انتظارك
اغلق رأفت الهاتف ثم صعد الى سيارته التي يقودها احدى رجاله في حين جلس الثلاثه الاخرون معه في مؤخرة السياره ثم قال بتكبر اطلع على الشـ،ـقه الي في المقطم
قاد السائق السياره دون ان يجيبه وإتخذ طريق مخالف للطريق المتفق عليه
رأفت بغضب
=إنت يا ابني رايح فين ده مش الطريق الي قلتلك عليه..
الا انه ظل صامتا دون ان يجيبه وهو مستمر في قيادته دون ان يغير طريقه
شعر رأفت بالخوف والتوتر وهو يتلفت حوله ويقول بفزع
=انت يا حيوان .. رايح على فين ده مش الطريق
ليتفاجأ بالرجال الجالسين معه يلتفون حوله وأحدهم يقول بصرامه
=إهدى يا رأفت إحنا خلاص قربنا نوصل بلاش تجبرنا نتعامل معاك بطريقه مش هتعجبك
إبتلع رأفت ريقه بخوف وهو يقول بارتباك
=انت اتجننت ازاي تتكلم معايا بالشكل ده
ليتفاجأ به بشير للرجلان الاخرات اللزان قاما بتقييد يديه على الرغم من مقاومته الشديده ثم قاموا بوضع لاصق بلاستيكي عريض على فمه
منعه من الصراخ او الكلام حتى وصلت السياره الى باب الفيلا الخلفي وقامو ا باخراجه سريعا
وألقوه أرضآ في القبو السفلي لها
ثم أغلقوا الباب من خلفهم ووقفوا بالخارج لحراسته
في نفس التوقيت..
إرتدت هايدي فستان سهره طويل أسود اللون عاري الظهر تماما وتركت شعرها ينساب خلفها بجازبيه جعلت نيرفانا التي ترتدي فستان ذهبي اللون قصير تنظر لها بغضب و تقول بغيظ
=مش عارفه ليه قاسم طلب منك تجهزي الحفله ..ما انا طول عمري انا الي بجهز الحفلات المهمه الي زي دي
هايدي بدلال وهي تقصد إستفزازها
=ابقي إسئليه .. بس قاسم بيه عنده نظرته واكيد عارف ومتأكد اني اقدر اجهز حفله زي دي واكبر منها كمان
نظرت لها نيرفانا بغضب الا ان صوت احدى الخادمات قاطعهم باحترام
=قاسم بيه طالبكم و مستنيكم تحت في الجنينه
نظرت هايدي لنيرفانا بتحدي ثم اتجهت للحديقه تتبعها نيرفانا التي تستشيط من شدة الغيظ
نظرت نيرفانا وهايدي حولهم بحيره ونيرفانا تقول بتعجب
=هو فين يكون قصدها مستنينا في اوضة المكتب
الا ان صوت احد الحراس تعالى وهو يقول باحترام
=إتفضلوا يا هوانم قاسم بيه طلب مني أوصلكم عنده
تبعته هايدي ونيرفانا حتى وجدو أنفسهم بداخل غرفه واسعه مفروشه بأثاث قليل
نظرت نيرفانا للغرفه بتعجب وهي تقول للحارس
=قاسم قالك هيستنانا هنا
الا انه لم يجب لتلتفت خلفها وتجده يغلق الباب من الخارج
صرخت هايدي ونيرفانا في وقتآ واحد
=انت بتعمل ايه…انت اتجننت بتقفل الاوضه علينا ليه
الا ان الحارس تجاهلهم وتركهم بعد ان اغلق الغرفه عليهم جيدا
قبل موعد الحفل بساعه ..
دخل قاسم الى جناحه الخاص ليجد ملك تجلس على احدى المقاعد وهي مازالت تبكي لتهب واقفه بارتباك عند رؤيته
قاسم بهدوء كأنه يتحدث الى شخص غريب عنه




