رواية كاملة بقلم نوران

مازن بحب : وانتي اتضايقتي ليه
شهد بتوتر ووجهها احمر : ا ا انا عايزه اخرج ممكن
ابتسم مازن : يلا البسي هنقعد يومين زياده عشان خاطر البرنسيسه
ابتسمت شهد برقه جميله وذهبت بسرعه من أمامه
*******************
ادهم ببرود : جهزت الورق
جاسر : ايوه يا برنس بس في حاجه كدا
ادهم : قول
جاسر : احم السيوفي خد زوجته وراح يحتفل بعيد جوازهم في جزيره وهيرجعو بكرا ف الصفقه هتتم بكرا
ادهم : تمام كمل معاه الصفقه بقا وانا هسافر
جاسر : لا يا برنس ما هو في حاجه كمان مش هينفع تسافر
نظر له ادهم بضيق وقال : قدامك دقيقتين لو مجبتش اللي عندك كله شايف السفينه اللي هناك دي هربطك فيها للصبح هخليك متعلق لا منك في البحر ولا منك علي الارض
جاسر : السيوفي وزوجته عاملين عزومه ليك انت وميرا بكرا تقضو معاهم اليوم في القصر وتمضي الصفقه
ادهم : محدش بلغني بحاجه وانا مش موافقه سلام
جاسر وهو يبله ما بجوفه بخوف : ما انا رديت بالنيابه عنك ووافقت واكدت عليه بكرا علي الساعه 12 هتكون عنده
ادهم بحده : نعم
جاسر : اتصلت بيك كتير ومكنتش بترد اعمل اي الجيش قالك اتصرف ف اتصرفت مفيش داعي لشكري انا قلبي علي الشركه وبحاول اساعد بردو
ادهم بابتسامه شر : لا يا حبيبي لازم اشكرك تعالا معايا
اخذه ادهم علي لانش صغير ودخل بيه في نص البحر وكان الظلام حالك
مما ارعب جاسر ليقول بخوف : ا ادهم انت جايبني هنا ليه
ليقوم ادهم بالاشاره له بالصمت ويقول : هششش
وبعد دقائق ظهرت سفينه كبيره ليصعد جاسر وادهم عليها ليشاور لبعض الأشخاص ليقوموا بتكتيف جاسر
جاسر بصوت عالي : بقولك متهزرش يا ادهم في اي يا جدع مكنتش كلمه قولتها للراجل علي لسانك يعني مش حوار
أدهم بخبث : لا بعد النهار ده مش هيحصل حوار زي كدا تاني
وقام بربط الحبل في مكان اعلي السفينه ليصبح في الهواء يتأرجح وتحته البحر وفوقه السماء والظلام يحاوطه في كل مكان
جاسر بصوت عالي : علي فكره ميصحش كدا لولا انك صحبي من زمان اوي كان هيكون ليا تصرف تاني معاك يا ادهم انت يا جدع ولا ولا ولا انت رايح فين انت بتتكلم جد هتسبني كدا للصبح اي يا شيخ انت معدكش ولايا
اقسم بالله يا ادهم
بعد أن عاد ادهم لاللنش قال : ايوه كمل كلامك هتعمل اي
جاسر : والله اعيط وافضحك هنا
ابتسم ادهم وانطلق سريعا للعوده للشاطئ تاركا الآخر يصرخ
وصل ادهم للبيت وجدها نائمه وعلي وجهها ملامح الحزن ليملس علي شعرها بحنان ويترك قبله علي وجنتها ويحتضنها وينام فهو يعلم بأن صغيرته نومها ثقيل ولا تشعر بما يحدث حولها
*********************
بدأت فتح عيني وما أن فتحت عيني رايتها امامي نائمه علي كرسي ظننت أنني اهلوس حتي رايتها تفتح عينيها وما أن وجدتني مستيقظا حتي اقتربت مني بلهفه تضع يديها علي جبهته
نور وهي تتنهد براحه : الحمدلله الحراره نزلت
اسر ببرود : انتي بتعملي اي هنا
نور : اي ياض انت البرود ده الحق عليا اني فضلت قاعده جنبك طول الليل اطمن عليك
ابتسم أسر وقال : شكرا
نور : اول مره اشوفك محترم
اسر : تصدقي انا غلطان امشي امشي من هنا
نور : انا قاعده في ملك الحكومه
اسر : نعم يا اختي بقولك اي مش ناقص هطل علي الصبح ابعدي كدا خليني اقوم
نور : علي فين
اسر : انتي مالك
نور : انت تعبان مينفعش تتحرك كتير
اسر : خليكي في حالك وربي عيالك يا ماما
نور : مش هتنزل انا مش مرتاحه لخروجك خليك هنا
اسر : عندي حاجات مهمه لازم اخلصها مش فاضي فعلا بس هحاول ارجع بدري حاضر
نور : طيب متحركش ايدك وخلي بالك من نفسك
ابتسم أسر ووضع يده علي رأسها وقبل جبينها وذهب
تصرفه جعلها تحمر خجلا ويدق قلبها بشكل غريب
ارتدي اسر ملابسه وخرج بسرعه خارج القصر وذهب للجامعه ليطمأن علي يوسف ويحميه ما أن وصل الجامعه
وقبل دخوله شعر بأن هناك شخص يراقبه وفور شعوره بذالك الشخص تم تخديره وسحبه في سياره سوداء ووو
.
????????????????????????????????????????????????
الحلقة 24
.
.
فتحت عيني وانا اشعر بالثقل والتقييد لانظر حولي واجده نائم بجواري ما أن رأيته حتي صرخت بصوت عالي جدا افزعه لينهض بسرعه ويضع يده علي فمي كان قريبا مني نظرت لعينيه وهدات لا اعرف لماذا اري الامان في تلك العينين القاسيه دق قلبي بسرعه لأشعر بالحرارة تسري في جسدي
سرحت في ملامحها الجميله فهي تزداد جمالا عندنا تخجل وتحمر وجنتيها قاطع سرحاني يديها الصغيره وهي تبعدني عنها لابتعد عنها ولاكن عيوني لم تفارقها لاري وجهها الطفولي وهو عابس وتنظر للجهه الأخري وهي تربع يديها وانفها الاحمر معبرا عن غضبها ابتسمت دون وعي فهي تصبح الطف عندما تغضب ليزعجني عن تأملها صوت زنين الهاتف
ادهم بضيق : عايز اي يا زفت
جاسر بغضب : يا شيخ حسبي الله ده اي البرود اللي اهلك فيه ده لاطع اهلي مربوط في البحر لحد الصبح يا مفتري يا شيخ منك لله علي التسلخات اللي جاتلي
ضحك ادهم ضحكه ساحره جعلت الأخري تنظر له و تسرح
ادهم : حد قالك تاخد قرارات بالنيابه عني اتحمل نتيجه تصرفاتك اخلص متصل علي الصبح ليه
جاسر بضيق : انت يا عم انت مش قولتلك الراجل مستنيك انت وميرا تقضو معاه اليوم الراجل اتصل يسأل فينكم
ادهم ببرود : اه تمام
جاسر بضيق : انا هروح اعالج التسلخات اللي في وشي دي مش هتشوفني كام يوم كدا
ادهم : ياريت مشوفش وشك تاني
جاسر : من وري قلبك يا دومي عارف
ابتسم ادهم وقال : غور يلا واغلق الخط
نظر ادهم لميرا وقال : جهزتي الشنط
ميرا وهي تنظر للجهه الأخري : اه
تحدث بحده وصوت عالي مما جعلها تنتفض : لما اكلمك تبصيلي هنا
نظرت له ميرا بقلق وضيق وقالت متصنعه البرود : نعم
اقترب ادهم منها وقال بصوت هادئ : ورانا مشوار جهزي نفسك
ميرا بحزن : مش عايزه أخرج انا عايزه اروح
ادهم : مبحبش اعيد كلامي مرتين هنسافر بالليل يلا اجهزي
تقدم ادهم اتجاه الباب وقبل فتحه أوقفته بقولها
ميرا : عايزه اكلم مازن
رمي هاتفه اتجاه الكرسي بجواره دون النظر لها وفتح الباب وخرج
أمسكت ميرا الهاتف بسرعه واتصلت علي مازن
مازن : ايوه يا ادهم في حاجه
ميرا بدموع : مازن هتيجي امتي
مازن بقلق من نبره صوتها : مالك يا حبيبتي
ميرا : ه هتيجي امتي
مازن : بعد ما سمعت صوتك جاي النهار ده مالك بقا
ميرا بدموع : ادهم بيخوفني منه بتصرفاته دي عنده انفصام هو شويه كويس جدا ورقيق معايا وأغلب الوقت قاسي جدا كسر الفون بتاعي وقال مفيش فون تاني انا عايزه تليفون يا مازن
مازن بصوت حنون : عملتي اي غلط يستاهل كل ده يا ميرا
ميرا : معملتش حاجه هو اللي بيكبر اي موضوع
مازن بهدوء : امممم يبقا عملتي حاجه هحجز طياره واجي ونبقا نشوف الموضوع ده ولحد ما اجي بلاش جنون وعناد وكوني هادئه
ميرا : انا اصلا مبعملش حاجه بس اوكي باي
مازن : سلام يا حبيبتي
**********************
في مكان آخر كانت ضحكاتها تملاء المكان فقد كانت سعيده للغايه وهي تلعب بالعاب الاطفال
شهد بابتسامه : تعالا العب معايا
ابتسم مازن لها بحب وقال : لا العبي انتي اتمني تشبعي من الملاهي وكفايه لعب ولا اي
شهد : اممم ماشي يلا
وفي طريقهم للعوده وجدت شهد بعض الألوان فامسكتها بيديها ورمتها في اتجاه مازن ليصبح لون قميصه الابيض اخضر من الألوان
مازن : انتي قد الحركه دي
ركضت شهد بسرعه بابتسامه : ايوه
امسك مازن الالوان و اغرقها بها ظلو يرمون علي بعض الألوان وصوت ضحكاتهم تملأ المكان ركضت بسرعه ليمسكها بسرعه ويحملها ويدور بها المكان وهي تضحك كالاطفال حتي اقتربت شهد من نافوره مياه جميله وعند اقتراب مازن منها اسقطته داخل النافوره وضحكت عليه ليمد لها يديه لتسحبه للخارج وما أن أمسك يديها حتي سحبها له بقوه لتصطدم بصدره العريض وتنظر له والمياه تسقط من فوقهم كالأمطار اقترب مازن منها حاولت الابتعاد ليضع يده علي ظهرها ويقربها منه أكثر كانت جميله جدا
نظرت له بتوتر وهي تضع يديها علي صدره وقال : مازن
مازن بحب : عيونه
شهد بخجل وتوتر : ا ابعد
اقترب منها اكثر وطبع قبله رقيقه علي وجنتها
لتخجل بشده وتبعده عنها بتوتر وتقول : ع علي فكره بقا انت قليل الادب
مازن وهو يضحك : قليل الادب اي بس يا بنتي
شهد بطفوله : ابعد عني كدا متكلمنيش تاني وركضت بعيدا
ركض مازن ورائها وهو يضحك : خدي بس هنا هتروحي فين بشكلك ده
شهد وهي عابسه : عايز اي
مازن : قطعتي نفسي تعالي نروح نغير اللبس ده مش هندخل الفندق كدا
ذهبت معه وعند اقرب مول للملابس ذهبوا غير مازن ملابسه وانتظر شهد حتي تنتهي وفي خلال انتظاره لها رن هاتفه ليظهر أن المتصل ميرا انهي حديثه معها واتصل لحجز اقرب طائره لمصر وما أن انهي حديثه حتي خرجت شهد ولاحظت وجهه المتغير
شهد : مالك
مازن : هنسافر الساعه 6 الصبح
شهد بابتسامه : طيب ومكشر ليه كدة
مازن بابتسامه هادئه : ده بس عشان مش هوفي بوعدي معاكي تشوفي كل حاجه هنا
وضعت يديها علي كتفه بابتسامه جميله : مش مشكله اصلا وحشوني البنات جدا وانت صالحتني النهار ده خلاص
ابتسم لها مازن : طيب يلا
وصلو للفندق وجهزت شهد الشنط
**********************
شعرت بألم في جميع أنحاء جسدي فتحت عيني بصعوبه لانظر حولي حاولت التحرك ولاكني كنت مقيد بأحكام هه اعلم الان لقد اختطفت مره اخري ياتري لأي سبب هذه المره ف انا في مخزن كبير مظلم أضاء نور خفيف ليدخل شخص لم أري ملامحه حتي اقترب اكثر ورايته اه الان اعلم لما اختطفت
اسر بابتسامه : حازم تصدق ليك وحشه يا راجل
حازم بسخريه : متشوفش وحش ده انت هتتروق يلا
اسر بنفس الابتسامه : هو في اوحش منك اشوفه خد قرب كدا اقولك
اقترب حازم بغضب ليكمل اسر حديثه : اعلي ما في خيلك اركبه
حازم بغضب : نعم يا روح امك ده انت تحت ايدي يلا
اسر : اجري يلا نادي حد كبير أكلمه
حازم باشاره لرجاله : معلش يا رجاله عيل وغلط شكل عينه فيها مشكله شوفوهاله يا رجاله
اقترب الرجال منه وفي يد كل واحد منهم عصا ضخمه ليصرخ اسر بغضب وصوت عالي اسر : ولااا ليرتد الرجال للخلف بخوف من صوته اكمل اسر حديثه : البتاعه دي لو لمستني هعمل معاك صح ومش هرحمك
ليشير حازم للرجال ب الاكمال وضربه رفع أحد الرجال تلك العصا وقبل نزوله علي وجه اسر رن هاتف زعيمهم حازم ليرد بقلق
حازم : ايوه يا كبير
……..: هو عندك
حازم : ايوه يا كبير عندي اهو الرجاله هتروقه متقلقش
………. : انت غبي يلا لو حد لمسه هوديكم كلكم وري الشمس يا شويه اغبيه
اغلق الخط بغضب ليغضب حازم بشده ويقول بعصبيه شديده : محدش يلمسه
ابتسم أسر وفمه ملئ بالدماء وهو يتنفس بسرعه ليستفز الاخر
بعد دقائق دخل شخص بالبدله البيضاء يبدو رجل مهم ليقترب مني أكثر ويفك قيدي لاتفاجا نعم إنه بالفعل نفس الشخص
نفس الشخص الذي انقذته منذ مده ولاكن لما لدي الكثير من علامات الاستفهام ليلاحظني ذالك الشخص ويبتسم بهدوء
وقال : عارف ان في دماغك 100 سؤال بس انا استجدعتك اوي يا اسر بعد الموقف اللي عملته معايا تفتكر هعديلك جدعنتك دي من غير ما اشكرك ده انت أنقذت حياتي يا جدع اه صحيح انا شيخ
ابتسم أسر وقال : والاخ وشاور برأسه علي حازم
الشيخ : اه لا ده سيبك منه خالص
اسر : انت مين
ابتسم الشيخ وقال : ما قولتلك الشيخ
اسر : انت عارف انا اقصد اي بالضبط
ابتسم الشيخ وقال : كل شي في وقته حلو تعالا يا اسر بس اقعد نتكلم
اسر بستفهام : انا بقالي هنا قد اي
بص الشيخ لأحد الرجال ليأتي بسرعه ويجيب
الرجل : يا زعيم نسبه المخدر كانت زياده وكانت ممكن تسببله مشاكل الحمدلله انها جت علي قد أنه يفضل نايم يوم كامل
الشيخ بحده : اي الكلام الاهبل ده راجع كلامك وليا تصرف تاني معاهم اطلعوا بره يا بهايم
حازم بضيق : وانا يا رايس
الشيخ : لا خليك انت يا حازم ليا تصرف تاني معاك بس اقعد
وجه الشيخ حديثه لأسر : تشتغل معايا يا اسر انت واد جدع وقلبك ميت وعجبتني ودخلت دماغي ها هتكسب كتير معانا يا ابني



