دودود محمد الجزء الثاني

-اه منك انتى يا أروبه…ثم نظر إلى والده وقال:
-بابا أنا عايز اتجوز نغم انا استنيت كتير اوى لحد ما رجعت ليا ومش قادر استحمل بعدها عنى اكتر من كده.

ابتسم بسعاده وقال:
-يا فرحة قلبى يعنى ابنى وبنتى فى يوم واحد ربنا يسعدكم يا ولاد، ومش هلاقى ليك يا عدي احسن من نغم وانتى يا بنتى مش هلاقى ليكى احسن من انس عقبال ما افرح بأختكم رغد وابقى اطمنت عليكم قبل ما ربنا يسترد أمانته.

تكلمت رهف سريعا وقالت:
-متقولش كده تانى يا بابا ربنا يباركلنا فى عمرك ويديك الصحه يارب.

تكلم انس بسعاده وقال:
-ربنا يخليك لينا يا عم ريان انت الخير والبركه وانا أن شاءالله هبلغ ماما وعم ايوب والميعاد اللى هتقول عليه هنيجى نطلب من حضرتك ايد رهف رسمي.

نظر ريان له بأستغراب وقال بتساؤل:
-وابوك فين يا انس مش هيجى؟

تنهد بحزن وقال بتوضيح:
-لا يا عم ريان مش هيجى لأن انا مش ناوي أقوله كفايه اوى اللى شوفنا ولسه بنشوفه منه.

ربت على ساقه بحنو وقال بتفهم.
-ربنا يهديه ليكم يا حبيبى أنا كنت ناوي أكلمه واتصرف معاه على اللى عمله فيكم بس اديك شايف الظروف والحاله اللى بقيت فيها.

ابتسم له بأمتنان وقال:
-ربنا يخليك يا عم ريان أنا كلمة اخواته وهما هيتصرفوا معاه علشان يبعد عن السكه اللى ماشي فيها دى.

نظرت له رهف بأشفاق شعرت بوجعه وحزنه ابتسمت له ابتسامه هادئه حتى تواسيه على ما هو فيه وهو ما عليه غير أنه قابل ابتسامتها بسعاده وغمز لها بعينيه كدعابه، حتى احمرت وجينتها بخجل.

نظر ريان إلى عدي وقال بتساؤل:
-حددت ميعاد مع عمك ايوب علشان نروح نتقدم ولا لسه يا عدي؟

حرك رأسه بالرفض وقال:
-لا يا بابا لسه قولت اجيلك الاول وبعد كده اكلمه.

اومأ رأسه بتفهم وقال:
-خلاص يا حبيبى أنا هكلم عمك ايوب واتفق معاه على ميعاد ونروح نطلبها ليك وانت يا انس اعمل حسابك انك هتتقدم كمان لرهف عند عمك ايوب ونقراه الفاتحه عنده وهنحدد الخطوبه ليكم انتوا الاتنين فى يوم واحد.

اتسعت عين انس بعدم تصديق وقال بسعاده.
-بجد، احلف كده يعنى كده حضرتك موافق أنا مش مصدق نفسي.

ثم فتح ذراعيه ونظر إلى رهف وقال بمزاح:
-بالحضن يا فواز.

امسكه عدي من تلابيبه وقال بتهكم:
-نعم يا اخويا هو ايه ده اللى بالحضن.

ابتسم له بتوتر وقال:
-بقولك انت بالحضن مش ليلتنا واحده.

احضتنه ريان بقوه حتى كادت عظامه تنكسر بين ذراعيه وقال بمزاح:
-حبيب اخوك يا فواز.

تألم بصوت مرتفع وقال:
-ربنا ينتقم منك يا عدي يا ابن ام عدي.

دقات قلب ريان ازدادت ونظر إلى رهف وقال بصوت هامس:
-عملتى ايه معاها يا حبيبتى طمنيني؟

نظرت له بأسف وقالت:
-للاسف يا بابا رفضت وقالت مستحيل تقبل براجل تانى فى حياتها بعد عمو وليد وطلبت منى اقولك تنساها ولما طلبت منها تيجى تشوفك قالتلى انكم كده كده هتتقابلوا عند عمو ايوب فى خطوبة عدي.

تنهد بحزن وقال بصوت مختنق:
-كنت عارف انها هترفض بس انا مش هييأس وعندى امل فى ربنا كبير أن هيجى يوم ويجمعنى بيها.

حركت رأسها بالرفض وقالت:
-معتقدش يا بابا نظرت عيونها كانت فيها تحدى وإصرار غريب وكانت واثقه فى كل كلمه بتقولها، هى قالتلى أنها لسه بتحبك بس اخلاصها لعمو وليد اكبر من حبها ليك.

تكلم عدي بأستغراب وقال بتساؤل:
-انتوا بتقولوا ايه وبتتكلموا بصوت واطي كده ليه؟

ابتسمت رهف له بتوتر وقالت بتلعثم:
-ها د د ده كان بيسألنى رأى ايه فى موضوع انس.

نظر انس لها بتوتر وقال بمزاح:
-اوعى تكونى رفضى ده أنا اروح فيها ده أنا انتحر ليكم من فوق الكنبه دى.

تعالت ضحكاتهم وتكلم ريان بنفاذ صبر.
-ربنا معاكى يا بنتى ويقويكى على المجنون ده.

ابتسمت رهف بخجل وقالت:
-انا طالعه أوضى عن اذنكم.

وتحركت بأتجاه الدرج ثم استدارت إلى والدها وقالت بتساؤل:
-هى ماما هنا ولا مشيت؟

أجابها ريان بصوت مختنق وقال:
-اخدت اختك ومشيت.

اومأت رأسها بحزن وصعدت إلى غرفتها.

نظر انس إلى أثرها وتنهد بضيق وقال بصوت هامس:
-محدش مرتاح لا اللى معاها ابوها ولا اللى معاه أمه.

ثم نظر لهم وقال.
-همشي أنا بقى عايزين حاجه.

تكلم عدى سريعا وقال:
-وانا كمان همشي .

نظر لهم ريان وقال:
-طيب خليكم ناكل لقمه مع بعض.

تكلم عدي وقال بابتسامه هادئه:
-معلش يا بابا علشان ماما مش بترضى تاكل غير لما كلنا نتجمع على السفره.

تنهد بوجع وقال بصوت مختنق:
-ماشي يا حبيبى وابقى سلملي عليها.

قبل رأسه بحب وقال:
-حاضر يا حبيبى وانت خلى بالك من صحتك وانا هتصل بيك كل يوم اطمن عليك.

ابتسم ريان له بحنو وقال:
-ربنا يباركلي فيك يا حبيبى.

خرجوا كلا من انس وعدي وصعدوا السيارات الخاصه بهم واتجهوا إلى منازلهم.
………………………………………………….
عند عامر جلست دنيا بضيق وجلس بجوارها معاذ وتكلم بنفاذ صبر:

-انا مش عارف ابنك ده ايه اللى فى دماغه الواحد فكر أن ربنا هداه وبقى عنده عيله واحترم نفسه بس نقول ايه ديل الكلب عمره ما يتعدل أبدا.

نظرت له هدي بضيق وقالت:
-خلاص اخوكم عامر بقى وحش والكل جاى عليه؟ ما هو معذور برضه لا اتهنى بجوازه ولا شاف يوم حلو مع مقصوفة الرقبه دى يمكن لو ربنا كان كرمه بواحده بنت حلال كويسه وتحبه مكانش ده بقى حاله.

نظرت دنيا لها وتكلمت بضيق:
-يا ماما قولى كلمة حق، مش علشان يعنى انتى مكنتيش طايقه اسيل يبقى تقولى عليها كده شهادة لله كانت قايده صوابعها العشره شمع لابنك وهو اللى كان على طول يكسرها ويجرحها يكفى أنها جابت ليه قمرين يملوا حياته ويكونوا سندوا والصراحه بقى حضرتك اللى قسيتى قلبه عليها من كتر كرهك ليها وكلامك الوحش عنها.

نظرت لها بغضب وقالت:
-انا يا دنيا!! يعنى المشكله كلها فيا انا دلوقتى، طيب اه مش بطيق اللى اسمها اسيل دى ومكنتش أتمناها لابنى وطول السنين دى كنت بزن على ودان اخوكى علشان يطلقها واجوزه ست ستها واحده تستاهلوا بجد مش الصفرا اللى قلبها شبه وشها دى.

حرك معاذ رأسه بعدم رضا وقال:
-بس اسيل مش وحشه يا ماما واحده تانيه غيرها كانت ردت فيكى كل اللى بتعمليه فيها بس طول عمرها تسمع منك الاهانه وابنك يمد ايده عليها وهى كانت تتقبل ده منكم وتسكت اتقوا الله بقى وكفايه ظلم وعقلى ابنك وخليه يرجع مراته وعياله بدل السكه الوس** اللى ماشي فيها دى

أكملت دنيا بضيق وقالت:
-عجبك منظره وهو راجعلك الفجر سكران وانتى عارفه طبعا كان سهران فين وبيعمل ايه؟ أنه احسنلك يبقى عايش متهنى مع مراته وسط عياله وباحترامه، ولا كل يوم سهران فى الشقق المشبوه وبيعمل كل اللى ربنا محرمه، وتبقى سيرته على كل لسان.

نظرت هدي لهم بتوتر وقالت:
-و و وانا يعنى عايزه تعبه، ما أنا نفسي اشوفه احسن الناس ويبقى مبسوط وسعيد.

تكلم معاذ بتوضيح وقال:
-احنا عارفين يا ماما بس حبك لعامر الزياده وصله للى هو فيه ده، عقليه وامنعيه يروح الاماكن دى تانى وقوليله كلمتين حلوين على مراته واقنعيه يرجعها هى وعياله، ويبقى شخص محترم لو لمره واحده فى حياته.

اومأت رأسها بحزن وقالت:
-ربنا يهديه ويصلح حاله، لما اقوم احضر الاكل على السفره.

تحركت هدي واتجهت إلى المطبخ ونظرت دنيا إلى معاذ وقالت بمرح .

-تعتقد يلا امك هتغير أسلوبها من حماتى قنبله ذريه للحموات الفاتنات؟

نظر اتجاه المطبخ وقال بمزاح:
-دى مش بعيد تولعها اكتر امى وانا عارفها.

تعالت ضحكات دنيا وقالت:
-والله زمان يا معاذ واحشتنى اوى قعدتنا مع بعض وهزارنا فاكر.

ابتسم لها وقال بتمنى:
-ياريت الايام دى ترجع تانى، بس سفرك بره وبعدك عننا ضيع الايام الحلوه دى، يلا المهم ربنا يسعدك فى حياتك ويفرحك بولادك.

نظرت له بأستغراب وقالت بتساؤل:
-هو انت ليه مجبتش غير بنتك ريفال يا معاذ؟

زفر بضيق وتكلم بصوت مختنق:
-معرفش حاولنا كتير وروحنا لدكاتره ملهومش حصر وكلهم نفس الكلام مافيش اى مانع عندكم، بس هو أرادت ربنا فوق كل شئ لحد ما رضينا بالامر الواقع، وبقت ريفال هى كل حياتنا وبنعوضها وحدتها لأنها على طول حاسه بالنقص وكان نفسها يبقى عندها اخت أو أخ حتى حاولنا كتير نقربها لحور بنت عمها ورهف بنت عامر قولنا تبقى وسطهم بس هى رفضت واخده جنب مع نفسها كده.

نظرت له بأشفاق وقالت :
-ربنا يعوض صبركم خير يا حبيبى، أنا كل اجازه احاول اشوفها بس هى حابسه نفسها فى اوضتها مشوفتهاش غير مره او اتنين من زمان اوى .

اومأ رأسه بالتأكيد وقال:
-ايوه ما هى مع كله كده حتى معانا كده فى البيت قليل اوى لما تطلع تاكل معانا ولا تشاركنا مناسبه.

تكلمت بقلق وقالت:
-بس هى كده محتاجه تتعرض دكتور امراض نفسيه لأن اللى هى فيه ده مش طبيعى يا معاذ انتوا ازاى ساكتين عليها كده.

رد عليها بعدم فهم وقال:
-امراض نفسيه!! بس انا بنتى مش مجنونه يا دنيا هى انطوائيه بس مش اكتر.

رفعت إحدى حاجبيها إلى الاعلى وقالت:
-مجنونه!! انت عبيط يا ابنى مين قالك أن المريض النفسي مجنون هو بس بيعاني من شوية اضطرابات نفسيه ومحتاج تأهيل بطريقه معينه، استنى اناديلك مهاب ابنى هو دكتور امراض نفسيه.

ثم هتفت بصوت مرتفع عليه جاء إليها من الخارج ونظر لها بتساؤل:
-خير يا ماما فيه حاجه؟

اومأت رأسها بالتأكيد وقالت:
-ايوه يا حبيبى تعالى اقعد عايزاك.

جلس بجوارها ونظر لها بأهتمام.
قصت دنيا له عن ابنة خاله ثم قالت بتساؤل:
-مش كده تبقى محتاجه تأهيل نفسي؟

اومأ رأسه بالتأكيد وقال بتوضيح.
-ايوه يا ماما محتاجه كمان جلسات مكثفه، لأنها واضح جدا أنها بتعانى من اضطرابات نفسيه، وعندها رهاب اجتماعى أو ما يسمي اضطراب القلق الاجتماعي.

نظر له بقلق وقال بتساءل:
-يعنى ايه اللى قولته ده يا ابنى طمنى؟

اجابه بنبره هادئه وقال بتوضيح:
-يعنى يا عمو معاذ هى حاليا بتعانى من الرهاب الاجتماعى، هتلاقيها متوتره جدا الكلام بيخرج منها بصعوبه أو ممكن تمتنع عن الكلام نهائي بمزاجها، بترفض تروح الكليه بتاعتها علشان بتخاف تتعامل مع اى حد ينتقدها بالسلب أو مثلا بتعرق كتير وبتبقى مكسوفه لو غصبتوا عليها تقعد فى مكان فيه ناس كتير أو مثلا تهرب من حالتها دى بشرب كمية كبيره من الكوفي، على طول عصبيه مش مركزه عدم الثقه فى النفس التوتر المبالغ فيه، كل دى اعراض عندها واهمالكم لعلاجها وصلها لمرحله متأخره بس طبعا مش هقدر اقولك حالتها ايه بالظبط غير لما اقعد معاها وأشوف حالتها بنفسي.

تنهد بقلق وقال بتساءل:
-طيب ده فيه خطورة عليها ممكن تأذى نفسها يعنى.

اومأ رأسه بالتأكيد وقال:
-وارد جدا بس حالات بسيطه وبتبقى نتيجة إهمال العلاج وتوصل لكره نفسها وانتقاد أفعالها بنفسها لدرجة أنها اول فكرة بتيجى فى دماغها هى إنهاء حياتها والتخلص من حالة التوتر اللى حاسه بيها.

حرك رأسه بخوف شديد وقال بترجى:
-طيب ارجوك يا ابنى انقذ بنتى ده أنا وامها ملناش غيرها.

تكلم بنبره هادئه وقال:
-اهدا يا خالو متقلقش أنا هاجى عند حضرتك واقعد معاها واعرف حالتها وصلت لايه بالظبط والوقت اللى احنا قاعدين فيه هنا هعمل اللى عليا وبعد كده هفهم حضرتك تكمل معاها ازاى.

ابتسم له بأمتنان وقال.
-ربنا يباركلى فيك يا ابنى ويحميك لشبابك.

استقام بجسده وقال بأبتسامه هادئه:
-ميرسي يا خالو عن اذنكم.

تكلمت دنيا سريعآ بتساؤل وقالت:
-اخوك فريد جه ولا لسه؟

حرك رأسه بالرفض وقال:
-لا يا ماما لسه.

قال كلامه وخرج إلى البهو الملحق بالفيلا.

نظر معاذ إلى أثر مهاب وقال:
-ربنا يباركلي فيهم يا حبيبتى بقوا رجاله طول بعرض ماشاءالله.

ابتسمت له بحب وقالت:
-اللهم امين ويخليلك بنتك وتفرح بيها يا حبيبى.

وفى ذلك الوقت هتفت هدي عليهم حتى يأتوا إلى الطاوله ليتناولوا الطعام.
………………………………………………….
تسطحت حور على فراشها بأرهاق شديد وأغلقت عينيها حتى تنام لكن فى ذلك الوقت أعلن هاتفها عن وجود اتصال نظرت به اعتقادا منها زين لكنها تفاجئت برقم غير معروف إجابة عليه سريعا وقالت:
-السلام عليكم، مين معايا؟

أتاها صوت رجولى غير مألوف لها قائلا:
-عامله ايه يا انسه حور، أنا سيف السيوفي.

اتسعت عيناها بصدمه وتكلمت بغضب شديد وقالت:
-انت!! انت جبت رقمى منين وازاى تتصل بيا فى وقت زى ده؟!

اجابها بنبره هادئه وقال:
-جبت رقمك منين دى حاجه سهله اوى بالنسبالى، أما بقى متصل بيكى دلوقتى ليه، علشان واحشتينى اوى ومش هعرف انام غير لم اسمع صوتك الاول.

اعتدلت على فراشها وتكلمت بنفاذ صبر قائله:
-لأخر مره هقولها ليك الزم حدودك واحترم نفسك أنا مخطوبه مخطووووبه مينفعش اللى بتعمله ده لو خطيبى شم خبر والله ما هيحصل كويس، اخر مره تكلمنى على التليفون فاهم احسن والله هقول لبابا يتصرف معاك بطريقته بقى.

وفى ذلك الوقت ظهر على الشاشه اتصال زين تعالت دقات قلبها بخوف شديد وتكلمت بترجى.
-لو سمحت اقفل بقى خطيبى بيتصل بيا واكيد شافنى call waiting وهيسألنى مليون سؤال، منك لله عملتلى مشكله معاه.

ثم ضغطت على الشاشه بأصابع مرتعشه وقالت بصوت مرتبك:
-خ خ خير يا زين فيه حاجه.

رد عليها بغضب وقال بتساؤل:
-بتتكلمي مع مين فى وقت زى ده ؟

ابتلعت ريقها بصعوبه وتكلمت بتلعثم:
-ها ك ك كنت بتكلم م م مع رهف:

تكلم بعدم تصديق قائلا:
-رهف دلوقتى؟!

تكلمت بصعوبه وهى تشعر بقلبها سوف يقف عليها من شدة الخوف:
-ا ا ايوه يا زين ي ي يعنى هكون بكلم مين يعنى؟

زفر بضيق وقال بصوت مختنق:
-حور انا حفظك اكتر من نفسك وخوفك وارتباكك ده بيقول أن فيه حاجه مخبياها عليا قولي ايه هى وخلينى اعرفها منك احسن ما اعرفها من بره ووقتها رد فعلى مش هيعجبك.

ابتلعت ريقها بصعوبه وتكلمت بصوت مرتعش:
-ق ق قولتلك مافيش حاجه يا زين م م متكبرش الموضوع على الفاضى دى كانت رهف.

صمت للحظات ثم تكلم بهدوء حذر:
-تمام يا حور مصدقك خلاص، يلا أنا قولت اسمع صوتك واطمن عليكى قبل ما انام تصبحى على خير.

أنهى كلامه واغلق الخط دون أن يستمع منها رد.
نظرت حور إلى الهاتف بخوف شديد وقالت:
-انا متأكده أن هو مقتنعش بكلامى وهدوءه ده وراه كارثه ربنا يستر.

ثم قامت بالاتصال على رهف وانتظرت الرد لكنها لم تجيب عليها علمت أنها نائمه لأن الوقت متأخر ارسلت لها رساله على إحدى وسائل التواصل الاجتماعي ثم وضعت الهاتف بجوارها وأغلقت عينيها وذهبت فى سبات عميق.
………………………………………………….
تسطح ايوب على فراشه وأخذ قمر داخل أحضانه مقبلا رأسها بحنان محاوطآ بذراعيه بقوه وقال بسعادة.

-ريان كلمنى من شويه علشان عايزين يجوا يتقدموا لنغم، ايه رأيك.

نظرت له بحزن وقالت:
-عارفه بتول كلمتنى علشان كمان زين وحور بس بسرعه كده انا ملحقتش أشبع منهم.

ابتسم لها وقال بنبره هادئه:
-يا حبيبتى عدي بيحبها واستناها كتير اوى ورفض يحب ويكون لغيرها وهى كمان بتحبه خلينا بقى نجمع الاولاد مع بعض وقلوبنا ترتاح من ناحيتهم.

تنهدت بضيق واومأت رأسها بالموافقه وقالت:
-ماشي يا حبيبى اللى تشوفه حدد ميعاد معاهم وخليهم يجوا.

قبل رأسها بحب وقال:
-ربنا يسعدهم يارب ونشوف ولادهم وتبقى تيته زى القمر واحكى لاحفادنا عن احلى واجمل قصة حب بتاعتنا.

تمسكت به بقوه وقبلت يده بحب وقالت:
-وانا هحكيلهم أن احن واطيب راجل فى الدنيا اللى دخل قلبى من اول لحظه عيونا اتقبلت فيها صحيح كنت خايفه منك بسبب الحلم ده بس قلبى دق ليك اول دقه ومن وقتها كل دقه فى قلبى بدق باسمك انت.

ابتسم لها بحب وقال بمزاح:
-تعرفى اول مقابله اتقابلنا فيها انا وانتى لما كنتى هتوقعى فى المترو وانا لحقتك اتشديت أوى لعيونك بس لما شوفت حركاتك الغريبه قولت ايه البت المجنونه دى وبعد كده كترت الصدف ما بينا وفى كل مره تشوفينى تهربى وانا كنت هتجنن لحد ما مامتك الله يرحمها تعبت وطلبت تقابلنى فى اوضتها وقتها حكت ليا عن الحلم وقدرت افهم تصرفاتك معايا وحركاتك الغريبه اه اضايقت منكرش بس فى النفس حبيتك وحسيت انك ملزومه منى واخد عهد على نفسي هفضل احميكى لحد اخر يوم فى عمرى لحد بقى اللى حصل وحبس مروان ليا وجوازه منك ومحاولته لقتلى وتهريبي بره مصر ورجوعى تانى ليها وانا كانت عندى رغبة انتقام منك ومنه لحد ما طلبتى حمايتى، الأحداث دى كلها رغم قسوتها إلا أنها قوة حبنا لبعض راحت ايام كتير حلوه فى دموعك وحزنك على غياب نغم عنك بس فى الاخر ربنا عوضنا وجبر بخاطرنا ورجع نغم لحضننا وادينا اهو هنجوزها هى واختها وهسلمهم لرجالتهم بنفسي يااااه قلبى بيرقص من الفرحه صحيح الفرحه لما بتيجى بعد صبر بيبقى احساسها مختلف وحلو اوووى.

لمعت عينيها بعشق ايوب ونظرت له على أنه أعظم انتصاراتها وقالت بصوت هامس:
-بعشقك يا ايوب، كل حته فيا بتموت فيك، ربنا يخليك ليا، ويديم علينا سعادتنا.

ملس بيده على شعرها وتكلم بسعاده:
-هتفضلى أعظم انتصاراتي يا قمري، تصبحي على خير يا عمري.

دقائق معدودة واستسلم كل منهما إلى النوم.
………………………………………………….
فى صباح اليوم التالى….

استيقظت نغم من نومها على صوت رنين الهاتف الخاص بها نظرت به بأعين ناعسه وارتسمت ابتسامه على شفتيها إجابة بتثاؤب قائله:
-صباح الخير يا عدي مش ملاحظ انك صحتنى بدرى أوى النهارده.

ابتسم على كلماتها وقال بنبره هادئه:
-اعمل ايه لسه راجع من الشغل وكنت هموت واسمع صوتك قبل ما انام شويه.

اعتدلت على فراشها وتكلمت بحب:
-وانا مضايقتش على فكره ده بالعكس اليوم اللى اصحى فيه على صوتك بحسه أنه جميل ومختلف.

تعالت ضحكاته وقال بمزاح:
-اومال لو تجربي بقى تصحى وانتى فى حضنى ده بقى احساس من نوع تانى خااالص.

اتسعت عينيها بخجل شديد وتكلمت بصعوبه:
-ع ع عدي بطل قلة أدب احسنلك.

زفر بنفاذ صبر وقال:
-يااااه امته بقى تبقى بتاعتى ومعايا هتجنن عليكى يا نغم قلبي.

ردت عليه بخجل وقالت:
-ا ا انت شكلك طالبه معاك رومانسيه على الصبح و و وانا الصراحه نفسي بتجزع.

تعالت ضحكات عدي وتكلم بصعوبه:
-نفسك ايه يا اختى؟ تجزع!! اااه يا بختك المنيل يا عدي يعنى اقعد مستنيكى طول السنين دى كلها وفى الاخر تقوليلى نفسي بتجزع من الرومانسيه، اشوف فيكى يوم يا نغم يا بنت ام نغم.

ابتسمت على كلماته وقالت:
-لا نفسي بتجزع من الرومانسيه الأوفر إنما بقى بحبك واحشتني الكلام المحترم ده بيفتح النفس.

تكلم بلؤم وقال بدعابه:
-اممم يعتبر الكلام ده بيجر لحاجه تانيه.

تكلمت بنفاذ صبر وقالت:
-عدددددي بقولك اتلم احسنلك.

ظل يضحك بقوة على رد فعل نغم وتكلم بصعوبه:
-اقسم بالله احلي ضحكه بتطلع من القلب معاكى انتى، ربنا يديمك فى حياتى وميحرمنيش منك يارب.
ثم تنحنح بتوتر وقال:
-ن ن نغم عايز اطلب حاجه منك ممكن.

شعرت بتوتر من طريقة كلامه وقالت بتساؤل:
-خير يا عدي ايه هو الطلب؟!

أجابها بتوتر وقال بتوضيح.
-نغم مش عايزك تنزلى الشركه اليومين دول لأن هكون مشغول عندى بقضيه مهمه ومش هكون فاضى احميكى ومش هكون مطمن ولا هركز طول ما انا قلقان عليكي.

تكلمت بضيق وقالت بتذمر.
-بس أنا فرحانه اوى أن بدأت استوعب الشغل واتعلمه ومش عايزه ارجع اقعد فى البيت ولو على قلقك عليا انا ببقى موجوده مع زين وانس يعنى متقلقش ولو مش هتقدر توصلني، الصبح انزل مع بابا ايوب يوصلني على سكته وبعد الشغل هخلى زين أو انس يوصلوني ارجوك وافق يا عدي بلاش توقف في طريقي وتمنعنى من حاجه بحبها.

زفر بضيق وقال بتوضيح.
-يا حبيبتى والله مش عايز امنعك من حاجه بتحبيها بس انا بخاف عليكى اوى وبالى بيبقى مشغول بيكى طول ما انتى بعيده عنى ولو نزلتى الشغل ده هيقلل تركزى ومش هعرف اشوف شغلى استحملى بس الشهر ده وبعد كده اخليكى ترجعى تانى براحتك.

ظلت صامته ولم ترد عليه.

تكلم عدي مره اخري وقال بترجي.
-علشان خاطرى يا نغم استحملي الايام دى لحد ما اخلص من القضيه اللى ماسكها وبعد كده اعملى اللى عايزه تعمليه.

شعرت بدقات قلبها تتسارع بقوة من شدة الخوف وتكلمت بتساءل:
-هما نفذوا حكم الاعدام فى محروس ولا لسه يا عدى؟

ابتلع ريقه بصعوبه وتكلم بتوتر.
-ها و و وبتسألى ليه يا نغم؟

تكلمت بضيق وقالت بترجى.
-علشان خاطرى رد عليا يا عدي اتنفذ الحكم ولا لسه؟.

تنحنح برجوليه وقال بصوت مرتبك:
-ل ل لسه يا نغم.

اخذت نفس عميق واخرجته بهدوء وقالت بقلق:
-اوعى تكون القضيه اللى مشغول بيها دى تكون بتاعة محروس، ا ا اصل ايه هيخليك تخاف عليا اوى كده غير حصل حاجه عندك فى قضيته.

رد عليها سريعا وقال بتوتر.
-ا ا انتى عبيطه يا بنتى ح ح حاجة ايه دى اللى هتحصل فى القضيه ده واحد اتحكم عليه بالاعدام خلاص ومنتظر فى اى وقت بتنفذ فيه، قلقى عليكى من كتر حبى فيكى يا نغم ملوش دعوه بمحروس خالص.

رغم أنها لم تطمئن من طريقة كلام عدى بس ردت عليه بالطاعه وقالت.
-حاضر يا عدي هأجل نزولي الشركه شويه بس مش كتير فاهم.

تنهد بأرتياح واجابها بسعاده وقال.
-هى دى بنوتى الشاطره اخلص بس من شغلى ده وهترجع كل حاجه زى الاول واحسن.

تكلمت بصوت مختنق وقالت:
-ماشى أنا هقفل بقى علشان اجمل نومي باااي.

أغلقت الخط معه ونظرت أمامها بقلق بالغ وقالت بصوت مرتعد.
-ربنا يستر قلبى مش مطمن وحاسه أن الموضوع ده يخص محروس.

تمدت مره أخري على تختها وظلت تنظر إلى الاعلى تتذكر حوارها مع عدي ودقات قلبها تتعالي بخوف شديد مما هو اتي.
………………………………………………….
بقلمي#دودومحمد
“ما وراء الماضي”23

“البارت الثالث وعشرون”

بغرفة زياد استيقظ من نومه على صوت رنين الهاتف الخاص به اجاب عليه دون أن ينظر على الشاشه وتكلم بصوت ناعس:

-السلام عليكم.

أتاه صوت أنوثي غير مألوف له:
-صباح الخير يا زيزو صحى النوم قوم يلا هتتأخر على الجامعه.

عقد حاجبيه بأستغراب ونظر إلى شاشة الهاتف وجده رقم غير معروف وضعه مره آخري على أذنه وقال بتساءل:
-مين معايا ؟!

أجابته بصوت هامس وقالت:
-انا رحمه، يا زيزو معقوله مش عارف صوتي؟

اغلق عينه بضيق وتكلم بصوت مختنق:
-رحمه!! انتى جبتى رقمي منين؟!

تعالت ضحكاتها وقالت بتوضيح:
-دى حاجه سهله اوى يا زيزو ما انا معايا تليفون فرح على طول واخد منه رقمك مش قصه يعنى.

ضغط على أسنانه بنفاذ صبر وقال:
-وخير متصله بيا ليه؟

أجابته بصوت هادئ قائله:
-متصله اصحيك علشان متتأخرش على الجامعه وكمان قولت اسمع صوتك بالمره.

رد عليها بصوت منزعج وقال:
-طيب بعد كده متشغليش بالك بصحيانى لان عندى منبه وكمان ماما بتصحينى أما بقى صوتى اللى عايزه تسمعيه فأنا مش عايزك تتعشمى بحاجه لمجرد اتكلمت معاكى كويس ومافيش ما بينا اى حاجه تربطنا ببعض لأن انا بأختصار بعشق فرح ياريت يكون وضحتلك الصورة مع السلامه.

أنهى كلامه واغلق الخط دون أن يستمع منها رد ولكن تفاجئ بوجود اتصال لفرح وذلك ما جعل قلبه يتراقص من شدة السعاده لاول مره تفعلها وهذا مؤشر جيد لعلاقتهم ضغط على الشاشه واعاد الاتصال بها ثوانى معدودة وسمع صوتها المتحشرج من البكاء تقول له:
-انت كنت بتكلم مين فى وقت زى ده؟

حاول أن يخفى السعاده الواضحة فى نبرته واجابها بصوت اكثر هدوءٍ:
-عادى يا فرح كنت بتكلم مع رحمه ولما خلصت مكالمتها ببص لاقيت اتصالك على الشاشه، خير فيه حاجه؟

عند سماعها كلماته شعرت وكأن خنجراً رشق بقلبها مزقه إربًا تكلمت بصوت واضح عليه الحزن وقالت:
-رحمه!! ه ه هي علاقتكم وصلت لمكالمات التليفون؟!

شعر بحزنها ولكن ما أسعد قلبه الغيره الواضحه من نبرة صوتها تكلم بهدوء عكس ما يشعر به.
-يعنى بتتصل بيا الصبح تصحينى بليل بنتكلم نطمن على بعض قبل ما ننام، كده يعنى.

تعالت شهقاتها اخترقت أذنيه عبر الهاتف وتكلمت بصعوبه.
-م م ماشى يا زياد أنا هقفل علشان اجهز لجامعه.

تكلم سريعا وقال بتساءل:
-استنى، هو انتى كنتى متصلة ليه؟

ردت عليه بصوت مختنق وقالت:
-خلاص اللى كنت متصله علشان اعمله فيه غيرى سبقنى سلام.
أنهت كلامها وأغلقت الخط دون أن تستمع كلمه اخرى منه.

نظر إلى الهاتف بسعاده وتعالت ضحكاته ونهض من على تخته وظل يدور بغرفته بطريقه كوميديه ويقول بعدم تصديق.
-فرح بتحبنى وبتغير عليا اخيررا مش مصدق نفسي حاسس ان طاير من الفرحه.

وفى ذلك الوقت انتفض على صوت قمر وهى تقول له بنفاذ صبر:
-يا ابنى انت اتجننت ولا ايه عمال تلف حوالين نفسك فى الاوضه كده وعمال تكلم فى نفسك شبه المعاتيه كده ليه.

نظر لها بخضه وتكلم بصوت كوميدى:
-موتى على ايدك يا قمر فى مره هتخضينى بالشكل ده قلبى هيطب ساكت منك، فيه اختراع اسمه خبط على الباب، ده كل من هب ودب دق على باب انثى السنجاب، وانتى مش عارفه تدقى على بابى قبل ما تدخلى.

اقتربت منه وصفعته بخفه على رأسه وقالت:
-يا ابنى انت هتعقل امته مش صغير على اللى بتعمله ده والله.

جلس على السرير وقال بثقه:
-هعقل بس بشرط واحد جوزينى بنت اختك، احسن اخطفها واغتصبها وسعتها هتجوزها برضه غصب عنكم.

اتسعت عيناها بصدمه وحركت رأسها بعدم تصديق وقالت:
-انت يا ابنى متخلف، ايه اللى بتقوله ده؟

ابتسم ببلاها وقال بغمزه:
-تجوزهالى بما يرضى الله ولا اخطفها واتجوزها بما لا يرضيكم.

جلست أمامه وتكلمت بنبره جاده وقالت:
-يا زياد بتكلم بجد مش هينفع دلوقتى لازم الاول تخلصوا دراستكم وكل واحد يمسك مكانه فى شركته وتستقروا وبعد كده تشوفوا موضوع الجواز ده مش عايزاكم تتسرعوا انتوا لسه صغيرين مش عايزه يحصلكم زى ما حصل مع خالتك بتول وعمك ريان وفى الاخر بعد ما اتحدوا العالم واتجوزوا وهما لسه صغيرين مكملوش اسبوع جواز وطلقها ولحد دلوقتى الاتنين بيتحملوا نتيجة تسرعهم ده لو كانوا صبروا شويه لحد ما خلصوا تعليمهم ونضجوا شويه كان ممكن حياتهم اختلفت دلوقتى اللى عايزه اقوله ليك يا ابنى التسرع اسوء حاجه موجوده فى الدنيا دى وعواقبه صعبه هتفضل ندبه موجوده فى قلب كل واحد فيكم وعمرها ما هتلم علشان كده بيقولوا فى المثل، فى العجله الندامه وفى التأني السلامه.

اومأ رأسه بتفهم وتكلم بنبرة هادئه متزنه:
-انا عارف يا ماما أن لسه بدرى على الخطوة دى وان لسه قصادنا مشوار طويل قبل خطوة الجواز انا عايز بس اخطبها دلوقتى علشان اطمن أنها هتبقى ليا واقدر اكون جنبها بحاجه رسمي والفرح بقى والجواز هيكون بعد التخرج.

ربت على يده بحنو وقالت بنبره أم.
-انا مش عايزاك تزعل منى يا زياد أنا امك وعايزه مصلحتك وشوفت نفس قصتكم دى مع خالتك بتول وعمك ريان ومن واجبي كأم انصحك و أوجهك لصح يا حبيبى.

قبل يدها بحب وقال بأبتسامه هادئه:
-ربنا يخليكى ليا يا ست الكل وتفضلي ظلي وحمايتى لاخر يوم فى عمري.

نهضت قمر بأبتسامه وقالت:
-ويخليكم ليا يا حبيبى، هروح بقى احضركم الفطار على ما تجهزوا.

خرجت قمر من عنده وظل يتابعها حتى اختفت من امام نظره قفز بسعاده وقال بعدم تصديق.
-فرح بتحبنى وبتغير عليا مش قادر اصدق نفسي.

ثم تحرك بسعادة بأتجاه المرحاض حتى يجهز حاله.
………………………………………………….
فى غرفة حور

استيقظت حور على رنين الهاتف الخاص بها نظرت به وجدتها رهف اعتدلت سريعا وإجابة عليها بقلق وقالت:
-الله يخربيتك كل ده نوم أنا رنيت عليكى كتير اوى امبارح.

ردت عليها بنفاذ صبر وقالت:
-ابلعى ريقك خلينى اقولك الكلمتين بسرعه.

ابتلعت ريقها بتوتر وقالت بتساؤل:
-ز ز زين كلمك صح؟!

ردت عليها بتوضيح وقالت:
-ايوه صحيت على اتصاله ولاقيته بيسألنى إذا كنت كلمتك بليل متأخر ولا لا المشكله ان لما رديت عليه مكنتش لسه شوفت رسالتك بس حسيت أن الموضوع فيه أن قولتله ايوه بس زين مش سهل سألنى الكلام ده كان الساعه كام فتحت الاسبيكر بسرعه وقولت اكيد انتى بعتى ليا رساله وفعلا شوفت وقت الرساله بتاعتك ونقصت دقيقتين منها وقولتله الوقت، بس برضه كان فيه مشكله تانيه هو لما قفل معاكى بليل رن عليا على طول وانتى عارفه أن بعمل الفون سيلنت قبل ما بنام لاقيته بيقولى ولما انتى اللى كنتى بتكلميها ليه مردتيش عليا لما اتصلت بيكى ستر ربنا جه الرد المناسب على طول على لسانى وقولتله أن قفلت معاكى وعملت الفون صامت ونمت على طول ومشوفتش اتصاله وقتها حسيت أنه مش مقتنع بأى حاجه من اللى قولتها والشك مالى قلبه خدى بالك بقى علشان عينه هتفضل عليكى اليومين الجاين من غير ما تحسي.

زفرت بضيق وتكلمت بصوت مختنق:
-ياررربى بقي اعمل ايه فى المصيبه السوده دى لو زين شم خبر أن شغاله مع اللى اسمه سيف ده مش هيعديها على خير وهيربط الخيوط ببعضها وهيعرف أن اللى كان بيكلمنى امبارح ده سيف.

ردت عليها بعدم فهم وقالت بتساؤل:
-طيب وده كان بيكلمك امبارح ليه؟

تكلمت بصوت مرتعد وقالت:
-معرفش يا رهف معرفش، انا خايفه اوى وشكل الزفت ده مش ناوي على خير معايا، قوليلى اتصرف ازاى فى الموضوع ده.

شعرت بخوف حور الواضح فى كلامها واشفقت عليها وقالت:
-طيب ما تروحى قولي لعمو ايوب وهو يتصرف معاه.

ابتسمت بحزن وقالت :
-بابا!! ده اى حاجه بقولها ببقى غلط فيها ومش هيصدقنى لو قولتله وهيقول أن بقول كده علشان رافضه وجودهم فى الشركه، انا حاسه ان تايهه اوى يا رهف ومش عارفه اتصرف ازاي.

تنهدت بوجع على حال صديقتها حور وقالت:
-طيب قومى دلوقتى اجهزى وتعالى الشركه علشان متتأخريش وتحصل مشكله مع عمو ايوب ولما تيجى نفكر بهدوء هنعمل ايه فى المصيبه دى.

تكلمت بحزن وقالت بصوت مختنق:
-ماشى باي.

أغلقت الخط والقت الهاتف بجوارها وارجعت شعرها إلى الوراء وتكلمت بتيه:
-يارب حلها من عندك أنا بحب زين ومقدرش على زعله ولا هستحمل اعيش يوم واحد بعيده عنه.

اخذت نفس عميق واخرجته بهدوء ثم نهضت من على فراشها واتجهت إلى المرحاض.
………………………………………………….
تجمعت عائلة ايوب حاول طاولة الطعام ونظر إلى ابنائه بأستغراب ثم نظر إلى قمر وقال بتساؤل:
-اومال نغم فين منزلتش ليه لحد دلوقتي؟

أجابته بعدم فهم وقالت:
-مش عارفه قالتلى أنها مش هتنزل الشركه اليومين دول.

عقدة بين حاجبيه بأستغراب وقال:
-مش هتنزل الشركه؟! ازاى دى كانت فرحانه اوى بنزولها الشركه، هى متخانقه مع عدي ولا ايه؟

حركت يدها وقالت بعدم معرفه:
-مش عارفه والله يا ايوب، هى مقالتش حاجه غير انها مش هتقدر تنزل الشركه اليومين دول ونامت وانا مرضتش اتضغط عليها وسيبتها براحتها.

اومأ رأسه بتفهم وقال:
-تمام أنا لما ارجع بليل ابقى اقعد معاها واعرف السبب أيه…
ثم استقام بجسده ونظر إلى حور وقال:
-عايزك تكونى قبلى فى الشركه فاهمه.

أنهى كلامه وخرج صعد سيارته واتجه بها إلى الشركه .

نظرت حور إلى أثره بضيق وتكلمت بتهكم وقالت:
-ده على اساس أني هروح فى طياره، ما انا هروح بالعربيه زى زيه، ده ايه الغلب ده يا ربي هلاقيها منين بس ولا منين.

نظرت لها قمر بلوم وقالت:
-عيب يا حور اتكلمى على ابوكى بأدب.

استقامة بجسدها بحزن شديد وقالت:
-حاضر يا ماما حاضر.

وتركتها وخرجت بغضب شديد صعدت السياره الخاصه بها واتجهت إلى الشركه بسرعه جنونيه.

نظر زياد إلى أثر حور بأستغراب وقال:
-ماما حور شكلها مضايقه بجد وفيه حاجه مزعلاها وضغطه على أعصابها ابقى اقعدى معاها ولا نغم تقعد معاها شوفوها مالها.

أومأت رأسها بالموافقه وقالت:
-ماشى يا حبيبى بليل لما ترجع من الشغل ابقى اقعد معاها وأشوف مالها.

ابتسم لها بحب وهب واقفا وقال:
-هروح أنا بقى يا قمري وهبقى اكلمك وانا راجع اخر النهار علشان لو محتاجه حاجه.

ومال بجسده مقبلا رأسها وتحرك إلى الخارج صعد سيارته واتجه إلى الجامعه.
………………………………………………….
استيقظ عامر بوجه عابس فهو ظل حبيساً بغرفته طوال اليوم السابق حتى لم يذهب إلى الأماكن المشبوهة كالمعتاد نهض من على فراشه واتجه إلى المرحاض أخذ حماما دافئآ وخرج ارتدى ملابسه ومشط شعره وهبط إلى الاسفل وجد والدته تجلس على الأريكة تكلم بصوت مختنق وقال:
-صباح الخير.

نظرت له بأبتسامه وقالت سريعا:
-صباح النور يا حبيبى هقوم احضرك الفطار بسرعه قبل ما تمشي.

حرك رأسه بالرفض واتجه إلى الباب وتكلم بصوت مختنق:
-مش عايز مليش نفس.
أنهى كلامه وصعد سيارته وتحرك بأتجاه الشركه الخاصه بسيف السيوفى حتى يستلم مكتبه الجديد بهذه الشركه كما اتفقوا فى الاجتماع وعندما ذهب هناك تم الترحيب به ورافقته إحدى الموظفات العاملات بالمكان إلى غرفة مكتبه وقالت بترحاب.
-منور يا استاذ عامر، استاذ سيف مأكد علينا كلنا اننا نكون تحت امرك وننفذ طلباتك بالحرف.

نظر لها نظرات ذات معنى لم يترك انش بها إلا وعلق نظره عليه ابتسمت هذه الفتاة من نظرات عامر الجريئه واقتربت منه أكثر وقالت:
-بتمنى يكون استاذ عامر راضى على المكتب ده ذؤقى على فكره.

ابتسم لها وقال بصوت هامس:
-عجبني المكتب واللى نفذته اوى، وشكل الايام الجايه هتكون مسليه اوى.
أنهى كلامه بغمزه.

تعالت ضحكاتها الرقيعه وقالت بنبره ذات معني:
-شكلك مش سهل خالص، وهشوف منك كتير الفترة الجايه.

حرك يده على ذراعها العاري وتكلم بغمزه.
-وانتى شكلك شقيه وهستنى منك كتير.

تعالت ضحكاتهم وكل منهما ينوى شيئًا ما داخلهم وكأن لعب الشيطان دوره ليعقد إتفاق فاسدا كالمعتاد مع بنى أدم غير مبالي بعقاب الله الشديد المنتظر.
………………………………………………….
وصلت حور إلى الشركه وتحركت سريعا إلى المكتب الخاص بها وجدت زين يجلس بداخله بوجه عابس ينتظرها ابتلعت ريقها بتوتر وابتسمت له خوفا وتكلمت بتلعثم.
-ز ز زين ن ن نورت المكان يا حبيبى، بس خير ا ا ايه سر الزياره المفاجئ ده؟

نهض من على مقعده واقترب منها ونظر لها بتمعن وتكلم بهدوء حذر وقال بتساؤل:
-لأخر مره هسألك يا حور مخبيه ايه عنى؟

تعالت دقات قلبها بخوف شديد وتكلمت بصعوبه.
-و و وانا لآخر مره بقولك م م مافيش حاجه مخبيها ع ع عليك يا زين، و و وبعدين ايه شغل قلة الثقه ده ازاى تتصل برهف وتسألها إذا كانت هى اللى بكلمها ولا لا لدرجاتى انت مش واثق فيا يا زين.

تكلم بغضب وقال:
-بلاش شغل قلب الترابيزه ده يا حور انتى عارفه ومتأكده أن انا بثق فيكى وعارفه برضه أن انا بفهمك من نبرة صوتك كويس اوى وده اللى مأكدلى انك مخبيه حاجه عنى وانتى عمرك ما عملتيها يا حور.

ابتلعت ريقها بصعوبه وقالت:
-ل ل لا يا زين شغل قلب الترابيزه ده انت اللى بتعمله مش انا وبعدين يعنى هخبي عنك ايه بس ما انت عارف كل حاجه وعمرى ما دارت حاجه عليك متجيش بقى تراقبنى وتسأل من ورايا بكلم مين فى التليفون، طيب لو انا اللى عملت كده واتصلت بأنس بعد ما قولتلى بتكلمه وسألته زين كان بيكلمك انت ولا لا مش هتزعل أن مش واثقه فيك وبكذب كلامك وبسأل من وراك، قول كلمة الحق يا زين.

زفر بضيق وتكلم بصوت مختنق:
-لو كذبت عليكى من حقك تشكى فيا وتسألى من ورايا بس انا براعى ربنا فيكى وعمرى ما خبيت عنك حاجه حياتى كتاب مفتوح ليكى يا حور وانتى كنتى كده لحد امبارح الكتاب اتقفل ومش قادر افك شفرته وده اللى مجننى.

تجمعت الدموع فى عينيها واقتربت منه وامسكت يده وقالت بصوت مختنق:
-زين أنا بحبك والله العظيم بموت فيك متخليش الشك يدخل ما بينا ويدمر حبنا، أنا فتحت عينى على حبك انت كبرت وكبر جوايا ورجالة العالم ده كلها متمليش عينى انت وبس اللى مستحوذ على كل حاجه فيا ومستحيل ضوفر واحد منى يبقى لغيرك بس ثق فيا ارجوك.

اغلق عينه حتى يهدأ قليلا وأخذ نفس عميق ثم اقترب منها وكوب وجهها بين يديه ونظر لها بوجع وقال:
-دموعك غاليين اوى عليا يا حور انا متأكد من اخلاقك لانك متربيه على ايدي وعارف تربيتي عامله ازاى بس احساسي هيجننى متأكد انك مداريه عنى حاجه، بصى أنا مش هتضغط عليكى وهسيبك تخدى وقتك بس مش كتير، تعالى قوليلى ومهما كانت الغلطه كبيره هسامحك عليها لو عرفتها منك بس اقسم بالله لو عرفت اللى مخبياه عليا من بره ما هرحمك وهتنسي أن كان فى حياتك واحد اسمه زين نهائى علشان هتبقى كتبتى نهاية حكاياتنا بأيدك ماشي.

زاغت ببصرها بعيد عنه واومأت رأسها بالطاعه.

اومأ رأسه بعدم أرتياح وقال بصوت مختنق:
-ماشي هروح انا علشان اتأخرت على الشركه وهستناكى تقوليلى كل حاجه متتأخريش عليا.

وخرج من عند حور هبط إلى الاسفل وعند وقوف المصعد تحرك زين إلى الخارج متزامن مع دخول سيف إلى الداخل نظر له زين بأستغراب حتى انغلق الباب وبدأ المصعد يتحرك إلى الاعلى شعر زين بعدم الارتياح حرك رأسه بالرفض واتجه إلى سيارته وتحرك بها مسرعا إلى الشركه.
………………………………………………….
وصل مهاب عند منزل معاذ بعدما هاتفه على المحمول وطلب منه أن يحضر إلى منزله كما اتفقوا ضغط على زر الجرس و ثوانى معدودة فتح له معاذ بترحاب احتضنه بقوه مطالباً منه إنقاذ ابنته الوحيده تحرك إلى الداخل وجد زوجة خاله ابتسم لها وصافحها بأحترام وتكلم بتساءل:
-هى فين، ممكن اقابلها؟

حركت زوجة معاذ رأسها بحزن وقالت:
-للاسف يا ابنى هى بترفض تخرج من اوضتها أو تتكلم مع اى حد.

ابتسم لها ابتسامه مطمئنه وقال:

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى