رواية كاملة بقلم زينب مصطفى

بعنـ،ـف
= اه يا بنت الكلب ،انتي بتتمنيلي المـ،ـوت وشمتانه في مـ،ـوت ابني..
شمتانه في مـ،ـوت زينة الشباب الي اتجوزك وعملك هانم وانتي كنتي خدامه ولا تسوي

قاومت ملك خوفها منها وهي تقول ببرود
= احترمي نفسك ولمي لسانك وابعدي عن وشي وخليني اغور من هنا وأسيبلك قصر المجانين إلي عامل زي القبـ،ـر ده ..

كامله هانم بزهول
= بتقولي ايه..

ملك بتحدي
= الي سمعتيه والا سمعك تقل بسبب السن..و اوعي تكوني فكراني خايفه منك ولاا من خيال المأته الي اسمه قاسم انا مبخفش من حد وابعدي عن وشي قبل ما اعملكم فضيحه بجلاجل هنا
اندفعت كامله بغضب اسود ناحية ملك تحاول الاعتداء عليها وهي تصرخ
= يا بنت الكلب انا هعرفك الجنان إلي على حق

حاولت ملك الابتعاد سريعا عنها الا انها فشلت فحاولت مره اخرى الدفاع عن نفسها الا انها فشلت مره اخرى لتستعد لتلقي ضربه من كامله التي تندفع نحوها بجنون الا انها تفاجأت بابتعاد كامله عنها وقاسم يقف خلف زوجة عمه وهو يكبلها برفق و يقول بهدوء
= اهدي يا مرات عمي.. اهدي سيبيني انا اتعامل معاها

كامله وقد فوجئت بوجود قاسم فبدئت في ادعاء البكاء
= انت مش عارف كانت بتقول عليك ايه انت وسامح الله يرحمه دي كانت بتقول…

قاسم بهدوء متوعد
= انا سمعت كل حاجه.. ياريت انتي تهدي وتنزلي للمعزيين تحت وتسيبيني انا اتصرف مع ملك.. هانم

كامله وهي تبكي وتدعي الانكسار وتتوجه للخارج
= حاضر يا قاسم يا بني..الله يرحمك يا سامح تعالى شوف الي اتجوزتها وباليتنا بيها بتقول عليك ايه بعد مـ،ـوتك

وقفت ملك تتابع خروج كامله وهي تنظر لقاسم بتحدي وهي تدعي القوه على الرغم من خوفها الشديد منه وارتعاشها من الداخل
توجه قاسم لباب الغرفه يغلقه من الداخل بالمفتاح
ثم جلس ببرود على مقعد مريح وهو يضع ساق فوق الاخرى بتكبر وهو يتأمل ملك التي تنظر الى ما يفعله بدهشه
= انت اتجننت بتقفل الباب ليه..افتح الباب ده حالا

قاسم بصرامه حاده
= إخرسي..

صمتت ملك بخوف وهي تبتلع ريقها بتوتر

أشار قاسم للمقعد الاخر بأمر
= إقعدي…

ملك بتوتر
= إيه..

قاسم ببرود
= ايه مسمعتيش بقولك اقعدي..

هزت ملك رأسها برفض وهي تدعي عدم الخوف
= مش قاعده ..واتفضل بره أوضتي بدل ما أصوت وأعملك فضيحه

قاسم بسخريه
= صوتي ..إيه ساكته ليه اتفضلي صوتي مستنيه ايه

نظرت ملك حولها بخوف وتردد وهي تشعر ان في الامر خدعه وهي تقول بتحدي خائف
= وانت مش خايف من الناس الي تحت والي هيقولوه عليك لما يعرفو انك بتتهجم عليا في أوضتي

قاسم بسخريه
= قاسم الانصاري مبيخفش من حد واكيد لو خاف مش هيخاف من واحده نكره زيك

لتتفاجأ به ينهض فجأه و يسحبها من زراعها ناحية النافذه وهو يسحب الستائر و يقول بسخريه
= بس قبل ماتصرخي ياريت تبصي كويس على المعزيين الي تحت

ليشير لأحد الرجال الجالس بهدوء وسط المعزيين
= شايفه ده ..عارفه ده مين ..ده دكتور احمد ابو المجد..

ليتابع بسخريه اكبر وهو يديرها اليه

= عارفه تخصصه ايه..تخصصه امراض نفسيه وعصبيه دكتور مجانين يعني وعارفه انا كنت جايبه لمين كنت جايبه ليكي علشان يستضيفك في المستشفى بتاعته لحد ما اعصابك تهدى و تخفي أصلك للاسف من بعد مـ،ـوت المرحوم جوزك وانتي بيجيلك تخيلات مريضه ..ذي مثلا ان في حد بيحاول يعتدي عليكي ..

ليتابع بسخريه
= بس متخافيش انا متكفل بتمن كل علاجك و مش هتطلعي من المستشفى الا لما تخفي .. و دا طبعا إلي أشك فيه

اتسعت عين ملك بخوف وهي تقول بزهول وقد التمعت عيناها بالدموع المحبوسه
= مستشفى مجانين عاوز توديني مستشفى مجانين ..

قاسم بسخريه حاده
= طبعا خيال المأته ميرضهوش يسيبك عايشه في القصر الي زي القـ،ـبر ده ولاا يسيبك تعيشي وسط المجانين الي ساكنين فيه .. ولاا انتي فاكره ان عشان سامح مات هنستخسر فيكي تمن العلاج

ليتابع بصرامه قاسيه وهو يضغط على زراعها بقسوه
= والا فاكره انك بإلي عملتيه و الفضيحه الي حاولتي تعمليها ليا انك هتساوميني على فلوس أو انك هتنجحي في انك تخليني أتجوزك زي ما خططتي علشان ألم الفضيحه الي دبرتيها

سحبها قاسم بعنف بعيدا عنه وهو يرميها على المقعد المقابل له
= انا فعلا و للحظات وافقت اني اتجوزك بس لقيت نفسي قرفان من مجرد فكرة ان اسمك يرتبط باسمي

ليتابع باحتقار شديد
= انا بكرهك وبحتقرك لدرجة اني مش طايق اتخيل ان اسمك يرتبط بيا حتى ولو بالكدب حتى ولو كان الجواز صوري فأنا مقبلش واحده زيك يتقال في يوم من الايام انها كانت مراتي

نظرت ملك اليه بزهول وهي تشعر بالرعب من فكرة زواجها منه وارتباطها بشخص مجنون اخر من عائلة الانصاري لتتسع عينيها بعدم تصديق ودموعها تتساقط بالرغم عنها وهي تتحدث بدون ترابط وقد بدأت في الانهيار
= أتجوزك لاء..أبقى مراتك..سامح تاني لا ..لا حرام عليكم ..لا ااا

لتبدء في مهاجمته بضراوه وهي تصرخ بعنف
= مستحيل اتجوزك انت فاهم.. مستحيل ..أت..جو..زك أنا بكرهك ..أنا بكرهكم كلكم..سيبوني في حالي حرام عليكم إنتم عاوزين مني ايه

حاول قاسم السيطره عليها ومنعها من مهاجمته وقد تفاجأ من ردة فعلها الغريبه ورفضها الشديد للزواج منه
حتى استطاع السيطره عليها
وهو يقول بصرامه
= اهدي انتي هتعملي فيها مجنونه والا ايه.. بقولك اهدي

الا انها لم تستجب له وهي تحاول ضربه بعنف و الهرب منه وهي تبكي بجنون فاضطر لاخراج هاتفه والاتصال بالدكتور في الاسفل وهو يسيطر عليها بصعوبه

= أيوه يا دكتور أحمد خليهم يطلعوك لأوضة ملك.. بسرعه انا مستنيك

ليتجه لباب الغرفه يفتحه بصعوبه وهو مازال يحاول السيطره عليها وقد بدأت في الارتعاش بشده و البكاء بجنون وهو يضمها إليه بحمايه شعر بغرابتها حتى بدأت في الغياب عن الوعي بين زراعيه
حملها قاسم سريعا ووضعها على الفراش بعنايه وهو يتأمل بكائها المستمر على الرغم من غيابها عن الوعي
ليمرر يده في شعره بتوتر وهو يشعر باختلاط مشاعره مابين شعوره بالكراهيه الشديده لها والرغبه بعقابها والشفقه عليها وهي منهاره أمامه وهو يتأمل انهيارها بتأنيب ضمير و يعتقد ان انهيارها سببه تهديده بدخولها مستشفى الامراض النفسيه ليقول بفروغ صبر
= الدكتور ده إتأخر ليه..

دخل الطبيب من باب الغرفه المفتوح وهو يقول بعمليه
= قاسم بيه…

توجه له قاسم بلهفه وهو يوجهه لفراش ملك الغائبه عن الوعي بتوتر

= اتفضل يا دكتور أحمد ..انا كنت بتكلم معاها وفجأه انهارت زي ماانت شايف

توجه الطبيب لملك يعاينها بعمليه وهو يسأل قاسم بعض الاسئله التي اجاب عنها باقتضاب ثم قام بحقنها ببعض الحقن المهدئه
وهو يقول بعمليه
= هي اكيد انهارت من الضغط النفسي الشديد الي عليها بس انا مش هقدر احكم الا لما اتكلم معاها بنفسي و عموما عربية المستشفى مستنيه
تحت زي ما حضرتك أمرت والممرضين هيطلعو ينقلوها فيها

قاسم بصرامه
= لا انا خلاص غيرت رأيي مش هنقلها المستشفى ..لو فيه حاجه تقدر تعملها لها ياريت يكون هنا

الطبيب بتعجب
= بس حضرتك طلبت قبل كده اننا ننقلها المستشفى

قاسم بفروغ صبر
= وغيرت رأيي ..في مشكله

الطبيب باحترام
= لا يا فندم الي حضرتك تأمر بيه بس ياريت حد يقعد جنبها لحد ما تفوق ويطمن انها هديت ورجعت لحالتها الطبيعيه والا هنبقى مضطرين اننا ننقلها فعلا للمستشفى

قاسم وقد بدء يشعر بتأنيب الضمير
= مفيش مشكله أنا هخلي حد من الخدامين يقعد معاها وياخد باله منها
الطبيب وهو يغادر
= وانا هفضل معاك على اتصال لو حصل حاجه هتلاقيني عندك علطول.. بعد اذنك

غادر الطبيب وأغلق الباب من خلفه بهدوء في حين وقف قاسم يتأمل ملك الغائبه عن الوعي بتأنيب ضمير وهو يتنهد بقلة صبر
= مش فاهم انا حاسس كأني عملت جريمه ليه دي واحده طماعه قزره خططت و اتجوزت من واحد مبتحبوش علشان الفلوس و مـ،ـوتت الجنين الي كان جواها واتسببت في مـ،ـوت جوزها بعد ما ذلته وبرضه علشان الفلوس وكملت قزارتها بانها اتهمتني اني حاولت اعتدي عليها ..
ليشتعل غضبه وكراهيته لها من جديد وهو يقول بغضب حارق
المفروض اقتـ،ـلها مش تصعب عليا

ليستدير مغادرا الغرفه الا انه توقف بعد ان استمع اليها وقد بدء أنينها يعلو وهي مازالت غائبه عن الوعي وتهز رأسها بعنف ورفض وهي تبكي بشده وتتكلم بكلمات غير مترابطه
= لا…لا..حرام عليكم ..انا معملتش حاجه ..سيبوني..لاااا
جلس قاسم بجانبها على الفراش وهو يمرر يده عل شعرها مهدئا حتى عادت للنوم من جديد وهي تتنهد بألم في حين جلس قاسم بجانبها يتأمل ملامح وجهها الجميل والمرتسمه عليه إمارات الالم والحزن وهو يعود لتهدئتها كلما عادت للبكاء من جديد
لتمر عليه اكثر من ساعتين وهو جالس بجانبها لايتحرك وهو يشعر بالدهشه من نفسه ومن شعور الحمايه الزي يتملكه بالرغم عنه تجاهها

استيقظت ملك فجأه وهي تصرخ بشده
ليتوجه قاسم اليها سريعا وهو يجلس بجانبها يحاول تهدئتها
= إهدي يا ملك اهدي متخافيش محدش هيعمل فيكي حاجه

الا انه فشل في تهدئتها وهي تحاول التخلص من يديه التي تحيطها بعنف
الا ان يديه إشتدت من حولها وهو يقربها من صدره في محاوله منه لكتم صوتها وهي تحاول الابتعاد عنه بعنف وهو مازال يقربها منه ويده تربت على ظهرها وشعرها بحنان بحركات متتاليه رتيبه بغية تهدئتها في حين يده الاخرى تقربها أكثر من أحضانه لتستاكين ملك بهدوء وحيره بين يديه
في حين رفع قاسم وجهها اليه وهو يقول بهدوء
= ممكن تهدي وتخلينا نتكلم بالراحه

نظرت ملك اليه بحيره و خوف وهو يتابع
= إهدي ومتخافيش موضوع نقلك للمستشفى انا لغيته خلاص يعني مفيش حاجه تخافي منها

تراجعت ملك للخلف وهي تقول بحزر خائف
= طيب وجوازي منك

قاسم بهدوء وهو يمرر يده على وجهها يمسح دموعها بحنان في حين ملك تهز رأسها برفض تحاول الابتعاد عنه الا انه قربها أكثر إليه بتسليه وهو يقول بمكر
= لا جوازنا ده شئ تاني

ملك بتسرع وهي تحاول الابتعاد عنه وقد بدأت تشعر بتحرك مشاعرها تجاهه بطريقه ترفضها
= بس انا بكرهك و مش عاوزه اتجوزك

زاد قاسم من إحتضانها بين زراعيه بطريقه متملكه وهو يرفع وجهها باصبعيه في حين يمرر إصبعه الاخر على شفتيها بتمهل وهو يقول بهدوء وهو يتأمل شفتيها التي ترتعش بدون ارادتها بين اصبعيه
= لا ..أنا كده أزعل ..و انا زعلي وحش نصيحه ..بلاش تجربيه

حاولت ملك الابتعاد عنه بعنف وهي تشعر بكراهيتها نحوه تتزايد بسبب المشاعر الغريبه التي يثيرها قربه منها لتتفاجأ به يدفعها للخلف بسرعه حتى استلقت مجددا على الفراش ويده تكبل يدها فوق رأسها وهو يقول بتحزير

= لو حاولتي تصرخي و لاا تعملي فضيحه أنا عندي الطريقه المناسبه الي تكتم صوتك ده خالص

ملك وهي تنظر لوجهه بخوف وهي تتوقع الاسوء
= طريقه..طريقة ايه

مرر قاسم اصبعه مره أخرى على شفتيها وهو يتأملهم بطريقه موحيه جعلت وجهها يشتعل بالد,ماء وهي تشهق بغضب
= يا قليل الادب ..إنت..إنت

نظر قاسم اليها بدهشه شديده وقد تفاجأ بخجلها الشديد لتجتاحه موجه من الضحك لم يستطع السيطره عليها وهو يرى وجهها يكاد ينفـ،ـجر من شدة اللون الاحمر الزي اجتاحه وهي لاتستطيع التحدث اليه من شدة الخجل
ليقول من بين ضحكاته
= اهدي يا ملك وخلينا نتكلم وأوعدك اني مش هستعمل طريقتي دي الا لو مسمعتيش الكلام و ادتينا فرصه نتفاهم ..

ملك بغضب وهي تحاول اخفاء خجلها منه
= بس انا مش عاوزه اسمع منك حاجه ممكن تسيبني في حالي وتخرج بره

هز قاسم رأسه بأسف ساخر وهو يقرب وجهه منها بشده وهو يعطي إيحاء إنه على وشك تقبيلها
=أه فهمتك..شكلك عاوزه تجربي طريقتي بس مكسوفه..

شهقت ملك وهي تهز رأسها بخوف وهي على وشك البكاء
= لا مش عاوزه ..مش عاوزه أجرب حاجه

مرر قاسم اصبعه مره اخرى على شفتيها المرتعشه وهو يتأمل وجهها ويقول بأمر
= يبقى نسمع الكلام وتسكتي خالص وتسمعي انا هقول ايه ..مفهوم

هزت ملك رأسها بخوف موافقه
قاسم بهدوء وهو مازال يكبل يديها الاثنتين بيد ويده الاخرى تمر على ملامح وجهها ترسمها برقه
= إحنا هنتجوز ..وقبل ماتتسرعي وترفضي لازم تعرفي ان قدامي حل من اتنين الجواز منك وساعتها هتبقي مراتي ومفيش فضيحه من الاساس او اني أدخلك المستشفى علشان أضمن إنك لو حبيتي تستغلي الي حصل وتعملي فضيحه ببساطه هقول مجنونه وبتتعالج وساعتها محدش هيصدقك

ملك بارتعاش وهي تدرك حجم غلطتها الكبير
= أنا أسفه على الي عملته وعوزاك تصدقني انا مكنش قصدي و مش عارفه انا عملت كده ازاي
وصدقني انا مش هعمل حاجه ولا هتكلم ولا هعمل فضايح انا كل الي انا عملته ده كان علشان امشي من هنا

مرر قاسم يده على شعرها يعيده خلف إذنها برقه
= للاسف مش قادر اصدقك بعد الي عملتيه وكمان الموضوع مبقاش مابينا احنا الاتنين الموضوع فيه ناس تانيه هتحاول تستغل الي حصل وتعمل فضيحه للعيله وده انا مش هسمح بيه

ليتابع بهدوء
= وبعدين انتي خايفه من ايه ده جواز صوري قدام الناس بس وللمدة كام شهر وبعدها هنتطلق وكل واحد يروح لحاله

شعرت ملك باليأس وهي ترى كل الطرق مسدوده أمامها لتتنهد وهي تقول بحزن
= موافقه..بس زي ما انت بتقول جوزانا هيبقى صوري وهنتطلق بعد كام شهر وتسيبوني امشي من هنا

قاسم برضا
= يبقى متفقين وحاجه أخيره إتفاقنا ده محدش ياخد خبر عنه انتي هتبقي قدام الناس مراتي يعني متجوزين زي اي اتنين مفهوم ..

ملك بانكسار
= حاضر

ضغط قاسم على وجنتها برفق وهو يقول برفق
يبقى اتفاقنا انا هسيبك دلوقتي ترتاحي وهبعت الخدامه ليكي بالعشا

هزت ملك رأسها برفض
= مش عاوزه أكل انا شبعانه

ترك قاسم يديها وهو يمرر يده على شعرها برقه يعيد ترتيبه
=بلاش كلام فارغ انتي مكلتيش حاجه من الصبح انا هبعتلك الخدامه بالعشا تاكليه كله ولاا عاوزاني أقعد معاكي أأكلك بنفسي

اعتدلت ملك بسرعه جالسه ووجهها يكسوه الاحمرار من شدة الخجل
= لا انا متشكره اوي.. انا هاكل لوحدي
قاسم بسخريه وهو يضغط على وجنتها بعبث
= كنت عارف انك هتقولي كده..

ليتركها مغادرا وهو يقول برقه
= تصبحي على خير يا ملك

ملك وهي تتابع خروجه بحيره
= وانت من أهله

وقف قاسم خارج الغرفه بعد ان اغلق الباب وهو يشتعل غضبا وكراهيه لها وهو يقول بغضب حـ،ـارق
=المفروض اقـ،ـتلها وأخلص منها..

ليتنهد بغضب من مشاعره المختلطه تجاهها
= الظاهر سامح كان معزور انه يتغش فيها ويصدقها رغم كل إلي عملته فيه دا انا وعلى الرغم من كل الي اعرفه عنها ونجحت انها تخليني اتعاطف معاها .. بس لاء وغلاوة الي مات وكانت السبب في عزابه ومـ،ـوته في عز شبابه لهدفعها التمن ومن نفس كاس الحب والذل إلي سقته منه هتشرب لخد ما اشفي غليلي منها

ليتابع بغل وهو يتوعدها
هخليكي تدوبي من العشق والحب وتعيشي زي الميته تتمني لحظة قرب ومطوليهاش..كل إلي عملتيه فيه هردهولك أضعاف مضاعفه ..سامح مات من شدة زله وهوانه في حبك وانتي بتستمتعي بتعزيبه لحد ما مـ،ـات
لكن انتي هتتمني المـ،ـوت مش هتلاقيه
وده وعد مني يا ملك
الفصل الخامس
#إنتقام _أثم
بعد مرور ستة أشهر..

جلس قاسم في غرفة مكتبه في مقر شركته التي تحتل مبنى كبير وفخم في ارقى احياء القاهره الماليه يتحدث في الهاتف بجديه
=أنا هستناكي النهارده بليل في المطار علشان أوصلك القصر وأفهمك بالظبط دورك الي عاوزك تعمليه

ليتابع بضيق
= حب ايه بلاش كلام فارغ الي بينا اتفاق وبس زيه زي اي إتفاق شغل انتي عارفه انك بالنسبالي زي اختي مش اكتر ولو هتفضلي تتكلمي في نغمة الحب دي كتير هلغي اتفاقي معاكي وهجيب واحده تانيه تنفذ الي انا عاوزه منها من غير الكلام الفارغ الي بتقوليه ده

انهى قاسم المكالمه وهو يقول بصرامه
= يبقى إتفقنا لما تيجي هفهمك على كل حاجه..

أغلق قاسم الهاتف بتفكير وهو يغمض عينيه بتعب ويرجع بمقعده للخلف يفكر بعمق لدقائق قبل ان يقوم بالاتصال برقم أخر وهو يشعر بالتوتر

ليأتيه صوت ملك الرقيق
= قاسم ..

استرخت تعابير قاسم المشدوده دون إرادته بعد سماعه صوتها وهو يقول بمداعبه
= إزيك يا ملاكي بتعملي إيه من غيري

ملك بخجل
= أبدا قاعده مع جدو الانصاري بيعلمني إزاي ألعب طاوله

قاسم بمداعبه
= ها واتعلمتيها كويس ولاا أجي اعلمهالك بنفسي

ليرتفع فجأه صوت رجولي بجانبها بسخريه
= قوليله إنك تلميذه فاشله..بقالي ساعه بعلم فيكي وبرضه مش نافع فيكي تعليم

ضحكت ملك برقه
= حرام عليكم انتو بتلعبو بقالكم سنين وعوزني افهم كل حاجه علطول كده اديني وقتي وانا ههزمكم كلكم بس استنو عليا

تجهمت ملامح وجه قاسم بشده ويده تشتدت على هاتفه حتى كاد ان يكسره وهو يقول بقسوه
= مين الي بيتكلم جنبك ده

ملك برقه وهي مازالت تضحك
= ده رأفت كان بيحاول يعلمني ازاي العب الطاوله بعد ما جدو يئس مني بس برضه فشل في تعليمي

قاسم بقسوه و صرامه أدهشتها و هو يشعر بالد.ماء تغلي بداخله
= ورأفت بيه سايب الشركه والشغل ورايح يعلمك ازاي تلعبي الطاوله ..إديهوني

ملك بارتباك وتوتر
= في ايه ياقاسم مالك اتعصبت أوي كده

قاسم بغضب أعمى
= قلتلك إديهوني..ايه مبتسمعيش

شهقت ملك بغضب والدموع تتجمع في عينيها بالرغم عنها
= لا يا قاسم بسمع كويس ..بس دي مش طريقه تكلمني بيها

تجاهل قاسم حديثها وهو يقول بغيظ
= رأفت كده من غير رسميات .. ايه بقيتو صحاب خلاص

ملك بدهشه
= انت بتقول ايه

قاسم بغضب اخافها
= بقول اديني رأفت بيه عاوز أكلمه..
وإنتي إلبسي وإجهزي السواق هيعدي عليكي يجيبك عندي

ملك بغضب
= مش هلبـ،ـس ولا هجهز انا مش عاوزه اخرج معاك

اشتد غضب قاسم وهو يقول بتهكم

= ايه زعلانه اني قاطعت وصلة اللعب اللذيذه الي مابينكم معلش هخليه يعوضك وقت تاني

شهقت ملك وهي تقول بغضب
= انت اتجننت ايه الي انت بتقوله ده ..انا لا خارجه معاك ولا عاوزه اشوفك حتى

لتلقي الهاتف بغضب لرأفت الزي يتابع مايحدث بخبث واستمتاع وتغادر سريعا الى غرفتها وهي على وشك البكاء
أجاب رأفت على الهاتف بتهكم
= إئمورني يا قاسم بيه

قاسم بغضب
= إنت سايب شغلك وقاعد عندك تعمل إيه

رأفت بخبث وهو يدعي البرائه
= جايب ورق مهم للانصاري بيه علشان يوقعه ومستني لحد ما يخلص مراجعته وهجيب الورق وهرجع على الشركه علطول

قاسم بحده
= سيب الورق وارجع على الشركه وانا هبقى أجيبه لما جدي يخلصه

رأفت بخبث
= عندك حق انا فعلا اتاخرت على الشركه الانصاري بيه بقالو تقريبا ساعه بيراجع الورق بس انا محستش بالوقت أصل قاعدة ملك مرات ابن عمتي ميتشبعش منها

تمالك قاسم اعصابه بصعوبه وهو يقول بصرامه اخافت رأفت واشعرته انه تعدى الخطوط الحمراء
= بالنسبالك إسمها ملك هانم وهي خلاص مبقتش مرات ابن عمك هي دلوقتي خطيبتي وهتبقى مراتي ومسمحش انك تكلمها كده او ترفع التكليف الي بينك وبينها ..مفهوم

رأفت بغيظ
= مفهوم يا قاسم بيه

قاسم بجديه
= نص ساعه وتكون موجود في الشركه في اجتماع مهم وعاوزك تحضره عشان انا نازل و مش هكون موجود

رأفت بطاعه كاذبه
= قبل النص ساعه ماتخلص هكون في الشركه متقلقش

اغلق رأفت الهاتف مع قاسم وهو يضحك بصوت عالي
ويقول بخبث
=وأخيرا قاسم بيه الانصاري بقى له نقطة ضعف بيحب وبيغيركمان ..و بكده اللعب هيحلو وهنشوف يا قاسم بيه ملك في النهايه هتكون لمين وازاي هكسرك واتخلص منك خالص وانت شايفني بمتلك حب عمرك قدام عنيك وانت عاجز عن انك تعمل حاجه

ليواصل الضحك بخبث وهو يغادر في طريقه للشركه

في نفس التوقيت..

دخلت ملك الى غرفتها ودموعها تتساقط وهي تشعر بالحزن من الطريقه السيئه التي تحدث بها قاسم اليها
فمنذ اتفاقهم على الزواج و معاملته معها قد تغيرت كثيرا فقد غمرها بالحب والاهتمام وتعامل معها بمنتهى الرقه والاحترام .. جعلها تشعر بالسعاده التي افتقدتها وهو يحيطها بحمايته واهتمامه مما جعلها تصدم من طريقته الجافه والمهينه معها وهو يحدثها على الهاتف
نظرت ملك بغضب للهاتف الزي ارتفع رنينه وتجاهلته هو يظهر ان قاسم هو المتصل حتى انقطع الرنين ثم عاود الرنين مجددا وهي تتجاهله وتقول بغيظ
= حتى لو فضلت ترن عليا من هنا لبكره مش هرد عليك

لينقطع الرنين فجأه وكأنه استمع الى حديثها ولم يعاود الرنين مجددا وتمر اكثر من نصف ساعه وهي تجلس بحزن تراقب الهاتف على امل ان يتصل بها مجددا فحتى لو كانت تنوي عدم الرد عليه لكن تجاهله لها وهو يعلم انها غاضبه منه يحزنها اكثر من كلماته القاسيه التي اسمعها لها على الهاتف
هطلت دموع ملك دون ارادتها وهي تتأمل الهاتف الصامت بحزن
لتتفاجأ بصوت قاسم يقول بهدوء
= مبترديش على التليفون ليه

شهقت ملك بمفاجأه وهي ترفع عينيها التي تتساقط الدموع منها اليه وهي تقول بحزن
= قاسم..

وقف قاسم يتأملها بصمت وقد هزته رؤيته لدموعها التي تغرق وجهها
ليشير اليها بأمر
= تعالي هنا..

الا ان ملك رفضت ان تتحرك باتجاهه وهي تعطيه ظهرها وتقول بغضب
= انت ايه الي دخلك هنا لوسمحت إخرج بره

قاسم ببرود وهو يتجاهل حديثها الغاضب
= قلت تعالي هنا

نظرت ملك اليه وهي تبلتلع ريقها وتقول بتوتر
= وانا مش عاوزه اتكلم معاك اتفضل اخرج بره أوضتي

إبتسم قاسم ببرود وهو يتجه اليها ويحملها سريعا على كتفه ويتجه بها الى خارج الغرفه
شهقت ملك بمفاجأه وهي تجد نفسها محموله رأسآ على عقب لتقول بخوف
= قاسم انت اتجننت بتعمل ايه

قاسم بسخريه
= هنخرج بره أوضتك الي فرحانه بيها وكل شويه تطرديني منها

دخل قاسم سريعا الى غرفته وهو يركل الباب يغلقه من خلفه ثم ينزلها وهو مازال يحتضنها ببين زراعيه ويرفع وجهها اليه
يتأمل ملامحها الفاتنه وهو يمسح دموعها بأصابعه برقه
وهو يقول بأسف
= كل الدموع دي علشان اتعصبت عليكي شويه في التليفون

ملك بغضب طفولي
= انت كلمتني بطريقه وحشه أوي يا قاسم وقلتلي…

قاطعها قاسم وهو يمرر اصبعه على شفتيها برقه يمنعها من مواصلة الكلام
= أنا أسف..

ملك بدهشه
= إيه

قربها قاسم أكثر إليه وهو يقبل شفتيها بلمسه رقيقه من شفتيه وهو يقول بتأكيد
= أنا أسف يا حبيبتي متزعليش مني انا بس اول ماسمعت صوت رأفت جنبك اتضايقت

اصطبغ وجه ملك باللون الاحمر من شدة خجلها بعد قبلته الرقيقه وهي تقول بصوت مبحوح وبحيره
= اتضايقت ليه انا مش فاهمه ..ده كان جايب ورق لجدو الانصاري وقعد معايا شويه لحد ما الورق يخلص

اشتدت يد قاسم من حولها بقسوه وهو يقول بغضب
= خلاص يا ملك اقفلي على الموضوع ده انا اسف ان انا اتكلمت معاكي بطريقه زعلتك واوعدك مش هتتكرر تاني
ليرفع وجهها اليه وهو يقول بخبث
= ودلوقتي جه دورك انتي كمان علشان تصالحيني

ملك بحيره
= اصالحك..ليه هو انا زعلتك في حاجه

ضمها قاسم اقرب اليه وهو يقول بجديه
= طبعا زعلتيني اولا قلتلك البسي وانزلي قابليني رفضتي وبعدها رنيت عليكي مردتيش عليا وبكلمك في اوضتك رفضتي تكلميني

ملك بدهشه
= كل ده انا عملته علشان كنت زعلانه منك

قاسم وهو يمرر اصبعه على شفتيها بشغف
= ميهمنيش السبب المهم انك تصالحيني و حالا

تنهدت ملك وهي تقول باستسلام
= حاضر..انا اسفه يا قاسم

نظر قاسم لها وهو يقول بمكر
= أسفه و .. بس

ملك بحيره
= طيب عاوزني اعمل ايه

اشار قاسم بمكر الى وجنته الشمال
= بـ،ـوسه صغننه هنا

انتشر اللون الاحمر على وجنة ملك وهي تشعر بالخجل الشديد وهي تقول باعتراض
= قاسم ..

الا ان قاسم شدد من يده حولها وهو يقرب وجنته من شفتيها ويقول بحنان

= يلا..

اقتربت ملك تقبل وجنته برقه الا انه فاجأها وأدار وجهه بسرعه اليها لتصبح شفتيه في مقابل شفتيها ليلتهمهم بشغف وهو يقبلها بعمق شديد في حين شهقت ملك بخوف وهي تحاول منعه الا ان احدى يديه التفت حولها تقربها منه بتملك شديد في حين تشابكت يده الاخرة في داخل شعرها وجعلت خلاصها منه مستحيل استشعر قاسم خوفها وقلة خبرتها وهو يشعر وكأنه الرجل الاول الزي يقوم بتقبيلها مما اصابه بالدهشه واستفذ مشاعره كرجل وهو يقبلها برقه شديده وكأنه يدربها على قبلتها الاولى حتى استجابت له وهو يزيد من عمق قبلاته ومشاعره هي التي تقوده بالرغم عنه
استمر قاسم في تقبيلها بنهم لمده طويله وهو يشعر بانه يذوب في شهد شفتيها حتى ابتعد عنها بعد مده طويله
وهو مازال يحتضنها وهي ترتعش بين زراعيه وتغلق عينيها بشده
قبل قاسم عينيها برقه وهو يهمس بجانب إذنها
= إفتحي عنيكي يا حبيبتي عاوز أشوفهم

فتحت ملك عينيها بتردد وهي تشعر بأنها تذوب من شدة الخجل
مرر قاسم يده على وجنتها الساخنه وهو يقول بحنان
= مفيش حاجه حصلت تخليكي مكسوفه كده انتي خطيبتي وقريب جدا هتكوني مراتي
..ليتابع وهو يغير من مجرى الحديث
حتى تتخلص من خجلها
= ايه رأيك تطلعيلي طقم خروج على ذوقك لحد ماخد دوش وبعدها نخرج سوى نقضي اليوم كله بره

هزت ملك رأسها موافقه بخجل وهو يقول بمرح
= الدولاب عندك أهوه وانا دقايق هاخد دوش وهرجعلك حالا

توجه قاسم للحمام بعد ان قبل وجنتها بحنان وهو يكذب شعوره القوي بقلة خبرتها وبأن هذه هي قبلتها الاولى
ليحدث نفسه بقسوه
= جرى ايه يا قاسم انت عاوز تقنع نفسك بحاجه مستحيله تكون حقيقيه زي ماعاوز تقنع نفسك ببرائتها علشان تبرر مشاعرك الغبيه الي بتتحرك نحيتها غصب عنك..لكن لاء مش هبقى سامح نمره اتنين وهتضحك عليا بدور السذاجه والطيبه الي بترسمه عليا

ليقوم بتغيير مياه الاستحمام بعنف من الساخن الى البارد الشديد وهو يسترجع خطاياها مره اخرى بتركيز شديد حتى يقوي من عزيمته لمتابعة خطته في الانتقام منها

في المساء..
جلست ملك أمام المرٱه تصفف شعرها وهي تبتسم بخجل وتسترجع أحداث اليوم الجميل الزي قضته برفقة قاسم
فقد جعلها تعيش يوم من الاحلام شعرت فيه كالاميرات وكأنها نستطيع لمس النجوم بيديها
لتتنهد بسعاده وهي تتأمل السوار الرقيق الزي ترتديه في معصمها والزي يتوسطه قلب صغير من الزهب الابيض ضغطت عليه برفق فكشف عن صوره لقاسم مخفيه بداخله لتتنهد وهي تقبل صورته بحب وتستلقي على الفراش تتأمل صورته بحب وهي تسترجع كلامته الرقيقه وهو يضع السوار بمعصمها ويقبل باطن يدها برقه
= الاسوره دي متقلعيهاش من ايدك ابدآ دي فيها قلبي إلي عمري ماسلمته لحد غيرك وطول ماهيه في ايدك هعرف ان انا جوه قلبك

ابتسمت ملك وهي تتقلب في الفراش براحه وهي مازالت تتأمل صورته
لتقول بعشق
= يسلملي قلبك يا حبيبي وتفضل دايما مالك قلبي وعمري ..

لتتابع بسعاده
= معقول إلي انا عايشاه ده..معقول قاسم بيحبني الحب ده كله انا مش مصدقه نفسي مش مصدقه ان الدنيا أخيرا إبتسمتلي من بعد العزاب الي شوفته فيها

اغلقت عينيها بسعاده وهي تسترجع كل ماحدث معها في الشهور الاخيره التي تلت وفاة زوجها
معاملة قاسم الرقيقه معها والتي تغيرت تدريجيا لتصبح اهتمام شديد بها وحمايه تحولت لعشق جارف من ناحيته وناحيتها.. أصبحت تعشقه بجنون تعشق حبه وحنانه واهتمامه بأصغر تفاصيلها تعشق حمايته لها والامان الزي تشعر به وهي برفقته تعشق ملامح وجهه الحاده عندما يغضب والرقيقه عندما يتغزل بها والمتملكه عندما يغار تعشقه في كل حالاته وحتى هذه اللحظه لا تصدق انها بعد شهور قليله ستصبح زوجته أمام العالم اجمع

فتحت ملك عينيها بتوتر وهي تقول بقلق
= ياترى هيقول ايه بعد ما يعرف الحقيقه..انا مش عارفه هو رافض ليه اني احكيله اي حاجه عن علاقتي بسامح

لتتذكر كلامته الحاسمه
حياتك مع سامح دي كانت تخصكم انتم الاتنين ..انتي دلوقتي حبيبتي وخطيبتي وهتبقي في المستقبل مراتي ومش عاوز اعرف أي حاجه عن الماضي ..الماضي مات واتدفـ،ـن بخيره وشره بلاش كل شويه تحاولي تتكلمي عنه

عادت ملك من زكرياتها وهي تسمع صوت حفيف خفيف في الغرفه لترفع عينيها بقلق وتتفاجأ بدخول كامله هانم الى غرفتها بدون إستئذان ووقوفها في الظلام تتأمل ملك بحقد بدون كلام
نهضت ملك عن الفراش بسرعه وهي تشهق بزعر
كامله هانم في حاجه ..ايه الي دخلك هنا
اقتربت منها كامله ببطأ وهي تقول بحقد
جايه أخلص حسابي معاكي بقالي شهور مستنيه الفرصه دي ..قاسم مش موجود علشان يحميكي راح المطار يستقبل نيرفانا بنت أخويا بعد وصولها من السفر..

لتتابع وهي تتأمل ملك بحقد
انتي طبعا كنتي متطمنه ومرتاحه عشان كان عامل عليكي حراسه وحصار ومش مخلي حد يقدر يقربلك وهدد من غير خشا ان الي هيحاول يإذيكي هيبقى كأنه حاول يإذيه هوه وحسابه هيبقى عسير معاه

لتقترب بحقد من ملك التي تقف في مواجهتها
سحرتيه زي ما سحرتي سامح قبل منه

ابتلعت ملك ريقها بخوف الا انها اجابت بشجاعه
= وانتي جايه هنا ليه دلوقتي.. جايه عشان تهدديني

كامله بصوت كالفحيح
= لا انا مبهددش انا بنفذ علطول.. اسمعيني كويس انا ابني مات والي فاضلي منه هو سمعته وسيرته بين الناس سمعته الي واحده شحاته زيك بتهددني انها هتشوهها سمعته الي ممكن تأثر على مستقبلي ومكانتي في العيله لو اتعرف اني كنت عارفه الي كان بيعمله وساكته

ابتلعت ملك ريقها بخوف وهي تقول بتوتر
= أنا خلاص رميت الماضي ورى ضهري واوعدك اني مش هقول اي حاجه من الي حصلت زمان لاي حد

كامله بسخريه
= وقاسم لما يتجوزك ويكتشف انك لسه بنت ومحدش لمسك تفتكري ساعتها هيسكت والا هيهد الدنيا لحد ما يعرف كل الحقيقه وطبعا انتي ما هتصدقي وهتحكيله على كل حاجه

ابتلعت ملك ريقها بتوتر وهي تتابعها تقترب منها ببطأ
= يبقى مفيش غير حل واحد انك تختفي من حياتنا خالص ..تمـ،ـوتي ويتدفـ،ـن سرنا معاكي

لتهجم عليها فجأه وهي تضغط على زجاجه صغيره في يدها انطلق منها رزاز مخدر جعل ملك تشعر بالدوار الشديد وبانعدام مقاومتها وهي تشعر بكامله تدفعها باتجاه شرفة الغرفه بغية اسقاطها منها حتى اصبحت قريبه من حافة الشرفه وعلى وشك السقوط منها
وكامله تصرخ بحقد
= مـ،ـوتي وخلصينا منك ..مـ،ـوتي يا بنت الكـ،ـلب

الا انها وفي اللحظات الاخيره وجدت يد تمنعها من مواصلة دفع ملك وتدفعها بقسوه بعيدا عنها
وصوت قاسم يعلو بخوف
= ايه الي انتي بتعمليه ده ابعدي عنها..

ليتابع بغضب وهو يحدث كامله التي تنظر اليه بخوف وهو يتلقى ملك شبه الغائبه عن الوعي بين زراعيه

= اطلعي بره حسابك معايا بعدين

ليتصاعد صوت أنثوي غاضب من شقراء فاتنه
= انتي بتعملي ايه يا طنط هو ده الي اتفقنا عليه .. تعالي معايا

كامله بخوف
= انا معملتش حاجه دي هي الي كانت دايخه وكنت بسندها قبل ماتقع من الشباك

قاسم بغضب وهو يمرر يده اسفل جسد ملك ويضعها على الفراش بتوتر
= انتي رشيتي عليها ايه خلاها تغيب عن الوعي كده انطقي

كامله بخوف
= مرشيتش حا…

الا ان قاسم اندفع اليها بغضب وهو يجذبها من زراعها بقسوه
= انطقي قبل مايكون أخر يوم في عمرك رشيتي على وشها ايه

حاولت نيرفانا ابعاد عمتها عنه وهي تقول بتوتر
= سيب ايدها ياقاسم هتكسرها في ايدك.. الي يشوفك كده يصدق انك بتحبها بجد وان الموضوع كله مش مجرد لعبه

تجاهلها قاسم وهو يقول بغضب حارق وهو يضغط على حروف كلماته بتصميم

= رشيتي على وشها ايه انطقي

كامله بخوف وهي تبكي
= بنج ..رشيت بنج

تنهد قاسم بارتياح وهو يترك يدها ويقول بغضب

= اطلعو بره ..

نيرفانا بغضب
= جرى ايه يا قاسم ..رجعتني من بره ليه لما انت خايف عليها أوي كده

صرخ قاسم بغضب
= قلت اطلعو بره مش هعيد كلامي تاني والا مش هبقى مسئول عن الي هعملو فيكم

نظرت نيرفانا اليه بدهشه وهو يتجه لطاولة الزينه يتناول منها زجاجة عطر ويضع القليل منها على يده وهو يرفع ملك بين زراعيه بحمايه
لتقول بغضب وغيره وهي تغادر الغرفه سريعا
= يلا بينا يا طنط من هنا ..

خرجت نيرفانا بصحبة عمتها كامله هانم التي ترتعش بخوف من ردة فعل قاسم القاسيه تجاهها وأغلقت الباب خلفها بعنف في حين تجاهلها قاسم وهو يرفع ملك بخوف بين زراعيه وهو يمرر يده الغارقه في العطر على وجه ملك ويقول بتوتر
= فوقي يا حبيبتي متخافيش انا هنا

ليحاول افاقتها اكثر من مره بدون فائده وهي لاتستجيب والتوتر والخوف يتصاعدان بداخله حتى شعر بالالم وكأن يد ضخمه تعتصر قلبه بقوه وهو يتخيل ان مكروها قد أصابها
ارتجفت جفون ملك في استجابه لمحاولاته العديده لافاقتها حتى تئوهت بألم وهي تفتح عينيها الممتلئه بالدموع بصعوبه وهي تقول بخوف
= قاسم ..

إحتضنها قاسم بقوه وحمايه في رد فعل لا ارادي منه وهو يقول بخوف
= عمر قاسم ودنيته وقلبه من جوه

شعرت ملك بالدهشه وهي تشعر به يحملها ويضعها فوق ساقيه وهو يحتضنها بشده ويلف يديه من حولها بشده وكأنه يغلفها بداخله وهو يغرق وجهه بعشق بداخل عنقها الناعم يقبل بلهفه النبض البطئ به والزي تسارع بشده تحت شفتيه مع استمرار تقبيله لها
شهقت ملك باعتراض
= قاسم انت بتعمل ايه..

الا انه تجاهلها وهو يزيد من احتضانها بجنون عاشق كاد ان يفقد حياة معشوقته
رفع قاسم رأسه اليها ينظر في وجهها بلهفه لم يستطع السيطره عليها وهو يتأمل ملامح وجهها الفاتن بعشق و
يمرر يده على شفتيها بحنان وهو يقول برقه
= إنتي كويسه ..

نظرت ملك اليه بحيره وهي لا تفهم ما يتحدث عنه الا انها شهقت وهي تتزكر فجأه ما حدث من كامله ومحاولتها قـ،ـتلها..لتتلفت حولها برعب وفزع والدموع تنهمر من عينيها بشده وهي تتحدث بخوف
= كامله هانم كانت هنا ..كانت عاوزه تقت….

الا ان قاسم منعها من مواصلة الحديث وهو يحتضنها بحمايه شديده وهو يقول بحنان
= انا عارف وشفت كل حاجه.. متخافيش يا حبيبتي محدش هيقدر يئذيكي طول مانا معاكي

احتضنته ملك بلهفه وهي ترتعش بخوف وتضع رأسها على كتفه وهي تستشعر الامان بين احضانه ويده تمر بحنان وتطمين على ظهرها
قبل قاسم رأسها بعشق وهو يقول بحنان
= انتي بترتعشي كده ليه ..اطمني يا حبيبتي ومتخافيش انا هبعدها عنك خالص

رفعت ملك وجهها الغارق بالدموع اليه
وهي تقول بطفوليه
= ياريت يا قاسم انا بخاف منها اوي ..بس ازاي
نظر قاسم في وجهها برقه وهو يحملها ويضعها على الفراش من جديد ويعدل من وضع الوساده خلف رأسها وهو يجلس بجانبها ويميل عليها يقبل جبهتها برقه
= هاخدك على فيلتنا في القاهره ونكتب الكتاب بكره فيها ونبعد عن هنا خالص

ملك بدهشه
= نكتب الكتاب بكره ازاي مش احنا اتفقنا اننا نستنى لما تعدي سنه

قاسم بصرامه أدهشتها
= انا مش هأمن عليكي تقعدي هنا بعد كده واحسن حل اننا نكتب الكتاب ونبعد عن هنا خالص ..ولاا انتي عندك اعتراض

ملك بتوتر من حدته المفاجأه
= لا معنديش اعتراض ولا حاجه انا كنت بسأل بس

ابتسم قاسم براحه وهو يحكم الغطاء من حولها جيدا
= لولا اني عارف انها بتتصرف كده من شدة صدمتها في وفاة ابنها واكيد خبر جوازنا كان صدمه اكبر ليها كان هيبقى ليا معاها تصرف يخليها تندم على اللحظه الي فكرت فيها تأذيكي ..

ملك برقه
لا خلاص ملوش لزوم طالما هبعد عنها وعن أزاها
قبل قاسم جبين ملك مره اخرى وهو على وشك المغادره وهو يقول بحنان

= خلاص بكره هنسافرمن بدري و انا هرتب كل حاجه لكتب الكتاب اول ما نوصل نامي انتي دلوقتي ومتخافيش انا سهران في أوضتي جنبك ومحدش هيقرب من أوضتك تصبحي على خير يا حبيبتي

الا ان يد ملك تشبثت به بقوه وهي تقول بخوف طفولي
= بلاش تمشي ..خليك جنبي انا خايفه

نظر لها قاسم بدهشه الا انه ولدهشتها لم يجادلها وهو يتخلص من جاكيت بدلته ويلقيه باهمال على احدى الارائك دون ان يتحدث ثم تمدد بجانبها على الفراش وهو يرفع رأسها على زراعه و يضمها بأمان الى داخل أحضانه ويده تلتف حولها وتمر على ظهرها بحنان
شهقت ملك باعتراض وهي تحاول ابعاده
= قاسم مينفعش انت بتعمل ايه افرض حد شافنا

ضمها قاسم اكثر اليه وهو يدفـ،ـن رأسه في عنقها من جديد ويغلق عينيه براحه

= ميهمنيش حد انتي من اللحظه دي مراتي والي هيجيب سيرتك بكلمه هقطع لسانه

ليزيد من ضمها اليه وهو مازال يدفـ،ـن وجهه في عنقها ويمرر شفتيه برقه على شريانها الزي تسارعت نبضاته بجنون تحت ملمس شفتيه
ملك باعتراض وهي تتنفس بصعوبه
= قاسم انت بتعمل ايه ..قوم امشي خلاص انا مبقتش خايفه

ابتسم قاسم بسخريه
= كده.. طيب انا همشي بس لو كامله رجعتلك تاني متلوميش غير نفسك

شهقت ملك بخوف وهي تتمسك بقاسم بقوه
كامله ..قاسم ..انت بتتكلم بجد..

ضمها قاسم لاحضانه من جديد وهي مازالت متشبثه به وهو يقول بتهكم

= طبعا بتكلم جد ..نامي بقى وخليني انام قدامنا بكره يوم طويل
نظرت ملك له بتردد وهو يدفـ،ـن رأسه من جديد في تجويف عنقها وشفتيه تستريح بدفئ على شريانها النابض لتتنهد برقه وهي تستسلم لدفئ احـ،ـضانه ويده التي تمر على ظهرها ببطئ وحنان متملك حتى غرقت في النوم بأمان وهي لا تدرك ان في الغد ستتحول حياتها لمأساه من جديد
#انتقام_اثم الفصل السادس
إستيقظت ملك من نومها في وقت متأخر من الصباح وعقدت جبينها بحيره وهي تتزكر ماحدث معها بالامس من احداث كثيره ومتتابعه لتتلفت حولها وهي تبحث عن قاسم الا انها ادركت انه قد غادر غرفتها في وقت مبكر من الصباح
اتبتسمت ملك بسعاده وهي تتزكر ان اليوم بوم مميز بحياتها ..يوم سيجمعها بحبيبها وللابد وستصبح زوجته وحبيبته امام العالم اجمع
لتتنهد بسعاده وهي تستمع لصوت هاتفها الذي ارتفع رنينه ينبئها باتصال قاسم بها
ملك بسعاده
= قاسم

قاسم بهدوء
= صباح الخير يا روح قاسم.. استعديتي

ملك بارتباك
= صباح النور يا حبيبي انا هاقوم استعد دلوقتي حالا معلش اصل راحت عليا نومه

قاسم بحنان
= ولا يهمك يا حبيبتي بس البسي بسرعه علشان تلحقي تودعي جدي قبل مايسافر سويسرا انا هوصله للمطار كمان نص ساعه ولما ارجع احنا كمان نسافر علطول للقاهره علشان حفلة جوازنا

شهقت ملك وهي تنهض سريعا عن الفراش
= خمس دقايق وهكون تحت عندك انا مش عارفه ازاي نسيت ان جدو هيسافر النهارده

قاسم بمكر
= الي واخد عقلك يتهنى بيه

ملك بخجل ودلال
= مفيش حد واخد عقلي بطل كلامك ده بقى
قاسم بمكر
= بقى كده ..طيب ياستي هبطل كلام زي ماانتي عاوذه بس المهم تخلصي وتنزلي بسرعه ..خمس دقايق وتكوني تحت علشان تلحقي تودعي جدي قبل مايسافر
تحركت ملك سريعا الى الحمام وهي تقول بلهفه وتغلق الهاتف بتسرع

= حاضر ثواني وهكون عندك مع السلامه

دخلت ملك سريعا الى الحمام وبدأت تستعد للنزول للاسفل فقامت بتصفيف شعرها وتركته منسدل خلفها بحريه وارتدت فستان رقيق باللون الازرق وحذاء انيق مريح وتركت وجهها خالي من ألوان الزينه وتوجهت سريعا للاسفل بعد ان تناولت حقيبتها على عجل وهي تنظر لساعة يدها بارتياح
= كويس جهزت في عشر دقايق ..

نظرت ملك حولها بتوتر وهي تغلق باب غرفتها بسرعه خوفا من مقابلة كامله هانم لتنزل سريعا الى الاسفل وهي تتلفت حولها بقلق لتنتفض بخوف وهي تشعر بيد تلتف حول خصرها فجأه
الا انها تنهدت براحه وهي ترى ان قاسم هو من يضع يده حولها

ملك بتوتر وهي تضع يدها على قلبها
= قاسم..خضتني

قاسم بدهشه وهو يقربها الى جانبه
= مالك خايفه كده ليه

ملك وهي تتلفت حولها بخوف
= مفيش حاجه..

أدارها قاسم اليه وهو يلف يديه حول خصرها بتملك وهو يضيق عينيه بتساؤل
= انتي لسه خايفه من كامله.. انا اتكلمت معاها واتأكدت ان الي حصل امبارح مش هيتكرر تاني

ليتابع بثقه
= طول ما انا جنبك متخافيش من اي حد.. ولازم تعرفي اني مش هسمح لأي حد ولا لأي حاجه انها تأذيكي مفهوم

نظرت اليه ملك بحب وهي تقول بثقه
= مفهوم يا حبيبي ..

قاسم بهدوء..
= ودلوقتي تعالي جدي مستنيكي جوه

دخلت ملك الى غرفة الاستقبال لتجد الجد الانصاري يرتدي بدله أنيقه ويجلس يتحدث الى كامله التي امتقع وجهها عند رؤيتها لملك برفقة قاسم
ابتسم الجد بمرح وهو يشير الى جانبه
= أخيرا ملاك عيلة الانصاري صحيت من النوم ..

اقتربت منه ملك تسلم عليه الا انه فاجأها وهو يقول بمكر وهو يجذبها للجلوس بجانبه
= تعالي اقعدي جنبي ولاا خايفه لاا قاسم يغير

جلست ملك بجانبه وهي تشعر بالخجل
في حين تناول الجد يدها الخاليه من اي زينه يتأملها وهو يتابع بمكر

= هو قاسم ملبسكيش دبلة الخطوبه ليه لحد دلوقتي يعني هتكتبو الكتاب النهارده من غير ما تلبسها دبله ولا خاتم يليق بعيلة الانصاري ..انت بقيت بخيل ولاا ايه ياقاسم

ارتفع صوت رأفت وهو يدخل من الباب وهو يقول بخبث
= أو يمكن مفيش خطوبه أو جواز من الاساس
ثم توجه الى الجد يلقي عليه التحيه باليد ثم القى التحيه بشكل عابر الى كامله الجالسه تتابع مايحدث بغيظ وهو يتجه لملك يتناول يدها يقبلها
وهو يقول بخبث
= ملك هانم ..عامله ايه دلوقتي جاهزه نلعب دور طاوله ولاا خايفه تتهزمي زي كل مره

الا انه شعر بقاسم يجذب يد ملك من يده بخشونه وهو يقول بصرامه
= ملك هانم ..مبتحبش الطاوله ومش هتلعبها تاني ولا بتحب بـ،ـوس الايدين

رأفت بمكر
= خساره دي كانت تلميذه شاطره جدا وبتحب لعب الطاوله ودرسين تلاته بالكتير كانت هتغلبني انا شخصيا

قاسم بتملك وهو يشعر بالغيره تشتعل بداخله
= متزعلش اوي كده لو ملك بتحب الطاوله انا الي هعلمها واظن انت عارف انا شاطر قد ايه في لعبة الطاوله ومحدش يقدر يهزمني فيها

رأفت ببرائه زائفه
= خلاص يا ملك هانم هتتعلمي على ايد قاسم بيه بس خدي بالك انا بحزرك ده مبيكتفيش بس بهزيمة الي قدامه ده لازم يفرم الي قدامه فرم علشان يحس انه كسب و ان خصمه انتهى للابد

جذب قاسم بتملك ملك الى جانبه والتي تنظر اليهم بحيره
= شكرا على تحذيرك يا رأفت ودلوقتي يا جدي يلا بينا علشان تلحق ميعاد الطياره

وقف الجد الذي يتابع ما يحدث باستمتاع وهو يقوم بوداع الموجودين بالغرفه ثم إلتفت الى ملك التي وقفت تودعه والدموع تلمع في عينيها
الجد بهدوء وهو يتأمل دموعها بحنان

= والدموع دي لازمتها ايه دا انا رايح مصحه للاستجمام واعمل شوية تحاليل واتفسح وكلها شهرين بالكتير وهرجع ليكم من تاني ..الحاجه الوحيده الي مزعلاني اني مش هحضر كتب كتابكم بس ملحوقه لما ارجع هعمل لكم احتفال صغير وهنحتفل بيه كأنكم لسه بتتجوزو من جديد

ثم نظر الى قاسم الذي يتابع حديث جده بعدم ارتياح
= يلا بينا يا قاسم علشان نلحق ميعاد الطياره وانت يا رأفت ارجع على الشركه وابقى ابعتلي الورق الي قلتلك عليه على الايميل

رأفت بخبث وهو يقف بجانب كامله التي تشع الكراهيه من داخل عيونها

= أمرك يا أنصاري بيه بس انا هقعد مع خالتي شويه أطمن عليها وهرجع على الشركه علطول

وضع قاسم يده بقسوه حول خصر ملك التي تمسح دموعها وهو يقول بتملك
= تعالي معانا نوصل جدي للمطار وبعدها نطلع على القاهره علطول

نظرت ملك اليه بدهشه
= مش انت قلت اني هستناك هنا لحد ماترجع من المطار وبعدها هنسافر

قاطعها قاسم بحده
= وغيرت رأيي في عندك اعتراض

ملك بحيره
= لا ابدا بس هـ،ـدومي لسه مجهزتش في الشنط

قاسم وهو يضع يده خلف ظهرها بحده ويقودها للخارج
= مش مهم الهـ،ـدوم انا جبتلك هـ،ـدوم جديده وعموما انا مش عاوزك تلبسي من الهـ،ـدوم دي بعد كده

ملك بحيره
= ليه دي كلها هـ،ـدوم جديده وانت الي شاريهم

ارتفعت قهقهات الجد وهو يقول بمكر
= اسمعي كلام خطيبك يا ملك وتعالي معانا

لينظر بخبث الى رأفت وهو يتابع
= أكيد هو عنده أسباب خلته يغير رأيه..خساره اني هسافر دلوقت الامور ابتدت تعجبني هنا

قاسم بصرامه
= جدي..

الجد بتحدي
= ايه يا ابن الانصاري هتخوفني انا كمان ولاا ايه متنساش ان انا الانصاري الكبير و افهمك من نظرة عنيك

ليتابع بمرح
= وبعدين انت متضايق ليه ما احنا هنفذ كلامك أهوه .. يلا بينا يا ملك

ليستند الى ملك حتى وصل الى السياره وجلس بجانبها هو وقاسم وكامله هانم تقف بجانب رأفت على باب القصر الداخلي تودع الجد وهي تشعر بكراهية ملك تتغلغل داخل اعماقها
انطلقت السياره مغادره في حين وقف رأفت ينظر لخالته وهو يقول بقسوه
= انتو ليه خابيتو ان نيرفانا وصلت امبارح من السفر

كامله هانم بصرامه
= أوامر قاسم

رأفت پسخريه
= بقى كده دي احلوت أوي..وهي فين دلوقتي

كامله بضيق
= سافرت القاهره

رأفت بخبث
= قاسم وملك في القاهره ونيرفانا كمان في القاهره يبقى لازم انا كمان أسافر القاهره علشان اسلم على اختي دي الاصول مش كده .

كامله بضيق
= رأفت..انت ناوي على ايه

رأفت بسخريه
= على كل خير طبعا يا خلتي و هو انا بيجي من ورايا الا كل خير

بعد مرور ثلاث ساعات..

جلست ملك في الغرفه المخصصه لها في فيلا قاسم بالقاهره وهي تتأمل باستغراب فستان غريب الشكل بلون البنفسج المشغول يتميز بقماشته الشفافه وذلك بعد ان أحضرته الخادمه لها واخبرتها ان قاسم هو من أحضره لها

ملك بضيق وهي تتأمل الفستان بين يديها و تنظر من شرفتها تتابع الاستعدادات الضخمه المقامه في حديقة الفيلا
= ايه الفستان ده معقول قاسم عاوزني ألبـ،ـس ده قدام الناس دي كلها دا الفيلا مليانه مدعوين.. وانا استحاله ألبـ،ـس الفستان ده قدامهم مكشوف وشكله غريب أوي أول مره أحس ان قاسم ذوقه مش حلو

لتتوجه الى خزانة الثياب الفارغه تتأملها بغضب
= ومفيش اي هـ،ـدوم هنا ممكن ألبسها غير الفستان الغريب ده و قاسم اختفى وقافل تليفونه من ساعة ما جبني هنا والفستان ده مكشوف وشكله مش محترم وغريب وانا مش عارفه اتصرف ازاي ولا هلبـ،ـس ايه

لتقلبه بين يديها بضيق
= بس لو فيه بطانه تداري قمشته الشفافه دي كان هيبقى لبسه
مقبول شويه

تلفتت ملك حولها بيأس حتى وقع نظرها على الستارة ذات اللون الغامق و المنسدله على شرفة غرفتها
اتبتسمت ملك بفرح وهي تتأملها بين يديها بتفكير ثم رفعت سماعة الهاتف الموجود بجانب الفراش وتتحدث للخادمه بهدوء
= لو سمحتي عاوذه ابره وخيط ومقص ياريت حد يجبهم لاوضتي بسرعه

ثم اغلقت الهاتف وهي تنظر للستاره بسعاده
ارتدت ملك الفستان بعد ان قامت بتعديله وتفصيل بطانه داخليه له من ستارة الشرفه لتتأمل نفسها في المرٱه باعجاب وهي تقول بمرح
= الفستان بقى يجنن تسلم ايدك يا مالوكه

لتبدء في ارتداء حذاء عالي الكعبين يليق بما ترتديه ثم وقفت امام المرٱه وبدئت في تصفيف شعرها ووضع طبقه رقيقه ومتقنه من الزينه على وجهها جعلت وجهها في منتهى الرقه والجمال ثم ارتدت السوار الزي اهداه لها قاسم و رفعته لشفتيها تقبله برقه وحب

لتمر اكثر من ساعه وهي جالسه في غرفتها بانتظار قاسم يتأكالها الانتظار دون اي أثر له
نظرت ملك الى الساعه التي تشير الى العاشره مساء بتوتر وهي تعيد محاوله فاشله اخرى للاتصال بقاسم لتقرر النزول للاسفل بحثا عنه وهي تشعر بالخوف وبانقباض قلبها وذهنها يصور لها الاسوء انه قد يكون تعرض لسوء ولذلك لاتستطيع الوصول اليه

اتجهت ملك بعزم الى باب غرفتها وفتحته بتوتر الا انها وجدت الخادمه تقف وراء الباب وعلى وشك الدق عليه
الخادمه باحترام
= قاسم بيه بيبلغك انه مستنيكي تحت مع المأزون يا هانم

إبتسمت ملك وهي تقول بفرحه
= هو قاسم وصل تحت ..انا نازله حالا

نزلت ملك برفقة الخادمه الى الاسفل وهي تتأمل بانبهار ترتيبات الزفاف المذهله والضخمه المقامه بحديقة الفيلا التي يظهر عليها الثراء والبزخ الشديدان
التفتت ملك للخادمه التي تقول باحترام وهي تغادرها
= عن إذنك ياهانم

حاولت ملك إيقافها الا انها فشلت وهي تتلفت حولها بحيره تبحث عن قاسم
= انتي سيباني ورايحه على فين .. وديني عند قاسم

غادرتها الخادمه دون ان تجيبها او تعيرها اي اهتمام
لتشعر بيد تدفعها بخفه من الخلف التفتت ملك بتوتر لتتفاجأ برجل في أواخر الخمسينيات يدخن سيجار ضخم
يقول بتكبر وهو يتأملها بطريقه وقحه ويضع يده حول خصرها
= حلوه أوي .. روحي يا حلوه هاتيلي كاس عصير وتعالي بسرعه

نظرت ملك اليه بدهشه تحولت الى غضب وهي تقول باستنكار
= انت بتقول ايه..وازاي تحط ايدك عليا بالشكل ده انت اتجننت

الرجل بغضب جارف
= انتي بتشتميني .. انتي مش عارفه انتي بتكلمي مين ..حتة خدامه حقيره زيك تتجرأ عليا بالشكل ده

ملك باستنكار
= خدامه..انت بتقول ايه

الرجل وهو ينظر لها بسخريه
= طبعا خدامه ..وخدامه قليلة الادب كمان زمايلك ماليين المكان ومحدش منهم يجروء يغلط في ضيف من الضيوف زي ما انتي بتعملي عموما ده هيكون اخر يوم ليكي في الشغل وهعرفك ازاي تغلطي في اسيادك

نظرت ملك اليه بدهشه وهو يغادرها بتكبر لا تستوعب ما يقوله لتتلفت حولها وهي تقول بعدم استيعاب

= زمايلي..

شهقت ملك بصدمه وهي تشاهد عدة فتايات ترتدي فساتين مشابهه لما ترتديه تدور بين المدعوين وبين يديهم صواني من الفضه عليها كاسات من الكريستال مملوئه بانواع مختلفه من العصائر
نظرت ملك لما ترتديه وهي تقول بزهول
= ينوفورم…أنا لابسه ينوفورم

وقبل ان تستوعب ما يحدث لها أغلقت الانوار فجأه ليسود الظلام المكان وتنطلق الالعاب الناريه المذهله تدوي في السماء ثم ظهرت بقعه من الضوء شديدة السطوع ظهر بها قاسم وهو يرتدي بدلة سهره تاكسيدو سوداء أنيقه
وبجواره شقراء جميله ترتدي ثوب زفاف أبيض اللون وطرحه من الشيفون الرائع تنسدل وراء ظهرها
لتبدء مراسم الزفاف وسط حاله من البزخ الشديد
وقفت ملك تتابع ما يحدث حولها بصدمه وهي تشعر بتفتت قلبها وهي تتابع قاسم وهو يحتضن عروسه ويبدء الرقص بها على أنغام موسيقى هادئه وسط تشجيع من المدعويين
لتتفاجأ بعيون قاسم الساخره تقابل عينيها المصدومه والغارقه في الدموع
بسخريه قاسيه و هو يقرب عروسه من أحـ،ـضانه ويقـ،ـبل وجنتها بحنان وعينيه كعيون الصقر تتابع بتشفي توالي المشاعر على وجه ملك صدمه زهول حزن قهر ألم غيره شعور بالخـ،ـيانه قاـ،ـتل..
تابع قاسم توالي المشاعر على وجهها الغارق في الدموع بتشفي ساخر
ولتشعر ملك بالقهر و بأنها تكاد ان تختنق وان الهوا يختفي من حولها حتى ترنحت وهي تكاد تغيب عن الوعي الا انها شعرت بيد تدعمها من الخلف وصوت يهمس لها

= إجمدي بلاش تخليه يشمت فيكي اكتر من كده

نظرت ملك اليه بدهشه وهي تكاد ان تغيب عن الوعي
= رأفت..

دعمها رأفت وهو يقول بصوت حاول ان يصبغه بالاسف
= أنا أسف يا ملك ..انا حاولت كتير احزرك بس قاسم كان عامل حصار حواليكي و مش مخلي حد يقدر يقرب منك

ملك وهي تنظر اليه بزهول ودموعها تتساقط
= تحزرني.. تحزرني من ايه ..انا مش فاهمه حاجه..أنا هتجنن

سحبها رأفت للخارج وهو يقول
= تعالي معايا وانا هفهمك على كل حاجه

لف رأفت يده حول كتفيها بخبث وعينيه تتابع قاسم الذي قست تعابير وجهه وعينيه تكاد تشتعل بالنيران وهو يرى يد رأفت وهي تلتف حول كتف ملك بتملك وانساحبهم من الحفل
ابتعد قاسم بعصبيه عن نيرافانا وهو يخرج هاتفه ويتحدث الى حرسه الخاص
= إعملو الي طلبته منكم

ثم اغلق الهاتف وتحرك هو الاخر مغادرا الحفل
نيرفانا بحده وهي تمسك يده تحاول منعه من مغادرة الحفل
= قاسم ..رايح على فين ..الناس هيقولو علينا ايه

قاسم بسخريه