رواية كاملة بقلم زينب مصطفى

= انتي صدقتي انه فرح بجد ولاا ايه
نيرفانا بغضب
= حتى لو مش فرح بجد.. برضه لازم نحافظ على شكلنا قدام الناس
قاسم بصرامه
= انزلي اندمجي بين المدعوين وانا نص ساعه و هكون عندك وفهمي المنظمين للفرح انه ساعه بالكتير والفرح ده كله يخلص انا خلاص صدعت
ثم تركها تغلي من الغيره والغضب وغادر بسرعه خلف ملك ورأفت
في نفس التوقيت..
ابتعد رأفت بملك المنهاره من شدة البكاء وهو يدعي الحزن على حالتها
= خلاص يا ملك كفايه بكى بقى دا ميستهلش دمعه من دموعك الغاليه دي
ملك وهي على وشك الانهيار
= انا مش فاهمه حاجه ليه يعمل كده فيا ليه يعيشني شهور في حلم جميل وبعدين يفوقني على كابوس بشع بالشكل ده
إقترب رأفت منها يحاول مسح دموعها وهو يقول بتعاطف مزيف
= إنسيه وتعالي معايا ابتدي حياه جديده بعيد عنه وعن عيلة الانصاري كلها..تتجوزيني يا ملك
شهقت ملك بزهول..في حين ارتفع فجأه صوت قاسم بسخريه غاضبه
= جرى ايه يا رأفت هو في حد عاقل يطلب واحده متجوزه للجواز دا حتى شرعآ لا يجوز
التفتت ملك بغضب لقاسم و دموعها تسيل بالرغم عنها ورؤيته توجعها بشده لتقول بتحدي وهي تحاول مسح دموعها
= أنا موافقه يارأفت ..موافقه أجي معاك وموافقه أتجوزك
ضغط قاسم على أسنانه بغيظ حاول ان يداريه وهو يقول بسخريه بارده
= ماقلنا ما ينفعش يا مدام شرعا وقانونا مينفعش
رأفت بغضب
= إسمع يا قاسم انا عارفك وعارف الاعيبك كويس ..ملك وفت عدتها من بدري ومن حقها تتجوز الي هي عوذاه
قاسم بسخريه
= انت ليه مش قادر تفهم ..ملك مينفعش تتجوز لانها ببساطه متجوزه ..متجوزه مني
شهقت ملك بصدمه وهي تصرخ بغضب
= انت كداب انا مش متجوز….
اقترب منها قاسم وقام بضمها الى زراعيه بسخريه في حين قاومته ملك بعنف وهو يقول ببرود
= اهدي يا حبيبتي ومتتكسفيش رأفت برضه يعتبر من العيله وجوازنا مش عيب ولا حرام
ملك بغضب وهي تحاول فك يديه من حولها
= انت كداب انا مش متجوزه منك او من غيرك ابعد ايدك دي عني ..انا مش طايقه أشوفك ولا طيقاك تلمسني روح لمراتك وسيبني في حالي انت عاوز مني ايه
ضمها قاسم بقسوه شديده اليه وهو يقبل عنقها بتحدي وهي تضربه بعنف تحاول ابعاده عنها وهو يتابع بسخريه
= جرى ايه يا رأفت خلي عندك شوية دم عاوذ اصالح مراتي ومش عارف
والا تحب اصالحها قدامك ..
رأفت بتحدي
= انا مش مصدقك.. ملك بتقول انها مش متجوزه منك وانا مصدقها..وبعدين إتجوزتها امتى
مد قاسم يده يجذب رأفت من ياقة قميصه بعنف في حين احتفظت يده الاخرى بملك التي تقاومه بعنف بالقرب من احضانه
وهو يقول بصرامه مخيفه
قلتلك قبل كده إسمها ملك هانم مترفعش التكليف ما بينك وبينها…
ليقوم بدفعه للخلف بشده حتى إنزلق على ظهره وهو يشير للحرس الخاص به ليقوم الحرس بالالتفاف حوله وقاسم يقول بصرامه وهو مازال يكبل ملك التي تقاومه بيديه
= وصلوا رأفت بيه لبره الفيلا وبعد كده ميدخلش هنا تاني الا بإذني..
اقتاد الحرس رأفت الغاضب للخارج
في حين رفع قاسم ملك التي مازالت تقاومه فوق كتفه وهو يقول بتهكم
= حاولي تحتفظي بقوتك لانك هتحتاجيها النهارده يا زوجتي العزيزه
صرخت ملك بغضب وهي تضربه بقبضتيها بعنف في ظهره
= انا مش مراتك انت كداب ..كداب
اتجه بها قاسم لداخل الفيلا من باب الخدم وهو ماذال يحملها فوق كتفه ثم توجه لغرفتها ودخل بها وهو يغلق الباب من خلفه و ألقاها بعنف على الفراش
اعتدلت ملك بسرعه وحاولت الاعتداء عليه الا انه ألقاها مره اخرى على الفراش وهو يكبلها بيديه وبثقل جسده
= إهدي … قلتلك اهدي
ملك بغضب ودموعها تتساقط بشده بالرغم عنها وهي تحاول اذاحته عن جسدها
= ابعد عني يا كداب يا غشاش مش طايقه أشوف وشك عملت فيك إيه علشان تعمل فيا كده..
لتنهار في البكاء وهي تقول بحزن
= ليه تكدب عليا ليه تعيشني في كدبه كبيره وتفهمني انك بتحبني . ..ليه ..ليه حرام عليك
شعر قاسم بدموعها وكأنها قطرات من النـ،ـار تحـ،ـرق قلبه وتكويه بشده الا انه اجاب بجديه وهو يكبل يدها خلف رأسها
= أنا مكدبتش عليكي انا دوقتك من نفس الكاس الي شربيته قبل كده لسامح جوزك إلي اتسببتي في مـ،ـوته بعد ماعزبتيه ونسيتيه بمجرد ما مات ووقعتي في الحب وعاوذه تتجوزي وتلبسي فستان الفرح قبل ما يكمل شهور على وفـ،ـاته
ليتركها ويقف وهو يقول باحتقار وهو يشاهد دموعها المتساقطه وهي تهز رأسها بدون تصديق
= يعني كنت بتكدب عليا وتقول انك بتحبني علشان تنتقم مني
بلع قاسم ريقه بتوتر وهو يحاول السيطره على مشاعره التي تحارب للظهور أمامها
= طبعا كنت بكدب عليكي ايه فكراني ساذج وهقع في حب واحده استغلاليه زيك واحده معندهاش مشكله انها تنتقل من راجل لراجل المهم حسابه في البنك قد إيه
ملك وهي تحدث نفسها بصدمه ودموعها تغرق وجهها وعقلها يرفض تصديق انها كانت تعيش خدعه كل الشهور الماضيه
= هي دي فكرتك عني وانا الي كنت غبيه وصدقتك..صدقت انك كنت بتحبني و عاوذ تتجوزني ليه كده حرام عليك..
قاسم باحتقار وقسوه شديده حاول بها قتـ،ـل مشاعره التي تحركت نحوها على الرغم منه
= أتجوز مين انتي مجنونه ..أتجوزك إنتي قاسم بيه الانصاري يتجوز حتة بت حقيره نصابه واستغلاليه ليه فكراني سامح جديد هتضحكي عليه بدموع التماسيح الي بتنزل من عنيكي
ملك بيأس
= طيب ليه كدبت على رأفت وقلت له اني مراتك لما انت بتحتقرني اوي كده
وضع قاسم يده بداخل جيبه واخرج ورقه فردها امام عيونها المزهوله
= لانك فعلا مراتي ..
ملك بزهول
=ايه الورقه دي
قاسم بسخريه
= سلامة نظرك ايه مبتشوفيش ولاا مبتعرفيش تقري دي ورقة جواز عرفي بيني وبينك ذي ما انتي شايفه
ملك بعدم تصديق
=ورقة جواز عرفي ..الورقه دي مزوره انا ممضيتش على حاجه
قاسم بسخريه
=لا مضيتي بس انتي الي مش فاكره..مضيتي على ورق كتير ورق جواز سفرك وورق كتير استعدادا لكتب كتابنا وكان بينهم الورقه دي بس انتي الي مخدتيش بالك منها وده مش ذنبي
ملك بزهول غاضب
=وانت ايه الي هتكسبه من كده
قاسم بقسوه
= كسبت اني هخليكي تقعدي هنا لحد ما اخلص كل الي عاوذه منك وان مكتبش كتابي على واحده ذيك متستهلش اسمي يرتبط باسمها لكن دي مجرد ورقه اول ما تخلص مهمتها هتتقطع وتترمي في الزباله
ملك بضعف
= انا الي غلطانه خلاص سيبني امشي من هنا وهريحك مني ومش هتشوف وشي تاني
توتر قاسم عند سماعه برغبتها في الرحيل ليقول بتسرع
=مفيش خروج من هنا
ليتابع بتوتر وهو يحاول مدارة توتره
=مفيش خروج من هنا الا لما تدفعي الي عليكي الاول
وقفت ملك بارتعاش
=أدفع ..أدفع إيه
قاسم بصلابه
=كل الفلوس الي خدتيها من سامح قبل مايمـ،ـوت ترجع قبل ما أسمحلك إنك تمشي من هنا إتنين مليون جنيه إبتذتيهم منه علشان توافقي تقعدي معاه
ملك بزهول
= محصلش انا مخدتش منه فلوس
قاسم بصرامه
= كدابه ..انا بنفسي كنت بحول الفلوس على حسابك في البنك يعني ملوش داعي دور البرائه الي بترسميه عليا
صمتت ملك ودموعها تتساقط وهي تتذكر سامح عندما اجبرها على عمل توكيل عام له ورغم انها لم تدرك في وقتها فائدة التوكيل بالنسبه له خصوصا انها لا تملك اي شئ ولكنها ادركت الان انه كان يسحب به المال الذي كان يودعه قاسم في حسابها البنكي
قاسم بسخريه ..
= ايه سكتي ليه ..كنتي فكراني هسيبك تتمتعي بالفلوس الي خدتيها بالابتزاز من سامح واسيبك تمشي
نظرت ملك اليه ودموعها تتساقط على وجهها بيأس
= أنا مخدتش حاجه وممعييش فلوس ..ممعييش فلوس خالص سامح هو الي خدهم
قاسم بسخريه قاسيه
= قلتلك بطلي كدب انا كنت بحط الفلوس في حسابك مش في حساب سامح ..و طالما مش عاوذه ترجعيهم يبقى تشتغلي بيهم
وقفت ملك امامه بارتجاف وهي تقول بتعب
= أشتغل..أشتغل إيه
قاسم بقسوه
= خدامه …
شهقت ملك بصدمه
= عاوزني اشتغل خدامه عندك..
قاسم بسخريه قاسيه
= قصدك خدامه عندي وعند مراتي نيرفانا هانم الدميري
شعرت ملك بهروب الد.ماء من وجهها امن شدة قسوته لتندفع تهاجمه بعنف الا انه استطاع السيطره عليها بسهوله وهو يقيدها بين أحضانه ويهمس بجانب إذنها وهو يتحسس جسدها باهانه
= في طريقه تانيه للدفع ..لو تحبي ممكن نتفاهم ..وصدقيني هبسطك أوي
شهقت ملك والدموع تتساقط من عينيها وهي تعود لمهاجمته من جديد
= انت بتقول ايه انت اتجننت أنا اشرف منك ومن الي خلفوك
قيد قاسم يد ملك التي تحاول ضربه بها خلفها وهو يقربها من جسده بحميميه
ويهمس بجانب إذنها
= غلطه كمان وهتشوفي وش يندمك على اليوم الي عرفتيني فيه.. إختاري
الخدمه في الفيلا عندي ولاا…
ملك بيأس ودموعها تتساقط
= أختار..أختار الخدمه في الفيلا عندك
إبتسم قاسم بانتصار وهو يبعدها عنه بعنف وهو يقول باحتقار مغادرا الغرفه
= اه على فكره الفستان لايق جدا عليكي ولايق على مركزك الجديد
ليغلق الباب خلفه بعنف و يتركها تنهار أرضا وهي تبكي حبها الضائع وكرامتها المهدره
#انتقام_اثم
الفصل السابع
وقفت ملك والدموع تغرق وجهها خلف الشرفه تتابع بألم قاسم وهو يحمل عروسه التي تتألق في فستان الزفاف الأبيض بين زراعيه ويتجه بها لداخل الفيلا وسط صيحات التشجيع و التهنئه من المدعويين
سالت دموعها على وجهها حتى أصبحت لاترى شئ من شدة بكائها وهي تضع يدها على فمها تحبس صرخة ألم كادت أن تفلت من بين شفتيها
وهي تبتعد عن الشرفه وعقلها لا يستوعب ما يحدث أمامها لتمر لحظات وتستمع لصوت أقدام وضحكات تتعالى
بالقرب من غرفتها
إقتربت ملك بتوتر من باب غرفتها وهي ترتجف تنظر من ثقب المفتاح لتتفاجأ بقاسم يحمل عروسه بين زراعيه وهو يقبل عنقها بشغف في حين التفت يد عروسه حول رقبته بعشق تبادله القبلات ليدخل الى الغرفه المواجهه لباب غرفتها ويغلقها من خلفه وعينيه تنظر بسخريه لباب غرفتها وكأنه يدرك مراقبتها له من خلف الباب
ابتعدت ملك بسرعه عن الباب وهي تضع يدها على فمها تكتم شهقاتها التي تعالت بالرغم عنها وهي ترى احلامها تنهار بشده امام عينيها لتنهار في موجه من البكاء الشديد وهي تقول بيأس ودموعها تغرق وجهها وهي تتأمل صورته الموضوعه بداخل قلب صغير في السوار الذي أهداه لها
=ليه تعمل فيا كده حرام عليك..ليه ترفعني لسابع سما وبعدين تدوسني برجليك ..ليه دايمآ انا..ليه دايمآ أتظلم وأتداس بالشكل ده ..دا انا عمري ما أزيت حد ولا ظلمت حد
لتسحب السوار بعنف من حول رسغها تمزقه وتلقيه في الارض
وهي تنهار من جديد في نوبه من البكاء الشديد والغيره والالم تشتعل بداخلها وهي تتخيل ما يحدث في داخل الغرفه الاخرى حتى غابت عن الوعي من شدة بكائها
في صباح اليوم التالي ..
تململت ملك وهي تعود لوعيها ببطأ وهي تنتبه لوجودها ملقاه على ارض الغرفه وزكرى كل ماحدث تعود ببطئ اليها من جديد..لتحاول النهوض وهي تشعر بالالم ينتشر في جسدها ودموعها تتساقط من جديد وهي تقف تتأمل صورتها في المرٱه وقد توقفت عن البكاء فجأه وهي تحدث نفسها بألم
= هتفضلي ضعيفه ويتداس عليكي لحد إمتى..لازم تفهمي ان محدش بيحبك.. أبوكي كان بيكرهك وبيكره اليوم الي اتولدتي فيه وجابلك مرات اب سقتك المر وباعتك لواحد مجنون علشان الفلوس ليل نهار يعزب فيكي من غير سبب علشان متعته المريضه
لتنساب دموعها وهي تتابع بألم
= وقاسم الي حبتيه وافتكرتي انه بيحبك وان الدنيا أخيرا ضحكتلك بيه ولاقيتي الحب والامان الي طول عمرك بتدوري عليه طلع كداب بيكرهك وبيحتقرك عمل كل ده علشان ينتقم منك إتجوز حبيبته وزلك وانتي واقفه تحضري فرحه بلبـ،ـس الخدامين وخلاكي تبقي خدامه له ولمراته
وانتي برضه واقفه ساكته كل الي بتعمليه تعيطي وبس ..لتتابع بألم ودموعها تتساقط
= بس لاء انا مش هضعف تاني ولا هستسلم وأسمح له انه يزلني او يكسرني..من اللحظه دي هاقاتـ،ـل علشان احمي نفسي ومحدش هيقدر يكسرني تاني
لتتوجه بعزم الى الحمام الملحق بالغرفه وتبدء بالاستعداد للقادم
خرجت ملك من الحمام بعد ان تحممت وهي ترتدي فستانها القديم لتتفاجأ باحدى الخادمات تقف بالغرفه وبيدها ذي أسود في ابيض عباره فستان مخصص للعاملات في القصر طوله يصل لبعد الركبه بقليل وفوقه مريال أبيض
ملك بدهشه
= انتي مين و دخلتي هنا ازاي
الخادمه بعمليه
= انا عزه زميلتك هنا ..
انا خبطت كتير ومردتيش فاضطريت اني ادخل ..ده اللبـ،ـس بتاعك ادخلي البسيه وانا هستناكي علشان أوريكي مكان المطبخ بس بسرعه
تناولت ملك منها الثوب وهي تبتلع غصه من الألم الا انها تجاهلتها وهي تشجع نفسها
= إجمدي يا ملك بلاش تضعفي وتديه متعة الانتصار عليكي
ثم بدأت بعزم ترتدي ثوب الخدم ثم تجمع شعرها في كعكه بسيطه وتترك وجهها دون اي زينه
ثم خرجت وهي تتأهب نفسيا لما ستواجهه بالاسفل
بعد قليل..
وقفت ملك أمام رئيسة الخدم تستمع اليها وهي تقول بجديه
= ملك ..فطار قاسم بيه ونيرفانا هانم جاهز خديه وطلعيه لأوضتهم
شحب وجه ملك وهي تكاد تفقد الوعي من جديد
= إيه .. وليه انا الي أطلعه خلي اي واحده تانيه هي ال تطلعه ليهم
رئيسة الخدم بصرامه
= اولا دي أوامر قاسم بيه .. ثانيا انتي تنفذي كل الي يتطلب منك من غير اي اعتراض واتفضلي طلعي الفطار قبل ما نتأخر عليهم
تناولت ملك صنية الطعام وهي تشعر بانسحاب الد.ماء من عروقها وهي تحدث نفسها بألم
= لسه انتقامك مخلصش يا قاسم وبتدور على اي حاجه توجعني بيها ..لكن لاء مش هخليك تشمت فيا اكتر من كده ولا هخليك تستمتع بانتقامك مني
مالت ملك الى زميلتها عزه تسألها بتصميم
= عزه اليونيفورم الي انا لابساه ده كبير عليا انا عاوزه يونيفورم مقاسك انتي
نظرت لها عزه والتي تعتبر قصيره ونحيفه باستغراب
= بس ده هيبقى صغير عليكي اوي
ابتسمت ملك بتوتر
= لا ابدا ده هيبقى مقاسي بالظبط اصلي مبحبش اللبـ،ـس الواسع
عزه بتفهم
= خلاص استني ثواني وهجيبلك يونيفورم من الي على مقاسي
لتمر لحظات وتأخذ منها اليونيفورم بالاضافه لصنية الافطار وتصعد بها للاعلى
دخلت ملك بعزم الى غرفتها ووضعت صنية الافطار على المائده واتجهت الى الحمام الملحق بغرفتها فقامت بتغير اليونيفورم باخر اصغر في المقاس يصل طوله لفوق ركبتيها شديد الالتصاق بجسدها يظهر منحنايتها بوضوح ثم قامت بفك شعرها وتركه منسدل بحريه خلف ظهرها ووضعت أحمر شفاه قاني اللون وماسكرا للعيون واكملت زينتها وكأنها تستعد للذهاب لحفل ثم وقفت تتأمل نفسها برضا ثم اتجهت للخارج
ثم نظرت لثوبها بتقييم فقامت بفتح اول زرارين منه ليظهر جمال عنقها وبداية فتحة صدرها ثم تناولت صنية الافطار وخرجت من غرفتها وهي تقوي نفسها وتشجعها على التحمل وقامت بالطرق على باب الغرفه المقابله لتسمع صوت قاسم الصارم يسمح لها بالدخول
دخلت ملك الى الغرفه وهي ترسم ابتسامه على وجهها الا انها شعرت بانسحاب الد,ماء من وجهها وهي تشاهد قاسم ينام في الفراش عاري الصدر وبجانبه نيرفانا المستغرقه في النوم و هي تستلقي على زراعه لاترتدي شئ تقريبا وحولهم غطاء من الحرير زهبي اللون
قاسم بسخريه وهو يلاحظ صدمتها وشحوب وجهها
= ايه هتفضلي واقفه عندك كتير..قربي هاتي الفطار هنا
تحركت ملك بأليه وهي تبتلع ريقها بألم
ووضعت صنية الطعام على ساقيه
الا انها فوجئت به ينتفض بغضب وهو يمسك رسغها بقسوه
= فين الاسوره الي انا اشتريتهالك
سحبت ملك يدها منه بعنف وهي تقول بغضب
= رميتها في الزباله
تغيرت ملامح قاسم وكأنه على وشك خنقها الا انه اجاب ببرود وهو يمرر يده برقه في خصلات شعر نيرفانا الغارقه في النوم
= رمتيها..كويس انك عملتي كده اول مره تعملي حاجه صح الاسوره دي فعلا مكانها الزباله
ابتعدت ملك عنه بغضب وهي تشعر بالغيره وكأن نـ،ـار تشتعل بداخلها وهي تتجه لباب الغرفه مغادره
ليضيق قاسم عينيه وهو يتأمل مظهرها المثير بدئآ من جسدها المثـ،ـير والذي يبرز الثوب منحنايته بدقه وانتهائآ بشعرها المنسدل خلفها بروعه ووجها الذي يشع جمال وبرائه لتتوقف نظراته عند شفتيها المثيرتان والذي زادهم إثاره لون أحمر الشفاه القاني المصبوغتان به
ليقول بغضب
= ايه الزفت الي انتي حطاه على وشك ده و لابساه كده ليه ..ايه ملقتيش حاجه أقصر ولاا أضيق من كده عشان تلبسيها
ملك ببرود وهي تمط شفتيها باستفزاز
= وانت ايه دخلك ..انا حره ..انت الي ليك عندي اني البـ،ـس اليونيفورم وبس لكن احط مكياج او محطش على وشي.. لبسي طويل ولاا قصير فده حاجه متخصكش دا غير انه عاجبني وعاجب ناس كتير اوي غيري
نظر قاسم لها بتقييم وهو يقول بهدوء مخادع
= عاجب ناس كتير اوي ..طيب ادخلي جهزيلي الحمام
نظرت ملك اليه بتوتر الا انها استجابت له ودخلت لتجهيز الحمام وهي تطمئن نفسها بانه لن يستطيع فعل شئ وزوجته نائمه في نفس الغرفه معهم
الا انها ما ان وضعت قدمها بداخل الحمام حتى شعرت به يدفعها للداخل وهو يغلق الباب خلفه وهو يدفعها على الحائط المقابل ويداه تحاصرها من كل جانب وهو يقول بصرامه أخافتها
= كنتي بتقولي ايه..
ابتلعت ملك لعابها بتوتر الا انها اجابت بتحدي
= أنا حره ألبـ،ـس إلي أنا عوذاه وانت ملكش دع…..اه
ليقاطعها وهو ينقض فجأه على شفتيها يلتهمهم بقسوه وكأنه يعاقبها على تحديه
قاومته ملك بشده وهي تحاول الابتعاد عنه تضربه بكلتا يديها وهي تحاول ابعاده الا انه كان كالصخره لا ينزحزح لترتجف بدون ارادتها وهو يزيد من احتوائها وضمها اليه بتملك وعشق وقبلته تتعمق أكثر و أكثر فتتحول من قبلة عقاب الى قبلة عاشق يذوب شوقا في محبوبته
لتطول قبلته وتطول وهو يشعر بانه يمتص رحيق الحياه من بين عسل شفتيها وبعدم قدرته عن التوقف او الابتعاد عنها
لتمر بهم لحظات من الشغف والعشق المجنون حتى ابتعد قليلا عنها وهو يتأمل وجهها شديد الجمال وهي تغلق عينيها لا تستطيع فتحهم بعد استسلامها المشين له
قبل قاسم عينيها المغلقتان برقه وهو يهمس بأمر بجانب إذنها
= إفتحي عنيكي..
فتحت ملك عينيها تحاول الا تنظر في عينيه ودموعها تنساب بالرغم عنها وهي تشعر بالعار لاستجابتها له بعد كل مافعله بها
قاسم بصرامه
= اسمعيني كويس وحطي الكلام الي هقوله ده قدامك وتنفذيه من غير نقاش
والا متلوميش بعد كده غير نفسك
ليتابع بتملك اخافها
= انتي كلك ملكي جسمك عقلك تفكيرك ابتسامتك دموعك كلك يا ملك ملكي
ملك بغضب
= انا مش ملك حد وحره اعمل الي انا عوزاه ومتفتكرش انك بلي بتعمله ده ممكن تخوفني
اقترب منها قاسم وهو يعيدها الى دائرة زراعيه وهي تضربه بكلتا يديها تحاول الهروب منه
= سيبني ياقاسم بدل ما اصرخ وافضحك عند مراتك
لتبدء بالصراخ بالفعل الا انه ابتلع صراخها بداخله وهو يقبلها بنهم معاقبا لها وهو يقول بتملك شديد تغذيه غيرته الشديده عليها و التي مازال ينكرها
= قولي يا ملك ..قولي انا ملكك يا قاسم
الا انا ملك رفضت وهي تحاول الابتعاد عنه وقبلاته تزداد اثاره وسخونه وهو يقبل شفتيها فحلقها وعنقها ليعود من جديد بلهفه لشفتيها ويده تمر بتملك على منحانيتها
انسابت دموع ملك وهي تشعر بجسدها الخائن يستجيب له مره اخرى دون ارادتها
لتقول باستسلام من بين دموعها وقبلاته ..
= أنا..انا ملكك يا قاسم ..بس..بس سيبني
شعرت به ملك يضمها اليه بانتصار ثم ينظر الى وجهها بعشق لم يستطع ان يخفيه
وهو يقول بتملك شديد
= قوليها مره تانيه
شهقت ملك ودموعها تنساب بشده
= انا ..انا ملكك يا قاسم
رفع قاسم وجهها اليه بانتصار وهو يمرر اصبعه برقه على شفتيها التي زال عنها احمر الشفاه و المنتفخه من شدة قبلاته
ليقول برقه وهو يتأملهم بشغف
= وبكده شيلنا الروج عن شفايفك لسه باقي المكياج الي على وشك
ليقوم بجزبها والتوجه بها الى حوض الوجه وهو يفتح المياه يغترف منها ويضعهم على وجهها وهو يملاء يده بسائل منظف للوجه يغسل به وجهها وهي تحاول الهرب منه وهو يقول بصرامه
= بعد كده مشفش نقطة مكياج على وشك ..لو حطيتي مثلا روج عقابك هيكون اني اشيله من على شفايفك بنفس الطريقه الي شيلت بيها الروج الي كنتي حطاه بس الفرق اني هشيله ومش هيهمني المكان ولا هشيله قدام مين
ثم قام بتجفيف وجهها وهو يغلق ازرار ثوبها المفتوح
= ثانيا الزفت الي انتي لابساه ده يتقلع وتلبسي حاجه واسعه مش لازقه على جسمك ومبينه كل تفصيله منه
ملك بغضب وهي تشعر بحرج من كلماته
= الي يشوفك وانت بتتكلم كده ميقولش انك لسه امبارح ملبسني يونيفورم زي بدلة الرقصات
قاسم بسخريه وهو يعدل من وضع شعرها ويضعه خلف اذنها
= اه قصدك يونيفورم البنات الي كانو بيخدمو في الفرح ماله دا حتى كان يجنن عليكي
احمر وجه ملك بغضب وهي تبعد يده عنها
= يعني عاملي محاكمه على يونيفورم ضيق ومحدش هيشوفه غير البنات الي شغالين هنا ..لكن عادي عندك اني البـ،ـس يونيفورم شفاف و امشي عـ،ـريانه بين المدعوين الزباله بتوعك
عقد قاسم حاجبيه باستفهام
= يونيفورم شفاف ايه ..انا شفتك لابساه امبارح ومكنش لا شفاف ولاعـ،ـريان
ملك بتحدي
= و ده لأني قطعت ستارة شباك الاوضه وعملت منها بطانه للفستان والا كان زماني ماشيه عـ،ـريانه قدام الزباله الي كنت عازمهم
أغمض قاسم عينيه بغضب وهو يحاول ان يتحكم بغضبه وهو يتخيلها ترتدي فستان فاضح وتمشي به أمام الرجال الموجودين بحفل زفافه
ليستوقفها وهو يراها تتجه للخروج من الباب
= ملك..
التفتت ملك اليه بتساؤل
= انتي ليه بتقولي على المدعوين زباله..دي غيره والا حد منهم عمل معاكي حاجه
نظرت ملك له باستخفاف
= انت فاكرني عبيطه ومش فاهمه انك انت الي باعته علشان يتحـ،ـرش بيا علشان يحسسني اني رخيصه يعني زيه زي يونيفورم الخدامات العـ،ـريان الي خلتني ألبسه يوم فرحك مش كده
لتتركه وتخرج وهي لا تدري شئ عن النـ،ـار التي اشعلتها
خرج قاسم مره اخرى الى الغرفه ليجد ملك قد غادرت ونيرفانا تجلس بغضب على الفراش وهي تتناول فطورها
نيرفانا بغضب وهي تبتلع بعض القهوه
= ما لسه بدري كل ده بتعملو ايه سايبني وقاعد مع البتاعه دي كل الوقت ده ليه
نظر لها قاسم بغضب اخرسها وهو يذهب اليها ينتـ،ـزعها من السـ،ـرير بقسوه
= الفستان الي طلبت منك تبعتيه لملك علشان تلبـ،ـسه انتي غيرتيه
ابتلعت نيرفانا ريقها بتوتر
= اه اصل يا حبيبي لبـ،ـس الخدم الي كانو هيخدمو في الحفله اتغير فكان لازم ابعت لها لبـ،ـس شبه الي الكل هيلبسه زي ما اتفاقنا
قاسم بشراسه
= اتفاقنا كان اني ابعت لها فستان من فساتين الخدم مش فستان شفاف وعـ،ـريان
نيرفانا بغضب
= وايه بعني ياحبيبي ماكل البنات الي كانو بيخدمو في الحفل لابسينه ومحدش اعترض وملك زيها زيهم
قاسم وهو يحاول يكبح غضبه
= اولا انا مش حبيبك الي بينا ده شغل ومسيره يخلص ثانيا ملك مش زيهم ملك مراتي واحمدي ربنا انها عرفت تتصرف وركبت بطانه للفستان والا كان هيبقالي تصرف تاني معاكي
ثم تركها وتوجه لهاتفه يتصل برئيس حرسه
= أيوه يا صادق شفلي تسجيلات الفرح في كلب حاول يتحـ،ـرش بملك امبارح اعرفلي هو مين بسرعه وبلغني باسنه .. انا مستنيك
ثم اغلق الهاتف وهو يشعر باشتعال النـ،ـار بداخله وهو يتخيل ان رجل تجرأ وحاول انا يتحـ،ـرش بها في حين اشتعلت الكراهيه والغيره في قلب نيرفانا وهي تحدث نفسها بغل
= مراتك.. دا يبقى اخر يوم في عمرها
لتتناول الهاتف وتبدء الاتصال ببعض صديقاتها وهي تبتسم بخبث
بعد مرور اسبوع
استيقظت ملك في الخامسه فجرا ووقغت مع الخادمات في المطبخ تقوم باعداد فطور كامل لعدد كبير من صديقات نيرفانا الزين سيقضون اليوم بأكمله برفقتها
تثائبت عزه وهي تعد المعجنات
= انا مش فاهمه حفلة ايه الي عملاها لصحباتها .. دي لسه عروسه ما تروح تقضي شهر العسل بره زي ما كل العرسان بيعملوا وتسيبنا نرتاح شويه
ملك بحزر
= بطلي كلام شويه مدام نجاة بتبص علينا
صمتت عزه بتبرم وهي تنظر بحزر بطرف عينيها لنجاة التي تتابع بدقه كافة التحضيرات للافطار
لتمر اكثر من اربع ساعات من العمل الشاق وبدئت صديقات نيرفانا بالتوافد
وملك تقوم بالخدمه عليهم وهي تتجاهل استفزازات نيرفانا المتكرره لها لتسمع واحده منهم تقول بتكبر
= ايه ده نيرو هو مفيش عصير جريب فروت والا ايه انا مقدرش أبتدي يومي من غيره
نيرفانا باسترضاء وهي تنظر لملك باحتقار وتقول بصوت عالي حرثت ان يصل لملك
= معلش يا كوكي يا حبيبتي اعمل ايه مشغله عندي طقم خدمات اغبيه لازم اطلب الطلب منه مره واتنين لحد ما ينفذوه بس وحياتك عندي لازم اغيرهم في اقرب وقت
لتتابع وهي تنظر لملك بتعال
= انتي يا بتاعه انتي ادخلي بسرعه هاتي عصير جريب فروت من جوه بسرعه
شعرت ملك باعصابها تكاد تفلت منها من شدة الغضب الا انها كظمت غيظها ودخلت الى المطبخ واحضرت لهم العصير سريعا الا ان احداهم غمزت لنيرفانا وهي تضع قدمها في طريقها لتزل وتقع ارضا ويسكب العصير منها على الارض وسط سخرية صديقاتها وسخرية نيرافانا التي قالت بتهكم ساخر
= شوفتو يا جماعه غبيه مش قادره تجيب شوية عصير وتوصلهم لهنا
شعرت ملك بجرح شديد في كرامتها وهي تقف وتقول بصوت عالي
= مفيش حد غبي غيرك انتي وشوية المعاتيه دول
ليرتفع صوت قاسم الغاضب
=ملك انتي اتجننتي..اعتزري حالا
ملك بتحدي
= مش هعتزر ولو مش عاجبك اطردني من عندك وريحني
اندفع قاسم ناحيتها وهو يسحبها بعيدا عنهم يقول بغضب بصوت لا يستطيع سمعه غيرهم
= اعتزري لها حالا
ملك بغضب
= انا مغلطش فيها هي الي..
الا انه قاطعها بصرامه
= مش عاوز اسمع حاجه ومتنسيش انتي هنا بتشتغلي ايه
ملك بارتعاش مس قلبه
= انا عارفه انا هنا بشتغل ايه مش مستنيه منك تفكرني بس انا مغلطش فيها هي الي ..
الا انه قاطعها بقسوه جارحه
= قلت مش عاوز اسمع تبيرارت غبيه لازم قبل ما تتكلمي تعرفي هي ايه وانتي ايه
نظرت ملك له بألم مس شغاف قلبه وهي تجيب بصوت مخنوق جعله يريد احتضانها وتخبئتها بداخل احضانه للابد
حاضر ياقاسم بيه هعتزر لها
لتتركه وتتوجه لنيرفانا التي تتابع ما يحدث بشماته شديده
ملك بصوت مخنوق
= انا اسفه يا نيرفانا هانم
نيرفانا بتكبر
= اعتزارك ليا لوحدي ميكفيش لازم تعتزري من كل الموجودين
الا ان صوت قاسم الغاضب ارتفع وهو يقول بصرامه
= نيرفانا خلاص اقفلي الموضوع وانتي يا ملك ادخلي جوه
نيرفانا بغضب
= بس يا قاسم …
قاسم بغضب
= قلت خلاص
التفتت ملك تريد المغادره بسرعه قبل ان تنهار في البكاء الا انها ارتطمت بسيده في اوائل الثلاثينات دخلت للحديقه وهي تقول بمرح
= هاي ياجماعه اسفه اني اتأخرت عليكم
تسمرت ملك في مكانها وهي تشعر ببروده كالمـ،ـوت تستولي على جسدها لترفع رأسها ببطأ وخوف وهي تكذب اذنها لتصطدم عينيها بعيون حاده جميله لتشهق ملك برعب وقد تحققت أسوء كوابيسها وتسقط أرضا غائبه عن الوعي وسط دهشة الحاضرين ولهفة قلب قاسم الذي تلقاها بلوعه بين زراعيه
الفصل الثامن????
#إنتقام_أثم
فتحت ملك عينيها بتعب لتجد نفسها مره أخرى داخل فيلا زوجها سامح والمقامه بمكان نائي بالصحراء
لتتلفت حولها برعب وهي تشاهد نفسها مره اخرى بداخل الغرفه ذات الجدران الحمراء بلون الدم والممتلئه بأدوات التعذيب وسامح زوجها يرقص بمجون وهو يحتسي الخمر مع فتاه شبه عاريه وهو يقترب منها وفي يده سوط عريض من الجلد يلفه حول معصمه وهو يقول بشماته وهو يجذبها بعنف من شعرها
=كوكي أخيرا فاقت إيه خايفه وبترتعشي كده ليه..المفروض تبقي مبسوطه وبتضحكي النهرده عندنا حفله ..يلا إضحكي سمعيني ضحكتك
انهمرت دموع ملك بخوف وهو ينظر في وجهها باحتقار
=نكديه وهتفضلي طول عمرك نكديه..اتفرجي يمكن تتعلمي
ليجذب رفيقته من شعرها بعنف ويرميها ارضا ثم يبدء في جلدها بقسوه شديده وللغرابه وجدت رفيقته تتلذ بما يفعله بها ثم قام بممارسة الرزيله معها
امام ملك التي حاولت غلق عينيها برعب وهي تشعر انها على وشك التقيوء الا انها شعرت بضربه قويه من السوط الجلدي تنزل على جسدها بقسوه تلهبه وصوت سامح يقول بغضب
=إفتحي عنيكي حالا ..لو قفلتي عنيكي تاني هقلعهم وأكلهم للكلاب بتوعي
فتحت ملك عينيها برعـ،ـب وهي تجبر على مشـ،ـاهدة وصله من التعـ،ـذيب والجـ،ـنس المقـ،ـزز المتبادل بين زوجها ورفيقته حتى انتهو وسامح يقترب منها
باستهزاء وهو يضع يده حول خصر رفيقته العاري ويسلمها السـ،ـوط الجلدي
وهو يقول بمرح
=مكفئتك يا ميرا ذي ما وعدتك علشان قدرتي تبصطيني
اخذت ميرا السـ،ـوط الجلدي وهي تلـ،ـفه باحتراف على يدها وتوجهت بجذل نحو ملك الملقاه ارضا وهي مقيده و تقول بقسـ،ـوه
=ميرسي يابيبي إنت عارف أنا مستنيه اللحظه دي بقالي قد إيه وأوعدك حفلتنا هتستمر للصبح
لترفع يدها بالسـ،ـوط عاليا استعدادا لجلد ملك التي نظرت لها برعب وهي تتأمل ملامح وجهها القـ،ـاسيه والسـ،ـاديه وهي تستعد لتلقي أول جلده في حفل تعـ،ـذيبها
صـ،ـرخت ملك فجأه برعـ،ـب استعدادا لتلقي الجلده وهي تفتح عينيها بهلع وتشعر بزراعين تحاولان إحـ،ـتضانها وتهدئتها الا انها وللحظه ظنت انه سامح زوجها فحـ،ـاربته بعنـ،ـف وهي تصرخ وتبكي الا انها سمعت صوت قاسم وكأنه يأتي من بعيد وهو يحاول تهدئتها
=ملك اهدي يا حبيبتي ..إهدي ده مجرد كابوس متخافيش انا معاكي متخافيش يا حبيبتي
ارتعشت ملك بخوف وهي تنظر لوجه قاسم وهي تنظر حولها بدهشه وتقول بخوف
=أنا ..أنا فين..
مسح قاسم دموعها عن وجهها بحنان
=انتي في أوضتك وانا جنبك متخافيش
نظرت ملك حولها بذهول
=يعني ده كان..كان حلم
قاسم بحنان وهو يحتـ،ـضنها
=ده مجرد كابوس متخافيش
نظرت ملك حولها بدهشه وهي تستوعب اخيرا ان كل ما رأته كان كابوس حي لكل ماعشته مع زوجها المتوفـ،ـي عاد لها بقوه بعد مشاهدتها لميرا رفيقة زوجها الراحل بالاسفل
تنهدت ملك بارتياح وهي تغمض عينيها ودموعها تسيل بدون توقف
ليحتضنها قاسم بحنان و هو يتأمل وجهها الشاحب بندم يشعر انه السبب في إنهيارها المفاجئ بسبب ضغطه الشديد و المتواصل عليها فبداخله حرب طاحنه تدور بين قلبه ومشاعره واحساسه ببرائتها وعقله المقتنع بذنبها والمؤيد لعقابها
ليتنهد بتعب وهو يحتضنها أكثر اليه يحاول طمأنتها وهو يتزكر لحظة إنهيارها بين زراعيه ويتزكر شعوره القـ،ـاتل بالخوف من فقدها وباستعداده بالتضحيه بكل ما يملك و تعود الى وعيها من جديد
نظر لها مره اخرى بندم وهو يمرر يده بين خصلات شعرها الحريريه بحنان
وهو يهمس بندم بصوت غير مسموع
=أنا مش عارف الي عملته معاكي ده صح ولاا غلط بس الي انا متأكد منه اني مش قادر أكمل في الي انا بعمله اكتر من كده
ليتوقف عن الكلام وهو يشعر بالتوتر وهو يلاحظ ارتجافها بين زراعيه بألم وهي تحاول التغلب على خوفها الغريب والذي لا يعرف أسبابه
مرر قاسم يده بحنان في خصلات شعرها وهو يمرر يده على ظهرها مطمئآ
=انا عاوذك تهدي وتتطمني إنتي في إوضتك .. تعبتي شويه والدكتور كان هنا وطمنا عليكي
عقدت ملك حاجبيها وهي تقول بحيره
=دكتور ..علشاني أنا..
ثم شهقت وهي تسترجع فجأه بزاكرتها كل الاحداث السيئه والمهينه التي مرت بها على يديه وأخرها إجبارها على الاعتزار لنيرفانا أمام صديقاتها المتكبرات
لتهطل الدموع من عينيها بغزاره وهي تسحب نفسها بغضب من بين أحضانه وتعود للاستلقاء على الفراش مره اخرى وهي تسحب يدها بضعف بعيدا عن يده وتدير وجهها للجانب الاخر برفض وهي تقول بصوت ضعيف
=أنا بقيت كويسه ..لو سمحت إخرج بره وسيبني أرتاح
نظر قاسم لها بندم وهو يشعر بتأنيب ضمير لما جعلها تمر به
قاسم محاولا التحدث معها بهدوء
=ملك انا عارف اني كنت قاسي عليكي لما خليتك تعتزري لنيرفانا بس انتي كمان غلطتي فيها وفي ضيوفها
ملك بصوت خال من الحياه وهي مازالت ترفض النظر له
=وانا اعتزرت لنيرفانا هانم ذي ما أمرت ..تحب اعتزر لها تاني يا قاسم بيه
تنهد قاسم بغضب وهو يدير وجهها الشاحب اليه
=انا مش عوذك تعتزري انا عاوزك تفهمي ان كل الي بيحصلك ده سببه في الاول والاخر هو تصرفاتك انتي
ليتابع بغضب من نفسه قبل ان يكون منها
=انا مستحيل كنت أتخيل اني اعمل كده في واحده ست خصوصا لواحده انتمت في يوم من الايام لعيلتي بس انتي ..
قاطعته ملك بتهكم حزين وعيونها تلتمع بالدموع المحبسوه وهي تتزكر حديث سامح زوجها المتوفي لها
=عارفه.. انا استاهل كل الي بيحصلي وبتصرفاتي بطلع أسوء مافيك
لتتابع بمراره
=معلش اصل دي موهبه عندي بطلع وبمنتهى السهوله أسوء مافي الناس
عقد قاسم حاجبه بحيره وهو يقول
=تقصدي ايه..
تنهدت ملك وهي تقول بحزن
=مقصدش حاجه لو سمحت اخرج علشان عاوزه أنام
نهض قاسم من جانبها وهو يقول بهدوء محاولا عدم مطاوعة قلبه الذي يأمره بالجلوس بجانبها
=انا هخرج حالا ..وهبعتلك العشا كلي وحاولي تنامي وترتاحي
ملك بغضب تحاول ان تكبته
=حاضر هاكل وهنام وهرتاح في أوامر تانيه يا قاسم بيه
مال قاسم عليها يضع شعرها خلف إذنها برقه وهو يقول بحنان وهو يمرر اصبعه على شفتيها
=لا مفيش أوامر تانيه نفذي الاوامر دي وبعدها أكيد هبلغك لو فيه أوامر تانيه
ابتلعت ملك ريقها بتوتر وهي تشعر بتسارع دقات قلبها وهو يميل على شفتيها يحاول تقبيلهم برقه الا انها حاولت الابتعاد عنه برفض وهي تضرب يده بعيدا عنها بغضب
=إبعد عني يا قاسم بيه بدل ما أصوت وأعملك فضيحه قدام مراتك وأصحابها
ومتلمسنيش تاني أحسنلك
ضحك قاسم وهو يمرر يده على وجنتها وهو يقرصها مداعبا
=أيوه كده قطتي رجعت تخربش من تاني انا كده اطمنت عليكي
ليمرر يده على شعره مداعبا كأنه يداعب طفله
=بس يوم ما تخربشي متخربيش بابا قاسم با ملوكه والا هتجبريني اني أعاقبك
شحب وجه ملك بخوف وهي تتزكر عقاب سامح لها لتقول بارتعاش
=تعاقبني ..تعاقبني إذاي
رفعها قاسم فجأه بين زراعيه وهو يقول بمرح
= كده يا ملاكي عقابك هيبقى كده
ليميل فجأه عليها يلتقط شفتيها يقبلهم برقه وهو يحتضنها بين زراعيه بتملك وهي تحاول ابعاده عنها برفض وغضب بعد ان استوعبت معنى حديثه
مما أثار جنونه وجعله يعمق من قبلته لها معاقبا وهو يمرر يده على جسدها بعشق متملك ..ارتعشت ملك بين زراعيه وهي تحاول مقاومته ومقاومة مشاعرها الخائنه التي تهدد بالاستجابه له وهي تحاول تذكير نفسها بكل ما فعله معها الا انها فشلت وهو يزيد من اقتحام مشاعرها بخبره وتملك جعلها تستجيب له وهي تعقد يدها خلف رأسه تزيد من احتضانه ويدها تغوص بداخل خصلات شعره الغزيره بعشق لتمر بهم دقائق مسروقه من العشق الخالص حتى ابتعد عنها ببطئ وهو يتأمل بحنان وجهها الجميل المكسو بحمرة الخجل وشعرها المنتشر حولها بدون ترتيب من أثر أصابعه ليمرر أصابعه بعشق على وجنتها شديدة السخونه و شفتيها المتورمه بشده من أثر قبلاته وهو يقول بهدوء ويده تمر بتملك على عنقها
= أخر مره هسمحلك فيها انك تحاولي تبعديني عنك بالشكل ده و حطي في دماغك انك كلك ملكي ..جسمك ..عقلك
ليضع يده على موضع قلبها الذي تسارعت دقاته تحت ملمس أصابعه
=حتى قلبك ده ملكي وانتي عارفه كده كويس وان كنت ما تممتش جوازنا لحد دلوقتي فده علشان انا عاوز كده مش عشان انتي رافضه تتمميه .. بس أوعدك لو عملتي الي عملتيه ده مره تانيه هيبقى رد فعلي اني هتمم جوازنا وفورا ..مفهوم
نظرت ملك اليه بانكسار و صمت وهي تشعر بالعار بسبب استجابتها له على الرغم من كل مافعله بها وما يؤذيها أكثر هو معرفته بحقيقة مشاعرها نحوه
ليعيد عليها بتحدي وهو يتحدث أمام شفتيها بتملك ويده مازالت ملتفه من حولها تقربها منه بشده
=مفهوم يا ملك
إرتجفت ملك وهي تتزكر تهديده لها باتمام زواجهم لتقول بتشوش
=مفهو..
ليقاطع كلماتها وهو يلتقط شفتيها مره اخرى يقبلها بنهم متملك يطالب باستجابتها وخضوعها الكامل له وكأنه يتحداها ان ترفضه من جديد او بمعنى ادق يتمنى ان ترفضه حتى يتمم زواجه منها بدون ان يخسر كبريائه الا انها استجابت له بشده وهي تترك مشاعرها على سجيتها وعزرها امامه موجود فهي تستجيب خوفا من تهديده لها باتمام زواجهم مما يحفظ لها كبريائها حتى وهي تستجيب لمشاعرها التي تمـ،ـوت فيه عشقا
لتشهق بخوف وهي تشعر به يجزب الغطاء يلفه من حولهم ثم يلف جسده من حولها وهو يضمها بشده لداخل أحضانه
ويده تزيح الشعر عن عنقها يقـ،ـبلها بعشق حتى استقرت شفتيه بافتتان على وريدها الذي ينبض بقوه تحت ملمس شفتيه وهو يمرر يده بحنان متملك على جسدها و يزيد من ضمها اليه ورأسه تستريح بداخل عنقها يقبلها بعشق
ملك بارتعاش وهي تشعر بيده تجول بجـ،ـرأه وتملك على منحنيات جسـ،ـدها
=قاسم انت بتعمل ايه
ضـ،ـمها قاسم اكثر اليه وهو يغلق عينيه استعدادا للنوم
=زي ما انتي شايفه هنام
ملك بخوف
=تنام ..تنام هنا إذاي افرض مراتك والا حد من الخدامين شافك هنا
قاسم بعدم اهتمام
=وايه المشكله ..
ملك بغضب
=طبعا مش همك .. طيب على الاقل فكر هيقولو عليا ايه
نظر قاسم لها باستهزاء
=هيقولو واحد و نايم جنب مراته فين المشكله
ملك بغضب
=قاسم بطل تتريق عليا انت عارف كويس ان مفيش حد يعرف حكاية جوازنا دي
قاسم وهو يضمها بتملك إليه يطمئن نفسه إنها بأمان بين أحضانه بعد ان كاد ان يفقدها
=ابقي قوليلهم انك مراتي أنا معنديش مشكله انهم يعرفوا
شهقت ملك بدهشه
=مش خايف ان مراتك تعرف انك متجوز واحده غيرها
قاسم بتهكم
=قاسم الانصاري مبيخفش ونامي بقى وبطلي كلام وخليني أنام أنا كمان
نظرت ملك له بغيظ
=انت ايه يا اخي معندكش قلب حرام عليك عاوذ تكسر قلبها وتعرفها انك متجوز عليها وهي لسه عروسه جديده
لتتابع بغضب وهي تحاول ابعاده عنها
=قوم من هنا يا قاسم روح لعروستك وبطل لعب بقلوب ومشاعر الناس حرام عليك
تنهد قاسم وهو يدعي الاستسلام وهو يقول بمرح
= انتي مش عاوذه تنامي ومش عاوذه تبطلي كلام و تسكتي..مفيش مشكله أنا عارف هسكت الشفايف الحلوه دي إذاي
حاولت ملك الابتعاد عنه وهي تدرك مقصده لتقول بلهفه
=خلاص ..خلاص أنا هسكت وهنام ومش هتكلم تاني
ضمها قاسم مره اخرى برقه وهو يقبل شفتيها قبلات صغيره وهو ينظر اليها بافتتان..
= بس أنا مش عاوذ أنام
ليلتقط شفتيها مره أخرى في قبله طويله متملكه وهو يضمها بتملك اليه
وهو غافل عن نيرفانا التي تقف بباب الغرفه تتلصص عليهم وهي تشتعل بنيران الغيره والكراهيه
أغلقت نيرفانا الباب مره أخرى بهدوء شديد ثم اتجهت الى غرفتها وهي تشتعل بنيران الغيره وتناولت هاتفها تتصل بشقيقها رأفت الذي أجابها سريعا لتقول بغضب
=أيوه يا رأفت إنت فين وسايبني أتعامل مع قاسم لوحدي فين وعدك ليا انك هتبعد الزفته الي اسمها ملك دي عنه
رأفت بغضب
=وعوذاني أعملك إيه قاسم قافل عليها في الفيلا ومنبه على الحرس اني مدخلش الفيلا غير باذن منه وانتي مش راضيه توصليني بيها خايفه من سي قاسم ليعرف
نيرفانا بغضب
=خلاص شوف انت عاوذني اعمل ايه وانا هعمله المهم تخلصني من الزفته دي
رأفت بانتصار
=أهو كده يا نيرو مصلحتك هي مصلحتي ولازم نساعد بعض
ليتابع بسخريه
=وقاسم ببه فين دلوقتي
جلست نيرفانا وهي تشتعل بنيران الغضب
=معاها في الاوضه بيصالحها بعد الي حصل ..طبعا ماهو كان هيتجنن عليها انا عمري ماشفته بالشكل ده قبل كده كأنه مش قاسم الجبروت الي انا عرفاه
لتتابع بغل
=بت ذي الحربايه أول ما لقيته بيدافع عني وأجبرها انها تعتزرلي عملت نفسها تعبانه وأغمي عليها
رأفت باستفهام
=بس..بس انا مش فاهم ولا كلمه منك بالراحه كده احكيلي على كل حاجه وبالتفصيل الممل
تنهدت نيرفانا بغضب وهي تقص عليه ماحدث وبالتفصيل حتى انتهت
صمت رأفت وهو يفكر بما قصته عليه نيرفانا
ليقول بغموض
=يعني هي كانت كويسه واعتزرت عادي وفجأه غابت عن الوعي
نيرفانا بغضب
=العقربه بتمثل علشان تصعب عليه
رأفت بغموض
=يعني مفيش حاجه حصلت وخلتها تفقد الوعي
نيرفانا بغضب
=بقولك كانت بتمثل ولو مش مصدقني إسئل دودى وفيري وميرا هما كانو موجودين وكلهم قالو انها بتمثل
قاطعها رأفت فجأه
=ميرا..ميرا كانت موجوده وملك شافتها
نيرفانا بفروغ صبر
=ايوه كانت موجوده بس جات متأخر شويه ويادوبك هي وصلت من هنا والزفته دي عملت نفسها مغمي عليها
رأفت بغموض
=دي كده إحلوت أوي.. اسمعي مني ونفذي الي هقوله بالظبط
نيرفانا بفروغ صبر
=قول لما أشوف أخرتها معاك ايه
رأفت بمكر
=انا عاوذك تعزمي كل صحباتك وخصوصا ميرا على الغدا بكره..و تقولي لملك الي هقولك عليه وسيبي الباقي عليا
نيرفانا بغضب
=بقولك عاوذه اخلص منها وانت تقولي اعزمي كل صحباتك
رأفت بخبث
=إعملي الي بقولك عليه و اوعدك هتخلصي منها وللابد
تنهدت نيرفانا بغضب
=حاضر لما أشوف أخرتها معاك
أغلقت نيرفانا الهاتف وهي مازالت تغلي من شدة الغيره في حين قام رأفت بالاتصال برقم أخر وهو يبتسم بخبث ليقول بمرح
=ميرا إذيك يا أسد قلبي وحشتيني مـ،ـوت ووحشتني أيامنا سوى..
قهقه رأفت بمرح وهو يقول بخبث
=هيحصل ..بس انا عاوذ منك خدمه الاول و طبعا كله بتمنه
ليتابع بجديه مفاجأه
=إسمعي الي هقوله كويس أوي ونفذيه بالحرف الواحد
ليبدء في القص عليها مايريده منها وهو يبتسم بخبث
في الصباح..
إستيقظ قاسم من النوم وهو يتأمل ملك الغارقه في النوم بين أحضانه بأمان ليميل عليها يقبل جبينها وهو يمرر يده على جسدها بحنان وهو يفكر في الوضع المعقد الموجود فيه قلبه يعشقها حد الجنون و عقله يرفض وجودها بحياته وهو يذكره باستمرار بكل ما فعلته من شرور وأثام أدت لوفاة ابن عمه وما يثير حيرته هو نقائها وانعدام خبرتها الذي لمسه بنفسه ليتنهد بحيره وهو يتأملها بعشق لا يملك سيطره عليه ليقرر فجأه منحها ومنح زواجهم فرصه جديده فهو قادر على إعادة تقويمها ان أخطأت فهو ليس ضعيف او قليل الحيله كإبن عمه الراحل تنهد قاسم براحه بعد قراره الذي أراح قلبه
مال قاسم برقه يقبل ملك الغارقه في النوم وهو يهمس بحنان بجانب أذنها
=إصحي يا ملاكي يلا بلاش كسل
فتحت ملك عيونها بكسل وهي تبتسم بحنان تتأمل وجه قاسم بعشق لم تستطع إخفائه
إبتسم قاسم لها وهو يضع شعرها خلف أذنها بحنان
= يلا فوقي كده وافطري وجهزي شنطتك علشان هنسافر
ملك بحيره
=نسافر..نسافر فين
قاسم بحنان
=دي مفاجأه ..المهم جهزي نفسك وانا هروح الشركه اخلص شوية حاجات وبعدها هنسافر علطول
ملك بخوف
=قاسم ..انا مبقتش حمل مفاجأتك ولا هستحمل اسافر معاك انت ومراتك
وأشوفك معاها
ضمها قاسم اليه يطمئنها
=اولا احنا هنسافر لوحدنا في مكان بعيد عن الناس كلها ثانيا أوعدك ان المفاجأه دي هتسعدك ثالثا وده الاهم انا مليش غير زوجه واحده وهي انتي
عقدت ملك حاجبيها وهي تقول بحيره
= أنا مش فاهمه حاجه من كلامك
قبلها قاسم بحنان وهو ينهض من الفراش بسرعه
=لما ارجع بليل هفهمك على كل حاجه بس جهزي نفسك علشان لما ارجع هنسافر علطول
هزت ملك رأسها بحيره وهو يميل على وجنتها يقبلها مودعا ويخرج مسرعا للاستعداد للذهاب الى شركته
دخلت ملك الى الحمام لتستعد وارتدت الفستان الوحيد الذي تمتلكه ووقفت أمام المرأه تصفف شعرها وهي تشعر بالحيره من تغير قاسم المفاجئ نحوها لتنظر الى ساعة يدها بدهشه وهي تجدها قد تعدت الواحده ظهرا
=الساعه واحده انا نمت كل ده اذاي
لتتابع بتوتر وجهها يشحب بشده
=اكيد كل الي في الفيلا عرفوا ان قاسم كان نايم في الاوضه عندي..
إنهمرت دموعها بشده وهي تتخيل حديث العاملين بالفيلا عنها
=حرام عليك يا قاسم زمانهم بيقولو عني ايه دلوقتي
لتجلس بتوتر داخل غرفتها وهي لاتجروء على مغادرتها
شهقت ملك بتوتر وهي تجد باب الغرفه يفتح فجأه ونيرفانا تتطلع اليها وهي تقول باحتقار
=انتي قاعده هنا وسايبه شغلك ..اتفضلي على المطبخ تحت يلا
لتتابع بكراهيه
=والاا فاكره علشان قاسم بينام معاكي هتسيبي شغلك وتعملي فيها هانم
ملك بغضب
=انتي بتقولي ايه ..اذاي تتكلمي معايا بالشكل قاسم يبقى..
قاطعتها نيرفانا بسخريه
=عارفه يبقى عشيقك..ايه فاكره ان ده يديكي ميزه تعالي معايا
جذبتها نيرفانا من زراعها بشده وهي تتجه بها الى الشرفه
=شايفه دول ..دول صحباتي دودي وفيري وميرا دول كلهم عشيقاته وانا عارفه ومش فارق معايا ..عارفه ليه لاني انا نيرفانا هانم الدميري مراته قدام الناس وإم ولاده في المستقبل
شعرت ملك بالدوار وهي تستمع إليها وتتأمل بصدمه وجوه صديقاتها حتى توقفت برعب أمام وجه ميرا القاسي التي رفعت وجهها فجأه لتتلاقى عينيها بعين ملك المرعوبه لتبتسم فجأه وهي ترفع كأس العصير تحييها بسخريه
تراجعت ملك للخلف برعب وهي تكاد ان تفقد الوعي من جديد ونيرفانا تتابع بقسوه
=قدامك خمس دقايق تقلعي الي انتي لابساه ده وتلبسي اليونيفورم وتنزلي المطبخ تجهزي الغدا مع الخدامين تحت
لتخرج وتترك ملك التي ترتعش من شدة الصدمه وهي تقول بذهول
=قاسم على علاقه بكل دول وعلى علاقه بميرا الي كانت بتقاسم سامح في كل قذارته..يعني قاسم ذي سامح
تساقطت دموعها وهي تقول برعب
=أنا مستحيل أصدق إن قاسم كده دي أكيد بتكدب عليا
شهقت ملك برعب وهي تتزكر كلماته الشبيهه بكلمات زوجها الراحل لهاقبل اكتشافها حقيقته
=هنسافر لوحدنا في مكان بعيد عن الناس كلها
شهقت ملك بخوف وهي تتزكر الفيلا الصحراويه البعيده عن اي مكان مأهول والتي كان يستخدمها سامح في اقامة حفلاته الماجنه وفي تعذيبها
نهضت ملك وهي تتلفت حولها برعب ودموعها تتساقط وذهنها المرعوب يصور لها انه سيأخذها الى هناك لإتمام إنتقامه منها
لتقرر الهروب من الفيلا قبل عودته وتنفيذ خطة انتقامه منها لتتناول هاتفها بسرعه وتخرج وهي تتلفت حولها بخوف وهي لا تعرف كيف ستتدبر امر خروجها من الفيلا التي يحيطها الحرس من كل جانب حتى أصبحت في حديقة الفيلا الخارجيه ووجدت السيارات الخاصه بصديقات نيرفانا لتقرر الصعود في سياره منهم تخص صديقة نيرفانا دودي والتي شاهدتها تقودها في المره السابقه
حاولت ملك بخوف وتوتر فتح باب السياره الخلفي الذي استجاب لها وفتح بسهوله لتستلقي بسرعه على ارض السياره وهي تغلق الباب خلفها وهي تحاول ان تخفي نفسها حتى لايكتشف احد وجودها لتمر أكثر من نصف ساعه وتشعر بباب السياره يفتح وبصوت دودي تودع نيرفانا بمرح ثم انطلقت بالسياره التي اجتاذت البوابه والحرس بمنتهى السهوله
في نفس التوقيت تابعت نيرفانا خروج السياره بسعاده وهي تتصل برأفت وتقول بانتصار
=ملك هربت ذي ما انت قولتلي وهي دلوقتي مستخبيه في عربية دودي
لتغلق الهاتف وهي تشعر بالارتياح الشديد لتخلصها منها
وفي نفس التوقيت
شعرت ملك بتوقف السياره ومغادرة دودي لها مسحت ملك دموعها التي تسيل بصمت وهي تتلفت حولها بخوف وهي تحاول التسلل من السياره دون ان يراها أحد حتى نجحت في الخروج والابتعاد قليلا عنها لتجد نفسها في احد احياء القاهره الراقيه أمام مطعم مشهور
مسحت ملك دموعها بتوتر وهي لا تعرف الى اين تتجه لتتسمر في مكانها وهي تستمع لصوت ينادي عليها باصرار
استدارت ملك بخوف لتجد رأفت أمامها وهو يقول بابتسامه خبيثه وهو يدعي الطيبه
=ملك هانم أخيرا القدر والصدفه جمعتنا من تاني ياريت تيجي معايا في كلام مهم لازم تعرفيه عنك وعن قاسم بيه ياريت تتفضلي معايا عربيتي واقفه هناك
نظرت ملك له بشك الا انها استجابت له وهي تتبعه الى سيارته وهي تدعي الله ان حديثه يكذب ما اخبرتها به نيرفانا ويقتـ،ـل الشك الذي نمى في قلبها تجاه قاسم لتذهب وهي لا تدري انها تشعل نارا لن تستطيع إخمادها
الفصل التاسع ❤
#إنتقام _أثم
في إحدى المطاعم الصغيره جلست ملك بتوتر أمام رأفت تنتظر ما سيقوله بانعدام صبر
رأفت وهو يتأمل المكان حوله بضيق
=مش كنا رحنا البيت عندي أحسن على الاقل كنا خدنا راحتنا أكتر من كده
فركت ملك يدها بخوف وهي تتلفت حولها وهي تتخيل دخول قاسم عليها فجأه لتقول بتوتر
=من فضلك قول الي انت عاوذه بسرعه خليني امشي من هنا
رأفت بضيق وهو يتأمل خوفها الواضح
=أنا مش عارف أقولك إيه الكلام الي هقوله ده صعب عليا ..طبعا انتي عارفه القرابه الي بيني وبين قاسم يعني جوز اختي وابن عم المرحوم سامح ابن خالتي دا غير انه صاحب المكان الي بشتغل فيه بس انا مقدرش اشوف واحده رايحه للمـ،ـوت برجليها واقف اتفرج خصوصا لو كانت الواحده دي لها معزه خاصه جوه قلبي
ملك بتوتر
=تقصد ايه برايحه للمـ،ـوت برجليا
تنهد رأفت وهو يرسم ملامح الحزن على وجهه
=انا هتكلم معاكي بصراحه ومن غير لف ولا دوران علشان أخلص ضميري من نحيتك وبعد كده الاختيار هيكون ليكي
نظر رأفت لها بتمعن وهو يقول بخبث
=قاسم ذيه ذي سامح في كل شئ واقصد بكلامي كل شئ وانتي فاهمه انا بتكلم عن ايه
شهقت ملك برعب وأسوء مخاوفها يتحقق
مد رأفت يده بسرعه يحتضن يد ملك بين كفيه مواسيا وهو يميل عليها وهو يقول بمواساه كاذبه
= انا اسف اني بقولك الكلام ده بس كان لازم تعرفي
سحبت ملك يدها من يده سريعا وهي لا تلاحظ الشخص الجالس خلفهم ويقوم بالتقاط صور عديده لهم
ليتابع رأفت وهو يدعي الحزن
=سامح ابن خالتي كان بيحب قاسم جدا
و بيعتبره قدوته الي بيقلده في كل حاجه بيعملها وبينفذ أوامره بدون نقاش وقاسم كمان كان بيعتبره اخوه وتلميذه ومكنش بيبخل عليه بالفلوس او اي حاجه يطلبها وعلشان كده لما مات اعتبرك انتي المسئوله عن مـ،ـوته
وقرر ينتقم منك
هزت ملك رأسها ودموعها تتساقط بدون ارادتها
=أنا عارفه انه كان عاوذ ينتقم مني علشان فاكرني مسئوله عن مـ،ـوت سامح بس مستحيل اصدق الكلام الي انت بتقوله ..قاسم مستحيل يبقى ذي سامح
هز رأفت رأسه وهو يتنهد بأسف
=كنت متأكد انك هتقولي كده قاسم مش سهل ان حد يكشفه او يكشف الجزء الاسود الي في حياته بس انا هثبتلك صدق كلامي
ليتناول هاتفه ويتصل برقم وهو يفتح مكبر الصوت أمامهاحتى تستطيع سماعه
تعالى صوت فتاه تعرفت ملك عليه على الفور لتهمس برعب
= ميرا..
تعالى صوت ميرا وهي تقول بدلال
=رافي إذيك يا قلبي وحشاني مـ،ـوت إنت فين يا وحش
رأفت وهو ينظر بخبث لملك التي شحب وجهها بشد
=إنتي الي فين وحشاني بقالك كتير قلت أسئل انا عليكي ايه الي شاغلك أوي كده ومخلينا مش عارفين نوصلك
ميرا بدلال
= وهو فيه غيرقاسم قلبي انت عارف هو صعب قد ايه و شارط عليا طول ما انا معاه لازم اكون متفراغه خالص و مخصصه وقتي بالكامل له
شهقت ملك برعب وهي تضع يدها على فمها تكتم صرخه كادت تفلت منها
ورأفت يتابع بانتصار وهو يتأمل ملامح الرعب المرتسمه على وجهها وهو يتابع بخبث
= ماشي يا ستي يعني مش هتقدري تحضري معانا الحفله الي في النادي النهارده
ميرا وهي تضحك بصوت عالي
= لا مش هقدر قاسم لسه ماشي من عندي وجسمي مكسر هحتاج ارتاح يومين على الاقل لحد ماقدر أقف على رجلي من تاني ..انت فاهم بقى
رأفت بخبث وهو يتأمل ملك التي تتساقط الدموع من عينيها بصدمه
=فاهم يا قلب رافي ..خلاص لما قاسم باشا يخلص معاكي ابقي اتصلي بيا
مع اني عارف انه مش هيستغنى عنك قريب
تنهدت ميرا وهي تقول بدلال
=طبعا ميقدرش يستغنى عني بس هو بلغني انه هيبعد شويه إظاهر فيه واحده جديده هيتسلى بيها شويه انت عارف انه بيحب التجديد بس هيرجع لحـ،ـضني من تاني
ارتعشت ملك بخوف وهي تستمع لكلمات ميرا
التي انهى معها رأفت المكالمه وهو ينظر لملك التي تكاد تفقد الوعي من شدة الخوف والزهول بانتصار
نظرت ملك لسامح بتوتر حزر وهو يقول بحنان زائف
= أنا أسف يا ملك بس كان لازم تسمعي كل حاجه بنفسك علشان تصدقي
ملك بتوتر خائف
= وإنت كمان ذيهم ..أقصد يعني.. انت..انت
قاطعها رأفت وهو يقول بخبث
= انا عارف انتي عاوذه تقولي ايه لا ياملك انا استحاله اكون ذيهم انا بس كنت قريب منهم أوى وشفت وعرفت كل الي هما بيعملوه وكانو بيحاولو يخبوه على الناس وبصراحه اكتر الي كانو بيعملوه مكنتش بتدخل فيه علشان ميخصنيش بس لما شفتك وشفت انتي قد ايه بريئه ورقيقه صممت اني انقذك منه مهما كلفني الامر
رفعت ملك عينيها بتوتر اليه وهي تقول بتعب
= أنا حاسه اني تعبانه ومش قادره استوعب كل الي سمعته ومش عارفه اعمل ايه ولا هروح فين
رأفت بخبث وهو يدعي الاهتمام
=ولا يهمك طول ما أنا موجود متشيليش هم وبيتي الي اتمنى يبقى بيتك في يوم من الايام موجود تقدري تقعدي فيه المده الي انتي عوذاها لحد ما نلاقي حل لان قاسم أكيد هيقلب الدنيا عليكي لحد ما يلاقيكي
ملك بتوتر خائف وهي تتخيل ردة فعل قاسم عند سماعه بهروبها
=أنت عارف اني ميصحش أقعد عندك في البيت لانك عايش لوحدك وكمان مش عاوذه أعملك مشاكل مع قاسم انا هشوف اي اوتيل صغير وهحجز فيه أوضه لحد ما أفكر أنا هعمل ايه
رأفت باعتراض
=أوتيل ايه الي هتقعدي فيه دا اول مكان هيدور فيه قاسم هو الاوتيلات ..أقولك انا عندي حل وسط هيريحك انا عندي شـ،ـقه صغيره في اسكندريه مش بستعملها وقاسم ميعرفش عنها حاجه
اقعدي فيها المده الي انتي عوذاها لحد ما نلاقي حل لمشكلتك مع قاسم
ابتلعت ملك ريقها بتوتر وهي تدير الامر في رأسها لتجد انه الحل الوحيد المتاح أمامها لتجيب باقتضاب خائف
= موافقه..بس على شرط هستلم مفاتيح الشـ،ـقه منك وهقعد فيها لواحدي واعتبرني مأجراها منك واول ما هلاقي شغل هسددلك إيجارها علطول
تنهد رأفت بسعاده لنجاح خطتها
=ايجار ايه بس الي هخده منك عموما انا موافق بس يلا بينا نلحق نسافر قبل الوقت ميتأخر
هزت ملك رأسها بموافقه وهي تذهب معه الى شقته بمدينة الاسكندريه
بعد مرور ساعتين في فيلا قاسم ..
جلس قاسم بصمت متجهم يتابع شرائط التسجيل الخاصه بفيلته في حين يقف بجانبه رئيس الفريق الامني المخصص لحماية الفيلا
تتابعت اللقطات أمامه وهو يشعر بالتوتر الذي تصاعد حين ظهرت ملك في إحداها وهي تتلفت حولها بيأس وخوف ودموعها تتساقط وهي تتسلل الى سيارة احدى صديقات نيرفانا
ضاقت عين قاسم بقسوه وهو يقول بصرامه
=العربيه دي بتاعة مين
رئيس الحرس بتوتر
= دي عربية دودي هانم صاحبة نيرفانا هانم
التفت قاسم لنيرفانا الجالسه بصمت متوتر تتابع مايحدث ليقول بصرامه
= اتصلي بيها..
وقفت نيرفانا بخوف وهي تقول بتوتر
= هتصل بيها ليه هي مكنتش تعرف ان ملك كانت في العربيه بتاعتها
قاسم بصرامه
=نيرفانا اعملي الي بقولك عليه ومن غير مناقشه
تناولت نيرفانا هاتفها بتوتر وقامت بالاتصال بصديقتها التي ردت على الفور
سحب قاسم الهاتف من يد نيرفانا قبل ان تتحدث وبدء حديثه مباشره مع صديقتها بصرامه وحده أخافتها
=انتي بعد ما خرجتي من هنا روحتي فين بعربيتك
ليتابع بصرامه اكبر
= ايوه يعني اسم الشارع ايه
ليستمع اليها باهتمام ثم يلقي الهاتف الى نيرفانا بعدم اهتمام وهو يشير لرئيس فريقه الامني بان يتبعه للخارج
ركب قاسم سيارته تتبعه سياره اخرى
بها عدد من اعضاء فريقه الامني الذين تحدث معهم عن طريق الهاتف
= ملك نزلت في وسط البلد في شارع اسمه..ليزكر لهم اسم الشارع وهو يتابع بصرامه
= الشارع ده كله مطاعم ومحلات كبيره يعني متغطي تقريبا بالكميرات نص ساعه ويكون عندي خبر هي راحت فين وإلي إسمها دودي دي كانت بتساعدها على الهرب والا في حد تاني ساعدها
رئيس الفريق الامني باحترام
= حاضر يا قاسم باشا نص ساعه بالكتير ويكون عندك كل المعلومات
الي انت عاوذها
اغلق قاسم الخط معه وهو يتصل بشخص اخر ويقول بصرامه
= شركة المحمول بلغتك مكانها فين بالظبط
ضاقت عين قاسم وهو يقول بقسوه
=اسكندريه ..
ابعتلي العنوان بالتفصيل في رساله
ليغلق الهاتف ويحول اتجاهه الى الاسكندريه وهو يقرء العنوان بتركيز
لتمر اكثر من نصف ساعه اخرى ويهتز هاتفه بمكالمه وارده اخرى من رئيس حرسه
اجاب قاسم على الهاتف وعينيه تضيق بقسوه شديده وهو يغلق الهاتف دون ان يتحدث وهو يهمس بغضب شديد والغيره تعمي عينيه بظلال من نار
= رأفت..
ليذيد من سرعة سيارته بطريقه مخيفه وهو يتجه للعنوان المتواجده به
بعد مرور ثلاث ساعات
وقفت ملك وحيده تتأمل المكان حولها بحزن ودموعها تتساقط فهي رفضت صعود رأفت معها الى الشـ،ـقه فبرغم كل ما فعله معها فهي لاتشعر بالارتياح ناحيته لتتنهد بحزن وهي تجلس على أريكه مريحه تضم ساقيها اليها تتأمل البحر من النافذه وهي تفكر بكل ماسمعته عن قاسم فقلبها وعقلها ومشاعرها جميعهم يرفضون تصديق ما سمعته عنه لتتنهد بحزن ودموعها تتساقط حتى غرقت في النوم وهي ماذالت تبكي
مر بعض الوقت وتصاعد رنين جرس الباب لتفتح ملك عينيها بتعب وهي لا تستوعب تصاعد صوت جرس الباب
شهقت ملك فجأه بتوتر وهي تستعيد وعيها وتقول بضيق
= معقول رأفت رجع تاني
اتجهت الى باب الشـ،ـقه وهي تقول بخوف
= مين الي على الباب
الا ان الصمت أجابها ابتلعت ملك ريقها بتوتر وهي تفتح الباب بارتعاش وتترك السلسال الصغير يصل باب الشـ،ـقه بالحائط الا انها فوجئت بقدم تضرب الباب بقوه فتفسخ السلسال ويفتح الباب على مصرعيه وقاسم يقف أمامها بغضب يكاد يحرقها من شدة قوته..
تراجعت ملك للخلف بخوف وهي تشهق برعب
= قاسم..
اغلق قاسم باب الشـ،ـقه بقدمه بعـ،ـنف وهو يسحبها من زراعها يلقيها بعنف على الاريكه ثم اتجه للداخل يفتش الغرف وهو يكاد لا يرى من شدة الغضب
= الكلب الي اسمه رأفت فين
وقفت ملك تراقبه برعب وهو يعود اليها مره اخرى يسحبها من زراعيها وهو يهزها بشده وهو يقول بغضب شديد
= انطقي رأفت راح
سالت دموع ملك بخوف وهي تقول بتقطع من شدة الرعب
=رأفت..مش هنا..مطلعش هنا.. مشي..مشي علطول
نظر لها قاسم بقسوه شديده وهو يقول باحتقار
=ومشي ليه يا مدام ايه مقدرتيش تبسطيه
انفـ،ـجرت ملك بغضب وهي تستوعب كلماته المهينه لترتفع يدها بدون تفكير تصفعه بقوه شديده
لتتراجع بخوف وهي تنظر اليه وقد تلون وجهه باللون الاحمر القاني من شدة الغضب لتقول بغضب وقد طغى غضبها على خوفها

