دودود محمد الجزء الثاني

-متقلقيش يا طنط أنا هعمل ما فى وسعي علشان تبقى كويسه، ممكن بس تقوليلها أن ابن عمتها عايز يقعد معاها.
اومأت رأسها بالموافقه ونهضت من على مقعدها واتجهت إلى غرفة ابنتها وطرقت على الباب وقالت بصوت هامس:
-ريفال مهاب ابن عمتك بره وعايز يقابلك.
حركت رأسها بالرفض وقالت:
-م م مش عايزه ا ا اقابل حد ممكن.
تكلمت بترجى وقالت :
-علشان خاطرى يا ريفال.
تكلمت بغضب وقالت :
-قولتلك ل ل لا يا ماما.
وفى ذلك الوقت تفاجئوا بصوت مهاب يقول لهم:
-خلاص يا طنط روحى انتي.
اتسعت عيناها بصدمه ووقفت بغضب شديد وقالت:
-ا ا انت ازاى يا بنى أدم ت ت تدخل عليا ا ا أوضى كده ا ا انت اتجننت.
نظر إلى زوجة خاله وقال بأبتسامه هادئه:
-روحى انتى يا طنط متقلقيش ولا تشغلى بالك.
اومأت رأسها بالطاعة وتحركت إلى الخارج وأغلقت الباب خلفها.
نظرت له بغضب شديد وتكلمت بصراخ.
-اطلع بررره بقولك مش عايزه اتكلم م م مع حد اتفضل بره اوضى احسنلك.
جلس على المقعد الخشبى أمام المكتب الخاص بها بأبتسامه هادئه وقال:
-اقعدي يا ريفال أنا ابن عمتك وعايز اتكلم معاكى كلمتين مش هاكلك يعنى.
شعرت بأرتياح من طريقة كلامه وجلست على السرير دون أن تتكلم بحرف واحد لكنها كان يظهر عليها الارتباك الشديد.
اخرج حبايه من جيب بنطاله وقال بتساؤل:
-تحبى تخدي حبايه تهديكى شويه.
هدرت به بغضب وقالت:
-تهدينى!! ليه حد قالك عليا أن مجنونه وبشد فى شعري.
ظل محتفظ بأبتسامته الهادئه الجميله وقال:
-وانا مقولتش انك مجنونه بالعكس انتى عاقلة و ست العاقلين بس الحبايه دى بتساعدك تكونى هاديه جدا أنا اصلا باخد منها على طول وعلشان تصدقى هاخد واحده منها قصادك.
واوهمها أنه وضع حبايه داخل فمه وارتشف من الماء المتواجد امامه وقال.
-امم ايه رأيك كده؟ يلا خدى انتى كمان.
نظرت له بتوتر وأخذت من يده الحبايه ووضعتها بفمها وابتلعتها بالماء.
ظل يتابعها بهدوء تام حتى شعر بأرتخاء اعصابها تكلم بتساؤل وقال:
-عامله ايه دلوقتى.
اومأت رأسها بهدوء وقالت :
-ك ك كويسه.
اخرج ورقه وقلم ونظر لها وقال:
-ممكن بقى نتكلم مع بعض شويه وتحكيلى حياتك عامله ازاى بتفكرى فى أيه نفسك تعملى ايه ومعملتهوش!!
تنهدت بوجع وقالت بصوت فاقد للحياة:
-هتصدقنى لو قولتلك مش نفسي فى اى حاجه خالص حياتى فاضيه لا كان فيها اللى بيشغلها ولا هيكون فيه.
نظر لها بترقب وقال بتساؤل:
-ولا حتى حبيتى قبل كده؟
تجمعت الدموع فى عينيها والتزمت الصمت.
أعاد عليها السؤال بصيغه اخرى وقال:
-الحب بالنسبالك ايه؟
تكلمت بصوت مختنق وقالت:
-اكبر كدبه موجوده على الأرض.
-لييه؟!
قالها مهاب وهو يتابعها بترقب.
أجابته بدموع وقالت :
-علشان الناس كلها بتستخدمه كوسيله لغرض ما أو لمصلحه أو لتحقيق أهداف شخصيه او….
ازدادت دموعها وقالت بصوت متحشرج من شدة البكاء.
-او رهان يلعبوا بى ببنات الناس.
وصل مهاب إلى مبتغاه أومأ رأسه بابتسامه وقال بتوضيح.
-بس دول مجرد فئه قليله موجوده فى المجتمع علشان تفسد فيه إنما الناس كلها مش وحشه ولا كلها بتستخدم الحب غلط فيه ناس الحب ده شئ اساسي فى حياتهم الحب بالنسبه ليهم هو الحياة بصى على صوابع ايدك كلها مش زى بعضها زى الناس بالظبط مش زى بعضها قبلتك قله من قاع المجتمع دورى تانى وتالت هتلاقى ناس تشبهك وبتحبك واول ناس دورى عندهم هما اهلك شاركيهم يومك اهتماماتك فرحتك حتى حزنك هتلاقى فكرتك اتغيرت عن المجتمع هتلاقى نفسك انفتحتى للحياة شوفتيها بشكل تانى هتظهر فى حياتك ناس جديده بصدمات جديده واحداث جديده وكل صدمه هتقابلك هتقويكى اكتر من الاول لحد ما تلاقى نفسك شخص جديد فاهمه الدنيا صح مبيضحكش عليكى بسهوله ويمكن يجى يوم وانتى اللى تعلمي على الناس دى بشخصيتك القويه وحضورك اللى بيفرض نفسه فى اى مكان تروحيه.
شعرت بالطاقه داخلها ترتفع إلى أعلى مستوياتها وهذا الشئ لم يحدث منذ زمن طويل ابتسمت له بأستغراب وقالت بتساؤل:
-هو انت ازاى كده؟!
حرك رأسه بعدم فهم وسألها باستغراب:
-كده ازاى مش فاهم؟!
أجابته بتوضيح وقالت بأبتسامه هادئه.
-مش عارفه طريقة كلامك بتدى طاقه غريبه بتخلى الواحد غصب عنه نظرته تتغير للحياة.
ابتسم لها برجوليه وقال بمزاح:
-لا انا كده اتغر بقى.
تعالت ضحكاتها وقالت:
-لا والله بتكلم بجد طريقتك غريبه عندك حاجه زى المغناطيس بتسحب من جوايا الطاقه السلبيه.
تنهد بهدوء وتكلم بنبره جادة وقال:
-لو عايزه ترجعى ريفال بتاعة زمان سيبى ليا نفسك ونفذى اللى هطلبه منك بالحرف.
نظرت له بقلق وتراجعت إلى الخلف وابتلعت ريقها بصعوبه وقالت:
-قصدك ايه، ا ا انت عايز ايه منى؟
حرك رأسه بالرفض وقال بأبتسامه:
-هعوز منك ايه بس انا ابن عمتك وانتى بنت خالى وابوكى قاعد بره وعارف أن انا معاكى هنا فى الاوضه ومدينى الثقه الكامله، وانتى جايه تخافى منى وتسألينى عايز منك ايه، شيلى الأفكار دى من دماغك.
ابتلعت ريقها بتوتر وقالت بأسف:
-ا ا انا اسفه.
تكلم سريعا وقال بصوت هادئ:
-اول حاجه هطلبها منك هى الثقه بالنفس أياكى تقولى اسفه لأى حد الا للشديد القوي انت أميرة نفسك ومحدش يستحق كلمة ضعف أو يستقل بيكي اه الاعتذار مطلوب بس مش فى كل الاوقات ولا لأى حد وخلاص…
اومأت رأسها بالموافقه وانتظرت منه المزيد.
اكمل كلامه وقال بصوت هادئ:
-انتي جميله اوى وملامحك هاديه وشكلك شيك وتتحبي زى ما انتى خلي قلبك عزيز عليكى وميروحش غير للى يستحقه.
ابتسمت له وكأنه وصل لحلقة مفقوده داخلها تكلمت بتساؤل وقالت:
-يعنى انا فعلا حلوه ولا انت بتقول كده مجامله.
حرك رأسه بالرفض وقال بتأكيد.
-طبعا حلوه مافيش انسان خلقه ربنا وحش كل واحد فينا ربنا ميزه بميزه اهم حاجه تحبى نفسك اوى وترضى بشكلك وقتها الناس هتحبك لحبك لنفسك.
نظرت له بعدم فهم وقالت بتساؤل.
-يعنى ايه احب نفسي اكون انانيه يعنى.
ابتسم على ساذجتها وقال بتوضيح.
-لا طبعا مش ده قصدي، قصدى حبى ملامحك شكلك جسمك لبسك شعرك حبي كل حته فيكى وشوفي نفسك مميزه كمان وقتها احساسك ده هيوصل لناس وهما كمان هيحبوكى لحبك لنفسك، خلى عندك ثقه بالنفس لأن انتى تستحقي تكونى كده.
نظرت إلى الأرض وقالت بصوت مختنق:
-بس انا بخاف.
لم يريد أن يضغط أكثر من ذلك عليها استقام بجسده وقال بأبتسامه.
-ايه رأيك امشى دلوقتى وابقى اجيلك تانى.
نظرت له بحزن وقالت بصوت منكسر.
-انت كمان هتمشى زيهم وتسيبنى زهقت منى زى ما كله بيزهق منى.
حرك رأسه بالرفض وتكلم بابتسامه هادئه:
-لا طبعا مزهقتش منك خالص بالعكس أنا حبيت الكلام معاكى اوى بس كل الحكايه عمتك دنيا هتنفخنى علشان اتأخرت على الاكل وكسرت لوحة القوانين.
ابتسمت على كلماته ونظرت له بعدم تصديق وقالت:
-ي ي يعني هتيجى ليا تانى؟
أجابها سريعا وقال:
-ايوه هجيلك تانى وتالت، ايه رأيك نبقى أصحاب؟
نظرت له بتوتر وقالت بدموع:
-بلاش أصحاب علشان كل ما اصاحب حد يزهق منى ويسيبنى.
مد يده لها حتى يصافحها وقال بنبره حماسيه.
-اللى يسيبك اياكى تزعلى عليه لأنك كده ربنا بيحبك علشان شاف نيته ايه من ناحيتك وبعده عنك شاف أن قلبك ابيض ونضيف وتستحقى اللى احسن منه.
ابتسمت له بسعاده وقالت:
-هستناك تيجى تاني.
اومأ رأسه بالتأكيد قائلا:
-اكيد جاى تانى ومن هنا لحد ما اجيلك ليا طلب صغير عندك…
نظرت له بترقب. فأكمل كلامه قائلا:
-بلاش جو الاوضه ده يعنى اخرجى منها شويه شاركى مامتك فى البيت اقعدى اتكلمى مع باباكى شويه متنسيش انك بنتهم الوحيده ومحتاجين وجودك فى حياتهم.
ابتسمت له وقالت بنبره هادئه.
-حاضر .
تحرك بأتجاه باب الغرفه وقبل أن يخرج منه وقف مكانه عندما سمع صوتها تقول له…
………………………………………………….
بقلمي#دودومحمد
“ما وراء الماضي”24
“البارت الرابع وعشرون”
تحرك مهاب بأتجاه باب غرفة ريفال وقبل أن يخرج منه وقف مكانه عندما سمع صوتها تقول له..
-بابا وماما هما اللى طلبوا منك تكلمنى؟
استدار ونظر لها بابتسامه وتكلم بهدوء:
-وده هيفرق معاكى فى حاجه؟اعتبريها بداية جديده وانسي الأسباب.
أنهى كلامه وخرج من الغرفه واغلق الباب خلفه.
نظرت إلى أثره بأستغراب وشعرت بشئ ما سيحدث أثر هذا اللقاء.
عندما ظهر مهاب من خلف الباب ركض معاذ إليه بقلق وقال بتساءل:
-طمني يا ابنى ايه الاخبار؟
ظل محتفظ بابتسامته الهادئه وتكلم بتوضيح:
-يا خالو اهدا ملوش داعى اللى حضرتك عامله ده، أنا اتكلمت معاها وكان عندها قبول جدا للحوار معايا واتفقنا هاجى ليها تانى.
تكلمت زوجة معاذ وقالت بتساءل:
-طيب قالتلك ايه طمنى؟
حرك رأسه بالرفض وقال:
-انا اسف يا طنط مش هقدر اقولك الكلام اللى قالته ليا ده سر المهنه بس اللى اقدر اقوله أن هى ماشاءالله عليها مستجابه جدا معايا واول جلسه نجحت بنسبه خمسين فى الميه، أنا طلبت منها انها تخرج تساعدك فى شغل البيت تتكلم معاك يا خالو لو لاقتوها عملت كده متحاولوش تظهروا ليها اى رد فعل إذا بالفرحه أو الاستغراب أو الحزن أو الشفقه اتعاملوا معاها عاااادى خالص كأنها بتعمل كده معاكم كل يوم لأن ردود افعالكم هيوترها هيخليها تنسحب تاني لاوضتها.
اومأ معاذ رأسه بالموافقه وقال:
-ماشى يا ابنى انت هتيجى ليها امته تانى.
حرك رأسه بعدم معرفه وقال:
-مش عارف لسه هشوف وقتى يسمح ليا امته وهتصل بحضرتك وابلغك.
تحرك بأتجاه الباب واوصله معاذ وتكلم بشكر وامتنان:
-شكرا يا ابنى مش عارف اقولك ايه على اللى بتعملوا معايا ربنا يسعدك ويحققلك كل اللى بتحلم بي يارب.
ربت على كتفه بأبتسامه وقال:
-انا معملتش حاجه يا خالو ده وجبى اتجاهها وان شاءالله قريب اوى تبقى فى احسن حال.
أنهى كلامه وخرج من الباب هبط إلى الاسفل صعد سيارته وعاد إلى الفيلا الخاصه بهم.
………………………………………………….
بالجامعه…
وصل زياد إلى حرم الجامعه وجد رحمه تنتظره بأبتسامه زفر بضيق وتكلم بصوت هامس:
-يخربيت ام اللزقه دى بنى ادمه بارده…
ثم اقترب إليها بأبتسامه باهته وقال:
-خير يا رحمه كنتى بتتصلى بيا ليه بعد الكلام اللى قولته ليكي.
تكلمت بنبره عاشقه وهى تنظر له قائله:
-مهما تقولى عمرى ما ازعل منك يا زيزو وانت قولت احنا اصحاب وانا راضيه بكده حاليا وهستنى اليوم اللى هتتغير فيها مشاعرك اتجاهى.
اغلق عينه حتى يهدأ قليلا وتكلم بنفاذ صبر.
-قولتلك مليون مره قلبى فيه واحده وبس، فرح هى اللى متربعه فيه ومحدش هيقدر ياخد مكانها مهما حصل.
اشتعلت نيران الحقد داخل قلبها ولكنها حافظة على إظهار هدوئها وقالت:
-وانا مش هزعل مدام سعادتك معاها بس يكفينى اكون جنبك حتى لو اصدقاء.
وفى ذلك الوقت وصلت فرح وعينيها متورمه من كثرة البكاء ابتسمت رحمه بحقد وأقتربت أكثر من زياد وهتفت عليها قائله:
-فرح يا روحه تعالى رايحه فين!
نظرت لهم بحزن شديد وتجاهلت نداء رحمه وابتعدت عنهم.
نظر زياد لها بحزن وشعر بتأنيب الضمير وتحرك سريعا إليها وأمسك ذراعها وقال بأستغراب:
-فرح مش رحمه بتنادى عليكى مش بتردي ليه؟
أغلقت عينيها بوجع وقالت بصوت مختنق:
-مسمعتهاش معلش اعذرونى متاخره على المحاضره.
ونظرت إلى يده الممسكه بذراعها وقالت:
-سيب دراعى يا زياد علشان امشي.
نظر بعينيها نظره مطوله ثم ارغمها على التحرك معه وابتعد بها بمكان لا يوجد به أحد وتكلم بصوت مختنق وقال:
-ممكن بلاش دموعك اللى فى عيونك دى وتقوليلي مالك.
نظرت الاتجاه الآخر وتكلمت بصوت مختنق وقالت:
-بابا واحشنى اوى.
حرك رأسه بالرفض وقال:
-لا مش هو ده السبب انا عارف ان عمو وليد واحشك وواحشنا كلنا، بس السبب حاجه تانيه خالص.
تنهدت بوجع وحاولة تمنع دموعها من الهطول وتكلمت بصعوبه:
-انت جاى ورايا ليه دلوقتى عايز منى ايه يا زياد روح عند رحمه وسيبنى فى حالى ارجوك.
أسند ظهرها على الحائط واقترب منها وحرك يده على وجينتها وازال عبراتها وتكلم وهو ينظر بعينيها.
-قولتلك بلاش دموع يا فرح قلبى مش بيقدر يستحمل يشوف دموعك.
توترت من قربه لها وتكلمت بصعوبه:
-ز ز زياد انت ب ب بتعمل ايه ابعد لو سمحت.
تعالت أنفاسه وتكلم بنفاذ صبر:
-انا بحبك انتى يا غبيه حتى لما حاولة اقسي عليكى مقدرتش، حاولة أظهر ليكى انك مش فى بالى بس عيونى فضحانى، قولت هشغل وقتى مع غيرك بس معرفتش، أنا بحبك وانتى كمان بتحبينى كفايه نتهرب من مشاعرنا اكتر من كده يا فرح.
تراقصت دقات قلبها بسعاده وتكلمت بتلعثم وقالت:
-ي ي يعني مافيش اى حاجه بينك انت و رحمة؟
ابتسم لها وحرك رأسه بالرفض وقال بصوت هامس:
-ولا اى حاجه، هى بتحاول تقرب مني وانا ولا شايفها اصلا لانك انتى اللى ساكنه هنا ومافيش غيرك فيه.
وأشار إلى قلبه.
نظرت إلى الأرض بخجل وقالت بتوتر:
-ط ط طيب ممكن تبعد بقى مينفعش اللى انت عامله ده.
ابتعد عنها بأبتسامه وقال بغمزه:
-انا بعد بس علشان خدودك اللى احمرت دى إنما الصراحه كان نفسي اك…
تدخلت سريعا وقالت بضيق:
-زياد اتلم انت اتجننت ولا ايه مينفعش اللى انت بتعمله ده.
نظر لها بزعل مزيف وقال بطريقه كوميديه.
-اه منك انتى يا قاسيه يا مفتريه اكمنى بحبك وبموت فيكى بتعملى فيا كده اخس عليكى والف خسايه.
ابتسمت على كلماته ونظرت الاتجاه الآخر وعقدة ذراعيها على صدرها وقالت:
-مجنون على فكره مش طبيعى.
اومأ رأسه بالتأكيد وقال:
-ايوه فعلا بس مجنون بحبك.
وضعت يدها على وجهها وتكلمت بخجل وقالت:
-يا ابنى بقى كفايه حرام عليك هموت منك من الكسوف مش كده يا اخى.
رفع إحدى حاجبيه إلى الاعلى وتكلم باستغراب:
-يا ابنى!! يا اخى! انتى ناويه تجلطينى بتنادى عليا بألقاب متنفعش خاااالص ما بينا.
حركت رأسها بنفاذ صبر وقالت.
-ربنا يصبرنى عليك وعلى حبك المجنون ده.
أنهت كلامها وركضت سريعا من أمامه بابتسامه مرسومة بسعاده على وجهها.
نظر إلى أثرها بسعاده وتنهد بحب وقال بتمنى.
-يااارب قرب البعيد وأجمعنى ببنت سلطح ملطح اللى مجننانى دى.
كانت رحمه تتابعهم من بعيد والنار مشتعله بداخلها تحاول اخمادها لكن ذالك احرق روحها أكثر نظرت أمامها تتوعد إلى فرح وتتعهد لنفسها أن زياد سوف يكون لها هى فقط لا غير.
………………………………………………….
جلست حور خلف المكتب الخاص بها تفكر فى حلاً تخرج به من هذا المأزق زين إذا وضع شي برأسه فلا مفر من علمه به تعالت دقات قلبها بخوف وهى تتخيل ردت فعله عندما يعلم بوجود سيف وبما يفعله معها حركت رأسها بخوف وقالت:
-لا لا لا أن شاءالله مش هيعرف حاجه ده ممكن يطربق الدنيا كلها فوق دماغنا وممكن يبعد عنى ويسيبنى انا اروح فيها لو ده حصل يارب حلها من عندك.
وفى ذلك الوقت سمعت صوت طرقات على الباب أذنت لطارق بالدخول وفى ذالك الوقت انفتح الباب وظهر أمامها سيف بطلته الرجوليه والابتسامه مرتسمه على وجه وقال:
-واحشتيني.
أغلقت عينيها بغضب وتكلمت بنفاذ صبر:
-لو سمحت اطلع بره كفايه اوى اللى بيحصلى بسببك.
جلس على المقعد أمامها لم يبالى بما قالته وتكلم بنبره هادئه:
-اوعى يكون خطيبك من النوع الشكاك لا خلى بالك لو فعلا كده هتتعبى اوى معاه أساس اى علاقه الثقه.
نظرت له بضيق وتكلمت بترجي:
-لو سمحت بترجاك ابعد عنى وسيبنى فى حالى حياتى ملكش دعوه بيها أنا وخطيبى حرين، انت طلعتلى منين بس.
نهض من على مقعده واقترب منها وجلس على حافة المكتب أمامها ونظر لها نظرة ذات مغزى وتكلم بنبره حذره:
-والله ده مش بأيدي من النادر جدا أن سيف السيوفي يتعلق بواحده وانا اتعلقت بيكى ومش هسيبكى وهتبقى بتاعتى انا وبس.
حركت رأسها بغضب وقالت بتحذير:
-انا بتاعة زين الديب وبس وعمرى ما هكون لغيره متحلمش كتير علشان مش هيتحقق.
مال بجسده إليها ونظر بعينيها بتحدى وتكلم بهمس:
-هنشوف يا حوري.
وملس بأنامله على وجينتها وغمز لها ثم استقام بجسده وهندم ملابسه وتحرك بأتجاه الباب ثم استدار لها وقال
-صح نسيت اقولك عندنا مقابله بليل فى فندق(…)علشان ترتيبات الحفله.
اتسعت عيناها بصدمه وحركت رأسها بالرفض وقالت:
-ل ل لا مش هينفع ارجوك روح انت وخلص كل حاجه.
ابتسم لها بهدوء وقال :
-لازم تكونى موجوده يا حلوه، هعدي عليكى بعربيتى الساعه تمانيه بااي.
أنهى كلامه وخرج من عندها واغلق الباب خلفه.
نظرت إلى أثره بدموع وتكلمت بخوف شديد.
-يا مصيبتك السودة يا حور، هعمل ايه فى المشكله دى خروج كمان معاه، ده زين مجرد كلام وهينيل عشتى محال لو عرف أن خرجت معاه.
هبت واقفه وتكلمت بنفاذ صبر.
-لا انا لازم اكلم بابا يشوف صرفه للموضوع ده.
وتحركت إلى الخارج واتجهت إلى المكتب الخاص بوالدها طرقت عليه وسمعت صوته يأذن لها بالدخول دلفة إلى الداخل وتكلمت بصعوبه.
-ب ب بابا ا ا انا عايزه اتكلم مع حضرتك فى موضوع اللى اسمه سيف ده لو سمحت مش عايزه اتعامل معاه خالص ممكن تخلى اى موظف تانى يكمل معاه.
نظر لها بأهتمام وقال بتساؤل:
-ليه تخطي حدوده معاكى؟
ابتلعت ريقها بتوتر وشعرت بالخوف يتسلل إلى قلبها من عواقب ما سينطقه لسانها قائلة بتلعثم:
-ها ل ل لا ب ب بس لو زين عرف ب ب بموضوع سيف ده مش هيحصل خير.
نظر لها نظره مطوله وطرق بيده على سطح المكتب وتكلم بعصبيه:
-واحنا نوقف مصلحتنا وشغلنا علشان سي زين بتاعك بلاش محن فى شغلنا الله لا يسيئك بدل ما احلف ما فيه خطوبه من اساسه وانهى الموضوع قبل ما يبدأ.
انتفضت مكانها بخوف شديد وانهمرت دموعها بغزاره وتكلمت بلوم:
-ليه يا بابا ليه مصمم تمحى شخصيتى أنا متأكده انك بتحبنى وبتخاف عليا بس مش قادره أستحمل يا بابا نفسي تفهمنى لو لمره واحده بس نفسي تاخد برأى وتعمل بى نفسي مره اكلمك فى حاجه من غير ما تزعقلى وتوجعنى، سيف مش ملاك وانا مش مرتاحه لكلامه وحركاته طريقته فيها حاجه غلط وانا مش بقول كده دلع ولا علشان مش حابه بس فعلا أنا مضايقه من طريقته دى ولازم حضرتك تحترم رغبتى فى أن مش عايزه اشتغل معاه.
أغلق عينه محاولا الهروب من نظرة عينيها وتكلم بأمر:
-وانا قولتلك هتشتغلى معاه يا حور وكلمتى أنا اللى هتمشى اتفضلى روحى على مكتبك.
نظرت له بحزن وكسره وركضت سريعا إلى المكتب الخاص بها جلست على مقعدها وظلت تبكى حتى تقطعت أنفاسها.
………………………………………………….
استيقظ عدى من نومه ونظر بالهاتف على الوقت وزفر بأرهاق شديد ثم نهض من على فراشه واتجه إلى المرحاض وبعد وقت خرج وارتدي ملابسه ومشط شعره وهبط إلى الاسفل وجد فرح وزين وبتول حول طاولة الطعام نظر إلى مقعد وليد بحزن وتذكر عندما كان يهبط من الاعلى ويرى ابتسامته الحنونه على وجه تنهد تنهيده حارة وتحرك بأتجاههم قبل رأس والدته وجلس بجوارها وقال:
-مالكم مش بتاكلوا ليه؟
أجابته فرح بتوضيح وقالت:
-مافيش طلعت علشان اصحيك تنزل تاكل لاقيتك فى الحمام وسمعت صوت الميه عرفت انك بتاخد شاور نزلت قولت لماما وقعدنا نستناك.
ابتسم لها ابتسامه حنونه وقال:
-ماشى يا حبيبتى كلى يلا.
ظل زين يعبس بالطعام بالمعلقه دون شهيه تابعته بتول بأستغراب وقالت بتساؤل:
-زين مش بتاكل ليه؟
انتبه لها وابتسم بحزن وقال:
-شبعت الحمدلله يا ماما.
نظر له عدي وقال بقلق:
-مالك يا زين ايه اللى مضايقك؟
حرك رأسه بضيق وقال:
-مافيش يا عدي انا كويس.
ثم استقام بجسده وقال بصوت مختنق:
-تصبحوا على خير.
قالها وصعد على غرفته دون أن يستمع كلمه اخرى من أحد.
نظرت بتول إلى أثره بقلق وقالت :
-عدي اخوك مش طبيعى فيه حاجه مزعلاه.
اومأ رأسه بالتأكيد وتكلم وهو يستقام بجسده قائلاً:
-ايوه يا ماما باين عليه بس شكله زعلان هو وحور ولا حاجه الصبح لما ارجع من الشغل أن شاءالله ابقى اقعد اتكلم معاه واعرف ماله.
مال بجسده مقبلا يداها وتحرك باتجاه الباب ولكنه وقف مكانه عندما استمع صوت بتول تقول له بتساؤل:
-روحت لابوك يا عدي؟
استدار لها واومأ رأسه بالتأكيد قائلا:
-ايوه يا ماما روحتله وقالى أنه هيكلم عمو ايوب ويتفق معاه على ميعاد وكمان انس متقدم لاختى رهف وقال هيخلينا فى يوم واحد مع بعضينا.
تنهدت بتوتر وقالت بتساؤل:
-عامل ايه دلوقتى وهو قاعد على كرسي متحرك؟
تكلم بصوت مختنق وقال:
-مضايق وحزين والوجع مالى عينيه بس بيحاول يدارى ده عنى.
أغلقت عينيها بحزن وقالت:
-ماشى يا حبيبى روح يلا شغلك علشان متتأخرش.
ابتسم لها ابتسامه هادئه وتحرك إلى الخارج صعد سيارته متجها إلى عمله.
نظرت بتول إلى فرح وقالت:
-انا هدخل انام وانتى خلصى أكلك وشيلي الاطباق تصبحى على خير.
اومأت رأسها بالطاعه وقالت:
-حاضر يا ماما، وانتى من أهله.
دخلت بتول غرفتها نظرت إلى الصورة الخاصه بوليد وابتسمت لها بحزن وقالت:
-واحشتنى اوى يا وليد الايام ملهاش معنى من غيرك كلها بقت شبه بعضها والبيت بقى كئيب من بعد غيابك يا حبيبى ربنا يرحمك ويصبر قلبى على فراقك.
أنهت كلامها وتمدت على تختها وظلت تنظر إلى الاعلى تسترجع ذكرياتها مع وليد حتى غالبها النوم وذهبت فى سبات عميق.
………………………………………………….
عند حور كانت تتجهز لذهاب مع سيف إلى الفندق للاتفاق على حفلة توقيع العقود والدموع تتسابق على خديها وفى ذالك الوقت دخلت عليها قمر ورأت الدموع على وجهها اقتربت منها سريعا وتكلمت بقلق:
-حور مالك يا حبيبتى بتعيطى ليه.
ارتمت داخل أحضان قمر وتكلمت بدموع:
-مش عايزه اعمل كده يا ماما زين لو عرف هيبعد عنى وانا مقدرش اعيش من غيره.
تكلمت بعدم فهم وقالت بتساؤل:
-مش عايزه تعملى ايه، وايه ده اللى لو زين عرف هيبعد عنك بسببه؟
ابتعدت عن حضنها ونظرت لها بدموع وقالت:
-الشركاء الجداد اللى معانا فى الشركه فيهم واحد اسمه سيف مش كويس ومش مرتاحه ليه وبابا مصمم أن اشتغل معاه وزين اصلا مأكد عليا مشتغلش مع رجاله ولا اتعامل معاهم نهائى وده كل شويه مكالمات وكل شويه ينط ليا فى مكتبى وكلامه مش مريحنى اصلا ولما قولت كده لبابا زعقلى وصمم أن أكمل شغل معاه وكمان هيجى يخدنى دلوقتى نروح الفندق اللى هيبقى فيها القاعه بتاعة الاحتفال.
نظرت إلى ابنتها بحزن وربتت على يدها وقالت بصوت هادئ حنون:
-طيب اهدي دلوقتى وروحى معاه وانا هكلم ابوكي يشوف حد غيرك يشتغل مع اللى اسمه سيف ده.
ابتسمت لها بسعاده وقالت :
-بجد يا ماما؟! انت اجمل ام فى الدنيا كلها بحببببك.
ابتسمت على حركات ابنتها المجنونه وقالت :
-ربنا يصبرنى على جنانك انتى واخوكى زياد هروح أنا أشوف اختك اللى نايمه من بدرى فى اوضتها.
ابتسمت لها بأمتنان واومأت رأسها بالموافقه.
تحركت قمر من الغرفه وتركت حور بمفردها سعيده بمساعدتها لها والتخلص من الشخص المسمى بسيف.
أعلن هاتف حور عن وجود اتصال نظرت له بتوتر و ابتلعت ريقها بصعوبه وأخذت نفس عميق ثم اجابه عليه قائله:
-ز ز زين عامل ايه دلوقتى؟
أجابها بصوت مختنق وقال:
-مضايق يا حور ومش هرتاح غير لما اعرف انتى مداريه عليا ايه.
تكلمت بصعوبه وقالت بصوت مختنق:
-ت ت تانى يا زين انت مبتزهقش ما قولتلك م م مافيش حاجه انت اوڤر اوى على فكره ومكبر الموضوع وهو مش موجود من اساسه.
وفى ذالك الوقت اضاء هاتفها أثناء المكالمه وكان المتصل سيف تعالت دقات قلبها بخوف شديد وقالت:
-ز ز زين ا ا انا هقفل معاك بقى ع ع علشان هنام تصبح على خير .
لم تنتظر رد منه وأغلقت الخط سريعا وإجابة على اتصال سيف بضيق وقالت:
-عشر دقايق واكون عندك سلام:
أغلقت الخط وبدأت تستكمل ما كانت تفعله ودقائق معدودة كانت حور تقف أمام سيف الذى انبهر بجمالها وقال بأعجاب واضح:
-انتى حلوه اوى كده ازاى؟!
أغلقت عينيها حتى تهدأ وتكلمت وهى ضغطه على أسنانها قائله:
-مش عارفه للمره الكام الصراحه اللى قولتلك فيها ألزم حدودك بس كأنى بقولك العكس حاجه مقرفه الصراحه.
اقترب منها ونظر لها نظرات جريئه وقال:
-حد يبقى شايف القمر ده كله قصاده ويقدر يتحكم فى نفسه ده أنا أخد جايزة نوبل والله فى الصبر.
نظرت له بضيق وحركت رأسها بعدم رضا وتحركت بأتجاه الباب الخلفى وصعدت السياره وأغلقت الباب خلفها.
ابتسم على حركاتها المحببه لقلبه وصعد أمام المقود وأدار السياره ونظر لها بالمراه وغمز لها وتحرك بها مسرعا إلى الفندق.
………………………………………………….
استيقظت نغم على صوت والدتها ابتسمت لها بأعين ناعسه وقالت:
-صباح الخير يا ماما هى الساعه بقت كام؟
جلست بجوارها وملست على شعرها وقالت بقلق:
-احنا بقينا الساعه تمانيه بليل يا حبيبتى انتى تعبانه ولا ايه اول مره تنامى النوم ده كله.
اتسعت عيناها بعدم تصديق وقالت:
-احيه بجد معقوله اكون نمت النوم ده كله! غريبه مش عارفه مالى زى ما صدقت ارتاح من الشركه يومين اريح فيهم جسمى احسن قرار أخدته.
نظرت لها بعدم تصديق وقالت بتساءل:
-يعنى انتى عايزه تقوليلى أن القرار ده قرارك انتى مش قرار سي عدى.
زاغت بعينيها بعيد عنها حتى لا ينكشف أمرها وقالت بتوتر:
-ع ع عدى، وهو ليه هيمنعنى انزل الشغل يا ماما إذا كان هو اللى اقنعنى انزل الشركه وأتعلم كل حاجه فيها.
حركت كتفيها بعدم معرفه وقالت:
-مش عارفه بقى يا بنتى اصل اللى يشوف حماسك اول يومين فى الشغل يقول انك هتنامى فى الشركه من كتر فرحتك واتفاجئت بقرارك انك مش هتنزلي الشركه الفترة دى.
اعتدلت على فراشها وامسكت يد قمر وقالت بتوضيح :
-يا قمري يا حبيبتى أنا لحد دلوقتى متحمسه لشغل وعندى طاقه رهيبه لشركه بس علشان جديده لسه مش متعوده قولت ارتاح يومين وارجع تانى.
حركت رأسها بتفهم وقالت بابتسامه حنونه:
-ربنا يريح قلبك ويسعدك ويجعلك فى اعلى المراكز يارب يا نغم يا بنت قمر.
قبلت يدها بحب وقالت بسعاده:




