رواية كاملة بقلم زينب مصطفى

=مش طلبت منك تدخلي تاخدي دوش وتغيري ـ،ـهـ،ـدومك منفزتيش الي طلبته منك ليه
ملك وهي تمسح دموعها التي تأبى ان تتوقف بارتباك
=حاضر ..انا كنت هدخل دلوقتي حالا
نظر قاسم بغضب للطعام الزي لم يمس
ولكنه قال بصوت حاول ان يكسيه بعدم الاهتمام
=طيب إتفضلي وانا هستناكي لما تخرجي علشان هنروح مع بعض
لمكان مهم
ملك وهي تحاول مسح دموعها
=مكان..مكان ايه الي هنروحه
قاسم بسخريه
=متخافيش مش هخطفك ولاهئزيكي ..دا انا بس هجاوبك على كل أسئلتك إلي محيراكي
نظرت له ملك بلوم ثم إنهارت في البكاء وهي تشعر بالدوار يستولي على رأسها حتى كادت ان تسقط أرضا الا ان يد قاسم إحتضنتها فجأه ومنعتها من السقوط وهو يقول بخوف وتوتر
=ملك ..مالك يا حبيبتي حاسه بإيه
إستدارت ملك بين زراعيه تحتضنه بشده وهي تقول ببكاء قطع نياط قلبه العاشق لها..
=أنا أسفه يا قاسم ..انا أسفه وعارفه اني غلطانه بس ده غصب عني انا كنت عارفه ومتأكده انك مستحيل تقول كده او تتخلى عني بس انا إتعزبت كتير في حياتي ..إتعزبت لدرجة اني غصب عني مش قادره أصدق إنك بتحبني اوي كده او اني ممكن اعيش حياتي طبيعي زي أي حد
ثم رفعت يده الى شفتيها تقبلهم بعشق وهي تقول بارتعاش
=انا قابله وموافقه على اي قرار هتاخده حتى لو كان القرار ده هو بعدك عني المهم تكون مرتاح وسعيد
يا حبيبي
نظر لها قاسم قليلا ثم ضمها اليه بعشق جارف وهو يرفع وجهها إليه يتأمله بحب
=وأنا بحبك يا ملك مش بحبك بس لا دا انا بعشقك وبمجرد مباشوف دموعك كل القرارات الي باخدها بتتهد مهما كنت متمسك او مقتنع بيها بس لازم تثقي فيا يا حبيبتي ..شكك فيا دا بيقـ،ـتلني
اقتربت ملك منه تحتضنه بلهفه وهي تبكي
انا..انا اسفه . وغلطانه وهسمع كلامك وهثق فيك ومش هزعلك تاني ابدا بس سامحني
مال قاسم على شفتيها يلتهمهم بلهفه وهو يحملها ويتجه بها الى الحمام الملحق بالغرفه وهو يقول بمداعبه
= بقى كده هتسمعي الكلام ومش هتزعليني ابدا طيب لما نشوف
ثم قبلها بلهفه شديده وهو يضمها اليه بتملك عاشق
في حين لفت ملك يدها حوله تجزبه اليها بلهفة من كان سيفقد حياته ثم ردت إليه مره أخرى
بعد مرور بعض الوقت ..
وقفت ملك أمام المرٱه في حين وقف قاسم خلفها يمرر الفرشاه في شعرها بعشق شديد ثم وضع يده على خصرها
وسحبها للخلف ويديه تحتضنانها بتملك وعشق وشفتيه تقبل الشريان النابض في عنقها وهو يقول بشغف
= يلا يا ملاكي علشان ننزل تحت ونخلص من كل التعابين الي كانو محاوطينا في حياتنا
استدارت ملك اليه واحتضنته وهي تقول برجاء
= بلاش انا …اتصرف انت يا قاسم..انا مش عاوزه أشوفهم ولا اعرف حاجه عنهم..
رفع قاسم وجهها إليه وهو يقول باصرار
=دة حقك يا ملك ..وانا مستهلش اني ابقى جوزك ان مكنتش أحميكي وأجيبلك حقك منهم
ثم تابع وهو يمرر أصابعه بحنان على وجنتيها
=يلا يا حبيبتي ومتخافيش مهما جرى أنا معاكي وسندك
ثم وضع كفه في كفها بتملك واتجه بها للاسفل..
نزل قاسم بصحبة ملك الى اسفل الفيلا وفتح احدى الغرف ثم وضع ملك بها وهو يقوم بتشغيل احدى الشاشات التي تظهر ما يحدث في الغرف الاخرى
ارتعشت ملك وهي تتعرف على صورة رأفت المقيد والملقي ارضا
ملك بخوف وهي تتعلق بزراع قاسم
=متسبنيش يا قاسم انا خايفه
ربت قاسم على يدها بحنان
=متخافيش يا حبيبتي انا مش هبعد عنك كتير انا هبقى في الاوضه الي جنبك وهتكوني شيفاني وسمعاني عن طريق الشاشه دي
ثم قبل وجنتها مطمئنآ
=متخافيش كلها دقايق وهاجي اخدك بنفسي بس اصفي حسابي مع الكلب ده الاول
ثم قال بحنان وهو يشاهد رعبها الواضح
=خلاص يا حبيبتي متخافيش دقايق وهتكوني معايا
هزت ملك رأسها موافقه وجلست تراقبه بتوتر وهو يدخل الى الغرفه الاخرى ويختفي بداخلها ..
في حين جلس قاسم على إحدى المقاعد المريحه وهو يضع ساقآ فوق الاخرى يتأمل رأفت الملقي عند أسفل قدميه بسخريه
قاسم بتهكم ..
=إذيك يا رأفت بيه شفت الدنيا صغيره ازاي.. تبقى رايح المقطم فجأه تلاقي نفسك مرمي تحت رجلي
ثم أشار لهم بفك قيوده ورفع اللاصق عن فمه
رأفت بخوف بعد ان تحرر من قيوده واللاصق الموضوع على فمه
=إسمع يا قاسم ملك لسه تحت إيدي ولو عملت فيا اي حاجه هخلي رجالتي يخلصوا عليها
إنطلقت ضحكة قاسم الساخره ترج المكان وهو يقول بسخريه ويضرب رأفت بقدمه باحتقار
=مسمهاش ملك..إسمها ملك هانم يا حيوان
ليتابع بتشفي
= وملك هانم مراتي موجوده عندي من الصبح ..انت خطفتها الساعه سبعه الصبح انا رجعتها بيتي الساعه عشره
يعني غابت عني تلات ساعات منهم ساعتين كانت في العربيه في طريقها ليا..والساعه الي كنت خاطفها فيها انا كنت بتابعها صوت وصوره
ثم نهض فجأه وهو يجزب رأفت من قميصه بعنف
=وده يفكرني اني عندي أمانه لازم أرجعها ليك
ليضرب فجأه بجبهته أنف رأفت بعنف مما جعلها تنزف بغزاره ورأفت يصرخ ويحاول الابتعاد عنه الا ان قاسم مد يده وسحب يد رأفت بعنف وهو يلويها خلف ظهره ثم يسحب اصابعه عكس اتجاهها ولم يتركها الا عندما تأكد من انها قد كسرت وهو يقول بغضب
=انا ممكن أسامح في حقي لكن حق مراتي لاء
صرخ رأفت برعب وهو يمسك أصابعه التي كسرت ويقول بتهديد كاذب
=انت بتعمل كده علشان فاكرني لواحدي لكن انا معايا رجاله كتير اوي غير الكلب سعد الي انت اشتريته وزمانهم بيدورو عليا
انطلقت ضحكة قاسم بسخريه شديده
=ويا ترى هما فين رجالتك دول الي بتتكلم عليهم …والاا يكون قاصدك وبتتكلم على رجالتي انا ..
ليتابع بصرامه مخيفه
=كل الرجاله الي حواليك من أول سعد لحد اصغر واحد فيهم دول رجالتي انا
بهت وجه رأفت وهو يستمع لقاسم يتابع بقسوه
=والشـ،ـقق الي انت إستخبيت فيها من أول مانزلت مصر لحد دلوقتي حتى الفيلا الي خبيت ملك فيه دي كلها ملكي ..حتى شـ،ـقة المقطم الي انت كنت رايح لها تبقى برضه ملكي وبتاعتي..
ليتابع بقسوه
=أنا بس كنت بلاعبك لحد ما ألمكم كلكم عندي والحساب يبقى كله مره واحده
رأفت بارتعاش
=تقصد ايه انا مش فاهم
قاسم بسخريه
=أفهمك…
ثم اتجه الى احد الغرف وفتح بابها ويظهر على بابها
نعمات زوجة ابو ملك والتي دخلت وهي تتلفت حولها بخوف ثم اندفعت تقبل يد قاسم وهي تقول بانكسار مزيف
=انا مليش دعوه يا بيه هما الي قالولي اعمل كده
سحب قاسم يده منها وهو يقول بغضب
=إخرسي ومتتكلميش الا لما يتطلب منك
ابتعدت نعمات سريعا ووقفت بعيدا عنه وهي خائفه
في حين إتجه قاسم الى باب اخر وفتحه وهو يشير الى نيرفانا وهايدي التان كانتا تشاهدان بشحوب وخوف كل ماحدث بين قاسم ورأفت عن طريق شاشه كبيره امامهم
دخلت نيرفانا وهايدي الى الغرفه بارتعاش
في حين اتجه قاسم الى غرفه أخرى وفتح بابها
واشار الى ملك وهو يقول بتشجيع
=تعالي يا حبيبتي متخافيش ..انا معاكي
تحركت ملك و ذهبت اليه وهي تحارب خوفها
لتلتف يد قاسم حول خصر ملك بحمايه وتملك وهو يدخل الى الغرفه و يقول بصرامه مخيفه
=كده ناقصنا كامله هانم ..بس للاسف كامله هانم لسه في المستشفى ومش هتقدر تكون معانا بس انا اتصرفت..
ثم نظر لهم بسخريه و هو يقول باحتقار
=بقى هما دول شوية الصراصير الي كانوا مبوظين حياتنا
ثم قبل وجنة ملك بحنان وهو يوجهها للجلوس براحه على احد المقاعد
ثم تابع بقسوه شديده
=دلوقتي هفعصهم قدامك علشان يبقوا عبره لغيرهم ..وكل واحد يتحمل نتيجة أفعاله
الفصل الخامس والعشرين❤
#انتقام_اثم
جلس قاسم بجوار ملك وهو يضع قدم فوق يتأملهم باحتقار ويقول بقسوه
= نعمات ..نيرفانا..هايدي..والكلب رأفت ..ها تحبوا أبتدي بمين
نظرت نيرفانا له وهي تقول بتوتر
= أنا عارفه ان في مشاكل بينك وبين رأفت بس انا مليش دعوه بيه..
لتتابع بخبث متوتر
= انت عارف ان انا من زمان قاطعه علاقتي بيه ومعرفش اي حاجه من
الي كان بيخطط لها و لا اعرف حتى انه رجع مصر ولو كنت أعرف انه عاوز يخطف ملك كنت اكيد هاجي أقولك وأعرفك زي ما عملت قبل كده
إرتفع صوت رأفت فجأه وهو يقول بغضب
= بقى كده بتبعيني ..بتبيعي اخوكي
بعد كل الي عملته عشانك وبتبعيني عشانه
نظرت نيرفانا له بقسوه وقالت بغضب
=انا ماليش دعوه بيك ولا بكل عاميلك السـ،ـوده..انا اساسا اعتبرتك مت من
يوم ماحاولت تقـ،ـتل قاسم
وقف رأفت فجأه وحاول الهجوم عليها وهو يقول بغضب مجنون
=اه يا حربايه يا بنت الكلب..دا انا كل الي عملته كان لاما باتفاق معاكي او بتخطيط منك
صرخت نيرفانا وهي تقول بغضب وتبادله الهجوم
=مجرم وكداب و عاوز تلبسني تهمه
علشان تنتقم مني
تراجع قاسم للخلف وهو يتأملهم باحتقار و يتابع شجارهم بتسليه ساخره ويده تحيط بخصر ملك تثبتها بقوه الى جانبه وهو يشعر بها تكاد تفر من أمامهم من شدة الخوف ليميل على أذنها يهمس لها بهدوء
=إهدي ومتخافيش انا جنبك
ليتابع بجديه
=انا جايبك هنا علشان تاخدي حقك وتستمتعي وانتي بتتفرجي عليهم وحقك بيرجع مش عشان تخافي
ثم ربت على يدها مطمئنا لتلتف أصابع يد ملك بقوه على أصابعه طلبآ منها للشعور بالامان
ليلتفت قاسم إليها وهو يبتسم ويغمز لها بعين واحده بطريقه أضحكتها
ليبتسم بحب وهو يرفع يدها إليه ويقبلها وهو يقول بحنان
=أيوه كده يا حبيبتي إهدي وارتاحي واتفرجي على حقك وهو بيرجع
ثم أشار بيده الاخرى لاحد الحرس الزي قام بفصلهم عن بعضهم البعض وقاسم يقول بصرامه
=إخرسوا إنتو الاتنين ومش عاوز أسمع صوت حد فيكم من غير ما أئزن له والا متلوموش الا نفسكم
ثم اشار للحارس بصرامه
=ابعدهم عن بعض و اي حد فيهم يفتح بقه من غير إذن إتعامل معاه فورا
إبتعدت نيرفانا وهايدي للخلف بخوف و توقف نيرفانا عن الكلام والدفاع عن نفسها وهي تنظر للحارس الضخم بتوجس خائف
في حين جلس رأفت أرضا محاولا وقف نزيف أنفه وهو ينظر لقاسم بغضب
لتندفع فجأه نعمات التي تقف أمامه وهي تبكي من شدة الخوف تحاول تقبيل يده وهي تقول بتضرع
=سامحني يا بيه انا معملتش حاجه
ثم أشارت لرأفت الجالس أرضا ومازال يحاول ايقاف نزيف أنفه
=رأفت بيه هو السبب.. هو الي قالي اتصل بملك و اضحك عليها علشان تخرج بره القصر..وإداني خمستلاف جنيه وقالي لو نجحت اني أخليها تخرج هيديني كمان زيهم
لتتابع ببكاء كاذب..
=وانا ست غلبانه يا بيه ومش لاقيه تمن اللقمه ومصدقت الاقي حد عاوز يديني قرشين اصرف منهم.. و وحياة غلاوة ملك عندي انا مكنتش اعرف انه عاوز يئزيها والا مكنتش طاوعته ابدا و اتعاونت معاه
لتتابع بخوف وهي تنظر لقاسم الزي ينظر لها بقسوه ممزوجه بسخريه
=هو السبب يابيه حاسبه هو ..هو إلي ضحك عليا
ثم نظرت لرأفت وهي تقول ببكاء مصطنع
=ربنا ينتقم منك أنا كان مالي ومالك ومال المصيبه دي الي وقعتني فيها
ثم بدأت في البكاء و تشنجت ووقعت أرضا وهي تدعي انها فقدت الوعي
شهقت ملك بخوف وحاولت النهوض سريعا من جانب قاسم والتوجه لنجدة نعمات التي تتظاهر بفقدان الوعي ..الا ان يد قاسم منعتها
وهو يقول بصرامه
=إقعدي رايحه فين..
ملك بخوف
=سيب ايدي حرام عليك يا قاسم خليني اشوف مالها ليكون جرالها حاجه
قاسم بسخريه وهو مازال يتمسك بها الى جانبه
=اه إحنا هنبتدي ..طيب استني انا هفوقهالك حالا
ثم نظر لنعمات بسخريه وهو يقول بتهكم
=قومي يا نعمات.. انا عارف انك كويسه
الا انها لم تستجب لها ليتابع بصرامه
=هتقومي من نفسك وتبطلي تمثيل والا أفوقك بطريقتي
شهقت ملك وهي تقول باعتراض
=حرام عليك ياقاسم دي شكلها مغمي عليها فعلا
نظر لها قاسم بفروغ صبر ثم تجاهلها وهو ينادي على احد رجاله بصوت عالي
= عماد..
ليدخل سريعا احد رجال حراسته الاقوياء البنيه و الزي قال باحترام
= قاسم باشا..
أشار قاسم لنعمات بجديه
=فواقها..
إقترب الحارس من نعمات وكادت ملك ان تندفع اليه تمنعه من الاقتراب منها الا انها تفاجأت بنعمات تفتح عينيها بخوف وهي تبتعد عنه وتقول برجاء
=أنا فوقت..فوقت يا بيه وبقيت كويسه ..خليه يبعد عني
اشار قاسم للحارس بالابتعاد وهو يميل على إذن ملك بتحزير
= لو سمعت صوتك تاني هخليكي تقفي وسطهم وتتحاسبي زيك زيهم انتي المصايب الي عملتيها فيا زي المصايب الي عملوها ويمكن أكتر
نظرت ملك له بخوف وهي تجلس بصمت وتنظر له بتوجس جعله يضحك بمرح وهو يسحب يدها ويضعها بداخل يده ثم يقبل كفها وهو يقول بهمس مرح
= شاطره يا ملوكتي..
ثم استدار لنعمات وهو يقول بجديه
=شوفي يا نعمات علشان توفري عليا وعلى نفسك وتوقفي الفيلم الهابط الي انتي بتعمليه ده ..انا عارف كل حاجه عنك وعارف انك كلبة فلوس تبيعي نفسك علشان القرش.
نعمات بخوف
= أنا يا بيه..
قاسم بغضب وهو يضغط على كف ملك بحمايه
=ايوه انتي يا نعمات.. ايه فكراني مش عارف انتي عملتي ايه..فكراني معرفش انك جوزتي ملك لسامح غصب عنها علشان طمعانه في المهر الي هيدفعه
ثم تابع بقسوه
=كل شهر كان بيوصلك فلوس منه ومن كامله قصاد انك ترغميها انها تكمل معاه و إنك تسكتي وتعملي نفسك مش شايفه الضرب والتعزيب الي كان بيعمله فيها..
ليتابع بغضب اكبر وهو يقف ويسحبها بقسوه من زراعها
=وخدتي تاني فلوس من كامله بعد مـ،ـوت سامح قصاد انك تاخديها وتمشوا من البلد و ده بعد ماهددتي كامله انك هتفضحي ابنها لو مخدتيش فلوس علشان تسكتي وتسكتي ملك
شهقت ملك بعدم تصديق وهي تسمعه يتابع بقسوه
=وبعتي بيت ابو ملك وخدتي الفلوس ليكي وطفشتي على القاهره علشان كنتي خايفه ملك ترجع وتطلب حقها
في ورث أبوها الي بعتيه وإستوليتي عليه
ليتحول صوته الى صرامه مخيفه وهو يتابع
=ومكتفتيش بكده وبكل الفلوس الي خدتيها لا رجعتي بعتيها تاني لرأفت وانتي عارفه انه هيخطفها و هيئزيها وممكن جدا يمـ،ـوتها وده كله ليه ..
قاسم بقسوه
=علشان الفلوس .. الفلوس الي بتحبيها يمكن اكتر من نفسك وعشان كده جزائك لازم يكون من جـ،ـنس العمل
ثم نادى بصوت قوي
=عماد ..دخل مرتضى
ليدخل رجل في منتصف الخمسينيات من عمره يرتدي جلباب بلدي غالي الثمن ويظهر عليه سعة العيش ..
نظرت ملك إليه في حيره في حين إمتقع وجه نعمات وهي تنظر إليه وتقول بتوجس
=إنت بتعمل هنا إيه يا معلم مرتضى
قاسم بسخريه
= أنا أقولك..بقى المعلم مرتضى ده يبقى واحد من رجالتي وأنا الي باعته ليكي يعني مش عريس ودايب فيكي زي ما فهمك ولا هيشغلك فلوسك ويزودهملك الطاق تلاته زي برضه ماهو فهمك
نعمات بزهول
= يعني إيه يا بيه مش فاهمه يعني كنتو بتنصبوا عليا..خدتوا فلوسي وكل الي حيلتي ونصبتوا عليا
قاسم بقسوه
=إخرسي ..فلوسك ايه حيوانه الي بتتكلمي عنها ..احمدي ربنا اني إكتفيت بأخد الفلوس بس ومسجنتكيش انتي ناسيه ان انا معايا ايصالات أمانه انتي كنتي ماضيه عليها لسامح و كامله ولو كنت قاضيتك بيهم كنتي قضيتي عمرك كله في السجن
ثم نادى مره اخرى على عماد
=عماد تعالى خد الست دي وإرميها بره
صرخت نعمات واتجهت الى ملك التي انسابت دموعها بصمت تقبل يدها بتوسل
=فلوسي يا ملك شقى عمري خليه يرجعهملي أبـ،ـوس إيدك خليه يرجعلي فلوسي
سحبت ملك يدها ونظرت الى اتجاه أخر برفض وهي تقول ودموعها تتساقط بألم
=دي مش فلوسك يا خالتي ..دي سم مخلوط بدمي ووجعي تمن لحياتي الي بعتيها برخص التراب
صرخت نعمات برفض وهي تلطم وجنتيها وقاسم يشير لحارسه الشخصي
=إنت مستني إيه..إرميها يلا بره
سحبها الحارس للخارج وهي تصرخ بجنون
=فلوسي ..انا عاوزه فلوسي ..شقى عمري
ليغيب صوت صراخها بعد ان ابعدها حارس قاسم الشخصي للخارج..
وتنهار ملك في البكاء وقاسم يحتضنها مهدئآ وهو يهمس لها مشجعآ
=انا عارف ان المواجهات دي صعبه عليكي بس لازم منها عشان ترتاحي ونقدر نبتدي حياتنا من غير مشاكل
ثم مسح دموعها بحنان وهو يهمس لها
=إجمدي يا حبيبتي..انا بعمل كل ده علشانك
ثم أجلسها الى جانبه مره اخرى وهو يلف اصابع يده حول أصابعها بحنان مطمئنآ لها
ثم رفع عينيه بغضب لهايدي التي تقف في الخلف تشاهد ما يحدث حولها بتوتر
ليشير لها بسخريه
=إيه يا هايدي واقفه ورى كده ليه تعالي
ثم نظر لها بسخريه وهو يتابع بتهكم
=هايدي السكرتيره بتاعتي المخلصه والشاطره جدا والطموحه جدا الي في سبيل انها توصل للي هي عاوزه مفيش عندها مشكله انها تنام مع ابن عمي او تبعني وتبيع اخباري لكلب زي رأفت او للي يدفع اكتر
شهقت هايدي بخوف
=الكلام ده مش حقيقي يا قاسم بيه انا استحاله اعمل كده واستحاله أخونك او اخون ثقتك فيا
قاسم بسخريه
=بجد ..طيب إسمعي كده..
ثم أدار جهاز صغير موضوع امامه ليتعالى صوتها وهي تتحدث مع رأفت في الهاتف
امتقع وجه هايدي وهي تستمع لكل التسجيلات التليفونيه والاتفاقات التي دارت بينها وبين رأفت
اغلق قاسم الجهاز وهو يقول بتهكم
=أظن ده صوتك مش كده
هايدي بارتباك خائف
=أيوه هو ..بس حضرتك فاهم غلط ..انا هفهم حضرتك
قاسم بهدوء ساخر
=لا انا مش عاوز أفهم حاجه انا بس عوزك تهدي وتوفري مجهودك لبعدين لانك هتحتاجيه ومتخافيش انا مش زعلان منك
ليتابع بقسوه
=انتي اصلا نكره.. مجرد كارت محروق بالنسبالي من اول ما شفت فديوهاتك القزره مع سامح وانا براقبك وكنت سايبك بس علشان استغل علاقتك
برأفت لو فكر يرجع مصر تاني وده الي حصل فعلا و ان كان على فديوهاتك القزره فدي حاجه متخصنيش
ليتابع بهدوء
=و عشان كده تقدري تمشي ومتورنيش وشك تاني سواء هنا او
في الشغل
نظرت له هايدي بدون تصديق وهي تقول بعدم تصديق
=أمشي ..حضرتك بتتكلم جد هتسبني امشي
نظرت ملك له بدهشه وهو يشير لها بهدوء
=اتفضلي انا مش مانعك.. الباب قدامك أهوه
توجهت هايدي الى الباب وهي تكاد ان تجري في محاوله منها للخروج سريعا ..
الا ان صوت قاسم إستوقفها وهو يقول لنيرفانا بسخريه
=جرى ايه يا نيرو مش تديها أكونت القناه الي انتي عملهالها وبتنزلي فيديوهاتها عليها
إلتفت هايدي الى نيرفانا بزهول غاضب
= قناة ايه ..انا مش فاهمه
قاسم بسخريه
= ما تقوليلها يا نيرو والا خايفه منها
رفعت نيرفانا وجهها بتحدي
=وانا هخاف من دي ..ايوه انا نشرت كل فديوهاتك إلي مع سامح ورأفت و إلي مع غيرهم كمان ..
لتتابع بتكبر
=علشان تبطل تحط راسها براس أسيادها وتحاول تتحداني وتخطفك
مني
شهقت ملك بصدمه في حين اندفعت هايدي تحاول مهاجمة نيرافانا بعنف
وهي تقول بهيستريه
=هقتـ،ـلك زي ما فضـ،ـحتيني وضيعتي مستقبلي
اندفعت نيرفانا هي الاخرى تهاجمها بعنف حتى سالت الد,ماء من وجوههم
وهي تقول بغضب
=فضيحة ايه الي بتتكلمي عنها ..انتي مصدقه نفسك دا انتي نمتي مع طوب الارض والكل عارفك وعارف بلاويكي كويس
تركهم قاسم يتقاتـ،ـلون قليلا وهو يتفرج عليهم بتسليه ثم اشار لحارسه الشخصي بابعادهم عن بعضهم البعض
اندفع الحارس وفصلهم عن بعضهم بقوه وابعد نيرفانا الى الخلف بغلظه في حين قيد هايدي بيديه لتستمع بزهول لقاسم وهو يقول بجديه
= فيديوهاتك دي كانت معايا وانا حرقتها زي ما حرقت غيرها واستحاله اني كنت افكر اني انشرهم او افرج حد عليهم وده ميمنعش اني قادر اني اخد حقي وحق مراتي منك من غير افضحك
او افضح شرفك و سمعتك
ليتابع وهو يتأمل صدمتها بتهكم
=بس الي انتي اتعاونتي معاهم ضدي ونقلت اخباري لهم علشان يخطفوا مراتي ويئزوها هما الي فضحوكي ونشرو قزارتك ومفرقش معاهم لا سمعتك ولا فضيحتك..
اندفعت الدموع من عين هايدي وهي تتخيل مقدار الفضيحه التي تنتظرها في الخارج لتقول برجاء
=قاسم بيه انا..
قاطعها قاسم ببرود
=انا مش عاوز اسمع حاجه منك.. واتفضلي اطلعي بره مش عاوز أشوف وشك هنا او في اي مكان يخصني ..
نكست هايدي رأسها بانكسار وتوجهت للخارج ليستوقفها صوت قاسم القاسي
=هايدي…
نظرت له هايدي بأمل الا انها تفاجأت به يتابع بقسوه
=نيرفانا بلغت بوليس الاداب عنك وعن الفديوهات بتاعتك و بلغت عن عنوانك انه هنا ..
لينظر بتهكم لنيرفانا التي تنظر اليه بتوتر
=كانت عوزاهم يقبضوا عليكي وسط الحفله والمدعوين علشان تبقى الفضيحه اكبر ..
بس انا منعتهم من الدخول وهما استجابوا لما عرفوا ان ده مش عنوانك الحقيقي..بس ده ميمنعش انهم بيدورو عليكي وهيقبضوا عليكي اول ما يوصلولك ..
شهقت هايدي ودموعها تتساقط برعـ،ـب وهي تصرخ بهيستريه
=هقـ،ـتلك ..هقتـ،ـلك يا بنت الكـ،ـلب وهاخد حقي منك انتي والكـ،ـلب اخوكي
ثم اندفتعت تحاول مهاجمة نيرفانا التي ابتعدت عنها بخوف في حين أشار قاسم لاحد حرسه باخراجها الى خارج الفيلا
=خدها بره ومش عاوز أشوف وشها هنا تاني ..
إرتعشت ملك وهي تضع يدها على فمها برعب وهي تشعر انها تكاد ان تتقيأ ودموعها تنهمر من عينيها بشده
نظر قاسم اليها بدهشه وهو يقول بقلق
= مالك يا ملك ..مالك حبيبتي في إيه
هزت ملك رأسها بألم ودموعها تتساقط رغمآ عنها
=حرام يا قاسم ..حرام مش للدرجه
دي ..دا كده تبقى ادمرت خالص
قاسم بقسوه
=انا معملتش فيها اي حاجه .. حتى حقي منها مخدوتش بعد ما عرفت الي حصل لها
ليتابع بقسوه
=انا بس وقفت اتفرج عليهم وعلى الي بيعملوه معاها من غير ما اتدخل وأمنعهم .. واظن دي اقل حاجه هي تستحقها
ثم مال عليها ومسح دموعها بحنان
=لو مش قادره تقعدي وتكملي اطلعي فوق ارتاحي وانا هخلص معاهم واطلعلك فوق علطول
هزت ملك رأسها بنفي وهي تحتضن كفه بثقه
=لا انا عاوزه أكمل معاك ..
ابتسم قاسم لها بتشجيع ثم إستدار الى نيرفانا ورأفت الزي مازال يجلس أرضا يتابع ما يحدث بغضب صامت
قاسم بسخريه
=ودلوقتي فضيت لكم اصل نعمات وهايدي دول حاجه كده تسليه بمهد بيها للوليمه الكبيره الاخ والاخت الجشعين والمنحلين و الفشله حتى
في اجرامهم فشله ..
نيرفانا بخوف
= قاسم حرام عليك متظلمنيش
ثم نظرت لملك بكره
=بلاش تخلي اي حد يدخل ما بينا ويكرهك فيا
قاسم بقسوه
=اخرسي واسمعيني انتي واخوكي كويس
كل مصايبكم وجرايمكم عندي من اول ما أخوكي جر رجل سامح في الطريق القزر الي كان ماشي فيه وتشجيعه لسامح علشان يقتـ،ـل ملك لحد محاولته قـ،ـتلي وبعدها محاولته خـ،ـطف ملك علشان يساومني عليها
ثم تابع بقسوه
=وطبعا مننساش محاولتك قـ،ـتل كامله ورميها من على السلم لما سمعتك بتتكلمي في التليفون مع رأفت وبتتفقوا على انكم تتخلصوا مني
ومن مراتي وابني
شهقت ملك بصدمه في حين صرخت نيرفانا بجنون
=كدب ..كدب ..ملك هي و رأفت اتفقوا مع بعض انهم يملوا دماغك بكلام كدب عني علشان عاوزين يتخلصوا مني
الا انها صمتت بزهول والشاشات العملاقه التي بالغرفه تفتح كلها فجأه وتظهرها وهي تدفع كامله بقسوه من الخلف لتقع اسفل سلم الفيلا الداخلي مدرجه في دمائها ثم تقف تنظر لها بشماته وقسوه وهي ملقاه اسفل السلم غارقه في دمائها
ثم يعاد المشهد مره ومره ومره وهي تنظر له بزهول وسط نظرات ملك المصدومه و ضحكات رأفت الشامته
و نظرات قاسم القاتـ،ـله
حتى صرخت بهستيريه غاضبه وهي تنظر بجنون للشاشات التي تعيد و تكرر مشهدها وهي تحاول قتـ،ـل كامله
لتضع يدها على أذنيها وتغلق عينيها وهي تقول بجنون
=كفايه ..كفايه
الا انها تفاجأت بصفعه قويه على وجهها أخرصتها تزامنآ مع توقف الشاشات عن العمل..
وقاسم يقول بغضب
= فتحتلك بيتي وصرفت عليكي انتي وأهلك واتعاملتوا معاملة الملوك لمجرد انكم تقربوا لينا وفي الاخر ده جزائنا انكم تحاولوا تقـ،ـتلوني و تحاولوا تقتـ،ـلوا مراتي وابني وفي الاخر حاولتوا تقـ،ـتلوا كامله الي مربياكم ولحم كتافكم من خيرها انتو ايه شياطين
نيرافانا و دموعها تتساقط بغضب..
=ايوا انا حاولت اقـ،ـتل مراتك الي خـ،ـطفتك مني بتمثيلها دور الطيبه
وابنك الي انت فرحان بيه ده كان
لازم يمـ،ـوت علشان ابني منك لما
يبجي يلاقي كل حاجه ملكه هو وبس ..
قاسم بغضب..
=ابنك مين الي بتتكلمي عنه.. انتي اكيد مجنونه ..عشقك للفلوس عمى قلبك وخلاكي تتصرفي بجنون ..ملك الي بتتكلمي عليها دي تسوى عندي الدنيا ومافيها وابني منها ده هو نور دنيتنا الي هنعيشها سوى وإلي هيفكر بس يمسهم بسوء هنسفه من على وش الدنيا
ثم تابع بقسوه شديده
=فوقي من الاوهام الي في دماغك دي انا لا عمري حبيتك ولا اتجوزتك ولا نويت اني اتجوزك علشان يكون عندي منك اولاد ..
نيرفانا بصراخ وهي تحاول مهاجمة ملك..
=كداب يا قاسم انت كنت هتتجوزني لولا الحربايه دي هي الي فرقت مابينا وعشان كده لازم تمـ،ـوت ..لازم تمـ،ـوت علشان انا اعيش .. فاهمه لازم تمـ،ـوتي يا ملك
منعها قاسم من الوصول الى ملك التي وقفت في الخلف ترتعش برعب من مظهر نيرفانا التي تصرخ بجنون وهي تقطع في شعرها وتصرخ وتضحك في نفس الوقت وهي تقول بهيستيريه
=انت ملكي يا قاسم ملكي انا بس والفلوس دي كلها بتاعتي انا لوحدي ومحدش هياخدها مني دي فلوسي والقصر ده بتاعي ..كل حاجه هنا تبقى ملكي وبتاعتي و محدش هياخدها مني مهما حاولتوا
لترتفع ضحكات رأفت العاليه والشامته بشقيقته وهي تحاول الهروب من قاسم الزي يكبلها بقوه وهي تقول لملك بتوعد
= انتي هتمـ،ـوتي وابنك هيمـ،ـوت وقاسم هيتجوزني وهاخد كل الفلوس والاملاك ليا لواحدي ..فاهمه ليا لواحدي
ثم بدأت بالصراخ والضحك مره اخرى بهيستيريه..
حتى صرخ قاسم في رجاله بغضب
=انتوا واقفين تتفرجوا عليا خدوها الاوضه التانيه احبسوها فيها وكتفوها كويس علشان متئزيش نفسها
التف حارسان حولها وكبلوها جيدا وتوجهوا بها لغرفه اخرى وهي مازالت تصرخ وتبكي وتضحك بطريقه هيستريه مجنونه
وقاسم يتابع بصرامه
اطلبولها دكتور يجي يديها حقنه مهدئه لحد ما البوليس يجي ياخدها من هنا
ثم توجه لملك يحتضنها بحمايه و هو يمرر يده على جسدها المرتعش بحنان محاولا طمئنتها بعد الكلمات و المشهد المرعب الزي شاهدته من نيرفانا
قاسم بحنان
=ملك اطلعي فوق كفايه عليكي الي شفتيه النهارده
هزت ملك رأسها برعب وهي تتمسك بيده بقوه
=لا انا مش هسيبك معاه لوحدك.. ده مجرم ومعندوش ضمير ..
ربت قاسم على يدها بتطمين وهو يستوعب خوفها الشديد عليه
=طيب يا حبيبتي خليكي ..بس اهدي واطمني انا مسيطر على كل حاجه متقلقيش..
ثم إستدار الى رأفت الزي يجلس أرضآ وهو ينظر له بتحدي وابتسامه مستفزه
قاسم بسخريه
= ايه يا رأفت بيه شايفك بتضحك أوي ومبسوط.. إيه مش خايف..
وقف رأفت وهو يبتسم بتحدي
=وهخاف من إيه هو انا كنت عملت حاجه
ثم تابع بتبجح
=ايه هتبلغ عني البوليس هتقولهم ايه كان عاوز يخطف مراتي وانا رجعتها دي قضيه بالكتير هاخد فيها سنتين تلاته وبعدها هخرج تاني وان كان على قضية محاولة قتـ،ـلك انت متهمتنيش في المحضر الرسمي بتاعها وقلت في المحضر انك كنت بتنضف سلاحك وخرجت منه رصاصه صابتك بالغلط علشان كنت خايف على مراتك وسمعتها ومكنتش عاوز حد يعرف
ان انا خطفتها
ثم تابع وهو يضحك باستفزاز وتحدي
=اطلب ..اطلب البوليس وخلصنا
قاسم بابتسامه هازئه
=ومين الي قالك اني هسلمك للبوليس
ضحك رأفت بسخريه
=هتعمل ايه يعني ..هتقتـ،ـلني ..
مصدقش
ثم تابع بكراهيه
=انا عارفك كويس يا قاسم وعارف انك استحاله تقـ،ـتلني او انك تأمر رجالتك انهم يقـ،ـتلوني دي مش طريقتك انت نضيف أوي والسكه دي مش سكتك انت بكتيره هتخليهم يضـ،ـربوني علقه جامده وفي الاخر هتسلمني للبوليس
قاسم بابتسامه ساخره
=بس انا مش هسلمك للبوليس ..انا هسلمك لناس تانيه بيدورو عليك ونفسهم يلاقوك
رأفت بتحدي
= ناس مين الي هتسلمني ليهم متحاولش تلعب بأعصابي علشان تخوفني و انهار زي ماعملت مع
نيرفانا
وقف قاسم وهو يفك أزرار كم قميصه ويثنيه للخلف وهو يقول بصرامه مخيفه
=لا سلامتك وسلامة أعصابك ..انا هريحك وهريح أعصابك على الاخر
ثم نظر لرجاله الزين يقفون بتأهب من حوله
=محدش فيكم يتدخل ..ده حساب بينه وبيني
صرخت ملك بخوف
=قاسم ..انت هتعمل ايه .. بلاش علشان خاطري
اشار قاسم لرجاله بصرامه
= لو ملك هانم حاولت تتكلم او
تتدخل طلعوها على أوضتها فوق علطول
صمتت ملك بخوف وهي تضع يدها على فمها بتوتر وهي ترى قاسم يقترب من رأفت بتوعد في حين وقف رأفت وقابله بتحدي ثم اندفع تجاه قاسم يحاول لكمه في انفه..
الا ان قاسم تفاداه سريعا وهو يعود للكمه في وجهه وانفه لكمات قويه ومتتابعه جعلته يترنح للخلف وهو ينزف
الا ان يد قاسم منعته من الرجوع للخلف وهو يجزبه نحوه بقسوه ويلكمه لكمات قويه متتاليه في بطنه وصدره جعلته يسقط ارضا وهو يتألم وينزف بشده
وقاسم يرفعه بغضب شديد من على الارض وهو يقول بقسوه
= قوم يا كلب ودافع عن نفسك زي الرجاله
ثم تبع كلماته بضربات قويه متتاليه في معدته ووجهه وساقيه جعلته يسقط ارضا وهو شبه غائب عن الوعي
لتصرخ ملك برعب وهي تندفع نحو قاسم تحاول منعه من مواصلة ضرب رأفت الغارق في دمائه
= كفايه يا قاسم ..كفايه.. هيمـ،ـوت في ايدك ..
اشار قاسم لرجاله وهو يقول بصرامه
=طلعوا الهانم فوق..مستنيين ايه
صرخت ملك برعب وهم يخرجوها للخارج
=كفايه يا قاسم متوديش نفسك في داهيه علشان واحد زي ده
ليغيب صوتها الباكي وقاسم ينظر بقسوه واحتقار لرأفت الملقي ارضا وهو ينزف بشده
ركله قاسم بقسوه في جسده وهو يقول باحتقار
= عاوز تعرف انا هسلمك لمين هسلمك
للناس الي خنت ثقتهم وعملت علاقات قزره مع بناتهم وزوجاتهم ومكتفتش بكده لا دا إنت صورتهم والست إختك وهي بتحاول تنتقم من هايدي وتنزل فيديوهاتها على المواقع الابـ،ـاحيه نشرت و نزلت معاها كل فديوهاتك التانيه علشان تدي ايحاء ان هايدي شغاله في شبكة دعـ،ـاره مع ستات تانيه ومكلفتش نفسها تشوف الفديوهات دي تخص مين ..
إرتعش رأفت برعب وهو يستمع لقاسم
يتابع بسخريه
= وأظن انت عارف مين الستات دول ويبقوا ولاد مين في البلد
ثم ركله بقسوه جعلته يصرخ متألما وقاسم يتابع بسخريه
=وأحب أبشرك في تلات عيلات رجالتهم واقفين بره مستنيين الازن علشان يخدوك وياخدو بتارهم منك أولهم عيله كبيره اوي في تجارة السلاح والعيله التانيه عندها اكبر الشركات الي بتورد البادي جاردات لكل رجال الاعمال في الشرق الاوسط..
اما العيله الاخيره بقى مقولكش تخصص مخدرات وغسيل أموال..
ثم ضحك بسخريه وهو يشير لحراسه
= خدو رأفت بيه وسلموه للرجاله الي بره .. مش عاوزين نأخرهم ونأخر نفسنا أكتر من كده احنا كمان عندنا حفله لازم نلحقها
رأفت وهو يحاول التمسك بساق قاسم برعب
= بلاش ..بلاش تسلمني ليهم وانا هاعترف للبوليس بكل حاجه وبكل الي انت عاوزه بس بلاش تسلمني ليهم أبـ،ـوس إيدك..
قاسم بقسوه
=انت مشكلتك مبقتش معايا دلوقتي..
انت مشكلتك دلوقتي مع الي وسخت عرضهم وشرفهم وفضحتهم بالفديوهات الي نشرتها فوفر مجهودك ليهم احسنلك
ثم اشار لرجاله
= خدوه سلموه للرجاله الي بره
لتتعالى صرخات رأفت برعب وهم يأخزونه الى الخارج وقاسم يغلق عينيه بغضب
ويقول بقسوه
= الجزاء من جـ،ـنس العمل .. نعمات ..هايدي ..نيرفانا..رأفت..أخدتم عقاب كل الشر الي عملتوه في حياتكم وخلصنا منكم ومن شركم وأزيتكم
ثم تنهد وهو ينظر للاعلى ويبتسم بارتياح
= وبكده ابقى نضفت حياتنا من كل الحيات الي كانت فيها .. واقدر ابتدي حياتي مع ملك من غير خوف ولا قلق
ثم ابتسم براحه وهو يتوجه لها في الاعلى
(الفصل الاخير والخاتمه هيكونو يوم الخميس الي جاي ان شاء الله????)
الفصل السادس والعشرون❤
#انتقام_أثم
دخل قاسم الى الجناح الخاص به ليجد ملك نائمه على الاريكه وهي تبكي و تحتضن الوساده
ليقول بدهشه
=ملك ..مالك يا حبيبتي بتعيطي ليه
رفعت ملك رأسها لتجده يقف بجانب الباب يتأملها بدهشه
لتندفع اليه بلهفه وتتلقاها زراعاه تحتضنها بعشق شديد وهو يمرر يده على جسدها بتطمين ثم قبل اعلى رأسها وهو يقول
=مالك يا حبيبتي بتعيطي ليه
إحتضنته ملك إليها بشده وهي تقول بتقطع وضعف
=أنا .. أنا كنت خايفه عليك
ثم تابعت ببكاء وهي تحاول الابتعاد عنه
= أنا زعلانه ..منك
منعها قاسم من الابتعاد وهو يرفع وجهها اليه ويمسح دموعها بحنان ويقول بمرح
=زعلانه مني انا ..حرام عليكي يا شيخه..
ثم رفعها بحنان بين زراعيه وهو يتابع بمرح
=دا أنا لسه هادد الدنيا تحت علشانك وبرضه زعلانه مني
ثم وضعها على الفراش واستلقى بجانبها وهو يتأمل وجهها الباكي و يتابع بحنان
=متفكريش انك هتهربي مني بشوية الدموع دول أنا عاوز مكفئتي وحالا ومش هتنازل عنها
مررت ملك يدها بحب بداخل خصلات شعره السوداء الغزيره وهي تقول بخوف
=انا كنت خايفه عليك اوي ..كنت همـ،ـوت من الرعب وانا قاعده هنا
ومش عارفه ايه جرالك والا بتعمل
ايه مع المجرم الي اسمه رأفت
مرر قاسم يده على شفتيها وهو يقول بعشق
=الشفايف الحلوه دي مش عاوزها تنطق اسمه تاني ده ماضي وراح وانتهى من حياتنا مش عاوز غير اسمي عليهم وبس
ملك باعتراض
=بس انا كنت عاوذه اعرف انت عملت إيه معاه
مرر قاسم يده بتملك بداخل خصلات شعرها وهو يقول بجديه
=عملت معاه الي يستحقه وعشان تبطلي قلق انا مسكت نفسي بالعافيه علشان موسخش إيدي بدمه بس برضه أخدت حقك منه وده الي يهمني
تنهدت ملك وهي تقول براحه
=انا كنت مرعوبه تكون اتهورت وعملت
فيه حاجه
ثم وضعت يدها على وجنته وهي تقول بحب
=انا مليش غيرك ياقاسم ..انا وابنك وجدك ملناش غيرك ولو حصلك اي حاجه هيضيعوا من غيرك وانا همـ،ـوت مش هقدر اكمل من غيرك وهمـ،ـوت ..
إحتضنها قاسم وضمها إليه بقوه وهو يقول بصرامه حانيه
=مش عاوز اسمع منك الكلام ده تاني.. انا معاكي ومش هسيبك ومفيش حد هيقدر يبعدنا تاني عن بعض..
ثم تابع بتأكيد جاد
=إحنا هنبتدي مع بعض بدايه جديده خالص هننسى فيها كل الي فات
كل الالم والعزاب والظلم الي شفتيه إنسيه وإفتكري بس حياتنا وحبنا وابننا وانا اوعدك اني اعوضك عن كل الي فات
ثم نظر اليها بحب وهو يرفع وجهها اليه
=أنا بحبك وبعشقك يا ملك وعارف اني عذبتك وغلط في حقك كتير ومش عاوز غير انك تسامحيني وتديني فرصه اني أعوضك عن كل الي فات..
ثم إحتضنها مره اخرى وهو يهمس في إذنها بعشق
=اوعدك يا حبيبتي اني من النهارده هساخر كل حياتي ودنيتي ليكي أسعدك وأحبك وأحميكي ولازم تعرفي ان انا كمان مقدرش اعيش ولا يوم تاني من غيرك …
ثم تابع بعشق جارف
=المـ،ـوت عندي أهون من انك تبعدي عني من تاني
رفعت ملك وجهها اليه وهي تبتسم بسعاده
=ربنا يخليك ليا يا حبيبي وميحرمنيش منك أبدا ويخليك ليا ولإبننا
مال قاسم على شفتيها يقبلهم وهو يقول بشغف
=الشفايف الحلوه دي بتقول ايه..مش سامع
ملك بعشق
=بتقول ربنا ميحرمنيش منك أبدا….
إحتضنها قاسم اقرب اليه
= مش دي ..الكلمه التانيه
ملك بعشق
=حبيب….
ليبتلع باقي كلماتها بداخله وهو يقبلها بنهم ولهفه شديده ويتوه بداخل جنة عشقها
بعد مرور بعض الوقت..
نظرت ملك الى المرٱه تتأمل الفستان الزي ترتديه بسعاده شديده وهي تلتف حول نفسها بفرحه تشبه فرحة الاطفال
فهو فستان سهره أبيض أنيق يشبه في تصميمه كثيرا تصاميم فستاين الزفاف ..
ليقترب قاسم منها وهو يحمل صندوق كبيرمن الفضه المشغوله والمرصعه بفصوص من العقيق
ثم وضعه على طاولة الزينه أمامها وهو يتأمل فرحتها الطفوليه بالفستان بسعاده ويده تلتف حول خصرها تضمها اليه وهو يقبل عنقها بعشق
=انا شايف ان الفستان عاجبك
مررت ملك يدها على الفستان بسعاده شديده
=حلو قوي يا قاسم ..يجنن ربنا يخليك ليا
أدارها قاسم اليه وهو يتأمل فرحتها بندم
=انا عارف انك ملبستيش فستان زفاف ولا اتعملك فرح..
ليتابع بندم اكبر
=ولو كنت أقدر كنت عملتلك اكبر فرح في مصر كلها ولبستك اغلى واحلى فستان زفاف في الدنيا..بس لو عملت كده انا هتسبب في كلام واشاعات عليكي وعلى ابننا و ده انا لايمكن ابدا اسمح بيه..
ثم إحتضنها بشده وهو يتملكه شعور بالعجز عن إسعادها وهو يقول بندم شديد
=أنا أسف يا ملك ..أسف ان حتى الامنيه الصغيره دي مش قادر أحققهالك
ابتعدت ملك عنه قليلا وهي تبتسم بسعاده شديده
=ايه الي انت بتقوله ده ..فستان زفاف ايه وفرح ايه دول الي هزعل عليهم ..
ثم ابتسمت بسعاده شديده
انت اخيرا جانبي ومعايا وابننا بخير وهيتربى وسطنا هعوز ايه اكتر من كدا
ثم لفت يديها حول عنقه وهي تقول بسعاده
=دا انا حاسه اني طايره من الفرحه
انا امنيتي اتحققت بيك وبإبننا ومش عاوزه من الدنيا أكتر من كده
إحتضنها قاسم بتملك شديد وعشق طغى على كل حواسه وهو يلف يده بداخل شعرها
يقبلها بشغف ولهفه شديده وكأنه يطمئن نفسه انها هنا بين زراعيه ولن تبتعد عنه مره اخرى
ليمر بعض الوقت ثم ابتعد عنها بصعوبه شديده وهو يمرر يده على شعرها يحاول اعادة ترتيبه وهو يتأمل شفتيها المتورمه من اثر قبلاته بحنان
ثم فتح الصندوق الموضوع على طاولة الزينه أمامه
= تعالي شوفي انا جايبلك ايه..
نظرت ملك للصندوق بابتسامه متسائله تحولت لشهقه دهشه وتعجب وهي تشاهد
مجموعه رائعه من المجوهرات متعددة الاشكال والانواع من الالماس واللولي المرصع بالاحجار النادره
ملك وهي تنظر للصندوق بدهشه
= ايه ده يا قاسم ..
لتتابع بدهشه شديده
= اوعى تقول ان دول مجوهرات حقيقيه
قاسم بمرح
= حقيقيين وده معقول.. طبعا دول تقليد
تنهدت ملك براحه وهي تمسك عقد من الماس
=اه منا قلت كده برضه هو انا عبيطه
ثم وضعت باعجاب عقد من الماس مرصع بحبات من الياقوت على عنقها ثم نظرت الى قاسم بتساؤل مرح
= حلو أوي عليا مش كده..
إبتسم قاسم لها بحنان وهو يساعدها في ارتدائه ثم طبع قبـ،ـله عاشقه على عنقها وهو يتأملها بحب
=حلو اوي عليكي يا حبيبتي..
ثم تنحنح وهو يتابع باهتمام
= في خاتم وإسوره وحلق تبع العقد استني هطلعهم لك
ثم اخرجهم من العلبه التي تمتلئ عن أخرها بمجموعه كبيره من المجوهرات
وهو يتأملها بعشق بعد ان ساعدها بارتدائهم
= زي القمر يا حبيبتي ..
ابتسمت ملك وهي تتأمل نفسها في المرٱه بسعاده
= الفستان حلو اوي والمجوهرات تجنن ومش باين عليها خالص انها تقليد
ثم تابعت وهي تنظر لحزائها بفرحه طفوليه
= كل حاجه حلوه وتجنن
نظر لها قاسم للحظات بدهشه ثم استغرق في الضحك وهو يضمها اليه بمرح
ملك بدهشه
=انت بتضحك على ايه
قاسم وهو يحاول السيطره على ضحكاته التي تعالت بشده
= يعني يا ملك بزمتك انا هعمل حفله كبيره زي دي و هعزم فيها اكبر ناس في البلد علشان اعرفهم عليكي انتي وابننا ..أقوم ألبسك فيها مجوهرات مزيفه
نظرت اليه ملك للحظات بحيره حتى استوعبت معنى كلماته
لتشهق بصدمه وهي تتأمل المجوهرات التي ترتديها و الصندوق الممتلئ عن اخره بمختلف الانواع من المجوهرات الراقيه و الباهظة الثمن
=قصدك ان المجوهرات دي حقيقيه
قربها قاسم اكثر اليه وهو يقول بجديه
=طبعا حقيقيه ..مرات قاسم الانصاري وحبيبته متلبسش حاجه مزيفه أو مش اصليه
ابتلعت ملك ريقها وهي تقول بتوتر
=ربنا يخليك ليا يا حبيبي بس دول كتير وشكلهم غالي أوي
مرر قاسم يده بحنان على عنقها
= مفيش حاجه تغلى عليكي يا حبيبتي
ثم ضمها اليه بحب وبندم شديد
=المجوهرات دي كنت بشتريها ليكي وبحطها في الصندوق ده من غير ماقدمهالك ..
ملك بدهشه
=كنت بتعمل كده ليه..
قاسم بابتسامه حانيه
= اوقات كان بيبقى السبب اني كنت لسه مصدق انك السبب في مـ،ـوت سامح ومع كده مكنتش بقدر امنع نفسي اني اشتري ليكي اي قطعة مجوهرات حلوه تقع عليها عنيا ولما عرفت الحقيقه وجيت اقدمهالك كنتي هربتي مني
نظرت ملك له بدهشه
= وانت كنت بتشتريهم ليه..اقصد ان المجوهرات دي غاليه اوي ومكنش في مناسبه تخليك تشتريهم
ابتسم لها قاسم بحنان
مين قالك كده..كل قطعه من المجوهرات دي ليها هنا مناسبه يعني مثلا الطقم الي انتي لابساه ده انا لسه شاريه جديد بمناسبة رجوعك ليا ثم اشار الى عقد من اللولي المجدول مع حبات من الماس وخاتم وسوار شبيه له وده لما عرفت انك خلفتي ابننا عمر ثم أشار لسوار عريض من الماس وده كان هديه لاول مره دوقت فيهم الشفايف الحلوه دي




