رواية كاملة بقلم نوران

اسر : ممكن اعرف بس كان مين اللي عايز يقتلك امبارح
الشيخ بابتسامه : معانا ولا لا يا اسر
حازم بغضب : يا ريس ما انا معاك من زمان واجدع منه وايدك اليمين يبقا تحتاج للأشكال دي ليه معانا بس
ليغضب الشيخ ويصرخ : انت هتعلمني اعمل اي ومعملش اي يا روح امك انت نسيت نفسك ولا اي
ابتسم أسر بستفزاز لحازم وقال : انا معاكم
الشيخ بابتسامه : كدا يحلو الكلام بص يا اسر انا كنت بسلم بضاعه اسلحه والجانب التاني غدر بيا كانو عايزين الفلوس والبضاعه وحياتي لان انا اللي بسوق الشغل وانت جيت وساعدتني ومش هنسالك الجميله دي ابدا يا ابني
اسر : شغلي معاكم هيكون ازاي
الشيخ : مش عيب عليك تسال السؤال ده بردو انت هتروح كام مهمه كدا واولهم الانتقام من ابن الهلالي صاحب تجاره المخدرات وبيع الاعضاء والبنات عايزين نعلم عليه حلو وهسيبلك انت يا بطل المهمه دي
ابتسم أسر وقال : اعتبره تم
الشيخ : ده عشمي فيك وجبتلك اماكن المخازن واتصرف بقا
اسر بابتسامه : تمام اقدر امشي بقا
الشيخ : استنا ابعت معاك عربيه
اسر : لا فل اوي كدا تمام جبرت سلام
**********************
اكره هذا اليوم حقا كم اكره يوم ذهابي لذالك المنزل لا أشعر بحب اي شخص منه لي لا اري امان أو حب صادق ولاكن لا يمكنني قطع صله الرحم لأي سبب اذهب في كل مره وانا اتسال يا تري ما المشكله الجديده التي ستحدث لتثبت لهم كم انا فتاه سيئه
ومغرورة واتباها بالمستوي المادي لابي وصلت اخيرا استقبلتنا عمتي بابتسامه جميله واحتضنت ابي بحب وحنان وسلمت علي ببرود لم يسلم علي اي احد من أفراد أسرتها يهتمون بابي فقط اقترب مني ذالك الإنسان اللزج كما سميته اسمه يليق به حقا
احمد بابتسامه صفراء : ياااه عاش من شافك يا ستي اي مبتسلميش ليه ولا احنا مش قد المقام
مدت يدي وانا حقا أشعر بالضيق : لا ابدا ازيك
احمد بابتسامه : الحمدلله ووجه كلامه لابو حور وقال : خالي عايز اخد البنات افسحهم شويه هخليكي تشربي وتدوقي احلي حاجه حاجه كدا اسمها الفخفخينه
ابو حور : تمام مش مشكله
نظرت له حور بمعني لا لينظر لها بحده
احمد : يبقا خلاص كدا نتغدا ونروح كلنا تمام
دنيا اخت احمد و ابنه عمتها ردت : تمام ياريت يلا عشان الغدا
ذهبت حور وهي مبتسمه للجميع ولم تعلق علي اي شي سيئ يحدث حتي انهو الطعام وأخبرهم احمد ان يرتدو ملابس للخروج وبعد أن انتهت الفتيات خرجو معه ذهب احمد لمكان ما لتتحدث دنيا
دنيا : هو انا لو بابا مات ابوكي هيكون ابويا
حور : اكيد بابا هو باباكي اصلا من زمان
دنيا : يعني لو مات أو امي اتطلقت هنعيش معاكم انتم وابوكي اقصد خالي هيكون ابويا ومسؤول عني
توترت حور من حديثها الغريب لتتحدث : اممم بابا هو باباكي ومسؤول عنك من دلوقتي
نظرت لها دنيا بعدم اهتمام وذهبت
حور : رايحه فين
دنيا : عندي مشوار
ذهبت دنيا توترت حور وكادت الرحيل حتي امسك يديها احمد
احمد : رايحه فين
حور : ايدك لو سمحت
احمد : هو انا يعني هاكلها يلا عشان نروح هشربك حاجه هتحلفي بيها
حور : طيب نروح مره تانيه تكون دنيا معانا
احمد : بما اننا جينا يبقا نروح يلا اوقف احمد أحد الميكروباصات ركبت حور بتوتر و دفع احمد ثمن المواصلات ونظر لحور وقال : عيب تكوني معايا وتطلعي حاجه من جيبك ابتسمت حور بتوتر وهي تحدث نفسها بأنها لم تحاول حتي الدفع لأنها لا تعلم نظام ذالك الباص لما يتحدث هكذا عند نزولهم الي وجهتهم
احمد : تحبي تتمشي ولا نركب حاجه للمكان
حور : اممم بحب اتمشي لو المكان قريب نتمشي لاكن لو بعيد اللي تشوفه
احمد : يبقا نتمشي يلا وقربي مني كدا عشان متتوهيش مني
تجاهلت حور حديثه وظلت تمشي لأكثر من ساعه اتألمت قدميها ولم تتحدث حتي لا تحرجه
احمد : مالك بتنهجي كدا ليه تعبتي ولا اي
اتكسفت حور وقال : لا ابدا عادي
احمد : طيب خلاص احنا قربنا اهو
ظلت تمشي لوقت طويل حتي وصلو للمكان جعلها احمد تقف خارج المكان علي الطريق تنتظره وبعد فتره جاء ومعه شي مثل علبه الكشري ولاكن تمتلئ بالفواكه والكريمه كثيره علي وجه العلبه احب الايس كريم ف كنت سعيده واخيرا سارتاح قليلا
احمد : يلا عشان اتاخرنا علي البيت
حور : طيب وده هناكله ازاي
احمد : واحنا ماشين وهبقا اشوف اي مكان تقعدي فيه
ندمت حقا علي ذهابي فقد تعبت حقا ظللت امشي حتي وجدت تنده جلست عليها جلس بجانبي
احمد : تعبتي
حور : مبعرفش اكل حاجه وانا ماشيه أو في الشارع كدا والناس بتبص عليا
احمد : طيب يلا بسرعه بس عشان نلحق البيت
حور : طيب يلا خلاص
احمد : كملي العلبه
حور : لا شكرا شبعت هو انت جبت البتاعه دي بكام
احمد : دي حاجه مني ليكي مش هقولك ابدا دي بكام انا عازمك مينفعش تقولي كدة
حور : عادي بس فضول
احمد : لا متتكلميش في فلوس معايا ويلا عشان نروح
أوقف احمد ميكروباص وعند وصولنا للبلد قال
احمد : بقولك يا حور معاكي فلوس نجيب عشاء
حور : اه اتفضل
اخذ احمد 100 ج وأحضر به بعض الطعام للعشاء وما أن وصل للبيت ظل يتحدث عن نفسه أنه لم ينسي أحد وأحضر طعام جميل للجميع ليتناولو شكرته أمه وظلت تتحدث عن خفه دم ابنها وكم هو شخصيه مسؤوله وجيد
ابتسمت حقا لم يعطيني اي باقي من المال ضحكت بشده عندما تذكرت كلامه لقد أخذ مني اكبر من ما أعطاني أضعاف
ذهبت للنوم فقد كنت متعبه وبالي مشغول بشخص آخر
**********************
نور بتوتر : ه هو اسر لسه مجاش
كان فارس ينظر إلى هاتفه بلا مبالاه : لا
نور : طب هو متعود يتأخر عن البيت
فارس ببرود : ممكن يفضل شهر غايب عن البيت عادي
نور بضيق : ده انت مستفز يا جدع
نظر لها فارس بحده : خدي يا بت انتي هنا كنتي بتقولي اي
نور : اصل ازاي متعرفش حاجه عن اخوك كدا ولا قلقان
فارس ببرود : عادي بيدخل نفسه دايما في مشاكل ولما بيحلها بيرجع أو ممكن عنده شغل علي حسب
نور بفضول : هو بيشتغل اي
فارس ببرود : خليكي في حالك
نور بضيق : علي فكره انا مراته
نظر لها فارس وابتسم قلقت نور ليقترب ويجلس عند اقرب كرسي : ايوه بقا مراته ازاي يا حلوه احكيلي
اتوترت نور وحاولت تغيير الحديث : قولتلي بتحب حور من أمتي
فارس بحده : نعم
نور ببرود : بتحبها يا برنس وباين اوي علي وشك
كان يقترب منها بعينين تشع غضب لتقول هي : بس تعرف أن حور ب
ما أن تحدثت عن حور كنت وقف مكانه لتوقف حديثها وتبتسم بنصر
ليقول فارس : مالها
لتبتسم نور بشده وتقول : شوفت بتحبها
ما أن أنهت جملتها حتي ركضت باقصي سرعه لغرفتها وكان يركض ورائها فارس بغضب حتي دخلت غرفتها واقفلت الباب وهي تضحك عليه من خلف الباب ساخره منه
لتسمع صوته الغاضب : افتحي الباب
نور بابتسامه : يا ابني باين عليك الحب مادام بتحب بتنكر ليه
غضب فارس ولاكن ابتسم بخبث وقال : ده علي اساس انك مش بتحبي اسر وعامله هبله
فتحت نور الباب بسرعه وهي تقول : محصلش
امسكها فارس من ياقه قميصها وسحبها خلفه
نور بضيق : ابعد يا عم الشكت
فارس : بوظتي اللغه الله يخربيتك امشي امشي انا هعملك اعاده تدوير
تقدم اسر ووجد هذا المنظر لينظر لفارس بغضب جعل فارس سعيد جدا فهذه المره الأولي الذي يستطيع فيها فارس اغضاب اسر لانه دائما بارد ويضايقه فقط
ضغط اسر علي يده وسحب نور بضيق من يديها وادخلها غرفته بعنف و و و
يتبع.
.الحلقة 25
الحلقة 26
الحلقة 27
.
.
رواية / صغيرة الادهم
بقلم نوران احمد
علقوا هنا ب 10 ملصقات
????????????????????????????????????????????????
الحلقة 25
.
.
نور : اي يا اسر ايدي مش كدا هو في اي
ااغمض عينيه وضغط علي يده بعصبيه : هو اي اللي كان بيحصل بره ده
نور : ولا حاجه فارس كان بيهزر معايا بس وبعدين اصلا كنت فين انت يا استاذ
اسر بعصبية جعلها تجلس علي أحد الكراسي امامه وقال : نور اسمعي كلامي كويس لاني مش هعيده مرتين ولو متنفذش استحملي العقاب وتحدث بصوت جعلها تنتفض لو سمعتك بتكلمي اي شاب ولا بتهزري مع أي حد أو لسانك ده نطق باسم شاب هخلي ايامك جحيم هنا انتي فاهمه
نور بخوف : ح حاضر
اسر : ممنوع تطلعي من الاوضه دي واغلق الباب خلفه بعنف
نور : اي عيله المجانين دول
خرج اسر ليري فارس أمامه مبتسما وقال
فارس بابتسامه : شكلك كنت جاي مبسوط
اسر بضيق : وقدرت تعكنن عليا كويس
قهقه فارس بقوه : اهو مره من نفسي ما انت حارق دمي علي طول ثم غمز له وقال بس اي ده طلعت بتغير اهو مش جبله زي ما كنت فاكر
اسر : انا اي اللي طلعني من الاوضه بس ما كنت قاعد قاعده طريه اي اللي خلاني اطلع اشوف الاشكال دي بس يا ربي
فارس بصوت عالي : هعديهالك المره دي بس عشان اصاباتك
اسر وهو يهز كتفيه ويده علي اكره باب غرفته : أن مكنتش انت تدلعني مين هيدلعني
امسك فارس مزهريه وقام برميها في اتجاهه قائلا : يا شيخ كتك القرف
دخل غرفته بسرعه واغلق الباب خلفه وهو يضحك بشده علي غضب أخيه
نظر علي نور وجدها نائمه
رن هاتفه ليرد اسر : ايوه
………….
اسر : متقلقش يا كبير اعتبر صفقه السلاح في جيبك وهنعلم عليهم سيبهملي بس وانا هروقهم
…………
اسر : تمام العمليه هتم في اقرب فرصة متشلش هم
………….
اسر : تمام سلام
نور وضعت يديها علي فمها بخوف
نور اخرتك يا اسر تطلع زعيم عصابه وانا بختي يا ربي من كل المزز اللي في البيت مقعش غير مع الموكوس ده
**********************
في مكان آخر
ميرا بابتسامه : حضرتك لطيف جدا بس لو زعلتها تاني هزعل منك اوي
السيوفي بابتسامه : وانا مقدرش علي زعل القمر بردو دي حبيبتي هتكون في عيوني بعد كدا
ليدلف شاب في العشرين من عمره
السيوفي : تعالا يا خالد سلم
خالد بابتسامه خبيثه وهو بيسلم علي ميرا : من أمتي حضرتك تعرف الحلويات دي كلها
ميرا بابتسامه خجل : أن شاء الله تنستر يا شيخ
ضحك خالد بقوه : والله انك عسل
مد يده ليسلم علي ادهم ليضغط ادهم بقوه علي يديه توتر خالد وشعر أنه أخطأ ليتراجع
انتهي اليوم وما أن وصلو للمنزل ذهبت ميرا لغرفتها لتأخذ حقيبتها ما أن التفت حتي وجدته لتفزع
ميرا : خضتني
ادهم بغضب : تصرفك ده هتتحاسبي عليه بعدين
ميرا : انا مش شايفه أني غلطانه وبعدين انت ملكش حق تحاسبني اللي ليهم حق بس اخواتي
ابتسم ساخرا : لا انا ليا الحق اكتر من اخواتك
ميرا : متتكلمش بالالغاز لو سمحت ازاي ؟ تقصد اي بكلامك ده ؟
ادهم ببرود : يلا عشان منتاخرش
امسكته من يده لتوقفه : انا مش همشي من هنا غير لما افهم
تلاقت عينيهم لتكمل ميرا حديثها : انا من حقي اتعرف علي ناس واتكلم معاهم وأعجب بشاب وييجي يتقدم
امسك يديها وضغط عليها بغضب : مش هيحصل
تحملت ميرا الم يديها من قبضته القويه وقالت : واي اللي يمنع ده انت وانت مين عشان تعترض
صرخ ادهم في وجهها بغضب كبير : انا جوزك
صدمت ظنت أنه سيعترف بحبه لها كما قالت نور أنه معجب بها كيف كيف يكون زوجي
وقبل أن تتحدث خرج من الغرفه
ظلت صامته ذهبت لتجلس بجانبه في السياره وهي لا تتحدث
حتي وصلو لوجهتهم ركضت بسرعه للداخل ودخلت غرفتها وظلت تبكي حتي سمعت صوت طرقات الباب ليدخل مازن وما أن رأته حتي ركضت واحتضنته
مازن : اهدي يا حبيبتي بس مالك
ميرا بدموع : ازاي ادهم جوزي
صمت مازن قليلا ثم قال : ده كان قرار والدك
ميرا : بابا ازاي بابا يعمل فيا كدا
مازن : حبيبتي بابا كان شايف أنه زوج مثالي وهيقدر يحميكي وبعدين ادهم بيحبك
ميرا : ادهم مبيحبنيش اللي بيحب حد مش بيأذيه كدا وليه كل شويه تتكرر كلمه بيحميني بيحميني من اي وليه اصلا كل ده ليه مروحتش مدرسه زيي زي اي بنت طبيعيه ليه مكنش عندي صحاب ليه مكنتش بالعب ولا بفرح زي كل الاطفال كل ده عشان ادهم رافض دايما وليه رافض بردو عشان بيحميني بس من اي
مازن : ممكن تهدي شويه انتي طبعا عارفه أن ادهم رجل اعمال مشهور ف ممكن حد
ميرا مقاطعه : كلامك مش منطقي يا دكتور انا مش عيله صغيره عشان تقولي كدا
تنهد مازن وقال : هحكيلك
************************
ادهم : يعني حكيتلها
مازن بضيق : مكنتش تقدر تسكت شويه
ادهم بعصبية : عايزني اسمعها بتتكلم عن جوازها من واحد تاني وافضل ساكت
مازن : واديها عرفت وبعدين
ادهم : هتتقبل الأمر الواقع انت حكيت كل حاجه
مازن : اكيد مش هقول كل حاجه
ادهم : طب حكيت اي
فلاش باك
تنهد مازن وقال : انا هحكيلك من زمان ادهم كان دايما بيهتم بيكي ومكنش حد ابدا يقدر يضايقك وهو موجود وكان ممكن يضرب اسر عشانك وكنتي متعلقه بيه جدا واول ما ييجي كنتي بتجري عليه تحضنيه وتشديه من أيده يلعب معاكي ولما تزعلي كان بيحط علي باب اوضتك كل الحلويات اللي بتحبها وتعرفي أن لحد دلوقتي لما بتزعلي بيحط علي باب اوضتك كل الحلويات اللي بتحبيها وعشان متعرفيش أن هو اللي بيعمل كدا اتفق مع فارس يبين أن هو اللي بيجيب و لما ولد زعلك في الجامعه شوفتي ازاي الولد ده جه اعتذر واختفي من ساعتها ادهم بيحبك وبابا كان متاكد من ده ومتأكد أنه هيخاف عليكي ويحميكي كويس يمكن من خوفه عليكي غلط بس في حاجات حلوه كتير هو عملها بردو بابا قبل ما يموت طلبه عشان يطمن عليكي وخلاه يوعده يكتب كتابه عليكي ولما تكبري يسيب ليكي القرار انك توافقي تكملي معاه أو ترفضي بابا عمره ما هيظلمك ولا يجبرك علي حاجه معملش كدا عمره وهو عايش اكيد مش هيكون سبب في حاجه زي كدة بعت ما يموت ومعتقدش قرار بابا غلط في اختياره عريس ليكي ودلوقتي القرار في ايديكي
باك
مازن بابتسامه : سر بس متقلقش مقولتش حاجه من اللي في دماغك
************************
رزعت نور الباب بعنف مما أفزع ميرا ليدخل وراءها حور وشهد
ميرا : يخربيتك يا متخلفه انتي اي ده
نور : اعترفي عملك اي الواد الجامد اللي بره ده
ميرا : يا شيخه اتلمي بقا
ابتسمت شهد : ارمي بياضك يا شابه منك ليها يلا
حور ركضت واحتضنت ميرا وقالت : وحشتيني اوي
ميرا بابتسامه وهي تضمها : اخيرا واحده طبيعيه
نور : اهو الطبيعيه دي هتجيبلك شلل بعدين يلا يا اختي منك ليها علي الجنينه عايزين فسحه كبيره كدا نقعد ونربع علي الارض ونحكي
نظرت ميرا لشهد وقالت : مين دي
شهد : شكلي غبت كتير عن البلد
نزلت البنات لحديقه المنزل
اسر : شله المقاطيع نزلو
كان فارس سرحان في حور ليضربه اسر علي صدره
اسر : بتبص علي اي ياض
نهض فارس بغضب : ولا أنا جبت اخري منك ليركض اسر بسرعه وفارس خلفه
حكت ميرا ما حدث معها
لم يعلق أحد حتي لا يزيد حزنها
حكت نور كل ما حدث لتكمل : والله لاندم كل واحد علي كل اذيه اتاذيتها بسببه وهتعب عشان لما ابقا حاجه كبيره ابصلهم بقرف وادوس عليهم
حور : سامحي يا نور
نور بكره : مش هسامح حد مرحمنيش
شهد : عمرك ما كنتي بالقسوة دي يا نور اول مره اشوف في عنيكي النظره دي
نور بدموع : الدنيا ظلمتني وجت عليا كتير والمفروض اني اتحمل واسكت بس لا مش هسيب حد داس عليا
ميرا : هحكيلك حكايه يا نور وبعدين هسالك سؤال واحد وبعدها هتردي عليا وقرارك بعد كلامي هتقبله
نور : موافقه
ميرا : اول ما ييجي يوم القيامه هتظهر ست عجوزه شكلها بشع اوي بانياب ولونها ازرق اللي يشوفها يترعب الست دي هتنادي وتقول يا الله اين اتباعي
عارفه الست دي مين
نور بسرحان : الدنيا
ميرا : هي الدنيا يا نور هتنسي اصلك وتربيتك ودينك وايمانك وهتكوني من اتباع الدنيا
نور : لا
ميرا : بس كدا انسي كل اللي فات وابدئي من جديد
وسامحي علي قد ما تقدري وتوكلي علي الله
ضحكت نور بقوه
شهد : بتضحكي ليه يا هبله انتي
نور : بدأنا الاجازه كويسين ورجعنا من الاجازه متجوزين
ضحكت شهد وقالت : اهلا بيكي في عش الزوجية يا اختي انتي وهي
نور بغمزه : احكيلي بقا الواد المز الرزين اللي معاكي ده عمل اي معاكي في الاجازه
ابتسمت شهد بخجل وحكت بعض الاشياء
نور : اااه قلبي الصغير لا يتحمل حتي في عصبيته قمر يا نااااااس مش كانو جوزوني للواد ده بس ياربي بدل زعيم العصابه اللي قاعده معاه
شهد : اتلمي شويه لروح اقول لزعيم العصابه بتاعك ده
نور : وحياه ابوكي لا بلاش ده متخلف
حور : الله كيوت اوي زعيم عصابه ويخطفني الله لا حلو اوي
ضربتها نور بالمخده وقالت : ابو شكلك امشي يا بت من هنا مش طالبه محن أصله جو الروايات دة مش هنا يا ماما
ميرا : ليه بتقولي عليه كدا
نور : عشان سمعته بيتكلم في الفون عن صفقات مشبوهه
شهد : لالا اسر مش كدا ابدا
نور : يا شيخه روحي انتي فاهمه حاجه
حور : والله انك هبله عيشي اللحظه يا بنتي
نور : لو اتكلمتي تاني هعضك
حور : انا حاسه بحاجه غريبه
ميرا : اي في اي
حور وهي بتتكلم بصوت واطي جدا : حاسه ان فارس معجب بيا ما أن أنهت جملتها حتي ظلت تنظر حولها
ظلت نور ترمش بعينيها كثير وهي تنظر للاعلي
ضحكت ميرا وشهد بصوت عالي
نور : مش بقولكم دي هتجيبلي شلل يعني الواد طلع عينه تلميحات وانتي لسه بداه تحسي يا شيخه ده انتي معندكيش دم ولا بتحسي
حور من خلف ميرا : علي فكره ده مش اسلوب
نور : يا شيخه وكسه عليكي وعلي اسلوبك
ميرا : انا فرحانه اوي انكم معايا وحواليا
احتضنو بعضهم البعض لتنظر نور وتجد حور بجانبها
نور : امشي يا بت من هنا متقعديش جنبي
قامت حور من جانب نور لتمسك بها نور وتحتضنها
نور : مالك يا حور حصل اي
حور بدموع تحاول أن تداريها : مفيش حاجه انا مبسوطه اهو
**********************
ادهم : اسر روح نادي البنات من بره عشان الغدا
فارس : هروح انا وخرج بسرعه
**********************
ميرا : مالك يا حور
حور : انا خايفه
نور : من اي
قصت حور ما حدث معها في منزل عمتها
شهد : علي فكره هو انسان مش محترم واستغلالي
واخته دي غريبه جدا ازاي بتتمني لابوها الموت كدا
ميرا : معاكي حق يا شهد بس مش ده اللي مخليها كدا حصل اي يا حور
حور : انا لقيت حد غريب باعت ليا علي الفيس بوك والشخص ده فضل يزن كتير وبيقول عايز يكلمني في موضوع مهم وكلام كتير غريب
نور : رديتي
حور : لا مش بحب ارد علي صبيان
نور : انتي متاكده انك في كليه هندسه
ميرا : بس اسكتي كملي يا حور
حور : بعد فتره طويله جدا لقيت ابن عمتي بيقول انتي كبرتي في نظري اوي انا اصلا مش بطيقه بس عمتي بتجبرني اقعد معاه واتكلم معاه والا انا أبقا بنت وحشه تعرفي أنها قالت ليها مره انتي لابسه الطرحه ليه ده زي اخوكي
ميرا : هو اي الهبل ده ازاي يعني
نور : رديتي عليها قولتي اي بالله
حور بكسوف : قولت أن مع اني مش مقتنعه أنه راجل بس لازم البس الطرحه
نور : بووووم في منتصف الجبهه جدعه يا بت تربيتي
حور : اصل كنت متعصبيه منه اول تعرفو أن الشاب اللي كان بيبعتلي ده صاحبه
شهد : نعم ازاي ده ازاي يسمح بحاجه زي كدا المتخلف ده
ابتسمت حور وقالت : شكرني لاني مخلتهوش يخسر رهانه
ميرا : رهان
حور : اه اصل كان متراهن هو وصاحبه علي بنتين وأنهم لو رضيو يكلمون ابن عمتي يخسر رهانه والبنت كلمت صاحبه وانا لا ف انا اللي خليته يكسب رهانه
شهد : اي التهريج اللي بيحصل ده
نور : الواد ده عايز علقه تخليه مظبوط
ميرا : واي تاني يا حور
سكتت حور ودموعها نزلت
نور بخوف : عملك اي الحيوان ده




